لابد من رد فعل قوي تجاه السلوك المشين والمتكرر من هؤلاء اللاجئين السوريين

06:55 PM July, 19 2016

سودانيز اون لاين
محمد حيدر المشرف-دولة قطر
مكتبتى
رابط مختصر

لابد من رد فعل قوي تجاه السلوك المشين والمتكرر من هؤلاء اللاجئين السوريين, ومع كامل تعاطفنا الانساني معهم كلاجئين ولكن يجب ضبط الامور وبحيث يحترموا هذا البلد لكي يستحقوا الاحترام الذي يليق بهم. إستقبل السودان لاجئين من كافة الدول الافريقية المجاورة .. كما صدر لاجئين لدول أخرى عديدة في زمن الغربة والارتحال هذا القبيح.. ونفهم جيدا معاني الجمال الانساني الذي قد يجمع الناس بكافة اشكالهم والوانهم وخلفياتهم .. ونؤمن جيدا باشتراكية الاحزان والمقاسمة الوجدانية قبل مقاسمة المأوى والطعام. لن تجد شعبا يفهم ذلك كما اهل السودان.. ولكننا وقبل كل ذلك يكون الاحترام المتبادل هو الاساس السوي والوحيد والذي تنبني علية كافة الاشياء الأخرى.

ظهرت في الفترة الاحيرة صور وتعليقات فيها الكثير من الازدراء للسودان واهله من هؤلاء اللاجئين .. وعن هذا يدور موضوع البوست

سلام صاحب البوست دايما أى شى ما مرتب بتكون عاقبته وخيمةوخاصة
عند استقبال عنصر آخر بعيد عن عاداتنا وتقاليدنا ويكون بقرار سياسى
يعنى اى شى بدون دراسة بكون وباء على البلد

الملاحقة القانونية لكل ما يزدري ويحط من قيمة هذا الوطن العاجبنا ومالي عينا هي سلوك حضاري وواجب وطني ..

المقاطعة للمؤسسات والمحلات التجارية ذات الصلة بكل من يزدري او يحط من قيمة هذا الوطن هي حق مجتمعي أصيل ..

تقنين الاوضاع الشخصية والتجارية والوظيفية بما لا يتعارض مع مصالح اهل السودان هو مسؤولية مباشرة للدولة السودانية ..

الأخ حيدر المشرف
مع احترامي لما لوجهة نظرك و لك الحق في ذلك.و لكن لو سمحت لي لدي بعض التعليق.
أعتقد إنه من الحصافة أن لا نعمل كمن جاء يكحهلها عماها و بالتالي بدلا من أن ‏نتعامل
مع الموضوع في حجمه نكبّر الموضوع و يتم تناول ما يكتبه هؤلاء في ‏الوسائط المختلفة
و بالتالي نكون ساهمنا في الترويج لما يكتبون.و ما يكتبونه ‏حقيقة و ليس وهماً فقط نحن
لا نرضى أن ننظر لمعايبنا بانفسنا و لا إذا كشفها ‏لنا غيرنا.‏
بعدين تاني هؤلاء شباب صغار السن و أقلية لا يمثلون كل السوريين. فاعتقد انه ‏يجب لا تشيلنا
الغضبة المضرية لتكشف عن حماسنا في الفارغة و المقدودة و ‏تجاوبنا مع أي دعوة كالغوغاء
مثل ما حدث عند ردنا للكاتبة الكويتية و كأننا ‏خلاص قد انتصرنا لذاتنا السودانية من الأعداء.‏
مع احترامي لشخصك و للمتداخلين و اعتذر عن اي تعبير أو إشارات قد تكون ‏جارحة فهذا ليس قصدي.‏
مع خالص المودة و التقدير لشخصكم الكريم

ا

سلام يا دكتور

ياخ الحقيقة ما بتزعل .. بالجد البلد عفنه
وقد زرت أكثر من 10 دول ولم أرى مثل تلك المناظر

صحيح ما قالوه صفاقة لأن البلد استضافتهم ووفرت لهم الأمن والامان
ولكن يقيني انهم كانوا يتحدثون مع بعضهم البعض ولم يحسبوا حساب تسرب ما قالوه

لكن البلد عفنة ومعفنة دي ما بتغالطوا فيها اثنين

كن بخير

....الدكتور المشرف تحياتي ....
تعرف يادكتور منذ مباراة مصر في الجزائر المشؤمة ديك ونحنا ماكسبنا عافية.....كلما نتكلم عن سؤء سلوك مثقفين ومستنيرين الصحافة المصرية نجد من يتصدي لنا .قائلا بان هولاء ليسو هم الشعب المصرى.بل متي تتحررون من عقدة المصرى. والان هولاء الشوام اتو بما لم ياتينا به الزمان . واقول ليك يادكتور مشرف ،رغم ضيق منزلي وانا اسكن في 200متر قدمت استضافة لمدة شهر رمضان الفات لاسرة سورية اب وام طفلين ،علي ان يقيموا معي مدة الشهر.في صالون ،ابلغتهم انهم اخوة لنا ، لكنهم اعتزوا لي بان منزلي ضيق وشكروني علي ذلك ، نتفاجا ان بعضهم ويقيمون معنا ، هربا من بطش بشار وارهاب داعش يسيئؤن الينا متانسين ، اننا شعب كريم ونبيل ومهم ضاقت بنا الحياه فلن يتغير سلوكنا .لكننا ايضا لم ولن نقبل الاهانة مهما كانت ظروفنا .......

دوك المشرف يا صديق
اقدر فيك غيرتك على سمعة وطنك ..ولكن ما كتبه الشاب السوري بخصوص العفن بصراحة دي حقيقة والله لا وراك العفن مع بداية الخريف ...
فعلا الوطن اصبح كوم زبالة كبييير كل المدن .... وصناع القرار ما هاميهم لا صرف صحي ولا صحة بيئة همهم البيع البيع لا تخطيط ولا يحزنون يبيعوا الاراضي في مجرى السيل في نص الخور المهم يبيعوا الحتات زي ما قال الليمبي والي الخرطوم ..
يا دوك والله الوطن بقى يئن من العفن على كافة الصعد ...
باعوض .ضبان .ناموس .ابو الجندب .مرقوت ..مستشفيات عبارة عن وسخ مترادم ومياه طافحة ..
اقول ليك حاجة والله العظيم قبل رمضان الفات دا بعرف تيم من الصحة عاملين طواف ميداني في مناطق الدالي والمزموم عشان يحاربوا مرض الجرب ..ما تندهش الجرب الواحد دا اظن بكون انقرض في العالم من القرن السادس الميلادي ..
الناس جربانة عديييل...
اتصل على اقرب زول بتعرفو انشاء الله الامير توفيق ود قلبا وقول ليه كلمني من برة قصرك لو ما سمعت اصوات الصفادع الان على الحلف اكون زول كضاب ساي..
البلد وسخانة دي حقيقة ..فما تزعل من السوريين ..دا الواقع ..
مع احترامي

ده واحد من الفيسبوك قال رايو ..

Quote: رحم نفسك وإتقي الله في روحك !! يعني شان لاجئين سوريين عددهم ما بتجاوز أصبع اليد الواحدة "إن حدث أصلاً" داير تعمم على بقية اللاجئين السوريين ؟؟ شوف ليك شغلانة نافعة بدل بوست الفتنة دا !! قال رد قوي قال !!

نعم .. مثل طريقة التفكير موجودة للاسف الشديد .. هناك من لا يفهمون العلاقات المتشابكة بين التربية والبيئة الثقافية والسلوك.

1- عندما تتسرب صورة أو تعليق لواحد منهم يفيد الازدراء والعنصرية تجاه أهل البلاد الذين يستضيفونهم, فذلك لا يعني سلوك شخصي للاجيء واحد أو لقلة منهم لا يتعدون عدد اصابع اليد, وانما يعني انفضاح تعليق عنصري واحد او عدد من التعليقات العنصرية وجدت طريقها للناس (والفرق واضح)

2- عندما نقوم بالتصدي لذلك .. فاننا نتصدى لطريقة تفكير ذات صلة وثيقة بالوجدان العام والعقل الجمعي والبيئة الثقافية ...

3- حضارية التصدي ودود الافعال مضمونة في الاطار الذي اوضحته المقاطعة للجهات المتورطة واللجوء للقضاء .. والمسؤولية هنا محصورة في ذات الذي يعنيهم الاخ (نسيت اسمو)

4- لا يوجد اي خطأ (لا أخلاقي ولا ديني ولا اي حاجه) في تقنين علاقة اللاجيء بارض اللجوء.

....
لا توجد عندي شغلانية أخرى .. لا اقبل في وطني كلمة واحدة ... انت تقبل ذلك او تربط ذلك بالكم او عندك threshold محددة للاساءة لبلدك وحتى تنفعل .. فأنت وشأنك, ليس كل السودانيين سودانيين بمعنى الكلمة في نهاية المطاف !!

الاخ محمد وودالبشارى ..
تحية طيبة

لا اتحدث هنا عن اللاجيء السوري الكتب انو بلدنا معفنه او عبارة عن عفن او قلب العفن..

الاخ محمد
لست ممن قد تشيلهم الهاشمية فتعمى عيونهم عن رؤية الحقيقة.

صديق سلامات ..

كلامك صحيح .. ولا ندعو الا لتقنين العلاقة وعدم التهاون مع اي سلوك استعلائي تجاه السودان.

ولتوضيح الصورة أكثر دونما تفاصيل ..

بدأت المسألة بذلك الذي ارسل لاهله ينبئهم بانو بتكلم معاهم من قلب العفن .. ثم توالت غيرها وعلى ذات المنوال تنسج ازدراءها لذلك الوطن الذي استقبلهم واهله..

هذه حاله يجب الانتباه اليها .. وذات درجة من الخطورة للامن الاجتماعي والتنموي والاقتصادي .. واقع اللجوء هو في الاساس حالة انسانية طارئة يجب التعامل معها في اطارها الانساني الرحيم .. ولكن وبذات القدر من الاهمية يجب التعامل معها بمحاذيرها الكثيرة التي ذكرت .. هنا يأتي دور الدولة من ناحية .. ودور اللاجيء من ناحية .. هذه هي الصورة الحقيقية .. بينما الصورة المقلوبة تكون بتحميل المجتمع السوداني اعباء فوق اعباءه ليتهم في الاخير بعدم التعاطف الانساني مع اللاجئين ؟!!!

لم إطلع علي ماكتبه بعض السوريين
سؤالي هل ماقالوه كان يمثل واقع ويعبر عن حقيقة؟
* إن كان كذلك هل تم طرحه وصياغته بصورة مستفزة ومحطة بقدر أو الوطن وفيها تحقير
أوتعالي علي المُضيف أم إنه صيغ بصورة مهذبة وموضوعية؟؟
* والشي بالشئ يذكر هل إذا صدر نفس الكلام المنسوب للسوري لو صدر عن أثيوبي
أو تشادي هل كان رد الفعل سيكون واحدا؟
*أنا لا أملك ردا لأني غير ملم بأصل القصة!

يا على والله الكلام ده غلط منكم ...

اولا في التبادي انت والاخوان تتحدثوا في موضوع الولد الوصف السودان بانو قلب العفن .. وانتو بتتكلمو عن سوء البنيات التحتية في البلد .. وتعبير العفن انتو اخدتو كمقابل للقذارة في الشوارع الخ .. وهي في الواقع احالة غير صحيحة .. العفن المعني عندهم هو السودان حقنا ده بما فيهو نحنا .. ولو شئتم الدليل على ذلك لاوردته من خلال استقراء رسائل صاحب او موظف تلك الكافتيريا مع اصدقاءه وصديقاته في الفيسبوك .. وقبل التعليقات .. يعني شنو سوري يتصور مع شابين سودانيين عشان يوري صاحباتو في الشام انو ح يتاكل بعد شوية ؟!!

ثانيا .. ارفض تماما ان يأتي أحدهم لبيتي ويسيئني .. لييييه ؟! .. عشان شنو ؟!! كلامو صاح ؟! برضو ما يسيئني ويتفضل اتطلع بره .. انا بتكلم عن بيتي فما بالك بالوطن ؟!!

ثالثا .. لماذا لا يكون الواحد فينا ايجابي تجاه التعامل مع الاساءة ويسعى لدفع اضرارها ومنعها من اساسو بالكلام الكتبتو هنا ؟!!

Quote: وتعبير العفن انتو اخدتو كمقابل للقذارة في الشوارع الخ .. وهي في الواقع احالة غير صحيحة .. العفن المعني عندهم هو السودان حقنا ده بما فيهو نحنا .

أوافقك تماما يا دكتور

والله يا على ما عارف اقول ليك شنو؟!
وما عارف والله الناس مالها ؟!

غايتو كلامك ده يفوق قدرتي على التعليق ...
ولكن اذكر يومها (يوم مباراة مصر والجزائر) ما نمت من الزعل وانا اشاهد مسوخ الاعلام المصري والفن المصري وهم يمارسون ازدرائهم لذلك الوطن ..

كتر خيرك كتير.

Quote: . واقول ليك يادكتور مشرف ،رغم ضيق منزلي وانا اسكن في 200متر قدمت استضافة لمدة شهر رمضان الفات لاسرة سورية اب وام طفلين ،علي ان يقيموا معي مدة الشهر.في صالون ،ابلغتهم انهم اخوة لنا ، لكنهم اعتزوا لي بان منزلي ضيق وشكروني علي ذلك ، نتفاجا ان بعضهم ويقيمون معنا ، هربا من بطش بشار وارهاب داعش يسيئؤن الينا متانسين ، اننا شعب كريم ونبيل ومهم ضاقت بنا الحياه فلن يتغير سلوكنا .لكننا ايضا لم ولن نقبل الاهانة مهما كانت ظروفنا .......

ذات الاستعلاء العنصري على السودانيين يا كمال ..
لا جديد هناك عدا كونه يأتي من لاجئين استضفانهم في بلادنا ..

..

احسن الواحد يمشي يشوف ليهو شغلة تانية زي ما قال بتاع الفيسبوك (نسيت اسمو)

هذا البوست انتهى.

تحياتي ود المشرف..
السؤال للاخوة السوريين انتوا في واحد سوداني رسل ليكم دعوة عشان تدخلوا بلدنا؟كاذا فعل بكم اللبنانيون والمصريون والاردنيون ؟الم يسئؤ معاملتكم وقاموا باسترقاق واغتصاب وبيع بناتكم؟هل ما وجتموه من كرم وحفاوة استقبال وفرص عمل وتعليم مجاني السودانيين اصحاب البلد مالاقنوا وجتموه في اي دولة اخري؟بعدين عنصريةالعرب وقلة ادبهم دي ما جديدة علينا العرب عنصريين للطيش لذلك مكروهين وبدوهم الجزمة محل مايقبلوا..فشنوا بلدنا معفنة ووسخانة ومقرفة دي مشكلتنا نحلها نحن ومسئولتنا نحن ,زي مابلدكم دمرها الاسد وحولها كوم زبالة وانقاض ..نحن تضامنا معاكم واستقبلنكم لانا دا قدرنا نحن الشعب السوداني دا ربنا خلقنا اطيب الشعوب والنعجة تاكل عشانا...فشنوا اقعدوا معانا بادب لحد ما ربنا يفرج عنكم والا اطلبوا الله الباب فاتح وبفوت جمل وادونا عرض اكتافكم..اذكر الاخوة الطلبةاليمنيون كانوا بيطلقوا مصطلح السعال علي الطلبة السوريين واللبنايين والفلسطنيين...الحكمة يمنية...

والأغرب في الموضوع أن بعضهم أصبحوا يزاحموننا في شبابيك إجراءات مستندات الهوية السودانية (جنسية - رقم وطني - جواز - تاشيرة خروج) !
متى وصلوا ومتى وكيف تجنسوا !

استاذنكم في التعليق من جديد فقد وجدت رأياً سديداً للأخ بخاري عثمان أنقله هنا:
"
قصة السوريين الواقعين نبذ وإساءة يبدو لي انهم عايزين يحصل ليهم مكروه كرد فعل من السودانيين وبعدها تتدخل سفارات اجنبية وتديهم اعادة توطين في بلادها ، ما قدرت ألقى سبب تاني يخليهم يعضوا اليد الاتمدت ليهم بكل كرم غير كده.
"

اشم رائحة عفنة تفوح عنصرية

تهمة لا انكرها....شرف لا ادعيه...

دكتور المشرف تحياتي

ضرب الحبيب ذي اكل الزبيب




تلبو

التحية لك اخي د . المشرف على هذه الوطنية وهذه الغيرة على الوطن وكلامك صاح مية المية يجب ان يعاقب كل من يسي لوطنا بهذه الصورة المشينة وهذا الزدراء فكلام اخونا حسين موسى عين الحقيقة وعين الحق فهؤلاء الاخوه السوريين ليه ما يروحو الاردن او فلسطين او العراق او لبنان هذه الدول النظيفة والغير عفنه ؟؟؟ لان ما وجدوه في السودان لا يمكن ان يجدوه هناك وبالرغم من ذلك يسيؤون لنا ولوطنا وهذا الشي مرفوض وغير مقبول تماما ,, وطنا عفن او غير عفن هذا الشي يعنينا كسودانيين فقط لا غير ,, وهل من الادب ان تعض الايد يالاتمدت لك بالضيافة والكرم والتعامل الانساني ,,, يجب ان يطرود فورا من السودان ويروحو يفتشو لمكان غير عفن ... الى متى نحن نهان ونستهان ونتعرض لهذا الازدراء من الاعراب الى منى ايها الشعب السوداني الكريم اصحو من غفوتكم فقد طفح الكيل ونلنا ما نلنا من اهانة وازدراء وكمان ف يعقر دارنا ,,
فهل تقبل انت ان ياتي ضيف لبيتك وتكرمه واخر المطاف يقول لك بيتك وسخان وغير لايق بي ؟؟؟ وهذا ما حدث تماما لذا ارجو من السلطات المختصة ملاحقة هؤلاء العابثين بوطنا ,,

واسف للاطالة .. وشكرا


تحياتي : ياسر العيلفون .......

تحية طيبة اخي ياسر السر...
ياخي داير اذكر الناس الذاكرتها ضعيفة قبل شهور قليلة تم الاعتداء بشكل وحشي وسافر علي اللاجئين السودانيين وترحيلهم بالطائرات الي بلدهم السودان دون احترام للقوانيين الدولية لحماية طالبي اللجوء ولا لانسيتهم ولا اعتبارهم..اشقاء..من دولة عربية وانهم مسلمين بينما لم يحدث الشئ مثله مع اللاجئين العرب من سوريا والعراق وفلسطيين,وبرغم ذلك يحج السودانون يوميا للاردن للعلاج والسياحة والتنزه شفتا بقينا كيف..ماذا فعل المصريون بطالبي اللجؤ السودانيين بميدان مصطفي محمود ااجريمة النكراء الجبانة التي اودت لاستشهاد عدد كبير من الشباب والنساء والاطفال دا غي الشباب الذين اطلق عليهم الرصلص الحي بحجة يهددون امن اسرائيل..والله الواحد بقي مافاهم نحن السودانيين ماذا دهانا ..السودان بق زي بيت الدعارة فاتح للكل والكل يشبع فيه غرايزه ويقضي فيه حوائجه...نستاهل...

شكرا للأصدقاء هنا ...
حسين ودهب وياسر وهاني
كتر خيركم يا صحاب ..


حقيقة غضبت البارحة فوق غضبتي المبررة جدا والصحيحة لرؤية صورة ذلك اللاجيء السوري وهو يسخر من الشابين اللذين كانا معه في الصورة .. اذا لم يغضب المرء منا لسوء الطوية واللؤم, أفلا يغضب للعنصرية والازدراء ؟..

عندما قرأت لمنصور خالد كتاب (جنوب السودان في المخيلة العربية) .. كان المعنى الجوهري الذي تعلمته هو كيفيات دخول (المخيلة المجتمعية) وباعتبارها موضوعا, دخولها على لغة التحليل للظواهر السلوكية للمجتمعات تجاه المجتمعات الأخرى في الاطار السياسي والفكري .. .. وفعالية هذا الموضوع (المخيلة المجتمعية) في التحليل تطال اللغة والسلوك بكل تأكيد .. عشان كده لمن تنتقد كسوداني ايا من المظاهر السالبة في المجتمع السوداني او الدولة السودانية, فهذا النقد مفهوم في سيافاتو الوطنية المحددة .. لا احد سيبحث عن مخيلة أخرى قد تكون منطلقا لهذا النقد .. بينما لا يمكن استقراء اي نقد يصدر من غير السودانيين الا باستحضار المخيلة التي ينطلق منها هذا النقد .. لذلك عندما اتحدث انا عن ضعف البنية الاساسية في الخرطوم واعبر عنها باي لغة, كأن اكتب للناس في حائطي في الفيسبوك انني اكتب اليهم من قلب العفن .. فهذا الامر قد لا يعدو اكثر من تعبير غير لائق او لغة منفلته مني .. بيد ان معانيها واضحة .. فهل الامر سيان اذا ما كتب ذلك الشاب السوري لاصدقائه انه موجود في قلب العفن ؟!! لا ليس سيان بالتأكيد لان الكلمة هنا (عفن) ما هي الا اسقاطا لغويا لمعاني كثيرة ذات صلة وثيقة بمخيلة المتحدث.

عندما عشت بمصر بداية التسعينيات .. شاهدت بام عيني كيف هي المخيلة الشعبية للمصريين عن السودان .. فالسودان عندهم مرادف للبربرية والبدائية والجهل والمرض والتخلف .. وكان جهلاء المصريين (وحتى بعض المتعلمين) يظنون ان بين السودانيين من هم من أكلة لحوم البشر واننا نساكن الوحوش والحيوانات المفترسة ونعيش في الغابات الخ. ..

وعندما أغتربنا وعايشنا الشوام, تبدت لنا العنصرية في اوضح صورها ... لم تكن مباشرة ولكنها واضحة جدا تتسرب من بين ثنايا الاحاديث المتبادلة .. ..

نعرف هذا الاشياء جيدا .. وتعاملنا معها بما هو جدير بها من حزم وأنفة وكبرياء جديرة بنا كسودانيين .. ولكننا وفي ذات الوقت شاهدنا من ينكسر ومن يهرب للامام ومن ليس واثقا أصلا من كريم أصله السوداني (للاسف الشديد جدا) ..

منهم (من هؤلاء السودانيين) من ينتشي غاية الانتشاء من قول احدهم (شاميا او مصريا او خليجيا) اننا شعب طيب حتى ولو قيلت من موقف استعلائي فيه شيء من محاولات التواضع مع الاقل والادنى كما يحاول بعضهم ان يقولها بهذا المعنى.

لكل تلك التجارب الحياتية, اكون قادرا على التمييز الجيد بين الازدراء والعنصرية والتحقير, وقادرا على التعامل معها .. وما اقوله هنا أن تواتر التعليقات السلبية والعنصرية لم يأت من فراغ .. بل هناك خلفيات ثقافية ومخيلة استعلائية جدا تجاه السودان تصدر عنها هذه التعليقات العنصرية وتلك التي تنطوي على قدر كبير من الازدراء. وانا أرفض ذلك كما يرفضها أغلبية أهل السودان ..

نعم التعليق سخيف ومقرف بالرغم من ظهور تضارب في النسخ المنشوره في الفيس. لكن اعتقد احنا بنكبر الموضوع لو ربطناه بمشكلة اللجوء تعميما علي السورييين.. فهناك اكيد من لايرضي بمثل هذه التعليقات. وهنالك من لايمتلك اصلا وسيله تواصل.. بالامكان فرز ومحاصره المسيئ في وسيله تواصله الاجتماعيه. والرد عليه بما يستحق. وصولا الي مقاطعه عمله التجاري.. لكن الرد بالهجوم علي كل اللاجئين اعتقد فيه ظلم.

ومن ناحيه التهويل قد ينعكس علي ارض الواقع في شكل تضيييق واعتداءات ومشاكل احنا في غنا عنها وهم كذلك.. ونخت في بالنا احنا بنتكلم عن تعليق او اتنين في الفيس.. من شخص عادي قد يكون متواضع التفكير قليل التجربه في الحياه ساذج. فلا يجب ان نعتبرها تعدي علي كرامه الوطن لمجرد تعليق من هذا الشخص..

بخصوص عنصريه بعض العرب او اكثرهم.. فهي حقيقه.. وواقع. وليست ضد السودانييين تحديدا.. انما هي العنصريه التاريخيه ضد السود.. ومعروف ايضا انها موجوده في كل العالم.. قد تؤلم البعض منا اكثر. لاعتقادهم المتوارث.. انهم ينتمون للعنصر العربي..

كتب د. محمد بابكر

Quote: صاحب البوست وضيوفه سلام كدى قبل السوريين قالوا شنو عايز اسأل سؤال وهو هل يجوز ان ناخد سكرين شوت من الفيسبوك ونطلع بيها مداعى يعنى القصه دى ما عندها علاقه بانتهاك الخصوصيه ولا انا غلطان. ثانيا ما غريبه انه الاسكرين شوتس دى كلها موضوعها واحد كأنما فى زول بطل شغلته ولقطا وجابا حول موضوع واحد وهو رأى السوريين فينا وفى بلدنا . ثالثا ليس من الحكمه بناء وجهة نظر عن مجموعة من المهاجرين بسبب تصرف بعض الأفراد ولو اتبعت هذه القاعدة لتحولت حياة المسلمين الى جحيم فى أوروبا وأميريكا . رابعا وبدلا من ان تأخذنا الهاشميه تعالوا نشوف حال بلدنا وننشغل بحالها وإصلاحه فالواقع أسوأ بكثير مع تحياتى.

