الموسيقار يوسف الموصلي يهدي امنة حيدر الكلام القالو عنك لعبد الوهاب هلاوي

07:19 AM June, 26 2016

سودانيز اون لاين
الصديق أحمد-السعودية
مكتبتى
رابط مختصر

06-25-2016 01:30 PM
الخرطوم :

ضيفتنا اليوم فنانة شابة استطاعت أن تلفت الأنظار عبر إبداعها الظاهر في كورال كلية الموسيقي والدراما في جامعة السودان ، حيث تعتبر واحدة من دعائمه الأساسية ، وواصلت هذا الظهور اللافت عبر برنامج (أغاني وأغاني) الذي أظهرت عبره شخصيتها الفنية الطاغية وصوتها المشحون بالطرب ، فقدمت غناء الرواد بأفضل ما يكون التقديم فنالت إشادة المتابعين والنقاد فاستحقت لقب (الفراشة) وهي تتنقل بصوتها في الأغنيات بكل خفة ورشاقة .. إنها آمنة حيدر الفنانة القادمة للساحة الفنية بكل ثقة واقتدار:

* بداية .. ماذا تقولين بعد أن أهداك الموسيقار الفنان يوسف الموصلي أغنيته (الكلام القالو عنك) بعد أن استمع لها منك في برنامج (أغاني وأغاني) ؟
- بالتأكيد الأغنية ستكون بمثابة أغلى هدية أتلقاها وهي شهادة من موسيقار كبير في قامة الموصلي ستكون زاداً لي في مشواري الفني وأتمنى أن أكون بقدر ثقته ، وعبركم أتقدم له بكل شكري وتقديري وامتناني له.
* وهذه الأغنية تمثل لك هدية رمضانية غالية .. فماذا يعني لك رمضان؟
- رمضان بالنسبة لي كما هو بالنسبة لكل الناس شهر روحانيات وصفاء النفوس والعقولز
* هل هناك ذكريات رمضانية محددة ما زالت عالقة في ذاكرتك؟
- أحمل في داخلي لهذا الشهر الكثير من الذكريات ، وكلما يأتي رمضان أتذكر أيام الطفولة واللهو عقب الإفطار ونحن صغار في مدينة عطبرة التي لرمضان فيها نكهة خاصة مثلما للعيد.
* ماهي تفاصيل يومك في رمضان ؟
- يومي دائماً يكون مقسماً بين المنزل والعمل ، في النهار أكون بالمنزل وبعد التراويح أزاول نشاطي بصورة طبيعية بين البروفات أو الحفلات.
* ما هو أول عمل فني قدمتيه عبر المسارح؟
- أول عمل قدمته كان أيام الجامعة، وكان أغنية (خسارة) للفنانة حنان النيل وهي الفنانة التي تأثرت بها وارتبطت بها منذ فترة طويلة وأغنياتها هي محل احتفاء عند الأسرة خاصة الوالد.
* بمناسبة الأسرة .. هل كان لها اعتراض في ولوجك لمجال الغناء؟
- لم يكن هناك أي إعتراض فقط الوالد كان يصر على أن أهتم بالجانب الأكاديمي أولا ثم بعد ذلك بالغناء، ووجدت كل الدعم والتشجيع من الأسرة.
* فنانون أو فنانات تستمع لهم آمنة حيدر؟
- استمع إلي الفنانين عثمان حسين ، أبو عركي البخيت ومحمد الأمين.
* كيف تم اختيارك لكورال كلية الموسيقى والدراما؟
- أنا لم أكن أفكر في الغناء عبر أي مجموعات وحتى بعد التخرج, لكن الصافي مهدي غير مساري عندما التقاني في مركز علي الزين الذي كنت أتدرب فيه على الموسيقى والغناء، فاقنعني بضرورة الالتحاق بكورال كلية الموسيقى، خاصة وان الكورال في تلك الفترة قد ذاع صيته فالحتقت به قبل عامين وفيه وجدت تعاملا حفزني على الاستمرار والابداع وفي الكورال وجدت الرعاية والإهتمام.
* مشاركتك في (أغاني وأغاني) كيف ترينها؟
- بالتأكيد البرنامج فتح لي الباب واسعاً للإطلالة على مشاهدي قناة هي محل مشاهدة الكثير من السودانيين في داخل وخارج البلاد ، كما عرفني البرنامج بزملاء وزميلات وبقية الفريق وكلهم بالنسبة لي بمثابة الإخوة والأخوات ، واستفدت كثيراً منهم ومن (أغاني وأغاني.)
* آمنة حيدر .. مشكورة؟
- ألف شكر لكم على إتاحة الفرصة للإطلالة على قرائكم الكرام في كل بقاع السودان وخارجه.

آخر لحظة
منقول من صحيفة الراكوبة

Abu Omar
والله حاجة تطمم البطن بالجد ..
اغنية لحنان النيل .. وتسميها اول عمل فني قدمته ..؟؟؟!!!
تقدم المقدم ..!!!
لعن الله الفقر .. لعن الله الفقر ..
صراحة الاستغراب والدهشة في تزايد ..
والسؤال ده ﻻيوووووق ياخي: ليه قاماتنا الكبار مثل الموصل بهدو في اغانيهم الي اتغنو بيها هم ليه ما يهدو ليها اغنية جديدة يقنع الشاعر ويهدو ليها لحن جديد وكلمات جديدة ..
مع احترامي اﻻكيد ليهم .. في سؤال اكتر لياقة من الاول: ياربي الناس ديل فشلو في توصيل الاغنية للناس وقاعدين يتذاكو علينا وعلى الشباب .. ﻻنو في النهاية الاغنية ح تسمى مثلا بهدية هاشم صديق وله هدية الموصلي ..

