**بمناسبة (نقد ونقو) يا ود عووضة ؤ جلالدونا بالتضامن والانفراد **

09:55 AM July, 24 2016

سودانيز اون لاين
محمد على طه الملك-
مكتبتى
رابط مختصر

أول شيء في العادة أنا بحب اشارك بالعندي في بوستات الناس بدون افتح بوست ..
لإنو فتح بوست يعنى متابعة وتفاعل مع المتداخلين ودا الشيء المفروض يحصل ..
عشان كمان البوست ما يبقى (ملاسي) خالص الله يطرا بالخير ..
أها صنقيرة المتابعة دي هي البتخليني اعمل فيها وقواق عديل ..
طبعا صاحبي المستنير طلعتو بره الحسبة بعد غمت ليّ ..
فكرت بالاول أنزل مشاركتي دي في بوست جلال المهبب بتاع اللوم داك..
تاني قلت البوست داك الناس خلاس تابعتو وما ظنيت تاني يرجعو ليهو ..
قلت في نفسي يا ولد اتوكل ؤ شوت بوست بالاسماء ..
اصلو الأيامات دي الجوزين نجوم شباك..
قالو كدا دفرو ود المدير في خور عقارب ما معروف بتين يهب منو لا بره .
:

لالا أنا عامل حسابي عارف حضور اصحابكم اللداد ؤ شُداد مواجبين ..
بس حيلقو البوست لا فيهو فسحة يلفو فوقا ولا فيهو مونساتي ساي ..
شايفك يا جلال في حته كتبت ( نقنتود ) ..
نقنتود ـ في لغة الدناقلة عندها دلالتين ما عندهن علاقة بالمفهوم السائد الآن ..
أيوه دلالتين لغوية واصطلاحية ..
أي والله ..
إنت فاكر اللغة العربية براها الفيها الاصطلاحات ؟
المعني اللغوي المباشر (ود نقد ) يعني زي ما بنقول ود فلان شفت كيف ؟..
أما الاصطلاحي فهو تصغير لاسم ( نُقد ) زي تصغيرات الاسماء العربية ..
بس دا ما الموضوع الأنا قاصدو ..
:

ود الملك .. مودتي .. سيرناقمي .. إن شاء الله طيب ..
صحيح الاثنين نجوم المنبر ومعاهم أبوحسين ..
صدقني .. الواحد عايز يشارك معاهم .. بس العامية دي صعبة شوية
الله الله لو البوست كان بالنوبية كنا سجلنا أهداف بالجملة ..
قريبي عووضة خطير ..
لكن يا ملك أحسن شيء في بوستاتهم أستخدام النوبية في المصطلحات
الجماعة حتى نقرو خلوها .. و راحوا لإسم الدلع ( نقنتود ) ..

مع التحية الملك .. طولنا من مداخلاتك ..

علي أمبس إدقون باركيريل ..
تصبيحة سمحة وفال خير كونك تفتتح البوست ..
خليك قريب بنحتاج لمعلوماتك الثرية وتعليقاتك الحلوة . .
الكتابة بالعامية كلنا تعلمناها هنا .

بالمناسبة عندي حبوبة رحمها الله إسمها ( نقو ) المعنى المقابل ( خادم )..
وإذا صغرت الاسم بصير( نقنبورو)..
بس لازم تلاحظ إنو إستخداماتنا للإسمين ( نُقد) للذكر ؤ( نُقو) للإنثني ..
في العادة ما بكونن مقرونات بأي إسم تاني ..
مثلا في العربي عندك عبد الله ، عبد الرسول، خادم الله .. ؤكدا ..
لإنو عبد هنا جايا بمعناها اللغوى أي العبودية ..
في لغتنا اسم نُقد ؤ نُقو ما بكونن مقرونات بأي إسم مقدس ..
ببساطة لإنهن ما كانن اسماء للناس بل صفة لوظائفم الكانو بشغلوها في المعابد ..
حتى اسم نُقد الله المشور لاسرة الأمير نقد الله جا نتيجة تعريب واسلمة الاسم ..
برضو دا ما موضوعنا الرئيس.
:

أها،
ؤ بعدين ؟.






يأخي وحات الله مشتاقين ...

أها دفروك ملصت سفنجتك بره وجاي تتونس،، أقصد تواجب اصحابك

التحية و التجلة و الاحترام لك مولانا الملك
و ألف خمدا لله بى سلامة العودة
و مع طلتك البهية يطيب الجلوس
متابع و بى اهتمام

مولانا الملك السلام عليكمكرقي آج نلوي .....سرن آقمي أرجو ولو سمح وقتك أن يمتد البوست لكل الأسماء النوبية الشائعة حتي الآن ودلالاتها وأذا كانت تعبر قديما عن أي تراتبية دينية او أجتماعية. وكلي ثقة في أنه سيكون غاية الفائدة والأمتاع خاصة مع وجود حبيبنا علي عثمان عبد الوهاب .لك كل التقدير.

تذكر الملاحظة التك الخلت عندك انطباع قوى بالتطابق بين نقد ونقو ؤ Nig. و Niger أو Negro ..
هي ذاتا لفتت انتباهي من سنتين ..
دقشت عمك قوقل ما قصر طوالي ساقني من ايدي لواحدا اسمو Pianke ..
اكان القا الشغلا مارقا من إندينا !!
يازول ما أطول عليكم..
لفحت نضم الزول ؤ دبجت معاهو اضافات وحواشي وتقويم مفاهيمي ؤ هاكي يا لراكوبة ..
معاها تلحقني ؤ تنجدني يابا عووضة شكال القارح ..
تقدر تقول برضو دا ما الموضوع كلو.
:

في المقال التحت دا ..
المعنى الأصلي أمو بت عم أبو ..
بتين ؤ كيف وصل اوربا السجم عشان هم يشيلو يلزقو مع اللون الأسود حسب عفن تاريخم الاجتماعي ..
اها في ضمتك بشاشا ما ليهو حق يبستفنا ..
وكتيين اللسم شالو مننا ورجعو لينا مقلوب ؤ ملوث بمفاهيمم الاجتماعية المعفنة ؟؟
بعد تقرو استلمو المفاتيح ..
انا مالي مش البوست باسمكم؟
:

يا شباب ..
وحات سيد المستنير الحوارو موعود بالتنزيل ..
برجع ليكم فردا فردا ..
مشتاق ليكم ؤ كنت ناوي أوكوِك معاكم ..
بس تقول شنو طلعو لي بمشوار عائلي بعيد من مافي..
لالا ما فسحة ..
بس تقول شنو ويك اند مهبب.
:

Quote: 08-15-2014 02:17 PM نٌقد و نُقو هما اسمان شائعان بين الدناقلة ، الأول للذكر والثاني للأنثى يقابلهما في العربية (عبد وخادم) ، يستخدمان في الثقافة الدنقلاوية كأسماء علم بين أسر لها وزنها ومكانتها الاجتماعية ، ولا زالت هذه الأسماء حية يتسمون بها ، دون أن تصحبها أي حمولات اجتماعية عنصرية سالبة من جنس ما لمقابليهما في اللغة العربية . التباين المفاهيمي بين حمولات اللاسمين في النوبية الدنقلاوية والعربية ظل مثار حيرتي ، فإذا بالشبكة العنكبوتية تقودني لدراسة باللغة لباحث يدعى Pianke Nubiyang. عمل من خلال بحثه علي تأصيل لفظ Niger المتداول في المجتمعات الأمريكية والغربية ، بعد أن أضحت علما لتمييز السود ، متتبعا المسار التاريخي لللفظ إلى أن بلغ جذر مصدره في ثقافة بلاد (كميت) ، إحدى المسميات القديمة لبلاد كوش. يقول الباحث: The word "nig..." used to be the most revered and sacred word in the universe. It was the "devine epithet," and the people who began using the mother of all words that originated from this word which was supplied by the British, were the ancient Egyptians or better, the Khemites, who called their land, "Kemet" or "The Black Land," and also used the name, "Ta-merri" or "The Beloved Land." THE WORD "N-G-R" MEANS "GOD" IN ANCIENT EGYPTIAN The father of the "n" word was the word used by the ancient Egyptians for "God." That word was "N-g-r" ويواصل الباحث قائلا : The Romans who were speakers of Latin always knew of Blacks, there were Blacks in Rome, Italy had an ancient Black presence long before the Latins migrated from Central Asia and North Eastern Europe during the 'Aryan' migrations. In fact, the Latin ethnic groups is still in existance in the northern part of Italy even today. This part of Italy still grips about Hannibal's invasion which happened about two thousand two hundred years ago!!!! The Romans had a name for Blacks, it was "Niger" and it meant Black or people of African origins. Thus, Septimus Niger would have meant, Septimus the Negro. Yet, how did the Romans connect the word "Niger" to Black. In ancient times, Blacks were worshipped as Gods. The Gods of Greece came from Egypt. The worship of the Black Madonna is connected with the worship of Isis, the Egyptian Goddes. Moreover, Blacks in Egypt called their Pharaohs "En-ger" or "N-g-r" he was literally referred to as "THE GOD." * من العجيب أن يكون مصدر اللفظ هو نفسه هذا الجزء الذي نعيش فيه من العالم ، والأعجب أن لفت البحث انتباهي فلمست تقاربا شديدا بين جرس اللفظ (Niger ) مع اللفظين نٌقّد و نُقّو، الأمر الذي أثار في ذهني تساؤلا حول ما إن كان لفظ ( نِقر ) هو نفسه ( نُقو) مع اختلاف طفيف في النطق من الطبيعي توقع حدوثه مع الهجرات وتداخل الألسن فإذا بالبحث يدعم فرضية تساؤلي ، حين يصل لمعنى (نِقر) استنادا على مرجعية الأصل الثقافي (worshipped as Gods) . كثير من الدراسات اللاهوتية تؤكد أن الثقافة الفرعونية هي من أولى الثقافات العقدية التي عرفت المؤسسية ، إن لم تكن هي من ابتدعتها، حيث مؤسسة كهنة آمون را ( رع) ، من أوائل المؤسسات الكهنية المعروفة في التاريخ القديم ، ولعل المعابد والمدارس الكنسية منذ زمانها التاريخي القديم انتحلت الكثير من نظم كهنة الفرعون ، ليس أقلها التقاليد الرهبانية. كانت المؤسسة الكهنية تُعني بوجود هيكل له تنظيم إداري و تراتيبية وظيفية ، يجلس على قمتها كبير الكهنة أو ( شا دول) . استنادا على ذلك ـ اعتقد أن لفظي نُقّو ونُقّد ما هما سوى مسميين كانا لمرتبة وظيفية في المؤسسة الكهنية الفرعونية ولعلها كانت تعني خدام معابد الآلة تماما مثل ( سدنة البيت الحرام ) ، وليس عبيد الآله كما جاءت الترجمة للعربية ، لاحظت أيضا أن اللفظ بدلالته المفرغة من العنصرية ـ كان معروف في الثقافة العربية قبل الإسلام ، حيث كانت هناك اسماء مثل عبد اللات وعبد العزي وعبد منأة كلها منسوبة لآلهة العرب في الحاهلية ، أما الدلالة الاجتماعية التي سادت مؤخرا وحرفت الدلالة الأولى ، فقد ظهرت لاحقا مع ظهور الاسترقاق إبان عصور الاقطاع ومن ثم تجارة الرق . في مقال للأستاذ محمود عثمان رزق حول آلهة العرب في الجاهلية ـ نشر بصحيفة سودانايل ـ قرأت قوله (وقد عرف مناة شعوب أخرى غير العرب بنفس الاسم ولكن باختلاف طفيف في النطق. وفى اعتقادي الخاص أن مناة صخرة مقدسة منقوشة أخذت من بلاد النوبة ، ولسبب من الأسباب لم يستطع صاحبها نقلها لمكانه الذى أراده فتركها فى مكانها على الساحل فعبدت بسبب اللغز الذى يحيط بوجودها هناك فى منطقة مهجورة .وهذا التفسير منى ليس بغريب لأنَهإذا تذكرنا أنَ أكبر وأعظم الأصنام قد جلب من الشام فغرب البحر الأحمر أقرب لمكة والمدينة من الشام!!والسفن كانت تعبر البحر من الغرب إلى الشرق وبالعكس ، ولذلك ليس من المستبعد أن تكون مناة وذو الخصلة وسعدا – وكلها صخور منقوشة وجدت قريبا من البحر الأحمر- أصلها نوبيا ) إنتهى. بذا نكون أمام فرضية تاريخية منطقية أخرى مقبولة ، يمكن الركون إليها للوقوف على الكيفية التي انتقل بها اللفظ بذات دلالته للثقافة العربية في الجاهلية ، أضف لذلك أن التراتيبية في خدمة العقائد ظلت حاضرة وشاخصة في المعابد التوحيدية وغير التوحيدية بما فيها الإسلام ، حيث نجد للحرم المكي خدام ـ وإن لم يتسموا بعين الفظ كما أشرت بعالية . الغاية من وراء هذا هو لفت الانتباه للتحريف الذي طال دلالة اللفظ ، مقتفيا دلالاته المحدثة لدي المجتمعات التي عرفت العبودية منذ بروز فقه الاقطاع في الامبراطوريات القديمة كلبيظنطية والرومانية ، وفي الكيانات ذات الصبغة الشعوبية كالعرب في الجاهلية.

