الله لا بارك فيك يا البشير في الحرم المكي الشريف (فديو)

Post: #1
Title: الله لا بارك فيك يا البشير في الحرم المكي الشريف (فديو)
Author: سيف اليزل سعد عمر
Date: 07-04-2016, 08:44 AM

08:44 AM July, 04 2016 سودانيز اون لاين
سيف اليزل سعد عمر-
مكتبتى
رابط مختصر
مواطن يدعو علي البشير في الحرم المكي الشريف:
الله لا بارك فيك

............
اللهم هذا دعاء المظلومين
في هذا الشهر الحرام في البيت الحرام
فتقبل يا الله....

Post: #2
Title: Re: الله لا بارك فيك يا البشير في الحرم المكي �
Author: سيف اليزل سعد عمر
Date: 07-04-2016, 08:46 AM
Parent: #1

فتقبل منه ومن كل المظلومين يا الله...

وخذه أخذ عزيز مقتدر...

Post: #3
Title: Re: الله لا بارك فيك يا البشير في الحرم المكي �
Author: سيف اليزل سعد عمر
Date: 07-04-2016, 08:50 AM
Parent: #2

الرجاء مساعدة برفع الفديو بصورة صحيحة.

https://youtu.be/BGXdfkdhBYEhttps://youtu.be/BGXdfkdhBYE

Post: #4
Title: Re: الله لا بارك فيك يا البشير في الحرم المكي �
Author: سيف اليزل سعد عمر
Date: 07-04-2016, 09:12 AM
Parent: #3

Post: #5
Title: Re: الله لا بارك فيك يا البشير في الحرم المكي �
Author: محمد البشرى الخضر
Date: 07-04-2016, 09:21 AM
Parent: #4

هههه وماله قالها براحة كدا, كان يسمعها ليه أكان يحس شوية!
تعرف المشكلة وين يا ابو السيوف انو البشير والزبانية المعاه بعد العمره يجيهم احساس انو ربنا غفر ليهم و ما عليهم شي و الورم الورمونا ليه داك كله اتمسح و غفر

Post: #6
Title: Re: الله لا بارك فيك يا البشير في الحرم المكي �
Author: وضاحة
Date: 07-04-2016, 10:04 AM
Parent: #5

Post: #7
Title: Re: الله لا بارك فيك يا البشير في الحرم المكي �
Author: سيف اليزل سعد عمر
Date: 07-04-2016, 10:10 AM
Parent: #6

Quote:
هههه وماله قالها براحة كدا, كان يسمعها ليه أكان يحس شوية!

يا ود البشري الزول ده حريف جدا... بالتسجيل بتاعو ده سمعها ليهو بطريقة غير مباشرة وسمع معاه العالم كله...وكمان خرب ليهو
عمرته تب..

Post: #8
Title: Re: الله لا بارك فيك يا البشير في الحرم المكي �
Author: سيف اليزل سعد عمر
Date: 07-04-2016, 10:42 AM
Parent: #7

ما عنده طريقة يا وضاحة...

لن يفلت من العدالة...

Post: #9
Title: Re: الله لا بارك فيك يا البشير في الحرم المكي �
Author: سيف اليزل سعد عمر
Date: 07-04-2016, 01:52 PM
Parent: #8

موكب الطاغية تحرسه فوهات البنادق
وتستقبله اللعنات في الحرم المكي الشريف

Post: #10
Title: Re: الله لا بارك فيك يا البشير في الحرم المكي �
Author: سيف اليزل سعد عمر
Date: 07-04-2016, 07:50 PM
Parent: #9

[/QOUTE]
يا طاغية
أكثر من الإجرام . . والطغيان . . من سفك الدماء
وافعل كما يحلو لنفسك في الصباح وبالمساء
زمجر كما تأتي الرياح في أعاصير الشتاء
وكالسيول العاتية
يا طاغية
هلا علمت بأن أمك هاوية؟!
يوماً ستصلى عند أم هاوية
هلا علمت بأنها نار الشعوب الحامية؟!
كلا وما أدراك أن الناس لم تنسَ الأسى
كلا ولم تنسَ العصور الخالية!
يا طاغية
حدد مكانك بين من فروا وصاروا بظلمهم
وكأنهم أعجاز نخل خاوية
لا لن تفيدك قوة كلا ولا كل القصور العالية
وهي الحقيقة سوف تقرع باب قصرك
تقتفي عورات ملكك
تنقل الآلام من شعب كليم
كنت أنت من جعلت له الحياة كئيبة
ولكي يراها أهل بيتك جالية
حتماً فلن تنجو ولن تهنأ بعيش
لا ولن يعلو مقامك في نفاق أو رياء
هلا ظننت بكل إجرام أتيت بأن ثورات الشعوب
تموت من بطش العساكر والعناء؟!

