نحن البلد الوحيد البقى ما فيها منطقى بمسمى جغرافي أو إداري يقولوا عليها جنوب السودان
بقى في قطر اسمو جنوب السودان
المشكلة إنو لو هسه عايز تحدد منطقة إدارية وتسميها جنوب السودان أو السودان الجنوبي حتلقى ليها سكان يقتنعوا بالمسمى دا وين ، الناس الساكنين في المنطقة الجنوبية من السودان (الفضل) كانوا تابعين لشمال السودان ونفسيا كدا ما حيقبلوا تسمية جنوب السودان لأنها بدخلهم في تشويش بين الدولتين
بالقالو حمد ...عارفين حمد قال شنو ؟ ماعندي مانع احكي اذا بتحبو .. قاعد ساي والاولاد مافي.. كوستي آخر مدينة كبيرة في جنوب السودان . حدود السودان الجنوبية .. كوستي وربك والجبلين
Post: #15 Title: Re: ملاحظين؟ Author: حمد عبد الغفار عمر Date: 08-18-2016, 08:14 PM Parent: #14
هلا أبو سن يعني خلاس كوستي القريبة دي بقت جنوب السودان؟
قالوا حمد سيد مركب في نص البحر الموية خشت المركب . كل مرة واحد يكورك لي حمد منبها لي قد .. وحمد يفتش خرقة يسدو .. اها الخرق كملت واحد كورك ليهو يا حمد دة خرم حمد قال ليهو ما فضل لي دلقان الا اسدو ليك بي ضك...ي صمت الرجل وصن المركب بعد شوية مرة كوركت يا حمد الموية جاتنا في خرم هنا جارها قال ليها يسدو ليك بشنو عاد ردت ليهو بي خجل بالقالو حمد حمد لبد
Post: #17 Title: Re: ملاحظين؟ Author: حمد عبد الغفار عمر Date: 08-18-2016, 09:04 PM Parent: #16
حمد دا كرور جد جد هل تعرف مرة زول حكا لي قصة الكلمة دي لكن برضو نسيتها هسة انت ركزتها لي تماما
حمد و اب سن فعلا قاعدين ساي ...... من جهة أخرى، لمّا الأولاد يكونوا ما مسافرين، إنتو اليوم كلو برّ البيت هسع تقولوا قاعدين ساي؟! قلت ليكم أنا مخصص الفجرية دي أوقِّع الكتابات لي روحي (ملاحظين؟) راجعوا بوست (صدر نافر..) و(نضال النكاح أو نكاح النضال ما عارف) أصلو البنزين قرّب يكمل قلنا نفضيهو الليلة أها اللشوفلي بوست تاني
يا معاوية الزبير فعلا قاعد ساي المدام والدها مريض شفاه الله وهي رحلت عديل يا حمد تصدق بقينا جنوب . جنوب راسو عديل .. شوف العولمة دي انا كنت قايل الجنوب بعيد لقيت نفسي مدينة حدودية لكن القد دة يا حمد والفاضلابي قد ماكن ما ضنيتو الخرابة دة يسدو شايف الجماعة يسدو فيهو مثني ورباع وهو زايد وبقو كمان يستوردو لينا في قدود خارجية ويسدوها وهو زايد
Post: #22 Title: Re: ملاحظين؟ Author: حمد عبد الغفار عمر Date: 08-19-2016, 10:37 AM Parent: #21
عثمان عووضة ود السرور الما كرور
Quote: في رواية تانية....اقولا ليكم؟
أرِحنا بها يا عثمان
النبي فيك تقولها بعد تصلي الجمعة أهو قاعدين ساي
Post: #23 Title: Re: ملاحظين؟ Author: حمد عبد الغفار عمر Date: 08-19-2016, 10:59 AM Parent: #22
ود الزبير
ياخ يفرق كتير طعم الحلو لو يبقى مر قاعدين ساي تفرق كتير من البيت محروس ونحن نكوس
بعدين (لاحظ ) الجوز ديل
Quote: راجعوا بوست (صدر نافر..) و(نضال النكاح أو نكاح النضال ما عارف)
قال ارحنا بها يا عثمان أحا...تعرف. تقول احا يا وزارة الصحة؟😜 يمين الله دي في الخاص ما بتنقال.....انا عايز كوكا كولا 😈😈
Post: #25 Title: Re: ملاحظين؟ Author: حمد عبد الغفار عمر Date: 08-19-2016, 01:12 PM Parent: #24
خاص شنو تاني في المنبر دا يا عووضة
تقول ساي وتلصقها في التراث الشعبي
Quote: انا عايز كوكا كولا