Quote: THE WORD "N-G-R" MEANS "GOD" IN ANCIENT EGYPTIAN

برضو سؤال :
إذا مشينا بفرضية الباحث المكوتة دي ..
فهل هو بقصد ب N .G. R ..
اللفظ الفرعوني ( أ ن ج + را ) أي الإله ( رع ) بالعربية حيث الحرف عين لا وجود له في النوبية ؟؟
كما ان هذا السبب أي ( خلو اللغة من حرف العين )..
رجح عندي فرضية أن يكون الاسم الصحيح للملك المروي بعانخي هو بانكا أو بانقا ..
خاصة وأن اسم بانقا موجود ومتوارث في ذات المنطقة الجغرافية..
فضلا عن أن لفظ با نقا يأتي متسقا مع فرضية البحث أعلاه عند الترجمة..
فاللفظ (با ) بمعنى الأب ..
واللفظ ( نقا ) بمعنى إله .
ولّ شكلي سرحت بعيد؟

هههاي
تلقوها عند الغافل

جلة عاين الكوشيين ديل دايرين يهبلو بينا انت وانا عشان يتمی ومساکين
ناس قطاحلة في وزن الملك وعلي ع. الوهاب وود الزبير وعباس محمود دايرين يزرونا
ود المدير داك غايتو بلوة مسلطة بيقدر عليهم
قول للكره ديل شن جاب لمبة نقنتود مع الرتينة البتريموكس😉

مولانا الملك مودتي .. أيام العيد جانا ميرغني صالح وعملنا جلسة ومحاضرات
مع مجموعة بنا
كانت ليالي جميلة إستحضرنا المرحوم
==============================

قريبي عووضة .. ( نقنتود ) وللأنثى ( نقو )
بالمحسية ( أوشي ) .. وللانثى ( أوشا )
وكما قال .. الملك .. نقو كان لقب أو إسم لبعض الاناث كما نقد
أكيد الحاجات دي من العمق الكنسي والموروث الديني ..

جلالدونا كمان خلانا ندخل في بحوث نوبية وإستحضار لحاجات كثيرة
لقظ نقد عندنا عادي .. وكما جلالدونا خلي الموضوع عادي وبقى ما في زعل ..

في التراث النوبي كان إذا الولد الصغير صحته كويسه وناضر جداً كان الام تخاف من العين ( السحر)
فكانت إحدى الخيارات يلقب الولد ( نقنتود ) أو يتم حلاقة شعره وعمل ( كووج Koog ) ما متأكد يمكن ( قمبور) بالعربي
والبنت كانوا يسمونها ( نقو ) وذلك لتشتيت ذهن السحار أو الزول صاحب ( العين الحارة )
وجلالدونا يستحق إسم ( نقنتود ) على حسب هذه النظرية ..

مودتي للجميع .. صدقني بوست جميل وأسبوع كوميدي وفكاهي رائع ..
تغنينا عن حرارة وزحمة جدة والعمل وزحمة الكفيل كمان ..

واصلوا

مولانا الملك .. إضافة للبوست ..

كلمة ( بوب) فهي تطلق على من يتمتع بالحيوية والقوة والنضارة والشباب ،
وليس هذا اللقب حكراً على البشر بل كل شيء جميل ،
وهناك اسماء عائلات سودانية بإسم (بوب) وأصل الكلمة ربما جاءت من القاب كنسية وتسربت الى اللغة الانجليزية
فكانت من أفضل الاسماء التي لها رمزية دينية وجمالية وإتزان ،
ويمكن الشعور بذلك من تكرار حرف الباء ، كما في ( أنباب ) وهو كبير القوم أو الاب الاكبر في النوبية ،
وقد ورثت عن التراتب الكنسية النوبية ، ومازالت مستخدمه لدى المسيحيين ( الانبا شنودة ) ..
وكذلك ( البابا) بالاتينية هو ( بوب ) .. ويطلق على الوالد او كبير القوم ( آبا)

مودتي ... شكراً للملك .. وجلالدونا .. وعووضة .. وأبوحسين ..

اول حاجة احساس ما غادى بى الغبطة انو الواحد يكون سبب من جملة اسباب
فى انك تفترع بوست بالروعة دى و بى مشاركات حبيبنا على ان شاء الله حيكون معرفى
و تثقيفى من العيار التقيل
الشى التانى اسجل اعتراضى التام فى وصف داك البوست بالمهبب
اى نعم هو فيهو بعض هبهبة لكن كان عليك استصحاب الاعتراف الاستثنائى
و التاريخى التمّ فيهو
ود المدير اليومين ديل مافى زول بباريهو خايفين من العدوى
زول عندو صغت و سكرى و نضرو كعب و حاجات تانية و قاعد فى الحجر الصحّى
دى رابعا

تمركزت الثقافة النوبية والحفريات المكتشفة من الاثار، على علو مفهوم وجود الاله في الحضارة النوبية، واوردت بعض المصادر التاريخية أن سبب غزو بعانخي لمصر، هو محاربة فكرة الاله الفرعوني ورفض مفهوم تعدد الالهة والايمان بحقيقة وجود اله اخر ليس من البشر، بجانب رواية اخرى تقول بان الفراعنة كانوا يسيئون للخيل وتلك رواية اخرى، وقياسا بمدلول كلمة نقو ونقد كمفردة دون ربطها باسم اخر لاثبات العبودية و ينسجم ذلك مع طرح الملك الذي قدمه باثبات العبودية لدى الفرد فقط نقو ونقد ، والتي تحمل معنى اثبات وجود الاله أكثرمما تثبت عبودية الفرد. ويتفق هذا الراي ايضا مع الجدال الدائر حول دلالة كلمة ( نقرو) لدى المجتمع الامريكي وما اذا كان لها مضامين عنصرية او استعلائية هي الأخرى. لذلك نجد ان المجتمع النوبي بشكل عام اقل المجتمعات حساسية تجاه مفهوم العبودية ... ويفخر الناس باطلاق ما يفيد العبودية في اسمائهم بينما تتمسك المجموعات غير النوبية بما يفيد الاشارة الى أصلها الحر.

مولانا / محمدعلي اومدنتود وشركاه
والله مشتاقين
تاير اللغة النوبية في العامية السودانية كبير جدا ودا دليل تلاقح وتفاعل انثربولوجي وفيهوفطن زي ما سيدعبدالعزيز قال
يا منبع النور و الفِطن .. يا الفقتى يعرُب و الرطن .. في جوفى من حُبك قطن
في اسامي كتيرة من النوبية لها ما يقابلها او مشتقة منها الى العربية ...كمثال
برسي : التوم
تنقاري: الشاطىء الغربي
نابري : الذهب
قيلي : الاحمر

يا مولانا اسمح لى ارحب بالدكتور عبد المطلب و الاستاذ اخمد بس
و مع اشراقات حبيبنا على حنكون موعودين بى سياحة تاريخية
فى دروب لغتنا النوبية
و ح اتنازل عن ثالثا و ثانيا و اولا
و هاك يا قعدة فى عالم الابداع الساحرده
______
ود عووضة بى مناسبة توود اللصقتوها مع نقرو و بقت نقنتود
اخونا على قال اللغة النوبية ما فيها حرف العين
طيّب عتود دى تطلع شنو

عتود تصريف عروبي للكلمة وليست اصيلة

يا جلال طلب قال ليك تصريف عروبي ..
عتود وعتان غايتو ما عارف كان المصدر ما عربي يبقى سوداني ..
يعني المرجعية قد تكون في أي من اللغات السودانية كان تبداويت كان باري كان داجو ..الخ ..
النجيضة اللفظ ما نوبي .

يا جلال طلب قال ليك تصريف عروبي ..
عتود وعتان غايتو ما عارف كان المصدر ما عربي يبقى سوداني ..
يعني المرجعية قد تكون في أي من اللغات السودانية كان تبداويت كان باري كان داجو ..الخ ..
النجيضة اللفظ ما نوبي .

يا سلااام بوست يفتح النفس يا أورينتود ..

مولانا ود الملك تحياتي،،

واصل واصل وفي إنتظار المزيد..

ما شاء الله تبارك الله ..
مش قلت ليكم اللتنين نجوم شباك ..
براكم عاينو لى ود المدير..
بعد كان دارعلو قفة عقارب ماشي يفاصل فيهن ولاد اللصفر ..
كشحن في وشي ناس الجمارك ؤ قالهم هاكم السم اليهري ..
ؤ جانا صادي يتمتم ( ؤ بعدين )..
أنا مالي ..
يداك مدير الجمارك القال كيلو العقارب بالشي الفلاني..
:
عاين جاي وحات نضري ما غبت عن البال.

ود الزبير الفخيم ..
طابت أيامك ياخي ..
قلت لي جاي يواجب أصحابو ؟
مش الحمد الله الجانا بلا قفتو الحايمبها ..
السفنجة لبس بنادر الزول بقى شغال في الخطر.

جلالدونا ؤ ود عووضة أصاحب البوست ..
مشكورين يا صحاب بى ختم القبول والاستحسان والتشجيع كمان..
مع إني كزول قانون مفروض استأذنكم قبال اقول بغم ..
الحمد لله ثقتي جات في محلها ..
ؤ دي المحرية فيكم ..
أنا عارف حفيد شكال القارح دا كان سخى للمعرفة بقارح الأمة دي كووولها ..
عاينو لى جنس نضم القاموس دا :
( شكال القارح ) ..
عربية فصحى :
الشِّكالُ : الْعِقَالُ ، الْقَيْدُ ، الْوِثَاقُ ، أَيِ الْحَبْلُ الَّذِي يَشُدُّ قَوَائِمَ الدَّوَابِّ
الشِّكالُ في الخيْل : أن تكون إِحْدَى اليَدَيْنِ وإحدى الرِّجْلينِ من خلافٍ محجَّلَتين
القارح :
.قارح - مقارحة
قارحه : واجهه
المعجم: الرائد

عباس انبننتود كرقي آج نل ..

Quote: أرجو ولو سمح وقتك أن يمتد البوست لكل الأسماء النوبية الشائعة حتي الآن ودلالاتها

عيييك دا شغل بحث عديل ..
ؤ في الإخوان الاجتهدو أكتر مني ..
أنت ذاتك نور أذهانا بالعندك ..
بدون ما أمشي بيك بعيد ..
لاحظت زميل البورد مبارك عبد ارحمن أحمد مسؤول الإعلام بالحركة الشعبية ش ..
بوقع اسمو أحيانا ( مبارك اردول ) ..
حقيقة ما عارف إذا هو عارف معنى أردول ولّ لا ..
عموما أردول ـ والصحيح كتابة أوردول ـ معناه الملك الكبير ..
كتبة ابن أبي السرح لما جو يكتبو اتفاقية البقط ( بقد ) ..
لقو لقب السيادة لملك النوبة هو ( الملك الكبير ) ..
حسو بالحرج لإنو كتابة اللقب كما هو يخالف عقيدتم التوحيدية ..
فقامو كتبوها ( كبير النوبة ) بدلا من ( الملك الكبير ) ..
الغريبة لا حظت من عبارات التقدير المستخدمة لدى السعوديين وربما عرب الخليج لامرائهم عبارة ( طال عمرك ) ..
وجدت أنها مطابقة تماما لمقابل في لغتنا كان شائعا بين الناس لتوقير ملوكهم عند محاطبتهم ..
والعبارة بالنوبية هي ( أورباب النُقُو نٌسو كِدّن Ourbaab Ennugo Nusookiden ) ..
رأيك شنو يا أستاذنا علي عبد الوهاب ؟
بالمناسبة حسب مصادر تاريخ السودان القديم ..
كانت قاعدة تقاليد تداول الملك بين الملوك الكوشيين تمضي بين الإخوة لا الابناء..
ذلك قبل أن تعدل لاحقا في عصر الممالك النوبية لقاعدة أحقية ابن الأخت .

