Post: #1
Title: خليل بيك
Author: أبوبكر عباس
Date: 07-09-2016, 06:04 PM
06:04 PM July, 09 2016 سودانيز اون لاين
أبوبكر عباس-الإمارات
مكتبتى
رابط مختصر خليل بيك:
محسي لكّة، يجيد الإنجليزية بطلاقة، بين كل جملتين تلاتة بسب الدين، كراهيتو في الدنيا دي العرب والصلاة!
بحب النقل النهري والبوابير والجن
أقصد الجن البشريو أخو العرقي والفودكا.
الزمن نهاية الستينات والمكان كوستي زمن خير البارات
|
Post: #2
Title: Re: خليل بيك
Author: أبوبكر عباس
Date: 07-09-2016, 06:16 PM
Parent: #1
البيكاوية بتاعتو في الطشمة
تقول ليهو: ليش يا استاذ خليل، إتّا مجوّد الإنجليزي والمحسي ولي هسع بتلخبط في المذكر والمؤنث في العربي؟
يقول ليك بعد سب دين للعربي: لأنو دي لغة بتي مليون وسخة، في لغة في الدنيا دي لاقتك بتميّز بين جنس ضمير المخاطب؟!
|
Post: #3
Title: Re: خليل بيك
Author: محمد البشرى الخضر
Date: 07-09-2016, 07:33 PM
Parent: #2
سحّار أنا 
|
Post: #4
Title: Re: خليل بيك
Author: أبوبكر عباس
Date: 07-09-2016, 07:49 PM
Parent: #3
مسّكة زوجتو قالت لجارتها في ونسة قهوة ضحوة في ضل نيمة قدام بيوت النقل النهري بكوستي:
تعرف يا ست البنات، يا أخوي، خمسة وستين لمان القطر جابني هنا كوستي دا، العربي دي كنت بعرف فوقو غير الحمدو وقل هو الله أحد، بس كلمة واحد
ست البنات قالت ليها قول زول متابع: شنو الكلمة السعيدة دي؟
- كنت بعرف فقط كلمة الحمار
ست البنات ضحكت لحدي ما سكر القهوة عشرقها، بعد قشت دموعها قال ليها بلكنة المحس:
محس دا حقار خلاص، إشمعنا يا أخينا بس الحمار؟
|
Post: #5
Title: Re: خليل بيك
Author: أبوبكر عباس
Date: 07-09-2016, 08:16 PM
Parent: #4
مرحب بالحكم بشرى،
وأنا بكتب قلت حقو أعمل لي (قلطة) إملائية أجهجه بيها رمل توقعك "الإلحادي" وأديك فرصة مداخلة متماسكة تضيف لمكتبة "زوووط الرمضانية" مشاركة جديدة.
|
Post: #6
Title: Re: خليل بيك
Author: محمد البشرى الخضر
Date: 07-09-2016, 08:38 PM
Parent: #5
أبدا والله ما كدا
القصّة وما فيها من ما لخّاك كمال عباس في بوست المحكمة وجلطة بوستك عن كوزنة عمر دفع الله لرشاقتك مع ملهم وغيرهن قلت أكيد يا ح يرفع بوست دينا يا يطلع ببوست حكاوي و حجى جديد كنوع من الدامج كنترول بعد الأداء التعبان المخيّب للآمال دا
وما خيّبت توقعاتي
|
Post: #7
Title: Re: خليل بيك
Author: أبوبكر عباس
Date: 07-09-2016, 08:46 PM
Parent: #5
تعود علي برنامج زي القطر، النقل النهري البيت النقل النهري. يوم واحد في الشهر بمشي بار زوزو بجيب ليهو اطناشر قزازة جن.
كل يوم بعد العشا أو العشا - أيهما سبق الآخر- بتمّر كبايتو وبطلع القزازة وبشرب نص وينوم في الحوش.
ستة يوم في الاسبوع نفس البرنامج.
يوم الجمعة البرنامج: تجمع محسي في الفطور على انغام التيركينج، العصر بشرب الشاي مع مسكة وأخوها محمّد صالح البرهاني وبالليل السنة بضم السين.
|
Post: #8
Title: Re: خليل بيك
Author: أبوبكر عباس
Date: 07-09-2016, 08:59 PM
Parent: #7
يوم خميس نص النهاركغير العادة محمد صالح دقّ الباب لأختو، فتحت ليهو وقالت ليهو بالرطانة:
وا شليلي مهمد ساليه، أمي ماتت؟!