والله يالموصلي بحبك في حبي الابدي ل مصطفى سيد احمد .. لكن حكاية تعطيل موهبة الشباب ديل بتشجيعهم بلواكة الاغاني القديمة حاجة ما عندها مبرر.

ايي صحي المسألة ما وقفت في اغنية يهديها الموصلي وكل المشكلة تقع على عاتق القنوات الفضائية وفي مقدمتهم النيل اﻻزرق ﻻنو هم البصنعو من الشباب ديل فنانيين واساطير والموضوع كلو طبعا يحوم حول التجارة الدعايات والتكسب المادي الرخيص على حساب اي شيئ ..
المحير هو اصحاب الحقوق .. كيف يسمحو بالعبث ده ..؟

بعد ده الناس ح تفارق التفكير بحسن النية ..
ﻻنو الموضوع ظاهر وانو فيهو تعطيل لموهبة الشباب ..
وسرقة الاضواء من الشباب .. بفهم انو ضمان انتشار جديد بالاستايل الماشي في البلد للاغنية.

والله دايرين نقول اكتر من كده لكن خايفين نزعل الناس ارجو انو المشاركة ماتزعل احد ده رأي وده احساسي مضطر اقول ولو جذء منو.
كل الشكر والتقدير.
أعجبني · رد · 33 دقيقة

مع احترامي للجميع ولكن

NO COMMENT

تحياتي : ياسر العيلفون .....

أزييك ياسر

أنسب ليها شوق الهوى

مالم يكن قد قرر ركوب قطار سانتاكلوز.

الفنان القامة الموصلي بصحتة الحمد لله وعافيته وصوته الدافيء
ومازال يعطي ويدرس ويدرس(شكلوها انتو)
وما افهمه ان الموصلي لن يعترض على اداء الفنانة الرائعة امنة حيدر
لهذه الأغنية متى واين ماشاءت واعطاها الحق الأدبي والمادي لترديدها

لا اعتقد في الأمر شيء ان كان فهمي صحيحا

Quote: لا اعتقد في الأمر شيء ان كان فهمي صحيحا

ده الكلام

Quote: Abu Omarوالله حاجة تطمم البطن بالجد ..اغنية لحنان النيل .. وتسميها اول عمل فني قدمته ..؟؟؟!!!

الصديق احمد وضيفو الكرام
===============
طلما انا حي بحمد لله فأنا سأتغنى باغنياتي
التي سمحت الاخرين بغنائها او في شكل اهداء
منو من كل كبار مبدعينا لم يتغنى باغنيات الحقيبة
انا غايتو في اغنيتين منها غنيتم في صغري بكثرة ولو كان الامر بهذا الفهم
لرفعت على شخصي قصايا وتم تعليقي في مشانق هذا النوع من مشاعر الانتماء للمألوف
================
الأخ
Abu Omar
والله حاجة تطمم البطن بالجد ..
اغنية لحنان النيل .. وتسميها اول عمل فني قدمته ..؟؟؟!!!
======
الكلام القالو عنك لم تغنيها حنان النيل حنان غنت الفرح المهاجر "يارزينة"
طيب هل تستطيع لوم راحلنا المقيم الراقي مصطفى على غنائه أغنيتي "الاماني السندسية؟؟؟ أو غنائه الوسيم لأحمد المصطفى أ, مرت الأيام
لعبد الدافع عثمان على سبيل المثال لا الحصر
بالمناسبة اداء مصطفى للاماني السندسية رهيب ومهول ولولا الموت لأهديته لها نهائيا
تقبلو جميعا التقدير
---------------------
أعجبني في البنية خوضها بحر غابة السنط الغنائية

سلام استاذ موصلي من هسةهلاوي وافق عشا ما نبقى غلطان السراج ولا غلطان الاستاذ/B]

لفتة بارعة من الموصلي، وهو كما عهدناهو دائما داعما للشباب ومحبا للغناء السوداني
شكرا يا أستاذ، يا أنيق

أثق فى تقييم الأستاذ الموصلى للفنانة آمنة حيدر فهو تقييم مبنى على
خلفية خبير فنى فى مجال الموسيقى والغناء،. وأكيد إهداء أغنيته
لها فيها دافع لها للإيجادة . وأتمنى أن يكون فاتحة لأعمال فنية
بأن يلحن لها أغنيات جديدة.

والجميل فى الموسيقار الفنان يوسف الموصلى أنه من القلائل
من أهل الفن المعطائيين لغيرهم من الفنانين تشجيعاً وألحاناً
وتوزيعا لا يبخل بعلمه وخبراته ولا يعرف قلبه الغيرة والحسد

الشباب

Quote: سلام استاذ موصلي من هسةهلاوي وافق عشا ما نبقى غلطان السراج ولا غلطان الاستاذ

التحية اخونا الصديق ...

و سلام للموسيقار ...