من قصيدة لعدنان العوضات: شاعر أردني

Post: #11
Title: Re: الله لا بارك فيك يا البشير في الحرم المكي �
Author: مامون المعتصم أحمد
Date: 07-04-2016, 09:07 PM
Parent: #10

سيف اليزل ... سلامات

قبل فخامة الرئيس البشير ... جاط السودانيون على عبدالله خليل ربنا

يرحمو و ينزلو أعلى عليين ... كان راجل فاهم .... سلمها العسكر ..

بقيادة الفريق عبود ... ربنا يرحمو و ينزلو أعلى عليين .... بعض الناس

أهل المصالح من الأحزاب زعلوا من عبدالله خليل ... و عادوا عبود ...

في زمن عبود بدأ العهد الزاهر للعسكر في السودان ... عملوا المشاريع

الإعاشية و الطرق و التلفزيون و بنوا أستاد الخرطوم و ظبطوا المستشفيات

و المدارس ... و صحوا في الناس الضمير الوطنية و العون الذاتي في بناء

المؤسسات الخدمية .... ناس الأحزاب النفعيين ... ما عجبهم ... و بعض من

قالوا عليهم المثقفين .. طلعوا الشارع على العسكر ... عبود سلمها للشعب

جات أكتوبر... الزول المات فيها في المظاهرات ... راح سمبلا ... قليل

العارف إسمو منو ؟؟؟ الحديقة المات جنبها ... كان إسمها حديقة الدومة

سووها حديقة القرشى ... الإستشهد و هو في داخليتو ... و بابكر عبد الحفيظ

رحمة الله عليه و على القرشى أيضاً .... لا يعرفه إلا القليلون من أهل الخرطوم ...

جات أكتوبر و شبعنا فيها من النكات التسديرية المشهورة في البرلمان ... و مضت

دون أن تترك حسنة إلا بند العطالة للراحل المقيم الشريف الهندى عطر الله ثراه ...

ثم جاء عهد النميرى ... العسكرى ... رحمة الله عليه و ربنا يجعلوا من أهل المقام

العالى في عليين .... واصل التنمية الخلوها ناس عبود ... 16 عام خلال كل منها

إنجازات ... و قام الشعب عليهو ... و مشت مايو ... و جات أيام سوار الدهب الحلوة ...

و هي تحسب للزمن الزاهر أيضا ... أول مرة ناس الكلاكلة يستحموا بالدش بدل

الجرادل ... كل شى متوفر بالكتير ... و في الخزينة 160 مليون ...سلمها لى ناس

الصادق و الأحزاب .... 3 سنوات ... أي حاجة ما في ... ألم متراكم في كل مكان ....

شتايم و تهديد في التلفزيون من عمر نوالدايم .. رحمةالله عليه ... و مليشيات حزب الأمة ....

و دعوات الناس حتى الختمية بأن يصرفهم الله ... و استجاب المولى .... و جات الإنقاذ ....

العسكرية ... واصلت إنجازات التنمية التي سبقتها في العهود العسكرية ... قررت لى أهل

الجنوب مصيرهم المفروض كان يكون عند تقرير مصير السودان و إستقلالو عن مصر ...

عاداها كل الأنجاس و الاوباش في الدنيا ... ضيقوا عليها الخناق من كل صوب خارجياً

و أثاروا فيها الفتن داخلياً ... و لكن صاحب القرار الأوحد جلَّ في علاه ثبتها عاما بعد عام ...

و هي حتى الآن ورم في صدور الأعداء ... و تظل إن شاء الله مالك الملك .... حتى يقضى الله

أمراً كان مفعولا ....كل من سبق من الحكام كان هناك من يدعوا عليه و من يدعوا له ...

لأن الشعب السودانى هو هو لم يتغير ... شعب تقليدى ... إنفعالى ... تبعى ... يعجبه من يتكلم

و ليس من يعمل .... ثم بعدما يمضى الرئيس الذى كانوا يظنون أنه هو السبب في ضيق عيشهم ...

يرجعون و يثنون عليه بل و يحملونه على أكتافهم .... و ما هتاف ضيعناك و ضعنا وراك يا عبود

ببعيد ... و لا الدعاء على السندكالى الصادق المهدى حتى طار ... ثم الترحيب به بعد عودته ...