كلام والله

عزيزي دكتور المشرف

تحياتي

في جانب مهم في الموضوع دا شايفك ما أتناولتو و هو حرية اللاجي في التعبير عن رآيو.. و هل منحة اللجو بتصادر حق حرية اللاجيء في التعبير عن آراؤه؟


التعليق المصاحب للصورة الظاهر فيها اللاجيء السوري وسط إتنين سودانيين هو موضوع شخصي بين السوري و السودانيين الإتنين المتصورين معاهو.. و ربما يكون من حقهم مقاضاته

و لكن الحكم على ذلك التعليق لا يتسع لدائرة أكبر ممن ظهروا في الصورة

نسيت اقول إنو أنا أصلاً شايف قصة إنو السودان يستضيف لاجئين سوريين دي مشوبرة من حكومة السودان غير لائقة و و ذلك رغم تعاطفي مع الشعب السوري في محنته

سلامات دكتور مشرف
والتحية ليك
ازدراء استحقار وعدم احترام للسودان الاستقبلتهم بصدر رحب ووفرت لهم السكن والمعيشة والدراسة مجانا .
وبعد ده كلو في سودانيين المستلبين بيكتبو في مبررات لهؤلاء المستحقرين.
السودان بعفنو انتو الجيتو ليها لاجئين تفتشو في مأوي ومسكن ولو ما عجبكم اتركوها امشو بلدان النظافة العاجباكم بلاش افتراء وقلة ادب.
سودانا بعفنو وطنا وبلدنا وعاجبانا

تحياتي يا ود المشرف
عايز أديك معطى آخر أو عنصر آخر عشان الصورة تكبر شوية
في عملنا يتم إيفاد صحفيين وغيرهم من الإعلاميين لتغطية فعاليات في السودان
من ضمن الذين تم إيفادهم في السنوات الأخيرة على فترات مختلفة زملاء من المغرب العربي
عندما رجعوا كانت انطباعاتهم تقريبا متماثلة، إنو السودانيين أخلاقهم حلوة وكرماء إلى آخر هذه المقطوعة التي نسمعها منذ عشرات السنين
لكنهم اتفقوا على أنهم ما كانوا يتوقعوا أبدا أن يكون البلد بهذا السوء: وساخة الشوارع، ترابيتها، فوضى السير (ناس وعربات) الخ
حتى إنو واحد منهم موريتاني قال ما كان بتخيل في بلد (أسوأ) من موريتانيا إلا لمّا مشى السودان
بعد فترة تم إيفاده إلى الصومال، لمّا رجع قال الحمد لله هناك بلدان أكثر سوءا من موريتانيا

قصدت إنو الموضوع ما عنصرية وتفوق عرقي أو حضاري يتسم به الشوام أو الخليجيين أو المصريين
إنما حتى بقية العرب رفاقتنا في القارة والدم المختلط لهم نفس الرأي عن السودان

أقول ليك حاجة كتبتها قبل كده في المنبر دا
خواجية أيرلندية عملنا معها في منظمة إغاثة منتصف الثمانينات وعند انتهاء فترة عملها
سألتها عن رأيها في السودان(بعد هذه المدة الطويلة التي..)، قالت بالحرف الواحد الإنجليزي:
GOOD PEOPLE IN A BAD COUNTRY

أها شنو ليك؟!
إذا كنت أوف بوينت، قولها ما بيناتنا

مسا الخير المشررف الرجل البشرررف
تاعب نفسك ساي تعرف البيييغيظ ويوجع (ال ......سلالم بكري ) انو الناس متخيلة القصة دي حاجة فردية
يازول ديل الفول السوداني ده اسمو فستق عبيد عديل بدون لولوة خلي العبيد في حالوم ياااخ
طز فيهم وفخار يكسر بعضو انا من الشفتو منهم هنا في الصناعية تضامن ساي مابتضامن معاهم

البشاري بلدنا عفن ووسخان وكلو بس الضيف يقعد بي ادبو اتا هسة بتقدر تقول حاجة هنا الباقي بتمو ليك هناك محل ضبح الكيري

شكرا يامشرررف دايما تجي في الوكت المناسب والا كتا فتحت بوست باسم فستق عبيد

أقترح الحكومة تراقب حسابات الفيس والواتساب بتاعت اللاجئين.
أي لاجيء يتعدى حدودو؛ قانون النظام العام سيردعه
الثوابت الوطنية خط أحمر

مكرر

سلام يا دوك
اولا صاحب مطعم معناتا دا مقيم بل ومستثمر كمان مش لاجئ
تحكمه قوانين الإقامة التي من ضمنها احترام قوانين البلد المضيف و العمل بها و احترام البلد في رقبته
لو اي مستثمر اومقيم في اي مكان في العالم وراح وصف هذا المكان بانه عفن تاني يوم وبتتلغي اقامته ويتسفر, وهذا ما يجب ان يحدث
اي محامي متلقي حجج يرفع عريضة و قضية ضد صاحب المطعم
أمّا تعليقات اللاجئين الآخرين في الفيس بووك الناس ما تديها اكبر من حجمها و تعملها قضية لكن ليكون الدواء بالتي كانت هي الداء
عندنا المفسبكاتية و الاسفيراب على قفا من يشيل كل يوم بتجيك نكات و صور مركبة و سخرية بين الهلالاب و المريخاب مثلا
و زس صفحة يوميات البشير و من الجانب الآخر الجداد الالكتروني بدل ما الناس دي موجهة اسلحتها وجهدها ضد بعض اليتفقوا على اسبوع يسموه اسبوع رد الاعتبار تتفبرك فيه الاف الصور و النكات و التغريدات على المصريين و السوريين وكل العلوق العامننا مسخرة
طالما قلة الأدب مكانها الفيس بوكك و الأسافير يرد عليها بنفس الطريقة
أمّا الرد الرسمي بديها اكثر من حجمها و بسهولة سلطات الدول دي تنفي علاقتها أو امكانية سيطرتها على الانترنت !

شكرا للاصدقاء دونما فرز..
لا يمكن ان يستمر النقاش دائريا الى ما لا نهاية .. فلنمضي للامام يا اصدقاء

هناك من يرى ان الموضوع شوية تعليقات فردية من اولاد سوريين لا يجب ان تعمم على الجميع .. .. بل ان هناك من يرى كصديقي حافظ بشير ان موضوع الصورة ذاتو شخصي ويتعلق ب 3 اشخاص فقط .. سوري واتنين سودانيين .. ويشير صديقي معاوية الزبير ان الامر قريب من يشبه ابداء الملاحظات من قبل اعلاميين اجانب حول رداءة البنية التحتية والبيئة العامة في السودان ..ويمارس ابوبكر عباس سخرية لزجة كما العادة .. بينما يكتب وضاح نفطة مهمة و valid جدا حول التخوف من ان تقود اثارة الشعور العام الى ما لا تحمد عقباه ..حسنا ..

لكم جميعا وبكل الاحترام الذي تعلمونه يا صحاب .. واعجز ان اوجه احترامي لابوبكر عباس هنا, وليس ذلك بهام على اية حال.

انا طرحت في هذا البوست طريقة حضارية جدا بزعمي للتعامل العام مع مثل هذه القضايا وهي كالآتي..

Quote: الملاحقة القانونية لكل ما يزدري ويحط من قيمة هذا الوطن العاجبنا ومالي عينا هي سلوك حضاري وواجب وطني ..المقاطعة للمؤسسات والمحلات التجارية ذات الصلة بكل من يزدري او يحط من قيمة هذا الوطن هي حق مجتمعي أصيل .. تقنين الاوضاع الشخصية والتجارية والوظيفية بما لا يتعارض مع مصالح اهل السودان هو مسؤولية مباشرة للدولة السودانية ..

لا اعتقد ان ذلك قد يتعارض مع وجهات نظركم المحترمة جدا

......

لابد من التعليق على هذه الجزئية من كلام الصديق حافظ بشير

Quote: هل منحة اللجو بتصادر حق حرية اللاجيء في التعبير عن آراؤه؟

الاجابة لا .. لا تصادر حرية التعبير .. ولكنها وبالتأكيد لا تمنح حرية الاساءة او حق الازدراء يا عزيزي..

...
حامد البدري سلامات ياخي ..
قد تكون تسمية الفول السوداني تاريخيا بفزدق العبيد تسمية من اشخاص معدودين فس الشام لا يتجاز عددهم بضعة ملايين ولا يجب تعميم ذلك . يجوز ذلك يا صديقي .. يجوز !!

وليد طه ومحمد نور عودو ..
تذكرت تلك اللافتة االمكتوب عليها (لسنا عرب لنقتل ونسكت) .. وتراءت امامي لافتة أخرى خيالية تقول (لسنا سودانيين يساء الينا فنسكت) ... لو حملها شخص خيالي في مكان ما, لما لمته على ذلك ..

تحياتي للجميع .. وكما قال تلبو بصيغة أخرى :

محمد البشرى سلامات

لم اطالب برد رسمي .. طالبت الدولة بتقنين اوضاع اللاجئين دون منح استثناءات او تمييز ... واعلم ان الدولة السودانية منحت تمييزا ايجابيا للسوريين, وهذا يخرجهم من دائرة القوانين الناظمة للجوء في السودان.

تحياتي للاصدقاء من نافذة الفيسبوك ..

Quote: Seifelyazal Ahmed · Elizabeth, New Jersey خلونا نتكلم بصورة مختلفة شوية وبدون إنفعال ، صحيح لم يجمع السوريين عى هذه التعليقات الغير كريمة ، لذلك لماذا لا يكون كلامنا موجها ضد هوؤلاء الأفراد في شخصهم فقط ، دعوني أنحى منحي مختلف شوية للمرة التانية لماذا لايرى الناس طريقة إستقبال اللاجئين بهذه الطريقة غير صحيح ، لماذا لم يأتوا عن طريق الأمم المتحدة وبرامجها الكثيرة الخاصة باللاجئين ولماذا لم يتم حصرهم في معسكرات زيهم زي اي لاجيء ، لا أعلم الغيب لكن لي مخ يفكر ممكن تتخيلوا لو تم لجوء سودانيين بهذا العدد في سوريا ستفتح لنا البلد كما فعلنا اشك في ذلك ، نحن لسنا أفضل من أحد ولا أكرم من أحد ، ما يحدث من الآن هو مجرد غباء واستصغار للنفس وتهافت حتي يتحدث الناس عن كرمنا ، من قبل قتلتنا الطيبة والعبط ونحن نغرق حلفا من أجل عيون المصريين ، وماذا جنينا من كل دا أحتلال حلايب ونكران جميل ، لمتين حا نسيب العبط النحنا فيه أعجبني · رد · 18 ساعة أنر طريقي برغم انني مع فتح الباب لكل من يجد في بلدنا ملجأ من ظروفه الانسانية وبغض النظر عن جنسيته... الا ان الموضوع مهم وفيه ايذاء لمشاعرنا كمضيف،،، لكن الامر في يد السلطات هي التي استقدمتهم وسمحت لهم بالدخول كما في يدها ابعاد اي لاجيء او اجنبي اذا اساء للبلد،،، للاسف سلطات بلدنا غير جادة. هنالك مقوله سودانية قديمة "الضيف بقعد بادبوا او يفوت". أعجبني · رد · 15 ساعة · تم تعديله Adam Mohajer · University Of Khartoum ود المشرف تحية طيبة والله نحنا ما عارف نلقاها من وين ولا من وين نلقاها من حكومتنا السجمانة ولا هؤلاء الا جئين قليلي الادب والحياء ولا من المثقفاتية الذين يقولون هذا لا يمثل راي السوريين وفعلا البلد عفنة. اتفق معك تماما ان ما قاله هؤلاء الاجئين مرفوض جملة وتفصيلا ولا بد من عمل شيء ما لايقافهم عند حدهم ونوريهم العفانة والقذارة بيان بالعمل. اما بالنسبة للذين يقولون بان هذا لا يمثل راي السوريين وبقول ليهم ده راي الشوام كلهم ومعاهم باقي الاعراب وممكن تكتشف ذلك وبسهولة جدا لانه في اقرب ملف او حتة ضيقة طوالي بفك اخره وبوريك رايه فيك كسوداني وعندي قناعة انه في المليون ممكن تلقى خمسة كويسين وهم يفوقون سؤء الظن في ذلك. لا تساهل مع من يسيء لنا كشعب او لبلدنا ويجب ان يكون الرد سريع وحاسم ....طيبتنا او قل سذاجتنا هي التي جلبت لنا تلك الاساءات والتحقير ومن يحتمل ذلك بحجة واهية انها من قلة ذلك شاْنه فاما انا فلا اتحملها. أعجبني · رد · 9 ساعة تاج الدين النوبي · يعمل لدى Self-Employed يا ود المشرف أنت آخر شخص في هذا المنبر توقعت منه هذا الكلام أولا هذا الكلام صادر عن فئة قليلة من الإخوة السوريين ثانيا فلو صدر هذا الكلام من العالم كله بالإضافة للسوريين فقد ذكروا لك نصف الحقيقة , فالحقيقة الكاملة مفجعة تعاملنا برد فعل انفعالي لحقيقة معاشة ما هي إلا تسفيه لعقولنا وتحميل الأمر أكثر مما يحتمل الأمر المستغرب هل توجه كلامك الانفعالي إلى المؤسسة الحاكمة أم إلى عامة الشعب؟؟ لو كان للمؤسسة الإجرامية الحاكمة فلا يهمها رأي السوريين ولا الجن الأحمر , فقد سبقوا القذارة بأعمالهم....عرض المزيد أعجبني · رد · 8 ساعة Facebook Comments Plugin

Quote: المقاطعة للمؤسسات والمحلات التجارية ذات الصلة بكل من يزدري او يحط من قيمة هذا الوطن هي حق مجتمعي أصيل ..

دكتور المشرف، قال ليكم قاطعوا المطاعم الشامية ومحلات البقلاوة السورية بالخرطوة
يا الله، بقلاوة دي تكون بالقاف صحيحة

Quote: دكتور المشرف، قال ليكم قاطعوا المطاعم الشامية ومحلات البقلاوة السورية بالخرطوة يا الله، بقلاوة دي تكون بالقاف صحيحة

اقطع ضوراعي التجارة بتاعت البقلاوة والشية دي كن ماوراها تجارة جنس ودعارة وبزنس تحتاني وتزييف عملة والناس ديل شطار في العمل التحتاني اقتصاد بلدانوم كلو قايم من التحتاني وبكرة حتشوفو المقاولين وعقود مع المحليات والمعتمديات وكلو بي التحتاني مرة في خبر سقوط طائرة رواندية طلع فيها مية وكم تحتاني
في بقلاوة في رواندا

قريبي دكتور ود المشرف
لك التحية
فعلا حاجه محزنه انك تقوم بالواجب و تكرم حد و في الاخير يقول فيك عفن و غيره
بس نقول عيب الزاد و لا عيب سيدو
و من كان يؤمن بالله و اليوم الاخر فليكرم ضيفه
نحن نتعامل باصلنا و هم باصلهم .
--------------------------------------------------
تخريمه : في تقاطع اشاره شارع 41 العمارات مع شارع محمد نجيب
جاءت سيده في مقتبل العمر و تحمل طفل
طلبت مني مساعده
و ذكرت لي انها سورية
و الله العظيم طيبت خاطرها بكلام سمح و انه نحن اهل و اخوان و ان شاء الله ده ظروف و سحابة عابره و ترجعوا بلدكم سالمين و مرحب بيكم في السودان اخوه اشقاء و اكان ما شالكم الراس تشيلكم العيون .
اديتها فيه النصيب
و بكيت علي الحال لانه ليس في المستطاع اكثر من ذرف الدموع في خضم البلاوي النازله و سالت الله اللطف علينا و علي اسرنا و اجيالنا القادمه
فتك عافيه
الزبير الختمي
تعديل املائي و تنسيق

عزيزي الزبير
تحية طيبة ..

نعم نتعامل باصلنا وما دايرين منهم جزاء او شكورا ولكن لا للإساءة ..

.............................................................................................

شاهدت مشهدا لن انساه مطلقا ..
في سبتمبر الماضي شاهدت إمرأة سورية في شارع الشانزليزيه وهي في وضعية السجود التام وامامها طبق لوضع النقود .. كنت اشاهد تلك السيدة يوميا في ذات الموقع وذات الوضعية .. وابدا لم اشاهدها ترفع وجهها عن الارض ... كان مشهدا مؤلما جدا يا عزيزي .. اللجوء ماساة انسانية عظيمة جدا يا عزيزي ..

حامد بدري
تحية طيبة يا صاحبي ..

الاوروبيين قايمين وقاعدين عشان يخاطبوا تداعيات اجتماعية وامنية واقتصادية لقضية اللجوء .. هذه دول جادة جدا لا تمارس السبهللية. والوعى العام بالتأثيرات المحتملة يتجاوز لزوجة البقلاوة وبالاحرى لزوجة الاخ العزيز ابوبكر عباس .

عزيزي دكتور المشرف
التحيات الطيبات الزاكيات

Quote: الاجابة لا .. لا تصادر حرية التعبير .. ولكنها وبالتأكيد لا تمنح حرية الاساءة او حق الازدراء يا عزيزي..

متفق معاك تماماً على الكلام دا و متفق معاك برضو على الملاحقة القانونية لكل من يزدري ويحط من قيمة هذا الوطن


لكن وين المعيار البخلينا نقدر نفرق بين الرأي المقبول ضمن إطار حرية التعبير و الإساءة و الإزدراء؟

أنا شايفك إستعملت جنسية صاحب الكلام كمعيار.. نفس العبارات البتصف الخرطوم الصدرت من السوريين ديل ممكن تلقى زيها في المنبر دا كرأي و تلقاها حايمة في الواتساب صادرة من سودانيين و كلنا عارفين إنها حقيقة لا ننكرها.. فشنو البخليها تكون رأي مقبول لو صدرت من سوداني و شنو البخليها تبقى إساءة و إزدراء لو صدرت من سوري؟
دعوتك للملاحقة القانونية إذا لم تكن بتشمل السودانيين الكتبوا عن وسخ الخرطوم و عفنها بتبقى واحد من إتنين: يا إما مصادرة لحق اللاجئين السوريين في التعبير أو هي تفسير مختلف لعباراتهم على أساس عرقي.

تاني و عشان كلامي يتفهم في سياقو: أنا شايف إنو قرار حكومة السودان بأنها تفتح الأبواب لإستقبال لاجئيين سوريين قرار إنفعالي و زيو و زي باقي القررات في تعامل الحكومة مع قضايا العالم.. السودان غير مؤهل لإستقبال لاجئيين لقصور الخدمات المقدمة للمواطن إضافة إلى أن منح اللجوء اولى بها أخواننا من الدول المجاورة لنا.

Quote: لكن وين المعيار البخلينا نقدر نفرق بين الرأي المقبول ضمن إطار حرية التعبير و الإساءة و الإزدراء؟

سلامات الاخ الفاضل
حافظ بشير
يااخي السوري كتب (من قلب السودان من قلب العفن نشعر بالعفن)
اذا كان في وجهة نظرك السوري ده عبر عن رايو واعتبرتها حرية التعبير.
طيب ما هي معايير الاساءة والافتراء والاذدراء ؟
مع احترامي لوجهة نظرك

Quote: اتصل على اقرب زول بتعرفو انشاء الله الامير توفيق ود قلبا وقول ليه كلمني من برة قصرك ..

ههههههههههههههههههههههها
هههههههههههههههههههههههههههههههههههههههها

يا علي دفع الله ياخ زول نصيبة

هاكم فديو واحد تحتاني وشوفو التعليقات بتاعت المشاهدين ورايهم الواضح في السورييين



ده الواقع هنا وكلو بالتحتاني
التحتاني جنن السوداني خلاو دور البلنجة ومن سياق المشاهدة ظاهر كمية الغيظ والزعل

أخي العزيز محمد نور عودو

تحياتي

Quote: يااخي السوري كتب (من قلب السودان من قلب العفن نشعر بالعفن)

اللاجئ السوري كتب الكلام دا يوم الخميس 14 يوليو بعد ما ضربت الخرطوم مطرتين و إتملت الشوارع بالموية المختلطة مع الأوساخ التي قصرت عربات النفايات في التخلص منها.. المعنى الظاهر من كلامو و من قرينة التوقيت الإتكتب فيهو بتدل على إنو بيشير للوسخ و سوء صحة البيئة في الخرطوم.. و لا يوجد مبرر لتحميل عباراته معنى آخر.

المقياس هو دلالة العبارات و ليس الشخص الصدرت منو العبارة.. إذا كان وصف الحاصل في الخرطوم بالقذارة او العفن جريمة او مخالفة تستحق الملاحقة القانونية فدا بيعني إنها جريمة إذا صدرت من سوداني او من سوري .. لكن ما ممكن تكون حرية تعبير مرة و مرة تانية تكون جريمة او مخالفة.

أنا متفهم لوجهة نظرك و بقية الأخوة و لكني أرى أن النظام الحاكم هو من أهدر كرامة السوداني في وطنه و خارجه بتأزيم مشاكلنا الداخلية و بسياساته الخارجية الرعناء.

حرية التعبير ليس مقصورة على التعبير عن ما يرضينا و حتى نتمتع بها يجب أن نعترف بحق الآخرين في التعبير عن رأييهم و يجب أن لا ندعم التشريعات و القوانين التي تحد من حرية الآخرين في التعبير.

الكلام الكتبوهو بعض اللاجئيين السوريين و غيره مما يكتبه بعض العرب في مواقع التواصل قد يكون مستفز و لكنه ليس مبرر لمقابلته بتصرفات تغذي الكراهية بين الشعوب و الكراهية العرقية.

و لك شكري على تحمل وجهة نظري المختلفة معك

دي من المرات القليلة التي اجد نفسي مختلفا معك فيها يا مشرف يا قريبي

كتب دكتور
محمد مشرف

Quote: لابد من رد فعل قوي تجاه السلوك المشين والمتكرر من هؤلاء اللاجئين السوريين.

وكتب

Quote: لابد من رد فعل قوي تجاه السلوك المشين والمتكرر من هؤلاء اللاجئين السوريين, ومع كامل تعاطفنا الانساني معهم كلاجئين ولكن يجب ضبط الامور وبحيث يحترموا هذا البلد لكي يستحقوا الاحترام الذي يليق بهم. إستقبل السودان لاجئين من كافة الدول الافريقية المجاورة .. كما صدر لاجئين لدول أخرى عديدة في زمن الغربة والارتحال هذا القبيح.. ونفهم جيدا معاني الجمال الانساني الذي قد يجمع الناس بكافة اشكالهم والوانهم وخلفياتهم .. ونؤمن جيدا باشتراكية الاحزان والمقاسمة الوجدانية قبل مقاسمة المأوى والطعام. لن تجد شعبا يفهم ذلك كما اهل السودان.. ولكننا وقبل كل ذلك يكون الاحترام المتبادل هو الاساس السوي والوحيد والذي تنبني علية كافة الاشياء الأخرى

وكتب

Quote: . ظهرت في الفترة الاحيرة صور وتعليقات فيها الكثير من الازدراء للسودان واهله من هؤلاء اللاجئين .. وعن هذا يدور موضوع البوست .

وكتب

Quote: الملاحقة القانونية لكل ما يزدري ويحط من قيمة هذا الوطن العاجبنا ومالي عينا هي سلوك حضاري وواجب وطني .. المقاطعة للمؤسسات والمحلات التجارية ذات الصلة بكل من يزدري او يحط من قيمة هذا الوطن هي حق مجتمعي أصيل .. تقنين الاوضاع الشخصية والتجارية والوظيفية بما لا يتعارض مع مصالح اهل السودان هو مسؤولية مباشرة للدولة السودانية ..

ما كتبه وطالب به محمد مشرف حق مشروع لاي سوداني غيور علي السودان .
السوريين الديل ما السودانيين مشو جابوهم ولا اجبروهم السودانيين عشان يتركو سوريا ويجو يكتشفوا عفن ووسخ السودانيين.
هم براهم بارادة انفسهم جو لاجئين للسودان

Quote: المقياس هو دلالة العبارات

ده بالتحديد هو الفيصل في كل الكلام ده يا حافظ ..
واربطو ليك بي كلامك حول (ما هو تعريف الاساءة ) او كيفية التمييز بين ما هو اساءة او وما هو تفوه بالحقيقة المجردة ليس الا .

دلالة العبارات هي مسألة شخصية جدا .. وحتى عندما تدخل في اطار الاساءة فهي كذلك شخصية ..

ساضرب لك مثالا ..
بعض الشعوب متساهلة جدا في مسألة الشتيمة ..
لو اتشاكلو اتنين مصريين وتربطهم صدافة حميمة .. فان اول ما ستسمعه هو عبارات من شاكلة (يا ابن الم.....) .. يتداولونها بينهم في منتهى الاعتيادية .. والاغرب من ذلك, في بعض الاخيان أعني, يتداولونها في حميمية .. وسمعت تلك الحميمة باضنيني !!

ما معنى يا ابن الم.... ؟!
ما الاساءة في ذلك بمعيارك الذي تشير اليه ؟!!!

عموما اعتذر عن ايراد النموذج ولكن اقتضته الضرورة للاشارة نحو استحالة تجريد كلمات الاساءة نحو فهمها.