يا منتصر ... الغلطان انا ده ...ههههه

اخونا الموصلي
هل إهداء الأغاني القديمة تساهم في صقل المبدعين الصاعدين ؟
هل لذلك علاقة بفشل تجربتكم مع شروق ابو الناس ؟
أتمنى الإهداءات دي ماتبقى ظاهرة تجرد عمالقة الغناء من إرثهم الغنائي
للأسف الشديد ليس هناك في الساحة من يستحق مثل هذه الإهداءات

الاجابه لا يا حيدر

لك الود حبيبنا قباني

Quote: أثق فى تقييم الأستاذ الموصلى للفنانة آمنة حيدر فهو تقييم مبنى على خلفية خبير فنى فى مجال الموسيقى والغناء،. وأكيد إهداء أغنيته لها فيها دافع لها للإيجادة . وأتمنى أن يكون فاتحة لأعمال فنية بأن يلحن لها أغنيات جديدة. والجميل فى الموسيقار الفنان يوسف الموصلى أنه من القلائل من أهل الفن المعطائيين لغيرهم من الفنانين تشجيعاً وألحاناً وتوزيعا لا يبخل بعلمه وخبراته ولا يعرف قلبه الغيرة والحسد الشباب

شكرا لهذه الثقة العظيمة ياصديقي وانت متذوق رفيع للموسيقى

Quote: سلام استاذ موصلي من هسةهلاوي وافق عشا ما نبقى غلطان السراج ولا غلطان الاستاذ

لفرط ما بيننا من حب انا وهلاوي
فقد رفض هلاوي سنة 1989 ان يأخذ استحقاقه المادي عن هذه الاغنية في شريطي شوق الهوى قائلا
يا موصلي مابذلته من جهد فني ومادي لاخراج هذا العمل دفعني للتنازل
انا وهلاوي دوما متفقين ضماااااااااان يا منتصر

إن أجاز لي المستنير:

Quote: لفتة بارعة من الموصلي

فأقول أن هذا البوست وقع له في جرح

عموماً الموصولي أو غيره أحرار فيما يغنون أو يهدون
طالما هذه الحرية لا تهضم حقوق الآخرين
وبالجنبة كدا:
ما سمعناه من هؤلاء العمالقة لايمكن أن تؤثر فيه حنجرة جديدة مهما تزيّنت
شغل عامل نفسي ساي كدا

مودتي للجميع

صحى يالموصلى .. إنت يا سيدى بتقدر .. وما فى داعى أقول لك

البت فنانة والأغنية رويانة مزازيك رائعة وسلسة وعلمية

وأمطرت لؤلؤاً من نرجس وسقت وردا .... إبداعاً

خطيرة ... لعناية الأستاذ عبد الكريم الكابلى و يزيد بن معاوية !

سلام نادر غايتوا يزيد بن معاوية ده إلا يتنازل نيابة عنه بريمة

Quote: بلواكة الاغاني القديمة

سلام لصاحب البوست والمتداخلينشكراً على اتاحة الفرصة لطرح رأي.حقو نفرز ياخي، ما كل القديم بيستاهل يتغني لكن كله بيستاهل النظر فيه.اغنية (الكلام القالو عنك) دي أغنية معلم ومن أهم الأغاني، لأنو التأليف الموسيقي فيها ما عفوي ولا خامل، بل هو تأليف نشط ويتعمد إبراز الجانب العاطفي بتغيير في الكي Key الموسيقي.والشغل دا فيهو استبطان للتراث من السيمفونيات لسيد درويش لبعض أغاني الحقيبة حيث نجد هذا الانتقال الذي يأخذ معه وجدان المستمع لأعلي ثم يهبط به في حتة كدا زي #F حقت السلالمالكبيرة. وعلى الأقل هنا في درس موسيقي يحتاج إنو الغنية دي تتغنى تاني وتالت، وهو الانتقال في السلالم كنقيض للملل وكمعبر جيد عن العواطف. ودا رأي مستمع موسيقي من منازلهم.التحية للموصلي، وتحية عبره للشابة آمنة، ومحتاجه إنو تخلي الصوت يطغى على لغة البدن السليمة اللي هي عندها وأن تخفف وزنها

والله بالغت يا مصطفى في زول بقول لسيدة تخفف وزنها ياخ ما ترباس ده يحمد ربه ما في زول قال ليه خف

Quote: والله بالغت يا مصطفى في زول بقول لسيدة تخفف وزنها ياخ ما ترباس ده يحمد ربه ما في زول قال ليه خف

هههههه، يا منتصر ترباس دا ما عندي بيهو شغلة من يومو، بعدين أنا بقصد أطرح وجهة نظر هوليستيك، أو شاملة لصورة الفنان، وكلامي مبني على فيديوهات تانية بدت فيها وزنها زايد.
ما بقصد حاجة شخصية، ودي زي بتي زي ما قال الموصلي.

سلام يا موصلي
ومشتاقين .. من ايام جمعية السهم لم نلتقي
الاعنية رائعة وامنة حيدر اداء وطرب عظيم

تحياتي استاذ قباني والموسيقار الجميل يوسف الموصلي وكل البقية النيرة التي طالما قدمت الاستنارة في هذا المنبر مع كل الود والاحترام

