كنت هناك هَسَّ

05:24 PM July, 11 2016 سودانيز اون لاين

معاوية الزبير-الدوحة

مكتبتى

رابط مختصر



في الخرطوم، السودان المصغّر، قُل نصف أفريقيا المصغر (وتابعه من آسيا) مياه كثيرة تجري تحت الجسر، يومياً، بل ساعاتياً

وخلال عقود قليلة، سيأتي يوم لن يعود السودان الذي في المخيلة كما كان، ومع طوفان الهجرة المهول لأبناء الوطن من الوطن، والغزو الخارجي ومع تغيُّر السلوكيات والقِيَم والأخلاق سيأتي هذا اليوم بأسرع مما نتصور



صَنَعَ تنظيم الإنقاذ القوالب التي قدها من مشروعه المسمى (إعادة صياغة إنسان السودان) فانزلق داخلها الجيل الناشئ آنذاك (مطلع التسعينيات) ناس 10 و 15 سنة ولا تثريب عليهم، فما عرفوا قوالب غيرها لكن التثريب والعجب من كبار السن الذين كرفسوا رجلينم وأحنوا رقابهم بأيديهم لينحشروا في القوالب برضاهم أو كرعينم فوق راسم (هذا التعبير السوداني القِرْدي)

إنها القولبة ثم التنميط، الناس كلها ماشّه تتنمّط على نموذج واحد،، من صنع دهاقنة الإنقاذ

يتمثل ذلك في السلوكيات، في المزاج، في لغة الكلام ومفرداته، حتى في طرق بناء المساكن، وغُنا المغنين وأزيائهم، في فَقْر الفقراء ووجباتهم، في الدعوات عقب الصلاة، وفي الساحات الإتملت بجلسات شرب الشاي (مبالغة) والـ بين قوسين دي نموذج للننمطة في اللغة، ثم الأدهى استخدام الآيفونات والجلاكسيات -إن كان ثمة فرق بينها- (فأنا لا أعرف)، واحد قال الحركة البعملوها السودانيين بي اصابعينم لتحريك شاشة الموبايل لأسفل لو كانت جر سبحة (تسبيح) كانوا طاروا إلى السماء بلا فروات



صيغة الجمع في النص أعلاه فرضها السياق، ثم إنو استخدام عبارات زي: ما كلهم، ومعظمم وكتير منهم.. الخ، تفسد الكتابة وتعلّم القلم الهوابة والشريحة التي أتحدث عنها، تعاملت معها خلال زياراتي الأخيرة إلى "نصف أفريقيا المصغّر وتابعه الآسيوي" وأحْدَثها كانت الأسبوع الماضي وبالطبع هي شريحة واسعة تصلح للتعميم



.. يتبع أو ربما لا يتبع

Quote: أو ربما لا يتبع

Quote: واحد قال الحركة البعملوها السودانيين بي اصابعينم لتحريك شاشة الموبايل لأسفل لو كانت جر سبحة كانوا طاروا إلى السماء بلا فروات

اوسكااااااااااااار يامواطن
نعل الحاجة بخير

الحمد لله الحاجّة تماام، رغم فساد الحكام وقولبة السودان

Quote: أو ربما لا يتبع

المهم يااستاذ معاوية لعلك والاسرة بخير وجئنا لكي نعيد عليك عيد ينعاد عليك بالخير والبركة

أشكرك يا مسلمي، ينعاد بالخير عليك وعلينا وعلى السودان إن كان يوجد له مكان، أو كما قالت طرفة النعي ديك

الكلس ود الزبير .. سلام بنكهة الشوق ..

وكل عام وانتم والوطن بالف خير ..

قلت لي !

Quote: ومع تغيُّر السلوكيات والقِيَم والأخلاق سيأتي هذا اليوم بأسرع مما نتصور

يعني هو لسه ما جاء والكيزان ديل بعملوا في شنو ؟

ولك الشكر ولجميع المرور ..

Quote: يعني هو لسه ما جاء والكيزان ديل بعملوا في شنو ؟

لا ما جاء، هُم لمثل ذاك اليوم يعملون
إزيك يا بت عمسيب، طبعا عيدكم وسط الزهور متصورين
يشهد الله يوم الوقفة لفيت نص الخرطوم لقيت الناس (من شدة التنميط) ختوا أكياس الزبالة في الحواجز بتاعت شارع الظلط،
وعربات النظافة -كتّر خير أبوهم- جووا صباح تالت أيام العيد يلموا في الأكياس، تطبيقا للمثل القائل: الكعك العقب العيد
ومشتاقين كتير

Quote: عمِل وزيراً للتخطيط الإجتماعي1993 – 1995 .

هذا هو الرجل الذي قال، لا بُدّ من إعادة صياغة المجتمع السوداني .
العنوه لعنه الله ...