على ذات المنوال, انا وغيري شعروا بالاساءة من طريقة فهمهم لمدلولات التعليقات. هذا هو الامر ببساطه

شكرا يا محمد نور عودو ..
ما كتبته هو شيء من ضبط الامور, يزاد عليه او يراجع او اي شيء عدا رفضه.. وهو بالتأكيد الضمان الوحيد لعدم اثارة مشاعر الكراهية بين المواطن السودان واللاجيء السوري

الحمد لله أن السوريين لم يتداولوا في مراسلاتهم ما يسئ لشرف نسائنا
وإلا ما كنا ساعتئذ قبلنا في حملتنا عليهم عذر "الحسانية" الانصرافي داك
أرجو أن لا تبستفني مثلما فعلت مع المستنير
شايف البوست دا ما فيهو أي وش مبتسم
فـ تقبل مني هذا

الزول اللزج دي ما تجيب لي سيرتو يا معاوية

اتصل قبيل يضحك حتى بان إلحاده، قال: شفت رفعت ليك كثافة صاحبك كيف؟!

ومن أصلو يكون في لاجئين سوريين في السودان لي ؟؟هل السودان بي امكانياته الفقيرة جداً جداً والشباب العاطل والشعب الذي يكابد الجوع والمسغبة ويعيش في ظل ظروف هي أسوأ بكثير من ظروف اللاجئين هو في حقيقة الأمر بلد مؤهل لايواء واستضافة اللاجئين أياً كانوا ؟؟
اللاجئين العرب والسوريين منهم بالذات هم لاجئين مفروضين فرض على البلد وعلى ظروفا المعفنة " حاجة كده زي استقدام الخبرات كده " ممكن تقول :) وليست ظاهرة لجوء طبيعي زي جيرانا وأولاد عمنا الأثيوبيين..

دي سياسة نظام..

يا مشرف

سلامات

أولا أقول ليك:
أحب مكان وطني السودان

لأسباب لا تخفى على أحد، وليس لذلك علاقة بالبنية التحتية أو الفوقية "وجه ماركسي ههههه،

ولا بجمالو أو قباحتو

ما قاله السوريون صحيح،
وانا شفت دمشق "على عجل"، فمافي مقارنة إطلاقا بين "الشام" اللي هو دمشق والخرطوم.

بلدنا "شين" و"عفن" ودي حقيقة ما عايزة نقاش، وأن تأتي من "لاجئ" لا تعني إساءة لوطنيتنا.
قبل كدا في وطن عربي ما، قال لي مواطن أنو واحد قريبو زار الخرطوم ولاحظ انها مليئة بالذباب.

قلت له "نعم" ولم أغضب.

أرجو ألا تعمينا "الوطنية المتمركزة" من رؤية ما لا يسرنا.

السودان واحد من أكثر دول العالم "تخلفا"،

لكن بالرغم من هذه الحقيقة "المرعبة"،

فما يزال عندي "أحب مكان" ،

رغم أنه يمتلئ بكثير من "القبح" الظاهري ، و"الجمال الباطني".
والجمال الباطني كلام صوفي ليس له إثبات .

أرقد عافية.

يا خواض تعليقا على عبارة الجمال الباطني، واحد صاحبنا سعودي
متزوج سودانية من عطبرة كانت جارتهم في الرياض.. المهم مرة في
ونسة قال لي الصيف الفات مشينا عطبرة، قلت يا سلام عطبرة دي
من اجمل بقاع العالم، عاين لي بي خلعة كأنو بتكلم مع مجنون و قال
لي: أنا ما عارف مقاييسك للجمال شنو لكن واضح انها مختلة جدا هههه
قلت ليهو الجمال الذي اقصده لن تستطيع انت رؤيته.

Quote: قلت ليهو الجمال الذي اقصده لن تستطيع انت رؤيته.

أيوة يا دكتور سيف.

وأهلنا هم القالوا قبيل :

Quote: القِرد في عين أمو "غزال"*

فالغزال الذي رأيته ياسيف،
هو غزال "باطني" لم يره السعودي،و

لم يره السوريون.

لكن قطعا "القرد" هو "القرد" بالمقاييس الظاهرية،

وهذا هو مااعتمد عليه السوريون.

فالخرطوم مقارنة بعواصم أخرى هي قطعاً شينة،

و"الشينة منكورة" هههههه حتى بالمقياس الظاهري

ونحنا برضو بنقول:

Quote: ما تشكِّر لي الراكوبة في الخريف

ممكن ك"سودانيين" نحنا داخل البيت الكبير ،

نرضى ب"قردنا" و"راكوبتنا"،،

لكن من المستحيل إقناع الآخرين بجمال" قردنا"، وقوة "راكوبتنا" في الخريف.

وإلا انطبق علينا قول درويش:

Quote: يجب "الدفاع" عن "الغلطْ".

لاحظ يا دكتور كمية "الأمثال" عن "الشنا"،

كأن لأجدادنا وجداتنا بعض حدوس حول "الشنا" المستقبلية،

فوفَّروا لنا "زاداً" نفسياً للتكيف والتأقلم مع "الشنا" القادمة.
_______________________
* في أغنية بتقول:

Quote: شوق "للشينة" لو صعبة

شين ودشن يا خوًاض ..

الحب في ذاتو مبرر كافي يا عزيزي ..
ليس من عاقل في الدنيا قد يتوله عشقا بزقاقات امدرمان ذات الغباش على سبيل المطاف .. ولكنها زقاقات أمدرمان !!

ثم ان هناك جمال كثير ..
صحيح لا يتبدى في الشوارع النظيفة والمستقيمة كطوابير العساكر .. ولا في مهرجانات الضوء والنيون .. ولا في اناقة العابرين .. ولا في روائح الروز واللافندر .. كل ذلك غائب تماما عن المشهد, بينما تتبدى مظاهر الاهمال الرسمي والشعبي .. نعلم ذلك .. الا ان ما خفي أجمل بكثير. وانت الفنان فتحدث.

حسنا!
هذا المتخفي فينا حنينا وفي نواصي الشوارع وغباش الازقة والغبار الرحيم .. نحنا لا نرضى فيه على الاطلاق ..
ونحنا مخيرين وعلى كيفنا تماما ..
ومحل الرهيفة تنسد.

للوطن قداسته ..
أؤمن بذلك جدا
لذلك اقترحت تهمة ازدراء الاوطان.

حكومة السودانية هي التي أتت باللاجئين السوريين ورمتهم في البلد كيتا على المواطنين.
حتى كلامكم وغيرتكم على بلدكم دا كلو نقة في الفاضي وحدو سودانيزاولاين بتاعتكم دي.
تتغالطوا تتشاكلوا في بعضكم لا الحكومة ولا في زول جايب خبركم.
الناس في السودان صحوا في عام ١٩٨٩ ووجدوا نفسهم في كوكب آخر.
المعايش أصبحت صعبة للغاية والأخلاق إتغيرت.
الحكاية جايطة والبلد مليانة أجانب من كل مكان وبقت ما حقتنا. وحلوا محلنا ناس تانيين خالص.
حتى الجنوبيين سياد البلد الأصليين طردوهم وأصبحوا غرباء في بلدهم.
فبالله ما تحرقوا رزكم ساي. لو عندكم قدرة ووطنية وشجاعة بالجد شوفوا طريقة تحل البلد من
ناس الإنقاذ ديل لأنهم هم أصحاب المشكلة الأساسية في تردي الأوضاع في السودان.
وجعلونا مضحكة أمام البسوى وما بسوى.
أعجبني · رد · 3 ساعة

Facebook Comments Plugin

Quote: الحمد لله أن السوريين لم يتداولوا في مراسلاتهم ما يسئ لشرف نسائنا وإلا ما كنا ساعتئذ قبلنا في حملتنا عليهم عذر "الحسانية" الانصرافي داك أرجو أن لا تبستفني مثلما فعلت مع المستنير شايف البوست دا ما فيهو أي وش مبتسم فـ تقبل مني هذا

ود المشرف حبابك
والله مقدر غضبتك الوطنية
عندي مداخلة طلقة واحدة ونفدت في بوست مماثل فاعذرني

لكن شوف الأبعـــــاد دي:

- شخص لاجئ من بين قطرين مسافة من السودان و أواه هذا البلد فأمن من الموت بالبراميل وسقوط السقف عليه ومنظر الأشلاء المستمر .

- وجد طريقه إلى العيش في هذا البلد بعد انعدام الماء والخبز والعمل في دياره.

- لكنه لم يقوَ على تمرير عفونة هذا المضيف، فاسقط كل هذه المَكرُمات!!


العفونة التي أسقطت المَكرُمات
إنت أفونة ما تشوف ولاجئ حرب تسوف!

ما فعله اللبنانيون في دول افريقيا عدة من سرقة الماس والاموال معروف ولن نكون استثناء
وانطبق علينا المثل ( الاضينه دقو واتعضر لو ) وهذا ما يفعلونه فبعد ان فضحتهم وسائل الميديا يقومون بمساعدة بعض المتاسلمين المغيبي الوعي منا بحملة علاقات عامة
من كنس وتنظيف وهم من يغسلون الأموال ويرسلونها لبلادهم ويفرغون السودان من ثرواته. بل يهددون امنه الاقتصادي بتزوير العملة

Quote: لابد من رد فعل قوي تجاه السلوك المشين وال

في ذمتكم ده بوست يفتحو شيوعي...فعلا غلفا وشايلة موسا تطهر
لمن صاحبك توفيق يتمخسر علي ناس الضهاري..واقسمتو ان لا يدخبها عليكم مكسين حتى غدت كالصريم..ديل ما كانو سودانيين ؟؟؟
خرطومك دي مش شينة بس ..الشنا ذاتا تستعر منها وان اعتبرني سائح فرنسي
عبر العصور اهنتو فيها الجنوبيين والنوبة والاولاد الغرب و وناس الاقاليم... بالشرطة الشريرة والكشة والجلد والقوانين سبتمبر 1983 وضيعتو الديموقراطية واستايل الانجليز واين تسهر هذا المساء والزمن الكان زين وجوكم السوريين من بلدهم السمحة مشردين على قاعدة الفيتوي ذهب المضطر نحاس وتلميتو تولولو وحكمة ربك مشاعر وطنية قال يا اخوي وطنية في وعيكم العفن ده مافي ..وطنية دي كانت سينما ونوع من الشري
انت مالك نحن راضين السوريين يقولو الخرطوم شينة...عشان الناس المتابعين شاهد على العصر من اهلم يعرفو الحثالة الحكمت السودان من 1989 وانه القدامهم لا سودان ولا الحاكمين ديل بمثلوهو

رجعو الاقاليم وخلو ابناءها يحكموها 80% من الناس المشكلين ضغط على خدماتا المعدومة برجغو الاقاليم ..انقلو العاصمة كوستي ذى ما فعل البرازليين تقلو العاصمة برازليا واطورت البرازيل بي النظام الديمقراطي الفدرالي الحقيقي
فعلا شيوعي والله طيب ما تكلم توفيق الرافع شعار (شينة وعاجباني)
وينو الدكتور بتاع سنتر الخرطوم يا المشرف ؟؟

نظفوا الخرطوم العوجة ما بتجيكم .. ومافى زول حـ يتكلم فيكم.
رد الفعل القوي هو أن نجعل من الخرطوم على أقله كبقية عواصم العالم التالت.
السلوك المشين ياهو الوضع الـ فيهو (عاصمة) السودان.
مافى فائدة.

Quote: هههههههههه صاحب بوست الفتنة المهبب "نسيت إسموه :) " المعاااااااااااااااااااااط العامل فيها ود وطني وكدا :) ما قال بلسانه: احسن الواحد يمشي يشوف ليهو شغلة تانية. هذا البوست انتهى. ما لقا غير شغلة نافعة الود الوطني المعاااااااااااااط قال يواصل في البوست الفتنة المهبب بتاعه كدا !! خخخخخخخخخخخخخخخخخخخخخخ

مع تحيات قوة الدعم السريع
شكرا يا احمد امين في الفيس نحن عندنا مثل في الضهاري في كردفان"عدم الشغلة علم القرد المشاط"
وحكمة ربك عامل فيها شيوعي ومنقط الوعي ذاتو
اردم والله عجبتني وسريت بالي...سوداني اصيل فعلا السودانيين هشم بيوت...السوريين يقعدوا على عينا وعلى رسنا لحدي ما نظام الخدم ده يبطل ارسال الدواعش لسوريا والجنجويد لليمن ويكون جزء من لالة الجهنمية الدايرة في الشرق الاسوط ونحن ما لينا فيها اي دخل وكلو من ديللا من دياللا الله يرحمك يا الحوت...من امريكا قد دنا عذابها الى الاتبطاح المخزي لسياساتها المفضوحة في تدمير وتفكيك الدول وطلعو الناس في السودان لا دنيا ولا دين

شوف الوسخ ال في بيروت يا محمد حيدر
وقال ايه عشان توفيق عيسي مكي قل ادبو نحن نتسد

انقسام السودانيين حقيقة
اولاد بحر واولاد غرب , زرقة وعرب وكمان ضهاري وخرطوم
السودان الظلم ال فيهو قسمو وفرقو
الحكم غير الرشيد عمق ما نحن في
وايللا في مدني نظفها وعبدالرحيم في الخرطوم سواق للرئيس
بالله شوفو لينا ايللا للخرطوم وعينو عبدالرحيم سواق بدرجة وزير

الشكر لصاحب الملف والمشاركين والمشاركات
قابلت سوري له محل في الخرطوم
وقال أنه اشترى ( باسبورت سوداني ) النوع الجديد بـ 5 ألف دولار
يعني من حقه أن يتملك ويسب من يشاء فله حقوق في السب والبيع والشراء
وكمان الصفاقة ...


أيه رأي القراء والقارئات ؟!

مجرد زعل

في النهاية يا أخوانا، الدكتور دا مصنف مع المثقفين وأنصاف المستنيرين؛
فشنو؟ المفروض يحننكم وتخلوا البوست يتدردق براهو بدون نحوجو يقول:
البوست بوست انفعال ساكت، آسف
زي ما بقول حسن موسى:
"الصديق وكت الضيق"

عليكم الله واحد يطفي المستنير ده

وأولاد العم برضو وكت الضيق يا اخلاص

التعديل:
تعديل اخلاص

Quote: في النهاية يا أخوانا، الدكتور دا مصنف مع المثقفين وأنصاف المستنيرين؛

رغم البوست دا يظل الدكتور مستنير كامل الإستنارة

و بعدين إنت ذاتك وين لقيت الحق في صرف كوتات الإستنارة؟

اوعك تقول لي رسول الإستنارة!

عمرك سمعت ليك برسول إسمو ابوبكر؟

اخلاص يا ابوبكر

كتير من الاصحاب والزملاء من مدني يشيدون بالتغيير الذي قام به ايللا مما يدل علي ان الامر ليس مستحيل

تشكر متير

العفانة موجودة والوساخة موجودة ولكن لا نسمح لهولاء الرعاع ان يسئو للوطن اذا لم يعجبهم المقام فليذهبوا لبشار ولبلدهم .ش1

Quote: كتير من الاصحاب والزملاء من مدني يشيدون بالتغيير الذي قام به ايللا مما يدل علي ان الامر ليس مستحيل

إيلا قدم ومازال يقدم لـ مدني الكتير .. من قبل خلي بورتسودان أفضل من العاصمة
بمراحل بعد الوسخ والقرف والبعوض .. هسع بـ مدني ما قدمه خلال الفترة دي لم يقدمه
من سبقه سواءً سر الختم أو إبن المنطقة البشير طه أو غيرم .. نعم بيشغل شركاته ويضرب بس
بيعمل ويقدم ما يخدم المدينة والمواطن.
لو (بعض) المسئولين بالخرطوم (العاصمة) طالما بيضربوا أخد ليهو نُص شارع
لكان الحال غير الحال المُقرف دا.
كل الولايات السودانية بحاجة لواحد زي إيلا .. يضرب ويشتغل ويخدم مُش يضربوا وينوموا.

Quote: التعديل: تعديل اخلاص

غايتو خفة الدم الـ ما فى بكانا بتخلي الواحد يشرق.
مع الأعتذر للأغنية النوبية.

حتى تكتمل الصورة
بوست العزيز توفيق العاجباه الخرطوم ومستكترا على ناس الاقاليم الرعاع
http://sudaneseonline.com/board/490/msg/Re%3a-%D8%A3%D8%A3%D9%8A%D9%87%D8%A7-%D8%A7%D9%84%D8%B1%D8%B9%D8%A7%D8%A7%D8%A7%D8%A7%D8%A7%D8%B9-%2...%A7--1467879816.html
يا مخلفات التنظيمات المصرية المنتيهة الصلاحية من شيوعيين وقوميين وكيزان ..السودان ده ابدا ما بصلح اذا ما رجعت ديمقراطية وست منستر بتاعة 1يناير 1956

لا جديد يا اخلاص ..

ذات الشخصية السودانية وشهوتها الخلاف والاختلاف يا صديقتي .. ما بين لزوجة ابوبكر عباس وذهان عادل امين الفكري الذي اوصلة لمباراة الجداد نحو الكوشه (ولعله اصلا جداده) ..,يظل ذلك الوطن مجرد جغرافيا للاسقاطات النفسية ومداراة الهزائم ...

يا حافظ بشير كتر خيرك ياخ ولكني بالفعل لم اصل لمرحلة الاستنارة .. استنارة شنو يا حافظ في هذا المستنقع او العفن يا عملات السوريين!!

شراء الجواز السوداني ب 5 الف دولار !!

من المؤسف ان يتحول الوطن لبضاعة .. ومن المؤسف جدا ان يتحول لبضاعة رخيصة .يا شقليني ..

,,,,

عند اطلاق دعواتكم الساذجة لتنظيف الوطن اولا وحتى لا تكونوا عرضة للازدراء .. لا تنسوا ان تغسلوا عقول وعيون وذاكرة من يزدريكم .. وبالمرة ادو الخنوغ الفيكم شطفه شطفتين.

تظل كلماتي كالآتي ..
كلماتي التي لم تناقش على الاطلاق ..

1- الملاحقة القانونية لكل ما يزدري ويحط من قيمة هذا الوطن العاجبنا ومالي عينا هي سلوك حضاري وواجب وطني ..

2- المقاطعة للمؤسسات والمحلات التجارية ذات الصلة بكل من يزدري او يحط من قيمة هذا الوطن هي حق مجتمعي أصيل ..

3- تقنين الاوضاع الشخصية والتجارية والوظيفية بما لا يتعارض مع مصالح اهل السودان هو مسؤولية مباشرة للدولة السودانية ..

واضيف اليها ..

4- ضبط وتقنين حصول اللاجئين على الجنسية السودانية.

Quote: تظل كلماتي كالآتي .. كلماتي التي لم تناقش على الاطلاق .. 1- الملاحقة القانونية لكل ما يزدري ويحط من قيمة هذا الوطن العاجبنا ومالي عينا هي سلوك حضاري وواجب وطني .. 2- المقاطعة للمؤسسات والمحلات التجارية ذات الصلة بكل من يزدري او يحط من قيمة هذا الوطن هي حق مجتمعي أصيل .. 3- تقنين الاوضاع الشخصية والتجارية والوظيفية بما لا يتعارض مع مصالح اهل السودان هو مسؤولية مباشرة للدولة السودانية .. واضيف اليها .. 4- ضبط وتقنين حصول اللاجئين على الجنسية السودانية.

يا دكتور،
لا نستطيع مناقشة النقاط الاربعة مقرونات بما صدر من بعض السوريين بالفيسبوك بانو السودان معفن؟؟؟
ليس لديك نقطة تستحق النقاش.
سخريتنا من فكرتك هي الرد المناسب

Quote: تظل كلماتي كالآتي .. كلماتي التي لم تناقش على الاطلاق .. 1- الملاحقة القانونية لكل ما يزدري ويحط من قيمة هذا الوطن العاجبنا ومالي عينا هي سلوك حضاري وواجب وطني .. 2- المقاطعة للمؤسسات والمحلات التجارية ذات الصلة بكل من يزدري او يحط من قيمة هذا الوطن هي حق مجتمعي أصيل .. 3- تقنين الاوضاع الشخصية والتجارية والوظيفية بما لا يتعارض مع مصالح اهل السودان هو مسؤولية مباشرة للدولة السودانية .. واضيف اليها .. 4- ضبط وتقنين حصول اللاجئين على الجنسية السودانية.

سلامات دكتور مشرف وجمعة مباركة
يا اخي الكريم طرحك واضح من عنوان البوست لغاية النقاط الذكرتها دي.
لكن معظم المثقفين السودانيين يتهربون من مناقشة هذه الاسئلة بسبب انكسارهم وشعورهم بالدونية والاذلال امام العربان.
ايضا هناك سؤال مهم طرحه الأخ كمال عباس في هذا البوست لكن مرة مرور الكرام.
ودا سؤال الاخ كمال عباس (والشي بالشئ يذكر هل إذا صدر نفس الكلام المنسوب للسوري لو صدر عن أثيوبي
أو تشادي هل كان رد الفعل سيكون واحدا؟ )

اعتقد اذا صدر الكلام عن اريتري او تشادي او سنغالي كان رد الفعل بكون عكس مانراه .

تحياتي يا مشرف
من زاوية نظر أخرى، ألا ترى أن النقاط التلات الأولى ironically تنطبق على عصابة تنظيم الإنقاذ ؟
لو تم تطبيقها لن يسخر مننا زول في الدنيا دي
الرابعة زاتا تشملهم كونهم سادة القانون
هذا ما يريد بعض المتداخلين قوله هنا

أهلاً بالمشرف مرة أخرى

وماذا كان سيكون حكمك على اليمني الذي كتب كتيباً عن تجربته المرّة في الخرطوم ، بعنوان:

Quote: وبكيتُ في الخرطوم

؟؟؟؟؟؟؟

. الطعن في قلب الفيل!
إطلعت علي أخبار عديدة تتحدث عن أن سوريين يشرعون في نظافة الخرطوم من الأوساخ كرد جميل! * قبل التعليق يتوجب شكر هولاء وهي رسالة تقول أن ماكتب لايمثلهم وإنما ينطق بلسان قلة!
* ولكن! كيف سيتلقي العالم الخارجي هذه اللفتة والبادرة؟؟سيربط المتلقي الخارجي الخبريين : بعض السوريين تذمروا من وساخة العاصمة السودانية ولعنوا وسخها! ثم قام بعضا آخر من السوريين بإيقاد شمعة بدلا من لعن الظلام(أقصد الوساخة) وشرعوا بنظافتها ! *إذاالصورة التي ستترسخ في الذهن هي أن الخرطوم فعلا متسخة ومتعفنة وإن سلطاتها المحليةوالولائية والقومية عجزت عن تنظيفها أو تجاهلت ذلك مما أدي الي تعطف وتكرم الجاليةالسورية بهذه المهمة ! وللأسف سترسخ الصورة التي يتم تدوالها في بعض الدول عن شعبنا وهي إنه كسول يعجزحتي عن إزالة ركام القمامة والقاذورات مما أدي لتذمر لآخريين وقيامهم بكل همة بواجب النظافة!* نقاط لابد من الوقوف عندها ــ مع التأمين علي دور المواطن في النظافة العامة إلا إنه تبقي هذه الحقيقة إن بيوتنا ومساكنناالخاصة نظيفة! ـ وإن خرطوم الستينات والخمسينات كان ـ نسبيا وإلي درجة بعيدة ــ نظيفة وأنيقة ولامعة وجاذبةــ مدارس ومستشفيات ومياديين وحدائق ! فما الذي جري ؟* إين الرسوم والجبايات التي تقتلعها االسلطات االمحلية والولائية ؟ أين الضرائب والجمارك التي تنتزعها السلطة القومية والولائية؟* أين مردود تلك الضرائب والجبايات ؟ لماذا لانراها في شكل خدمات ونظافة؟أين التخطيط ؟* لاعجب إن كانت معظم ميزانية الدولة تذهب للأمن والأجهزة القمعية وموارد الدولة تذهبفي جيوب المفسدين ! الدولة ينخرها االفساد ويتحكم فيها المفسدون والموارد يتم إهدارها وتبديدها
ويتواصل تغريد المغني ا لخالد محجوب شريف:
,,محل الفرد تتقدم قيادتنا الجماعية محل السجن مستشفى ومحل المنفى كلية,,,
محل الطلقة عصفوره,تحلق فوق نافوره وتداعب شفع الروضة,,,,,,,,, ـــــــــــــ هاشم صديق: من أعلن النعَي على ذاكَ الزمان؟!!
كان زهُو الفجرِ منقوشاً على صدِر المحالج.. الطواقي الحمرُ تُغزلُ فوق احضان (المناسج)المناديلُ المزركشةُ الزهور..
. الرسائلُ والعطوراللقاءاتُ البريئةالهتافاتُ الجريئةالليالي الشاعريةُ في المنابرشقشقاتُ الوجدِ
في صدرِ الدفاتركان صدقُ القلبِ في طرف اللسان والصداقةُ (سيسبان)...................
.* كانت الدنيا حديقة.. ومضيئة.. (المواهي).. و(المقاهي).
.(المسارح) (الجماهير) و (السواري) (قلدة الأعياد) ).. و (ترنيم الأماني).الأغانيالرياضة.. (المحينة) ) .
. و(الرهيب رجل الثواني)( )كانت (السينما جميلة).. وصديقة- (سايكو)( ).. في سينما (برمبل)-
في كلوزيوم- في المناظر- أعلنوا (صوت الموسيقى)- يجهرُ المذياعُ بالشدو الجميل.. (وردي) غنى (المستحيل)*
الدراما.. الكرامةُ.. الصحافةُ.. الحصافةُ.. الثقافةُ.. القيافةُ.. الطرافةُ.. والأمان- من أعلن النعَي على ذاكَ الزمان؟!!-
من أصدر الذكري على ذاك الزمان؟!

شكرا لعاطف رميتي ..