" target="_blank">

عايز اشارك الفيديو دا من اليوتيوب من قبيل ( معصلج ) اتعبني تعب

الخرطوم – سلمى معروف
قد لا تجد الفنانة الشابة بكورال كلية الموسيقى ونجمة برنامج أغاني وأغاني في نسخته للعام الحالي، آمنة حيدر، بطاقة عبور تؤهلها لارتياد المستقبل في مشوارها الغنائي بخطى ثابتة، كتلك التي أهداها لها الموسيقار يوسف الموصلي، وهو يسجل إعجابه بها، إعجابا تجاوز به الرجل حدود طربه بالأغنية من مقر إقامته في أمريكا وهو يستمع ويستمتع بأداء آمنة عبر شاشة النيل الأزرق وهي تؤدي أغنيته (الكلام القالو عنك)، إلى إهداء الأغنية لها. الفنانة الشابة ربما تكون حصدت دون زملائها في البرنامج بطاقة أخرى من الأستاذ السر قدور مقدم البرنامج حين علق على أداء آمنة للأغنية وقال إنها قدمتها بصورة ممتعة نقلت فيها الحضور من ثقافة الأغنية إلى الأغنية الثقافية، ما يؤهلها ربما لتلقي بها شهادة امتياز في وجه منتقديها على أدائها لأغنيات الآخرين.
(1)
الموصلي بدا كمن ينصف الفنانة الشابة بعد (الكلام القالوا عنها) وهجمة طالتها من الكثيرين خلال ظهورها وتجربتها الجديدة وأدائها لأغنيات مختلفة في برنامج أغاني وأغاني والخروج من تجربة الجماعية في الكورال إلى الفردية، آمنة القادمة من منصة الهواية لا الاحترافية للغناء، ورغم تجربتها القصيرة المبتدئة، تعرضت للنقد كما الإعجاب من كثيرين، فهناك من اعتلى منصة النقد دون أن يدري أنه يمتلك ادواتها أو لا، وصوب سهامه نحو آمنة حيدر، تارة من باب ضعف ملكاتها الصوتية، وحيناً آخر من حداثة تجربتها في الغناء، ملاحظات منتقدي آمنة حيدر رأى فيها كثير من النقاد والفنانين أنها لا تنتقص من تجربة فنان أو تحد من إمكانية أدائه لأغنيات الآخرين، ما دام يؤديها بطريقة سليمة، الكثيرون ألقوا باللائمة على آمنة لاختيارها أغنيات كبار الفنانين مثل الفنان عبد الكريم الكابلي (نالت على يدها) والكلام القالو عنك، مآخذ الكثيرين على آمنة أنها ليست بتلك المقدرات الصوتية التي تؤهلها لأداء مثل هكذا أغنيات، ولكن في المقابل تفوقت أصوات الإشادات بأدائها للأغنية وغيرها من الأغنيات في البرنامج، وربما، ليس أدلّ على تفوق هذه الفنانة الشابة، من إعجاب الموصلي المحمول على تجربة متفردة وراسخة في عالم الموسيقى والغناء لسنوات ممتدة.
(2)
الموصلي أبدى إعجابه بصوت الفنانة الشابة آمنة حيدر وتنبأ لها بمستقبل باهر في عالم الغناء، الرجل قال إنها لفتت انتباهه بأسلوبها وطريقتها في أداء الأغنية، وكمن يهديها شهادة اعتراف بأنها ذات إمكانيات تؤهلها لأداء هذه الأغنية باحترافية، قال الموصل إن آمنة أدت الأغنية أداء جميلا رغم التعقيد الموسيقى والمقامي الذي تحتشد به الأغنية (إلا أن صوتها لطيف وبشوش)، آمنة حيدر ستكون هي الأولى بين رفقائها في البرنامج ممن أدوا أغنيات الآخرين، ولم تحظ بإشادات فحسب بل حازت من خلال إهداء الموصلي للأغنية لها تشجيعا وتحفيزا لها، وعدا بتنفيذ ذلك خلال زيارته القادمة للسودان بعد الاتفاق مع الأستاذ عبد الوهاب هلاوي شاعر الأغنية، وقال إنه سيشرف على تنفيذها موسيقيا بتوزيعها الأصلي.
وأرسل الموصلى بعض الملاحظات النقدية التي قال إنها لا تنقص من جهدها في أداء الأغنية بطريقة جميلة مشيرا إلى أن الأغنية بدأت بـ(الكوبليه) الثاني مباشرة، وهناك بعض التعابير من (أنصاف التون) تم تخميسها، وبذلت الأوركسترا جهدا مقدرا في تقديمها بالصورة الطيبة إلى جانب مجموعة المطربين الذين قاموا بدور الكورس.
(3)
ألمحت آمنة إلى أن هذه التجربة تمثل تحدياً كبيراً وهي تعشق التحديات والذهاب إلى العوالم الجديدة، وذكرت أنها سبق وخاضت تجارب أكسبتها شخصيتها الفنية، مشيرة إلى تجربة الكورال التي علمتها الكثير كما قالت، أهمها روح العمل الجماعي والذي من خلاله تتسع رؤية الفنان لتصبح أكثر إحاطة بكافة جوانب العمل الفني العلمي منها والإنساني، وأضافت: العمل الجماعي يمنح الفنان خبرات ويجعله ينظر إلى الغناء بأكثر من زاوية، نتائجه عادة ما تأتي في مصلحة الغناء المستهدف منه المستمع، وأن تجربة الكورال علمتها الصبر وكيفية إدارة الحوار والاستعداد للتضحية من أجل مصلحة المجموعة

اليوم التالي

الصديق احمد لن الشكر على هذا الاسهام المقدر

ليتنا عدنا او عادت الأيام صديقي خالد

Quote: سلام لصاحب البوست والمتداخلينشكراً على اتاحة الفرصة لطرح رأي.حقو نفرز ياخي، ما كل القديم بيستاهل يتغني لكن كله بيستاهل النظر فيه.اغنية (الكلام القالو عنك) دي أغنية معلم ومن أهم الأغاني، لأنو التأليف الموسيقي فيها ما عفوي ولا خامل، بل هو تأليف نشط ويتعمد إبراز الجانب العاطفي بتغيير في الكي Key الموسيقي.والشغل دا فيهو استبطان للتراث من السيمفونيات لسيد درويش لبعض أغاني الحقيبة حيث نجد هذا الانتقال الذي يأخذ معه وجدان المستمع لأعلي ثم يهبط به في حتة كدا زي #F حقت السلالمالكبيرة. وعلى الأقل هنا في درس موسيقي يحتاج إنو الغنية دي تتغنى تاني وتالت، وهو الانتقال في السلالم كنقيض للملل وكمعبر جيد عن العواطف. ودا رأي مستمع موسيقي من منازلهم.التحية للموصلي، وتحية عبره للشابة آمنة، ومحتاجه إنو تخلي الصوت يطغى على لغة البدن السليمة اللي هي عندها وأن تخفف وزنها

