Post: #2 Title: Re: ذكرى انقلاب الانقاذ في شهر سبعة ولا تماني� Author: فرح الطاهر ابو روضة Date: 07-05-2016, 11:48 AM Parent: #1
معقول ولا بوست تهنيئة واحد هنا ما في ولا حتى لشخص السيد الرئيس ؟؟ ولا حتى على مستوى الاعلام ؟؟ هل هناك ثورة حقيقية لا تحتفل بيوم انتصارها ؟؟ اين المتطبلاتية وحارقي البخور من الاحتفال بالانقلاب الاسود وانجازات الانقاذ والقصائد الجهادية الحماسية ؟؟
Post: #4 Title: Re: ذكرى انقلاب الانقاذ في شهر سبعة ولا تماني� Author: فرح الطاهر ابو روضة Date: 07-05-2016, 11:53 AM Parent: #2
اكبر بوست احتفالي فساد رجالات المحكمة الدولية وتلقيهم رشاوي حتى البوست ده طلع ماسورة والمطبلاتية الفرحة ليهم لم تتم دخلوا اخوان الساترات حالن لحسوا البوست في رمشة عين اللهم لا شامتة من سذاجة البعض وارتزاق بعضهم وقلة حيلة الكثيرين منهم
Post: #3 Title: Re: ذكرى انقلاب الانقاذ في شهر سبعة ولا تماني� Author: مامون المعتصم أحمد Date: 07-05-2016, 11:49 AM Parent: #1
كل الشهـور مـا عـدا فـبـرايـر يـا رفـيق ....
إن شاء الله البلد تكون ما عـجبتك ...
تـحياتى ... و عيدك مـبارك ... مع الإنـقاذ ...
Post: #5 Title: Re: ذكرى انقلاب الانقاذ في شهر سبعة ولا تماني� Author: فرح الطاهر ابو روضة Date: 07-05-2016, 12:00 PM Parent: #3
Quote: كل الشهـور مـا عـدا فـبـرايـر يـا رفـيق ....
إن شاء الله البلد تكون ما عـجبتك ...
تـحياتى ... و عيدك مـبارك ... مع الإنـقاذ ...
والله يا ود المعتصم البلد كحيانة والناس تعبانة وعايشة على الكفاف اها اهدي ليك النكتة دي طلعت عشية ذكرى انقلاب الانقاذ قالوا ليك الولد بحب يناكف ابوه في كل صباح الوالد كم شهر ما صرف راتب وحالته بالبلا الولد صبح من الصباح قال ليه الف مبروك يا ابوي الوالد قال ليه على شنو العيد لسه قال ليه انا يا ابوي بقصد ليك العيد بتاع الانقاذ سبعة وعشرين عام قالوا ليك يا ود المعتصم وحاتك لحدي الان الولد وفردة المركوب الشمال بفتشو لييهم المهم انا بنتهز الفرصة دي لو الانقاذيين حردانين عيد انقلابهم بقول ليهم مبروك عليكم الخاذوق الانتو فيه وكل سنة وانت طيب توضيح عيد الفطر المبارك وليس غيره
عيد الفطر المبارك
Post: #6 Title: Re: ذكرى انقلاب الانقاذ في شهر سبعة ولا تماني� Author: اباذر عبد العال Date: 07-05-2016, 12:33 PM Parent: #5
ناس الانقلاب كلهم الان في خبر كان
الموجودين ديل ناس ساكت ولقوها جاهزه
Post: #7 Title: Re: ذكرى انقلاب الانقاذ في شهر سبعة ولا تماني� Author: فرح الطاهر ابو روضة Date: 07-05-2016, 07:13 PM Parent: #6
Quote: ناس الانقلاب كلهم الان في خبر كان
الموجودين ديل ناس ساكت ولقوها جاهزه
كاتمة ومكتومة عليهم قالوا احسن الرمة نخبيها بالمناسبة صاحب الجيفة جاب لمدينة المصطفى البلاوي البلد دي طول عمرها هادية راضية دخلوها وارهابة حام يا وش النحس علييهم
Post: #8 Title: Re: ذكرى انقلاب الانقاذ في شهر سبعة ولا تماني� Author: مامون المعتصم أحمد Date: 07-05-2016, 10:10 PM Parent: #7
الرفيق أبو روضة .... عيدك مبارك
و الله ما شاء الله تبارك الله عليك و لا حول و لا قوة إلا بالله ...
من يوم صورتك الجنب الكوشة أول البوست ... و الصورة الهسى
دى .... فـرق كبير ... النعنشة ظاهرة في وشك .... عينى باردة ..
ربنا يمتعك بين أهلك و أحبابك .... مع الحركة بالباصات المكيفة
و الأمن المستتب ....