قال ليها: يا وليه فال الله ولا فالك، جيت استلف منك شويّة عدّة، الليلة عندنا عشا بالزاوية علي شرف مولانا محمّد عثمان عبدو البرهاني شخصيا
قالت ليهو متمتمة: صلى الله عليه وسلم
|
Post: #9
Title: Re: خليل بيك
Author: أبوبكر عباس
Date: 07-09-2016, 09:11 PM
Parent: #8
شريري وليس شليلي
|
Post: #10
Title: Re: خليل بيك
Author: عباس محمود
Date: 07-09-2016, 09:45 PM
Parent: #9
واشريري نفسها ما افتكر المحس بيستعملوها
|
Post: #11
Title: Re: خليل بيك
Author: امجد الجميعابى
Date: 07-09-2016, 09:58 PM
Parent: #10
لو اتكلمت عن بقرك احسن ليك من الهبالة البتعمل فيها دي
شكلك بايخ شديد
|
Post: #12
Title: Re: خليل بيك
Author: محمد المسلمي
Date: 07-09-2016, 10:04 PM
Parent: #11
| Quote: وا شليلي مهمد ساليه، أمي ماتت؟! |
يامستنير كان تقول ايبيووا 😜😜😜😜بدل واشريري
|
Post: #13
Title: Re: خليل بيك
Author: أبوبكر عباس
Date: 07-09-2016, 10:43 PM
Parent: #12
فكرت يا عبس ومسلمي، أكتب:
قالت ليهو بالرطانة وأخلي نقاط أكتب تحت:
ترجمة:
واستعين بأهل العلم الزيكم يكتبوا لي الحوار بالرطانة
ح أعمل كدا في الحوار الجاي بين محمد صالح ومسكة عند باب زاوية البرهانية بكوستي
--------
هامش:
يا جميعابي،
تقسم في فضلاتك للناس عبر البوستات، وما شايفها هيافة؟؟
كتابتنا الرائعة دي شايفها هيافة!!!
نسوي شنو؟
ندفع ضريبة التجمعات
|
Post: #14
Title: Re: خليل بيك
Author: أبوبكر عباس
Date: 07-09-2016, 11:45 PM
Parent: #13
بعد أخوها فات، شالتها غفوة صغيرة تحت النيمة الجوّة البيت
شافت في المنام مولانا الزائر يديها في بخرة عشان البيك يخلي (الجن)
صحت من النوم سعيدة، بعد سوت الغدا للبيك وقبل يدخل للقيلولة إستأذنت منو تزور عيال محمد صالح قبل المغرب.
صلت العصر بوضوء صحيح
قبل المغرب إتبلمت بالتوب، ركبت تاكسي ومباشرة للزاوية.
محمد صالح لمحها بالشباك في حوش الزاوية ضاربة الحجة مع الحيران عشان تقابل الشيخ.
جا مارق ليها واتراطنو:
----
----
ترجمة:
م ص: يا ولية يا مصيبة، أيش اللقابك هنا؟
مسكة: داير أقابل أبوي الشيخ
- لشنو؟
- ما بوريك بس خليني أقابلو؟
ما بخليك، إتي ولية نقناقة والشيخ مزحوم
انتهت الترجمة
مولانا من داخل الزاوية قال:خ
قولوا ليها غرضك مقضي أرجعي
محمد صالح جسمو مات وهي رفعت يدو من الباب ووصلت الشيخ
قالت ليهو: يا أخينا يا شيخنا، أنا لسع ما قلت ليك غرضي
قال ليها: يا مسكة، موضوع خليل انقضى
ختت يدها في راسها وقالت بالرطانة:
وووب علي!!!
(عدل بواسطة أبوبكر عباس on 07-09-2016, 11:49 PM)
(عدل بواسطة أبوبكر عباس on 07-10-2016, 00:03 AM)
|
Post: #15
Title: Re: خليل بيك
Author: جلالدونا
Date: 07-09-2016, 11:54 PM
Parent: #14
مصيبتى فى الدنيا دى انو انا ذكى
| Quote: تحت النيكة الجوّة البيت |
قاصد النيمة .. صاح !؟
|
Post: #16
Title: Re: خليل بيك
Author: علي دفع الله
Date: 07-10-2016, 05:50 AM
Parent: #15
اتمنى نشوف اخرة طعامة الحكي ما نلقاك قفلتو او سحبتو ..
من دقارات الجميعابي البي فوف ونبيل علي البي تحت..
واصل يا اخي ايه الدنيا غير حلاوة وطعامة الحكي المبهول بي تلقائية ..
|
Post: #17
Title: Re: خليل بيك
Author: يحي قباني
Date: 07-10-2016, 05:57 AM
Parent: #16
| Quote: عندنا عشا بالزاوية |
بالزاوية ؟
انا ما قلت ليك يا بكور كلام الخلايجة ده خلو ...