بالنسبة للزول اللزج القال لاشيء يستحق النقاش مقرونا بما تواتر ..
فهذه مسالة تقديرية بالتاكيد ولكن ليس صحيحا ان السخرية هي الرد المناسب .. ليس بالالف واللام عل اية حال ..

عموما لك ان تسخر .. ولي ان لا أقبل السخرية واتعامل معها بعدم الاحترام لك .. و that is all

معاوية الزبير
تحياتي يا عزيزي

لا توجد سخرية سوداء في الامر ..
هكذا تتداعى الاشياء .. تبدأ من بداية ما وتمضى نحو مناقشة اطارات كلية كقضية اللجوء وتأثيراتها وأزمات الحكم والسياسة .. كما يمكننا الحديث عن الحس الوطني السليم وتعزيزو واستنهاضو كاساس مهم من اسس الوعي الزطني

الخوًاض

ومنذ أن كتب الواثق (أمدرمان تحتضر) .. تعلمنا استحضار الكاتب عند استقراء النصوص الصادمة والبحث عن قراءات أخرى موازية لا تتحقق الا باستحضار الكاتب ... وهكذا قد يكتب يمني ما بكائية في منتهى الاناقة الانسانية عن الخرطوم او صنعاء ..

اين ذهبت تلك التيارات ؟ .
تيارات الوعى الانسانى المستنير , التيارات التى كانت تنشر اريج عطرها عبر الكلمة المكتوبة والمنطوقة .
تيار التعاطف مع المحيط الاقليمى والدولى .
الان وصلنا الى احط محطات اليمين العنصرى الفاشى الاوروبى .
احط محطاته على الاطلاق .
الاثيوبيين والارتريين .. سبب انتشار الايدز , العاملات الاثيوبات خطر داهم على الاخلاق السودانية .
العرب المتواجدين عندنا ملعون ابوهم واحنا اصلاً ما عرب .. المصريين حرامية ومحتلين حلايب وشلاتين .
والان قانون ازدراء الوطن , ليقع تحت طائلته افراد من الشعب السورى / هذا القانون المُخيف سوف يتحول الى مقصلة لقطع رقاب المعارضة الوطنية ذات نفسها , يعنى نحاكم بيهو سورى وما نحاكم بيهو سودانى ؟ / .
اين اختفى ذلك التيار ؟ .. اين ذهب ؟ .
فى اوروبا والدول المتقدمة هناك فئة من المحامين تتخصص فى قضايا الاجئين , تقدم لهم الدعم والمساندة , تحميهم ما استطاعت , تترافع امام المحاكم لعدم ترحليهم , تقف فى وجه اليمين الفاشى الذى يصرخ عن نقل الامراض والمضايقة فى سوق العمل والارهاب .
الان انظروا الى كرة الكراهية التى تتدرج مثل كرة الثلج , تنقل فيروس الكراهية واباحة الاجنبى , تغرس مشاعر النفور والعداء .. تنتقل وهى تخلق الاسباب وتُمهد الارض , الاثيوبيين سبب اساسى لنقل الايذز , الارتريين عملوا كذا , الجنوبيين انفصلوا مننا وباقان قال " اخيراً ارتحنا من وسخ الخرطوم " .. والان السوريين قالوا عاصمتنا عفنة , وبكرة البنغلاديش ببيقرصوا نسوانا فى المواصلات .
يعنى هذه الفاشية تجد الف سبب وسبب لسحق الاجنببى وترحيله , وعندما يتم الترحيل ستختفى بألتاكيد كل البلاوى ويتم احترام الوطن وينعدم تزوير العملة والتجارة فى البشر والانفلات الجنسى وشرب الخمور ونبقى اولاد بلد نقعد نقوم على كيفنا .. نفس مرافعات اليمين الفاشى على كل مستوى العالم .
اتمنى من كل المحامين فى السودان , المحامين اصحاب الضمائر اليقظة , اتمنى منهم متابعة كل ما يُنشر ويُكتب ضد كافة الاجئين المتواجدين على امتداد السودان لتفادى اى انعكاسات قد تحدث ضدهم من ضرب او ترحيل او اى انتهاك مادى وجسدى , وعشمى كبير فيهم .
التحية لكل الاجانب فى تراب بلدى .. والتحيات الزاكيات لكوكبة كبيرة صامتة فى كل انحاء العالم من القانويين وغيرهم وهى تبذل الوقت والجهد لحماية اى لاجىء من اى انتهاك وهى ترفض سن اى قانون يؤدى الى مضايقته / مثل قانون ازدراء الوطن المُقترح فى دورة انعقاده الاولى / .
من يكون اجنبى فى بلد الغير , ويكتب ضد اجنبى فى بلده , عليه ان يتحسس راسه , فليس لنا مسدس نتحسسه غير المواثيق الدولية المُبرمة والمُعاهدات المُوقعة .

شكرا كمال عباس على تلك الشجون ..

هناك اشياء تتداعى ..
اولها الشخصية السودانية وثانيهما الدولة السودانية ..
وايهما المسؤول الاول ؟!

تعلمنا من تجربتنا في الخليج العربي أن الدولة من خلال التعليم والاعلام والبلدية والوزارات المختصة وغيرها, تستطيع دفع المجتمع والانسان نحو الحفاظ على بيئته نظيفة, بل والاهتمام بنظافته الشخصية واكتساب السلوك المدني والحضاري الراقي.

في دولة كالسودان يتعاظم دور الدولة باستحضار حقيقة التخلف الحضاري والوعي المدني المتدني وانفتاح الحدود والانحطاط التنموي في الريف والمدن على حد السواء والذي كانت من نتائجه الك الهجرة الجماعية من الريف وعحز المدن عن تلبية الاحياجات الخدمية والبيئية لقاطنيها ..

هذا جانب واحد من الموضوع .. الجانب الآخر يتمثل في تدني الروح الوطنية .. ما عاد ذلك الوطن مهما في ذاته ... تباع بطاقة الانتماء اليه بحفنة قليلة من الدولارات بحسب ما اورده الشقليني هنا, ويزدريه قاطنيه من غير اهله .. ويتجاوز , وباعتيادية فائقة, عن الازدراء اهله .. ويتلاعب به اللصوص الرسميين كما بشاؤوا ..

محزن جدا يا كمال!!

مداخلة السيد شاهين شاهين يًرد عليها بجملة واحدة ..

لا مرحبا ولا اهلا ولا سهلا باي اجنبي لا يحترم هذا الوطن وانسانه ..

Quote: لا مرحبا ولا اهلا ولا سهلا باي اجنبي لا يحترم هذا الوطن وانسانه ..

طيب شكراً لوقتك الغالى .
قشة ما تعتر ليك .
انتو الاصغر سناً وانتم من تقررون مصير بلدكم .. واحنا العجايز علينا نقول " كده غلط " , و " دى فاشية فى اعلى مراحلها " .
اها الناس البتقول اى لاجىء لا يحترم بلدنا عليه الرحيل , طيب الزول السودانى السمعتو قبل كم يوم فى برندة السوق العربى بيسب للسودان وهو بيتكلم فى التلفون وقال بالنص " يا اخى بلدنا دى خراء " , زى ده نرحلو وين ؟ .
ننتهز الفرصة ونوجه اجمل التحايا لكل اجانب السودان , واتمنى من السلطات المختصة توفيق اوضاع المخالفين منهم دون ابعادهم .

Quote: Ali Aburas بدل أسئلتكم الكثيرة دي أين وأين مع إنو عارفين مين البلع القروش أحسن تعقدوا الهمة من أجل الوطن وتخرجوا كلكم شيب وشياب وشباب رجال ونساء وحتى الأطفال أخرجوا يوم واحد فقط في كل الأحياء في الأسواق بل وفي كل مكان ونظفوا الشوارع وكمان ساعدوا السورييون الناس الطيبين ديل اللي ما أساؤا ليكم. وبدل ما تشملوهم كلهم وتكيلوا ليهم اللوم والإساءات بالجملة مفروض تشكروهم لأنهم لفتوا نظركم لوساخة البلد وعايزين ينظفوا بلدكم الوسخانة بدلا عنكم.

نشكر السوريين الذين قاموا بذلك العمل البيئي الجيد والدعائي الجيد ..
وندين العنصرية تجاه اهل السودان من قبل اي سوري ...
وندين اي اساءة موجهه لبلدنا كيفما كانت واينما كانت.
ونسعى ونضغط في اتجاه تنظيم وتقنين دخول اللاجئين للسودان واوضاعهم في سوق العمل وغيره بما لا يتعارض مع مصلحة اهل السودان.

بالنسبة لخروج السودانيين وتداعيهم في يوم للنضافة العامة ..
مافي مانع ...

بيد ان مسالة البيئة والحفاظ عليها ده عمل مؤسسي وتربوي وثقافي لا يتم بخروج كل اهل السودان في يوم من الايام للنضافة العامة.

بالنسبة لمسالة الطعن في الفيل والتي اثارها كمال عباس هنا ..
لابد من الاشارة الى انو مافي حتمية بتقول انو الفيل واحد ..

عندما نناقش مثلا السودان في مخيلة اللاجيء السوري الذي يسيء لاهل السودان ويمارس العنصرية ضدهم... هذه المسالة فيل لحالها كما اعتقد.

سلام أخ محمد المشرف,

Quote: بالنسبة لمسالة الطعن في الفيل والتي اثارها كمال عباس هنا .. لابد من الاشارة الى انو مافي حتمية بتقول انو الفيل واحد ..

بعيدا عن ماقاله بعض السوريين عن وساخة الخرطوم وتطوع بعضا من السوريين لإزالةالوساخة وتنظيف الخرطوم ـ كرد جميل أو كفارة! بعيد عن هذا أقول الفيل بالنسبة لنا واحد هو الفيل الذي رمي موارد الدولة في كرشه وإلتهم الضرائب والجمارك والعوائد والرسوم ورماها في البطن المتكرش ! قلنا,

Quote: إين الرسوم والجبايات التي تقتلعها االسلطات االمحلية والولائية ؟ أين الضرائب والجمارك التي تنتزعها السلطة القومية والولائية؟* أين مردود تلك الضرائب والجبايات ؟ لماذا لانراها في شكل خدمات ونظافة؟أين التخطيط ؟* لاعجب إن كانت معظم ميزانية الدولة تذهب للأمن والأجهزة القمعية وموارد الدولة تذهب في جيوب المفسدين ! الدولة ينخرها االفساد ويتحكم فيها المفسدون والموارد يتم إهدارها وتبديدها !هذا هو الفيل الذي يجب أن نطعن في قلبه !

أما تدعيات وإفرازات "فعل" الفيل الطفيلي وماجره علينا من سخرية وتحقير فهذا أمر لا أصادر النقاش فيه ولا أقلل من أهمية حواره ! حيث إني لا إدعي إمتلاك الحقيقة أوالتقليل من أهمية تناول الأمر من زوايا مختلفة!
* سخر بعض العرب من مشاركة جيش السودان حماية لخادم الحرميين وعودة" الشرعية في ا ليمن وهم يستحضرون صورة الالاف القوات الدولية التي جاءت لدارفور حماية للسلم والأمن والمدنيين ! وهو يستحضر صورة وزير الدفاع وهو يتحدث عن سياسة الدفاع بالنظر وصورة قلب الخرطوم وهو يضرب بالطيران الإسرائيلي ومنظر الرئس السوداني وهو يستعرض ثقافته العسكرية ومعارفه الدفاعية الجمة !" المصنع ضربتو طائرات شافوها النسوان في بربر!!" ثم يتضح أن الضربة تم بواسطة قذف صاروخي بعيد المدي ولم تقوم به طائرات عابرة للسودان!وهي ذات ا لحكومة التي لازالت ترابها تحتله مصر وأثيوبيا !! ومع هذا كله فهي ترسل لقواتها لحماية الملك والشرعية اليمنية ! ,,,,,,,,,,

شكرا يا كمال ..

اتفق معك تماما ..

Quote: ما تدعيات وإفرازات "فعل" الفيل الطفيلي وماجره علينا من سخرية وتحقير فهذا أمر لا أصادر النقاش فيه ولا أقلل من أهمية حواره ! حيث إني لا إدعي إمتلاك الحقيقة أوالتقليل من أهمية تناول الأمر من زوايا مختلفة!

لو رتب الناس امر تناولهم لهذه القضية وتداعياتها كما رتبته انت .. لما احتجنا لهذه المغالطات غير الموضوعية والمتناثرة في ارجاء هذا البوست ..

يجب الاشارة لمسألة مهمة ..
قد يشكل انحطاط الدولة السودانية مدخلا لازدراء اهل السودان .. الا أن جوهر الامر كما قلت سابقا عندو ابعادو الثقافية والعنصرية والبعيدة جدا عن عن هذا الانحطاط... ولذلك انا قلت انو المسالة دي فيل لحالها.. ويمكن قراءتها تحت تعديل عنوان منصور خالد المشهور داك لل "السودان في المخيلة العربية" ..

محمد نور عودو
تحية طيبة ..

Quote: لكن معظم المثقفين السودانيين يتهربون من مناقشة هذه الاسئلة بسبب انكسارهم وشعورهم بالدونية والاذلال امام العربان.

قد يكون بعضهم كذلك ..
الا انني مما لاحظت في هذا البوست.. هناك عدم قدرة على معالجة البيانات المختلفة في ذات الوقت .. ربما يعود ذلك لبساطة وعدم تعقيد المحيط البيئي والانساني في السودان,..

شكرا جزيلا يا سيد شاهين ..

مسالة العمر ليست ذات صلة .. اهو في اولاد اصغر منك بمراحل عديدة وبقولو ذات كلامك غير الصحيح .. ربما لا يعرف بعضهم معني فاشية, وذلك افضل بالتاكيد من ان يفهموها بشكل خاطيء كما تفعل.

لا توجد فاشية فيما طرحت على الاطلاق كما أومأت انت بمنتهى الخبث .. تعزيز الحس الوطني ليس فاشية.. والدعوة لتقنين اوضاع اللاجئين ليس فاشية .. وانما هي قباحة منك وادعاء فارغ جدا ..

كما كنت, وبالمناسبة. في منتهى اللؤم الاسفيري وانت تتباكى على الفكر والاستنارة في السودان .. ولولا قليل من الاحترام الذي كنت أكنه لك .. لما رددت عليك اصلا ..

عموما .. اتمنى اللا اتداخل مرة اخرى معك.. وعشان ما نصل للغة نقاش من شاكلة "قشة ما تعتر ليك" .. والتي لن اصلها على اية حال.

لا .. لا .. لا .
ما تزعل دكتورنا .
بالراحة , انا السياسة دى شوية كده فهمى على قدرى .
وهسع انتا كده كسبتا نقطة قدام الناس ووضحتا الخلط الوقعتا فيهو انا بين الفاشية والوطنية وتعزيز الحس الوطنى , رغم انو الفاشى وطنى , يعنى ما بيكره وطنه , عندو حب خاص لوطنه وبفهم خاص , وتعزيز للحس الوطنى بشكل قاسى للغاية .
قباحة ولؤم .. لا والله مُجرد عرض وجهة نظر .
وعادى ممكن اكون غلطان وانتا الصح .
رجاء ما تاخد الامر بشكل شخصى , او انو بحاول انتصر عليك , او اظهر انى وطنى اكتر منك .
لو شعرت فى المداختلين اى تقليل شأن باعتذار بشدة مع التأكيد انو ما ممكن اجرحك انتا بالذات لاسباب تخصنى .. وده طبعاً مع التأكيد على مضمون وجوهر ما طرحته انا فى الاعلى .
ارقد عافية / دى اظن ما فيها حاجة زى قصة القشة / .
وبالمناسبة ما تزعل لانى مرات مرات بحاول اخفف دمى وبفشل .
مساءك خير وتحياتى حبيب , والبينا عامرة انشاء الله ولما تزور الخرطوم تلفونى فى البروفايل اعزمك واحد تركين نوبى لمن تتكيف .
وفى الختام عايز اقدم التحايا لكل اجانب السودان لكن خايفك تزعل .
فى انتظارك يا حبوب لما تشرف السودان .
واعتذر عن اى مخاشنة غير مقصودة .

لا يوجد زعل يا استاذ شاهين ..
لو كان, لكان من الاضطرار القسري والمؤلم حقيقة لمواجهة تفلتات مكتوبة من زول اكن له الكثير من الاحترام.

وها انت تعود ...
فدعني اوضح الآتي ..

1- انا لا اكتب هنا لكسب النقاط امام الناس .. أومن بكل ما اكتب و .. أكتبه .. هكذا الامر بكل بساطة.

2- عندما نقول ان تعزيز الحس الوطني ليس بفاشية .. ذلك لا يعني ان الفاشي لا يحب وطنه كما اردت ان تتذاكى وتلتف للانتصار لنفسك وتمضي بقية ليلتك سعيدا بمحاننة الجهلاء (التعبير لمحسن خالد) .. ارجو ان لا تقع في براثن هذا الخداع للذات .. تعزيز الحس ليس فاشية والمطالبة بتقنين اوضاع اللاجئين ليس بفاشية .. ويعوزك الدليل الموضوعي والذي ستعجز حتما عن ايراده في سبيل اقامة الحجة على فاشية ما طرحته انا هنا ..

3- انت غلطان ما عشان عادي انت ممكن تكون غلطان .. انت مخطيء هنا لانك مخطيء والفرق واضح.

4- تقليل الاحترام الذي شعرت به كان في هذه المداخلة الاخيرة .. وشخصيا لا اهتم بذلك كثيرا الا بمقدار أن أكون بالفعل قد قللت من احترامي لنفسي بكلمة او فعل لا يليق .. الامر الذي لم يحدث .. وبالتالي يكون ختام هذا الشعور هو الرد المناسب لا اكثر ولا اقل ..

5- البينا عامرة .. والبيني بين كل الناس عامرة والله .. نختلف ونتفق بكل احترام .. هذا هو المهم.... فقدت احترامي في هذا البوست لاحد الاصدقاء الاسفيريين (ابوبكر عباس) لا بسبب رأى او خلاف محترم .. هذه اسباب لا تقطع حبل المودة الممدود على السراط السوداني المستقيم وعلى المحجة السمراء, ليلها كنهارها, وظاهرها كباطنها, وباطنها الود والكثير من المحنة والاحترام.


6- باب الود متاكا .. سيكون كذلك ولن اخسر جراء ذلك شيئا .. حبابك عشرة.

ود المشرف
وضيوفه
يا صاحب
هممت وتعثر النت ثم هممت واحجمت !
الوطن ليس معنا ملتبسا في ذهني ورسخه في ذهني حكوة صغيرة مع ابني حكيتها هنا
نحبه هكذا كما يكون الحب . ذلك الحب الذي لا يحتاج لغة .. الحب الذي يعرفه الامي والمتعلم ... المتمدن والبدوي
ف شنو
كما قال صلاح احمد ابراهيم
الحب في زاتو مبرر كافي

ونسة مسنجرات..والله حقو كمان تمشو لي حسين خوجلي عنده فضائية قدر الكتلة ساميها ام درمان...يمل الملل نفسه من مشاهدتا
نحن بننقل العاصمة كوستي ان شاء الله ونعمل فضائية ذى بتاعة حسين خوجلي نسميها كوستي
ولمن تنظفو الخرطوم من الكيزان والشيوعيين وعقاب القوميين العرب كلمونا
والله السوخ الحقيقي ما شافاه السوريين جلد النسوان ومطاردت ستات الشاي
قمة اللاوعي ويعتبر ردة حضارية كونك تكون شيوعي وكوز وناصري وبعثي لحدي هسة
قال استنارة والله انت لمبة هبوب ما تنفع

Quote: ذات الشخصية السودانية وشهوتها الخلاف والاختلاف يا صديقتي .. ما بين لزوجة ابوبكر عباس وذهان عادل امين الفكري الذي اوصلة لمباراة الجداد نحو الكوشه (ولعله اصلا جداده) ..,يظل ذلك الوطن مجرد جغرافيا للاسقاطات النفسية ومداراة الهزائم ...

وطلعت دكتورنفساني...ياسلام عليك...كنت قايلك شيوعي بس....يعني دكتور وشيوعي والله دي كبيرة خلاص..وشنو جداد وكوشة دي والوطن مجرد جغرافيا..كلاام كبار والله...ومدرات الهزائم...عليك الله كا ن ما مشيت لحسين خوجلي يجبيبك في ايام لها ايقاع او حديث النهر للنخلة. او مطر الالوان نشوف العصف الفكري ده .وبس طلب خاص بنتي انصاف فتحي تكون فاكهة البرنامج عشان الزول يقدر يهضم نقيق ضفادع المركز ناس الخرطوم( ال شينة وعاجباني )
يا مشرف نصيحة لوجه الله هاجس الامن والجداد والدجل ده ما بفيدك.. واجها الحقيقة واحد من اثنين يا تخلي الدكترة يا تخلي الشيوعية الدكترة مستوى اكاديمي عالي يتطلب ما تعمل بوست ذى ده ابدا والشيوعية ذكاء اصطناعي انتهى زمنو
معقول لحدي هسة ما سمعت انها الشيوعية وقعت فيها حيطة في برلين 1989
ما قدرنا نحلل بوستك ده لا ماديا ولا مثاليا في الجدل الماركسي..او الهيجلي ايضا
الخرطوم شينة وسخانة ..دي حقيقية الحل
1-.ترجع الاقاليم ويحكمها ابناءها 80% من ناس الخرطوم برجعو
2- تنقل العاصمة كوستي بعد اعادة تخطيطها باحدث الموصافات ذى برازليا عاصمة البرازيل الجديدة او ابوجا في نيجريا
ترجع الديموقراطية للسودان تنتهي كل مشاكل السودان التي سببها هؤلاء لقاعدين في راسنا دون هدف اورؤية او اتجاه
3-خاطب النظام وخلي السوريين في حالهم
4- واتوسط لي وتوفيق يصالحني...اولاخيرة دي شخصية سببت ليه الم كبير قايلو مرفعين كبير طلع انسان على نياتو ساكت ..احسن ارجع لي بريمة ودواسالقبايل مع القبائل في لبضهاري..الدواس مع ناس الخرطوم يذهب المرؤة

.
من يقبل ( الدَّنيةَ ) في وطنِهِ
.
يقبل ( الدَّنية ) في دِينِهِ
.
.
.
................... عائد من الإصابة

تحياتي يا دكتور .
بقدر ما بحثت عن الفيديو او الفيديوهات المقصودة لم أجدها و لكن حتي لو شتم بعض السوريون السودان أو الشعب السوداني فباعتقادي أنّ ذلك الامر طبيعي لأنّ كثير من السودانيين في الخليج و الدول العربية يقيمون فيها و ينتفعون بخيراتها و يتوارون بها مما حاق بهم و باسرهم من فقر السودان و صيف السودان و حكومة السودان و مع ذلك يشتمها و يشتم شعبها الكثيرون و لا فرق عندي كون الشخص قد دخل البلاد لاجئًا أو زائرًا او وافدًا او مهاجر ، فطالما أنّ تلك البلاد قد فتحت أبوابها له فلا يلزمه أن يسبّها ، و مع ذلك لم أذهب الي دولة ( علي قلّة الدول التي زرتها ) الّا و وجدت السودانيون يسبّونها و يلعنون اهلها و باعتقادي أنّ ذلك اللعن و السب ليس حقيقيًا لأنّي قد سألت بعضهم لماذا لا يرجع الي السودان إن كان لا يحب البقاء في الدولة التي تستضيفه ؟ و قد كان رد اغلبهم أنّهم مجبورون لكون السودان صار طاردًا ، هذا غير رد البعض بأن الارض لله و بالتالي فلهم الحق في أن يعيشوا اينما يحبّون .
ما اعتقده هو أنّ هذا السباب السوري المزعوم ( أقول مزعوم لأنّي لم أقف علي حقيقته و ذلك قصور مني و لكن لا اود التعميم ) قد لا يخرج من كونه ضنك عيش فالحياة قاسية في كل مكان و السودان ليس استثناءً و طالما أنّ السودانيون انفسهم يلعنون اليوم الذي رمي بهم في الخليج او مصر و الشام و دول الغرب ، فلماذا لا يلعن السوريون السودان ؟ فالسودان بالنسبة لهم دار غربة رغم ما يقوله السياسيون السودانيون ( الذين لا يصدّقهم الّا اتباعهم من اهل السودان ) فلماذا نريد للسوريين أن يحبّوا السودان او ألّا يشتموه كما يشتمه بعض أبنائه السودانيين ؟ كونهم ضيوف فهذا باعتقادي لا يسلبهم حق الغضب علي ما لا يعجبهم . فالسودانيون في الدول العربية يضرب السوداني مديره او حتي رجل الشرطة حين لا يعجبه الحال . فلماذا نسلب الآخرين هذا الشعور الجميل بالغضب و الثورة علي ما لا يحبون ( هذا الشعور الذي هو حس انساني ملازم لكل البشر اينما يذهبون ) و لنا أن نشحذ ذاكرتنا الجمعية لنري كم هو قدر الحكايات الشعبية التي تروي لنا عن سوداني يضرب سعودي او مصري او اوروبي في دياره ، تلك وقائع ملازمة للبشر اينما ساروا و لا اعتقد أننا بحاجة لاخراجها من مكانها الطبيعي لأنها جز من حياة الناس في كل مكان . مع احترامي الكامل لحمية الشعوب في دفاعها عن انفسها و لكن للآخرين ايضًا الحق في أن يعبّروا عن انفعالاتهم اينما كانوا و كونهم ضيوف سوف لن يسقط عن انفسهم الرغبة في الدفاع عن ذلك الحق . قد يكون هؤلاء السوريون غاضبون علي حظهم الذي رمي بهم في الخرطوم في حين أنّ اخوتهم و ابناء عمومتهم قد ذهبوا الي باريس و لندن و برلين ، فهل هذا وحده ليس سببًا يكفي لتفجير حميّات من الغضب المسعور ؟
لك التحايا يا صديقي و ليس ذلك انتقادًا لمواقفك و آرادك الجليلة بقدر ما هو عكسًا لوجهة نظري حول موضوع البوست و كما تعلم فإن حروفك تجذبني كما يجذب الضوء الفراشات فلك و لحروفك الف تحية و كركون سلاح او سلام لا أدري فعلاقتي بالعسكرية مثل علاقة الصرصور بالموسيقي و العزف فاعذرني يا صديق.