صديقي الاديب مصطفى كفيت وأوفيت
تحليلك موثوق به
ولسة السودان ما عرف اسلوب الخروج من رتابة
Mood
بتغيير ال
Mode
تسلم يا راقي

بالغ الجمهوريين في إنشاد كلمة الأستاذ!
أبو عركي مرات عندو شغل زي دا
موسيقى الكلام مهمة في الغنا والإنشاد

من ناحية سمعية، شغل تعبان
صعب تسمعو مرتين

Quote: Abu Omar الحديث لم يكن عن اغنية "الكلام القالو عنك" بل عن اغنية "خسارة" للفنانة حنان النيل وﻻ اعتقد ان الاجابة صحيحة عندما سؤلت الفنانة آمنة حيدر عن اول عمل قدمتيه من جانب الصحفي كما هو في البوست .. اقتباس:- (((* ما هو أول عمل فني قدمتيه عبر المسارح؟ - أول عمل قدمته كان أيام الجامعة، وكان أغنية (خسارة) للفنانة حنان النيل ))) انتهى الاقتباس. كيف لها ان تقدم .. هي تشارك اداء الاغنية . الموسيقار الجميل الموصلي تحياتي واحترامي .. ممكن يا سيدي الكريم الموصلي يتغنى باي اغنية في حال موافقة اصحابها كما يشاء وممكن للراحل المقيم مصطفى سيد احمد يتغنى ويغني ل عبدالدافع ل وردي للموصلي ممكن وعادي جدا .. كيف فاتت عليك يا استاذنا ..؟! في فرق شاسع وانت سيد العارفين بين الموهوب والذي اثبت موهبته وطرق ابواب الشهرة وحقق فيها ما لم يسبق ﻻحد تحقيقه (بتعب يمينو وعرق جبينو) من غناء شكل وجدانيات الناس .. ابواب شهرة بتاع شنو.. وموهوب شنو ..؟ فنان مثل الموصلي(بدون تملق طبعا هههه) او مصطفى سيد احمد استطاع ان يضيف للغناء ونهض به ونقله نحو اﻻمام .. فنان بدء يطرق مسامع الناس بي "غدار دموعك" على سبيل المثال .. ده ما محتاج يتسول او يتسلق بأغاني الاخرين .. (بالتأكيد مابقصد الاماني السندسية وما بينك وبين الراحل المقيم) عندما يغني مصطفى الاماني السندسية على سبيل المثال:- 1/لم يعجز عن ابتكار الجديد الخاص به .. 2/لم يرد بذالك المزيد من الشهرة 3/هو فنان ﻻيقل قابلية لدي الناس وﻻيقل امكانيات فنية عن المالك اﻻصلي .. 4/اثبت للساحة ما ذكر اعلاه. انتهى في ما يختص بالمقارنة المعدومة اصلا مابين اجيالكم وما يحدث مع الشباب الان. عندما تغنيت ايها القامة الموصلي باغنيتي .. اول ﻻحظ هي غنيتين فقط كما ذكرت انت .. وبعدين ورينا سجلتهم في ياتو ازاعة او تلفزيون .. اضف الى ذالك لم يكن هناك خوف في الوضع العام حينها ﻻن الامر كان بآختصار"لو الموصلي داير يبقى فنان يجيب حقو ما ح يحقق اي نجاح او اعتبار بأغاني الاخرين" وله كيف ..؟؟؟ ثم انه الواضح جدا انو حركة فن الغناء في السودان في تحول كبير من منتصف التسعينيات .. وواضح جدا الفنانون القادمون وكأنهم في سباق حميم عن من يؤدي اﻻغنية الفلانية افضل من غيره .. بدﻻ من ان يكون السباق عن من سيأتي بجديده .. وهذا هو الوضع الطبيعي .. وبعدين اكتر من كده .. الموضوع بقى ظاهرة مستمرة بوتيرة مطردة نحو المزيد وصار ﻻيعني اي مشكلة او حرج للمؤدي .. بل ومقبول جدا من المثقف قبل المستمع العادي .. وهذا تردي مقيت في الوضع الطبيعي .. تخيل لو كانت هذه الوضعية وبهذا الحجم والكم من ستينيات القرن الماضي .. ودأب كل الفنانون والمؤديون بتقليد من سبقهم دون القدوم نحو التفرد واثراء الساحة بما هو جديد .. بالتأكيد هذا لم يكن له ليحدث ﻻنو الجو العام كانت تسوده وعلى حسب اطلاعنا او ما بادي امام الجميع كانت تسوده روح الابداع والابتكار .. والان نعاني من تردي في كل شيئ وخاصة في الجوانب الابداعية في مختلف مجال الفنون والرياضة والثقافة .. وفي عاتق الجميع العودة الى الطريق الصحيح .. للاسف العودة بدل من ان تكون في محل كلمة "العودة" التقدم او التطور. مع احترامي ومحبتي الاكيدة.†

شكرا بو عمر والله في ناس بتكتب في الفيس بوك متجاوبة مع البوستات
بطرقة غاية في الاحكام
تختلف تتفق معها ما مهم

ياخي الف شكر وتستحقو تكوا بي جوه بل تشرفو

ياموصلي عملت حميل من مداخلتي لانو ما فيها مدح

يا حيدر ياخي انا ما بعمل حميل ناهيك انو يكون زول زييك معاي هنا زمن طويل
بس بحاول ارد على كل الناس الصبر
بالله اصلو ما تمدحني
I have had enough of it all my life
ههههههههههه
تحياتي

آخر من توقعت أن يساهم في ترسيخ ظاهرة الركود الفني والاستنساخ الموسيقي في السودان هو الدكتور يوسف الموصلي

كان بإمكان الموصلي أن يعلن عن تبنيه الفني لهذه المطربة المبتدئة إذا ما رأى أنها تحتاج لمن يقف في جانبها في بداية طريقها وأن يلحن ويوزع لها أعمال جديدة تخصها ولكنه اختار أن يعاونها على اختصار طريقها. الموصلي نفسه عاني حتى يثبت نفسه وحفر بأظافره حتى يثبت نفسه كمطرب لا يشق له غبار وأكاديمي له اسهامات واضحة في الفن الحديث، فلماذا يشفق على الأجيال الجديدة من سلوك الدروب الوعرة للفن مثلما فعل سابقيهم.

