*الخرطوم كوم من النفايات*

03:05 PM August, 25 2016 سودانيز اون لاين
ذواليد سليمان مصطفى-sudan
مكتبتى
رابط مختصرالخرطوم كوم من النفاياتالحل؟بالرغم من معانات المواطن والموظف والقوات النظامية فالمنظر واحد داخل احياء العاصمة القومية سواء في قلب العاصمة السودانية الخرطوم أو بقية محليات الولاية.اصبح الخرطوم الولاية مكب للنفايات وليس وحدنا نصب النفايات ، حتى الاجنبي الذي يسكن الخرطوم يتعامل معنا بجدع النفايات خارج الاماكن المخصصة.اذن الامر معقد وسي للغاية والوطنية غائبة من نفوس بعض المواطنين، فكلنا نعاني مرارة الاوساخ والمياه الراكدة ومياه البلاعات والسايفونات وجبال النفايات في الشوارع الرئيسية والاحياء الداخلية والطرفية.اشبه قلب العاصمة شبه قرية ريفية لاتتوفر فيه كل الخدمات وبعض الاحياء الطرفية ربما انظف من وسط الخرطوم العاصمة.عديد من الشوارع يسمح لك بالمرور البطي سواء كان بسيارتك او قدمك والقدم ليه رافع، واحياناً تخرج من منزلك نظيف فتجد من يعكر مزاجك بماء البلاعات والمجاري من اصحاب السيارات.الحلول التي اتعملت كثيرة وربما باعت بالفشل من قبل خبراء الصحة وشركات النظافة، ومن هنا اعلن التحدي لكل الخبراء واقول له بالفم المليان ان كل الدراسات فاشلة فتبقى لكم دراسة واحدة وهي الغرامة لكل من يرمي قطعة سيجارة او عود كبريت (ثقاب) اوقشرة حلاة ...............الخ.الحل:على المجلس التشريع بولاية الخرطوم ان يسن قانون غرامة لكل من تسول نفسه برمي النفايات في الشارع وبدون وضعه في الاماكن المخصصة، فالنظافة واجب انساني وطني ولا علاقة له بالنظام الحاكم.اؤيد اصدار هذا القانون بشدة وعلى الاجانب احترام انفسهم واحترام وطننا فالسودان ليست مكب للنفايات وعلى السودانين احترام القوانين قبل احترام الشخصيات.فتوكلوا وشرعوا قوانين غرامة ومحاكمة لكل من يتسول برمي النفايات خارج النطاق المخصص. على ان يعم الفكرة كل السودان، ومن هنا ننطلق لنظافة الوطن.
http://up.top4top.net/
ذو اليد سليمان مصطفى
باحث في حوار الحضارات

http://up.top4top.net/

http://up.top4top.net/

http://up.top4top.net/

http://up.top4top.net/

بالله، الأجانب برضو برموا الوساخة زيّنا في الشارع؟!
الناس ديل تعبنا منهم!

Quote: بالله، الأجانب برضو برموا الوساخة زيّنا في الشارع؟! الناس ديل تعبنا منهم!

هلا بيك يا ابوبكر عباس
الحبشيات بالذات بيعملوا شاي وباقي الرماد والفحم وموية الغسيل كشح في الزلط

مرة يا ذا اليد، كنا في اسكندرية، مشينا نشتري رغيف من الفرن (من الفرن طبعا، حيكون من الاستبالية)
البنت البياعة مشّت كم واحد مصري ونحن واقفين قبليهم. اها صاحبي (باسبار يا مستنير) قال ليها إشمعنى عشان نحن أجانب؟
الوكت داك نحن جُداد في الجامعة وأول مرة نطلع من السودانالبت بعد طلّعت تعبير صوتي بتاع أحّا داك قالت ليهو: أقانب! (وتاني أحّا)، تعالوا شوفوا الأقانب يا اخواتي
انتهت
أها يا ذا اليد انت بتقول على الحبش اقانب؟ ياخ ديل ابناء النيل (الأزرق) مننا و فينا
أنا قايلك قاصد ناس القائم بأعمال ناس ابوبكر علوم بتاع السويد داك
بعدين كويس الحبشيات ديل كبن الرماد في الظلط، كان يكبنو في خشمنا دا

سلام ياذى اليد
الحكومة دى اصلها كايسا ليها لى سبوبة تعمل بيها جبايات
والسبوبة جاتها لغاية عندها فحقو تفرض غرامة على اى زول
يرمى تراش فى الشارع ,, وغرامة اكثر على اصحاب العمارات
والمبانى اللى بتركوا المخلفات قدام بيوتهم ,, وغرامة على وزير
وموظفين الصحة والبلدية وبتوع المحليات كل يوم عشان ماشايفين
شغلهم واهو منها الحكومة تكون عملت قروش والبلد نِضفَت والشعب اتعلَّم

سلام ياذى اليد
الحكومة دى اصلها كايسا ليها لى سبوبة تعمل بيها جبايات
والسبوبة جاتها لغاية عندها فحقو تفرض غرامة على اى زول
يرمى تراش فى الشارع ,, وغرامة اكثر على اصحاب العمارات
والمبانى اللى بتركوا المخلفات قدام بيوتهم ,, وغرامة على وزير
وموظفين الصحة والبلدية وبتوع المحليات كل يوم عشان ماشايفين
شغلهم واهو منها الحكومة تكون عملت قروش والبلد نِضفَت والشعب اتعلَّم
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
مرحب اخي/ عبدالعزيز الفاضلابي

الشغلة مش حكومة الشغلة شغلت وطن ومن المفترض نكون وطنين
لان الحكومة ذاتها محتاجة الى مخالفات وطكثير منهم بيرموا النفايات في الشارع
وان شاء الله البلد تنضف ومبلغ الغرامات يدفعهو لعمال النظافة

شكراَ للمرور

أها يا ذا اليد انت بتقول على الحبش اقانب؟ ياخ ديل ابناء النيل (الأزرق) مننا و فينا
ـــــــــــــــــــــــــــــــــــــــــــــــــ
معاوية مساء الخير

المصرين ذاتهم من النيل الابيض

الله يعين البلد