ما كان العشم في من وليناهم أمرنا أذهبوا غير مأسوفاً عليكم

06:47 AM July, 09 2016

سودانيز اون لاين
محمد حمزة الحسين-امدرمان- ابوسعد
مكتبتى
رابط مختصر

أنا مصدوم .... حسبي الله ونعم الوكيل
كنت اصدق كل شيء في كل شيءالا شيخ علي عثمان محمد طه
يشهد الله لم يكن لي علاقة بالجهاد الالكتروني ولا جداده ولكن كنت غيرة وحمية لله في الله
نتلح الزول البقول بغم لامن ينزوي غير ماسوف عليه ونكذبه حتي يكذب نفسة وان كان صادقاً
لا لــ دنيا نصيبها ولا وظيفة نغتنمها ولكن غيرة علي الحق واهل الحق ومن نزروا انفسهم في سبيل الله
دعوة وتحملوا المخاطر حكاماً مضحين بوقتهم وصحتهم وخصوصياتهم تركوا الوظائف بالدرهم والدولار
وعادوا دون قيد او شرط ليسهموا في دفع عجلة وطن مستهدف ومحاصر لأجل كلمة حق يردون ان يثبتوها في هذا التراب الطاهر
كنت اجد لهم العذر كلما انزوا من شدة الخطب والبلاء والمحن وكلما اخطأوا في حق الوطن والمواطن كبوة ويمكن إصلاحها
ونحسب إن لهم لهم اجر المجتهد وان أخطأ
أين ذهدك ايها الشيخ علي عثمان
أين حنكتك ايها السياسي الذي رضع سياسة وشبع سياسة
أين الشوري
اين .. واين ..واين
لو لم يقل شيخ حسن ما قال لكذبت كل فتحي الضوء وكل المأجورين والمأفونين وضاربي الكي بورد
حدثني اخوة عاصروا الشيخ حدثوني عن زهده وورعه وتسامحة وكبر افقه كسياسي يحرص علي كل ابناء السودان
في وطن واحد من غير ضوضواء ومن غير مشاغبة
هل كذب عليَا الأخوة ام خدعنا شيخ علي عثمان طوال هذه الفترة
غفر الله لك ايها الشيخ توضاء واعتزل السياسة يرحمك الله
:
:
:
:
:
:
مع التحيات لله الزاكيات

الأخ حمزة ..نجد لك العذر.
دائما و في كل أنحاء الدنيا هناك من يتماهى صدقا مع الشعارات و يتفاعل مع الخطب و الكلمات فيصبح عضوا
في التنظيم أو مجرد مناصر أو متعاطف.
و لكن حين يكتشف أن كل ما آمن به كان زيفاً و خداعاً فغنه يعيش لحظات صعبة حين يرى ان من كان يظنهم ملائكة
يجدهم اسوا من الشيطان. و هناك فترة يكون فيها ما بين مصدق و مكذب , و تتون التحول من خانة المناصر إلى
المحايد او المعارض من أصعب المراحل عاطفيا و نفسيا و يحتاج الشخص فيها غلى فترة للمراجعة و الحوار الداخلي
إلى ان يستطيع ان يتخذ وضعاص جديداًز فذلك يحتاج وقفة مع النفس و يحتاج ذلك غلى زمن.
لذلك نجد لك العذر و اكاد احس بما تقول.
و هكذا البشر فالناس ليسوا ملائكة.
نسال الله لك التوفيق

والذي رفع السماء بلا عمد لا يوجد مأفون ولا مأجور اكثر من منهم لقد تركوا وظائف الدولار والدرهم ليلهطوا ملايين الدولارات من المال الحرام وولغوا في دماء وأموال العباد ياخ ناس يقولوا نكتلهم لبشر بسهولة قتل الحشرات لا قدسية لهم لحياة البشر ولا يتورعون عن فعل منكر واستحلال حرمات كأنهم نسوا لقاء ربهم وهم بلغوا ارذل العمر

اوعى تكون متعشم لسع يا ود الحسين ...
يا لك من رجل طيب ...
هؤلاء الاوغاد من المقبور الترابي مرورا بالمتشويخ الثعلب المراوغ الكذاب علي عصمان الشيطان الى اصغر منتمي لهذا الكيان الرخو كلهم تاافهون ..
لا تتعشم يا ود الحسين هم تجار دين افاكون كذابون ..دي الحقيقة حاول اقبلها وبعد داك يا تظل تقيف معاهم يا تناي بنفسك ان لا زلت تحمل ذرة انسانية ..
ولسع التقيل جاييكم ومصير كل الحقائق تظهر ...
تحياتي

Quote: كنت غيرة وحمية لله في الله

الحق نفسك يا رجل.
فمثلما درست في كتب التاريخ عن صكوك الغفران باسم الدين و فهولاء ايضا فعلو نفس الشئ بمسميات اخري

التحية للجميع .. وكل عام وانتم بخير ..