أقول هذا الكلام والألم يعتصر جوانحي وأتمنى أن لا يزعل مني الدكتور: الموصلي مهر بتوقيعه الشهادة الرسمية لوفاة الإبداع في السودان .

ماذا لو سار في هذا الطريق كل الشعراء والملحنين والمطربين العمالقة. مزيداً من الفوضى والعبث.

lمافي اي .عل ع.ي.ي حسن بشير نحارم راييك جدا ونقدره

شكرا منتصر

شكرا لك ياعمر

Quote: ولسة السودان ما عرف اسلوب الخروج من رتابة Mood بتغيير ال Mode +++ بس بحاول ارد على كل الناس الصبر بالله اصلو ما تمدحني

في بوست زكريا كنت بترد بسرعة شديدة، أها الناغمني دا منو؟

يعني نفهم يا أستاذ موصلي من جملتك الفوق دي إنو جمهورية السودان ما فيها عمل موسيقي أو غنائي لا يوظف تقنية تغيير المود لحد ما ظهرت أغنية (الكلام القالوهو عنك)؟ لو دا المقصود، تبقى مخطيء، ولو عندك اعتراض أنا جاهز للشمطة قبل العيد، والله يكضب الشينة. في رأيي الشخصي إنو الغناء هدفه مش الغناء بل التعبير (expression) وفي الحالتين اعتقد أن تغيير المود لم يخدم أي غرض في الأغنية باعتبار إنو ثيمتها العتاب، دا غير إنها أغنية قصيرة فإذا فيها رتابة تبقى في اللحن، المؤدية اخطأت (وربما أصابت) في جعلها أغنية فرايحية راقصة غض النظر عن الكلمات. الشيء التاني، تغيير المود متوفر كتير في أغنيات الحقيبة يا أستاذ موصلي، بناء على ذلك، لست أول شخص يأتي بهذه التقنية في جمهورية السودان. ___ معظم أغنيات الحقيبة تنتهي بمود مختلف عن بدايتها يا أستاذ موصلي، ما تخم الناس ساكت في شيء هم عارفينو لكن باسم تاني

لاتعليق مع الشكر

Quote: فلماذا يشفق على الأجيال الجديدة من سلوك الدروب الوعرة للفن مثلما فعل سابقيهم.

سلوك طبيعي جداً

الخوف من التغيير ظاهرة تلازم كل الأجيال. دا غير إنو الفنان دائماً ينشد الخلود. ___ لا اعتقد أنه مخطيء، لكن تكون هي المخطئة إن استمرأت ذلك ولم تعمل على تجويد فنها حتى لا يأتي أحد ويتهمها بعدم التجديد.

اتمنى التوفيق للفنانه آمنه
وجهد مقدر من الاستاذ يوسف
في أغنيته الرائعه المهداة للناشئه
واتمنى ان يتم كذلك عمل اغنيه جديده
للابنه أمنه وفيها يستطيع الموسيقار الموصلي
بامكانياته الفنيه والعلميه العاليتين ان يصيغ
لها لحنا يخرج كل امكانياتها الفنيه ويكون
اضافه للفن السوداني في محطته 2016

شكرا يا عمر علر المساهمة

Quote: .والشغل دا فيهو استبطان للتراث من السيمفونيات لسيد درويش لبعض أغاني الحقيبة حيث نجد هذا الانتقال الذي يأخذ معه وجدان المستمع لأعلي

سلام يا حاتم ابراهيم
الكلام الفوق دا انا كتبتو قبل مداخلتك، اللي هي بترد فيها على رد الموصلي عليّ.
أنت لا تقرأ يا أخي بل تقفز بك الأفكار الطارئة فوق سياق البوست ودا أكبر دليل على وجود شبهة التجني والإعتداء.
الموصلي لم يقل بأنه أول من قام بعملية تغيير المقام أو ال key أو whatever. وهو يعلم في الموسيقى بأكثر منك كمتلقي أو متذوّق أو، مرة أخرى، whatever.
وتغيير الكي أو ال الموديولايشن، في صميم عملية ترقية التذوق الموسيقي وحقو ما تخضع لمناوشات الناس في حاجات غير مفيدة. أمشي أسمع I will always love حقت وتني
هيوستون أو أسمع مايكل جاكسون في Man in the Mirror أو اسمع اسطوانة قديمة لسرور وحاول تكون زول مفيد أو خليك سوداني

Quote: سلام يا حاتم ابراهيمالكلام الفوق دا انا كتبتو قبل مداخلتك، اللي هي بترد فيها على رد الموصلي عليّ.أنت لا تقرأ يا أخي بل تقفز بك الأفكار الطارئة فوق سياق البوست ودا أكبر دليل على وجود شبهة التجني والإعتداء.الموصلي لم يقل بأنه أول من قام بعملية تغيير المقام أو ال key أو whatever. وهو يعلم في الموسيقى بأكثر منك كمتلقي أو متذوّق أو، مرة أخرى، whatever.وتغيير الكي أو ال الموديولايشن، في صميم عملية ترقية التذوق الموسيقي وحقو ما تخضع لمناوشات الناس في حاجات غير مفيدة. أمشي أسمع I will always love حقت وتنيهيوستون أو أسمع مايكل جاكسون في Man in the Mirror أو اسمع اسطوانة قديمة لسرور وحاول تكون زول مفيد أو خليك سوداني

