07:43 AM July, 26 2016 سودانيز اون لاين جلالدونا- مكتبتى ثقافة ادراك ماهية الاصوات و عبقرية التنقل بين تسلسلاتها المنبسطة بسلاسة تدهش السامعين خيط تثقيفى يحلق بنا فى علم الاصوات و براحات الجمال فيها
ما دعانى لأفتراع هذا الجيط امر اول و امر ثانى اما الامر الثانى هو بعد الصوت و تراكبيته اللفظية و طبيعته المعرفية من منابع تكوينه فى رحم الحبال الصوتية و سريانه عبر الاثير و طرقها الى مسامعنا عبر خيوط عصبية الى المخ الذى يترجمها الى احساس به يتجاوب نفسيا معه السامع بحسب ما احس به
وده التعريف الابسط لى الفونتيك وفيه تتجلى الاحاسيس عبر وسيطين صوت ناقل و منقول يدركه المجموع و فى اقله اثنين و تأرجحها ما بين استحسانها و استكراهها لذا ثبت شرعا ان المستحسن من الااصوات صوت الاطفال فضحكتهم و بكائهم و تأتأتهم تجلب السرور و اللهفة الى السامع
اما الامر الثانى فأننى سأتمدد فى هذا البوست مستعصما بمداخلى الادراكية ذات التراتبية المعرفية المتفاعلة ايجابا مع اضدادها دون اصطحاب المنطوحة مداخلاتهم و ما اهل بها لغير التثاقف امثال ود عووضة و ود المدير و ود ابوحسين
عدنا .. و العود عوض الله ان شاء الله و الحديث عن السوبرانو حديث ذو شجون خاصة لمّا يكون بالجنسية الكوشية كمان غير انى لا اجد حرجا او عتبى ان اشير الى هؤلاء و أولاء و هؤلئك و اؤلئك اراهم فى لولوتهم يتلولون وراهم كعوجة بها لا يدرون سنعود .. ثم نواصل be tune
Post: #7 Title: Re: ♫ السوبرانو ...والالطو .... والتينور .. والبا Author: عثمان عووضة Date: 07-27-2016, 07:21 AM Parent: #6
دا شنو دا يا جلة!!!! البوسطي دا انا ما شفتو والله صحی عیوني بقن كعبات😉 انت كنت وين لحدي. الحمی بت الکلب دي طارت ليك في راسك... وا شريري وابو. حسين مالو ما وداك الدكتور غايتو. خوة ناس الزمن اخير منها شنو كدا ما عارف😉
Post: #8 Title: Re: ♫ السوبرانو ...والالطو .... والتينور .. والبا Author: MOHAMMED ELSHEIKH Date: 07-27-2016, 07:36 AM Parent: #7
ارجو منك يا مونساتي ماتنسى تشريح الأذن الداخلية(اكرم الله السامعين) وتزويدنا بمخزونك عن الهارموني والكاونتر بوينت .