ثم الملل من وجوده ..و كذلك النميرى حينما ثاروا عليه و رفضوه ... ثم إستقباله العجيب لما عاد للبلد..

ثم وداعه المهيب رحمة الله عليه إلى دار البقاء .... و لن يكون فخامة الرئيس البشير إستثناءاً لشعب كل

من فيه من المواطنين يظن أنه الأصلح ليكون الرئيس و المدربو اللاعب و الطبيب ... و .... و ....

لأنه ببساطة شعب ال38 مليون سياسى ....فلا يضير الرئيس إن واحد من الرعية دعا عليه إضافة لل 46

هنا في المنبر ...بينما الملايين يدعون له بالتوفيق .... و الله يعلم المصلح من المفسد و هو على كل شيء قدير ....

أما قصيدة الأردني هذه فالأحسن تقزقز بيها إنت لو عاجباك ...

Post: #12
Title: Re: الله لا بارك فيك يا البشير في الحرم المكي �
Author: سيف اليزل سعد عمر
Date: 07-04-2016, 10:44 PM
Parent: #11

Quote: و لن يكون فخامة الرئيس البشير

إستثناءا لشعب كل من فيه من المواطنين يظن أنه الأصلح ليكون الرئيس و المدرب

و اللاعب و الطبيب ... و .... و .... لأنه ببساطة شعب ال38 مليون سياسى ....

مرحب يا مأمون
يعنى إنت كده دايرين تقنعنا إنه الشعب
السودانى بتحسر علي كل ديكتاتور ولا شنو؟؟
انه لاخير في الديمقراطية والأحزاب السياسية؟

و دايرين تحاول تقنعنا إنه الشعب السودانى السياسي
ده لا بعجبوا العجب لا الصيام في رجب؟؟؟

وداير تقنعنا إنو العساكر زي شاكلة الدعم السريع
أفضل من يحكم البلد؟؟

وعايز تقنعنا إنو شهداء الثورات السودانية مافي زول بعرفهم؟؟

يا مامون إنت ما شايف إنه البلد دي كل يوم
ماشة لوراء وتدهور سريع؟؟

بصراحة انا بعجبني دفاعك عن رئيسك الذي يلعنه اللاعنون من
عامة الشعب السودانى صباحا ومساء حتى في الحرم الشريف....

Post: #13
Title: Re: الله لا بارك فيك يا البشير في الحرم المكي �
Author: Hasheem Karouri
Date: 07-05-2016, 04:53 AM
Parent: #12

كل عام وانتم بخير . وتحياتي للاخ / سيف
Quote: تعرف المشكلة وين يا ابو السيوف انو البشير والزبانية المعاه بعد العمره يجيهم احساس انو ربنا غفر ليهم و ما عليهم شي و الورم الورمونا ليه داك كله اتمسح و غفر
كلام الزميل ود البشري . 100% . فعلا بكره تلقاهم يرجعوا ويقلوا في ادبهم علي الناس ..... ويفتكروا دمار ...وضياع .....بلد ( المليون ميل ) . راح هباء...!لكن لكل اول اخر . ولكل بداية نهاية . حتي ولو طال السفر .مع احترامي للجميع ،،،،

Post: #14
Title: Re: الله لا بارك فيك يا البشير في الحرم المكي �
Author: محمد أبوالعزائم أبوالريش
Date: 07-05-2016, 06:05 AM
Parent: #13

Quote: يعنى إنت كده دايرين تقنعنا إنه الشعب
السودانى بتحسر علي كل ديكتاتور ولا شنو؟؟
انه لاخير في الديمقراطية والأحزاب السياسية؟

يقنعك شنو يا سيف الله يهديك ...

الزول ده بيأدي في دوره وبيحلل لقمة عيشه ليس إلاّ

كل عام وأنت ومن تحب بخير

Post: #15
Title: Re: الله لا بارك فيك يا البشير في الحرم المكي �
Author: سيف اليزل سعد عمر
Date: 07-05-2016, 10:07 AM
Parent: #14

Quote: فعلا بكره تلقاهم يرجعوا ويقلوا في ادبهم علي الناس

ياهشم أخوي ده هو اساسا (فقه التحلل) الابتدعوه الكيزان عشان يأكل قروشالمواطن بالباطل...

في ناس انا بعرفهم شخصيا بفتكروا إنه قروش الناس الثانيين حلال عليهم (خاصة قروش الكفار). ياكلوها بالحرام كدي وبعداك يمشوا يحجوا بيها والواحد يجي عامل ليهو دقينة سغييرة كده وماسك ليهو سبحة في يده والناس تقول ليهو يا حاج...
فياهو ده نوع من أنواع التحلل لذلك كثرت سفريات المفسدين
للأراضي المقدسة، ومعاها صورة "سلفي والكعبة خلفي"....