الناس ديل بركتهم في جوار الحبيب صلى الله عليه و سلم لا يعارضهم
فيها أحد ... لأنهم لو ما كويسين ما كانوا بيتوا في المدينة يوم ... و إنت
عارف إنو المدينة تطرد تفثها .. أو خبثها ... و الجماعة معسكرين ليهم
كم يوم في رحاب الحبيب صلى الله عليه و سـلم ...
Post: #9 Title: Re: ذكرى انقلاب الانقاذ في شهر سبعة ولا تماني� Author: فرح الطاهر ابو روضة Date: 07-08-2016, 07:27 AM Parent: #8
نذكرهم
Post: #10 Title: Re: ذكرى انقلاب الانقاذ في شهر سبعة ولا تماني� Author: فرح الطاهر ابو روضة Date: 07-08-2016, 07:44 AM Parent: #8
Quote: لناس ديل بركتهم في جوار الحبيب صلى الله عليه و سلم لا يعارضهم
فيها أحد ... لأنهم لو ما كويسين ما كانوا بيتوا في المدينة يوم ... و إنت
عارف إنو المدينة تطرد تفثها .. أو خبثها ... و الجماعة معسكرين ليهم
كم يوم في رحاب الحبيب صلى الله عليه و سـلم .
سلام يا ود المعتصم في المعنى البعيد لحديتك يا ود المعتصم ابشرك المدية لم تستضفيني فحسب بل اتاحت فرص عن طريقي لاستضافة اخرين و ونعم ومدينة المصطفى طيبة وتقبل الطيبين ولا زالت ابوابها امامنا مفتوحة متى ما قررنا ذلك وعليك ان تتذكر ايضاً بان الاثم في هذه البقعة المباركة مضاعف مرات ومرات ولربما تلفون او قرار ما يدخلهم في غضب وسخط من الله ما بعده واكبر المنافقيين انسل وتواجد في هذه الارض الطيبة وهذا من ذاك كسرة انت لما حصلت التفجيرات الجماعة ديل كانوا فيها ولا غادروها
Post: #11 Title: Re: ذكرى انقلاب الانقاذ في شهر سبعة ولا تماني� Author: مامون المعتصم أحمد Date: 07-08-2016, 03:04 PM Parent: #10
Author: فرح الطاهر ابو روضة
سلام يا ود المعتصم
حباب الرفيق أبوروضة
في المعنى البعيد لحديتك يا ود المعتصم ابشرك المدية لم تستضفيني فحسب بل اتاحت فرص عن طريقي لاستضافة اخرين و ونعم ومدينة المصطفى طيبة وتقبل الطيبين ولا زالت ابوابها امامنا مفتوحة متى ما قررنا ذلك
مخك ما يمشى للبعيد يا رفيق ... عارفك مشيتها و ممكن تانى تمشيها ... بس ذكرتك
القاعدة .. يعنى كان الناس ديل فيهم أي كانى مانى ... كانت طردتهم ... لاكين هم
قاعدين فيها و لعلمك فخامة الرئيس بفتحوا ليهو المواجهة الشريفة و يدخل يقعد
أما قبر الحبيب صلى الله عليه و سلم و يسلم عليه و على صاحبيه الكريمين
سيدى أبى بكر الصديق و سيدى عمر الفاروق رضى الله عنهما ... للعلم بس ..
وعليك ان تتذكر ايضاً بان الاثم في هذه البقعة المباركة مضاعف مرات ومرات
متفقين هنا ولربما تلفون او قرار ما يدخلهم في غضب وسخط من الله ما بعده واكبر المنافقيين انسل وتواجد في هذه الارض الطيبة وهذا من ذاك
كلامك صاح بس داك كان يهودى و ساكن في المدينة قبل الهجرة الشريفة
و الشرط المعروف للمدينة المنورة جاها بعد أن سكنها أكرم الخلق صلى
الله عليه و سلم و سوف يدوم إلى يوم القيامة إن شاء الله ...
كسرة انت لما حصلت التفجيرات الجماعة ديل كانوا فيها ولا غادروها
كانوا موجودين هناك ... أها قولك شنو ؟؟؟
Post: #12 Title: Re: ذكرى انقلاب الانقاذ في شهر سبعة ولا تماني� Author: مني عمسيب Date: 07-08-2016, 10:20 PM Parent: #11
الكلس المرابط ابوروضة ..
كل عام وانت والوطن بالف خير ..
Quote: معقول ولا بوست تهنيئة واحد هنا ما في ولا حتى لشخص السيد الرئيس ؟؟
يا كلس تهنئية شنو قالوا ليك الخلعة الدخلها فيهو شيخ ابليس الترابي لي اسه ما طلعت نستهم جوا متين ! الله ينتقم منهم وما عافين ليهم حيين واموات نشوف فيهم عزيز قدرتو .
