Post: #1
Title: قتل غير عمد يعني شنو ؟
Author: اخلاص عبدالرحمن المشرف
Date: 06-28-2016, 06:25 AM
05:25 AM June, 28 2016 سودانيز اون لاين
اخلاص عبدالرحمن المشرف-
مكتبتى
رابط مختصر شكلة في قمرة القيادة مثلآ
وشابكننا ارهاب في مطار باريس وضباط عباقرة
ما يقوليه طالعني الخلا
جيرانا الفي الشمال يحيروا
|
Post: #2
Title: Re: قتل غير عمد يعني شنو ؟
Author: ANWAR SAYED IBRAHIM
Date: 06-28-2016, 07:29 AM
Parent: #1
ههههههههههههههه
بنت المشرف ازييييك
رمضان كريم عليك وكل سنة وانت طيبة مقدما
( رمضان مسخّن معاك ولا شنو اليومين )
تحياتى
|
Post: #3
Title: Re: قتل غير عمد يعني شنو ؟
Author: اخلاص عبدالرحمن المشرف
Date: 06-28-2016, 08:55 AM
Parent: #2
وال بحبو كلو كريم. يا انوار
ما فاضل الا نطالب بجغيمات الوضوء. وجه ضاحك
|
Post: #4
Title: Re: قتل غير عمد يعني شنو ؟
Author: عبدالحفيظ ابوسن
Date: 06-28-2016, 09:17 AM
Parent: #3
عيد سعيد ياخية
وانور
حسب القانون السوداني
لو داير تكتل زول . ادقشو بي عربية ومهما تكون قاصد فهو قتل غير عمد وتدفع الدية
فكل حوادث الحركة قتل غير عمد . ولعلمك دية حادث الحركة 30 مليون ولو كتلت من غير حادث 330 مليون بالقديم
و
شوفي وادي ربك العجب
|
Post: #5
Title: Re: قتل غير عمد يعني شنو ؟
Author: MOHAMMED ELSHEIKH
Date: 06-28-2016, 10:16 AM
Parent: #4
طيب هاك دي يا بت المشرف بعد نسلم عليك وضيوفك
اخوك شبة قانوني طبعن(ههههههههههه)
حادثة على ما اظن في كدباس واحد ضرب واحد بي فرار في راسو جنب البحر وبعد شوية اعتقد انو مات قام رماه في البحر.
بعد اخراج الجثة تبين للطب الشرعي ان الضربة لم تقتله وانما توفي غرقا.
التهمة تحولت لقتل غير عمد وتسبيب اذى جسيم يعني :الضربة غير قاتلة
وحادث الغرق لم يسببه الجاني لانو تعامل مع جثة وليس انسان حي
غايتو جماعتي ناس القانون على مااذكر يتغالطو في سنة اولى قانون السنة كلها
|
Post: #6
Title: Re: قتل غير عمد يعني شنو ؟
Author: أحمد الشايقي
Date: 06-28-2016, 02:38 PM
Parent: #5
شكرا اخت اخلاص
القتل شبه العمد هو الجناية في غير مقتل أو بما لا يقتل غالباً من الأدوات فالجناية مقصودة ولكن القصد ليس احداث القتل بل احداث الاذى فيما دون القتل
ويحكم فيه بالدية ولا يحكم بالقصاص
وافر التحية
أحمد الشايقي
|
Post: #7
Title: Re: قتل غير عمد يعني شنو ؟
Author: عبدالعزيز الفاضلابى
Date: 06-28-2016, 04:02 PM
Parent: #6
سلام يابت المشرف ,, حقو يعملوا رمضان مرتين فى السنة
عشان يابت المشرف تتحفينا بى قفشاتك دى ,, مرة ميسى
مرة عِش ام دلدلو ,, مرة توتو كورة,,
Quote: حادثة على ما اظن في كدباس واحد ضرب واحد بي فرار في راسو جنب البحر
وبعد شوية اعتقد انو مات قام رماه في البحر.
بعد اخراج الجثة تبين للطب الشرعي ان الضربة لم تقتله وانما توفي غرقا.
التهمة تحولت لقتل غير عمد وتسبيب اذى جسيم يعني :الضربة غير قاتلة
وحادث الغرق لم يسببه الجاني لانو تعامل مع جثة وليس انسان حي
غايتو جماعتي ناس القانون على مااذكر يتغالطو في سنة اولى قانون السنة كلها |
الاخ محمد الشيخ ,, الواقعة التى وردت فى مداخلتك واقعة حقيقية
وهى مدونة فى مجلة الأحكام القضائية السودانية (لا اذكر العدد)
و يغلب على ظنى ان محكمة النقض قد أثبتت القتل العمد على المتهمين
(بإعتبار انه كانت لديهم نية ازهاق الروح كل الوقت)
بعد ان تناولت المحكمة والمحاكم الأدنى درجة لولوة محامى الدفاع والتى
كانت تستند الى ان المتهمين يجب ان توقع عليهم عقوبة شروع فى قتل
لانهم عندما ضربوه (بـالفرار) على راسه كان ضرباً لم يُفْضِ الى موت.
وعندما أغرقوه فى النيل لم يكونوا يقصدون قتله انما كانوا يقصدون إخفاء الجريمة الأولى
وهى الشروع فى القتل ,,
وده طبعا دفاع زى لولوة ودالبرير نامن دقش الحكم الجزائرى بُنية على رؤوس الأشهاد.
|
Post: #8
Title: Re: قتل غير عمد يعني شنو ؟
Author: MOHAMMED ELSHEIKH
Date: 06-28-2016, 09:11 PM
Parent: #7
شكرا يا قريبى على الافادة.
حقيقة الواقعة ومعها عدد من الcases الممت بها
والكثير المثير من حكايات ناس القانون الذين سكنت معهم خطأ في اولى قانون وتابعت معهم الكثير من القضايا القانونية. ياخي ديل درسوني عديل قوانين الجنايات والدستوري وتعرفت على دفعة جميلة واساتذة كرام منهم د. عبد الله النعيم والمرحوم د. عبد السميعود. دينا شيخ الدين.
حقيقة من هذا المنبر( ان اطلع عليه احدهم) ابعث بشوقي وتحياتي لخريجي عام ٨٢ من جامعة الخرطوم مع اكيد حبي وتقديري لسكان حجرتي عصام عبد العزيز وصديق على عبد الله وعمر الشوال.
|
|