ود المدير وتهريف خلهم على بقرعهم ليك
اعمل حسابك من الكباسير
Post: #9 Title: Re: ♫ السوبرانو ...والالطو .... والتينور .. والبا Author: عثمان عووضة Date: 07-27-2016, 11:31 AM Parent: #8
ود الشيخ انت بي صحك؟ مخزون شنو وكاونتر شنو ياخي امنت بالله 😉
اشارة للفيرشن الذى وضعه الزميل احمد عالم اجمل مناطق و نفوذ السوبرانو فى الاداء الجماعى جوغة / كورال /كورس و حتى شيّالين كما هو متعارف لدينا و اهديك و اهدى عشاق السوبرانو هذا الدرس و التدريب الرائع على ادائه ____ و دعووضة ما تمشى تحاكى الزولة دى عشان حبالك الصوتية .. ... حبال شنو كمان ... جنازيرك الصوتية ما تتقطّع و فشفاشك يتهرد نصحيتى ليك خلّيك فى حتّة هوى يا ليلى هوى و لو مصر شديد انك تحاكيها اشرب ليك جردل كركار احتمال الحاجات تعدّى على خير
سلام عادل أمين تعرف عرفتك حتدخل في بوست عرفات بتاع الليث الأبيض لكن لمن شفت إسمك آخر مداخلة في بوست الأطو قلت عادل ده حيكون أحرف زول في المنبر ده لو لقى طريقة يدخل المنبتين خدم المركز ولا السيد عبدالرحمن ولا دستور ٢٠٠٥ في بوست جلالدونا ده
بى مناسبة الجوغة و الكورال و الكورس و الشيالين عاينو للجوغة الحايمة هنا دى ودعووضة و ود الشيخ و ود المدير و ود مكّاوى و معاهم ود امين و منتصر ديل خالين من السوبرانوية كخلو اللبن من الدسم و ناس التنورة و اللستك و اللباس اميركم فى بىستيهو بتاع المية فى مية قال ليهو حاجة تهمّكم امشو ارفعو من طرف بس حذاراكم من هنايا بتاعت اللورى مش كفاية اللورى قام بى الواجب _____ غايتو ابو حسين المرّة دى طلع عاقل ___ كيف ما حريف يا منتصر و مال الساعة الواقفة دى شنو ما ياها دستور 2005
هههها هسى بواسير السمك دى يعالجوها كيف من حقّو يا ود قبانى يكتب عن انفلونزا الطيور و علاقتا بى حمّى ليلة السبت و سأمدّه بى كل المعينات اللازمة لذلك ان هو اراد انا المحيرنى حبة العقلنة دى لقاها وين
جلالدونا وشركاه قبل ما ندخل في معمعة تعريف وتشريح انواع الصوت البشري واوزانو كمان اغرب حاجة في فنان اكتشفوا عبدالرحمن الريح الف ولحن ليهو اغنية (كان بدري عليك) الفنان دا اسمه الفاضل احمد .. غنى الاغنية دي بى صوت (سوبرانو) نسائي صريح بدون اي فرق والصوت (السوبرانو) نادر وشحيح جدا في السودان الا عند ام بلينة السنوسي الاكتشفها محمد الامين واسند اليها صولو (سوبرانو) في الملحمة ( وكان القرشي شهيدنا الاول ) .. (حلفنا نقاوم ليلنا وثرنا ) وبرضو الصوت السوبرانو عند زينب الحويرص وما احلاه عند ومنال بدرالدين وبلغت قمة الاداء الصوتي في (امونة) مع عقد الجلاد وتالقت في المقطع دا
الوليدات خلو حجرك ريح يفوفى وعين مزرزرة من شقى الفرح المرابى وتزداد منال بدرالدين عوض تالقا وصوتها الخرافي يصل بكل سهولة الى
انت في خوفك تكاتل رفة الطير والحفيف انت فى شوفك تخاتل عينة الجلب الخريف انت فى اللالوبة مصلبة البنيات النسيمات الهفيف انت فى اللالوبة مشنقة الوليدات ناس نجومى محبس النفس الرتيب اما اكثر الاصوات هي (الطو) من شريفة بت بلال الى مهلة العبادية التي اورثته الى فاطمة الحاج ثم منى الخير والى عائشة الفلاتية ثم الى هادية طلسم وما ادراك ماهادية طلسم في (رجعنالك) واضح وجميل