حمدالله ع السلامة يا ود الزبير و كل سنة وانت و الأسرة بخير و عافية
العيد في السودان طعمه غير لا شك ان شاء الله استمتعت بس
ويكون نسّاك مرارة الترتيب المتأخر الأحرزه افطار الدوحة السنة دي, أظن تاني الطيش ولا الطيش عديل ما متاكد

الشي التاني ياخي ناسكم ناس الجزيرة نت ديل فشّلونا و الله, شنو ناقلين نجرة اليوغندي المستهبل بتاعة رشوة رئيسة المحكمة من الموقع الماسورة دا و مروّجين ليها زيّهم وزي اي ود الباوقة او نقابة محامين سودانية :)

أريتك سعيد ومتهني ياخ في بلدك الثاني

تعرف يا ود البشرى بما أني ما حضرت سوى عيد واحد فقط في السودان خلال الكم وعشرين سنة الفاتو ديل وقبال سنين طويلة كمان..
فبعد معايدة الوالدة ومطايبتا وأخد البركة والدعوات وشم رائحة توبا
أربكني جدا طلبها أن أخت ليها فكة عشرات وعشرينات تحت المخدة عشان تديها لزوار العيد من الأطفال
الباقي كلو كان عادي ومتذكرو، بما في ذلك الصلاة المقابلا الشمس وزيارات الجيران المتعجلة ومقيل الأهل و.. نعسة النهار اللذيذة ديك

هسي انت وزعت كم مية درهم على شفع الحلة في عيدكم في العين؟ انسى فرق الأسعار

أما بخصوص الجزيرة نت فقد كنت في إجازة ياخ كما هو واضح (وش زايغ)

سلامة الوالدة يا معاوية،
إن شاء الله تكون لاقيت مرتضى باسبار
مرّة في الشارقة دكتور النعمة جاب لينا من سوريا أنا وهو هدية مشتركة عبارة عن عود.
العود الواحد بتاع الغنا دا
علقتو في الأستديو بتاعنا داك لزوم القشرة وكدا
لمان قنع من الأمارات حلف يشيل العود معاهو السودان
قلت ليهو خليهو لي أقشر بيهو؛ رفض
قلت ليهو: إتّا ما بتعرف تعزف داير بيهو شنو
قال لي بحركة تمثيلية: داير الناس في المطار تحترمني وتقول لي:
مرحب يا أستاذ
إتفضل إتفضل

بعد كتبت المداخلة دي جاني إحساس انو ما فيها أي مفارقة، لكن قلت أخليها نظام مجاملة وكدا
وشنو الفيهو مفارقة في المنبر؟؟

كلما أشوف أبو القاسم قور رفع ليهو بوست؛ أجري أشوفو كتب شنو؟
ألقاها Up
لحدي ما ساء ظني

حمدلا بالسلامة وربنا يخلي ليك الوالدة ويطول ايامها وتتهني بصحبتها اعياد قادمات كثر
عيدك وامك تتكرفك لا يساوي كل اعيادك السابقة
كنت اترقب تلفونك الخميس

والله يا عبد الحفيظ خجلان من عدم معاودة الاتصال بيك اليوم داك
رغم إني ما كان معاي تلفون في الإجيزة دي، لكن دا برضو ما عذر وكان ممكن اتصرف
طالبين رضاك الساهل داك

Quote: إن شاء الله تكون لاقيت مرتضى باسبار

هو غير مرتضى منو البحكي لي طرفة الموبايل والتسبيح أعلاه ديك
يا زول مفارقة شنو، إن شاء الله تفارق سكة الجميعابي.. قول آمين

Quote: Quote: عمِل وزيراً للتخطيط الإجتماعي1993 – 1995 . هذا هو الرجل الذي قال، لا بُدّ من إعادة صياغة المجتمع السوداني . العنوه لعنه الله ...

القريب العزيز ود المدير
أي نعم هو
لكن البحيّر هو مدى مرونة (تقرأ هشاشة) بنيان الإنسان السوداني لدرجة الانكماش ليناسب مقاس قوالب التغيير الكيزاني
أعتقد علينا مراجعة تاريخنا الحماسي بشئ من الواقعية عشان نتصلّح

انتبهت للعنوان so late
كنت معاهو هسة
ومشتاق ليهو لسة
رحم الله خضر بشير
لا تدع الحنين يأكل دواخلك
اكلو ياخ

بِنغو يا عبد الحفيظ ياخ
سآكله برائحة رغيف فرن سليمان ابنعوف الكائن بحي النصري

Quote: أريتك سعيد ومتهني ياخ في بلدك الثاني

هاني سعيد اللمين عبد الغفار
التاني شنو يا حيدر ياخ، انت ناسي أنا كنت في الإمارات قبال قطر؟
قول التالت الله يرضى عليك، قبل ما نمشي أمريكا ويتلخبت العد علينا وعليكم، العيد مبارك

Quote: Abubakr Mohamad ينعاد عليك بالخير يا ود الزبير طولنا

أهلا أبوبكر.. عيدك مبارك والجايات أحسن من الفاتَن
تعرف يا حبيب وسط كل هذ الخراب تلقى ناس ماسكين مشاعل أمل من جذواتها وليس مقابضها
لتسليمها لجيل قادم نجا من عصر التلوث الكيزاني السام