لما تجي تألف ياخي حاول تفكر بالسوداني ...
|
Post: #18
Title: Re: خليل بيك
Author: أبوبكر عباس
Date: 07-10-2016, 08:08 AM
Parent: #17
أحداث هذه القصة حقيقية
حكاها لي زول في الدوحة عن أبوهو
أضفتا ليها بعض الرتوش وتغيير في الاسماء
محمّد صالح رجّع أختو بيتها وفي الطريق كانوا كاضمين.
دخلت البيت لقت صاحبنا طلع سريرو وبتمّر في الكباية
جلست في عنقريب بعيد تتابع فوقو
كبّ الكاس الأول
قرّب الكاس من خشمو ورجع عاين ليهو وكشحو في التراب.
مشى مصمصم الكباية، ورجع تمرا وشال الجن فحصو في النور
ملا الكباية، قربا لخشمو، رجعا ومشى عاين ليها في النور، كف كشحا في التراب
تكرر الموقف لحدي ما كمّل قزازتين جن.
بعد القزازة التانية كملت في التراب؛ قعد يتلفت بخوف، ثم تحصن، وجرّ بطانيتو.
لأول مرّة من عشرة سنين ينوم يوم خميس بايت القوى في كوستي الرديف!
كلما يكشح ليهو كاس في التراب، مسكة تمتم ب:
حي قيوم
حي قيوم
|
Post: #19
Title: Re: خليل بيك
Author: حيدر حسن ميرغني
Date: 07-10-2016, 08:38 AM
Parent: #18
ياسلام ياسلام عليك
واصل ...
|
Post: #20
Title: Re: خليل بيك
Author: حيدر حسن ميرغني
Date: 07-10-2016, 08:43 AM
Parent: #19
نسيت اقول انو قبل كده في واحد قال لشاعرنا المجيد فضيلي جماع مقللا من شأنه " لو ما سودانيز اونلاين دي .. ماكنت اعرفك شاعر زاتو "
واصل
|
Post: #21
Title: Re: خليل بيك
Author: أبوبكر عباس
Date: 07-10-2016, 08:44 AM
Parent: #18
من الستينات لحدي التسعينات كان البيك هو المنشد الأول للأحباب البرهانية بكوستي،
جابو ليهو محمد عثمان، شيخ إبلراهيم وشاذلي وشاذلية
وظل مواظب حضور الحولية السنوية في إبريل لسيدي مولانا الشيخ محمد عثمان عبدو البرهاني جنب ميدان سباق الخيل بالخرطوم.
الغريبة يا شيخ علي، الشقة الحكوا لي فيها السالفة دي، هي نفس الشقة الكان ساكن فيها قبل أربعة سنين كادر خطابي من أولاد الجبهة الديمقراطية أيام الديمقراطية بجامعة الخرطوم، اسمو عبد اللطيف
حكي لي قصتو الغريبة الخلتو يتحول لصوفي ومريد للشيخ المكاشفي سيد القوم أبو عمر.
بعد عزم لي في موية جايبنها من السودان من حفير سيدي الشيخ وأوصاني أوصلها لشقيقي المريض،
قلت ليهو: الحصل شنو يا عبد اللطيف؟
قال لي: أقعد أحكيك قصتي، ما بتصدقها، لكن بحكيها ليك.
|
Post: #22
Title: Re: خليل بيك
Author: امجد الجميعابى
Date: 07-10-2016, 09:13 AM
Parent: #21
| Quote: لما تجي تألف ياخي حاول تفكر بالسوداني .. |
المهم يجتهد شديد انو يفكر
|
Post: #23
Title: Re: خليل بيك
Author: محمد المسلمي
Date: 07-10-2016, 11:54 AM
Parent: #22
| Quote: واستعين بأهل العلم الزيكم يكتبوا لي الحوار بالرطانة |
بكور بطل زعل ياخ نجي متابعين ومشاركين ليييك وانت حبيبينا
وبعدين ياخ الرطانة ماعندنا بيها علم ولا بحوث شغلت بيوت وتعليم اجباري . ياخ ناس احمد واخوانه في البيت محتاج لي مترجم معاهم عدييل
|
Post: #24
Title: Re: خليل بيك
Author: أبوبكر عباس
Date: 08-05-2016, 03:01 PM
Parent: #23
مكاشفي القوم
أبو عمر
شيء لله
|
Post: #25
Title: Re: خليل بيك
Author: أبوبكر عباس
Date: 08-05-2016, 03:26 PM
Parent: #24
عبد اللطيف من الكوادر الخطابية للجبهة الديمقراطية جامعة الخرطوم أيام الديمقراطية.
