Post: #2
Title: Re: مخابرات غريبة تنقل النساء لمقاتلي داعش؟
Author: حيدر حسن ميرغني
Date: 08-12-2016, 08:29 AM
Parent: #1
بكور
ماعندك رقم جوال الناس ديل 
مفكَرين - أنا وود المدير- نعمل حركة (داحش)
محتاجين مساعدات لوجستية منعا للملل
|
Post: #3
Title: Re: مخابرات غريبة تنقل النساء لمقاتلي داعش؟
Author: abubakr salih
Date: 08-12-2016, 08:48 AM
Parent: #2
Quote: مفكَرين - أنا وود المدير- نعمل حركة (داحش)
محتاجين مساعدات لوجستية منعا للملل |
هههههه و الله صاحبي نشوف ليكم طريقة تلفون للعميل المخابراتي دا.
ياخي الدواعش ديل ظريف خلاص، قبل فترة برضو قريت فى الاخبار حكاية تضحك الغنماية. جايبن بنت خواجية حكت قصة اتصالات لها مع واحد داعشي من اصول صومالية قاعد سوريا. الراجل بحنك في البت عشان تجي تلتحق بدولة الاسلام في سوريا. اها بدأ يدى فيها الخطة عشان حقت السفر. لكن فى نقطة محددة قال ليها الا اعقد عليك من هسة. قالت ليهو خليني لمن اصل هناك، هي اظنها كانت دايرة تعرف تفاصيل اكثر عن اساليبهم في تسفير الناس. الراجل عكلعت فى حته العقد قبل السفر دي. فهمت منو انو لو ما عقد عليك و جات داخلة دولة الدواعش ممكن واحد اخوانه يسبقوا و يستلمها قبله الحكاية مقالعة زي السواقة فى شوارع الخرطوم
|
Post: #4
Title: Re: مخابرات غربية تنقل النساء لمقاتلي داعش؟
Author: abubakr salih
Date: 08-12-2016, 10:19 AM
Parent: #3
طبعا لا يفوت على فطنة القارئ ان عنوان البوست مقصود مخابرات غربية لكن العجلة ما خلتنا.
شكرا لمعاوية الزبير على لفت الانتباه و التصحيح.
|
|