حملـــة سـودانيز اونلاين لمساعدة اخوانا الجنوبيين

07:00 PM July, 14 2016

سودانيز اون لاين
وضاحة-اقيم فى قلوب االانقياء الطاهرين من ابناء وطنى السودان المحبين لعمل الخير
مكتبتى
رابط مختصر

اخواني واخواتي اعضاء وقرأ سودانيزاونلاين
صوت السودان وضميره الحي بعيد عن السياسة اخاطب فيكم انسانيتكم واخلاقكم
اخوانا الجنوبيين يحتاجون منا يد العون
واهلنا ربونا على النخوة واغاثة الملهوف ومد يد العون للمحتاج
فلنتبرع لكل اللاجئين الجنوبيين في الشمال الذي استجاروا بنا وظنو بنا خيراً كاخوة لهم بتوفير الخيام والبطاطين والطعام
خاصة وان الفصل خريف ولتمتد حملتنا لكل الولايات التي يكون فيها لاجئين جنوبيين
لنبداء تنظيم الحملة وجمع التبرعات الماليه والعينية وارسالها الى لجنة نحددها في الخرطوم وبقية الولايات
من الاخوة البورداب اتمنى من الاخوة في الخرطوم وكوستي يتطوعو لانجاح هذه الحمله
وترشيح لجنة تكون مسؤولة عن استلام التبرعات وشراء الاحتياجات وتوصيلها للاجئين
تحياتى للجميع

ارشح ل كوستى المواطن الدعرى عبد الحفيط اب سن

Quote: ارشح ل كوستى المواطن الدعرى عبد الحفيط اب سن

حباب المك
ود ابو سن مافيه كلام والله هو زاتوا كان على بالى
ود ابسن يوم حبوتك جااات على قولة جدتى
رايك يهمنا

تحياتى
مشكوووور يا مواطن

تحياتى وشكرا لكٍ وانتى سبّاقة دائما فى عمل الخير وفى موازين حسناتك
ياريت تحديد رقم حساب حتى يستطيع الجميع من المشاركة الفاعلة فى
هذا العمل الخيرى الكبير ..

شكرن وضاحة

!!!

تحية لصاحبة المنشور وضيوفها الكرام

ادعموا اهلكم اولا. ملايين في معسكرات اللاجئين وعشرات المنازل تهدمن بسبب الامطار والالاف الاطفال المشردين والالاف الاطغال يتسولون في الطرقات والالاف يموتون لانو ما عندهم حق الدواء.
العشرات من مرضى السرطانات بموتو يوما لانو الجهاز الوحيد حق الاشعة في مستشفى الذرة توقف.
مثل هذه المواضيع ركوب موجة فقط وللشو.
ما تبقو زي ضل الدليب.

التحية لك يا وضاحة .. ولضيوفك الكرام ..

كتب الأخ الفاضل .. عبد العظيم مكي :

Quote: ادعموا اهلكم اولا. ملايين في معسكرات اللاجئين وعشرات المنازل تهدمن بسبب الامطار والالاف الاطفال المشردين والالاف الاطغال يتسولون في الطرقات والالاف يموتون لانو ما عندهم حق الدواء. العشرات من مرضى السرطانات بموتو يوما لانو الجهاز الوحيد حق الاشعة في مستشفى الذرة توقف.

يا اخي المكي الاخوة الجنوبيين في ظروف استثنائية والكل يعلم ذلك
حتي ضل زي ضل الدليب ماعندهم ! اما الذكرتهم من السودانيين من
اسر واطفال ومرض ! والله ما باستطاعتنا نحن نساعد بلد بأسره الشعب
كلو ماري بالحالة دي ! يحلو مشكلتهم براهم داك الشارع يعيش من يعيش
ويموت من يموت بكرامتو لانهم هم عارفيين حقوقهم وين والسارقة منهم منو
وثم ثانيآ لمتين نقعد في دعم الشعب السوداني كلو ومن وين ؟

انا بتكلم عن شخصي في الحالة دي حا اساعد قدر قدرتي الاخوة الجنوبين
لان ظروفهم اسنثنائية وما بتفرق اشتري لي خيمة ولا خيمتين لاسرة في الشارع
باطفالهم !
بعدين شو شنو يا اخي المكي اسه دي ظروف شو عليك الله ؟ ناس محتاجين
خيمة عشوائية في شارع وسخان دا برضو شو ؟ طيب كان وعدناهم بي شقق
زي الاخوة السوريين تقولوا شنو ؟

بتمنوا منكم تتعاموا معاهم زي ما اتعاملتوا مع السوريين بدل التريقة !

ولكم الاحترام ..

