يا جماعة هؤلاء بتاعين المنبر ديل منو؟

07:16 PM July, 25 2016

سودانيز اون لاين
سيف النصر محي الدين-
مكتبتى
رابط مختصر

واحد من الأعضاء قاعد يكتب رسائل يومية لي ناس يطلق
عليهم "هؤلاء" و اليوم مشى خطوة لي قدام و جاب ليهو هؤلاء
تانيين غير الاولانيين على قول عادل امام.
فترة اعتقدت اني من هؤلاء فتداخلت في عدة بوستات محاولا
توضيح وجهة نظرنا الهاؤلائية و لكن مداخلاتي تأستكت بمجرد
وضعها في البوست فأيقنت حينها اني لست واحد من هؤلاء الهؤلاء
و لكن العجب لم يفارقني قط عن كنه الجماعة ديل بل زاد عجبي اليوم
لما اكتشفت انو في هؤلائيين اثنين و ليس واحدة فقط.
فيا هؤلاء من أنتم ؟

Quote: يا جماعة هؤلاء بتاعين المنبر ديل منو؟

هولاء هم أيها القوم

مؤلاء واولئك واللاتي

من ايت اتي هؤلاء؟

سؤال وجيه

متي يغور هؤلاء؟

السؤال الما لاقي اجابة لحدي الآن

ليه زمن بكورك في الهؤلاء وبقى مافي زول شغال بيه عشان كدة قال يكورك للجيران معاهم

ماااااا عندو التكتح
بلقط ليه في حاجات بتاعة اثارة تغضب الناس وتعمل ليه قيمة لكن ما عندو عقلية حوار ومخاطبة

هسة الحديث الجابو دة لو كتبوا زول غيره علي الحلال قيامة البورد تقوم

Quote: عن أنس رضي الله عنه قال: قال رسول الله صلى الله عليه وسلم: ((حب قريش إيمان وبغضهم كفر، وحب العرب إيمان وبغضهم كفر، فمن أحب العرب فقد أحبني، ومن أبغض العرب فقد أبغضني)).

تحس انو واقف جنب الكعبة في القرن السابع وبكورك للناس احذروا الحركة الشعبية والشيوعيين والزنوج !

والله يا دكتور كنت قايلك مفتح!! معقول ما قادر تفرز بيناتم

1. هؤلاء الاولانيين = اليساريين والعلمانيين والكفار والملاحدة والليبراليين
(وانت منهم والعياذ بآمون) :)

2. هؤلاء التانين = اي زول ما عربي :)

والله أعلم

احمد يا عالم
مكنش معاهم واحدة حامل و خدوا تكسي و رجعوا؟
الموضوع و الله محتاج تأمل عشان نفرز who is who
فقد تشابه علينا الهؤلاء

يا عبد اللطيف لو ما قدام الكعبة في دار الندوة ههههههه

Quote: و الله محتاج تأمل عشان نفرز who is who فقد تشابه علينا الهؤلاء

إنت مكبر الموضوع يا دوك :)
"يا هذا" نفسه ما عارف هو بخاطب في منو ولشنوا؟
ههههههه

ناصر سلامات
شكلك عارف هؤلاء القوم و لابد.

سلام يا عمر الفاروق
غايتو بالنسبة لسؤالك عن متى يغور هؤلاء فالاجابة قدر البسيط الفهمتو هي
ان هؤلاء يجب الا يغوروا بل مفروض يجوا عليهم أولئك من شمال الوادي
ليصيروا هؤلاء واحدة كبيرة.

Quote: والله يا دكتور كنت قايلك مفتح!! معقول ما قادر تفرز بيناتم 1. هؤلاء الاولانيين = اليساريين والعلمانيين والكفار والملاحدة والليبراليين (وانت منهم والعياذ بآمون) :) 2. هؤلاء التانين = اي زول ما عربي :) والله أعلم

هو بذات نفسو قال ليكم ما عربي ، كمان الشمال ده حقهم براهم... شوفوا ليكم بلد تانية امشوا ليها ... ؟!

يا دكتور هؤلاء دول الجماعة بتوعين دوكهم
ناس عجيبين خلاس
جنكم يشرحو ليكم الحاجات الواضحة
قبل كدا برضة لمن محطة بري اتحرقت الزول
داك قال ليكم البتاعة لمست الهناي وقامت النار
ولعت في البتاع😏 واضحة
عليكم الله هسي البتاعة دي دايرة ليها بتاع؟

Quote: الهاؤلائية

بالرغم من أن علماء الليبرالية الحديثة قد قسّموا سلوك البشرية من حيث الجماعية إلى: (out-group and in-group)
وبالرغم من أن جوزج بوش الابن قد داس أبنص على مقولة معنا أو ضدنا! في أحداث 9/11.
إلا أنهم -علماء اللبرلة والساسة حسب تتبعي لم يتوصلوا نجرًا للهاؤلائية حتى الآن.