خدو عندكم برضو ( الـ نقر ) ..
اسم مشهور ومتداول في المجتمع السوداني ..
يا ريت نلقى بين عضوية البورد أو القراء من يأصل لنا هذا الاسم ..

ياخي البوست دا زي الشبكة بتاعة سيد السمك
يمين الله جاب جنس هوامير
غايتو انا وجلالد نا نقعد نتفرج بس
....
ياملك ناس السعودية والخليج برضو شالو
حكاية تداول الحكم بين الاخوان من (اندينا)
بعدين عبد(ارحمن) انت قاصد تكتبو كدا ولا
اللام سقط سهوا
وفي كل الاحوال وا حلالي عليكم😉

قسما عظما كلامك ما يقع واطا

Quote: وجلالدونا يستحق إسم ( نقنتود ) على حسب هذه النظرية ..

يا بكرى ابوبكر طلب رسمى منقول على الهواء و كمان مباشرة
و على رؤوس الاشهاد
اطلب تغيير اسم الدخول من جلالدونا الى نقنتود
الطلب ده رسمى يا سيد الحوش و بى شهودو

بوست جميل يستحق المتابعة
شكرا اخونا الاكبر الاورو محمد على طه الملك وحمدا لله على سلامة العودة للمنبر
حاولت اتصل عليك تلفونيا اكثر من مرة بعد رجوعكم من العزاء من فرنسا
وان شاء الله سوف احاول الاتصال مرة اخرى

Quote: عموما أردول ـ والصحيح كتابة أوردول ـ معناه الملك الكبير ..

اذا تحليلك طلع صحيح يا مولانا وهو اقرب للصح وخاصة مبارك اردول نوبى بالاضافة لذلك الاسم فى تركيبته بيشبه الاسم ( اوروناصر ) ومعناه ( الملك ناصر ) كما تعلم

Quote: ويطلق على الوالد او كبير القوم ( آبا)

ويطلق على الجد ( آبا دول ) والبكر من الذكور يطلق عليه ( دوله / دولى )

حبيبنا د. طلب ..
مشكور على الطلة البهية والافادات القيمة ..
مسالة انتقال كلمات ، ألفاظ ، أو مسميات مفتاحية من ثقافة لأخرى واندماجها لم يعد محل خلاف..
فهي قاعدة حاضرة بيننا ومستمرة ..
مين فينا هسه بقول شاطر ومشطور وبينهما طازج أو يا ولد أفتح الرائي ..
لاحظت ناس المواصلات عموما ، سكة حديد ، طيارات ، بواخر ..
متمسكين بكلمة ( قمرة ) ..
زمان لما واحد يقول قدام ود المدير أنا حاجز قمرة كان بتر منو غادي ..
كمان يعجبوك ناس الجو لما يقولو ليك جالس في قمرة القيادة ..
تصدقو اللفظ دا ماخود من اللغة الهولندية أو ممكن تقول الجيرمانية ..
باعتبارم سادة المواصلات التقنية برا وجوا وبحرا ..
قمرة باللغة الهولندية تعني غرفة Kamer ..
إذن الموضوع مرتبط بالتاثير الذي تتركة ثقافة حضارية أعلى على ما دونها ..
استنادا على ذلك علينا ألا نستبعد تأثير الحضارات المدنية الأولى ق. م على ما تلتها ..
على أيام شغلي في محكمة الخرطوم الجزئية ..
لفت انتباهي استخدام سكان الجريفات ؤ سوبا لكلمة ( بقر فلان ـ بضم الباء ) لأنصبة ملكيتم للأرض ..
الكلمة وقعت ليّ كأنها تحريف لكلمة ( بٍقّد أو بقٍّت ) الشفناها في عهد النوبة ..
ؤ معناها القسمة أو النصيب .
:
غايتو زي ما قال أخونا حيدر قاسم يا بكري صعبتها ..
يعني ما نصحح؟

سلام يا طه الإمام،
إذا إستصحبنا إتفاقيط البقط، نستنتج أن للنوبة علاقة قديمة بإستعباد السود، أقدم من عهد الإقطاع.
لماذا لا تكون الكلمة بكل دلالاتها طالعة من أرض كوش؟

في حضرة جلالكم يطيب الجلوس مولانا الملك

والاستاذ عبدالمطلب الصديق والاستاذ علي عبدالوهاب

والشكر ل نقنتود لتحفيزك علي المتعة دي

والاتنين الجميلين العزاز ود عووضة ونقنتود

بلا تعالو اقعدوا هاديين زيي كدا وبطلو شغب

ونستمتع

محمد حسن ياحبيببدون كلامك دا غصبا عننا هادين
بعد كلام الاساتذة الفوق دا هسي الواحد يقول شنو بس غير يقعد مودب
ويسمع بس
حاجة اخيرة:قبل مداخلتك دي يا ملك كنت مع ميرغني صالح في التلفون
الزول الحلو دا الهداهو علی الموتمر القشري شنو؟

ولدنا أحمد ..
كيفك عساك بموفور العافية والأسرة ..
والله أعجبت شديد بثقافتك الموسيقية العالية ؤ مداخلاتك المعرفية الواعية..
اتمنى ـ لو أنت ما مجرد هاوي ـ أسمع بيك يوم تكون زي ولدنا الموصلي صاحب باع فيها ..
بعدين الموسيقي والطنبور ودور الروايسية في نشرها ..
من الموضوعات البكرة المحتاجة لاجتهاد وتوثيق من شبابنا العندهم فكرة ؤ رغبة في الموسيقى ..
كنت بقيف كتير عند اسم بت عمك ( هبسي ) ..
واسأل نفسي يا ربي الاسم دا تحريف للاسم ( حفصة ) أم حفصة تحريف لـ هبسى ؟؟
ؤ هل في علاقة لجرس الاسم هبسى مع اسم الملكة هتشبسوت ؟
من غريب الصدف لقيت اسم أمها المرحومة ( قلو ) مطابق لاسم الملكة المروية ( قلو هتي )..
و اسم ( شايا ) هو المقابل المؤنث لـ ( شا ) أحد الألقاب الوظيفة في المعابد ؟
وهل تعلم أن اسم جزيرتنا ( بنا والصحيح بنى ) هو اختصار لجزيرة ( بنى نوبس ) التاريخية في المصادر الإغريقية القديمة.
واحدة من مشاكلنا ضياع الداتا التاريخية ؤ مسحهها من أذهانا .

مولانا الملك ..
والتحية لحبيبنا محمد حسن وشكراً
===================
الملك عندنا في جزيرة أرتقاشا ما زالت هناك أسماء نوبية منقرضة
منهم من بقي على قيد الحياة أطال الله عمره ومنهم من توفي إلى رحمة الله ،
مثلاً :
تللي
لنبي
دللي
كاشوب
ساتي : معروف بأنه من الرتب الكنسية
سميل : رتبة كنسية هي صومائل بالانجليزية
شمت : أشميدث بالانجليزية أو المانية
قيرراو : الشيخ أو الزعيم ( السياسي ) القائد ليست رتبة دينية
مار : الحي أو الساقية . مثال ( النورنمار ) مار ( صغية كنسية مازالت متسخدمة )
مار الياس ، مار جرجس ( وخاصة في لبنان )
وكما ذكر حبيبنا أحمد ( قيلي ) وسبب هذه التسمية جاءت من باديء الاحمر بعد أن تم نفيه من مملكة سنار
إلى دنقلا وأستقر فيها بل وجزء من العائلة ذهبت حتى صعيد مصر ومازالوا ( بادياب) .. ومن بقي في دنقلا
تم تعريب إسمائهم من الباديء الاحمر ( قيلي ) ولدينا عائلات كبيرة في جزيرتنا ( قيلي ) وبالفعل هم ألوانهم
مائلة إلى البياض والصفرة وجميلي الاشكال .. حتى إو إخواننا في ارقو ودنقلا كان يطلق عليهم ( قيلنتود)

شكراً جلالدونا .. شكراً قريبي عووضة .. شكراً أبوحسين ..

إلى الحبيب جلالدونا : صاحب الحقوق الادبية في إشاعة إستخدام عبارة ( نقنتود)

في أجازتي السنوية بعد السلام على أهل .. في أقرب فرصة أقوم بزيارة متحف جدنا كوش
والمتحف في كرمة يبعد من منزلنا حوالي 2 كلم .. المهم ذهبت إلى هناك ووجدت أستاذ
زميلي لم أراه من سنوات طويلة ( أيام ميز المدرسين ) أيام الرخاء والبسط .. والمتحف
بناه ( شارلي بونيه ) السويسري .. وأثناء الجولة ومعي الاستاذ محمد عبده وهو من اهلنا
عرب البشارية .. وقفنا أمام تماثيل العائلة الكوشية .. وهم تقريباً خمسة أفراد قلت له ( ديل أهلي )
قال لي ( يا أخي جدودكم كانوا شينين .. شوف جدودنا ناس هارون الرشيد ومعاوية )
هسع ده ما نقنتود عديل ..
وقد إستحضرت هذه اللحظة عندما تم التداول بين عووضة وجلالدونا في إعادة إطلاق هذا المصطلح

التحية للثلاثي عووضة جلالدونا أبوحسين

العزيز أحمد آلم تو..
كيفك يالحبيب والأسرة الكريمة ..
لا زلت ممتن لك بالمعلومة القيمة التي ملكتني إياها عن الفرع الكوشي في المكون الهندي ..
أنا زاتي كنت بقول الهنود والاستراليين فيهم فروع متميزة باللون الأسود ..
لما عرفت إنو المدرسة الآرية التي تنسب الثقافة الأوربية للأصل الآري وهم الأسيويون والأوربيون البيض ومنهم الهنود والباكستان وايران ..
فهمت إنو برضو الهنود السود وهم من كانت لهم الصولات في تجارة العالم القديم هم والحميريين والكوشيين ..
قد تعرضوا بدورهم لغزو ثقافي آري ..
عليك الله فرغ مخلاية معلوماتك علينا هنا ولا تبخل بها.

والله يا ود الملك، اتحفت البوست بمعلومات وتحليلات لغوية ماتعة....
عطفا على ما قلت تجد في اغاني الحقيبة وهي اغاني نوبية أصلا ، وقد يغضب البعض لهذا التوصيف، ما علينا ...تجد كلمات دخيلة : مثلا ، مسو نوركم شوفو الفي جبينها صباح، مسو بادئة تركية تعني اطفوا ، ودرج البعض على نطقها مسو على اعتقاد انها تعني التحية مساء الخير او طاب مساءكم ....
ثقافتنا النوبية اقل من قامة البوست لكن من حيث القواعد اللغوية لنا حق التعليق.

Quote: عبد(ارحمن) انت قاصد تكتبو كدا

زرزة الشوم يا كافى البلا ..
أصلكم ما بتفوتو شي..
أرحمن أو أرحمان ..
أركمان أو أركمن .
أمن أو آمان ..
لو ما خانتني الذاكرة للأستاذ محسن خالد ربنا يوليهو بالعافية ..
استخدام أو زي تقول مفهوم خاص للفظ الرحمن ..
طبعا وانت سيد العارفين ..
ثقافتنا تجهل أو تتعمد أن تتجاهل لام التعريف ..
دا في حد ذاتو دليل على استقلالية ثقافة الأرض .

Quote: الزول الحلو دا الهداهو علی الموتمر القشري شنو؟

ههههه ـ براك عارف أهلك ديل لما يشطحو بنطحو ..
تصدق المرحوم كان معترض بشدة .

عزيزي خالد حاكم ..

مشكور على السؤال عارفك ما بتقصر ..
أها بعد الانفصال ما راجع لينا ؟
كويس إنك ثبت معلومة إنو مبارك نوبي ..
في عائلات كثيرة لا زالت تحتفظ بالقابها ..
منها :
أسرة أور توشي ..
أسرة أور تولي ..
لاحظ للأسماء الجابا أستاذنا علي عبد الوهاب .

Quote: كلمة ( بوب) فهي تطلق على من يتمتع بالحيوية والقوة والنضارة والشباب ،

ياسلام عليك أستاذ علي ..
ذكرتني غنية الفنان الرائع زكي عبد الكريم متعه الله بالصحة ..
( بوبي أولى آق جمسن )..
واصل اتحافنا بمعلوماتك القيمة .