هل تصدق هسة مشيت اتغديت في المطعم قال لي اجيب ليك كوكاكولا قلت ليهو لا نفسي في ميرندا غشيت البقالة جبتها الحجم العائلي هديك ختيتها في الثلاجة وما قادر افتحها اريتك لو قريب
Quote: المشكلة إنو لو هسه عايز تحدد منطقة إدارية وتسميها جنوب السودان أو السودان الجنوبي حتلقى ليها سكان يقتنعوا بالمسمى دا وين ، الناس الساكنين في المنطقة الجنوبية من السودان (الفضل) كانوا تابعين لشمال السودان ونفسيا كدا ما حيقبلوا تسمية جنوب السودان لأنها بدخلهم في تشويش بين الدولتين
شي محزن اليس كذلك ؟
Post: #29 Title: Re: ملاحظين؟ Author: حمد عبد الغفار عمر Date: 08-19-2016, 08:08 PM Parent: #28
يا محمد حسن كيفك
Quote: متاكد انك براك ما معاك علي؟
والله قاعد براي والهم عصف
علي طبعا ما بطلع بالتلفون يقول لي تعال وتعال وب قليبي أقول ليهو مافي مجال
تاني وين مع الأخرام الكتيرة الفي البطن دي
Post: #30 Title: Re: ملاحظين؟ Author: حمد عبد الغفار عمر Date: 08-19-2016, 08:32 PM Parent: #29
هلا سيف النصر
Quote: لبتاع القالو حمد حق ود ابسن ما حمد لبد بتاعنا قعدت اكتر من عشرة دقايق اودي و اجيب عشان اعرفو هو شنو... باقي الذال و الضاد اتلخبتن علينا ههههههه
بالغت انت ما عارف السودانيين ديل بعد يتضايقوا بقولوا شنو؟
زمان معانا واحد انضرب في الكورة في نفس المحل والضربة كان قوية امتدت لحدي الورك بيتم كان قريب من الميدان كان متألم جدا شلناهو البيت والدتو بتسأل فيهو يا ولد انضربت وين قال ليها يمة أمشي خليني شوية تاني أمو كررتها ليهو قال ليها يمة ما قلت ليك أمشي أنا انضربت في ايمان ديني دا
ههههها .. غايتو بس ياهو كان غلبك سده وسّع قدها بعدين شنو حكاية الاولاد مافى و قاعد ساى دى يعنى لو الاولاد فى حتكونو قاعدين كيف غريبة .. قبانى ما شاف الخمج ده !!؟
يا اخوانا وضاحة دي امرقوها من هنا المرة الفاتت وقفنا معاها وقلنا للمايتسماش عيب كرورونا ما عارف المرة دي يسووا لينا شنو😜😈
Post: #34 Title: Re: ملاحظين؟ Author: حمد عبد الغفار عمر Date: 08-19-2016, 09:40 PM Parent: #33
هلا بك وضاحة
طولنا ما قابلناك في براري سودانيز دي
Quote: شي محزن اليس كذلك ؟
محزن ساي دا مميت لكن الله في
هسة تعرفي لو عايزين نصنع لينا جنوب للسودان الشمالي دا لو عملناهو بطول 100 كيلومتر شمالا إلا نعمل العاصمة الإدارية حقتو كوستي وطبعا حيكون بعرض السودان الحالي طبعا دا غير الخلل السكاني العملو انفصال الجنوب.
يا محمد حسن قالوا المرة قالت للراجل الله يقدك قال ليها يقدك اتي اصلك مبدية ههه يا سيف النصر ياخ انا كتبتها عديل حتي ظننتني خجلت اتا يا حمد ما راضي بي كجنوبي مالك ياخ اهلنا في رفاعة زمان لامن يجونا بقولو ماشين الصعيد او الغرب .. ناس مسميننا صعيد وناس غرب اها هسة بقينا صعيد رسمي
Post: #36 Title: Re: ملاحظين؟ Author: حمد عبد الغفار عمر Date: 08-19-2016, 09:58 PM Parent: #34
أول شئ، بالنسبة لي لا يزال السودان كما هو الفي الخريطة الفي بروفايلي دي.
أما من ناحية تسمية (دولة جنوب السودان)، أنا في رأيي التسمية دي غلط، إذا كان ولا بد ممكن يكون إسو (السودان الجنوبي)، مثل اليمن الجنوبي وكوريا الجنوبية وألمانيا الشرقية ... إلخ.، ببساطة لأنو (جنوب السودان) دي توصيف جغرافي وأهو نشأ عنه مشكلة تسمية البوست ده.