إلتقيته قبل خمس سنوات بالدوحة
أصبح صوفيا مخلصا من أحباب سيد القوم الشيخ المكاشفي
حكى لي نقطة مفترق طرقه التي جعلته يسلك الطريق، قال لي:
ذهبت إلى الاردن (أو سوريا لا اتذكر) بصحبة مريض للعلاج
|
Post: #26
Title: Re: خليل بيك
Author: أبوبكر عباس
Date: 08-05-2016, 03:45 PM
Parent: #25
الذي لا يتذكر هو أنا
|
Post: #27
Title: Re: خليل بيك
Author: محمد على طه الملك
Date: 08-05-2016, 03:59 PM
Parent: #26
إتا بوستاتك دي شايلا في جيبك تمرقا ساعة داير ؟
|
Post: #28
Title: Re: خليل بيك
Author: معاوية الزبير
Date: 08-05-2016, 04:24 PM
Parent: #27
دا زول تمتام يا مولانا
|
Post: #29
Title: Re: خليل بيك
Author: muntasir
Date: 08-05-2016, 04:37 PM
Parent: #28
يا بكة مع قصة الزول المشى الأردن ولا سوريا خايف أقول ليك اها والحصل شنو
|
Post: #30
Title: Re: خليل بيك
Author: أبوبكر عباس
Date: 08-06-2016, 06:48 AM
Parent: #29
حا أحكي قصتو كما أتخيلها أنا وليس كما حكاها.
في النهاية بحافظ على نفس المعنى.
لو حكيت لي قلت لي لاقيت صديقنا المشترك عوض الزين في السوق الجديد.
ظوالي الحادثة دي بترسخ في خيالي ب:
الزول دا لاقى عوض الزين جنب زنكي الخضار الجنب العياشة، وعوض قايد عجلتو الرالي الدبل، شايل ليهو كيس ورق فيهو تبش
لابس مركوب بني مترّب، يحلف عليك لازم تشرب شاي في قهوة محمّد نور
|
Post: #31
Title: Re: خليل بيك
Author: أبوبكر عباس
Date: 08-06-2016, 07:17 AM
Parent: #30
كنت والمريض الذي بصحبتي في الداون تاون نبحث عن عنوان الطبيب الجاين ليهو من السودان. واحد من أهل الدار كتب لينا العنوان في ورقة، ركبنا تاكسي للعنوان.
كان بيتا أرضيا، دخلنا من الباب للإستقبال، البيت عبارة عن صالة فاتحات فيها غرفتين، جخلنا الغرفة الفاتح بابها، لقينا لينا رجل كبير لابس جلابية بيضا وفي راسو طاقية بيضا.
قعدنا وجاب لينا شاي ومسح بيدو في رأس صديقي المريض.
كتب لينا العنوان الصحيح بتاع الدكتور الكايسنو
|
Post: #32
Title: Re: خليل بيك
Author: أبوبكر عباس
Date: 08-06-2016, 12:48 PM
Parent: #31
بعد أن قابلنا الدكتور؛ تحسن صديقي واستجاب للعلاج بصورة مدهشة.
لم تغب صورة الرجل أبطاقيه عن ذهني
ركبت تاكسي وذهبت لنفس العنوان
لم أجد البيت ووجدت معالم مختلفة
رجعنا للسودان وفي نفسي شيء من حتات كتار؟؟
|
Post: #33
Title: Re: خليل بيك
Author: أبوبكر عباس
Date: 08-06-2016, 04:40 PM
Parent: #32
يوم بالصدفة لقيت صورة زولي ابطاقية بتاع الاردن معلقة في صالون، قلت لاصحاب البيت: دا منو؟
قالوا لي: مكاشفي القوم ابو عمر
قلت ليهم: المكاشفي الكبير المتوفي؟
هزوا راسم، قعدت في الواطة أبكي، ومن ديك ماسك
------
عضم القصتين حقيقيات، تغيير في الاسماء ما عدا عبد اللطيف وهو دفعة عصام جبر الله بالاقتصاد، ممكن الناس تستوثق منو عن عضم القصة.
تحيرني مسيرة الناس في الحياة؟!