حبيبنا مصطفى كفيت ووفيت
لكن كمان حاتم فعلا قرآ آنني قلت بان التحول المقامي
بمفهومه المرسوم المخطط هارمونيا قد حدث في الكلام القالو عنك واخواتها سفر العيون والمشاعل
ولكن الكاشف آحدث له عازف القانون مصطفى كامل تحول متبادل ما بين الكبير وصغيره المباشر في "فتنت بيه"
وكان يمكن ايضا ان يحدثه بين الكبير وصغيره المناسب ؟يعني موضوع داير شرح"
في حقبة الفن حصت في قائد الاسطول لا ادري سرها
وحدثت في بعض تسجيلات البازار القديمة غالبا عند ايقاف التسجيل ومواصلته فان المغنيين لا يستطيعون الاحتفاظ بالمقام الاساسي لعدم وجود الة ثابتة
واخيرا كل من محمد الامين علة خفيف في كل من شهر عشره وقصة ثورة وسوف ياتي والجابري في "هات يازمن" في الحتة بتاعة الليل الليل الليل
اما التحول المقامي بصورته العلمية المدروسة
فهو في الاغنيات التي ذكرتها فقط ان لم تخني الذاكره
كل الود

Quote: سلام يا حاتم ابراهيم الكلام الفوق دا انا كتبتو قبل مداخلتك، اللي هي بترد فيها على رد الموصلي عليّ. أنت لا تقرأ يا أخي بل تقفز بك الأفكار الطارئة فوق سياق البوست ودا أكبر دليل على وجود شبهة التجني والإعتداء. الموصلي لم يقل بأنه أول من قام بعملية تغيير المقام أو ال key أو whatever. وهو يعلم في الموسيقى بأكثر منك كمتلقي أو متذوّق أو، مرة أخرى، whatever. وتغيير الكي أو ال الموديولايشن، في صميم عملية ترقية التذوق الموسيقي وحقو ما تخضع لمناوشات الناس في حاجات غير مفيدة. أمشي أسمع I will always love حقت وتني هيوستون أو أسمع مايكل جاكسون في Man in the Mirror أو اسمع اسطوانة قديمة لسرور وحاول تكون زول مفيد أو خليك سوداني

صراحة جابتني مداخلة العتاب بتاعة حيدر حسن

وموصلي رد على "مجاملتك" بمثلها غض النظر عن صحة ما كتبت. خلينا نشوف، دي مجاملتك: Quote: إبراز الجانب العاطفي بتغيير في الكي Key الموسيقي.والشغل دا فيهو استبطان للتراث من السيمفونيات لسيد درويش لبعض أغاني الحقيبة حيث نجد هذا الانتقال الذي يأخذ معه وجدان المستمع لأعلي ثم يهبط به في حتة كدا زي #F حقت السلالمالكبيرة. وطبعاً الواقع بيقول (#F) ما بيهبطوا ليها يا أخ مصطفى بل بيصعدوا ليها (ضمن الطقم اللحني octave) لأنها قبل الأخيرة غض النظر عن إزدواجية التسمية (enharmony)، فلو أنا كنت مكان (الموسيقار) الموصلي كنت حأنبه للجزئية قبل الخوض في رد الجميل، فوظيفة الموسيقار شنو لو ما استفادت منو الناس في تصحيح معارفها الموسيقية في منبر زي دا بدل التكالب على الألقاب؟ الحفزني أكتر إنو اتجاوز مجاملتك لمرحلة (أنا الأول في الانتقال المقامي)، أها أنا هنا ما بقعد ساكت، نعم من الصعب تتيقن إنو يقصد ذلك، لكن أهو الدليل هداك بوست (غزوة الأحزاب لحسم حاتم الخراب)، إضافة إلى حادثتين بنفس الإدعاء. لكن الحمد لله أهو رد عليك بالضبط في الحتة الأنا كفكفت ليها للشمطة، فبعد ما قال (السودان لم يعرف) رجع واستثنى (صورته العلمية المدروسة) يعني (ناس الشهادات)، شفت كيف! الكاشف أخوه هنا وناس الحقيبة هنا كلهم برة، ويبدو أنه لم يكن راضياً عن مداهمتي في هذا التوقيت، لذلك آثر الحسم هناك في النقعة، يا أخوي أنا شايل ليكم جبل في كتفي دا، يميناً بالله أفكوا ليكم ما تفضل تقنية إلا وتأولها وقال (هذي لي). _____ الانسان فوق السبعين بيرجع زي الطفل، ما بدور يقلعو منو لعبته.

Quote: وطبعاً الواقع بيقول (#F) ما بيهبطوا ليها يا أخ مصطفى بل بيصعدوا ليها (ضمن الطقم اللحني octave

يا حاتم قلنا ليك ابعد من قوقل
حديثا يمكن التحول من آي مقام للاخر وهذا يتوقف على رغبة المؤلف
مثلا لو عايز تنزل لل #F من ال G
تمشي لل Double Dominant
اللي هو ال Third
بتاع ال #F
ثم تنتقل لل Dominant بتاعها لتصل بسلام وسلاسة لل #F
لعلك فهمت الكلام ده
وامشي حل لينا مشكلتك بي غادي