أشكرك

Quote: يتمثل ذلك في السلوكيات، في المزاج، في لغة الكلام ومفرداته، حتى في طرق بناء المساكن، وغُنا المغنين وأزيائهم، في فَقْر الفقراء ووجباتهم، في الدعوات عقب الصلاة، وفي الساحات الإتملت بجلسات شرب الشاي (مبالغة) والـ بين قوسين دي نموذج للننمطة في اللغة، ثم الأدهى استخدام الآيفونات والجلاكسيات -إن كان ثمة فرق بينها- (فأنا لا أعرف)، واحد قال الحركة البعملوها السودانيين بي اصابعينم لتحريك شاشة الموبايل لأسفل لو كانت جر سبحة (تسبيح) كانوا طاروا إلى السماء بلا فروات

أستاذ معاوية الزبير
كل عام وأنت طيب وممهول مع راحة البال
والله يخلي ليك أمك تتكرفها وتكرفك
صدقت ياخ والله المصيبة دي حتي البادية والريف ياخ تلفونات الخراب دي حتي السلام الحلو ولمَّة الأهل خربتها
تحياتي للجميع وخاصة ودأب سن وودالمدير

Quote: هَسَّ

لماذا يا مُعاوية لا نكتبها هكذا:
هسّع
فهي تعني في الأصل:
هذه الساعة
ونكون رضينا هذه والساعة

Quote: أنا كنت في الإمارات قبال قطر

كان كده .. ممكن تقول لي بلدك الخامس
-
بت الكلب يالتغريبة

منو الزيك ياخ،

نهلت من معين حضن الحاجّة ودعواتها، (ربي يديم عليها الصحة)

Quote: صدقت ياخ والله المصيبة دي حتي البادية والريف ياخ تلفونات الخراب دي حتي السلام الحلو ولمَّة الأهل خربتها تحياتي للجميع وخاصة ودأب سن وودالمدير

عبيد الطيب، إزيك، عامل اسمك بتاع الحقيبة دا ههه
أيوه يا صاحب، تلفونات الخراب قرّبت البعيدين وبعّدت القريبين، ويا ريت لو بِتُستخدَم للمكالمات.. أبداً والله، الحكاية جفّت إلى مجرد رسائل
وفي الرسائل أحياناً رسائل إلكترونية باردة كـ جثة هامدة مجهولة الهوية
تذكرني بتلغرافات الوفيات الزمان ديك.. رسمية ومختصرة خالية من أي تعاطف إنساني: توفي عمكم فلان.. قف

Quote: Quote: هَسَّ لماذا يا مُعاوية لا نكتبها هكذا: هسّع فهي تعني في الأصل: هذه الساعة ونكون رضينا هذه والساعة

لأنو الرباطابي لمّا سألوه: ليه بتاكلوا الحرف الأخير
قاليهم عشان لذيـ..

أها رمضان فات بي خيرو....
جاي الدوحة متين ؟

Quote: Quote: أنا كنت في الإمارات قبال قطر كان كده .. ممكن تقول لي بلدك الخامس - بت الكلب يالتغريبة

ولو أضفنا ليهم مصر الدراسة والسعودية كتجربة اغتراب إجبارية أولى، يبقى: ود الكلب يا الوطن.
--------
ثم ههههها، الرسالة وصلت يا حيدر
تعرف زمان حاولت أكتب قصة قصيرة، في نهايتها الرجل طلب أمنية أخيرة: كباية ليمون بااردة
لمّا جابوها كان عزرائيل أسرع، فقال بآخر نفَس في الروح: عسى أن يكون لديهم مِنهُ في الآخرة
أها هسَّ (كيتاً في المستنير): عسى أن يكون لديهم في الآخرة سودان

Quote: منو الزيك ياخ، نهلت من معين حضن الحاجّة ودعواتها، (ربي يديم عليها الصحة)

اييييه يا أبو العزائم
ناسنا الكبار بدوا ينطفوا زي الأنوار نهاية الحفلة ولمّا نشبع من الغنا yet

تحية للحاجة

وتحبة ليك

وتحية ( لقناة الجزيرة ) مدني

أشكرك يا شبلي
كل عام وأنت والأسرة بألف خير
وربنا يفك كُربة الوطن اللا حِكت ولا بقت

قريت البوست من اول دقيقة نزل ...

و قريت أي رد جا فوقه ...

و مشيت سمعت خضر بشير 5 مرات ...

و لي ( هسَّ ) غالبني أكتب شنو ...

خليك كدا بس يا قبه
لكن وسط كل ذلك يمكنك أن تنتزع لحظات عجيبة
آخر ساعات وأنا ماشي المطار (مواعيد الطيارة فجر ثالث أيام العيد) قضيتها مع شباب فنانين ومسرحيين
وكان مفروض الأستاذ هاشم صديق يحضر الجلسة التي أقيمت على شرف فنان كوستي محمد العصامي
بمنزل العم الشاعر مبارك حسن خليفة ونجله الموسيقار حسن في حي بانت
عم مبارك و في لحظة عجيبة غنى لينا رائعته
يا صديق مالك مشغول بالك
قالوا لي الحب غير حالك

برضو سيد خليفة
وبرضو مفروض يهدوها لنانسي عجاج

وربنا يطول في عمر عمنا البروف الشاعر مبارك