طبعاً الموضوع بيختلف لما نجي لي تسمية (جنوب أفريقيا) لأنو (أفريقيا) قارة وليست دولة، فلا مانع أن يكون هناك مكان إسمو (جنوب أفريقيا) فهذا الجنوب هو جزء من أفريقيا، بينما جنوب السودان الدولة ليست جزء من السودان وإلاّ لما كان هناك انفصال/ إستقلال.
إنشاء الله يكون كلامي الجايط ده واضح
Post: #39 Title: Re: ملاحظين؟ Author: حمد عبد الغفار عمر Date: 08-20-2016, 09:37 AM Parent: #38
Quote: يا اخوانا وضاحة دي امرقوها من هنا المرة الفاتت وقفنا معاها وقلنا للمايتسماش عيب كرورونا ما عارف المرة دي يسووا لينا شنو
خليها قاعدة ياخ أهو بعضمة لسانك بسببها نلت ليك لقب في سودانيز انت قايل لو طلعت ليك بلقب (أي كان) من هنا دي ساهلة هسه ما احسن من يقولوا ليك مثقف وتكون ثقافتك ثقافة قصاصات زي شرائح البور بوينت.
Post: #40 Title: Re: ملاحظين؟ Author: عثمان عووضة Date: 08-20-2016, 09:51 AM Parent: #39
الفاضلابي بتعرف تقول حلاة دقدق عشان اغرق😜 الله ينعل ابو خوتكم ياخي عالم فطغمليج.
Post: #41 Title: Re: ملاحظين؟ Author: حمد عبد الغفار عمر Date: 08-20-2016, 09:52 AM Parent: #39
Quote: اتا يا حمد ما راضي بي كجنوبي مالك ياخ اهلنا في رفاعة زمان لامن يجونا بقولو ماشين الصعيد او الغرب .. ناس مسميننا صعيد وناس غرب اها هسة بقينا صعيد رسمي
يا زول جنوبي وشيخ بس كدي حدد لي جنوبك دا انا خايفك تضم لحدي الصقيعة والعزيبة
وكا ضميت ديل ياكا الفاصلو
Post: #42 Title: Re: ملاحظين؟ Author: عثمان عووضة Date: 08-20-2016, 10:01 AM Parent: #39
عان(تقرأ. عاين) التاني دا كمان نحنا اللقب جبناهو بي كيبورطاتنا وليس هبة من اي كان والزارع كيبورطنا غير. اب صلعة يجي يقلعو😈 اب صلعة (علامة يساوي). معاوية. المدير😜😜
Post: #43 Title: Re: ملاحظين؟ Author: حمد عبد الغفار عمر Date: 08-20-2016, 10:12 AM Parent: #42
هلا أبو الريش
Quote: أما من ناحية تسمية (دولة جنوب السودان)، أنا في رأيي التسمية دي غلط، إذا كان ولا بد ممكن يكون إسو (السودان الجنوبي)، مثل اليمن الجنوبي وكوريا الجنوبية وألمانيا الشرقية ... إلخ.، ببساطة لأنو (جنوب السودان) دي توصيف جغرافي وأهو نشأ عنه مشكلة تسمية البوست ده.
كلام صاح مية في المية نحن عندنا عدم دقة حتى في أخطر الأشياء أهو اسم زي دا الناس ما قعدت ليهو عشان يكون صحيح وذو مغزى جنوب السودان دا اسم اقليم كان ضمن الدولة الموحدة
ياخ انت دائما مركّز
Post: #44 Title: Re: ملاحظين؟ Author: حمد عبد الغفار عمر Date: 08-20-2016, 10:18 AM Parent: #43
هاك يا أبو الريش
نساعدك شوية
Post: #45 Title: Re: ملاحظين؟ Author: حمد عبد الغفار عمر Date: 08-20-2016, 10:31 AM Parent: #44
Quote: يا اخوانا وضاحة دي امرقوها من هنا المرة الفاتت وقفنا معاها وقلنا للمايتسماش عيب كرورونا ما عارف المرة دي يسووا لينا شنو😜😈
عوووضة انت ايش دخلك في الكروراب انت رتانى الغب دا خاصتنا نحن دار جعل دخلت فى اللستة لغراض اخرى خليك زكى وابحث عن السبب
احيييي المغصة كاتلنى الما شفتوا كنت ردحت ليك فوقوا ردحة يمين تجيب اخروو اما العنبلوك الحاقد داك كان صرفت لى من كلام جدو رحمة الله علي باقي هو كان خبير فيهم ونوعن دا كتيييير حايم عندنا فى مزارعنا بس طلع محظوظ وما شفتوا