مسألة أخيرة فاتتني ..

Quote: وفى الختام عايز اقدم التحايا لكل اجانب السودان لكن خايفك تزعل .

لست عدوا للاجانب لاغضب من عبارة كهذه ولو علقت في مداخل كل المدن والكباري ..

نحنا ناس قولة مرحب عندنا فوقها راي .. عشان كده بنقول حبابكم عشرة وحبابك الف.. وللحبيبة نقول عشرات حبابك سلامات .. فالف مرحبا باى اجنبي في السودان...

حفيظ ود ابوسن ..

Quote: نحبه هكذا كما يكون الحب . ذلك الحب الذي لا يحتاج لغة .. الحب الذي يعرفه الامي والمتعلم ... المتمدن والبدوي ف شنو كما قال صلاح احمد ابراهيم الحب في زاتو مبرر كافي

وبعدين ليس من باب الكراهية لمن اهدى الينا عيوبنا
ولاهي مجاراة لقولهم: آفة النصح ان يكون جهارا ..
بل بالعكس فليجاهر بعيوبنا من يشاء ولكن
لا للازدراء والاساءة باطنا وظاهرا ..
نعم للاعتزاز غير المشروط بذلك التراب .. ذلك الوطن.

كدي خلونا نناقش المادة 159 و160 من قانون النظام العام ونشوفن هل بصلحن لملاحقة هؤلاء الناس قضائيا؟

المادتين 159 و160 صعب نلقى فيهن فرقة للملاحقة.
فتست مادة تتحدث عن إزدراء الوطن، لكن فقط لقيت إزدراء الأديان؟؟
ممكن تشتغل بإعتبار الوطن في مقام الدين

تحياتي أخ محمد المشرف
من المهم جدا أن نتفهم مواقف ومواقع بعضنا ومعرفة أين نقف وماذا نريد ؟
* المشرف ليس مصاب بشفونية وطنية وتعصب قومي ! ولا إعتقد إنه يتوهم إننا كوطن أو شعب
ملائكي بلا أخطاء ولا سلبيات أو أننا فوق النقد إو أننا مصابون بحساسية مفرطة تجاه إي نقد
يصدر من غيرنا !
* ولا إعتقد أن شاهين أو الخواض يفتقرون للحس الوطني والغيرة الوطنية وروح الإنتماء والزود
عن حمي وحياض الوطن ضد إي تحقير لشعبه أو حط من قدر أمتنا ! فهم جيل أعقب أجيال
الستينات وتأثر باليسار العريض القديم الذي ينتمي للإنسانية الرحبة وينافح من أجل حقوق الأقليات
وحقوق اللاجئ وإحترام إنسانيته ــ وحقه في التعبير ــ اليسار المنفتح علي الفضاء الأممي
الذي يرفض الإنكفاء والتقوقع الوطني الذي لايري في الوطن شئيا سالبا !
* المشرف يكتب وفي ذهنه ركام التعالي العرقي والقومي والنظرة الدونية التي ترمقنا بها
عيون البعض ــ التحقير والحط من قدرنا وإنسانيتنا ـ في هذا السياق قرأ تصريحات بعض
السوريين ــ!
* بينما يري بعضنا أن تلك التصريحات أصابت كبد الحقيقة وعبرت عن واقع معاش
بلدنا أصبحت كذلك فلماذا نقر هذا المعطي إن صدر عن سوداني ونرفضه إن تلفظ
به سوري ؟ ليس مهما قومية وخلفية من قال بهذا التصريح بل المهم هنا هل ماقاله
حقيقة أم لا؟
* ويتسآل آخر إن كان مضمون الكلام صحيح فهل طرح بصورة موضوعية أم فيه إستفزاز
ويشوبه تحقير مبطن ؟ هل كان هذا الشخص سيجرؤ علي الحديث عن مصر بنفس اللهجة واللغة؟
* وقد يطالبنا آخر بمراعاة حالة اللاجيء فقد كان بلده مستقرا وجاذبا للسياح ومناخه معتدل
نسبيا وفجاءة إنهار كل شئ من تحته وهاجر من هاجر من أهله لأوربا وأمريكا وإستراليا
وكان حظه مناخنا القاسي فإن إحتضنه الشعب وخفف عنه ولكن هذا لم يخفف من قسوة
الطبيعة ولا تعاسة مصير بلده !هل سيعود لبلده هل سيكون له بلد؟ أم سيتمزق؟
* وقد يري بعضنا أن هذا اللاجئ من مفترض أن يتفهم إننا أيضا نمر بظرف إستثنائي وأصعب مراحل
تاريخنا ـ أزمة عامة إقتصادية وإجتماعية وسياسية بحيث أصبح الوضع طاردا فالحكومة لاتهتم
بالخدمات والصحة والإنسان وإنما تهتم بآلة القمع!
* الموضوع يحتمل الإختلاف وتعدد الأراء بل وتعدد الزوايا ومداخل التناول !
..........

في بوست أحمد عمر الذي وصف الخرطوم بأنها أقذر وأعفن مدينة في العالم
كان تعليقك:
"هذا الكلام موضوعي جدا"
لماذا لا ندخلك أنت ضمن الملاحقة القانونية؟

في الحقيقة الخرطوم وسخانة لكن الزلمات علوق والكيزان حرامية واسحق فضل الله مقيت والمستنير بوضع اليد كل معرفته بامدرمان مشوار البص هو والقطيع بتاعه من الزريبة للسلخانة والزلمة بتاع حامد بدري في الفيديو خراط بعد ما رقدوا ليه بي هوك وبلنجتين مشى شال الدباسة دباسة بتاعت فنلتك

يا كمال عباس،
خلينا من التبرير لنفسيات المشرف التراكمية، الزول ختا أربعة نقاط قال داير يناقشوهو فيها.
مداخلاتك الطويلة دي ما هبشتها!!
أهبش طال فضلك

نبدأ بالملاحقة القانونية وحق الكلام

موش لو بقى صاحبك، لو بقى نقد ذاتو، ما في مخرج

Quote: في بوست أحمد عمر الذي وصف الخرطوم بأنها أقذر وأعفن مدينة في العالم كان تعليقك: "هذا الكلام موضوعي جدا" لماذا لا ندخلك أنت ضمن الملاحقة القانونية؟

ده يا ابوبكر عباس بسمو الشييزفرنيا...او دكتور جيكل اند مسار هايد
وفي بوست توفيق الحالف ناس الاقاليم -الضهاري ما يقعدو في الخرطوم صاحبط المنفصم ده متحرك يضحك ساكت والناس بتاعين الهامش زعلانيين وانا اهدي فيهم ما يجو الخرطوم يعملو عاضرة في توفيق المسكين ده وكمان اهاداه اغنية
اتخييل ده يكون شيوعي كيف؟؟
وما تتعب مع قرود بافلوف ديل ...ذي ما قال عوض دكااام بالتصرف عن الكيزان "ديل ما خلو خادم الحرمين الشريفيين " ديل ما خلو العلامة والمحقق د منصور خالد عشان بعريهم كويس من اكبر دكتور لي اصغر صرموح عامل فيها الشيوعي يخلوك انت كيف والله الى اقطع ليهم مؤتمرهم السادس في راسهم اذا ما اعتذرو لي السيد عبدالرحمن المهدي وجدعو كتب القدال في الكوشة

شكرا يا كمال .. شكرا جزيلا
قراءة سليمة جدا..


مسألة خقوت الحس الوطني متلازمة اصيب بها أهل السودان حديثا (رغم أني لا استطيع الجزم بحداثتها) .. لا اتهم بها أحدا بعينه وتتتعدد اسبابها ومظاهرها وتدخل , فيما تدخل, في اسباب استمرار هذا النظام الفاشي... هل هذا الموضوع موصول بذلك .. أعتقد أن الاجابة نعم, بيد أني - أكرر - لم أتهم أحدا بعينه وانما جاء الحديث كدعوة لتعزيز الذات السودانية واستنهاض الحس الوطني.

شكرا جزيلا ..

حقيقة فوجئت بقبح وسوء طوية ابوبكر عباس, كان من الاجدى عدم الرد عليه كما امتنعنا عن الرد على ذلك الذي ومن نافذة الفيسبوك منحني جوازا كنديا لم أحوزه قط ولم أسعى اليه على الاطلاق بل ولم اقم بزيارة كندا من قبل ولكن..

1- لا ندعو لملاحقة قانونية على غرار قانون النظام العام .. هذا عجز وسوء طوية وتدليس من د. ابوبكر.. لو لم يكن عاجزا لما لجأ للتدليس.. دعونا لملاحقة اي مسيء او عنصري يمارس عنصريته الفجة ضد ابناء السودان .. وعبارة (كل مسيء) لا تعميم فيها على الاطلاق .. حالة الصورة المنشورة في حساب الشاب الذي يعمل في مطعم ريجنسي او اسم قريب من كده مثالا .. وفيها تبشيع واستعلاء وعنصرية لا تخطئها العين على الشابين السودانيين المعاهو .. وبقية الحوار المنشور توضح بجلاء الصوت الاستعلائي والعنصري .. لم يتطفل احد على هذا الحساب في الفيبوك وانما تمت دعوة الجميع لقراءة الدعاية لذلك المطعم... عندما نلاحق هذا الشاب العنصري قضائيا, نحقق الكثير من الاهداف ومنها عدم اخذ الكل بجريرة فرد وده جوهر قانوني أساسي لا يمكن أن تفضي عملية التقاضي لعكس جوهره.

2- وربطنا ذلك بضرورة تقنين العلاقة بين اللاجيء والمجتمع السوداني ومسك يد الدولة عن تقديم استثناءات للاجيءِ دول بعينها كما حدث مع السوريين. لا حاجة للاستثناءات في ظل وجود القوانين الناظمة والمراعية لمأساوية اللجوء الانسانية.

3- لوضعية افضل لكل من اللاجي ومواطني دول اللجوء تكون القوانين الناظمة .. التنبؤات الشخصية بامكانية سوء استخدام القوانين ليست مقابلا لمبدأ سنها او الدعوة لتفعيلها او والمطالبة بالتقيد بها.

القبح وسوء الطوية لم ينتهي بذلك .. بل وأومأ بمنتهى الخبث ان حديث د. كمال عباس ما جاء الا لنصرة صديقه .. وكمال عباس يستنصر به ويعتد برأيه بالتاكيد .. ولكنه لم يأت مناصرا لصديقه ولا يحتاج صديقه لنصرةٍ وهذا الكيبورد في يده... هذا الرجل (أبوبكر عباس) يفتقر للاستقامة والنزاهة تماما!!!

فاتتني مداخلة الاخ آدم صيام له التحية والاحترام.

Quote: لكن شوف الأبعـــــاد دي: - شخص لاجئ من بين قطرين مسافة من السودان و أواه هذا البلد فأمن من الموت بالبراميل وسقوط السقف عليه ومنظر الأشلاء المستمر . - وجد طريقه إلى العيش في هذا البلد بعد انعدام الماء والخبز والعمل في دياره. - لكنه لم يقوَ على تمرير عفونة هذا المضيف، فاسقط كل هذه المَكرُمات!! العفونة التي أسقطت المَكرُمات إنت أفونة ما تشوف ولاجئ حرب تسوف!

1- المأساة الانسانية التي يعيشها اهل سوريا لا تحتاج لتعزيز واقعها المؤلم عندي .. واجزم أن الحال كذلك عند أغلب اهل السودان.

2- لم اكتب حرفا ضد ذلك الشاب صاحب تعليق العفن بتاع بلدنا .. وقرأت الموضوع قبل نحو 10 ايام ولم اعلق عليه سلبا ولا ايجابا ولكن وبتواتر الاخبار عن اكثر من حادثة او موقف كان لزاما الانتباه والتعامل ازاء هذه المسألة ..

3- ابتسار الامر في جزئية السوري صاحب تعليق العفن مسألة غير صحيحة .. وقراءة تعليق ذات هذا السوري بايجابية غير مبررة فيها شيء من المزايدة .. فالمعنى سالب جدا .. قلب العفن عبارة مسيئة في ذاتها عندما تقال في السياق الواردة فيه ولا تقتصر دلالاتها على سوء الخدمات البلدية والبيئية في السودان .. هذا رأيي الشخصي الذي يحتمل الصواب والخطأ بالتاكيد. . محاسبة الناس بالنوايا مسألة غير صحيحة ولكن اثارة الامر حق مكفول للسودانيين وفيه رسالة قوية لكل الذين قد يحاولوا تمرير مشاعر سالبة مغلفة تجاه مستضيفيهم.

مودتي

أوكي خليناك من قانون النظام العام.
إتّا قلت داير تلاحق الناس ديل قضائيا
ورينا خالفوا يا تو مادة من القوانين السودانية؟

العزيزان الهادي ومنتصر سلامات ..

من المهم جدا الانتباه لمسألة او آلية منح الجنسية السودانية ... زينا زي اي دولة تانية تتمتع فيها هذه المسألة بشفافية ووضوح تام عبر آليات معروفة .. نحن نتعامل مع ناس من ذوي خلفيات مجهولة وفيهم الصالح

ويا منتصر يعلم كل من مر على هذا البوست ان الزلمات عنصريين جدا ويتعاملوا مع السودانيين باستعلاء .. عشان كده تلقى اي زول معترض على البوست ده بيمسك في تعليق السوري بتاع قلب العفن ومارسوا عقلانية منقطعة النظير حول حرية التعبير وصحة الحديث عن قلب العفن وكبروا اللفة من باقي التعليقات .. بكري ابوبكر موقف تحميل الصور والا كان الواحد ختاها ليهم عشان كلما يكتبوا كلمة يستحضروها.

عادل خان أمين الخليلي

أنا والله مشفق عليك يا رجل .. لقيت مباراة الجداد الاسفيري ما جايبة حقها رجعت تاني لامدرمان وبضاعة خان الخليلي والشيوعيين والبعثيين والاخوان المسلمين وعلى الميرغني واتفاقية نيفاشا وعبدالرحمن المهدي ومحمود محمد طه .. والذي نفسي بيده لم أجد دلالة مطابقة وبصورة مذهلة لتعبير الاسطوانة المشروخة كما وجدتها في إجترارك لهذه المقولات والشبيه باجترار البقر، الماعز، الخراف، الزرافة، البايسن، القطاس، الأيل، الجمال، الألبكة، اللاما، النو والظباء.

يجب على الويكيبيديا أن تضمك لهذه القائمة فتكون عادل خان أمين الخليلي والبقر، الماعز، الخراف، الزرافة، البايسن، القطاس، الأيل، الجمال، الألبكة، اللاما، النو والظباء..

Quote: Hate speech, outside the law, is speech that attacks a person or group on the basis of attributes such as gender, ethnic origin, religion, race, disability, or sexual orientation.[1][2] In the law of some countries, hate speech is any speech, gesture or conduct, writing, or display which is forbidden because it incites violence or prejudicial action against or by a protected individual or group, or because it disparages or intimidates a protected individual or group. The law may identify a protected group by certain characteristics.[3][4][5] In the law of other countries, hate speech is not a legal term.[6] In some countries, a victim of hate speech may seek redress under civil law, criminal law, or both. A website that uses hate speech is called a hate site. Most of these sites contain Internet forums and news briefs that emphasize a particular viewpoint.

Quote: ولا إعتقد أن شاهين أو الخواض يفتقرون للحس الوطني والغيرة الوطنية وروح الإنتماء والزود عن حمي وحياض الوطن ضد إي تحقير لشعبه أو حط من قدر أمتنا ! فهم جيل أعقب أجيال الستينات وتأثر باليسار العريض القديم الذي ينتمي للإنسانية الرحبة وينافح من أجل حقوق الأقليات وحقوق اللاجئ وإحترام إنسانيته ــ وحقه في التعبير ــ اليسار المنفتح علي الفضاء الأممي الذي يرفض الإنكفاء والتقوقع الوطني الذي لايري في الوطن شئيا سالبا !

من الاهم استاذى كمال عباس , الوطن ام البشر ؟ .
قبل مليون سنة من الان لم يكن هناك سودان .. بعد مليون سنة لن يكن هناك سودان , لكن سيكون هناك بشر .
البشرية هى الاعلى , والباقى اختراع قابل للالغاء .. من الذى قسم الناس الى اوطان ؟ ومن الذى رسم الحدود بهذا الشكل ؟ .
ما الذى يجعلنى احب السودانى وادافع عنه ولا احب السورى والهندى والصينى وادافع عنهم ؟ .
البشر هم القيمة الحقيقية .. احترام البشر هو المراد .. ضد الموت وضد الحرب فى سبيل علم او نشيد قومى او تراب وطنى ومع السلام الدولى وحركات وقف التسلح واجراء التجارب النووية .
المُضطهد هو الاقرب لى فى اى مكان فى العالم , اقرب لى من اى مُضطهِد سودانى لان مصلحتنا واحدة .

Quote: يجب على الويكيبيديا أن تضمك لهذه القائمة فتكون عادل خان أمين الخليلي والبقر، الماعز، الخراف، الزرافة، البايسن، القطاس، الأيل، الجمال، الألبكة، اللاما، النو والظباء..

أها يا حافظ، تعال تاني اعترض على انو صاحبك وصفناهو بريع مستنير.
يصف محاورو بالحيوان
عاد دا زول عندو علاقة بالإستنارة؟؟

بعدين ليش المجترات ديل ناقلن بضبانتن من ويكيبيديا لغة أفلام الكرتون العربية دي؟
أجتهد شوية وأكتب ناس البايسن، القظاس والنو ديل باسماهن المعروفة.
عالم نقالا خلاص!!

مسا الخير عليكم
التحية ليك يامشرف واتا بتكتب ببساطة ولغة مفهومة موش زي المستنيير الملولو ده واتا قدها وقدود بالنسبة لقريبي شاهين انا بسعلو سوعال الكوميديا المصرية والاعلام المصري سنين ودنين شغالين فينا عصمان البواب والفول السوداني محرررق واسود وخلي بالك لي الفاضل سعيد وابن البادية برضو شاركو في المهزلة دي ومعاهم للاسف اخونا ابو وردي السني دفع الله في ادوار هامشية كرست لي انو الزول ده ابله وبليد ومابعرف شئ غير حراسة البوابات والتباخة كنخب ومثقفاتية واجهزة اعلام كان دورنا شنو ومع انو عارف شاهين ده مابرضى في المصريين بس نعتبر انو تصرفات فردية لي ماعندنا ليها رد الجزائرييين لامن جونا في الخرطوم كلكم شفتو الدجل والكضب سنة تمنية وتمنين الكابتن محمد على طيب الله ثراه ارجع طائرة السودانية رد الله ايامها وهي في الجو لانو المعفنين كانوا ناويين يرشو الناس بالمبيدات خوفا من الامراض وبتذكر مرة سنة تلاتة وتسعين ترانزيت سودانية ايرباص ودي انا شهود عيان نزلت القاهرة دخلوها عساكر مدججين بالسلاح بدون ايو سبب ظاهر وكلنا علقنا على المسالة البدخلو عسكري لي طائرة تحمل ركاب وعلم دولة اخرى شنو
وعشان ماعندنا رد قوي ومباشر ورسمي وشعبي كل من هبه ودبة حيركب فوق صنقورنا ده تصدقوا الصومالييين مضرب مثل ايو شئ كعب ديل بنفس القدر انا مابرضى فوقوم

عادل أمين وصفنا في وصف بالمنبتين ومجهولي النسب وبلغت جرأته أن طالبنا بايراد اسماءنا الثلاثية (والتي نكتب اصلا بها) في اشارة لا تخفى على أحد .. وأتى هنا حاملا قاذورات الجداد من نافذة الفيبوك والقاها في باحة البوست .. وكان الرد المناسب تناول منتجو الاسفيري ووصفه بالاجترار وهو كذلك .. ولا اتردد لحظة في توصيفو هو ذاتو بالحيوان, فلقد وصف الناس كثيرا بالحيوانات وما صورة الكلب الذي يحمل طوق عبوديته الا شاهدا على ما اقول..


ده كوم .. وكونو الت############ة ما حلوة في السودانيين كوم تاني .. وكلامك ده ت############ة ساي .. لا اكثر ولا اقل.

عزيزي حامد بدري ..
كيفك وكيف كيفك يا صاحب.

لا احد يدعو هنا لكراهية الاجنبي والمضهد والمستضعف .. والكلام واضح جدا .. دعونا لعدم قبول الاساءة من كل متجبر او عنصري والتصدي لذلك.

الكلمة التي حذفها منبر بكري هي ال ت ع ر ص ة

سلام حامد بدري،
بعيدا عن اللولوة
كيف دايرين تلاحقوا الناس ديل قضائيا؟
خالفوا شنو في القانون السوداني؟

ثقافة القطيع والذكاء الاصطناعي تعميك عشان كده قلنا خدك المركز العاطلين عن المواهب ديل عطلو السودان 60 سنة ساكت
انت خلي السوريين انظام استورد قتلة من وراء دارفور قتلو
200000 مواطن في جبال النوبة دارفور وانت تولول على خرطومك اقبيحة دي يا غبي
انا قدمت ليم الحل ده...انت خلك شنو؟ تولول بس

Quote: معقول لحدي هسة ما سمعت انها الشيوعية وقعت فيها حيطة في برلين 1989 ما قدرنا نحلل بوستك ده لا ماديا ولا مثاليا في الجدل الماركسي..او الهيجلي ايضا الخرطوم شينة وسخانة ..دي حقيقية الحل 1-.ترجع الاقاليم ويحكمها ابناءها 80% من ناس الخرطوم برجعو 2- تنقل العاصمة كوستي بعد اعادة تخطيطها باحدث الموصافات ذى برازليا عاصمة البرازيل الجديدة او ابوجا في نيجريا 3-ترجع الديموقراطية للسودان تنتهي كل مشاكل السودان التي سببها هؤلاء لقاعدين في راسنا دون هدف اورؤية او اتجاه 4-خاطب النظام وخلي السوريين في حالهم 5- واتوسط لي وتوفيق يصالحني...اولاخيرة دي شخصية سببت ليه الم كبير قايلو مرفعين كبير طلع انسان على نياتو ساكت ..احسن ارجع لي بريمة ودواسالقبايل مع القبائل في لبضهاري..الدواس مع ناس الخرطوم يذهب المرؤة

ا

Quote: يا غبي

كان كده كل الناس اغبيا

أبا بكر أيها المستنير
في راس السنة لما نشب حريق في مبنى في دبي و اتنين مصريين اخدوا سلفي و المبنى المحترق خلفي
و هم بيضحكوا ،الاماراتيين رحلوهم بعدها بايام قلائل. يعني ممكن الحاجة دي تحصل و للا ما كدي؟

تحياتي سيف النصر
تشكر والله
اقول ليك كلام متطرف جدا
الامر محزن والله .. محزن جدا بالذات للناس القاعدين جوة السودان وهم بقرو تنظير الناس البرة البلد

Quote: سلام حامد بدري، بعيدا عن اللولوة كيف دايرين تلاحقوا الناس ديل قضائيا؟ خالفوا شنو في القانون السوداني؟

عليكم السلام ياملولو وكلو سنة وات طيب
اولا كدي خلينا نردموم في السايبر والملاحقة القانونية التجي بعدين بنلقى فرقة موش القوانين واللوائح والنظم
تتذكر السودانية الاحتال عليها زوجها المصري وكتلا عديل ربنا يرحمها وقالوا معاها ايدز قانون شنو يااخ اتا قايل نفسك في السويد اتا في نظم مستبدة تؤلف وتلتق على كيفا واحد يموت تحت تعذيب يقولو ليك في التقرير مات بالمراريا
هسة اتا لو قاضي في ارض السودان وجابو ليك اجنبي لاجئ كاتب من قلب السودان من قلب العفن ويشعر بالعفن بغلبك تجاسف ليك نص تحاكمو بيو كدي امشي اتا حلب واكتب المستنير يشعر بالبراميل المتفجرة فوق راسه وشوف حيحاكموك كيف الموضوع هنا اشبه برجل مرور عايز يلصق ليك مخالفة
بعدين ناس المطعم تفاعل وسائل الاتصال اجبروم ينكرو الزول داك حطب ودي محمدة في صالح المشرف وربعو

سلامات دكتور المشرف وتحيات لضيوفك

موضوع اللاجئيـن السوريــن في السودان يعكس سوء إدارة هذه الدوله السودانيه
الحكومة الحاليه لا تمتلك أي رؤية للتعامل مع هذه القضايا ... بغيدا عن السلوك السيء
التطاول علي السودان ومعايرته بعفانته في الخريف ...

