الاخوانجي فسل و الشيوعي اجواد و كريم

07:18 PM July, 30 2016

سودانيز اون لاين
abubakr salih-
مكتبتى
رابط مختصر

أيهما افضل الاخوانجي الفسل ام الشيوعي الاجواد و كريم؟ 27 و عشرين عام من الحكم اظهرت فسالة الاخوان المسلمين فى احتكارهم للسلطة و الثروة فى السودان. و الله اظهروا فسالة و شح نفس،
لم يخطر على قلب بشر. حرموا الشعب السوداني من كل الخدمات التى كانت تقدمها الدولة و السودانية من قبل و حولوا كل امكانيات الدولة لرفاهيتهم هم و تركوا الناس جوعي. انها فسالة الاسلاميين المشهودة.

الشريف غايتوا انا بحكي ليك من دائرتنا الإنتخابية في انتخابات الديمقراطية التالتة مرشح الحزب الشيوعي كان محجوب شريف والفاز بالدائرة عبدالله محمد من حزب الأمة وبعد الإنقلاب طلع كوز في فسالة اكتر من كدة

الشيوعي هو شخص اجواد و كريم يرغب فى ان يتشارك خيرات هذا العالم مع من حوله من الناس = الاشتراكية. و الاشتراكية ليست لخير الناس فقط انما هي فلسفة صديقة للبيئة، سوف اكتب عن ذلك في اقرب فرصة ممهولة، الله يديها المهلة. في حين ان من يسمون انفسهم بالاسلاميين احترفوا النصب و النهب و الاحتيال للمال العام, يسرقوا مال الفقراء. ضرائب على ست الشاي، ضرائب علي سيد الكارو، ضرائب حتي علي اطفال الدرداقات، و ديل الاطفال الشغالين بالدردقات فى الاسواق فى الخرطوم. ديل بديوهم اعانة و لا بقلعوا منهم؟ لكنها فسالة من يسمون انفسهم "بالاسلاميين" اي اسلامي الذى يقالع الفقراء فى قليلتهم؟

امي بنونة بت ابو العاص بتسوي العصيدة فى رمضان و بتقسَمها فى قوالب، القالب هو عبارة عن كورة طلس او استيل. و بتنادينا و نحن اطفال صغار، تقول ليك تعال شيل الصحن ده و ديهو ناس عمتك فلانة و خالتك علانة. الامهات و الناس و فى السودان اجواديين بطبعهم يتقاسمون كسرتهم بكل اريحية مع الفقير و عابر السبيل. انا حتي الان ان محتار، من اين جاء فسلاء الاخوان المسلميين؟ كيف لهذا الشعب الذى يتقاسم كسرته من الفقراء و عابري السبيل ان ينتج هولاء الفسلاء الذين يحتكرون كل شئ لانفسهم؟

Quote: الشريف غايتوا انا بحكي ليك من دائرتنا الإنتخابية في انتخابات الديمقراطية التالتة مرشح الحزب الشيوعي كان محجوب شريف والفاز بالدائرة عبدالله محمد من حزب الأمة وبعد الإنقلاب طلع كوز في فسالة اكتر من كدة

يا منتصر،
ياخي ليك مودة بالكوم.انا لي زمن متلوم معاك، بينا مشروع ونسة مفروض يحصل لكن لخمة الدنيا دي ما بتخلينا. لازم نشوف لينا طريقة. بالله دائرتكم سقطت محجوب شريف؟ هههه. سبحان الله. لا نقول الا ما يرضي الله! تعرف الشيوعيين ديل فيهم كتير ناس مؤهلين و عندهم خبرات فى العمل السياسي. لو باعوا خبراتهم دي للطائفية او للاخوان الحرامية كان الواحد فيهم ممكن يكسب دهب. لكنهم ما وش نعمة زي ما بقوا المصريين لووول. في الحقيقة ديل ناس تاففوا من النعمة التى ليس تنتظم البلاد كما قال الشاعر الاجواد و كريم.

Quote: كيف لهذا الشعب الذى يتقاسم كسرته من الفقراء و عابري السبيل ان ينتج هولاء الفسلاء الذين يحتكرون كل شئ لانفسهم؟

لكن ياخوي الطيب صالح ... عليه السلام يعمل ليكم شنو..؟؟
سألكم السؤال دا ... موش لأنه ما عارف..
لكن لأنه عارف... وكان عاوزكم
تعرفوا برااااااكم) من غير تدخل منه
لكنكم ما اشتغلتوا بيهو
او فتشتوا من زمان كان عرفتو وريحتوا نفسكم ..
أها خموا وصروا..
امك بت العاص........عليها السلام..
تحياتي