Post: #47 Title: Re: ملاحظين؟ Author: عثمان عووضة Date: 08-21-2016, 07:19 AM Parent: #46
وضاحة المكملة السماحة اول حاجة انتي كتبتي الغب قاصدة اللقب...يجوا يشيلوا النقطة من الغين وعينا ما تشوف الا النور تانيا: الحمد. لله الماشفتي... لانو لو رديتي كنت بزعل منك خليكي نضيفة زي ما انتي الداير يوسخ. نفسه ما. تتوسخي معاهو ولا. يبقی مافي فرق. بينكم صاح. ولا ما غلت؟
Post: #48 Title: Re: ملاحظين؟ Author: حمد عبد الغفار عمر Date: 08-21-2016, 08:20 AM Parent: #47
وضاحة زي ما قال ليك عمك عثمان امسكي عليك عيونك ديل وخشمك وكيبوردك (green face) الفاتك فوتيهو ومافي داعي لاعادة انتاج الازمة الناس ديل بقوا في ذمة الخور
Post: #49 Title: Re: ملاحظين؟ Author: عثمان عووضة Date: 08-21-2016, 09:21 AM Parent: #27
يا سيف انت الدكتور اتلخبتن عليك يعني نحنا الكرور نقول شنو غايتو انا الذال والضاد فرزتهن بس الحيرني الهمزة على السطر ولا على نبرة😜😜
-هل تريد قليلاً من البحر ؟ -إن الجنوبي لا يطمئن إلى اثنين يا سيدي البحر و المرأة الكاذبة. -سوف آتيك بالرمل منه وتلاشى به الظل شيئاً فشيئاً فلم أستبنه. -هل تريد قليلاً من الخمر؟ -إن الجنوبي يا سيدي يتهيب شيئين : قنينة الخمر و الآلة الحاسبة. -سوف آتيك بالثلج منه وتلاشى به الظل شيئاً فشيئاً فلم أستبنه بعدما لم أجد صاحبي لم يعد واحد منهما لي بشيئ -هل نريد قليلاً من الصبر ؟ -لا .. فالجنوبي يا سيدي يشتهي أن يكون الذي لم يكنه يشتهي أن يلاقي اثنتين: الحقيقة و الأوجه الغائبة.
Post: #53 Title: Re: ملاحظين؟ Author: حمد عبد الغفار عمر Date: 08-21-2016, 01:34 PM Parent: #52
Quote: مشكلة إنو لو هسه عايز تحدد منطقة إدارية وتسميها جنوب السودان أو السودان الجنوبي حتلقى ليها سكان يقتنعوا بالمسمى دا وين ، الناس الساكنين في المنطقة الجنوبية من السودان (الفضل) كانوا تابعين لشمال السودان ونفسيا كدا ما حيقبلوا تسمية جنوب السودان لأنها بدخلهم في تشويش بين الدولتين
سلامات يا حمد اتخيل لي نحن ساهلين .. نسمى جنوب السودان ، شمال السودان ما في مشكلة.. لكن شوف مشكلة اخوانا الجنوبيين ! شمال جنوب السودان .. جنوب جنوب السودان - الجنوب الغربي لجنوب السودان ، الجنوب الجنوبي لجنوب السودان .. (جنوب)3 جنوب السودان اسه في داعي (للضرب) المطول ده، ما كان أخير لو استغلو فرصة (الاستغلال) و (عزلولم) اسم من الاسماء الحديثة بتاعة الزمن ده؟
Post: #55 Title: Re: ملاحظين؟ Author: حمد عبد الغفار عمر Date: 08-21-2016, 08:34 PM Parent: #54
هلا عمر التاج
Quote: ما كان أخير لو استغلو فرصة (الاستغلال) و (عزلولم) اسم من الاسماء الحديثة بتاعة الزمن ده؟
ياخي الانفصال كان فيهو استعجال في كل شيء حتى الأسماء المختارة بديك إحساس انهم ناس مستجدين سياسة (الفريقين) وعايزين إنجاز يُحسب لهم بأي طريقة
لو الانفصال دا اتاخر 5-10 سنين مع توفر الثقة كان البلدين عايشين في بحبوحة معقولة بسبب البترول الكان سعرو مرتفع جدا بعد الانفصال لكن بكل أسف مافي حد استفاد منو بسبب الحروب وكان (حتى لو حصل انفصال بعد ذلك) حيكون في تكامل وتبادل للموارد بين البلدين بنفس هادئ لكن بس ياها بقج الغبائن وضيق الأفق وضعف التجربة قلبت الطاولة على الجميع