السلام عليكم استاذنا

اسم خيري : منتشر جدا وسط النوبيين . هل للاسم معاني نوبية ؟ ولا اسم عروبي ؟ او نوبي معرب ؟

Quote: ويطلق على الجد ( آبا دول ) والبكر من الذكور يطلق عليه ( دوله / دولى )

آبادول .. يُطلق على الحفيد الذي يحمل إسم جده.
أننوو .. الجد.
أنناو .. الجدة.
يوو.. الوالدة.
أمبس .. الأخو.
أننسي .. الأخت.
إندي كقِد.. الخالة.
أمبانسي .. العمة.
أنقينتود .. إبن الخال.
أنباننتود .. إبن العم.
أنقنبُرو .. بنت الخال.
أنباننبُرو .. بنت العم.

محمد
سري بيا هونا
سري نانقي


في احدى الايام زارتنا قريبتنا في مقتبل العمر من البلد وشغلها كلو رطانة بس
ووقتها كنت افهم ان تود هي اقتود اي غنماية
ومن المعروف ان تود هي ابن وأقتود هي الغنماية
المهم لقيتها في مناسبة وسلمت ومعاي ابن عمي ( الله لا كسبو) بعد السلام سالت بالرطانه ( حسين تود) .!!

ما يعني ولد حسين .؟؟
ود عمي طوالي فك ضحكة خبيثة وقال لي سلامك زااتو بقول انت غنماية .!!
اقنعني انها قالت انا غنماية وطوالي طبعا رديت وهي فاتحة خشمها وترطن والناس تضحك .!!


نقد عائلة في نواحي دنقلا ( المقاودة والغدار)
ونقد الاخرى هي المعيبة والتي يجب الابتعاد عنها ..
وهي تكاد تكون اندثرت الا عند كبار السن

Quote: وأقتود هي الغنماية

الغنماية .. برتي.
السخلة .. برتنتود.
أققد .. نعجة.
وأنت ماشئ + تود.

حبيبنا ميرغني .. سريناقمي ..
ووو أمبس .. صدقني فتحت طاقة مهمة جداً لإضافة المزيد للفظ (تود)
كلمة ( تود ) تأتي بمعنى ( ولد ) وكلمة (برو) بنت

ولكن هناك إستخدام آخر لعبارة ( تود ) .. بمعني (الصغير ) أما في السن والحجم ... إلخ
فمثلا : إيقد .. الحمل ( أيقنتود ) ويتم فهم ذلك من سياق الجملة ..
ودائماً ما يستخدم في مواضع الدلع والغنج في هيئة تصغير كما في العربية ( صغيرونه ) أو ( صغيرون )
فمثلاً يقال للينت ( برو) وعند الدلع ( برونتود ) ما بعرف بالعربي مقابلها ( صغيرونه ) دلع وليس للحجم والطول
ويمكن أستخدام ( تود ) التصغير من الجماد والحيوان والانسان ..
لنقرب المثال بمفردات عربية في الدنقلاوية ( فأس ) الفاس الصغير ( فاستود )



شكراً ميرغني على هذا العصف ..
شكراً عووضة وجلالدونا وأبوحسين .. لأن كل هذه الكتابات جاءت نقنتود

مولانا الملك بوست عفوي وجميل ..

الله یفتحها علیکم شقیش ما تقبلوایاخي والله وتالله الواحد فينا لمن دمع من العبرة
الله يحفظكم كلكم بدون فرز اساتذة ومتداخلين...،،ياهو دا نرفع البوست قدر قدرتنا
ارتن باركيرو
....
اساتذتنا ابو علوة والملك لو كمان هبشتو لينا اسما الجزر
والامكنة يكون ما قصرتو تب
تمسكوها من ارقين وانتو نازلين
وارقين دي علاقتها بي ارقي شنو

Quote: إذا إستصحبنا إتفاقيط البقط، نستنتج أن للنوبة علاقة قديمة بإستعباد السود، أقدم من عهد الإقطاع. لماذا لا تكون الكلمة بكل دلالاتها طالعة من أرض كوش؟

واخدين بالكم يا شباب ..
أهو جاكم المستنير بى واجبو ..
تصدقو لو ما الكلام الفوق دا طلع منو بذات فكرتو..
كنت قلت ليهو ابن ابي السرح لاجدك ولا حاجة انت متصلبط ساي ..
صحيح الاتفاقية فيها بند يلزم ملك النوبة بدفع عدد من الرقيق الشباب بمواصفات محددة ..
بس دي الترجمة العربية الكتبوها كتبة جدك ابن أبي السرح يا ود عباس ..
يعني هم الوصفو أو اسبغوا صفة الرقيق على الشباب المفروض يتم سليمهم حسب المفهوم الاجتماعي السائد عندهم ..
وقع ليك ؟
أنت فاكر اللولو دي حقتكم براكم ؟
ياخي والله بقيت تشفقني عديل ..
أنت كلو مرة تنقطر روحك لود البشرى ؟
ما بتوب؟

Quote: اوروناصر

الأورناصري ديل أهلنا يا خالد ..
هم الفرع الممتد من الأسرة شمالا ..
وهم لهم مصاهرات وارتباطات في العمق بين المحس.

وهم قادة وزعماء بالفطرة

حبيبنا الأنيق علي عبد الوهاب

Quote: ويمكن أستخدام ( تود ) التصغير من الجماد والحيوان والانسان .. لنقرب المثال بمفردات عربية في الدنقلاوية ( فأس ) الفاس الصغير ( فاستود )

طبعاً أنت استاذ ومرجع فى الرطانة.. ما تقوم به حقيقةً إستفدنا ومازلنا.
نعم (تود) تُستخدم فى الجماد والحيوان ايضاً.. ذكرت فاستود من الجماد.
وأضيف:
كَمتوود .. تقريباً بالعربي (القعود).
قُرتوود .. العجل.
هَننتوود .. الجحش.
عَربنتوود .. العربي.
فللحنتوود .. الحلبي.
جِقـــــــر .. الفأر .. كان فى لاعب فى الموردة إسمه الجِقر (مُعرف).

تحــــياتي،،،.

تود عندنا يعني ولد

واحد من جدودي إسمو أُرو

داير أعرف معني الاسم

ار سي يا مولانا
كيفك والاسرة ان شاءالله بخير
Quote:
ولدنا أحمد ..
كيفك عساك بموفور العافية والأسرة ..
والله أعجبت شديد بثقافتك الموسيقية العالية ؤ مداخلاتك المعرفية الواعية..
اتمنى ـ لو أنت ما مجرد هاوي ـ أسمع بيك يوم تكون زي ولدنا الموصلي صاحب باع فيها ..
بعدين الموسيقي والطنبور ودور الروايسية في نشرها ..
من الموضوعات البكرة المحتاجة لاجتهاد وتوثيق من شبابنا العندهم فكرة ؤ رغبة في الموسيقى ..
كنت بقيف كتير عند اسم بت عمك ( هبسي ) ..
واسأل نفسي يا ربي الاسم دا تحريف للاسم ( حفصة ) أم حفصة تحريف لـ هبسى ؟؟
ؤ هل في علاقة لجرس الاسم هبسى مع اسم الملكة هتشبسوت ؟
من غريب الصدف لقيت اسم أمها المرحومة ( قلو ) مطابق لاسم الملكة المروية ( قلو هتي )..
و اسم ( شايا ) هو المقابل المؤنث لـ ( شا ) أحد الألقاب الوظيفة في المعابد ؟
وهل تعلم أن اسم جزيرتنا ( بنا والصحيح بنى ) هو اختصار لجزيرة ( بنى نوبس ) التاريخية في المصادر الإغريقية القديمة.
واحدة من مشاكلنا ضياع الداتا التاريخية ؤ مسحهها من أذهانا .

يديك العافية
برضو اسم حبوباتنا نفرين ، مياسة ، هوّلى ، كوشى
نفرين مشتقة من (نفر) يعني الجميلة و (اين) يعني المراة . بذلك الاسم يعمني المراة الجميلة
وبرضو : سوركتي : (سور) تعني الحافظ او المحفظة او الخازن و (كتى) تقال للنسب زي : كجي... كتى وهو الحريف
واسماء كتيرة زي سمل ، كنة ، اوشي
الشىء الغريب ان المناطق والامكنة ظلت محتفظة باسمائها الى الان ولم تتغير مثل الاسماء التي تاثرت بالعربية
واندثرت مع ملاحظة ان النوبة ما عندهم اسماء مركبة زي دفع الله ، جادالله ؛ جبرالله
وكلمة (اقر) موجودة في اللغة الارامية القديمة بمعنى (مكان) واتحرفت في العربية الى (المقر)

Quote: ولكن هناك إستخدام آخر لعبارة ( تود ) .. بمعني (الصغير ) أما في السن والحجم ... إلخ فمثلا : إيقد .. الحمل ( أيقنتود ) ويتم فهم ذلك من سياق الجملة ..

أستاذنا علي إر سي،،

أحدى خالاتي ربنا يمتعها بالصحة والعافية لقبها “نُقوتود” وكنت
مستغرب في اللقب! وبسأل نفسي ليه ما لقبوها بـ “نُقوبرو” مثلاً :)
بعد توضيحك عرفت بأن تود ممكن تعني أيضاً الصغير ..

في حضرة خبراء الثقافة النوبية الأستاذ علي عبدالوهاب وود الملك
طوالي الزول بحوّل الـ Status حقو لـ “كِتُى تيق” عشان نتعلم .

محمد حسنتود ..
كيفك يالحبيب ..
اتمنى لك مشاركة وإفادة قيمة في هذا المنبر ..
مشكور على الطلة والمتابعة ..
زي ما شرحنا كلمة أور معناها الملك ..
كمعلومة ضرورية لقب أور حسب النظام الإداري الذي كان سائدا في المملكة النوبية ..
لم يكن قاصرا على شخصية الملك الذي تدين كل المقاطعات بالولاء له ..
لقب أور كان يحملة حتى حكام المقاطعات ..
أما الحاكم الذي يدينون له فكانوا يضيفون للقبة لفظ ( دوول ) أي كبير ..
ليصبح اللقب هو ( أور دوول ) أو كبير النوبة كما ورد في ترجمة المصادر العربية .
احتمال جدك كان حاكم لأحد المقاطعات التابعة للملك الكبير في دنقلا فحمل اللقب .

Quote: في التراث النوبي كان إذا الولد الصغير صحته كويسه وناضر جداً كان الام تخاف من العين ( السحر) فكانت إحدى الخيارات يلقب الولد ( نقنتود ) أو يتم حلاقة شعره وعمل ( كووج Koog ) ما متأكد يمكن ( قمبور) بالعربي والبنت كانوا يسمونها ( نقو ) وذلك لتشتيت ذهن السحار أو الزول صاحب ( العين الحارة ) وجلالدونا يستحق إسم ( نقنتود ) على حسب هذه النظرية ..

ههههههههههههه،
يا استاذ علي إذا علي حسب النظرية اسعلنيننا، زولك دا زي سِيّبة القربة ولا ناضر
ولا مداعب الغصن الرطيب، ياخي شُفت ليك زول وشيهو مكعوج ؟، أما كان
للحلآقة انا إن شاء الله بصلو في اليومين الجايات ديل، وسوف ازيده لك بشتنة
علي بشتنة حتي تقول الهآمة اسقوني ...

Quote: المهم لقيتها في مناسبة وسلمت ومعاي ابن عمي ( الله لا كسبو) بعد السلام سالت بالرطانه ( حسين تود) .!! ما يعني ولد حسين .؟؟ ود عمي طوالي فك ضحكة خبيثة وقال لي سلامك زااتو بقول انت غنماية .!! اقنعني انها قالت انا غنماية وطوالي طبعا رديت وهي فاتحة خشمها وترطن والناس تضحك .!!

يا بكري ما تستعجل تنفّذ طلب جلالدونا اصبر شويّة
الله يرضى عليك ...

Quote: والله يا ود الملك، اتحفت البوست بمعلومات وتحليلات لغوية ماتعة.... عطفا على ما قلت تجد في اغاني الحقيبة وهي اغاني نوبية أصلا ، وقد يغضب البعض لهذا التوصيف، ما علينا ...تجد كلمات دخيلة : مثلا ، مسو نوركم شوفو الفي جبينها صباح، مسو بادئة تركية تعني اطفوا ، ودرج البعض على نطقها مسو على اعتقاد انها تعني التحية مساء الخير او طاب مساءكم .... ثقافتنا النوبية اقل من قامة البوست لكن من حيث القواعد اللغوية لنا حق التعليق.

سلآمات يا دكتور،
والله يمسيك بالخير .
ما عليك كيفِن عاد ؟، أفو .
كدي اوّل حاجة اللسعلك، أسم عبد المنطلب أو عبد المطلب دا جبتو من ويّن ؟.
أما بالنسبة للحقيبة بجي إتمسى معاك بعدين كان الله هوّن .

لك كامل مودتي ...