حينما ترجع لنقاط مفترقات طرقك؛ تحسب لنفسك آلاف المساير كان يمكن أن تسلكها!!
|
Post: #34
Title: Re: خليل بيك
Author: أبوبكر عباس
Date: 08-06-2016, 04:48 PM
Parent: #33
حقيقيات بمعنى: هكذا ونسوني بعضمن
|
Post: #35
Title: Re: خليل بيك
Author: أبوبكر عباس
Date: 08-06-2016, 04:52 PM
Parent: #34
تستوثق من عبد اللطيف عن القصة ومن عصام عن وجود عبد اللطيف
|
Post: #36
Title: Re: خليل بيك
Author: muntasir
Date: 08-06-2016, 05:03 PM
Parent: #35
يا سلام يا بك مكاشفي القوم أريتو يمسح لحفيده المسلمي ده عشان يمرقوا من السختة دي
|
Post: #37
Title: Re: خليل بيك
Author: Hafiz Bashir
Date: 08-07-2016, 02:11 AM
Parent: #36
| Quote: عوض قايد عجلتو الرالي الدبل |
| Quote: مكاشفي القوم أريتو يمسح لحفيده المسلمي |
طالما العجلة المن زمن زنكي الخضار ممكن تكون رالي و دبل في نفس الوقت ما كتيرة علي المسلمي يكون حفيد الكباشي و المكاشفي في نفس الوقت
|
Post: #38
Title: Re: خليل بيك
Author: معاوية الزبير
Date: 08-07-2016, 04:11 AM
Parent: #37
ههها
خلاص انضميت لجماعة الرصد والمتابعة يا حافظ
|
Post: #39
Title: Re: خليل بيك
Author: muntasir
Date: 08-07-2016, 04:14 AM
Parent: #38
سئيلك الله يا حافظ انا قايلهم واحد طلعوا ما سيم سيم
|
Post: #40
Title: Re: خليل بيك
Author: muntasir
Date: 08-07-2016, 04:16 AM
Parent: #39
يكون لخبتني المكاشفي طه الكباشي
|
Post: #41
Title: Re: خليل بيك
Author: Mohd Ibrahim
Date: 08-07-2016, 01:49 PM
Parent: #40
المشكلة الناس هنا بتقتع حبل الافكار ..فاانا ارفع البوست بدون تعليق لحد ماالفكرة تظهر ...........
|
Post: #42
Title: Re: خليل بيك
Author: احمد التجانى احمد
Date: 08-07-2016, 02:36 PM
Parent: #41
وقت سيرة عبد اللطيف كادر الجبهة الديمقراطية الخطابى بقت اثرا بعد عين يبقى زمنا اندثر واندحر , لكن البخلى الناس تتذكر عصام جبر الله وتنسى عبد اللطيف شنو ؟؟؟ عصام ذاته خلى الكتابه هنا وقالوا تاب وبقى متعهد مساويك مكاوية فى زيورخ
الجماعة بيحكوا قالوا عبد اللطيف جا يتكلم فى ركن معقبا على كلام المرحوم محمد طه قام زح الميكرفون وقال للناس ما بقدر اتكلم بيه عشان محمد طه بتفل مع الكلام
|
Post: #43
Title: Re: خليل بيك
Author: معاوية المدير
Date: 08-07-2016, 03:05 PM
Parent: #42
| Quote: حينما ترجع لنقاط مفترقات طرقك؛ تحسب لنفسك آلاف المساير كان يمكن أن تسلكها!! |
ياخي المساير دي تسريحة شعر للبنات في قديم الزمان، يقول ليك،
مضفرا شعرا مساير .
شوف ليك طريقة غيرا، قول، المعابر مثلاً، أو الطُرقات، أو ايّ حاجة ياخ .
بَس ...
|
Post: #44
Title: Re: خليل بيك
Author: أبوبكر عباس
Date: 08-07-2016, 05:04 PM
Parent: #43
يا أحمد التجاني،
عصام جبر الله، مناضل اسفيري معروف،
أنا مناسبم، هو في الحساب جد أولادي
خيلان أولادي المباشرين مناضلين كبار زي عصام، ناس ياسر، مازن، وحمادة
|
Post: #45
Title: Re: خليل بيك
Author: معاوية الزبير
Date: 08-07-2016, 05:33 PM
Parent: #44
بالله ياسر ومازن وحمادة ديل أسماء مناضلين، عصام زاتو معاهم
يا حليل العبيد وحاج الطاهر
|
Post: #46
Title: Re: خليل بيك
Author: أبوبكر عباس
Date: 08-07-2016, 05:40 PM
Parent: #45
خلينا يا معاوية من ناس العبيد
خضر (الطيب) دا، موش لمان جا من حلتم للخرطوم كان مناضل اغبش يشبه ناس حاج الطاهر؟!
شفتو لمان بقى مناضل خارجي عمل شنو؟
سمى روحو خدوري، وصبغ حواجبو!
|
|