صاحبنا مشى روسيا زماااااان ... زمن السفر بالبحر بس ... مشى يقرا الجامعة ... اها قال يحتفلوا بيهم قبل العام الدراسي و يوروهم الاشتراكية و الحريات ... قاموا ناس الجامعة ودوهم رحله على جهة الاورال ... و قالوا ليهم ماشين البحر نعوم ... وليدات على بنوت ... صاحبنا من مدني و عنده صاحبو من الشمالية ... بس صاحبو شاف ليك بنات الاورال بالمايوهات الواحدة زي البلّور و العيون تلمع زي ضراب البلي ... و ما لم ( يخفى ) كان اعظم ... طوالي مشي قعد في كرسي و يرجف كلو ... صاحبي سالو مالك يا فلان ... نعل مافي عوجة ؟ بس قنب يبكي ... وقال كلمته المشهورة ... عنوان البوست.. !
اها ...
انا بتفرج في الاولمبياد في مسابقات السباحة ... و عندنا هنا الاولمبياد منقولة في زي مية قناة ... اول ما تجي الإعلانات اقوم اقلب القنوات اشوف اي مسابقات تاني ... قلت أفتش لو لقيت كرة طائرة لأنو انا أعز اللعبة جدا و ( قال ) كان عندنا فريق ما بتتصاقع في الخرطوم الأميرية ... قوم يا الريموت أجدعني في قناة فيها مباراة كرة طائرة سيدات ...!!! و بين منو !!! البرازيل و فريق من شرق أوروبا ...
كان سيدات ما بعرف ...
هسي ناس ناتاليا و فابيانا و فابيولا ديل سيدات ؟
حليل رائدات الهلال ...
اول شي في اللعب ... لعبنا الزمان داك ياهو السيدات ... انا ماسك السيرف و نظام السيرف البتسرجو داك ... السنتر حقنا جنابو محمد محمود رمضان و في الشمال سامي جون و على الشبكة ولاء الدين ابراهيم خوجلي و الغزالي بابكر كرار و جنابو الصادق محمد عبدالله او محمد كامل ثابتيييين ... لا زول يلف لا زول ببدل ...
اما ( سيدات ) البرازيل ... ف...
الطول بس كشافات الإستاد
و الكرعين ابراج هواتف محمولة
و الأردية يعني بس سترة حال ...
و المسافة بين الكتف و الراس الا تركب مواصلات ...
لعنت الشيطان و قلبت القناة قبال ما اسرح ...
اقوم اقع ليك في مباراه بين بنات امريكا و تااااني بنات البرازيل في طائرة الشاطئ ...!!! ( فيك منظر يحنن وفيك منظر فارس النزال ) ...
بس اتذكرت كلام صاحب صاحبي الفي عنوان البوست طوالي ...
الواحد لو كان جدو فاسكو دي جاما كان بقى على بصيرة هسي ...
الله يرحم ود الرضي حينما قال :
بدور لو مرّه نتقابل ... حبيب روحي و اراك لامع أوجّه نظري لي محيك .. أجد من هيبتك مانع أحاول و طرفي يتخاذل ... و ارجع امجّد الصانع ...
وأما أنا - على قصر قامتي - فلقد كنت أمهر من يلعب البقري .. والبقري يا هداك الله وانت عارفو - هو أن تعقد يديك لاستقبال الكرة .. هكذا .. تظهر اليمين في راحة الشمال .. وتلم ساعديك بحث يمثلان مهبطا للكرة .. وكانت تلك مهاره ما بعملها اي زول خلي بالك
ياخى لعّابات جنس لعب خاصة البت الطويلة ديك لمّا تنط و فاتحة ضرعاتا عشان تهبد الكورة شووووت تصدقوا و تآمنو بالله .. قاعد انط معها ______ شكلو كده فى لستة تحت التكوين غايتو الله يستر
الاجابة: الزرافة. هههه تعرف يا قباني لو عايز تشوف الغزال الجد جد، تقع التنس . رشاقة وجمال وفتنة .. ولو ماك فاطر ما تتفرج في تنس الروسيات ، وإلا وحات الله لامن الماتش ينتهي ما تشوف الكورة وين؟
Post: #13 Title: Re: حيّ انا الما بلَغْتْ هِنِي ... Author: محمد على طه الملك Date: 08-15-2016, 09:03 PM Parent: #11
يا جلالدونا ياخي شرط عينا .. الحمد الله الوقفت هنا .. ياخي الحتات دي تدخلا كاجول بثقافة ولاد قلبا .. مش بجلابية ؤ مركوب .. أنا هسه قت سفنجة.