يا حمزة معقولة بس ؟!

Quote: لو لم يقل شيخ حسن ما قال لكذبت كل فتحي الضوء وكل المأجورين والمأفونين وضاربي الكي بورد

بدون تعليق !

ما كان العشم طمام بطن شديد يادوب الواحد بقي يبلع ريقوا بلا بصاق
شكراً لكل من مرا من هنا التجربة تحتاج مراجعة وتصحيح نتمني ان يتم ذلك علي من هم أخلص
لصالح الدين والشعب والوطن
:
:
:
:
:
:
:
ساعود لكم فرداً فردا
مع التحيات لله الزاكيات

الكوز العنصري محمد حمزة الحسين.

أنت رجل كذاب ومنافق، وبتشبه الكيزان تماما.

هل يعقل أن تكون مغيب لأكثر من 27 عاما؟؟
في أي عالم تعيش أنت؟

كل ما في القصة يا جماعة، المولد انفضى وتاني مافي مآكلة
هذا الكوز اللعين كان من المستمتعين بأموال البترول، والأن القصة أنتهت، علشان كده عاوز يغير جلده ويظهر لنا بمظهر جديد
ولكن يا كوز يا عنصري نحنا لك بالمرصاد.

Quote: وليناهم أمرنا

و بعدين انت وليتهم امرك ام شالوهو بالدبابة في ليلة مظلمة؟

الحاصل شنو اليومين دي ؟؟؟...الكتير من الكيزان ادعوا التوبة ..وانهم رجعوا عن ضلالهم القديم .

شكلها كدة دايرة تغرق ...قالوا احسن نتلب منها قبل ما نلحق امات طه.!!!

لكن تلقوها عند القافل يا كيزان ..معروفين انتو بالاسم ...وقت الحساب قررررب

Quote: نحنا لك بالمرصاد.

مرصاد شنو كمان ....؟؟؟؟
قوم لف ما تملانا فقر ..
بالمرصاد لو كان الكلام دا في بلدك ...
السودان دا للسودانيين ...
انت يا بي تأشيرة يا لاجئ ....
قال بالمرصاد كمان .... 😂😂😂😂

ان تأتي متأخرا خير من أن لا تأتي

حرقك يا كبير .....
السودان للسودانيين ....
و الأجــــــانــــب إلا بي تأشيرة أو نعتبرك لاجيئ............

ما تنفعل شديد يا محمد حمزة يا قريبي ..
انت زول قابل للخداع مثنى وثلاث ورباع ..
وبكره او بعد بكره حترجع تااااني لذات الجحر الذي لدغت فيه ..

لا كـــدا حرقك شديد.......

يا دينق الكاركتير دا فيهو خطأ كبير
ابو العفين ما بلبس بنطلون و قميص ما بقدر
هو و شطرطون لانو الكمونية الشايلنها ما في مقاس بنطلون بشيلا :)

يا خضر يا واطي يا تربية الأزقة
ما لقيت فائدة من تسوّلك بشتيمة أمّك بذلتها للناس يتسوّلولك بيها!!
إن شا الله بس عرفت ضآلة قدرك و لأي مدى أنت محتقر وذليل ولا وما في زول محترم جايب خبرك
حتى من هم على شاكلتك ونفس مرتبتك الدنيئة تبرؤوا منّك وعملوا رايحين إلاّ الواحد يتزنق حتى يعرض بي شتيمة أمك
ليه ؟
لأنّك واطي بل كلمة واطي نفسها ارفع منك منزلة ومكانة

Quote: الكوز العنصري محمد حمزة الحسين. أنت رجل كذاب ومنافق، وبتشبه الكيزان تماما. هل يعقل أن تكون مغيب لأكثر من 27 عاما؟؟ في أي عالم تعيش أنت؟ كل ما في القصة يا جماعة، المولد انفضى وتاني مافي مآكلة هذا الكوز اللعين كان من المستمتعين بأموال البترول، والأن القصة أنتهت، علشان كده عاوز يغير جلده ويظهر لنا بمظهر جديد ولكن يا كوز يا عنصري نحنا لك بالمرصاد.