Post: #16
Title: Re: الله لا بارك فيك يا البشير في الحرم المكي �
Author: اباذر عبد العال
Date: 07-05-2016, 10:40 AM
Parent: #15

عااااااااااااااارض كجاهم

ورفع دعمهم

Post: #17
Title: Re: الله لا بارك فيك يا البشير في الحرم المكي �
Author: مامون المعتصم أحمد
Date: 07-05-2016, 12:08 PM
Parent: #16

في الحرم المكي � x

Author: سيف اليزل سعد عمر

Quote: و لن يكون فخامة الرئيس البشير

إستثناءا لشعب كل من فيه من المواطنين يظن أنه الأصلح ليكون الرئيس و المدرب

و اللاعب و الطبيب ... و .... و .... لأنه ببساطة شعب ال38 مليون سياسى ....

مرحب يا مأمون
يعنى إنت كده دايرين تقنعنا إنه الشعب
السودانى بتحسر علي كل ديكتاتور ولا شنو؟؟
انه لاخير في الديمقراطية والأحزاب السياسية؟

لا لا لا يا سيف ... ما داير أقنعكم بى أي حاجة ...

هو إنتو بتقتنعوا ؟؟؟؟؟ لاكين داير ألفت نظرك لى شى حاصل

في البلد .... يعنى الإمور مش زى ما إنتوا عاوزين توروها للناس

بى عيونكم ... لأنهم بيشوفوها بى حقيقتها ..

و دايرين تحاول تقنعنا إنه الشعب السودانى السياسي
ده لا بعجبوا العجب لا الصيام في رجب؟؟؟

نــعم نـعم ... أكـيد

وداير تقنعنا إنو العساكر زي شاكلة الدعم السريع
أفضل من يحكم البلد؟؟

نـعم نعم ... عســكرى واحد و لا الحزب الشيوعى كلو ...

الدعم السريع ليهم كامل الإحترام ... لأنهم بإذن الله بيقطعوا

دابر كل متفلت و مارق ... و هم وحدة من جهاز الأمن السودانى

العظيم ... الساهر على حماية الوطن من المؤامرات ...

وعايز تقنعنا إنو شهداء الثورات السودانية مافي زول بعرفهم؟؟

داير أوريك إنو الشيوعيين بيدقسوا بعض الناس ...

يا مامون إنت ما شايف إنه البلد دي كل يوم
ماشة لوراء وتدهور سريع؟؟

لا ما شايف إنها راجعة لى ورا ... لأنو أي حاجة في العالم

موجودة في السودان ... و شايف واحدين ما كانوا بيعرفوا

الواو الضكر في الزمن دا بيقوا يتجدعوا و ماليين أقطار

الدنيا ... و بقوا مواطنين فيها ... بس ما بيحمدوا ربهم ...

بصراحة انا بعجبني دفاعك عن رئيسك الذي يلعنه اللاعنون من
عامة الشعب السودانى صباحا ومساء حتى في الحرم الشريف....

دفاعى عن من ولاه الله على ... بصرف النظر إن كان هو البشير

أو أي شخص يحكم السودان ... يعنى دفاعى إلتزام دينى و ليس

غيره ... و المعلوم أن الله هو يعلم المحسن من المفسد و يعلم

الظالم و المظلوم ... لأنه يحكم بعلمه و ليس بعاطفته كما يحكم

البشر و ليس بالهوى ... كما يهوى الشيوعيون ...

Post: #18
Title: Re: الله لا بارك فيك يا البشير في الحرم المكي �
Author: مامون المعتصم أحمد
Date: 07-05-2016, 01:32 PM
Parent: #17

Author: محمد أبوالعزائم أبوالريش

Quote: يعنى إنت كده دايرين تقنعنا إنه الشعب
السودانى بتحسر علي كل ديكتاتور ولا شنو؟؟
انه لاخير في الديمقراطية والأحزاب السياسية؟

يقنعك شنو يا سيف الله يهديك ...

الزول ده بيأدي في دوره وبيحلل لقمة عيشه ليس إلاّ

كل عام وأنت ومن تحب بخير

و للعبيط أبو الريش البيقول نحن بنكتب عشان نول بيدونا ليهو ... أقول ليهو

شخصياً أنا مامون المعتصم ... محاكمتى و أمورى كلها لله فقط ..