Quote: أها دفروك ملصت سفنجتك بره وجاي تتونس،، أقصد تواجب اصحابك

غايتو قرابتكم دي اصِلآ ما منها فايدة،
بدل تقوموا علي الناس البدفرو في ديّل ؤ سوني ملطشة تقعدوا
تدفروا معاهم ؟!، اخيّر نسكت بس!.


تقعدوا تدفروا
قاعدين تدفروا !،

قاعدين ؤ يدفروا كيف، يا ملك ما عندك تصريّف للحاجات دي ؟.

هوّي انا ماشي شغلي ...

مولانا ودالملك لك التحية ياحبيب،


الكوشيين في هندوكوش وجنوب شرق آسيا مبحث كبير
وللأسف مصادره نادرة!! تعادل في ندرتها ما كتب عن
تأريخنا المسيحي! الأيامات دي أخوك مُنداح مع مؤلفات
الأب د. جيوفاني فانتيني، طبعاً حصلت على أغلبيتها بعد
عناء شديد وتلتلة وجرجرة من ناس السودان :)

المعلومة الإتفاجئت بيها وهي إنوا الملك النوبي كرياكوس
(قرياقوس) إحتل كل مصر السفلى حتى باب الفسطاط
لتحرير بابا الأقباط البطريرك ميخائيل من قبضة الأمويين..
وتوقف عن الإطاحة بحكم الأمويين لإنوا أطلق سراح البابا
ووقع ليهوا في الواطة عشان يقنع الملك قرياقوس للرجوع
لدنقلا! غايتوا في تاريخ وأحداث ضخمة بهذا الحجم ما
عندنا خبرها!!

انا لله ياخود الملك يابلديات يديك العافية
تصدق انا طلعت رطاني سفنتي فايف
ديكشنري الرطانة ده لازم يتواصل
حلوة اللمة في حاجة فيها قيمة
-ود المدير هو الخرب رطانتي :))

عقربتود ده مالو
كمان قال بجى راجع
قوم لف محتاج لى ترجمتا شديد عشان اقولا لى ال اوسى ده
________
و فى جزئية خلو اللغة النوبية من اداة التعريف يا مولانا
مرّت على ّ قاعدة بوو و بوول و استعمال بوول كأداة تعريف
و لقيت المثال ده حسب ما جاء بالتعريف باللغة النوبية
قادم ... تابوو
القادم .. تابوول
ّ-----
نقدة .. صفقة
انقرى .. سرير
قريبات النطق من الكلمة موضوع البوست لكن المعنى مختلف
____
شايف عندكم كوفى انان برضو .. بتاع الامم المتحدة داك
هسى الزول ده ما بخجل من اسمو

يا ود تيتاوى
شوف لى العقرب اصلها لازمانى شديد

Quote: يجلس على قمتها كبير الكهنة أو ( شا دول) .

و شادول اسم سوداتى متداول برضو
يتخيل لى كلنا ما فى طريقة مخارجة لينا من نبعية امون بتاع بشاشة
سؤال المفروض يسألو المستنير لكن المشكلة اترجل عن المنبر
غايتو نسأل بالنيابة عنّو
لييه دايما البنات النوبيات سمحات و الاولاد شينين

Quote: Quote: وأقتود هي الغنماية الغنماية .. برتي. السخلة .. برتنتود. أققد .. نعجة. وأنت ماشئ + تود.

مرحب بالتأصيل وأنصار التأصيل
أورد الأخ ميرغني تيتاوي كلمة (الغنماية .. برتي. )
هل يعني أن جدي لأمي المسى أنا عليهما وهو من قبيلة البرتي - خشم البيت بسنغا، أن قبيلته التي مركزها في مليط هي المعنية بذلك التغنّم؟



الواحد في مثل هذه الحالة الانتسابية الغنماوية دي إلا يحتمي بحبر الأمة ود الملك!

Quote: الواحد في مثل هذه الحالة الانتسابية الغنماوية دي إلا يحتمي بحبر الأمة ود الملك!

ههههههههههه،

آدم صيام ياخي يديك العافية،
ولك مني السلآم وكامل الإحترام ...

Quote: ههههههههههه، آدم صيام ياخي يديك العافية، ولك مني السلآم وكامل الإحترام

ود المدير وعليكم السلام والرحمة أخي الكريم

هل سبق إلى تصوركم - دام فضلكم- لما الواحد ينتهي نسبه إلى معزة!
لي أصحاب خليجين لمن يريدوا يصفوا شخص بأنه هطلة يقولوا ليه بالله شوف العنز ده!
وهكذا الواحد يتعنزز زي الترتيب
برضو أخير من المعمزة في زعمي بت عم الزمزعة ولا شنو؟

محمد على طه الملك

وضيوفه الكرام


غايتو فى حاجة كدا فى التاتريخ ال ما مكتوب مفصود يغيبو عننا


دنقلاوى من بورتسودان يعيش الحالتين
انتماء المكان وانتماء الدم
وبدون حساسيات

عزيزاي آدم صيام وود المدير ..
مرقتوني أضحك ..
كنت ماشي في الردود بالدور ..
قلت بلاش أخير احصل المصيبتين ديل ..
مرحبابك أخوي آدم ..
المتقاربات اللغوية عندنا كتيرة لن يفرق بينها إلا المتعمق ..
مثلا عندك آرتي وأرتي الأولى بمعنى جزيرة والثانية بمعنى إله ..
الفرق بينم فقط حرف الألف في الأولى ممدود ..
نجي لسؤالك ..
برتي / بالياء غنماية ..
برتا / هكذا ننطقها عندنا ربما تنطقون أنتم بالياء هي القبيلة المعروفة وهم فيما أحسب من النوبين الذين ارتحلوا غربا منذ القرون الوسطى ..
ياريت لو بتذكر كلمات أو أسماء مفتاحية في لغتم تمدنا بها لعلنا نجد مشتركات ..
مثلا زي لبن ، حفرة ، معدن الذهب ، سماء ، أرض ، رجل ، مرأة ..الخ
اذكر قبل كده أخونا ذو اليد نزل لستة لكلمات كانت فوراوية على ما أظن ..
لاحظت فيها عدد من المشتركات أشرت لها في ذلك البوست .

عزيزي وضاح ..
نعم اسم خيري متداول وحي ..
طبعا لأن حرف الخاء من الحروف الساقطة في النوبية ..
عادة ما يستعاض عنه بحرف الهاء مثلا خالد / هالد ..
خيري / هيري ..
واضح أن اسم خيري مشتق من صفة الخير ..
بذلك يكون اسم عربي كامل الدسم .

عزيزي ميرغني تيتاوي ..
مشكور بإثراء البوست بالاسماء ومقابلها بالعربية ..
طلعت عضم في ( أنداندي أو إندندي ) ..
الأولى بمعنى لغة الأرض ..
والثانية بمعني لغة أو لسان الأم / إندي..
( تيتي ) هي البلدة التي إنتسبتم إليها ..
ياريت تكون عندك تفسير لمعناها ..
واصل هطولك مع المعلم آرتاوي متعكما الله بالعافية.

عزيزي ناصر حسين ..
مشكور على الطلة والمشاركة الطريفة ..
زي المفارقات دي بتحصل كتير خاصة بين الأجيال الحديثة والقديمة ..
مشكور يا الحبيب.

عزيزي حيد ..
كيف الكلام دا ؟
يعني تايواني ؟
بنقلب ليك جنسيتك بدل بالميلاد تبقى بالتجنس زيك زي ود المدير ..
طبعا بعد ود القاضي يفصلنا هههه.

عزيزي الأديب حرسم ..
مشكور على الطلة والمشاركة ..
في تقديري مفروض بعد كده الناس تمرق أي معلومة شفهية عندها ..
الشفافية تشرط ذلك ..
قد تجد في مصادر التاريخ ما يدعمها ..
أو قد تجد ما يصححها .

قلنا نقعد نتفرج انا وجلة لكين يدي اكلتني
ثم تانيا العب دا نقض اتفاقية البقط وشايفو
بقی یجري يقوقل ويجي راجع
...
حرسم ياخي انت من عندنا وانا اول مرة قريت فيها
اسمك قلت الصومالي ابن اللذين دا كتاب كدي
ومستنير يكون ياربي مولود في السودان ولا عيوني بقن كعبات😉

ادم صيام سلام. يا حلو
وكما الخلايجة لمن الواح يزعل منك يقول ليك
سود الله. ويهك يا ويه العنز😄
ان غايتو قاعد. اتكيف من الجملة دي

ياربي تاني نسيت زول ما طايبتو ..
لا حولالا ...
حالتي مقدم ليكم ارضحال من قولت تيت ؟
هدفي كان بسيط خالص يا جماعة ..
عايز بس أدلكم على ما جاء في تفسيرالمرجعية التاريخية لكلمة نقد ..
زي ما بقولو التسوي بى ايدك يغلب اجاويدك ..
كمان عاينو جلال ؤ ود عووضة ..
كلما البوست يهمد يجو يهبو سوات الليدو في الموية ..
ود المدير انقرع ..
أنا لاحق أقضى المطايبا عشان تقولي (قاعد) ولّ قايم ..
تبت لله ..
:

Quote: ياربي تاني نسيت زول ما طايبتو؟

ردك لي الوحيد الما فيهو مطايبة

صدقوني يا أحباب استمتعت واستفت من مشاركاتكم القيمة ..
بقول للمستنير شفت ليك عم ولّ خال بطايب ود أخو بالصفات ؟
البوست كشف لي مدى تعطشكم على معرفة اللغة والتاريخ والعلاقة البينية ( بينية دي كانت عاجباني ؤ ما لاقيلا فجة) ..
كان بودي أواصل معاكم بس الله غالب ..
واصلو كان متناغمين كان متشاغبين..
برجع ليكم نهاية الأسبوع ( أقعد) كل ود مدير في علبو .. ( كدا جات في بكانا مش؟ ) ..
دا طبعا كان فضل البوست وبقى في العمر باقي .

يا جلالدونا لا يجوز الإفتاء في وجود الخبراء
لكن وكت مستعجل للعقرب دي فأظنها إيجين :)

احمد عليم سلام
كلامك صاح بس قوري اچین یعني شنو؟
ياربي قوري يعني زي؟
لانو القوري اچین نملة عضتها حارة زي لدغة العقرب

ود المدير ياخي انا قبل كدا مش حظرطك من
شغل الهمبتة دا
اقطر الفي راكبو بدون طزكرة
البوست الفي داخلو بدون طزكرة
حكايتك شنو انت
الدخول مجانا للكوشيين بس
بلا اتبرا بلا مسخرة😜

حبيبنا ودالملك أحسن حاجة تعمل كل الحضور أدمنية
في البوست عشان تخلي مسؤوليتك من العفش داخل
البوست ههههههه

للبفتشوا للامثال النوبية، دي نماذج منقولة عنها:

- كُرسقى جَوّرن دِقرن
الجريد يتم ربطه وهو أخضر
يضرب المثل لتأكيد أن تربية الأبناء تبدأ منذ نعومة أظافرهم ..

- ان ِجتاتى أنيقير نوسمون
ما حك جلدك غير ظفرك
المثل واضح ويدعو للإعتماد على الذات

- مسكنقى جودتى نيرن
الجمال لا يمكن إذابته وشربه

- قوُر دقركن كَندى دقرنى!
عندما يقع التور تكتر سكاكينه!

- فِلتِل مليه نوبريه مُونْ
ليس كل ما يلمع ذهباً

- مَسو كنيِ شارتيِ كُومن
الحاجة الجميلة ما بتجي بالهين (محتاجة لشرح)

- جوي تن كنسقد بيرن
الشجرة ذات الأشواك تنمو بشوكها
بمعني أنوا كل شئ ينشأ او ينبت حسب أصله
(ومن شابه أبه فما ظلم)

- أسقي تكرو آرن .
دا محتاج لشرح الإ يجي الخبير يشرحوا

Quote: - أسقي تكرو آرن . دا محتاج لشرح الإ يجي الخبير يشرحوا

الحبيب أحمد أمبس
أسقي ( موية ) تكرو ( الضيق أو المحدود ) أرن ( التحكم أو الادارة او السيطرة)
ترجمة حرفية ( أضبط الماء في الحدود الضيقة قبل الانتشار ) يعني مثلا الدميرة

مودتي .. والتحية للملك لهذا البوست الجميل ..

مولانا الملك سلام عليكم

عطفا علي تعليقك للأستاذ آدم صيام

قرأت من قبل موضوعا يزكر الكثير من الكلمات المشتركة بين الدناقلة والميدوب

وتستعمل بنفس المعني .....مثلا :-

كشي Kashi , اور Or ولا Ur , تو Too , دنقر Dongor , بل أن الميدوب يسألونك داير شاي ( دسي ) ولا ( قيلي ).