سلآمات يا دينق .
يا دينق هذا الكوز قريبي لحم ؤ دم وأعرفه حق المعرفة ومعروف وسط الأهل وكثير الوجود
في الصغيرة والكبيرة، يعرفه الجميع من اين يكسب رزقه واين يصرفه، فحكاية أموال
البترول دي ليس له فيها يد حتي يستمتع بها، وإن كان وصلك مثل هذا القول فاعرف أنه
قول خاطئ ومن قاله مخطئ .
قصة شِنو اللِنتهت ؤ سفينة شِنو الغرقت ؟، هذه العصابة ما زالت مكنكِشة، وحتي
لو سلمنا بانّ اجلها قد دنى فهي في مثل هذه الظروف تكون اكثر شراسة واشدّ
فتك وبطش، وقريبي وددبايتور بموقفه هذا يعرّض نفسه لخطر ساحق وماحق،
وإن آلت السُلطة لأيّ حكومة فدونكم قريبي وددبايتور إن وجدتموه سرق أو
قتل فليكم اللحم ؤ لينا العضُم، ؤ قسماً عظماً غير محمد حمزة الحسين سليّل
اللِنقرياب زول يقدر يدلي بمثل هذه التصريحات في مثل هذا الوقت تحديداً
مافي .
يا وددبايتور هذه العصابة كلها فاسدة مُفسدة، وكنتُ دايماً أقول ان أفسد الفاسدين
في هذا الوسط الفاسد هو هذا المدعو شيخ علي عثمان، وكم كانت لنا نقاشات
و سجالآت في منتدى الباوقة بخصوص هذا الشأن، وأنت كوز لم تنكر كوزنتك
وها أنت تحدد موقفك من علي عثمان وأنت ما زلت علي كوزنتك لا تخفيها،
هكذا عهدناك، أسأل الله ان يكفيك شر هذه الزُمرة التي لا تحسب لله مقام .

مودتي للجميع ...

نسال الله ان يثبتك على الحق اخي محمد حمزة الحسين ..تلك فتنة كبرى


دينق اختشي

الأح محمد حمزة انت رجل شجاع وكلماتك تجعلني أحس بصدقك ومثلك هو دائماً يتصالح مع نفسه
لا تهتم باللهجة العنيفة لبعض الأخوة هنا فما عملته الإنقاذ فيهم أضعاف حدتهم
أنا شخصياً أثق في صدقك وتدينك وأدعو الله أن يوفقك لما يحبه ويرضاه

من كان فى ضلال يمده الرحمة مدا . الحكاية ما فى محمد حمزة ولا الترابى ولا على عثمان الحكاية فى الدلدول البشير مريس ومتيس . ما الكيزان
ديل اصلا معروفين زى حمارة المحمدية الغرقت مع البقر هههها
تحياتى
للكوز التايب محمد حمزة

محمد حمزة الحسين يعلن توبته علي الملأ .

يعني كلام الترابي جاب مريسة تام زينو ؟

محمد حمزة الكوز المتعصب يعلن توبته علي الملأ .
بعد كلام شيخهم الترابي .

مـــــــــــــــــافي كوز بتوب .




ابــــــدا

Quote: ما كان العشم في من وليناهم أمرنا أذهبوا غير مأسوفاً عليكم

بعد كل حمامات الدم التي سالت، وحملات القتل والتطهير العرقي والتشريد والفساد الذي يعرفه الجميع، يطلع لنا هذا الكوز ويقول "ما كان العشم"

ده عشم شنو ده يا كوز اللي كنت بتسعى له مع جماعتك المجرمة هذا؟

التحية للكوز الهارب .. وجميع المرابطين .

سؤال لصاحب البوست الهارب ؟

ماذا انت فاعل بعد أن عرفت الحقائق
التي كنت تجهلها ؟

هل تستطع ان تفتح بوست لتبرئ به
ذمتك التي ملاتها بالضلال والجهل
المتعمد لشخصك ؟

مع التحيات الزاكيات زي ما بتقول .

*

يا شباب الزول دا وين ما من عوايدو يختفي قدر دا ؟؟

يا بت عمسيب سلامات
عن مشاهدة شخصية, زول في السودان اصلو ما تصفيه بالهارب, الأربعة وعشرين ساعة هنا لا تكفي للسلام ساي خليك من كتابةبوست ومباراته
الناس تجري من الصباح على رزقها ورزق عيالها و المجاملات و الواجب من عزاء و تواصل وزيارة مريض وجار وما ملاحقين
ما كتّر خيره اللقى وقت يفتح بوست من الأساس!