السؤال الكبير لماذا لم تضع الحكومة السودانية اللاجئين السورين في مخيمات تحت رعاية الأمم المتحده؟
الأردن التي تربطها أواشج القربي وتداخل المجموعات السكانية مع سوريا وضعت اللاجئين السوريـن في مخيم الزعتري

لماذا تفتح الحكومة السودانية البلاد لأكثر من 100ألف سوري سوق العمل في بلاد تئن إقتصاديا حيث لا مأكل ولا توظيف
الذي سيحدث يا سادة بأن هؤلاء سيخرجون أي دولار من السوق لخارج السودان
المغتربيـن السودانيين شهريا يحلولون العملات الصعبه الي السودان بينما هؤلاء سيقوم بالعملية العكسيه

كان للحكومة أن تحصر هذه الأعداد المهوله في معسكر تحت إشراف الأمم المتحده .. والتي بدورها ستقوم بتحويل العملات الصعبه
لرعايتهم وبالتالي تدخل الي السوق المحليه لشراء الغذاء والدواء لهم , كما يحدث في أي بلد وفق للقوانين الدوليه .. أي غباء هذا من حكومة السودان

نقطة أخري تتعلق بالأمن القومي وإنتشار الجرائم وعمليات غسيل الأموال وتزوير العمله كل هذه المخاطر كان يمكن تجنبها اذا وضع اللاجؤون السوريون
في مخيم تحت إشراف الأمم المتحده ...

من وجهة نظري هذا هو الموضوع الهام الذي يفوق أهمية الإساءات التي وجهها السوريون للسودان لوساخته وعفانته

تحياتي

تشكر عبدالعظيم
يجب ان يعاملوا كلاجئين وفق القوانين العالمية للجوء. وان تقدم لهم الامم المتحدة العون اللازم
مصداقا لقولك
تقريبامعظم كافتريهات كوستي عمالتها اجانب . مهن تركيب السراميك معظمهم اجانب . تصليح البوتجازات .. بيع الادوات المنزلية في البيوت اجانب .. اجانب لا يخضعون لسيستم الدولة في دفع الضريبة ولا استخراج الاوراق المطلوبة للعمل والسكن . يسكنون كمجموعات داخل الاحياء

شيخنا الترابي رحمه الله وغفر له وشمله في جنانه قال انا قعدت مع حسني مبارك وقلت ليهو تعال السودان فاضي وانتو كتارونحن اساساً خليط من اجناس واعراق مختلفة .. بعضهم منكم وبعضهم من غرب افريقيا وبعضهم من الحبشة وهكذا...
قبل ميتين سنة صادف أن مُنع القطر وجف الضرع مع أحدى حماقات زعيـم قومي سوداني فكانت مجاعة سنة ستة .. فهلك من هلك وهرب من هرب وبقى قلة تقل عن الأرض الشاسعة المهملة...و
مرة اخرى امتلأ الوطن حتى فاض باهله فخرجوا يعمروا ارض قوماً اخرين..قبل خمسين الف سنة شرق افريقيا كانت الحاضنة الفرخت ال Cro-Magnon الأول العمروا اوروبا وخلفوا بشر في المانيا مثلاً كانوا اسوأ امثولاتنا في الفاشية والنازية واجمل امثلتنا في الترحيب باللاجئين الانسانيين ..
وفي كل الخمسين الف سنة دي السودان كان مفرخة ومعبر للاقوام البشرية .. وملاذ للبعض منهم مؤقتاً فكما استقبل اليهود واليونان والاقباط والهنود واليمنيين قبلاً ورحلوا منهم وقد تركوا بصماتهم وعمارهم وخلفوا ذكرياتهم بأجملها فسيواصل في استقبال غيرهم ويبقى معبر خلافهم من أصول البشرية ومعمري قاراتها في الكون..وسيبقى كل جيل وشعب يمر بارض السودان يظنها وطنه ومحل خلوده وفخره وهو انما عابر على ظهرها سواء متحيزاً لهجرة لظهر اخر او عابراً الي بطنها فيه..
الترحيب باللاجئين بلا شروط غير البحث عن السبل في أقلمتهم واندماجهم بالمحيط الجديد وتسهيل سبل تمكينهم من الانتاج والحياة والتكاثر والاندماج هو ما يخلق فرص الحياة للمجتمع البشري بسلام ويستطيوا ان يواجهوا المتغيرات في الطبيعة وسنن الكون التي تتحكم في مسارات هجرتهم واستيطانهم عبر المناخ والقتال على الموارد ...التعامل مع اللاجئين بانهم اخوة وشركاء الانسانية في الماء والنار والكلأ التي وصى بها اكمل البشرية واتمهم عقلاً عليه افضل الصلاة والسلام بيقول انه كل لاجئ مواطن وكل مواطن من حقه ان يسعى لتنظيم وتصحيح بيئة وطنه ارض استقراره او معبره الجديدة ..
مع تحياتي لك يا ود المشرف مع تفهمي لوجهة نظرك ورأيك لكن ربط المواطنة بالجنس او العرق ما بيصلح الا في المجتمعات العشائرية البدوية كما يوجد هنا بالخليج والنشأ عندهم الفهم دا من زمن حمى الارضوحماية المراعي ود اظنه الجاب فلان ابن فلان آل فلان قبيلة كدة ليكون الاسم هو جواز مرورو عبر ارض الغير او مستند اعلانو عن احقيتو في السعي عبر حدود حمى قبيلتو ..
لو ايدتك في وجهك نظرك منطلق من حس قومي وغيرة على أرض ولدنا فيها .. الحايصيغ قانون تعزيز تقدير اسم الوطن منو في واقع الحكومة دي..!ويستند على ياتو بند في الدستور !انا بحس بخلفية غير قانونية بقول الشغلة دي ممكن تتلاقى جينياً مع مادة خيانة البلد .. :)

تحياتي


...........

يا ابو السيوف معلومة ترحيل المصريين خطأ, هم مسكوهم وحققّوا معاهم و افرجوا عنهم وحفظت القضية لإنتفاء القصد الجنائي حسب ما ذكر نائب عام دبي
التفاصيل هنا
http://24.ae/article.aspx؟ArticleId=212328

Quote: العنصرية فى مصر " شهادة شابة أمازيغيه تونسيه " (أن السخرية من السودانين و النوبيين مثل الخبز اليومي و أمر شبه عادي تغلل في شوارع قاهرة المعز )!! دي خسارة فيه -بقلم : الناشطه الامازيغيه "مها جوينى" المتحدث الإعلامى للكورنجرس الامازيغى العالمى بينما كنت أمشي مع صديق السوداني قرب شارع الألفي بوسط البلد ، في القاهرة ، صرخ شاب مصري يعمل بمحل للحقائب اليدوية غاضبا :"دي ولاهي العظيم خسارة فيك" .. ضحك صديقي السواداني وقال :"بصراحة أحييه على صراحته فيه غيرو بيشفوني معاك و ميقدروش إيقلوها" ...قلت في نفسي ماذا سيقولون ؟ و مالذي يدفعهم لقول ذلك ؟ وهل غدى المشي مع السودانيون في شوراع مصر يثير غضب الناس ؟ للأسف نعم ... فهنا علامات العنصرية تلمع في أعين بعض الناس، كيف لا و بنت شابة تمضي مع أسود سوداني .. يا نهار إسود .. هم الرجالة البيض إنقطعوا ؟ عبارات قرأتها في أعين النساء و البنات اللاوتي كن يسترقن النظر لي . و هناك من و أشارت بإصبعها لنا و هي تتحدث مع صديقتها و نحن نمشي قائلة : بصي عاملين إزاي .. مسكت بيد صديقي بكل روح مرحة و غنيت معه نعان الجنينة المسقي في حيطان لمحمد منير، محاولة بذلك تجاوز ما يحيط بنا من تمييز ، متحدين لأغاني العلبة الذهبية و سعد الصغير التي تسمم الآذان . إتجهنا نحو شارع البورصة الذي يعج بالمقاهي ، هناك قام أحد القهوجية بمناداة صديقيب "يا زولة" ليستضيفنا للجلوس في مقهاه ،تحمل تسمية* زولة * بين طياتها سخرية و تهكم و إحتقار للرجل السوداني الذي يسمى في وطنه زول و ليس زولة . بكل برودة دم لم نلتفت بل ضحكت و أكملت قائلة :في عشق البنات أنا فت نابوليون ... أرى أن السخرية من السودانين و النوبيين مثل الخبز اليومي و أمر شبه عادي تغلل في شوارع قاهرة المعز ، فأذن صديقي تعودت على سماع أكثر من هذه النعوت ، إذ ناداه مرة سائق تاكسي" بعصمان" بلهجة أهل السودان يعني عثمان ، و يحملنا إسم عصمان لأدوار مثل عصمان السفرجي عبد المنعم البواب " و عبد الله السواق التي لا تفارق الدراما المصرية .حيث تنحصر صورة الممثل السوداني دائما في العمالة المنزلية و حراسة أبواب العمارات ، فهور دائما يظهر بصورة الخادم البسيط الأمي الذي لا يعرف شيء من الحياة سوى ما يراه في بيت الباشا المصري هناك حيث يطيع السوادني سيده المصري دون شروط و يستحمل طيش أبناء سيده و يلبي رغباتهم ، أما المرأة السودانية فهي تظهر دائما على بداوتها و طبيعتها بلباسها التقليدي و لم يتجاوز حضورها دائرة الدادة نعمات"التي تهتم بالأبناء و ترعاهم في ظل راحة أمهاتهم ، الخادمة المطيعة بجالابيتها المزركشة و العجوز التي تقرؤ الكف و تطرد الجان. إن مظاهرالتمييز ضد السودانين تجاوزت الأعمال الدرامية و السخافات التي يلتفظ بها بعض الناس هنا لتصل إلى مراحل متطورة من العنف المادي و الجسدي فالبارحة مثلا تعرضت طالبة سودانية للعنف من قبل زميلة لها لأنها كانت تلبس لباس سوداني تقليدي ، كما رفض المرة الفارطة صيدلي تقديم دواء لإمرأة سودانية كما قامت إمرأة مصرية بضرب فتاة سوادنية في الباص على مرأى و مسمع الناس ، كل هذه الممارسات تلقى الرفض و الاستهجان في الوسط الحقوقي المصري لكن الاستنكار لا يعدوا ان يترجم في بيان او مقال لا ينزل الى ارض الواقع ليصل لعامة الناس . و يستمر مسلسل التمييز العنصري ضد أهل السودان و في الحديث عن السودان ألاحظ أن إسم هذا بلد يقلق بعض المصريين من لم يتجاوزوا ذكريات أيام جمال عبد الناصر و القومية العربية وشعارات مصر أم العرب إذ يقول هؤلاء :"أن إسم سودان هو إسم وليد المخططات الإستعمارية و لم تقم أبدا دولة بإسم السودان لقد كانت كلها أرض مصر "... و إن كانت السودان مصرية لكن قائد الأمة العربية جمال عبد الناصر تخلى عنها في 1956 و غدت السودان دولة مستقلة .. فعن أي وحدة بتحدث هؤلاء ؟ . . رغم أن البلدين يتشاركان في نهر النيل ، عفوا هنا النيل ينسب فقط للمصريين كما تنسب لهم فقط الآثار الفرعونية رغم أن جزء كبير موجود منها في السودان لكن هذا لا يذكر ، ربما لأن البعض من النخبة المصرية لم يخرجوا بعد من مرض الآنا و شعار مصر أم الدنيا ، و مصر أم العرب رغم أن مصر المحروسة فقدت دورها الاقليمي في الشرق الاوسط منذ زمان و لا يزال هؤلاء لم يغادروا بعد أفلاكهم العاجية ، ليرو ما يحدث حولهم من جرائم تحاك ضد جماعة من الناس .. إن إستعمال عباره جماعة من الناس يكون أفضل من عبارة أشقاء عرب و إخوة و أغاني الحلم العربي ، لأن معاني جملة إحنا عرب زي بعض" تغيب و تفقد معانيها إذا تعلق الأمر بالشعب السودانيو بحقوقه في مصر . كيف لا و هم جماعة سود ، تصاغ عنهم عديد النكت في الغباء و في الافراط في الطيبة ، ويشتهرون بالكسل و الخمول و بحب اللحمة و آكل الفول و البداوة و قلة القيافة . فكل سوداني عصمان و كل سودانية خدامة و من هذا المنطلق صرخ ذلك الشاب المصري بأعلى صوته :"دي و لاهي العظيم خسارة فيه" .

يامستنير الافضل نرد ونوقف كل متطاول فينا في حدو ولا ننتظر الناس يردو لينا كدي اكتب ايو شئ يخص مصر ولو في صفحتك في الفيس وشوف ردود افعال المصريين يااخ ديل قبل كده قطر وبسبب قناة الجزيرة الفضائية ماخلو ليهم صفحة يرقدو عليها

Quote: لا بد من رد فعل قوي تجاه السلوك المشين والمتكرر من هؤلاء اللاجئين السوريين, ومع كامل تعاطفنا الانساني معهم كلاجئين ولكن يجب ضبط الامور وبحيث يحترموا هذا البلد لكي يستحقوا الاحترام الذي يليق بهم. إستقبل السودان لاجئين من كافة الدول الافريقية المجاورة .. كما صدر لاجئين لدول أخرى عديدة في زمن الغربة والارتحال هذا القبيح.. ونفهم جيدا معاني الجمال الانساني الذي قد يجمع الناس بكافة اشكالهم والوانهم وخلفياتهم .. ونؤمن جيدا باشتراكية الاحزان والمقاسمة الوجدانية قبل مقاسمة المأوى والطعام. لن تجد شعبا يفهم ذلك كما اهل السودان.. ولكننا وقبل كل ذلك يكون الاحترام المتبادل هو الاساس السوي والوحيد والذي تنبني علية كافة الاشياء الأخرى.

هكذا استهل الصديق د. المشرف هذا البوست
أظن لا أحد يختلف معه في هذه الافتتاحية، فمن أين جاء الاختلاف الذي وصل أحيانا إلى درجة.. الشَكَل (تخفيفا للكلمة المناسبة) وأحياناً التخوين والتجريد من الوطنية،
ترى من أي نقطة بدأ الاختلاف؟ من أي مداخلة أو رد؟
حقا: الشيطان يلبد في التفاصيل

عندي يا مُعاوية، ثقافة شفوية كبيرة عن الشيوعيين بحكم صداقات كثيرة.
واحد من الشيوعيين المسالمين جدا و المستنيرين جدا قال لي مرّة حكمة عن الأستاذ نقد:
قال نقد قال ليهم: لو واحد من الزملاء غلط وقال ليهو كلام ما مظبوط؛ ما تلاوهو فيهو، خلوهو شوية برجع براهو للصواب،
لكن لو لاويتوهو× بحرن وبتاخدو العزة بالإثم
أها أنا أهنا عترف بالرغم من صواب نظرتي، إلا أنني ساهمت عن قصد في إثارة ربع المستنير دا، وقفلت له نفاج التراجع

غايتو الواحد متحير .. متحير شنو؟ متحير عديل ..
عاوزين تقفلوا السودان وتنظموهم أقفلوه برضو من الشرق والغرب والجنوب .. قبل يومين عاملين مظاهرة بإسم الإنسانية للسماح للجنوبيين بالتدفق للشمال بإعتبار أن البلد بلدهم ، رغم أنهم قالوا باى باى وسخ الخرطوم وصوّتوا للإنفصال بنسبة تقارب المية فى المية .. وكذلك منذ عشرات السنين ظل ملايين الأثيوبيين والأريتريين لاجئين مختلطين بالسودانيين بدون ما زول يقول ليهم عينكم فى راسكم .. أما من ناحية الغرب فقد ظلت حدود السودان صفّاية والقون غنماية والجوة دعاية .. فاتحة طول العام لهجرات ما معروف أولها من آخرها .. وكل هؤلاء الأجانب من كل الجهات يتوجهون رأساً للعاصمة يزاحمون أهلها المأكل والمشرب وكل الخدمات فتضخمت العاصمة وترهلت وتضاعف عدد سكانها واتسخت وتوسخت حتى أصبحت نظافتها شبه مستحيلة .. كيف تنظف والناس تاكل الموز وترمى فى الشوارع، تسف وتبصق فى أقرب مزهرية .. وللأسف لأ أهل البلد ولا الوافدين ولا الحكومة عندهم أدنى إحساس بأنهم وسخانين وعايشين وسط عفن .. والعفن ده بالمناسبة ما شئ أصيل عند أهل المدينة والدليل إنك تدخل أفقر بيت تجده غاية فى النظافة مفرّش ومرشوش ومقشوش حيث إنو البنات نضيفات ولا يرضين العفن والوساخة ـ شغالات اليوم كله تنظيف وتلميع للبيوت .. إذن الشكلة هى الإحساس بمسئولية النظافة خارج البيت .. فالملاحظ أن هذه القاذورات العجيبة هى فى الأسواق والمناطق العامة حيث يختلط الحابل بالنابل وحيث ولد البلد ذاتو يتعامل مع ما حوله كأنها ليست بلده .. فبالأحرى كذلك الأجنبى الوافد ـــ وهم طبعاً وافدون فقراء ــ لا يهتمون بأى سلوك حضارى فى بلداً ما بلدهم ، وهم أصلاً جاءوا للبلاد عشوائياً من بيئات أعفن وأقذر .. ولذلك وساخة الخرطوم لا تلفت إنتباههم .. ونظافة المناطق العامة هو مسئولية الحكومة الحرامية لا شك كما هى مسئولية المواطن المهمل برضو ــ مسئولية مشتركة ــ ..
وذلك عكس هؤلاء السوريين الذين تعودوا على بلاد نظيفة ـــ نسبياً ـــ وهو ما جعل أول رد فعل لهم هو الإنتباه للوساخة لدرجة السعى فى التنظيف بيدهم وشمروا السواعد ونزلوا الشارع .. فالوساخة لا تطاق .. ومفروض شباب السودان يستلم منهم المقشة ويقوموا بالشغل .. لكين بى وين مع الكسل والقلب الميت ..

كدى شوفوا صورة السورى ذو البطاقة السودانية الفوق دىك .. أخونا جاب الصورة مستنكراً هذه البطاقة، والمسكين ربما ماعارف إنو يمكن نصف أعضاء المنبر يحملون بطاقات أجنبية من أرقى دول العالم وليس مثل هذه البطاقة التعيسة التى تدخل صاحبها فى المشاكل أكتر مما تحلها ليهو ..

محمد المشرف كنت أحسبك ستغير على وطنك بالخجل من هذه المناظر البائسة بدلاً من حكاية الغلبو الحمار قام يتشطّر على البردحة .. ويجب إنو تاخد بالك إنو الأجانب الوحيدين المنظمين الذين يدخلون ويخرجون من البلد بالقنوات الرسمية هم العرب والمصريين .. باقى الأجانب يدخلوا كيرى ساكت..

المداخلة الأخيرة دى كانت فقرة فى المداخلة الأولى ــ سقطت من الكت آند بيست .. يمكن ظاهرة كأنها شتراء ..

تحياتي عزيزنا شاهين شاهين كتبت

Quote: من الاهم استاذى كمال عباس , الوطن ام البشر ؟ . قبل مليون سنة من الان لم يكن هناك سودان .. بعد مليون سنة لن يكن هناك سودان , لكن سيكون هناك بشر . البشرية هى الاعلى , والباقى اختراع قابل للالغاء .. من الذى قسم الناس الى اوطان ؟ ومن الذى رسم الحدود بهذا الشكل ؟ . ما الذى يجعلنى احب السودانى وادافع عنه ولا احب السورى والهندى والصينى وادافع عنهم ؟ . البشر هم القيمة الحقيقية .. احترام البشر هو المراد .. ضد الموت وضد الحرب فى سبيل علم او نشيد قومى او تراب وطنى ومع السلام الدولى وحركات وقف التسلح واجراء التجارب النووية . المُضطهد هو الاقرب لى فى اى مكان فى العالم , اقرب لى من اى مُضطهِد سودانى لان مصلحتنا واحدة .

كنت أتمني أن ننقاش هذه الجزئية الفكرية والثقافية في بوست متخصص ـبعيدا عن خلفية وذيول نقاشنا في هذا البوست، كذلك كنت أتمني أن ننقاشها بتوسع ولكني إكتفي بهذه المحاور:* في إعتقادي أن الإنتماءالإيجابي لوطن ما لايتناقض مع الإنتماء للإنسانية الرحبة ولاالنزعة الكونية النبيلة والشاملة أنت تنتمي لأسرة فتحبها وتعطيها بلا شروط وتنتمي لعشيرة وأهل وتتفاعل معهم وكذلك لمنطقة (قرية ، حي أومدينة) فهذا أيضا مفهوم يأتي الإنتماء للوطن ضمن سلسلة دوائر الإنتماء هذه * الوطن لا ينحصر فقط في ثنائية الأرض والإنسان وإنما في الإرتباط والتفاعل مابين هذه الثنائية ( العادات والتقاليد المشتركة والثقافة اللغة واللهجة والتاريخ والمصير المشترك والإقتصاد والرقعة الجغرافيا التي حوت كل هذا التمازج والماضي والحاضر الخ * من التداخل مابين عناصر القومية برز روح الإنتماء الوطني والغيرة والعطاء هذا الإنتماء قد يكون إيجابيا وتقدميا وقد يكون متخلفا ومتقوقعا ومتعصبا لذا وجب التمييز progressive nationalism / Progressive Patriotism الوطنية الإيجابية والتقدمية و aggressive nationalism / Expansionist nationalism القومية المتعصبة ، الرجعية ، التوسعية والعدوانية* بإسم الوطنية إرتكبت الحروب ومورس العدوان والإستعمار والتعالي القومي وإنتهكت إنسانية الإنسان وتم الحط من قدره لمجرد إنه ينتمي لوطن آخر ! * بإسم الوطنية تعالي الإنتفاخ القومي والتعصب المرضي والشيفونية والشعور بإن إمة ما خير الأمم وأشجعهم وأكرمهم وإنقاهم ـ نحن التبر وغيرنا تراب ونشرب اذا وردنا الماء صفوا...ويشرب غيرنا كدرا وطينا!* تم التوسع والإحتلال بإسم الوطنية ومورست النازية والفاشية بإسم القومية ومورس الإضطهاد بإسمها وتم الإدعاء بالسمو والنقاء تحت راية الوطنية ، وكذلك برزت إتجاهات الإنغلاق والإنكفاء الذاتي وعدم الإنفتاح والتلاقح ومعاداة كل وافد من وراء الحدود بإعتباره دخيل يفسد قيمنا ويعكر تمازجنا ويخل بقيمنا وموروثنا ! * الوطنية الإيجابية تنفتح علي الإنسانية ويعتبر الوطن فيها زهرة في البستان الكوني و مشهد في لوحة أممية تعج بالتنوع والتعدد وتدعو للتسامح والتعائش ترفض العدوان والتوسع ، تنفتح علي الوافد وتجيير اللاجئ وتغيث الملهوف وينتفي فيها الإدعاء بالتمييز والإصطفاء والكمال الوطني وتحقير الآخر! هذا الضرب من الوطنية إيجابي يصب في مجري الإنسانية الصافي ، يضيف ولايخصم إنه يردد مع المعري: ولو أني حبيت الخلد فردا *** لما أحببت بالخلد انفرادا فلا هطلت علي ولا بأرضي *** سحائب ليس تنتظم البلادا

Quote: .. وكل هؤلاء الأجانب من كل الجهات يتوجهون رأساً للعاصمة يزاحمون أهلها المأكل والمشرب وكل الخدمات فتضخمت العاصمة وترهلت وتضاعف عدد سكانها واتسخت وتوسخت حتى أصبحت نظافتها شبه مستحيلة

منير سلامات يا حبيب
ويبين الغيبة الطويلة دي؟؟

غايتو يا منير انت كده بقيت مقنطر لأمير (الرايات الأربعة) عشان يجندك لحزبه..ههههههه

الفرق انك بتشوف (الأجانب) وهو بشوف ناس (الضهار)....

تحياتى....

وينك ياسيف اليزل .. كل سنة وإنت طيب ..
دايرين نكون متوازنين ياخ .. البلد فاتتحة داخلاها الهبوب من كل الجهات .. العاصمة فى السبعينات يمكن عدد سكانها ما محصِّل مليون .. الآن يفوق العشرة مليون بنفس الإمكانات القديمة .. ياخى بالنسبة لبحرى فإن شمبات القريبة كنا نعتبرها ضواحى .. هسه ماممكن ياخ يقول ليك ساكن الحارة ٩٥ .. الناس تعاين للماسورة المكسورة على البلد هجرة عشوائية بدون أوراق ونزوح عشوائى، ينسوا ده كله ويقبلوا على المصريين والسوريين البجوا بالمطار الرسمى .. عنصرية لون ساي بس .. وبالنسبة للإساءات قول كويس إنو الأولاد ديل ماقالوا الشعب عفن بل سخروا من البيئة .. السودانيين لمن يمشوا بلد العرب الأغنياء لا يستطيعون ذم البيئة الوسخانة ــ مافى طريقة ـ بل تصيبهم الصدمة الحضارية من البيئة ولكن لا تسلم الشعوب من الإساءة كأن يقولوا ليك العرب ديل أغبياء أو أجلاف أو لولا البترول كان يكونوا بهايم ساى .. أو نحن العلمناهم وأول محافظ لأبوظبى سودانى وأول وأول .. إلخ ..

أها بعد كلامى ده .. كلام الرايات خلو، إنت رايك شنو؟؟ .. 😏

Quote: المداخلة الأخيرة دى كانت فقرة فى المداخلة الأولى ــ سقطت من الكت آند بيست .. يمكن ظاهرة كأنها شتراء ..