لك التحية

Quote: يا ود تيتاوى شوف لى العقرب اصلها لازمانى شديد

جلالدونا

Quote: يا جلالدونا لا يجوز الإفتاء في وجود الخبراء لكن وكت مستعجل للعقرب دي فأظنها إيجين :)

زي ما قال الأخ/ احمد .. إِيجين.

توضيح .. يا ود تيتاوي
التيتي .. إحدي قري جنوب دنقلا.. أنا منها.
يعني .. تيتاوي.

تحــــياتي لكم.

Quote: طبعاً أنت استاذ ومرجع فى الرطانة

اخ تيتاوى
تحياتى
لو سمحت اسمها اللغة النوبية والرطانة معناها باختصار شديد الكلام المبهم الغير مفهوم ( الطنطنة )
العرب فى الجاهلية اطلقوا على كل لغات الدنيا مفردة الرطانة فقط لعدم معرفتهم بهذه اللغات ..
وهذا فهم استعلائى مربوط بجهل لانو ما ممكن تسمى لغة قوم بانها كلام مبهم وطنطنة بمجرد انك لا تعرفها ولا تفهمها !
كثير من شعوب الدنيا لا علاقة لها باللغة العربية ولا يعرفونها .. هل بامكانهم ان يسموها رطانة ؟
لماذا الكيل بمكيالين ؟

اعتذز لمولانا الملك على هذه المداخلة التى لابد منها

Quote: كلامك صاح بس قوري اچین یعني شنو؟ ياربي قوري يعني زي؟ لانو القوري اچین نملة عضتها حارة زي لدغة العقرب

العزيز عووضة سلامات،،

زي ما عارف قَوَرَ = نمل ، وقبيلة النمل تعرف بقَوَرَنجي :)
أعتقد كلامك صحيح لإنوا إضافة اچین للقَوَرَي بكون المقصود
بيها الرتيلة عشان يفرزوها بعضتها الحارة :)

أحمد عالم (بالقديم) وساتي (بالجديد) زي جنيهنا داك هههههههه

Quote: اخ تيتاوى تحياتى لو سمحت اسمها اللغة النوبية والرطانة معناها باختصار شديد الكلام المبهم الغير مفهوم ( الطنطنة ) العرب فى الجاهلية اطلقوا على كل لغات الدنيا مفردة الرطانة فقط لعدم معرفتهم بهذه اللغات .. وهذا فهم استعلائى مربوط بجهل لانو ما ممكن تسمى لغة قوم بانها كلام مبهم وطنطنة بمجرد انك لا تعرفها ولا تفهمها ! كثير من شعوب الدنيا لا علاقة لها باللغة العربية ولا يعرفونها .. هل بامكانهم ان يسموها رطانة ؟ لماذا الكيل بمكيالين ؟ اعتذز لمولانا الملك على هذه المداخلة التى لابد منها

الأخ/ خالد حاكم .. تحياتي،،،
كلمة الرطانة متداولة حتى بين أهلنا فى الشمال.. المشكلة وين!!!.
كثير من شعوب العالم لا علاقة لهم باللغة العربية ولا يعرفونها .. وما بيقولوا عليها رطانة.. بس (اللغة
النوبية) هل لسان واحد لكل النوبة وللا هناك أكثر من لسان؟.. يا أخي أنا ما بفهم من المحسي والحلفاوي
(الفادجا) كلمة واحدة إلا تكون نفسها ونفس المعني بالدنقلاوي.
ممكن تورينا اللغة النوبية دي شنو .. بمعني .. لغة واحدة وللا أكتر من (لهجة)؟.

Quote: لو سمحت

أنا برضو نوبي دنقلاوي.. وبرطُن دنقلاوي زي الترتيب.

دي مداخلة الأخ/ ناصر حسين محمد
كلمة الرطانة جات مرتين.

Quote: في احدى الايام زارتنا قريبتنا في مقتبل العمر من البلد وشغلها كلو رطانة بس ووقتها كنت افهم ان تود هي اقتود اي غنماية ومن المعروف ان تود هي ابن وأقتود هي الغنماية المهم لقيتها في مناسبة وسلمت ومعاي ابن عمي ( الله لا كسبو) بعد السلام سالت بالرطانه ( حسين تود) .!!

ودي مداخلة الأخ/ حيدر حسن ميرغني
وهنا جات تلاتة مرات.

Quote: انا لله ياخود الملك يابلديات يديك العافية تصدق انا طلعت رطاني سفنتي فايف ديكشنري الرطانة ده لازم يتواصل حلوة اللمة في حاجة فيها قيمة -ود المدير هو الخرب رطانتي :))

وهنا اليتيمة بتاعتي

Quote: طبعاً أنت استاذ ومرجع فى الرطانة

العارفو .. كلمة رطانة متداولة حتى فى الشمالي النوبي.
والما عارفو .. ليه تحديداً فى مداخلتي دي ما خليتها تعدي زي الباقيات الـ جبتها ليك بـ فوق!!!.
غايتو .. دورت ولفيت وجيت قلت طالما الزول لا بيعرفني ولا بعرفه مافى إلا حتة
التعديل القمت بيها فى معني كلمة (آبدول).. والشايفو دا ما بزعل طالما همنا الحفاظ على رطاتنا
( اللغة النوبية) كلنا يعدل ويصلح التاني عشان نطلع بمادة صحيحة وسليمة خالية من الشوائب.
عشان أختم .. مولانا الملك صاحب البوست وهو بالعا بلع .. علي عبد الوهاب الضليع فىها احمد يس
المتمكن فيها كل الاخوة المتداخلين إش معني جيت هايج فيني كدا.. بتاعتك هي براك!!!.

Quote: - أسقي تكرو آرن .
دا محتاج لشرح الإ يجي الخبير يشرحوا


الحبيب أحمد أمبس .. الامثال نوبية دائماً مأخوذة من النشاط الزراعي نحاول
الشرح أو المقصود من هذا المثل :

أسقي ( موية ) تكرو ( الضيق أو المحدود ) أرن ( التحكم أو الادارة او السيطرة)
ترجمة حرفية ( أضبط الماء في الحدود الضيقة قبل الانتشار ) يعني مثلا الدميرة
لأن إذا ما سيطرت أو تحكمت على المياه في البداية لا تستطيع لاحقاً ..
المقصود هو أن تسيطر على المصائب هي لسع في البداية ..

مودتي أحمد .. والتحية للملك

مودتي .. والتحية للملك لهذا البوست الجميل ..

Quote: أسقي ( موية ) تكرو ( الضيق أو المحدود ) أرن ( التحكم أو الادارة او السيطرة) ترجمة حرفية ( أضبط الماء في الحدود الضيقة قبل الانتشار ) يعني مثلا الدميرة لأن إذا ما سيطرت أو تحكمت على المياه في البداية لا تستطيع لاحقاً .. المقصود هو أن تسيطر على المصائب هي لسع في البداية ..

حبيبنا وأستاذنا علي عبدالوهاب مشكور كتير للشرح الوافي..
يعني ممكن نقدر نقول المثل دا بتقال: عندما تريد ان تؤكد على
أهمية ضبط الامور من بدايتها قبل أن تتشتت وتخرج عن السيطرة؟
A good Beginning Makes a Good Ending

محبتي

Quote: ادم صيام سلام. يا حلو وكما الخلايجة لمن الواح يزعل منك يقول ليك سود الله. ويهك يا ويه العنز😄 ان غايتو قاعد. اتكيف من الجملة دي

عمك عووضة، سلمكم الله من كل شر
(سود الله ويهك) دي وحسب علمي وردت في القرآن قريبة من كده!

يا أخي العالم الاسمو تيتاوي ده بخلط خلط مريع بين الرطانة واللغة!
مشكلتو استعان بجنجويد كمان!
اللغة حسب علم اللينجوستك هي مغايرة للرطانة، ما تبقى زي حسين خوجلي (المغروض) فاتح لو قناة ولا يميز بين اللغة والرطانات! حسين خوجلي سقف وعرش معرفته عند مستوى المتوسطة: شوية من روز اليوسف والمغامرين العشرة وتختتخ والمجلات المصرية الصفراء آنذاك.




نسبة للرهق الذي أصاب صاحب البوست، المرجو من أحمد أمين وأبكر عباس الاستوصاء بهذا البوست خيرا

Quote: يا أخي العالم الاسمو تيتاوي ده بخلط خلط مريع بين الرطانة واللغة! مشكلتو استعان بجنجويد كمان!

الأخ الكريم/ آدم صيام .. تحـــــــــــــــــــياتي
الإسمو تيتاوي ممكن يكون خلط خلط مريع بين الرطانة واللغة بس
ما إدعي إنو عالم فيها.. والـ بيخلط بين الرطانة واللغة بـ يورهو الصاح
ما بيستفزوه ويسيئو ليهو ويلطشوه كدا!!!.
إستعنت بمداخلات الأخوان.. عشان مداخلاتهم سبقت مداخلتي.. ولو
كان صححوهم ما كان جيت وقعت فى المصيبة السودا دي زي ما أنت
شايف.
على فكرة .. فى كلمات كتيرة شايفها خطأ فى البوست خفت
أعدلها .. قلت بلاش .. تعرف ليه .. تفادياً لـ مثل كلامك االفاقد للريحة دا.. وكمان
فى ظل وجود من نكن لهم الاحترام وبالعينها (الرطانة) بلع وبستفيد منهم
ما ممكن أعدل وهم موجودين .. والتالتة.. عدلت مرة (بحسن نية) نتيجتها الأنت شايفها دي.. والرابعة
أنا ما زول شتائم وإساءآت والتقليل من الآخرين وبـ فر منها فرار الصحيح من الأجرب.. و(لو)
وقفت ليها أُووووووك الله لا يوريك.. والخامسة والأخيرة بوريك ليها (لو) إتلاقينا تاني.
حسين خوجلي وباقي الإنشاء ما عندي ليهم باقي فكة.

فتك بـ عافية يا أخي الكريم.

التوقيع: تيتاوي الدنقلاوي الرطاني

Quote: اللغة النوبية

برااحة يا اخوان
الاختلاف لايفسد للبوست قضية
فعلا اللغة النوبية وليس الرطانة
وهي لغة مكتوبة .. عكس الرطانة اللي هي كلام مبهم كما تفضلت ياخالد
والمعذرة لعدم الانتباه لذلك

Quote: التوقيع: تيتاوي الدنقلاوي الرطاني

الأخ المحترم تيتاوي
يا أخي تجدني آسفا إذا حملت مداخلتي لك ما تكرهه

فأرجو السماح!

مساهمتنا في هذا البوست العويص إحالتكم إلى بوست سابق في هذا المنبر، افترعه الصديق العزيز عبد العزيز خيري (دكين)
لإلقاء الضوء على مساهمات قيمة يقوم بها الصديق الزميل الشفيع الجزولي سعيد وسأحاول جذبهما للمشاركة في هذا البوست

تاليا رابط البوست المعنون:
الشفيع الجزولي سعيد- التقدم المحرز والعقبات في اللغة النوبية(انداندي)

http://sudaneseonline.com/board/232/msg/%D8%A7%D9%84%D8%B4%D9%81%D9%8A%D8%B9-%D8%A7%D9%84%D8%AC%D8%B2%D9%88%D9%84%D9%8A-%D8%B3%D8%B9%D9%8A%D...%8A)-1356389869.html

واحد يصلّح الرابط أصلحكم الله

جزاك الله خيرا اخي ود الزبير😜
ربنا يجعلو في ميزان حسناتك وجمعتك مباركة😜
احسب انك مهتم باللغة النوبية وعليه نرجو ان تتصل
بالسيد الوزير لادراج. هذه. في مقرر مرحلة الاساس😉

عارفك قاصد ( هذه ) بنت ناس (هؤلائك) ديلاك
لكن نحن ما قاعدين نجيب سيرة بنات الناس يا هذا

ثم البوست دا ما بتاع مونساتية
امشي شوف بوست الموسيقى داك، قاليك: دو لا ري (مع السعر المجنون دا)

ياخي موسيقة شنو البعرفها. جلالدونا
دي هضربة عبيد ساكت😉
انت عارف يبل شوية ضرب لي تلفون قال
لي انت لو راجل حسناتك دي اكتبها جع..تك😉
وحات كتاب الدين صحي
حتی بالامارة اسال ابو حسين و ود المدير
ابو حتحوت ما معاهم
كان في الابيض😜

Quote: الأخ المحترم تيتاوي يا أخي تجدني آسفا إذا حملت مداخلتي لك ما تكرهه فأرجو السماح!

