Post: #2 Title: Re: هاشم صديق و منتصر سيد خليفة والمحامي الفا� Author: ASHRAF TAHA Date: 07-08-2016, 03:05 PM
الجنرال في متاهته
Post: #3 Title: Re: هاشم صديق و منتصر سيد خليفة والمحامي الفا� Author: ASHRAF TAHA Date: 07-08-2016, 03:20 PM Parent: #2
من حق المبدع ان يهدي لمن يشاء ومن حق من سماه ان يتحسر ارتباط المتلقي باجيال العمالقة لا ينقص من دور النشء والناشئة فلكل جيل سمته الحانه واغانيه وشعراءه وملحنيه الانعتاق هو التميز برنامج أغاني له عقد يردد القديم لجماله وليس لتفرده مازال هنالك عقم أتمنى ان يأتي من يقدم تجربته مثل محمود عبد العزيز عليه رحمة الله قد تغنى ماله وما سبقه واجاد ارجو ان يقدم لهذا (الجيل) غناءا لحنا تفردا بدل موضة الاهداءات الماشة دي وللقامة هاشم صديق التحية
Post: #4 Title: Re: هاشم صديق و منتصر سيد خليفة والمحامي الفا� Author: أبوبكر عباس Date: 07-08-2016, 03:50 PM Parent: #3
سلام يا قباني وأشرف، جاتي أختي وولدها للعيد وصادف حلقة الجميلة نسرين النمر مع هاشم ومكارم بعد مكارم غنت الأغنية حكيت ليهم سالفة الإهداء واللغط الاثارتو أختي قالت لي: يخصي عليهو، ليه لو داير يهدي، ما لو ما أهداها لعصام محمد نور؟؟ ولدها أضاف: وحات سيدي الحسن، عصومي بغنيها أحسن من أبو السيد ذاتو لكن يمّة، مكارم تستاهل والقلب وما يريد
Post: #5 Title: Re: هاشم صديق و منتصر سيد خليفة والمحامي الفا� Author: يحي قباني Date: 07-08-2016, 11:10 PM Parent: #2
Quote: الجنرال في متاهته
اخونا اشرف ... تحياتي يا حبيب ...
رديت على البوست بعد دقيقتين فقط من رفعه بالاقتباس الفوق ده ...
حتى ردك التاني برضه سريع ...
رغم ان طول الفيديو 29 دقيقة !!!
فما عرفت ليه الردود ( الاستباقية ) دي ؟
Post: #6 Title: Re: هاشم صديق و منتصر سيد خليفة والمحامي الفا� Author: يحي قباني Date: 07-08-2016, 11:12 PM Parent: #5
Quote: لكن يمّة، مكارم تستاهل والقلب وما يريد
يا أبو بكر يا حبيب ...
الحبكة ما بطاله ... فكرتها لطيفة ...
لكن الكلام الإيحائي ما توقعت يصدر من زول ( مستنير ) زيك ...
لكن على قولة اخوانا هنا .. الما في شنو ؟
Post: #7 Title: Re: هاشم صديق و منتصر سيد خليفة والمحامي الفا� Author: أبوبكر عباس Date: 07-09-2016, 02:54 AM Parent: #6
يا قباني، إيحائي كمان شنو؟ الريدة الهنا ما فيها أي حاجة نفس كلام أشرف القالو في البوست السابق: عصام محمد نور أحسن من أدى هذه الأغنية عموما مداخلتي كانت إحتفاء بمكارم وهاشم والحلقة فشنو؟ سيب الشر بتاعك دا
Post: #8 Title: Re: هاشم صديق و منتصر سيد خليفة والمحامي الفا� Author: يحي قباني Date: 07-09-2016, 03:57 AM Parent: #7
Quote: يا قباني، إيحائي كمان شنو؟ الريدة الهنا ما فيها أي حاجة نفس كلام أشرف القالو في البوست السابق: عصام محمد نور أحسن من أدى هذه الأغنية عموما مداخلتي كانت إحتفاء بمكارم وهاشم والحلقة فشنو؟ سيب الشر بتاعك دا
هسي الجاب سيرة الريدة منو ؟
انا قاصد قصة عصام ...
في رأسك ريشة بس ...
Post: #9 Title: Re: هاشم صديق و منتصر سيد خليفة والمحامي الفا� Author: Abuelgassim Gor Date: 07-10-2016, 07:22 AM Parent: #8
قبانى تحية واحترام والعيد مبارك عليك اقول ليك بكل صراحة .....
لماذا نكبل الجيل الجديد ، هذا الجيل الشاب بانتاج الماضى ... هذه أغنية ناهزت الخمسين عام .
لم اكن سعيدا بتلك الحلقة .....
كان من الافضل ( البتاعة) دى فى محارتها !!
عاصف التحايا
Post: #10 Title: Re: هاشم صديق و منتصر سيد خليفة والمحامي الفا� Author: خضر الطيب Date: 07-10-2016, 07:42 AM Parent: #8
سلام يا قُبة كل عام وانت والأسرة بألف خير
و التحية خالصة للقامة استاذ الاجيال هاشم صديق و الرحمة و المغفرة للراحل المقيم سيد خليفة في بادرة كانت الاولى وفي مدينة الرياض السعودية في العام 2006 قامت رابطة ابناء الصحافة بتكريم الراحل المقيم عثمان حسين و الراحل المقيم الاستاذ ذو النون بشرى و الرائع فيصل الصحافة اعجب الاستاذ عثمان حسين باداء فيصل الصحافة لاغانيه وسمح له على لسان ذو النون بشرى باداءها مدى الحياة, في حين انه منع احدى المطربات حينها من اداء اي اغنية له , ووجدت البادرة ترحيباً من كل من حضر هذه السهرة و كتبت عنها الصحف وقتها مثمنة هذه الخطوة. حقيقة رغم احترامي لوجهات النظر الاخرى التي استنكرت اقدام الاستاذ هاشم على هذه الخطوة ولكن اقول بأن الاستاذ هاشم كان محقاً في هذه الهبة مع العلم بأنه صاحب الكلمات ومع ذلك لم يتجاهل ورثة الراحل سيد خليفة واتبع في ذلك الاجراءات القانونية التي تكفل لهم حقهم المادي في ذلك وتم هذا الأمر بتراضي جميع الاطراف , فاين المشكلة هنا ؟ الهجوم الغير مبرر من الدكتور زهير السراج كان صادماً , فالرجل كصحفي كان يجب ان يتريث قبل ان يكتب مقالته تلك مهاجماً رجل بقامة هاشم صديق, كنت اتوقع ان اقرأ للدكتور زهير اعتذاراً واضحاً في رده الصادم و المتعجل , ليته فعل. الذين يتحدثون عن الحق الادبي كذلك جانبهم الصواب , فكثير من الفنانين الكبار قد تغنوا باغنيات من سبقوهم و بالذات اغاني الحقيبة, ربما قال قائل ذلك زمان قد لا يكون موضوع الحقوق الادبية كما في وقتنا الحاضر وحتى في وقتنا الحاضر كثير من الشباب يتغنون باغنيات الغير وفي اجهزة الدولة الرسمية ويتم تسجيلهم كمغنيين في حين انهم مؤديين لاغنيات الغير , فلماذا الهجوم على الاستاذ هاشم صديق و الرجل قد سلك الطريق الصحيح وهو احرص مبدعي السودان على حقوق الملكية الفكرية والادبية؟ ختاماً اداء مكارم كان في قمة الروعة ولو كنت مكان الاستاذ هاشم لمنحتها المزيد , فدعو الاشجار تنمو يا هؤلاء. مع عظيم تحياتي للجميع