يا منير المشكلة التي تُناقش هنا ليس دخول الأجانب
المشكلة في الأجانب الذين يدخلون البلد لاجئين ويشتموها ويصفوها بالعفنة
أما الجنوبيون فمن حقهم يصفوا البلد بأي شئ لأنهم أهل بلد
وقع ليك موضوع البوست

معاوية الزبير ياذكى إنت.. لست أنت من تنبهنى لموضوع البوست ..
شوف ليك شغلة أقضاها ..

لو بتفهم كان إنتبهت إنو مداخلتى شاملة لكل أبعاد المششكلة ..
ومنو القال ليك الجنوبيين أهل بلد .. ده قرار قاطعه من راسك؟؟

من الامثال المحفوظة عندنا
رازة ونطاحة
مارفضنا لجوء الناس . لكن يقنن زي ما نحن لامن نمرق برة بيقننونا ويدخلونا السيستم ويفرضو علينا معايانات وغيرو . واوراق ومعسكر
يقدم الدعم ليهم بشكل متعارف عليهو .
الوضع ممكن ينفجر زي ما انفجر في بلاد تانية ونخش في حركات نازيين جدد

Quote: معاوية الزبير ياذكى إنت.. لست أنت من تنبهنى لموضوع البوست .. شوف ليك شغلة أقضاها .. لو بتفهم كان إنتبهت إنو مداخلتى شاملة لكل أبعاد المششكلة .. ومنو القال ليك الجنوبيين أهل بلد .. ده قرار قاطعه من راسك؟؟

معليش يا منير
أنا كان عندي مداخلة سابقة قصدت منها استعدال البوست الذي انحرف وجاب ليهو شَكَل وإساءات
لذلك حاولت تنبيهك إلى الموضوع الرئيسي للبوست
فإذا بالحجّاز ياخد عكاز في راسو الغليد الما بفهم دا

يااخوانا دكتور محمد مشرف كتب البوست دا بسبب هذا الكلام الكتبوا السوري وقال (من السودان من قلب العفن اشعر بالعفن)

وجاء دكتور محمد مشرف وكتب

Quote: Quote: لابد من رد فعل قوي تجاه السلوك المشين والمتكرر من هؤلاء اللاجئين السوريين. وكتب Quote: لابد من رد فعل قوي تجاه السلوك المشين والمتكرر من هؤلاء اللاجئين السوريين, ومع كامل تعاطفنا الانساني معهم كلاجئين ولكن يجب ضبط الامور وبحيث يحترموا هذا البلد لكي يستحقوا الاحترام الذي يليق بهم. إستقبل السودان لاجئين من كافة الدول الافريقية المجاورة .. كما صدر لاجئين لدول أخرى عديدة في زمن الغربة والارتحال هذا القبيح.. ونفهم جيدا معاني الجمال الانساني الذي قد يجمع الناس بكافة اشكالهم والوانهم وخلفياتهم .. ونؤمن جيدا باشتراكية الاحزان والمقاسمة الوجدانية قبل مقاسمة المأوى والطعام. لن تجد شعبا يفهم ذلك كما اهل السودان.. ولكننا وقبل كل ذلك يكون الاحترام المتبادل هو الاساس السوي والوحيد والذي تنبني علية كافة الاشياء الأخرى وكتب Quote: . ظهرت في الفترة الاحيرة صور وتعليقات فيها الكثير من الازدراء للسودان واهله من هؤلاء اللاجئين .. وعن هذا يدور موضوع البوست . وكتب Quote: الملاحقة القانونية لكل ما يزدري ويحط من قيمة هذا الوطن العاجبنا ومالي عينا هي سلوك حضاري وواجب وطني .. المقاطعة للمؤسسات والمحلات التجارية ذات الصلة بكل من يزدري او يحط من قيمة هذا الوطن هي حق مجتمعي أصيل .. تقنين الاوضاع الشخصية والتجارية والوظيفية بما لا يتعارض مع مصالح اهل السودان هو مسؤولية مباشرة للدولة السودانية ..

طيب يااخوانا الناس تسكت للاساءات دي .
وتقول اسيئوا السودان انتوا يا الاجانب باجمل ماتملكون من الاساءات ونجيكم نحن بالاعذار ولا كيف؟

Quote: كان كده كل الناس اغبيا

وبعضهم مشاطات...كمان....يعني انت ما غبي انت مشاطة
قلنا ثقاةفة اقطيع والمباراة من بوست لي بوست دي نخليها
الناس ديل استكترو الخرطوم بتاعتهم الشينة والوساخانة دي على ناس الاقاليم...زعلانين ليه لمن قيمها لهم من جاء من مكان انظف منله
تقعد تحلور فيه فيه موضوع البوست يعمل ليك جلسة علاج نفسي
ولى انت قايل الشيوعي ما بكون غبي او الدكتور ما بكون غبي

يامعاوية ياخى إنت ماشايف إنو خطابك لى فيهو محاولة تتفيه لكلامى كأنما هو برّة الموضوع؟؟ .. وختمت بالجملة الإستفزازية بتاعة وقع ليك موضوع البوست ..
أنا عارف إنو كلامى ما حيعجب الكثيرين الشايلاهم الهاشمية.. لكنى على أى حال أعبّر عن الحقائق الشايفها قدامى بمنظور مختلف .. فبالنسبة لى الغيرة الحقيقية على البلد ــ وأنا أحب أستخدم كلمة البلد لأنو كلمة الوطن دى أصبحت جوفاء من كثرة الإستهلاك الزائف ــ تكون بالخجل من الوساخة التى جعلت الغرباء يشمئزوا منها .. مش لأنهم كرور سوريين أو أى كرور من دول أخرى، ولكن لأن الوسخ شئ مخجل للزول العندو إحساس .. أنا جبت ليك أسباب جزئية موضوعية لألقى الضوء على جوانب يتعامى عنها الناس .. لكين على العموم فكونوا السوريين ينتبهوا لقذارة العاصمة ده شئ بديهى ومتوقع والمخجل هو أن السودانيين والمسئولين ما منتبهين للوساخة .. ولا يحسوا بها إلاّ بعد سفرهم لبلاد الغير ويروا النظافة فيكتشفوا كم هم وسخانين ..

Quote: يامعاوية ياخى إنت ماشايف إنو خطابك لى فيهو محاولة تتفيه لكلامى كأنما هو برّة الموضوع؟؟ .. وختمت بالجملة الإستفزازية بتاعة وقع ليك موضوع البوست ..

يمكن يا منير شكل الكلام يوحي لك بذلك لكن ما كان قصدي.
نقطة.
لكن برضو بقول ليك لا خلاف في هذا البوست على مشكلة الأجانب (باستثناء مداخلات الزميل شاهين، وهي فلسفية تستحق التأمل)
الخلاف هو لماذا يشتم الأجانب البلد الذي آواهم، وكيف نرد عليهم. هنا كان الخلاف الأساسي.
صاحب البوست ذاتو معترف بوساخة العاصمة وعفنها وقذارتها، لكن مافي داعي الغرباء يبشّعوا بينا في مواقع التواصل
وقع ليك

Quote: لكن مافي داعي الغرباء يبشّعوا بينا في مواقع التواصل

ود الزبير مسا الخير
تواصل شنو الفلسطينيين قبل ده في سوق شندي ظاهرو عديل اسرائييل ولا المعاقيل
الفينا مكفينا ووسخنا عارفنو وبنيتنا من صحة وتعليم عارفنها اها لامن نقسم معاهم ينبزونا مابنرضاها
سوعال دعمنا القضية الفلسطينية من ايام لا لا لا يوم سمعتو فلسطيني او سوري طلع شايل ليو لافتة مكتوب فيها تضامنوا مع اهل الخرطوم فانهم عايشين وسط الاوساخ او البشير كتل وليداتوم في الشارع بالرصاص العلاقات بين الشعوب والدول موش مفروض فيها رعاية مصلحة وندية وتحاحي لي احاحي ليك ولا طوالي نحنا نتبرع بالدم والدهب للفلسطينين وهم ساكنين مرتاحين وكهربتوم فل الفل وعندهم صرف صحي وزيت زيتون نقي وفي اقل ملف يدونا في ضهرنا

Quote: عادل أمين وصفنا في وصف بالمنبتين ومجهولي النسب وبلغت جرأته أن طالبنا بايراد اسماءنا الثلاثية (والتي نكتب اصلا بها) في اشارة لا تخفى على أحد .. وأتى هنا حاملا قاذورات الجداد من نافذة الفيبوك والقاها في باحة البوست .. وكان الرد المناسب تناول منتجو الاسفيري ووصفه بالاجترار وهو كذلك .. ولا اتردد لحظة في توصيفو هو ذاتو بالحيوان, فلقد وصف الناس كثيرا بالحيوانات وما صورة الكلب الذي يحمل طوق عبوديته الا شاهدا على ما اقول..

الدكتور العجيب الذى يريد يقال له عالم وقيد قيل
الناس في البورد ده عندها مخ وبتقرا وتمييز ما عايزين زول مضطرب زيك يوريهم انا بكتب شنو؟
تاني من حق اي شخص في الفيس بوك تحت تنقل وجهة نظره وترد عليها
شوف انا مستهدفك لانك شيوعي وليس لامر شخصي ...تكون من نجلت المركز او تكون من مروي شرق.ما يهمني .واتحدى اي شيوعي في البورد ده من زمن القدال وحستو والجبهة المعادية للاستعمار والحزب الشيوعي السوداني وبالوثائق وبي كتب ومكتبة الحزب الشيوعي نفسه والناس المبارنك ديل يجو في البوستات المفتوحة على الملاء وبلغ زوراها ا على لاقل 3000 شخص وده عدد كافي جدا في البورد ده..
وقبل كده ضللت الاخ منير ووقعد تفسر حسب هواك....لي كلامي الواضح جدا...
وهسة رغم ان موضوع البوست ده نفسه مهبب
خرطومك الزليتو فيها الجنوبيين دي والمليانة عاطلين عن المواهب دي ومستكنرنها على ناس الاقليم نحن بنقدم خل شامل في مستوى السودان وبرمحعية اتفاقية نيفشا ودستور 2005
1- ينقلو العاصمة كوستي
2- يرجعو الاقاليم بتاعة العصر الذهبي ويحكمها ابناءها من القبائل االسيادية وبالديموقراطية الخلوها لينا الانجليز وليس بالايدولجيات المصرية المعفنة فعلا..بلا دوابر خريجين بلا بطيخ الشعب السوداني لا ينتخب الحثالة ابدا
3- ونزح من جامعة الدول العربية ومن تحت جذم االمصريين بااستفتاء حر من الشعب السوداني الذكي

منير ده بتكلم مع منو ؟!
منو العاوز يقفل البلد ؟!
ومنو العمل مظاهرة عشان الجنوبيين ؟
ومنو القال ما يستقبلو اللاجئين ؟!
ومنو القال انو البلد (لا الوطن) ما وسخانه ؟!

ده يقود مباشرة لكام معاوية الزبير

Quote: هكذا استهل المشرف هذا البوستأظن لا أحد يختلف معه في هذه الافتتاحية، فمن أين جاء الاختلاف الذي وصل أحيانا إلى درجة.. الشَكَل (تخفيفا للكلمة المناسبة) وأحياناً التخوين والتجريد من الوطنية،ترى من أي نقطة بدأ الاختلاف؟ من أي مداخلة أو رد؟حقا: الشيطان يلبد في التفاصيل

أعتقد يا معاوية انو كل زول بقرأ بي خلفية مسبقة ويجي يكب ليهو كمية بتاعت جاز محروق سلفا ويمضى في ملكوته حيث يمضي الناس لملكوتهم .. أعتقد ذلك ؟!

https://postimg.org/image/7fu4kiuon/

https://postimg.org/image/3yq325d1t/https://postimage.org/photo hosting sites

https://postimg.org/image/kqiy41djb/https://postimage.org/pic host

موقفي من هذا الشاب السوري أن الحظ العاثر قد فضح الذهنية التي يتعامل بها مع السودان وأهل السودان .. واعتقد انه وبدوره ضحية لثقافة تحتقر الاسود كما هو ضحية لحرب طاحنه ومأساة انسانية عظيمة ..

هل اتعاطف مع هذا .. نعم بالتأكيد ..
هل يجب ان اتعامل باستكانة او تجاوز.. قطعا لا

ماذا بيدي ؟!
اللجوء للقانون
الدعوة لسن قوانين ملزمة للاجنبي في بلدي ان يحترم بلدي وانسان بلدي
ثم المقاطعة لاي نشاط تجاري مرتبط بمثل هذه العنصرية الفجة والاحتقار لبلدي داخل بلدي ..

https://postimg.org/image/cr0t3tml3/https://postimg.org/image/cr0t3tml3/


https://postimg.org/image/4z17fmg47/https://postimage.org/image hosting 30 mb

بوست مؤسف جدا ..
ومحبط لحد بعيد ..

تحياتي لكل من مر من هنا (عدا ابوبكر عباس) ...

....

لن اصادر فرصة احد لاضافة تعليق ..

ناس جو بلدنا هروبا من جحيم بلادهم . .
وبعد ان امنو و شبعو واستثمرو كمان . . قامو شتمونه . .
و البعض مستكتر علينا حتى مجرد الزعل . .

لا تبتئس يا ابن الزبير
البوست ده كل واحد دخلو و عكازو ورا ضهرو
مساكين نحنا الجينا و ايدينا فاضيات
اهو بعد الكبع طلعنا مشاطات
انتو حكاية شيوعى دى شنو
اى زول لسانو احمر تقولو عليهو شيوعى !!!!!
يا ود المشرّف طالما اصابك الاحباط و ح تكسح من بوستيك زى كسحة بشاشة من البورد
اسمح لينا نخوض معركة الكرامة و رد الاعتبار
عاش الحزب الشيوعى فى اى مكان
عاش حزب البعث بشقيه العراقى و السورى
عاشت الوهابية اللابسة جلابية بيضا و مكوية
عاش الاخوان و الاخوات و ناس هى لله
و عاشت القومية الناصرية و الاممية القذافية
تانى فى شنو
يسقط فكر السودان زى صحن السلطة
دى معركة اى زمان زمانا و اى بكان بكانا

Quote: لا تبتئس يا ابن الزبير البوست ده كل واحد دخلو و عكازو ورا ضهرو مساكين نحنا الجينا و ايدينا فاضيات اهو بعد الكبع طلعنا مشاطات انتو حكاية شيوعى دى شنو اى زول لسانو احمر تقولو عليهو شيوعى !!!!! يا ود المشرّف طالما اصابك الاحباط و ح تكسح من بوستيك زى كسحة بشاشة من البورد اسمح لينا نخوض معركة الكرامة و رد الاعتبار عاش الحزب الشيوعى فى اى مكان عاش حزب البعث بشقيه العراقى و السورى عاشت الوهابية اللابسة جلابية بيضا و مكوية عاش الاخوان و الاخوات و ناس هى لله و عاشت القومية الناصرية و الاممية القذافية تانى فى شنو يسقط فكر السودان زى صحن السلطة دى معركة اى زمان زمانا و اى بكان بكانا

عدم الشغلة علم القرد المشاط....
انا ما سايح فرنسي...وانت البدات والبادي اظلم
وعندي 10000بوست هنا. تحت شعار(سودن شريحتك وخليك سوداني ..تعال فيها نفتشك بدل النسنسة البتعمل فيها دي...
وردي قال... واعاف الصديق المت بهم بيك
انقرع.....با ربع دماغ اتت...والمشكلة ربع دماغ وما مستعملوا بي صورة جيدة

ودالشرف ، ما أظن أنى أحتاج أعيد توضيحى ليك بعد معاوية الزبير ..
وفى بوست آخر أنا كتبت أنه يجب محاسبة هذا السورى فردياً.. كيف؟ دى تقدروها إنتو ..
وأيدت الرأى القال عن أولئك السوريين الذين خرجوا طوعاً فى حملة نظافة أن تلك الحملة هى الإساءة الجد جد .. لأنو بالجد أن الإساءة الحقيقية هى أن يحس الغريب أنك وسخان لدرجة العفن وإنت قاعد متصالح مع العفانة ، وكمان تزعل لو قالوا ليك وسخان .. حساسية شديدة ضد الزول الماقادر يستحمل الوساخة وعدم حساسية للوساخة ذاتها ..
بااقى كلامى كان حواشى لأسباب الوساخة وإلقاء الضوء عن أنواع اللجوء والبشرية المتدفقة على هذه العاصمة المعفنة، و التى جعلت تعداد السكان يتمدد من بضع مئات آلاف لأكثر من عشرة مليون نسمة معدمنها النسمة ..
إلاّ بس هناك سؤال معلّق حايم فى الوست متعلق بنقاطك الطرحتها .. وهو محاسبة الإزدراء ـ للوطن ـ بنعته بالوساخة والعفن .. فهل تقتصر تلك المحاسبة على الأجانب فقط أم السودانيين؟؟ وقوقل رأيك فيهو شنو الشايل الفضيحة وحايم بيها إنو الخرطوم أوسخ وأعفن مدينة فى العالم ؟؟ .. هل نحظر عم قوقل كمان ؟؟..

Quote: الدعوة لسن قوانين ملزمة للاجنبي في بلدي ان يحترم بلدي وانسان بلدي

يعني الملاحقة القانونية خليتها لحدي ما تعمل قانونك بتاع النظام العام؟!
يا أخي، كان تقول كدا من أول
يا أخي، بدل نعمل قانون؛
نعمل ديكلاريشن في بوابات الدخول للدولة يعلن فيها الزائر تعهده بالإحترام
ونخلي الإحترام دا مفتوح
يزاحمك في حافلات الشنقيطي؛
تقبقبو وتقول ليهو:
إحترم المواطن يا أجنبي يا نجس!!

التحية للدكتور فقط دون بقيّة المرور

👀

شعب نخبته لم يستطيعوا ان يتفقوا على عدم قبول الاساءة من الغير يستحق الاساءة

في هذا البوست راينا كثير من النفاق وبعض تقنيات كتابة القصص وتذكرت الطيب صالح ذاك العظيم وترحمت ، لا اذكر اي قصصه كان يحكي عن ابن من يعز لا حووووولا
الإسلامويون السودانيون مغيبون وخونة

ياود المشرف كدي أرجع أقرأ البوست دا تاني بعد ماتكون شربت ليك كبايتين جبنة وكباية شاي بالنعناع .. نفسك قائم فيهو من قولة تيت ولم تقوي علي مقارعة المتحاورين موضوعيا فلجأت لوصف بعض الأخوان بما لا يليق .
وبعدين ياخ سوري كاتب كلام في صفحتو الشخصية .. من حقو يكتب إنطباعو عن البلد وأن يصفها وفقا لما يراه هو شخصيا .. نجي نحاكموا ونحاكم كل الإخوة السوريين بجريرة تعليقه !؟

-----------
المستنير وينك ياحاقد

WoW!!
لخ من أمه

Quote: لخ من أمه

عشان اللخ دا ختينا الخمسة فوق الإتنين

Quote: قبل مليون سنة من الان لم يكن هناك سودان .. بعد مليون سنة لن يكن هناك سودان , لكن سيكون هناك بشر . البشرية هى الاعلى , والباقى اختراع قابل للالغاء .. من الذى قسم الناس الى اوطان ؟ ومن الذى رسم الحدود بهذا الشكل ؟ . ما الذى يجعلنى احب السودانى وادافع عنه ولا احب السورى والهندى والصينى وادافع عنهم ؟ . البشر هم القيمة الحقيقية .. احترام البشر هو المراد .. ضد الموت وضد الحرب فى سبيل علم او نشيد قومى او تراب وطنى ومع السلام الدولى وحركات وقف التسلح واجراء التجارب النووية . المُضطهد هو الاقرب لى فى اى مكان فى العالم , اقرب لى من اى مُضطهِد سودانى لان مصلحتنا واحدة .

في هذا البوست راينا كثير من النفاق وبعض تقنيات كتابة القصص وتذكرت الطيب صالح ذاك العظيم وترحمت ، لا اذكر اي قصصه كان يحكي عن ابن من يعز لا حووووولا
إخلاص المشرف .. ياريت تأشرى على بعض نقاط النفاق فى هذا البوست ـ وياريت تدعمى قولك بإقتباسات أو مداخلات أو أسماء ...
مع الشكر ..

ما معني ان تدافع عن لجوء غير منضبط وانت لا تستطيع ان تلجأ لأي بلد الا من خلال مفوضية اللاجئين ولا تستطيع ان تحمل جنسيتها الا بعد استيفاء الشروط
ما الفرق بين من يأتي من وراء الحدود من مالي او غيرها ويتجند ومن يأتي من سوريا ويفتح محل ليس عاملا ولكن صاحب محل ،هي سياسة واحدة تودي بإفقار بلد وإغناء تنظيم

يا د. إخلاص المشرف ، سؤالى محدد .. أرجو أن تنورينا بدون تشتيت ذهنى ..
إقتباسات، مداخلات أو أسماء .. كله ينفع معانا ..

بجيك يا منير برواقه ما بحب الحليفة بس صدقني مشغولة

تحياتي شاهين
وحبابك
بعيدا عن مجريات البوست
هذه الفكرة .. فكرة إنتفاء الحدود من ناحية انسانية عالية راقية بلاشك . يقف دونها الواقع . واقع طبيعة البشر . فمنذ الازل عجز الانسان عن جعل كل الارض ملكا مشاعا .. وتطبيقها دون الٱخرين تبدو مغامرة خاسرة .
إلتبس علي تعبيرك ادناه
لتجارب النووية .
المُضطهد هو الاقرب لى فى اى مكان فى العالم , اقرب لى من اى مُضطهِد سودانى لان مصلحتنا واحدة

ماهو الفرق بين اي مضطهد في العالم والمضطهد السوداني الذي يجعلك تستثنيه من القرب
ولله در ايمن ابوالشعر القائل
احس ان يدي ترتاح ليد الفيتنامي المعروقة
اكثر من يد امراء التخمة

ما نفع الحب بلا عشاق... يعلو صوت من أعماقي ... لا ... لا... لن أمسك بالذيل ولن تمتد يداي

ــ ...أنت مدان...أنت تجاوزت الأوطان...تقرير الأمن يفيد بأنك ضد عروبة هذه الأرض وتعمل من أجل الإنسان

... بأي مكان ٍ أيا ً... كان... ما قولك في هذي التهمة ؟... قولي أن الدمع هو الدمع...بكل مآقي المسحوقين ...

واللقمة وحدة حلم المحرومين ... لو أن العالم ولد حضارياً في البدء ... لما كانت في الأرض سوى لغة واحدة عشقيه...

أتـُميز بسمة هندي ... أو عربي ... فوق المبسم؟

قدر الشفتين بأن تتسع ... لتتبسم... وصراخ الإنسان سيبقى ذات الصوت بأي مكان فيه حناجر تتألم...

لن يقنعني أحد إني أتخلى عن ... أصلي العربي ... إن لم يلتحف الرأس بكوفيه ...

إني أعتز بأني عربي لكني ... سأقاتل قحطان الإقطاعيَّ...بغير جدال... وبغير هدوء... أو رحمة...

إني أشعر أن عروق يدي ترتاح لكف الفيتنامي المعروقة ... لا لخواتم أمراء التخمة...

