Quote: تصدق بموت في بوساتك لدرجة بباريها لكن دا مابشبهك ولابشبه ظلك بوستاتك الخفيفة الجميلة ! بسسس خليك في بوستاتك المعتدلة يا زول يا جميل يا معتدل . عووووض سلام واحترام . وشوشة : ان شاء الله تفهم حاجة عشان معانا هنا اجانب .
تسلمي اخت منى وشكراً على كلماتك الطيبة .. الاعتدال قيمة راقية لابد انو الواحد يتحلى بيها .. لكن بكل امانة الفيديو زعلني زعلة شديدة .. عموماً .. كلامك وطلبك اصلو مايقع ارض .. الفيديو لسة موجود وبتمنى بشدة الناس تشوفو .. عشان تعرف نجاح الاخوان في تدمير السودان .. الراغب في انو ارسل ليهو الرابط يراسلني على : [email protected]
Quote: الفيديو لسة موجود وبتمنى بشدة الناس تشوفو .. عشان تعرف نجاح الاخوان في تدمير السودان .
يا البلال تدمير السودان ما محتاج لي فيديوهات هنا ولاهناك وكل يوم في فيديوهات ردم في اي ملف ! والعملوا في السودان العدو ما بعمل فيهو كدا ! نسأل الله ان يرينا فيهم عاجللآ غير اجلآ دمار العقول والصحة ويجعل دمارهم في نفوسهم وانهم لايعجزونه ... ياعكاشة حقيقة مشكلة المخدرات دي السبب في اي بلوي اسه مهمتنا شنو في محاربتها اباحة المخدرات والحبوب المهلوسة بقت متوفرة اكتر من الاكل !
غايتو مصيبتنا مصيبة !
مشكور يا عكاشة وربنا يجبر خاطر يا حبيب ,,,,
مع وافر التقدير ,,
وشوشة .. الفيديو الناس كلها بكونوا شافوهو هو النت خلي فيها سترة حال ؟ الله يسترنا جميعآ دنيا واخرة .
Quote: العزيز عوض ... صباح الرضا ,,, وجبر الخواطر ... يا البلال تدمير السودان ما محتاج لي فيديوهات هنا ولاهناك وكل يوم في فيديوهات ردم في اي ملف ! والعملوا في السودان العدو ما بعمل فيهو كدا ! نسأل الله ان يرينا فيهم عاجللآ غير اجلآ دمار العقول والصحة ويجعل دمارهم في نفوسهم وانهم لايعجزونه ... ياعكاشة حقيقة مشكلة المخدرات دي السبب في اي بلوي اسه مهمتنا شنو في محاربتها اباحة المخدرات والحبوب المهلوسة بقت متوفرة اكتر من الاكل ! غايتو مصيبتنا مصيبة ! مشكور يا عكاشة وربنا يجبر خاطر يا حبيب ,,,, مع وافر التقدير ,, وشوشة .. الفيديو الناس كلها بكونوا شافوهو هو النت خلي فيها سترة حال ؟ الله يسترنا جميعآ دنيا واخرة .
صباح النور والسرور اخت منى .. اتقف معاكي انو تدمير وتغيير السودان بواسطة الاخوان دلايلو كتيييرة .. بس الفيديو ده مختلف .. البنات الفيهو في كامل الصحة وتمام الوعي .. لا مخدرات ولا مؤثرات خارجية .. فقط معضلة اجتماعية سيكولوجية .. عايشات حالة بتاعة حرمان عاطفي وكبت جنسي ما قدرن على احتمالا .. وكانت النتيجة انهن عبرن عن ده في وجود كاميرا وانتشر الفيديو .. السترة واجبة مافي كلام .. وعشان كده ما في داعي لتنزيل الفيديو هنا .. تسلمي يا غالية وربنا يديم سترو علينا وعليكي ويحفظك من كل شر ..
قرأت إجاباتكم أخي عوض على تعليقات الزملاء مُنى وأمجد بشأن ملاحظاتهما على العنوان وعلى التعميم الذين حشر جميع بنات السودان في جوف الفيديو المفترض أو المتخيل.
وانتظرت حتى قرأت ردكم على سؤال ود البُشرى عن بوست وفيديو سابق لكم قبل عشر سنوات، وتلميحه إلى أن ذلك البوست على ما يبدو انتهى "ماسورة" مضروبة ومجوفة وفارغة.
فهل ما كتبتموه هنا لود البشرى هو الرد المناسب والحاسم في رأيك على عنوان البوست الحالي وموضوعه الذي يحمل في طياته كل هذه الاتهامات والافتراءات العريضة والخطيرة ؟! .. وهل الغاية من كتابة البوستات هي إحداث الضجة وأيا كانت الوسيلة؟!!
في اعتقادي أن الضحك في غير محله والسخرية المراوغة في غير موضعها تجلب الاستخفاف وتضرب مصداقية الكاتب حتى وإن ملأت الدنيا صخباً وضجيجاً، فتلك "المفاجآت" التي لا تتحقق، وذلك الضجيج الساخر في غير محله هو تقريباً ذات ما كان "ينجح" في فعله سميُكم المدعو (توفيق عكاشة):
وفقكم الله وهدانا جميعاً إلى طريق الحق والصدق وتحية لكم وضيوفكم ... .. .
الاخ الصادق .. ( بنات السودان ) الوردت في العنوان مقصدي منها واضح وبريء جداً .. مافي تعميم ولا حاجة بقدر ما انو المقصود انو الفيديو فيهو سودانيات .. موضوع الفيديو القديم فعلاً كان حقيقي ولكن البوست اخد منحى تاني .. وفعلاً في بعض الاحيان اخد طابع ملحوظ من الضحك والونسة والسخرية .. بس بأكد ليك انو الفيديوهين فيهم مشكلة خطيرة تتعلق ببنات السودان .. وطرحي للموضوع اساسو تجنب سلوك زي ده وتنبيه الاسر لذلك ما أمكن .. بس هل يصلح للعرض في المنبر ولا لا .. ؟ ده الشيء الاترددت بشأنو .. واهو في النهاية ما جبت الرابط بتاعو عشان ما يمس احد من بعيد او قريب .. لانو بكل صراحة فيديو خطير والشخصيات الفيهو واضحة جدا على الشاشة .. اتمنى تعرف بعد القلتو ده .. انو انا ما زي ود عمي توفيق عكاشة ابداً ابداً ..
..