الأخ الكريم/ آدم صيام .. كبير ومعدنك أصيل ويا عزيزي مسامح.
ما كل الناس بقدروا لـ دا.
ومن جانبي آسف وأعتذر نبرة كلامي كانت عالية.
تحــــــــــياتي،،،.

Quote: مساهمتنا في هذا البوست العويص إحالتكم إلى بوست سابق في هذا المنبر، افترعه الصديق العزيز عبد العزيز خيري (دكين) لإلقاء الضوء على مساهمات قيمة يقوم بها الصديق الزميل الشفيع الجزولي سعيد وسأحاول جذبهما للمشاركة في هذا البوست تاليا رابط البوست المعنون: الشفيع الجزولي سعيد- التقدم المحرز والعقبات في اللغة النوبية(انداندي)

حبيبنا معاوية .. نعم الشفيع الجزولي سعيد له بحوث عميقة في التراث النوبي ( الاندادي ) المقصود ( الدنقلاوية )

أرجو ممن لديهم إهتمام متابعة كتابات الاخ شفيع ..

شكراً حبيبنا معاوية ..
والتحية لمولانا الملك ..

ما شاء الله ..
قلبتو الصفحة ؟
جمعتكم مباركة ..
والتحية موصوله للجميع ..
ود المدير سأل :

Quote: قاعدين ؤ يدفروا كيف، يا ملك ما عندك تصريّف للحاجات دي ؟.

تجلييد سمكرة صنفرة كلو في ..
المافي شنو على قول الزول الشين اللبانا ضمه ..
في دراسة أو بحث جميل قريتو زمان لبروف ما قدرت أتذكر اسمو الان ..
شرح المسألة دي على ضوء تركيبة الجملة في اللغة النوبية ..
ؤ قال بعض التراكيب دي انتقلت مترجمة للعامية السودانية ومنها كلمة ( قاعد وقعدين ) ومعاها كلمة ( واحد ) ..
الاولاد شفتهم قاعدين يلعبو في القسحة ..
فلان ؤ فلان قاعدين يصلو في المسجد الكبير ..
البروف بقول كلمة ( قاعدين ) ترحمة للكلمة االنوبية ( آق ) ..
بس آق ببستخدم بصيغتين أصلى كلفظ برمز لفعل ..
كما يستخدم كلفظ مجازي ..
المعنى المباشر هو ( قاعد جالس ) ..
المعنى المجازي يظهر عند أستخدام اللفظ ( آق ) بمعني فعل الشيء..
يعني لما نقول بالنوبية ( بتاني آق كجٍّرن ) ونترجمها للعربي حرفيا بالمفهوم الاصلي لللفظ..
بتطلع الجملة هكذا (الأولاد قاعدين يلعبو ) ..
يعني نكون ترجمت كلمة ( آق ) بمفهوم جالس ..
بينما المقصود في الجملة دي هو المعنى المجازي أي ممارسة اللعب أي المنشط وليس الجلوس.
:
برضو عندي ليكم سؤال :
هاجر أو هجرة زوج سيدنا إبراهيم أو إبرام أو إبريم ..
هل اشتق من اسمها كلمة الهجرة بكسر الهاء والهجر بالفتحة خاصة والحالتين حصلن ليها ؟

حسب طلب ود عووضة دي تفسيرات لبعض أسماء أماكن..
أول شئ انا ما خبير ولا شيتين زول مجازفات ساي هههههه

زي ما عارف دائما في النوبية يتقدم الفاعل (الاسم العلم) على
الفعل ما زي العربي ،، وبناء على كدا:
دي بعض القرى النوبية:

- أظن كلمة آمون هي تعريب للأصل آمن
وبتظهر في أسم قرية آمنتقو (آمون تقو) = وادي آمن (آمون)

- كلمة كول هي لاحقة لنسب الملكية وبتظهر في الاسماء دي:
كلكول (كلي - كول) صاحب الساقية .. يعني زول ملك ما عنقالي
ساي :)
امبكوك (أمبو - كول) = صاحب أشجار النخيل
كديكول (كدي - كول) = صاحب الثوب
عرشكول (عرش - كول) = ذو العرش أو صاحب العرش.. قد
تكون عرش نفسها معربة من كلمة نوبية مشابهه ومختلفة في
المعنى ..

يعني لو عندك صاحبك كرشو كبيرة ممكن تقول ليهوا كرشكول :)

أسوان (اسي - وان) = الماء المندفع
(ربما لإندفاع الماء عند مضيق الشلال الأول)
التيار المائي القوي في إندفاعه هو كجبار ويعرف ايضاً (بسوفا)
او (سوبا)
"الجزيرة" اسلانج (أاسي - آنج " Anj") ماء الحياة، واظن اسمها
الكامل المعرب طويل عشان كدا اكتفوا بي اسلانج بدون ذكر الاسم
النوبي المقابل للجزيرة لتصبح اسي آنج آرتي بمعني جزيرة ماء الحياة..
دا تنظير مني ساي :) بقول إمكن دي المنطقة التي تلاقى فيها النبي
موسى مع الخضر! عشان قصة الحوت الدخل في ينبوع ماء الحياة وكدا
بالاضافة لانوا النبي الخضر دا قاعد في المنطقة دي من النيل ههههههه
آنج نفسها ترجمتها بالانكليزية Ankh وهو مفتاح الحياة شبيه الصليب
عند قدماء الفراعنة..
جزيرة بنقنارتي، بنق الجراد وبالتالي تعني جزيرة الجراد

وين خبير الخبراء أستاذنا علي عبدالوهاب، ممكن يجي يديك
أسماء من بيت الكلاوي :).. أشك برضوا بأنوا قرية ايماني معربة
لأسم له إرتباط بآمون أو كان أسمها أماني مثل تانوت اماني، اماني
ريناس، اماني شاكيتو، .. وهكذا

مشكور يا أبو حميد وفيت ..
أنت في مداخلة سابقة قلت ( بالجديد ساتي ) ..
وأنا عندي ملاحظة كتبتها في بوست الأنساب بتاع حاتم ألياس ..
بفتكر أي إسم فيهو ساتي أو زيادة في المنطقة بنتهي نسبو بسوار الذهب ..
شن قولك ؟
غايتو لو صحت ياكا قريب أستاذنا عووضة .

تمام يا أحمد
والله دي فايدة كبيرة ولو تاني اتذكرت حاجة
بالله ختها هنا وكلو بي مقو😉
.....
ياملك ياخي خلاس الباص اتملا
لكلن احمد عالم دا عزيز
بنركبو شمال السواق😉
...
ابو حميد. معليش اسمك دا ولسلامة النطق
مفروض يكون بالانجليزي Aalem
او Alem
زي Salem

Quote: ياملك ياخي خلاس الباص اتملا لكلن احمد عالم دا عزيز بنركبو شمال السواق😉

غايتو لو طلعت قريبي يا عووضة لازم نركب يا اما شمال
السواق ولا نسطح فوق هههههههههه.

كلامك صحيح فيما يخص الاسبلنغ حرف الـ E أصح
من الـ I في عالم.. عشان كدا كل ناس سودانيز مسميني
أحمد أمين ولو الزول مفتح بقول لي أحمد عليم ههههههه

Quote: بفتكر أي إسم فيهو ساتي أو زيادة في المنطقة بنتهي نسبو بسوار الذهب .. شن قولك ؟ غايتو لو صحت ياكا قريب أستاذنا عووضة .

أسم ساتي ليس إسم عائلتي، فهو أسم والدي .. وحسب معرفتي تجمعنا
صلة قرابة مع أسرتكم الكريمة من جهة والدي .. في الحقيقة إنتو مناسبين
وعندكم مصاهرات مع أغلب البيوت في المنطقة النوبية .. :)

لكن تحليلك برضوا ما وقع واطة هههه لان الشيخ ساتي حلالي ود الشيخ
محمد عيسى زيادة وهو أول من أطلق عليه لقب سوار الذهب هو جد مباشر
لي! فجدي لأمي من آل عبدالرحيمنجي وآل أبتر بمشو وجدته لابيه من برا
مشو وهي وقية ساتي حلالي سوار الذهب - دنقلا العجوز،، وحتى جدتي
لأمي أصولها من دنقلا العجوز - وتنقسي - والغابة.. فأي عووضة دنقلاوي
اكيد حيكون قريبي :)

ياخينا انت مش طلعت قريبي وبس
احتمال كبير تكون اخوي في الرضاعة😉
ناس الفكي محمد زيادة وجماعة الشرق(دنقلا العجوز)
اهلنا
حسن عيسی ساتي حلالي خالي
واخد بال حضرتك
يعني نجي نكوس نصيبنا في الورثة😉
عبد الرحيم منجي دا اخو عیسی منجي؟

Quote: احتمال كبير تكون اخوي في الرضاعة😉

لو فتشنا زيادة ممكن :) . ما تجيب سيرة الأنصبة دي
هنا هسي ودالملك والدون جلال وود الزبير والبقية يجو
يعملوا مطالبات برضو

ملحقة إنجي هي للنسب زي لما تصف شخص بأنه من
آل عووضة .. تقول فلان عووضنجي، وهي تعادل ملحقة
"آب" في اللغة الكوشية القديمة .. وممكن تقول الزول دا
من العووضاب .. متأكد بأنك بتكون عارفها ،، لكن صوت
الحرف دا تصعب كتابته بالعربي!! وبتلقاهوا في اللغات
الافريقية بس. زي كلمة نجاركووك، أو نجا نجا في كلام
أهلنا النيليين في الجنوب.

الاخ العزيز جدا
ميرغنى تيتاوى
تحياتى
وكلمة ( جدا ) دى عربون محبة عشان تعرف بانو مافى اى شئ شخصى بينى وبينك وان شاء الله لن يكن ..
اولا اسف على التاخير فى الرد والتعليق لانى الايام الفاتت دى كنت متوعك شوية والحمد لله بلغت الصحة .
يا عزيزى يمكن تكون فهمت من كلامى بانى قاصدك .. نعم انا قصدتك لكن قصدى كان فيه العشم لانى بدعى بمعرفتك يعنى من يوم ظهرت فى المنبر ده عرفتك من اندينا عكس اخونا ناصر مع احترامى ليه وبالنسبة لمداخلة اخونا حيدر والله لم الاحظ اليها الا بعد كتابة مداخلتى ليك وغير كده من خلال مخاطبتى ليك رسلت رسالة لناصر وغير ناصر لانو البوست مقروء والمداخلات مقروءة وما بالضرورة اكتب لكل زول باسمه ..
شخصى الضعيف من القلائل الذين ينطقون اسمك بطريقة صحيحة فى هذا المنبر , مش لانى عبقرى زمانه .. لكن لانى ابن منطقة ومن الريف الشمالى لدنقلا مثل مولانا الملك والاستاذ على عبدالوهاب كما انت من الريف الجنوبى لدنقلا وبعرف مصدر اسمك.. وكل ما اسمك يقع فى عينى فى هذا المنبر بسرح بخيالى فى مناطق شيخ شريف وسورتود وتيتى والصحابة وودنميرى وشبعانة واوربى .. والخ
وبخصوص معنى ( كلمة ابادول ) انت ما صححت او عدلت كلامى بل اتيت بمعلومة اضافية على اصل المعنى او المعلومة التى اتيت بها وحتى لو افترضنا انو كلامى كان خطأ وانت صححتنى او عدلتنى , يا عزيزى انا ما بدعى المعرفة المطلقة ولن ادعى وانا هنا لكى اتعلم منك ومن غيرك ولم ولن امارس الاساليب الطفولية حتى انتصر لنفسى واصلا ده ما اسلوبى ولا من صفاتى وانا شايف نفسى اكبر من كده .
والاسئلة الطرحتها فى مداخلتى هى اسئلة ما ليك وما مطالب بالاجابة عليها لانها اسئلة موجهة الى من سنوا هذه السنة السيئة وهم ( عرب الجاهلية ) والى من يدافعون ويصرون فى استمرارية هذه السنة وانا شايفك لا مع هذا او ذاك .
وحكاية انو المفردة مستخدمة حتى فى مناطق النوبة فى الشمال , نعم هى مستخدمة لكن عن جهل والجهل فى الحالة دى ما عيب لكن العيب هو المكابرة والاصرار والناس محتاجة لتوعية , وهذه المفردة باستخدامها ده هى ثقافة مستوردة والناس بقيت تتعامل معاها بدون ما تقيف عندها وتعرف معناها زى العميان المسكوهو العكاز .. وانا لما قلت ليك انا عشمان فيك , عشمان فيك انك تتبنى معانا مناهضة هذه المفردة العنصرية الاستعلائية وتحاجج كل من يدافع عنها وعلى استمراريتها بالاسئلة والاستفهامات الطرحتها فى مداخلتى .. اتمنى اكون وضحت ولك منى خالص الشكر والتقدير .