ود البشري يا صديق .. صباح الخيرات ,,


كما قلت :
( عن مشاهدة شخصية, زول في السودان اصلو ما تصفيه بالهارب )

وبذات لما يكون عريس .. ومبروك علي العريس ود الحسين .

ولك الشكر حبيبنا ود البشري ,,

كتب محمد حمزة الحسين

(أنا مصدوم .... حسبي الله ونعم الوكيل
كنت اصدق كل شيء في كل شيءالا شيخ علي عثمان محمد طه
يشهد الله لم يكن لي علاقة بالجهاد الالكتروني ولا جداده ولكن كنت غيرة وحمية لله في الله
نتلح الزول البقول بغم لامن ينزوي غير ماسوف عليه ونكذبه حتي يكذب نفسة وان كان صادقاً
لا لــ دنيا نصيبها ولا وظيفة نغتنمها ولكن غيرة علي الحق واهل الحق ومن نزروا انفسهم في سبيل الله
دعوة وتحملوا المخاطر حكاماً مضحين بوقتهم وصحتهم وخصوصياتهم تركوا الوظائف بالدرهم والدولار
وعادوا دون قيد او شرط ليسهموا في دفع عجلة وطن مستهدف ومحاصر لأجل كلمة حق يردون ان يثبتوها في هذا التراب الطاهر
كنت اجد لهم العذر كلما انزوا من شدة الخطب والبلاء والمحن وكلما اخطأوا في حق الوطن والمواطن كبوة ويمكن إصلاحها
ونحسب إن لهم لهم اجر المجتهد وان أخطأ
أين ذهدك ايها الشيخ علي عثمان
أين حنكتك ايها السياسي الذي رضع سياسة وشبع سياسة
أين الشوري
اين .. واين ..واين
لو لم يقل شيخ حسن ما قال لكذبت كل فتحي الضوء وكل المأجورين والمأفونين وضاربي الكي بورد
حدثني اخوة عاصروا الشيخ حدثوني عن زهده وورعه وتسامحة وكبر افقه كسياسي يحرص علي كل ابناء السودان
في وطن واحد من غير ضوضواء ومن غير مشاغبة
هل كذب عليَا الأخوة ام خدعنا شيخ علي عثمان طوال هذه الفترة
غفر الله لك ايها الشيخ توضاء واعتزل السياسة يرحمك الله )


نقول الحمد لله انه وبعد كل السنين دى اتضحت ليك صورة صغيره من البوم حكومة الإنقاذ

الناس البتمر بى تجارب زي دي بكون حصل ليها عملية غسيل دماغ قوية جدا
لما يبدا دماغهم يسترجع الادراك مفروض طوالي يبتعدوا عن المؤثرين عليهم سابقا وينتبهوا لى روحهم
وبكونوا محتاجين يقروا كتير ويسمعوا لى ناس كانوا مصنفنهم اغبياء وعملاء وضد الوطن

التحية لك .. الكريم وضاح ..

Quote: نقول الحمد لله انه وبعد كل السنين دى اتضحت ليك صورة صغيره من البوم حكومة الإنقاذ الناس البتمر بى تجارب زي دي بكون حصل ليها عملية غسيل دماغ قوية جدا لما يبدا دماغهم يسترجع الادراك مفروض طوالي يبتعدوا عن المؤثرين عليهم سابقا وينتبهوا لى روحهم وبكونوا محتاجين يقروا كتير ويسمعوا لى ناس كانوا مصنفنهم اغبياء وعملاء وضد الوطن

الشئ الغريب ياوضاح مازال موالي للترابي !
يعني لو الترابي ما مات كان لسه متابع الفساد
بما انه الترابي هو مؤسس هذا الحزب المفسد
وزعيمو وشيخو ! حقيقة حاجة محيرة !
يعني امثال الحسين دا بثق في الترابي اكتر من
الله الخلق الترابي ! والدليل البعملو فيهو الترابي
وجماعو الرمن دا كلو من قتل ونهب وفساد !!!
ما انتبه ليهو الا لما شيخو قال ليهم الحقيقة !!!


ولك الشكر يا وضاح ,,,

فوق ..

.

*

.

فوق