الكضب شين يا حبيبنا ود يس البوست من ناحية كان مفخخ دى ما فيها شك لكن ما الخطر على بال الاخوان ديل دى حتّة غميسة و الشرك كان ح يقبض اتنين ياخى ابو حسين المهترش ده عرف الحاجة دى و ابى يجى على البوست ده كلّو كلو لكن طال ما جيت شايل حروف اسنادك و طريقتك المحببة الى النفس فى ايصال المعلومة و عشان اكون واضح معاك .. ماشى لى حتة انو هل للكتابة صوت و هل يمكن تصنيف اصوات الحيوانات على حسب التصنيف البشرى فى الحال ده يبقى الباص ينطبق على صوت الجمل تماما و كمان باريتون و ممكن اوصف كتابة زول زى صوت الجمل عموما بى طلّتك البهية دى برجع لى ورا و سوق البوست بى راحتك دون اى فخفخة بالمناسبة .. بالنسبة لى ... زنقار ملك السوبرانو دون منازع يا الف ارحب بيك و كل حقوق البوست ليك
Post: #30 Title: Re: ♫ السوبرانو ...والالطو .... والتينور .. والبا Author: عثمان عووضة Date: 07-29-2016, 02:49 AM Parent: #29
معقولة يا ود عووضة !!! تختنى مع الاستاذ ود يس فى حتّة واحدة و معاها العلمية يا زول حرام عليك انا اجهل من ام حبوبة ابو جهل ذاتو كان كدى شكلك ماب تعرف تضحك
غايتو يا جلة ود يس دا بقى ليك زي المحلل في الزواج بعد تلاتة طلقات
ذكرني عادل أمام في مسرحية الود سيد الشغال
في عملية زي دي ما أخدش أأل من عشين جنيه
Post: #35 Title: Re: ♫ السوبرانو ...والالطو .... والتينور .. والبا Author: Ahmed Yassin Date: 07-31-2016, 00:42 AM Parent: #34
ههههههههههههههههههههههههه ههههههههههههههههههههههههه ههههههههههههههههههههههههه جلالدونا وودعووضة و ود كباشي كلو واحد يشيل ليو واحدة جلاجل قال الجمل صوتو (باص) .. كدة مرة واحدة بس ما ورانا هل الباص دا يرجع لجفاف الجمل وقوة تحمله والنوع لكن من المرجح ان الصوت التخين دا يكون صوت الطريفي شخصيا
Post: #36 Title: Re: ♫ السوبرانو ...والالطو .... والتينور .. والبا Author: MOHAMMED ELSHEIKH Date: 07-31-2016, 06:13 AM Parent: #35
غايتو الليلة خشيت على ناس الشغل بثقافة جديدة
عندنا محطة كهرباء دخلت على الجماعة في كنترول رووم وبديت اتجدع اول حاجة وريتم حاجة جديدة –لم يذكرها-جلال دونكم- وهي قياس الصوت بالديسيبل( اظن ذكرها عمنا بتاع الساكس لقطتها منو)
بعدين وريتم انواع الأصوات مثلا ماكينات الديزل دي (الطو) والسيفتي فالف بتاع القيزان(البويلر) لمان يفتح بكون باص . واحد مفلهم نط قال لي : ططيب السسسسوبررانو وييييييين؟؟؟؟؟؟"
بسيطة: صفافيركم بتاعت الأنذارات دي انت قايلو شنو يعني ؟ دي كلها سوبرانو ما عدا بتاعت الحريقة ديييك تينور
Post: #37 Title: Re: ♫ السوبرانو ...والالطو .... والتينور .. والبا Author: عثمان عووضة Date: 07-31-2016, 06:51 AM Parent: #36
انت يا ود الشيخ البلاد ديك (الخلیج و السعودیة) اتصلحت بعد مرقنا منها ولا شنو؟😆 زمان غايتو كان الواحد لو قبضوهو راكب فيل بنزلوهو منو ويتعبوهو شديد😉
Post: #38 Title: Re: ♫ السوبرانو ...والالطو .... والتينور .. والبا Author: MOHAMMED ELSHEIKH Date: 07-31-2016, 07:06 AM Parent: #37
Quote: انت يا ود الشيخ البلد ديك اتصلحت بعد مرقنا منهاولا شنو؟😆 زمان غايتو كان الواحد لو قبضوهو راكب فيل بيتعبوه شديد
ايوة طبعن اتصلحت زمان لو راكب فيل بتكون ماشي تهدم الكعبة وكدى