وبهـــــذا:
نعلن، أن هذا هو أول نجر ظرفي لمصطلح دلالي جديد يتم حفظ حقوقه لد. سيف النصر

الحقوق محفوظة.
حتى لا يأتي بكرة من ينط ليك ويقول أنا أول من مشى على القمر يا هؤلاء!

ههههه
نحكي ليك دي يا سيف محبة فيك
مجموعة من الكبار البهتمو للغلمان بقعدو يوماتي في دكان واحد منهم . مرة واحد ما منهم قاعد معاهم .. وجاء غلام وديل بغازلو فيهم .. وعمنا من الضمن رمي ليهو كلمة كلمتين
الغلام اندهش وقال ليهو
اتا يا عم فلان من اهلك ذلك
قال ليهو
انا ذلك زاتو

سلامات يا احمد محمد عمر
قلت لي هؤلاء واحدة بقت ما جايبة دخل؟
هههههههه

لفيت المنبر دة بي كراع كلب ما عرفت المقصود
مشيت لي اولئك ما لقيتهم جيت راجع لي هؤلاء ما لقيتهم
الا يكونو قاعدين مع الذين
ممكن واحد يفقع لينا الكلام دة ويجيهنا ما نكون شايتين في قونا

انت ياجلال مالك محنن اضنينك
ما تمشي. تقول ليهو الكلام دا
افففففف
اخر زمن بقو النقنتود يرسلوا الما نقنتود😜

ههههههه

ود اب سن
نكتتك دى ممكن عادى تحول اوراق صاحب البوست للمفتى
وحالتك ما فاهم موضوع البوست
يعنى لو دخلت وانتا فاهم كان اعدمتنا كلنا ههههه 😇

بخصوص الشخص المعنى بالبوست يا دكتور
الا ترى انه يحتاج الى مساعدة طبيب نفسى ؟

سلام يا د. سيف النصر

أخي المحترم

هي بدأت ب ( يا هذا ) ومع تحول الأمر الي حالة عزف منفرد

أصبح كل آخر من زمرة ال ( هؤلاء ) بتنويعاتها المختلفة.

دع ( هذا ) يواصل عزفه المنفرد .

ولا تشغل نفسك.

سلامي

والله يا علي ما عارف شت بس .. عندي شهية كتابة والسوق واقف والجو يغري بالفساد !! مطر ورطوبة والشمش متغتية ومتبلمة بكسر السحاب .. زي البت المتضارية وراء الباب .. مرات تشوفها ومرات تحجبها الخجلة
اها سيف دة من الذين اودهم والله شاهد . بعد كلامك دة تاني اخدت لي دوحة .. ولفيت المنبر افتش بوستات اولئك وعناوين هؤلاء .. وخشيت محلاتن كنت ببراها .. ومرقت ملوص صفر معاك الصفرين . الا يكون البوست دة بي ذاكرة استرجاعية . من الموبايل لامن دمعت . قريت جنس قراية .. وضحكت لامن انشرقت والله .. ياخ لقيت متعة ما عادية .. قررت اباريهم تاني بالطوالة
ورد لي جلالدونا والله بضحك فيهو عشرة دقايق .. ياخ جنس ردم هو .. اتردم ردم ما اتردمو حرامي في بيت عزابة
غايتو
اشكر سيف لانو فتح عيني علي طاقة للمرح

دكتور سيف لك السلام ومن معك ..

غايتو نحمد الله فارز عيشتو مننا خبرنا ما بجيبو
ههههههههه .

يمكن بتستاهلوا ؟ خخخخخخخخخخخ

دكتور سيف ورهطه ,,,,,, سلام
قنا نزكركم ,,,, ختو الكورة واتا ,,,, موسي في دينو وعيسي في دينو ,,,,
الزول دا داعي جنس دُعا أسالو منو عووضه وجلالدونا.

http://sudaneseonline.com/board/490/msg/%D9%8A%D8%A7-
%D8%B1%D8%A8%D9%90-%D9%8A%D8%AC%D9%8A-
%D8%AA%D8%A7%D9%86%D9%8A-...-1460371177.html

http://sudaneseonline.com/board/490/msg/%D8%A3%D9%86%D8%A7-%D8
%BA%D8%A7%D9%8A%D8%AA%D9%88-%D9%87%D9
%8A%D8%B1%D9%88%D8%B4%D9%8A%D9%85%D8
%A7-%D8%B9%D8%AF%D9%8A%D9%84--1460732216.html

هو "صاحب هؤلاء" امتحان حقيقي للجميع : امتحان في الديمقراطية وقدرة تقبل الرأي في الآخر ، امتحان يبين لنا أسوأ ما قد تأتي به الديمقراطية إذا علا صوت "أولئك"
وعموما "هو" يذكرني بأيام "هايد بارك" الخوالي ، ولكن بنسخة سودانية .