احمد يا عالم
عووضنجى دى وقعت لى فى جرح
عووضنجى السهللنجى كيفك با زولنجى
سبحان الله طلعت نقنتودنجى

Quote: عشمان فيك انك تتبنى معانا مناهضة هذه المفردة العنصرية الاستعلائية

بالمناسبة قبل شهر او اقل من شهر فى هذا المنبر فى زميل عاير زميل بالمفردة دى وقال ليه ( فلان الرطانى ) وده بسبب اختلاف وخصام بيناتهم ولو ايراد الاسماء ضرورى انا مستعد بايرادها وده بيؤكد استعلائية المفردة وعنصريتها وهى كذلك والناس بتستخدمها للعنصرة والاستعلاء متى ما دعت الضرورة !

شكرا خالد على التوضيحات والهدف من تنبيهك والكلام الطيب مع الأخ تيتاوي ..
وألف حمد الله على سلامتك أسأل الله لك دوام العافية وإن شاء الله ما تشوف شر .

Quote: سبحان الله طلعت نقنتودنجى

في دي ولا داسنها يا جلالدوننجي
والاصح أوُوُدَنْجِي عشان نحن كنقونتودنجي
ما عندنا الحروف الحلقية حقت الصوماليين والعرب دي :)

Quote: يوو.. الوالدة.

شكرا مرة أخرى أخي تيتاوي ..
الأم عندها أكثر من لفظ ..
( يو أو يوا ) أحد تلك لألفاظ ويستخدم عادة للنداء ..
الغريبة سمعت أن اللفظ مستخدم برضو في السعودية ياريت الإخوة يتحققوا من المعلومة ..
من الألفاظ التعريفية للأم أيضا ( انيين و إندي ) ..
الام قي الثقافة النوبية هي مركز الأسرة ومصدر السلطة ..
لذا كانت تقاليد الوراثة في الماضي مصدرها الام .
أما الأب فهو ( آبا أو أنباب ) وعلى نسق آبا جاء المعرف القبطي للأب شنودة هكذا ( أنبا شنودة ) زي ما أشار أستاذنا علي..
أنو ـ وهو الحد وقد ذهب البعض باعتبار اللفظ مشتق من أسم نبي الله نوح وهو جد كوش بن حام .

Quote: كوفى انان

هههه يا مطموس أها أيه رأيك في coffee اللتنين فيهم نكهة مش؟

ود الملوك .. وووو أمبس .. سيرناقمي ..

يأ سلام يا مبدع .. إجمل لفظ في الدنيا .. ( يو )
أذكر عندما ننادي الام ... وووو يو .. كانت ترد ( هوي يويوندي ) ..
ولفظ يو كما تعلم ورد في التوارة في مسمى أم موسى عليه السلام ( يو كابد ) ..
حبيبنا الملك بالغت يا أخي ذكرتنا ( يوا ) لفظ فيه نوع من الحنان والغنج والدلال للأم ( يوا ) ..
حتى عندما تريد أن تدلع إبنتك أو أختك يمكن مناداتها ( يوا ) ..
وأجمل موقف لهذه العبارة عندما تجد الطفل يستجدي أمه ويردد ( يوا .. يوا .. ووو يوا ) ..
حبيبنا الملك ولكن لابد لنا من وقفة هنا .. أن بعض القيم النوبية أندثرت في مجتمعاتنا ولكنها رجعت
بقوة مرة أخرى .. ويرجع الفضل في ذلك إلى أهلنا الشايقية الناس الحلويين والسمحيين ويتلخص ذلك في
أن النوبيين كانت الانثى عندهم على درجة ربما بلغت القداسة في الميراث والحكم من جهة الام .. ورغم ذلك هذا الموروث
كنا نستحي أن ننادي على الأم في المكان العام .. وكان يصيبنا الحياء عندما نقول ( يو ) وسط الزملاء ..
ولكن أذكر تماماً اغنية ( يا يمه ) للشاعر ودالطيب .. وغناء محمد جبارة .. في بداية السبيعنات .. كان أهلنا
يستغربوا كيف الواحد يقول يا يمة .. وبفضل اللحن الجميل والاداء الرائع .. تغلغلت الاغنية في وجدان الناس
فكان لابد من شيء مشابهة بالنوبية فكانت أغنية : (( ووو يويو .. )) أخ يرثى أخاه الذي توفي ..
ووو ... يويو ..
بنجي نن داري .. حقنه كر جومسا
زايده نن داري .. دنقس من مريسا
وهنا يخاطب الشاعر أمه مباشرة ويقول :

(( كنت أحسب أنه بنج ولكنها حقنه ذهبت بحياته ))
(( كنت أفتكر انها عملية زايده ولكنهم قطعوا مصرانه ))

وبمرور الزمن كان زوال الحاجز واصبح من المعتاد أن تنادي أمك ( يو ) حتى وسط السوق ..
لأن زمان كانوا يطلقونه صفة ( إنجيلا) على من يرفع صوته بنداء أمه .. وإنجيلا مختصرها بالعامية ( ود المرة )

يا سلام .. الملك أمبس .. جزاك الله خيراً لهذا البوست ..
وللحبيب جلالدونا سبب هذا الحراك ( نقنتود)

على أمبس ..
تصدق لفظ ( يمة ) ذاتو عبارة عن مزج وإدغام بين لفظي ( يو + أمي )..
اوافقك الشايقة بفنهم اعادوا لهذا اللفظ مكانته الوجدانية ..
واصل هذا الدفق الحنين .

بالنسبة لى لاحقة انجى
برضك مترددة بى كثرة فى دارجتنا
عندك
مخزنجى ..كورنجى .. حوارنجى
و تصريف آخر بحذف النون
مكوجى .. محولجى ,,, عطشجى
اذا كان التصريفات دى عندها علاقة بالاصل النوبى
يبقى السودان ده كلّو نوبة بس لسان العرب غلب

الأخ العزيز جداً جداً/ خالد حاكم .. تحــــــــــــــياتي.
وألف حمداً لله على السلام.
أشكرك جزيل الشكر على التوضيح.
بصراحة طولت ما جيت على البوست دا .. كان آخر مداخلة وعيييييييييييك.
لقيته قدامي جيت داخل لقيت مداخلتك دي .. وكنت ناسي الكلام الحصل .. على كل حال حصل خير
وبدوري أعتذر وبشدة عن سوء الفهم.

Quote: وحكاية انو المفردة مستخدمة حتى فى مناطق النوبة فى الشمال , نعم هى مستخدمة لكن عن جهل والجهل فى الحالة دى ما عيب لكن العيب هو المكابرة والاصرار والناس محتاجة لتوعية , وهذه المفردة باستخدامها ده هى ثقافة مستوردة والناس بقيت تتعامل معاها بدون ما تقيف عندها وتعرف معناها زى العميان المسكوهو العكاز .. وانا لما قلت ليك انا عشمان فيك , عشمان فيك انك تتبنى معانا مناهضة هذه المفردة العنصرية الاستعلائية وتحاجج كل من يدافع عنها وعلى استمراريتها بالاسئلة والاستفهامات الطرحتها فى مداخلتى .. اتمنى اكون وضحت ولك منى خالص الشكر والتقدير .

زي ما بتقول الكلمة متداولة وقلتها بحسن نية.
ومعكم إن شاء الله لمناهضة هذه الكلمة.
نُخطي عشان نعرف الصاح.
أكرر لك شكري وتقديري.

والأخ العزيز/ مولانا الملك .. إتفق معاك فى كلمة (يو) تماماً وغيرها.. الواحد
بالجد إستفاد كتير من هذا البوست.. كلمات كتيرة نسيناها للأسف.
ولكم تحـــــــياتي.

Quote: بالنسبة لى لاحقة انجى برضك مترددة بى كثرة فى دارجتنا عندك مخزنجى ..كورنجى .. حوارنجى و تصريف آخر بحذف النون مكوجى .. محولجى ,,, عطشجى

يا الله عليك يا جلالدونا ..
ياخي أنت فت الناس بى غادي في تتبعك للتأثيرات اللغوية ..
أوافقك لو السودانيين إقتنعو بالهجنة كان نزاع الهوية مشى الرف.

Quote: من الألفاظ التعريفية للأم أيضا ( انيين و إندي ) ..

مولانا الملك
لك التحية
هل تعلم بانو مفردة ( انيين ) برضو مستخدمة عند الاتراك بس عندهم تستخدم كلفظ نداء
لاحظ لشفع الاتراك فى منطقتك وهم بيلعبوا .. الواحد فيهم لو ضايقو زول او شالوا منو حاجة من محله بينادى امه وهى فى البيت ( انيين .. انيين )
وبرضو ( محمد عندهم ميمد فى لغتهم ) اللى بسببه عروب السودان بيضحكوا علينا وبيسخروا مننا !

شكرا خالد على المعلومة ..
على كثرة الكلمات التركية المستخدمة في العربية مثل أوضة ، أسطى ، أفندي ، خانة .. الخ ..
كذلك لفظ ( اوردي / عرضي ) الملتصق باسم مدينة دنقلا ويقال ان معناه المعسكر ..
ما أفتكرت تكون (أنيين) منهن ..
إحتمال برضو نجد الفاظ أخرى في الدنقلاوية مستانسة من اللغة التركية .
على كدا تبقى ( إندي / و / يو ) فقط هن النوبيات.

Quote: على كدا تبقى ( إندي / و / يو ) فقط هن النوبيات.

مولانا تحياتى لا ابدا ( انيين ) مفردة اصيلة فى النوبية وهى من تصريفات المفردة ( ايين ) التى معناها الام والمراة ومنها ( بنتن ايين او فنتن ايين ) وهى النخلة الام وايضا ( نفرايين) وهى المراة الجميلة ) والامثلة كثيرة !والمفردة انا سمعتها عند اطفال الاتراك فى هولندا وهى ليست من المفردات الموروثة من زمن الاستعمار التركى وكذلك لقينا بعض المفردات فى اللغة الهولندية مطابقة فى النوبية مثل ( الحركة او المغادرة (VERTREK ) والثعبان ( SLANG ) ) وما عارف علاقة هولندا بالسودان او بالنوبة

سلامات يا خالد ..
منكم نستفيد ..
كلامك صحيح فات علي إنو مفردة أنيين فعلا مكونة من كلمتين ( أن + أيين ) ..
الملفت للانتباه إنو VERTREK بمعنى غادر مستخدمة أيضا بنفس المعنى في عامينا السودانية ( الزول دا فرتق من هنا ) !
برضو من المفردات النوبية الشائعة في العامية كلمة ( كدّيب ) المشتقة من كلمة ( كدّب ) أي عزق.

شكرا مولاى الملك على الاطراء
و ازيدك من نقنتوودى نقنتوودين
فى مسألة الهوية
محتاجين نعرف الفرق بين مصطلحى العرب و الاعراب
طبعاً الاعراب الاقحاح تنّكروا لهذا المصطلح و سمّوا انفسهم عرب
هرباً من حقيقة ربانية وردت فى كتابه الكريم
الاعراب جنس بشرى و لغة تخاطبهم العربية
و العرب نسبة للذين يتحدثون اللغة العربية ولكنهم ليسوا بأعراب
عشان كدة الهجين الحاصل بين لغة الاعراب و لغاتنا المحلية
دليل كاف للتحقق و يقطع اى طريق ل ... المحاققة ... من اصل هويتنا النوبية
الموضوع محسوم بس توجد شوية مكابرة

حبيبنا على امبس
مسكاقمى
من باب رد الحقوق الى اصحابها
صاحب الفصل الحقيقى لرواج هذا المصطلح
و اول من اتى به هو
اخونا عووضة ساعده الله فى بيع تانكره
هو الجابو و هو من يستحق الشكر على ذلك
نصيبى فى الحتة دى
من جاه الملوك نلوك

يا سلام ياخي
ياخي مالكم علي
...
امي الله يرحمها كنت وانا بي شيبي
دا ما بقول. ليها كلمة غير (يو)
بس عشان اسمع ردها( هوي وليد يو)
بالله وانا داخل علي سن التسعين ولسة
وليد بالنسبة ليها
...
الله يرحم جميع الامات كان ميتين ولا
ميتين

فوق لوجه الله تعالى