الانقاذ....القراءات الصحيحه والقرارات المريحه

12:54 PM July, 25 2016

سودانيز اون لاين
عمر عثمان عبد الوهاب-
مكتبتى
رابط مختصر

ان تحكم عليك اولا دراسة نفسيات وعادات واخلاقيات وتصرفات وامزجة من تحكمهم

وقد وفقت الانقاذ في ذلك تماما

الشعب السوداني ملول في حتة الحاكم دي بالذات

ولو ليهو كل كم شهر كده الحاكم يتغير

واولما يحكم تخرج مظاهرات التاييد الهادره و بعد شهرين يطلعو فيهو وفي حكومتو الكدايس الفطسانه

فبدات في تغيير خارطة المزاج السوداني المتقلب

اكثرت من المساحات الخضراء داخل الحواري وسفلتة الشوارع
الفرعيه
الناس عمرها كلو تركب من العربي لكل انحاء العاصمه
فتم ابداله بجاكسون كنوع من كسر وتغيير المسارات اليوميه للمواطن

وفي حب الناس للهجيج تم افتتاح عشرات القنوات الفضائيه
واقامة الحفلات في الساحات والشواطيء المفتوحه والمجانيه
للترفيه وكسر حالة الشعور بالملل

وفي ديناميكيه تغيير الشخوص المتواتره

قابلو الترابي في الشوارع والصحف والاعلام سجنوهو
ا نقنقت في نافع شالوها
اكثرت الحديث في شيخ علي مرقوهو

عبدالرحيم ماينفع لوزارة الدفاع . جابوهو والي


حركة دؤوبه في معظم جوانب الحياة اليوميه للشعب
ان كانت سياسية او اجتماعيه او اقتصاديه بتخلق حالة
من الارتياح الشعبي

كنا السباقين علي كثير من الدول في ادخال واستخدام تقنية الاتصالات
حتي اصبحت الشركات السودانيه مرجعيه لبعض دول المنطقه

واصبح المواطن يمتلك بدل موبايل اتنين وتلاته