شفاه الله

سلام حمد ابراهيم وسلام عثمان عووضة و شكرا على التعليق
و يا عووضة و الله البتاع ده داير كمية من البتوع عشان يتعرف مضبوط

Quote: وبهـــــذا: نعلن، أن هذا هو أول نجر ظرفي لمصطلح دلالي جديد يتم حفظ حقوقه لد. سيف النصر

سلامات يا ادم و شكرا على براءة الاختراع ههههههه
في اللغة الإنجليزية أي تعبير مستحدث يحفظ اسم من استحدثه و هناك فعلا اهتمام بهذا الجانب
و حتى تلك التعبيرات التي لم تحظ بالتوثيق و التي انتشرت قبل سنوات لم يكن فيها هذا الاهتمام
الموجود اليوم سائدا فيها تجدهم يبذلون مجهودات كبيرة في السعي لتوثيق كل تعبير و ربطه بصائغه
و لعلك تعلم انهم يستخدمون الفعل coin للدلالة على صياغة مفردة او عبارة جديدة.
اخونا حافظ خير لذي يكتب هنا باسم فردة هو من صاغ مفردة اسفير و اسافير للدلالة على
الفضاء السايبري.

سلامات يا هذا وهؤلاء المشاركون وهؤلاء هؤلاء المشاركون بالقراءة ..
هؤُلاَءِ سَيُحَارِبُونَ الْخَرُوفَ، وَالْخَرُوفُ يَغْلِبُهُمْ، لأَنَّهُ رَبُّ الأَرْبَابِ وَمَلِكُ الْمُلُوكِ، وَالَّذِينَ مَعَهُ مَدْعُوُّونَ وَمُخْتَارُونَ وَمُؤْمِنُونَ.

سفر الرؤيا ( 17 :14 )


الاخ احمد محمد عمر ..

Quote: عن أنس رضي الله عنه قال: قال رسول الله صلى الله عليه وسلم: ((حب قريش إيمان وبغضهم كفر، وحب العرب إيمان وبغضهم كفر، فمن أحب العرب فقد أحبني، ومن أبغض العرب فقد أبغضني)).

لبراءة هؤلاء من كلام هذا الذلك اقول لك ان ما جلبه من حديث هو في الاساس مستضعف من اولئك هؤلاء العلماء ..:)

انا لا أدري يا هؤلاء هل ينطبق كلامه عن هؤلاء الهؤلاء ممن ينادون بالقومية العروبية من البعثيين ومن شابه هؤلاء من القوميون العلمانيون ام ان حبهم ذلك للعرب حب كفر و سيورد هؤلاء مورد الهلاك والعياذ بالله ..


اخيرا..
لم اعرف من هو هذا المقصود من هؤلاء الاعضاء صاحب هذه الهؤلائية؟؟؟؟

يا هذا هل البتيخة الفي بروفايلك دي
مقطوعة حلال ؟
يعني هل كبرت واستقبلت القبلة ولا
داير تاكلنا حنك ساكت😉
حيدر الزين اتق الله ياخي😉

على السنة تكبيراً واستقبالاً وتوكيلاً وكل تلك وهذه الطقوس الموسومة من هؤلاء ..

لكن التلج ما عارف مستوفي لشروط الحلالية ام استخدمت فيه تلاجة ملاحدة..

سلامات وتحياتي استاذ عثمان

هولاء الاولين مشوا يزوروا هولاء التانين
لما ما لقيهوم اخدوا تاكسي و رجعوا

سلامات يا حفيظ

Quote: اتا يا عم فلان من اهلك ذلك قال ليهو انا ذلك زاتو

قبال فترة بتكلم مع جماعة من سودانيين أمريكا من أجيال مختلفة و احدين طال بهم العهد من السودان
و واحدين ما طولوا و فيهم المواصل و بسافر بانتظام و فيهم المنقطع ، المهم من ثوابت السياسة
الامريكية هي حكاية الموقف من زواج المثليين و قضاياهم عموما و كما تعلم يطلق على المجتمع المثلي
هنا اختصارا LGBT و هي الحروف الأولى لمكونات ذلك المجتمع و حرف B يشير لما يعرف بالbisexuals
و هم الجماعة الما عندهم قشة مرة هههه و بتاعين الصنفين. اها انا قلت انو هذه الفئة موجودة بكثرة في السودان
و دليلي هو قصص فيها زي ناس عمك "ذلك ذاتو" ده . و حقيقة انا أرى أن هذه الظاهرة موجودة بصورة
مزعجة و شباب كثر قد تعرضوا لمواقف بايخة ابطالها ناس متزوجين او غيريي الجنس ظاهريا. هل تصدق
أن معظم الحضور اتخذوا موقف الدفاع و حاولوا يطلعوني غلطان!
يمكن يوما ما نناقش الموضوع ده.

اها انتهيتوا من هؤلاء عايزين تقبّلوا على أؤلئك!
http://sudaneseonline.com/board/428/msg/%d8%aa%d8%a7%d8%b1%d9%8a%d8%ae-%d9%86%d9%83%d8%a7%d8%ad-%d8%a7%d9%84%d8%ba%d9%84%d9%85%d8%a7%d9%86-%...9%85-1467733349.html

على محمد بشير


ياخي سلم لي علي (هذه) البتقرأ في الجريدة بالنضارة الشمشية دي

والله حبيتا من قلبي(هذا)

ا