الشعب السوداني جميعه يعيش في ظرف استثنائي ما عدا قلة قليلة استأثرت بكل الموارد وبعض آخر هرب من الجحيم ليطرقوا ابواب اللجؤ واخرين بالملايين هاجرو ليوفروا لأهلهم وانفسهم حياة كريمة.
لو كنتي داخل السودان لعرفتي المعاناة التي يعيشها اهلكم وزويكم الاقربين.
الجنوبيون ايضا يعرفون من هو المتسبب في معاناتهم.
من يريد ان يدعم اهله فليفعل ومن يريد ان يكون مثل ضل الدليب فليكن.

البنت الخير وضاحة
لك التحايا الزاكيات يا ملكة
كما تعودنا دائماً مبادرة بالخير
وممدودة الايادي بالخير

Quote: ادعموا اهلكم اولا. ملايين في معسكرات اللاجئين وعشرات المنازل تهدمن بسبب الامطار والالاف الاطفال المشردين والالاف الاطغال يتسولون في الطرقات والالاف يموتون لانو ما عندهم حق الدواء. العشرات من مرضى السرطانات بموتو يوما لانو الجهاز الوحيد حق الاشعة في مستشفى الذرة توقف. مثل هذه المواضيع ركوب موجة فقط وللشو. ما تبقو زي ضل الدليب.

حبيبنا عبد العظيم
ياخي الجنوبيين ديل ما آهلنا ذاتهم
انت قايل نحن معترفين بالانفصال
وقسمة النبقة بين ديكتاتوريتين؟؟؟
نحن نآمل في السودان الكبير بعلمه
الاخضر والازرق والاخضر
تحياتي

Quote: تحياتى وشكرا لكٍ وانتى سبّاقة دائما فى عمل الخير وفى موازين حسناتك ياريت تحديد رقم حساب حتى يستطيع الجميع من المشاركة الفاعلة فى هذا العمل الخيرى الكبير ..

الرائع الجميل علاء سيد احمد
سباقه بي وجودكم ودعمكم وربنا يتقبلو مننا
رقم الحساب وكيف نوصل تبرعاتنا
اتمنى انو الناس تناقشه وتحدده من خلال البوست
تحياتى يا انسان

جنابو الطيب عثمان يوسف
حمد لله على السلامة
وبركة فى الطلة والشوفة
ان شاء الله انت بخير والعيال
و كل سنة وانت طيب ومشتاقين
غيابك طال يا اسد والفيران تطاولت
ومحتاجين ليك معنا في مساعدة اخوانا الجنوبيين في الخرطوم
وانت لها يا حبيب

تحياتى للعيال وامهم

الاخ العزيز عبد العظيم مكي
سلام يا حبيب
حملتنا تجاه اخوانا الجنوبيين
لا تعني ان نتخلف عن دعم ومساندة متضرري السيول او غيرهم من المحتاجين
وسودانيز اونلاين واعضاؤه سباقين دائما في الدعم والمساندة
وقد قادوا حملات كبرى ايام كوارث السيول والفيضانات في الاعوام الماضية
يا ريت يدعمونا كذلك هنا وخاصة الاخت رانية الشيخ نفتقدها بشدة
تحياتي

أهلنا الجنوبيين

حبابهم ويدنا معهم


أحمد الشايقي

Quote: محتاجين ليك معنا في مساعدة اخوانا الجنوبيين في الخرطوم وانت لها يا حبيب

*** حاضر .

بعمليه حسابيه نحن من نرجو مساعدتهم وبعدما كنا اللقمه الهنيهةمقسومه
بيناتنا طمعو
الناس دي مشت بي خيره وشرها اليتحملو قراراتوم ويختونا غادي غادي
ولن نلدغ اربعا

Quote: حملتنا تجاه اخوانا الجنوبيين لا تعني ان نتخلف عن دعم ومساندة متضرري السيول او غيرهم من المحتاجين وسودانيز اونلاين واعضاؤه سباقين دائما في الدعم والمساندة وقد قادوا حملات كبرى ايام كوارث السيول والفيضانات في الاعوام الماضية يا ريت يدعمونا كذلك هنا وخاصة الاخت رانية الشيخ نفتقدها بشدة تحياتي

اعلم انك من المبادرين لعمل الخير في هذا المنبر لكي مني كل التحية والتقدير. لكن ان نري اهلنا يموتون بالفشل الكلوي والسرطانات ولا يجدون حق الدواء ونمد ايدينا للاخرين قبل ان نمد يدنا البهم هذا ما يثير الدهشة والاستغراب. الان هنالك الالاف من تلاميذ مرحلة الاساس لا يجدون حق وجبة فطور ولا يستطيعون شراء قلم رصاص ولا كراس. وفي ما ذكرته سابقا الكفاية ان نمد يدنا لاهلنا المتعففين اولا. خيركم خيركم لاهله وعندما يصل اهلنا الي حد الكفاية عندها يمكننا ان نساعد الاخرين.