يا ود اب سن اعتقد مضطهد الأولى - بفتح الهاء - تختلف عن الثانية بكسرها
الأولى تتحدث عن من وقع عليه الإضطهاد و الثانية ااحدّث عن الفاعل

تشكر ودالبشري اقرا من خلال موبايل

مليون سنة من الان لم يكن هناك سودان .. بعد مليون سنة لن يكن هناك سودان , لكن سيكون هناك بشر .
البشرية هى الاعلى , والباقى اختراع قابل للالغاء .. من الذى قسم الناس الى اوطان ؟ ومن الذى رسم الحدود بهذا الشكل ؟ .
ما الذى يجعلنى احب السودانى وادافع عنه ولا احب السورى والهند

يا منير اتفهم مقدار انفعالك والذي جعلك تتداخل معي وانت الذي لا ترد غالبا حتي في بوست يخصك
وانا اكتب من الايفون مما لا يساعد كثيرا فقط أقول احذف بشر وانسانية مما كتب وضع. الكلمة الصحيحة التي يتحاشونها واكتب اسلام وهو اسلام بمقاييسهم هم اسلام كفر باقي السودانيين

مليون سنة من الان لم يكن هناك سودان .. بعد مليون سنة لن يكن هناك سودان , لكن سيكون هناك بشر .
البشرية هى الاعلى , والباقى اختراع قابل للالغاء .. من الذى قسم الناس الى اوطان ؟ ومن الذى رسم الحدود بهذا الشكل ؟ .
ما الذى يجعلنى احب السودانى وادافع عنه ولا احب السورى والهند

يا منير اتفهم مقدار انفعالك والذي جعلك تتداخل معي وانت الذي لا ترد غالبا حتي في بوست يخصك
وانا اكتب من الايفون مما لا يساعد كثيرا فقط أقول احذف بشر وانسانية مما كتب وضع. الكلمة الصحيحة التي يتحاشونها واكتب اسلام وهو اسلام بمقاييسهم هم اسلام كفر باقي السودانيين

أهلاً د. إخلاص .. أول حاجة فاجأتينى بحكاية أنى ما برد على الناس فى بوستاتى .. أنا بالعكس، مابرتاح لو مارديت على الناس .. إلاّ أكون دقست وفاتت على مداخلة .. وغالباً أحاول أرد على الزول بالإسم مع السلام والهظار عشان الواحد يلطِّف الأجواء ويكسب الناس، اللهم إلاّ الناس العندى معاهم مشكلة ..
ثانياً خلينى أقول ليكى إنتى هى الردودك ومداخلاتك مبهمة ، لأنها ما بتكون موجهة لإسم محدد ــ خلينى أكون صريح معاكى بحق الخوة ــ فالمخاطبة المباشرة مريحة عشان الواحد فينا يتحسس نفسه ويشوف نفسه غلط وين .. هسه عبارتك الإتداخلت معاك فيها دى حسيت بأنى مشمول بالمنافقين القلتيهم ديل ــ بحكم إختلاف الآراء ــ فقلت أخير أتأكد وأشوف أنا منافق واللـ لا ... ؟ لأننا ما تعودنا منك إساءات .. وبعدين ردك الأخير بتاع الآيفون ده برضو فيهو تداخل كلمات جعلته ماواضح ..😌

أسفه جدا أستاذ منير وفعلا كتير من مداخلاتي ما بتكون واضحة ودي قالها قبلك معاوية الزبير الله يديهو العافية

Quote: وفعلا كتير من مداخلاتي ما بتكون واضحة ودي قالها قبلك معاوية الزبير الله يديهو العافية

يعنى معاوية الزبير عامل فيها هو المداخلاتو واضحة ؟؟ .. 😎
مو ياهو جاء رشّانا فوق لا إيدنا لا كراعنا ..😑

الحبيب ود المشرف تحيه طيبه
....
غايتو ياود المشرف البفهمو أنا ده ...
من يهن يسهل الهوان عليه ..مالجرح بميت إيلام
...
انا لوبقيت وسخ حألقى البيعلق على وسخى
ولو بقيت معـــفن فى جسمى ده حالقى البقول على مــعفن
ولو بقيت مهمل فى نفسى وفى بلدى حتتلتصق بي
كلمات احتقار كتيره جدا جدا ممن هم حولى
يبقى نبدأ بى فكرنا وبى نفسنا وبى بلدنا
....
اى زائر جاء من بره وشاف حاجه ماعاجباهو حيهبشنا حيهبشنا
إن كان من سوريا والا من كمبوديا
وكل بلد فيها عيوب ونقائص سلوكيه بشريه ممكن نضخم فيها بى راحتنا
بس بصراحه
النضافه وباقى السلوكيات الإجتماعيه الأخرى لايمكن تفعيلها فى شعب لم
يحقن فكريا بصوره واسعه من اجيار سابقه
لكى ينتهج أسلوب اليابان مثلاُ فى تنظيف بيئته وقبلها عقله ونفسه
ومازالت الأميه تعشعش فى الكثير من أركانه ...
والمصيبه فى عقلية المتعلمين أو المثقفين أو انصاف الفصيلين
....
عموما محصلة البوست ده حلها يمكن يكون بعد مية سنه كده
لمن جناحين الوطن
شعب وحكومه ..يقرروا انهم يختوا يدينهم مع بعض ع شان يمشوا لى قدام
بس مع حكومة هناى ده ما أظن

وافر احترامى

أمتعني شاهين شاهين جداً في هذا البوست وتمنيت أن يتداخل أكثر وأكثر
أعدت قراءته مرات ومرات ولم أقف على الخبث والقباحة والإدعاء الفارغ التي تخيلها المشرف

الحبيب المشرف
في تقديري إنه تقديرك للمسألة خاطئ وعادي الناس بتغلط في التقدير .. ممكن أنا الغلطان وممكن انت .. فما عارف ليه المسألة دي مربكاك ومخلياك عدواني مع المتداخلين كدة !

شاهين v المشرف ؟
لا الأمر ليس كذلك وإن كره" العكاظيون"!

تحياتي أخ المشرف إعتقد أن مداخلة الأخ شاهين عامة وهي تتناول ظاهرة الشيفونية اليمنيةا لمعادية للهجرة والإقليات العرقية والدينية ـ مداخلة الأخ شاهين غير موجهة لك بصورة شخصية ولاإعتقد إنه صنفك بالفاشية والشيفونية


يقول شاهين
,,,,,,,,,,,

Quote: تيارات الوعى الانسانى المستنير , التيارات التى كانت تنشر اريج عطرها عبر الكلمة المكتوبة والمنطوقة . تيار التعاطف مع المحيط الاقليمى والدولى . الان وصلنا الى احط محطات اليمين العنصرى الفاشى الاوروبى . احط محطاته على الاطلاق .

........
قد حاول الأخير شاهين توضيح رؤيته هذه وإعتذر وسعي لتلطيف الجو ، لامجال لإستخدام طرح شاهيين كسلاح لضرب المشرف ! وخصوصا وإنو المشرف وضح الفرق وبجلاء
بين الفاشية والتعصب القومي والإنتماء الوطني والغيرة الوطنية من دون حط من شأن آخر أوتعالي أو نزعةتوسعية ! وضح إنه ليس ضد الهجرة واللجؤ وحماية الإقليات والمضطهدين والهاربين
من جحيم الحروب ! ـ رؤية المشرف تقول إنه ضد الإساءة والتحقير والتعالي الذي يصدر من الآخر تجاهنا ويري أن ماصدر من بعض السوريين فيه تحقير وإساءة للوطن فهل هو كذلك
حقا هل قصد السوري الإساءة ؟ هنا يمكن أن تختلف" القراية" والإستنتاج !
هل تشكل الإساءة والتحقير جناية وجرم أم هي حق تعبير مشروع؟ إن كانت جناية هل تشكل حالة اللجؤ حصانة ضد المسآلة والمحاسبة؟ هل اللاجيء فوق قوانين البلد المضيف ؟

* هذه كلها نقاط تصلح للنقاش والحوار الهادئ والهادف والموضوعي !
* الغربية أن طرح شاهين الممجد ل(تيارات الوعى الانسانى المستنير , التيارات التى كانت تنشر اريج عطرها عبر الكلمة المكتوبة والمنطوقة . تيار التعاطف مع المحيط الاقليمى والدولى .) لايعد خصما علي فكر محمد المشرف بل هو خصم علي من يقف علي النقيض من "تيارات الوعى الانسانى المستنير" والوعي الإنساني المستنير لايقتصر فقط علي إحتضان اللاجئ وإنما إيضا إحتضان المهمشيين والمشرديين من بني وطني الذين يمارس عليهم التعالي العرقي والديني والعنصرية وهو إيضا إحتضان للفقراء والجوعي الذين فقدوا حق العلاج والتعليم ودعم السلع الأساسية! وهو إحتضان وإنحياز لمن يناضلون من أجل الحرية والديموقراطية والحقوق الإنسانية وضد الهيمنة علي السلطة والثروة
*
وحينما يقول شاهين

Quote: الان وصلنا الى احط محطات اليمين العنصرى الفاشى الاوروبى

هنا فليتحسس كل من يساند اليمين القومي والديني رأسه ! فليتحث كل أعطي حرب الجنوب طابعا دينيا وحرب دارفور طابعا عرقيا فليتحسس ـ رأسه ! فمن يؤيد قوانين النظام العام وحد الردة
ومصادرة حق المراة وغير المسلم في رئاسة الدولة رأسه !

* إفادة شاهين تعد خصما علي كل من يقف ضد قيم الإستنارة ويساند اليمين الفاشي ـ عرقيا أودينيا

سلام

لا نحتاج لنرجع للوراء كثيراً في قراءة التأريخ لنرى كيف تنتهي دعوات كالتي إبتدر بها هذا الخيط

دعوات (ضبط) سلوك الأقليات، عندما تحدد هذه الأقليات بهويتها و تتهمها بالإستفراد ببعض المساؤي و من ثم التلميح إلى ضورة عقابها. هذه التلمحيات تتقلفها عقلية القطيع المحتقنة مشاعرها الجمعية لسبب أو لاخر و تترجمها إضطهاداً و تمييزاً و ربما إبادة عرقية.
هذه الدعوات اليمينة إذا وصلت حداً معيناً من الـتأثير تعبر خط اللاعودة.. قلما ينتهي ذلك إلى محاكمات عادلة و عقاب متناسب مع جرم مفترض و كثير ما ينتهي إلي مجازر و سلوكيات إجتماعية يدفع ثمنها الأبرياء

كون (المتهمين بالجملة ) أجانب ، مهاجرين حديثين ، أقلية ... لا يجعل الدعوة أعلاه متمايزة أخلاقياً عن غيرها من دعوات اليمين. هذه الدعوات دوماً تستهدف الأقليات و المهاجرين و من ينظر إليهم أنهم ينبغي أن (يقعدوا بأدبهم) .. بورباقاندا عنصريي الهوتو في رواندا ركزت على أن التوتسي مهاجرين حديثين نسبياً.. اليمين المتطرف في أوروبا يرى أن أفعال الإرهابيين الإسلاميين تبرر أخذ كل المسلمين بالهوية

المطالبة بمحاكمة بعض اللاجئين السوريين - تخصيصاً - على أقوالهم ليست عدالة، بنقس القدر أن إستهداف البوليس العنصري في بعض مدن أمريكا للسود تفتيشاً و تحريزاً للماريوانا دون البيض ليس عدالةً. دعوات التمييز إن إستخدمت تطبيق القانون كوسيلة للتمييز لا يغير حقيقتها كدعوة تمييز

مشكلة العنصرية في السودان معقدة و تعامل السودانيين مع العنصرية معقد بجوانب كثيرة، هذه مشكلتنا نحن كسودانيين و لا أرى كيف أن خلق عدو خارجي مضخم و يمكن أن يحلها حلاً يحفظ لنا إنسانيتنا و قيمنا.

أدين الإساءات التي صدرت من بعض اللاجئين، و لكن تحميس 30 مليوناً للرد على أقلية ليس حلاً لأنه سيتنج رد فعل غير متناسب و سيستهدف الأبرياء. أفضل مليون مرة أن يسيئ بضعة أفراد في الفيس بوك و لا يدفعوا الثمن من يتم خلق جبهة رد لن يستطيع أحد ضبطها.

amin siddig .. أحييك ..
لقد لخصت صفحتين من الكلام المشتت فى هذه الفقرة الدسمة الذكية ..

بالنسبة لي انا أطالب بتسجيل اللاجئين ولا أعاني من فوبيا وصمة العنصرية. السؤال هو لماذا لا تريد الحكومة تقنيين دخولهم وتسجيلهم وهل لهذا الامر صلة بتمويل الارهاب

Quote: لماذا لا تريد الحكومة تقنيين دخولهم وتسجيلهم

يعني قصدك إنهم دخلوا السودان تهريب بالمطار ولا كيف ؟
ومن وين عرفتي إنه دخولهم ما مقنن وما مسجلين !

أتمنى من الأخ كمال عبس التعقيب على مداخلة أمين صديق

Quote: الدعوة لسن قوانين ملزمة للاجنبي في بلدي ان يحترم بلدي وانسان بلدي

الاحترام شئ لا يستجدى من الاخر.. بل انت من تجعل الاخر يحترمك بى تصرفاتك واخلاقك
الاحترام يكسب بالمواقف ولا يستجدى بما نملك من مبررات ذاتيه
إجعلني أحترمك بدل أن تطلب مني احترامك

بوست غير موفق خالص من د.المشرف

سلام أخ المشرف مرة أخريموضوع ضرورة وجود تشريعات لمواجهة الإساءة للوطن وللشعب!* إن كانت هناك ضرورة لإصدار تشريع كهذا فإن الشريع يجب أن يكون عام موجه للجميع(للمقيم والمهاجر والمغترب) واللاجئ والمواطن فالإساءة هي الإساءة إيا كان مصدرها وموقع مطلقها فالناس سواسية أمام القانون ولاأحد فوق القانون ولاحصانة لفرد من المسآلة القانونية وإن تميز بحق المواطنة أو تدثر بوضعية اللجؤ !* جدوي التشريع والقانون !القانون إي قانون يجب أن يكون في المقام الأول دستوري ويتماشي مع حقوق الإنسان ويصونهاـــ جدلية حق التعبير والنقد والإساءة والتحقير من الصعوبة في ظل دولة ديموقراطية ودولةقانون ومؤسسات وضع حد فاصل وخيط رفيع مابين حق التعبير والنقد والإساءة والتحقير!وبل من الصعوبةكذلك يامشرف وضع حد فاصل مابين بين التعالي المتخفي والعنصريةالمبطنة (الجبانة) ومابين النقد أو حتي الإساءة والتجاوز الذي يتلفظ به مواطن محبط مما يجري في وطنه(ملعون أبوك يابلد) هذا المواطن قد يسئ لوطنه من موقع إحباط وغضب أو يأسولكنه يظل يحب وطنه هذا والإساءة التي تصدر من أجنبي لايربطه ولاء أو إنتماء لذلك الوطن!، يصعب التمييز لأن التمييز يدخلنا في نبش الضمائير وتنقيب الصدور للبحث عن الدوافع لذا قلنا(إن التشريع يجب أن يكون عام موجه للجميع(للمقيم والمهاجر والمغترب) واللاجئ والمواطن فالإساءة هي الإساءة إيا كان مصدرها وموقعمطلقها فالناس سواسية أمام القانون ولاأحد فوق القانون ولاحصانة لفرد من المسآلة القانونية وإن تميز بحق المواطنة أو تدثر بوضعية اللجؤ !)* من السهولة مواجهة ومحاكمة العنصرية الفجة والسافرة والمباشرة ( إنتم شعب بهيمي ومتوسخون كالخنازير أو عبيد أو فاشيين ومستعبِديين لغيركم أو شعب متبلد ويفتقد الحد الأدني من الذكاء البشري أو شعب عدواني وهمجي)ولكن من الصعوبة مواجهة العنصرية الجبانة والمتخفية أو الإسا اء ت التي ورائها تعالي وتحقير! * مالعمل ؟القانون الملتزم بالدستور وحقوق الإنسان يقف أحيانا عاجزا أمام بعض الممارسات لصعوبةتوصيفها ( هل هي نقد أم إساءة ؟ هل إساءة عادية أم عنصرية) خذ مثلا موضوع حق نقد الأديان وإشكاليةالإساءة لها قد يقول قائل أن الأديان وضعية وإنتاج بشري وإن الرسل لاعلاقة لهم بالسماءوإنما هم دعاة إصلاح بشري أو إنهم قاموا بتأليف تعاليم ونسبوها لله وإن آله الأديان ظالم وعبثيوهنا يقول آخر هذه إساءة للأديان وعدم إحترام للمقدسات ولمشاعر المتدين وإستفزاز ودعوةللفتن وتهييج العوام ! ـ * إصدار تشريعات لمواجهة الإساءة للوطن وللشعب يمكن أن تستخدم كسلاح لمصادرة حق النقدالموضوعي ـ أو مصادرة دعوة مواطن لتدخل دولي لحماية المدنين أو إدانة تدخل الجيش في حرب اليمن أو قيام الجيش بضرب المدنيين أو القيام بعدوان خارجي أو نقد سلبياتنا الإجتماعيةأوبعض محطات تاريخنا ! ،إصدار تشريعات لمواجهة الإساءة للوطن وللشعب يمكن أن تستخدم كسلاح وأداة لضرب الشرفاء وخصوصا في الظروف الحالية ! هل يمكن إصدار تشريعات لمواجهة الإساءة للوطن وللشعب ـبحيث تكون دستورية تصون حقوق الإنسان وأسس الديموقراطية ولاتمييز سلبا بين المقيمين في الدولة(مواطنين وغير مواطنيين ؟) * ....* أراني أقف مع التصدي ونقد إي اساءة للوطن والشعب وأي تحقير أو تعالي تمارس ضدنا آخذا في الإعتبار ماورد في صدر مداخلتي -مع تفهمي لمنطلقات وداوفع من يسعي للحد من هذه الظواهر بوسائل أخري ولكني أنبه لمخاطر وجدوي تلك الوسائل ـ أنبه لذلك بالحوار وطرح حيثيات ورؤي موضوعية تحض علي التفكير ومحاولة المقاربة والنظر للزوايا المختلفة، قصدي الوصول لحلول وقواسم مشتركة لا التعالم والتنطع والإنتصار للذات وتوهم هزيمة الآخر والإستعراض وإحتكار الإنسانية والإستنارة ومحاولة تعجييز الآخر وتصويره بإنه يفتقر للديموقراطية وقيم الإنسانية وقبس الإستنارة والتنوير ــ * في رأي الأخ شاهين لم يتعمد إساءة ولم يزعم إمتلاك الحقيقة وإحتكار مشعل التنوير ! المشكلة ليسفي طرح شاهين مع عموميته وحدته وإنما فيمن يحاور بعقلية سوق عكاظ! ....

Quote: هو أن السودانيين والمسئولين ما منتبهين للوساخة .. ولا يحسوا بها إلاّ بعد سفرهم لبلاد الغير ويروا النظافة فيكتشفوا كم هم وسخانين

هذا الاقتباس اصاب كبد الحقيقة الغائبة عن الاذهان...السودان بلد وسخان ومعظم اهله وسخانين هذه حقيقة لا يستطيع كائن من كان ان يدحضها ..والوسخ بلغ
معدلات قياسية واهله فى السلطة والمعارضة لايعنيهم الامر منشغلين بالصراع على الكرسى ...فلماذا الضيق عن قول الحقيقة سواء عبر عنها سورى او غيره؟؟
انا فى تقديرى ينبغى ان يكون هذا البوست بداية حملة اسفيرية كبرى لاجل النظافة فى السودان واصحاح البيئة وان تشارك اجهزة الاعلام المختلفة فى هذه الحملة
سيما التلفزيون القومى يخصص يوميا ثلاث ساعات على مدار اليوم بشان السلوك الحضرى وترقيته.

الإنفعال الهستيرى بأقوال السوريين ده يرجع بنسبة ٧٨,٢٣ فى المية للعقدة العربية اللونية.. أرابيك سندروم 😀 .. هسه لو كان أصحاب التعليقات المسيئة ديل أفارقة كان زول إشتغل بيهم مافى .. يسيئوا والهبوب تشيل .. نظام so what؟o

زى هياج الجماهير المسلمة على التصريحات المسيئة للإسلام فى هذا العالم .. ياما فى مسلمين يسيئون للدين والإسلام على الملأ فى الإعلام والفضائيات ــ اللى هى إعلام برضو، لكين فصلناها لزوم الحشو ساى ــ .. أها قلنا يسيئون ليل نهار على الملأ عينك عينك ... ولا حياة لمن تنادى .. لكين كدى خلى خواجة يقول بِغِم 😒.. ..

بلا شك البنية التحتية للسودان منهارة وعاصمته تعد الأنجس والأكثر قذارة في العالم..
ونعم نتعاطف مع الشعب السوري في محنته وندعو الله أن ينصرهم..
ولكن..
*********
ما فعله بعض السوريين في مواقع التواصل الاجتماعي وقاحة ما بعدها وقاحة..
الإنقاذ قدمت لهم تسهيلات لم يحلموا بها في أي بلد آخر..
قمة الوقاحة أن يقوم (الضيف) بالتذمر من مستوى الضيافة، حتى لو كان كلامه صحيحا، ياخي
احمدو الله إنكم مرقتو من موووووت...تقولو ما عندنا مول غير عفراء؟؟!!!!
الإنقاذ كعادتها أخطأت بغباء في فتح الباب أمام اللاجئين!
السودان يجب ألا يستقبل أي لاجئ لأن أهله يــبــيــتــون جياعا ومرضى!
استقبال اللاجئين هو واجب الدول التي يعيش سكانها في رفاهية (مثل الخليج)..
على السلطات طرد كل لاجئ يتحدث عن السودان بازدراء!
يجب الرد على هؤلاء في مواقع التواصل الاجتماعي!

لن نسمع تريقه رغم المطر الغرق البلد
يا عبدالرحيم محمد حسين عاجبك كده
قوم النايم ليها شنو تنوم فيك حيطه

سلام إخلاص طارياهو مالك الواطة مطبجة ناقصه تفاف هسي الليلة حتلقيهوا مكفكف بنطلونه ويخوض مع الخائضين ويتصور وينتهي العزاء

كتب الاخ الحبيب علي تاج الدين علي . .
(السودان بلد وسخان ومعظم اهله وسخانين هذه حقيقة لا يستطيع كائن من كان ان يدحضها .)
وسار على نهجه الغالبيه . . الملاحظ انو كل زول طلع البلد وسخانه وفرز نفسو . .
خلي بالك كل المشاركين في هذا البوست سودانيين نضاف . .
طيب الوسخانين ديل منو . .؟

شكرا د. كمال و د. إخلاص

كتب كمال:

Quote: ، يصعب التمييز لأن التمييز يدخلنا في نبش الضمائير وتنقيب الصدور للبحث عن الدوافع لذا قلنا(إن التشريع يجب أن يكون عام موجه للجميع(للمقيم والمهاجر والمغترب)

لا مانع من ذلك على الاطلاق ..
تعرف يا عزيزي.!!
1- مالم يدركه بعضهم هنا أن هناك توصيف قانوني لحالة اسمها (كلام الكراهية) دعك من الفعل والاساءة العنصرية المباشرة وغير المباشرة ...

2- بحديثك أعلاه والموضوعي جدا اوضحت بكل جلاء أن هناك ابعاد قانونية للموضوع .. الامر الذي يسخر البعض منه ابتداء .. فعندما طالبت بملاحقة المسيء ملاحقة قانونية كان ذلك يعني أن أتوجه أنا المتضرر (كما في حال الشباب السوداني في الصورة مع الشاب السوري) .. أن يتوجه المتضرر للقضاء السوداني .. هذا سلوك انساني حضاري جدا .. والمقاضاة لا تعني ثبوت التهمة (تهمة الازدراء هنا) .. وانما تعني دخولها بيت العدالة للبت فيها حيث يبت في أمرها بالادانة أو البراءة .. ليس من واجب المواطن تفتيش النوايا وانما يكون من حقه تماما اللجوء للقضاء متى ما استشعر الاهانة او الازدراء او العنصرية.

3- باستحضار أعلاه يا صديقي .. وباتخاذه مدخلا نحو ما كتبته أنا حول الملاحقة القانونية للمسيء .. يتبين لكل ذي بصيرة أن كلامي لا يدخل مطلقا في شوفينية Chauvinism أو فاشية Fascism .. قد يكون رد فعل غاضب ولكن لاشيء قد يعيب رد الفعل الغاضب في نهاية الامر ..

4- الدعوة لمراجعة وتفعيل القوانين الناظمة للجوء, دعوة لا تشوبها شائبة على الاطلاق .. انا كمواطن سوداني من حقي تماما التعبير عما يحدث في مجتمعي وأن استشعر خطورة ما قد تمثلها قضية اللجوء سواء كانت خطورة اقتصادية او مجتمعية او غير ذلك .. ذلك لا يعني موقف رافض لللاجئين .. ولا هو بمثابة شرارة أولى لحريق قادم يأتي على يابس اللجوء واللاجئين .. ونرى ونسمع أن المؤسسات الحكومية والاكاديمية والاجتماعية والاعلام والمجتمع الانساني في دول الغرب تولى قضايا اللجوء أولية عظمى بابعادها الانسانية والاجتماعية والقانونية والاقتصادية والأمنية وتطور من قوانينها الناظمة لحركة اللجوء بما يحفظ التوازن الدقيق بين البعد الانساني وبقية الابعاد الاخرى .. هذه دول جادة ومجتمعات أكثر تطورا وتتمتع بوعي انساني كبير جدا على العكس تماما من السبهللية والفوضى الحاصلة عندنا ما بين عدم الاكتراث الحكومي ولامبالاة المواطن والحلاقيم المتورمة لبعض المثقفين.

5- شكرا يا عزيزي لمحاولات اقتراح طريق ثالث لا أمانع في السير فيه نحو غاياته البعيدة .. ادارة حوار هادف لمناقشة هذه القضية المهمة... وافر الشكر والتقدير

Quote: شكرا يا عزيزي لمحاولات اقتراح طريق ثالث لا أمانع في السير فيه نحو غاياته البعيدة

لقيت ليك مراقة ...

يامشرف المستنير أزعل منه زيما عايز(عامل ليك tuning شديد).. :)

بس بالله ماتزعل من أخوك منير :) ..

لا والله مافي زعل ومافي حاجه تزعل اصلا يا عزيزي منير ..

من اول مداخلة ليك عرفت انت أخدت الموضوع بخلفية الصراع الاثني في السودان وجدلية العروبة والافريقانية .. وذلك تناول خاطيء منك كالعادة يا صديقي

Quote: من اول مداخلة ليك عرفت انت أخدت الموضوع بخلفية الصراع الاثني في السودان وجدلية العروبة والافريقانية .. وذلك تناول خاطيء منك كالعادة يا صديقي

بل تلك هى العقدة ياصديق ..
أنا كنت قايل العارف عِزّه مستريح مع العمة والجلابية دى ..

هل مريت على مداخلتى السابقة والتى قارنت ليك فيها بين ردود الأفعال للإساءات حسب المُسئ والمُساء إليه ؟؟!!

الصديق المحترم محمد حيدر المشرف تحياتي إستضاف السوريون فيما مضي عشرات الآلاف من السودانيين خاصة الفارين من العراق وليبيا دون من أو أذي وبعض هؤلاء السودانيين أساء إلي البلد المضيف سوريا بالإنخراط في أنشطة إجرامية كتعاطي وترويج المخدرات وتهريب البشر إلي لبنان كل ذلك لم يجعل السلطات السورية تغيِّر معاملتها للسودانيين بل حاسبت كل من إرتكب جريمة علي أساس فردي الآن السودان يستضيف السوريين بعدما أحال بشار سوريا إلي جحيم أخطأ بعض الشباب السوري الطائش بالإساءة إلي السودان من خلال الڤيديوهات المنشورة وهذا فعل قبيح يستحق الإستنكار لكن لماذ لا يؤخذ المذنب فقط بجريمته دون تعميم الأمر علي باقي اللاجئين السوريين؟ تقديري