Post: #14 Title: Re: حيّ انا الما بلَغْتْ هِنِي ... Author: عبداللطيف حسن علي Date: 08-15-2016, 09:08 PM Parent: #13
اسف ، اقصد اغنية محيو الجميل وليس قسم بمحيك البدري
Quote: وأما أنا - على قصر قامتي - فلقد كنت أمهر من يلعب البقري .. والبقري يا هداك الله وانت عارفو - هو أن تعقد يديك لاستقبال الكرة .. هكذا .. تظهر اليمين في راحة الشمال .. وتلم ساعديك بحث يمثلان مهبطا للكرة .. وكانت تلك مهاره ما بعملها اي زول خلي بالك
البقري ليه هسي شغال يا دوك ...
بس قصة الليبرو اللابسه قميص مختلف دي ما كانت على زمنا ....
بعدين ياخ المطة البتمطوها دي ... سبحان الخالق في من خلق ...
زمان اخوك كان كمان بنوع في السيرف ...
بي جنبة كده و بي سيف الكف و تفكو في السما ... يجي نازل سكرو ...
ضراعاتااااااا بس جارين للضرعات انعل ابو الاى فون ذاتو اها شتارتى و سفنجتى و مركوبى مو كانت اخير ليكم من الدواهى الجابا اخونا عبد المنعم دى و ديل حالتم الطليان كمان ___ ياخى امبارح فى واحدة عملت جركة البقرى بتاعت المشّرف دى و هى ناطة و طايرة فى خط افقى مع الواطا امنتو بالله يمين الله دى ما دام طار جنا الوزين ذاتا بى ذاتا
Post: #24 Title: Re: حيّ انا الما بلَغْتْ هِنِي ... Author: محمد مجيدو Date: 08-16-2016, 07:45 AM Parent: #1
يا هندسة .. سلام
قبل يومين حضرت مباراة كرة قدم نسائية بين البرازيل واستراليا .. كانت في قمة الروعة والمتعة يااخ ديل عندهن لياقة بدنية عالية .. ومهارات فردية عجيبة ... وتحسفتا على ناس بله جابر .. وكاريكا .. ومن لف لفهم .. وانتهت المباراة بالتعادل السلبي .. وادوهن زمن اضافي برضو كانت النتيجة تعادل سلبي .. وفي البلنتيات فازت البرازيل 8 مقابل 7 .. كابتن البرازيل البت رقم 10 والتي كانت نجمة المبارة بلا منازع هي الوحيدة الضيعت ضربة الجزاء.. وصدت حارسة البرازيل كورتين بصعوبة ... لتفوز البرازيل ..
عاالم بطاالـــــــــــــــــــة ...
Post: #25 Title: Re: حيّ انا الما بلَغْتْ هِنِي ... Author: د.محمد حسن Date: 08-16-2016, 11:10 AM Parent: #24
يحي قباني يا جبان البوست ده لغم
انا قربت اقع فيه وافتو هههههههههههههه قمت قلت يا ود امدرمان ود بحري يدردقك واكتفيت بي فت الجماعة
عليك النبى طارو ؟ !!!! عجبنى لى بتاع الشكوبزورات ده و ناس الكاجوال كمان عارف .. الشى اوّل ما يكون فيهو عوّيخ خشم بتنحس غايتو عوضّنا الله نمشى على ناسات العوم اسمعنى اتّا العوم لازمن يكون فى الموية ؟ ما ممكن يكون فى الهوا يعنى