يا فرانكلى انا فى حوجة شديدة لاستيكتك هنا

08:29 AM July, 24 2016

سودانيز اون لاين
خالد حاكم-
مكتبتى
رابط مختصر

Quote: يعنى سودان انقاذك ده ازمته سياسة زى ازمة امريكا وبريطانيا ! ما شاء الله تبارك الله ( كده الازمة يا بلاش ) زى ما قلت ليك فى المداخلة الممسوحة ( اب سن بيضحك على اب سنينة ) يالا تعال امسح هل تصدق انا متكيف من المسح ده تعال تانى عشان انبسط زيادة .

بالمناسبة لو نبذتنى ما حامسح ليك مداخلة وعارفك ما حتجى بجاى !

خالد أننقا .. مسكاقمي .. إيلوو ..
أنا مستغرب من الاخ فرانكلي .. إنسان عايش في ألمانيا عاصمة الدنيا ..
بالله ياخالد شوف رئيسة المانيا دي .. ميركال دي أنا شوفها كده بت بلد عديل ..
تواضع في شكلها وعمق وفهم وتسامح لا ترفع الصوت لا تغضب ولا تعتب ..
أعتبرها أفضل رؤساء العالم الحاليين ..
يا أخي ربنا قسم ليك رئيسة زي دي وبلد زي المانيا .. كانت نموذج للمعاملة مع اللاجئين
من المفترض ان يكون فرانكلي نموذج للاخرين ..

يا فرانكلي أختلاف وجهات النظر إثراء وإبداع لإفكار جديدة

هيروو ووو خالد أننقا ..

الأخ خالد حاكم

فرانكلي يجب أن يتم طرده من المنبر، فهو لم يأتي الى حوار أبدا، همه الأول هو نشر أخبار كاذبة وملفقة، وأي زول لو حاول منقاشته أو تصحيحه يستعمل معه الأستيكة.

بكري يشكل له حماية خاصة، وهذه الحماية أضرت بمصداقية المنبر كثيرا.

الاخوة الزملاء والزوار
الاقتباس اعلاه مداخلة لى فى البوست ادناه تعرضت للاستكة من خبير الاستيكة كمال فرانكلى


( رينق: ألتقيت لام أكول في الخرطوم والوصاية على جنوب السودان بات وشيكاً وريك لن يعود )

الاخوة على عبد الوهاب ودينق
تحياتى لكم

هذا الفرانكلى دائما بيكتب كلام مستفز ولما نقابل استفزازه ده بسخرية يجن جنونه
يا فرانكى اذا افترضنا بان دولة جنوب السودان ( مولود سفاح ) فان العاهرة التى حملت هذا السفاح ووضعته هى ( دولة السودان )
ففى الحالة دى اللوم على ( المولود ) ام على ( الوالدة ) ؟
وعشان نكون دقيقين العاهرة هى الحكومات التى تعاقبت على حكم السودان من فترة ما يسمى بالاستقلال واسواءهم هى حكومة ما تسمى بالانقاذ التى يدافع عنها هذا الفرنكلى !
وبعدين سودانك ده لو استثنينا فترة الاستعمار التركى والبريطانى .. اليوم عمره 60 سنة هل فيه استقرار وفيه تنمية وفيه بنية تحتية وفيه حياة كريمة لمواطنه ولمن يقيم فيه عشان تقارن لينا بامريكا وبريطانيا ؟
يا سيدى السودان وجنوب السودان مثل ( احمد وحاج احمد ) وزى ما قلت ليك من قبل وحاكرره ليك هنا تانى البتسوى فيه ده انت كسودانى فى اتجاه جنوب السودان زى ( اب سن بيضحك على اب سنينة ) !

ياخالد فرانكلي ده صاحبي ياخ
تصدق برضو مسح لي مداخلة عادية جدا
من يمسح بإسم فرانكلي )))

Quote: ياخالد فرانكلي ده صاحبي ياخ تصدق برضو مسح لي مداخلة عادية جدا من يمسح بإسم فرانكلي )))

اخ حيدر

دى ما اول مرة يمسح لى فيها مداخلة هذا الفرانكلى
غايتو خاصية مسح المداخلاات عرى هذا الفرانكلى
لكن سوف لم نستسلم ولن نستسلم حتى ان دعت الضرورة بفتح بوست

هذه مساهمة لي في بوست لفرانكلي تعرضت للمسح عشرات المرات

Quote: قوة عين الكيزان وبجاحتهم عجيبة وغريبة كان حزبهم السياسي المسمي الجبهة القومية الإسلامية قد خسر في إنتخابات حرة ونزيهة أجريت في العام 1986 ولكن عدم إختيار الشعب لهم لم يعجبهم فلجاوا للإستيلاء علي السلطة بالعنف المسلح والقوة في إنقلاب عسكري في يونيو 1989 (كان التخطيط للإنقلاب قد تم باكرا كما أعترف الترابي) وبعد أن حكموا البلاد لمدة تزيد عن ربع قرن أوسعوا فيها البلاد دمارا وخرابا وحروبا وتقسيما وتخلفا صار خطابهم: يا أيها الشعب السوداني إن أنت أسقطتنا عن السلطة فسوف نحيل البلاد إلي خراب ودمار وحروب أهلية بأكثر مما هو حادث الآن في سوريا واليمن والعراق وليبيا (يهددون الحوت بالغرق) هم لا يفرقون بين إسقاط بالعنف أو إسقاط سلمي هم لا يريدون مفارقة السلطة إين كانت الطريقة الشعب السوداني سيسقط سلطة الديكتاتور البشير وأعوانه من المفسدين والمخربين من الكيزان سلميا أكرر سلميا بالإضراب السياسي الذي يتوج بإنتفاضة شعبية وسيستعيد الشعب سلطته ولو كره المفسدون ولو أنك (مهما أحسنا الظن في نواياك ) خايف علي السودان من مصير الحرب الأهلية الشاملة والمدمرة فلماذا لا تدعو الديكتاتور وأعوانه للتنازل السلمي عن السلطة وتسليمها للشعب ؟؟؟؟؟؟ إن هم فعلوا فنحن مستعدون للتباحث في شأن العدالة الإنتقالية

أضم صوتي لدينق
أصلا المنبر دا منبر للحوار وتبادل الآراء
فكيف تسمح يا بكري برأي واحد؟؟؟؟؟
كيف تسمح لشخص بمسح مداخلات الآخرين؟؟؟؟؟
ليبقي رأيه وحده؟؟؟؟

هذه أول مرة أتعرض للمسح
في الأول ما صدقت
أفتكرت الحكاية خطأ كومبيوتري
وقمت بإنزالها عشرات المرات
وكل مرة يسمح فرانكلي مداخلاتي بكل هدوء

يا بكري أبوبكر
خاصية مسح مداخلات الآخرين مهدد خطير للحوار
أرجوا إلغاءها