يا اهل الفيل و الكهف القديم البوست ده ثقافى اجتماعى رياضى كتاباتكم صوتا احش تشبة خوار التور خلونا مع مواء القط و ثغاء المعيز و كان لى النهيق اسكتو ساكت ياخى ده الصولفج بتاعو اخير منو الكاونتر بوينت اتاك بتاع السوبر باص لمّا يجلى الزمن مرحب يكم كلكم و حلوين واخلى من الحلا
يا جلادونا بالمناسبة انا عملت توضيح فى بوست دينق بتاع الاخوان المسلمين فما تنسى تراجعها لانك انت من ناس معزتنا. بعدين بالمرة شوف لينا صوت القمرية وود ابرق وام قيردون والكرجية والسقدة ديل اصواتهم تبع الامر الاول ولا التانى؟
واحد من اللغويين ,, نادى على خادمه قائلاَ: أصَعَقت العكاريت؟ فرد الخادم: ظَيْعَم. فقال: ماذا تقصد بظيعم؟ قال: وماتقصد انت بـ اصعقت العكاريت؟ قال: انا قصدت هل صاحت الدِّيَكة؟ قال: وانا قصدت لم تَصِحْ
Quote: غايتو الليلة خشيت على ناس الشغل بثقافة جديدة
عندنا محطة كهرباء دخلت على الجماعة في كنترول رووم وبديت اتجدع اول حاجة وريتم حاجة جديدة –لم يذكرها-جلال دونكم- وهي قياس الصوت بالديسيبل( اظن ذكرها عمنا بتاع الساكس لقطتها منو)
بعدين وريتم انواع الأصوات مثلا ماكينات الديزل دي (الطو) والسيفتي فالف بتاع القيزان(البويلر) لمان يفتح بكون باص . واحد مفلهم نط قال لي : ططيب السسسسوبررانو وييييييين؟؟؟؟؟؟"
بسيطة: صفافيركم بتاعت الأنذارات دي انت قايلو شنو يعني ؟ دي كلها سوبرانو ما عدا بتاعت الحريقة ديييك تينور
يا اوّوّدنجى ده ما فيل ده فك رقبة بالمفك عديل يا كيشة السوبرانو ده فى حتّتك دى مافى ممكن تكون تينور مسبرن على احسن تقدير عشان اشرح السوبرانو ده زى شنو .. زى شنو يا نقنتوووود ايووووه ... لقيتا ... زى جر السيخ فى البلاط .. وقع ليك
الله اعلم ابوحسين يجي هنا يا عووضة. ماتحلم ابوحسين حدوا بس يتكيف للفنانة بتنا بتاعت اشع الديناب. سؤال للموسيقار جلي .
يعنى اي الة موسيقية ممكن نطلع منها الاربع اصوات دى؟ الاكورديون من ادنى كوردات ماشي لي فوق مثلا والكمان ببداية الوتر الاول مضغوط للدين مرورا للرابع فاضي؟
Quote: نحن مازلنا فى انتظار الامر الاول ياعووضة الظاهر سيعود اليه لاحقاً او كما قال اخونا داك.
غايتو يا فاضلابى حججك كتيرة و بتحب تنطط ياخى ثانيا دى فيها أ ,ب, ج هاك دى ثانيا ج الجماعة زملاء شغل عاملين رحلة خالية من الجنس اللطيف لزوم السكرة و السطلة و التعاطى الحر مع البهجة و مال مش هم احرار اها جات جمبهم رحلة سيرة و كميات من بنات محتفلين بى عريس و عروس و العريس راح منداح مع الجماعة نفس بى نفس و كاس بى كاس و واحد زميل يقول للزملا :: يا اخوانا اعملو حسابكم العريس ده بنقلب قرد و اختلط الحابل بالنابل اها واحد قال عندى ليكم لعبة اربعة بنات فى صف قصادو اربع شياب فى صف صادف العريس و العروس كانو مشاركين و تماينة ورقا مطبقات و عليهم ارقام اربع لى كل صف قالو للعريس اختار ورقة شال ورقتو من بره مكتوب عليها رقم 2 قالو ليه اختار بت نديها الورقة المكتوب عليها نمرة اتنين حقة البنات اختار العروسة ادوها ورقتا قالو ليهو افتح و اقرا المكتوب لقى مكتوب العسل ده الا ينقط وهاك يا زغاريد قالو للعروس الرد عندك فى ورقتك فتحت لقت مكتوب القرد ده الا ينطط صاحبنا بتاع قبيل ضحك ليهو ضحكة سوبراناوية لامن وقع فى الواطا ما قلت ليكم بتقلبوه قرد اما اولا دى لما اشرب السجاير بجيك ليها