و هو يعلم السر و العلانية و يعلم أنى لا علاقة لى بمنصب

أو راتب أو هبة من الحكومة و لا الرئيس و لا أطمع لها و لا أريدها

لذلك أشكوه لبهتانه لى شخصياً و لا علم لى بغيرى و أسأل الله

أن يخلص لى منه في الدنيا و الآخرة إن شاء الله بما يشاء و ما

يريد ....

Post: #19
Title: Re: الله لا بارك فيك يا البشير في الحرم المكي �
Author: سيف اليزل سعد عمر
Date: 07-05-2016, 03:41 PM
Parent: #18

Quote: الضكر في الزمن دا بيقوا يتجدعوا و ماليين أقطار

الدنيا ... و بقوا مواطنين فيها ... بس ما بيحمدوا ربهم ...

يا ابو الريش
اخونا مامون داير يعيش في ظل النظام يسبح بحمده ليلا نهارا..
وفي ذات الوقت حانق علي اللذين هربوا من جحيم الإنقاذ وحاسدهم علي نسمة الحرية خارج الحدود وداير يبقي واسطة بين حمدِهم وربِهم.

Post: #20
Title: Re: الله لا بارك فيك يا البشير في الحرم المكي �
Author: مامون المعتصم أحمد
Date: 07-05-2016, 09:02 PM
Parent: #19

Author: سيف اليزل سعد عمر

Quote: الضكر في الزمن دا بيقوا يتجدعوا و ماليين أقطار

الدنيا ... و بقوا مواطنين فيها ... بس ما بيحمدوا ربهم ...

يا ابو الريش
اخونا مامون داير يعيش في ظل النظام يسبح بحمده ليلا نهارا..
وفي ذات الوقت حانق علي اللذين هربوا من جحيم الإنقاذ وحاسدهم علي نسمة الحرية خارج الحدود وداير يبقي واسطة بين حمدِهم وربِهم.

كيف يعنى أسبح بى حمد النظام يا سيف ؟؟؟ إنت قايلنى سـويدى ؟؟؟

أنا و لله الحمد أن أنعم على بالإسلام أسبح بحمد ربى وحده لا شريك له ...

و ما حانق على زول يا خوى .... الفات البلد الله يسهل ليهو .... بس بعدما

بقى أجنبى حقو يحترم راينا في حكومتنا زى ما هو مبسوط في مهبط لجوهو

و بلدو الجديد .... بس بالبساطة دى ....

Post: #21
Title: Re: الله لا بارك فيك يا البشير في الحرم المكي �
Author: سيف اليزل سعد عمر
Date: 07-05-2016, 10:06 PM
Parent: #20

Quote: في المنبر ...بينما الملايين يدعون له بالتوفيق .... و الله يعلم المصلح من المفسد و هو على كل شيء قدير

يا مامون ياهو زي الاقتباس الفوق ده مثال لعينة التسبيح بحمد النظام...
محاولة تجميل نظام فاسد ومجرم وواحد سفاح بأنه خليفة الله في الأرض هي ضد قيم ومبادئ الإسلام نفسه...نظام يجمع المجرمين والمفسدين من كافة الألوان والاشكال وبعد بتحاول تجمل صورته. ده يسموه شنو؟؟
إنت مفتكر الناس الهاجرت والاغتربت دي إتخلت عن سودانيتها وعن تراب بلدها وعن اهلها؟ لو مفتكر كده حقوا تعيد حسابتك
كويس يا مامون. الموضوع ليس بالبساطة كما تعتقد...

Post: #22
Title: Re: الله لا بارك فيك يا البشير في الحرم المكي �
Author: سيف اليزل سعد عمر
Date: 07-07-2016, 12:43 PM
Parent: #21

دعوة مستجابة إن شاء الله...

Post: #23
Title: Re: الله لا بارك فيك يا البشير في الحرم المكي �
Author: مني عمسيب
Date: 07-08-2016, 09:38 PM
Parent: #22

سلام يا سيف .. وتعود الايام .. وكل عام وانتم بالف خير ..

الله لابارك فيهم كلهم ببركة هذه الايام المباركة ..

Post: #24
Title: Re: الله لا بارك فيك يا البشير في الحرم المكي �
Author: سيف اليزل سعد عمر
Date: 07-09-2016, 09:26 PM
Parent: #23

Quote: الله لابارك فيهم كلهم ببركة هذه الايام المباركة

لعنات الشعب هذه ستتحول الي غضب مهما طال الزمن...

كل سنة وانتى طيبة الحبيبة بت عمسيب....