Quote: مثلا لو عايز تنزل لل #F من ال G تمشي لل Double Dominant

ما تخمنا وخلي لزملائك شوية "أولوية" معاك

أنا عشان كدة قلت (ضمن الطقم اللحني octave)، كلامي عن الأساسيات، لما تتحدث عن F فأنت بتصعد وما أظن أخونا مصطفى أورد G في كلامو. صدقني حنقعد في حتة النظريات "والأساسيات" بتاعة تلاميذ K12 دي بغوغول وبغيرو، انت واجعك إنو غوغول ناشر المعلومة؟ _____ من 2002 كان واجبك تشرح للناس الأساسيات دي، مش تتباهى عليهم بيها

Quote: And Yes Mr Abu Baker I"m the first one to have done it scientifically in the history of Sudanese music اظنو كده كلامي واضح والعندو آمثله lمخالفة يجيبها منوته +++ الموصلي لم يقل بأنه أول من قام بعملية تغيير المقام أو ال key أو whatever. وهو يعلم في الموسيقى بأكثر منك كمتلقي أو متذوّق أو، مرة أخرى، whatever.

خجلان منها كاتبها بالإنجليزي

كلنا بنتذوق ياخي، وأهو يا مصطفى قالها بالإنجليزي، أنا بفهم نواياه من أول جملة، وزي ما قلت، الزول دا أنا لو فكيتوا ليكم يعلم الله ما يخلي ليكم شبهة فن موسيقي في السودان إلا إدعاها لنفسه فقط، الحرمان. فبالنسبة لي إن قدم الأوائل عملاً دون زخرفته بشهادة أو مصطلحات فهم أهل له وإن تعددت مسمياته المعاصرة، وهم أصل الشيء ولا ينقص من موهبتهم أن فلان أضاع 43 سنة من عمره مقابل حفنة أغاني وشهادة لم تصلح إلا لتدريس اللغة العربية وليس الموسيقى عند من يعرف أصل قيمة الشهادات. شوف بس كمية الغطرسة وعملية التناسل بأسلوب الخيار من خيار، يعني لو تركناه ممكن يعمل نفسو الأول بعد ما يوضب أموره ويقفل الباب على كل من سبقه بشرط الدراسة في جامعة أيوة، دي مرضة دي انت يا يوسف يعني بتتحدى أعضاء المنبر يجيبو ليك نوتة عشان يقنعوك بأنك ما أهل لتكون رائد لموسيقى سمعوها قبال ما يلدوك؟ _____ يا لبؤس طرحك ونهايتك.

يا حاتم ياخي معليش أنا ما عارف انت بتجيب اقتباساتك من وين؟
ومهما قال فلان أو علان فإن التأليف الموسيقي لا يبدأ عند شخص بعينه.
العبرة في الوعي به كعمل تعبيري.
لكن مساهمتك في بوست الراجل سيد البوست دا هي مساهمة سالبة بكل تأكيد.
لأنه، ما لم تخل المساهمات من صفة البارانويا فلن تكون فيها فايدة.
------------
كلامي "ثم يهبط به في حتة كدا زي #F" دا ما كلام موسيقي، دا مجرد تعبير. مافي أوكتاف ولا كوراع. كتافيك باليكتفِن.

يا جماعة الخير......لمن تقولو فن سودانى اصيل.....الواحد بيدخل فى اظافره......قولو فن لى جغرافية محددة نحترمكم......لكن فن لى كل السودان دا شى مضحك........انحنا البنسمعوا دا عبارة عن صراخ كلمات لاغير.......اما التلفزيون محتكر لى فئة معينة. ....لا تعكس ابداعات كل السودان.

Quote: يا حاتم ياخي معليش أنا ما عارف انت بتجيب اقتباساتك من وين؟ ومهما قال فلان أو علان فإن التأليف الموسيقي لا يبدأ عند شخص بعينه. العبرة في الوعي به كعمل تعبيري. لكن مساهمتك في بوست الراجل سيد البوست دا هي مساهمة سالبة بكل تأكيد. لأنه، ما لم تخل المساهمات من صفة البارانويا فلن تكون فيها فايدة. ------------ كلامي "ثم يهبط به في حتة كدا زي #F" دا ما كلام موسيقي، دا مجرد تعبير. مافي أوكتاف ولا كوراع. كتافيك باليكتفِن.

مصطفى كيفك

نبدأ ليك من آخر فقرة. يا مصطفى، كلامك الانت بتقول عليهو "ما كلام موسيقى دا مجرد تعبير" سواك بكل بساطة محلل موسيقي، انت ما شفت الباص الرجعو ليك؟ Quote: صديقي الاديب مصطفى كفيت وأوفيت تحليلك موثوق به يعني انت حللت الأغنية بتاعتو تحليل "موثوق به"، اعتقد واضح. في الحقيقة أي بادرة مدح بتجعل من سيدا حاجة عظيمة، دا أنا تابعتو في أكتر من بوست. +++ اقتباسي أنا جبتو من هنا http://sudaneseonline.com/board/490/msg/%D9%81%D9%8A-%D8%AD%D8%B3%D9%85-%D8%A2%D9%85%D8%B1-%D8%B9%D8%A8%D9%82%D8%B1%D9%8A-%D8%B2%D9%85%D8%A7...t-up-1467555919.html (البوست محذوف) ياخي صاحبك نزل لأدنى مستوى أنا شايفو، حيرجع البوست بكل المداخلات بتاعتو. كلامك عين العقل واتفق معاهو، وأنا قلت نفس معنى جملتك دي أكتر من مرة بس ياخي موصلي فاهم الموسيقى غلط ونظرية الموسيقى غلط، هي بالنسبة ليهو "سلاح" كما ذكر دبابة يطلع بيها فوق الناس الحيين والميتين. +++ وهي البارانويا وين؟ البوست دا بطولو دليل عليها، انت ما شايف هههه الراجل مهووس بالمدح، أهو قدامكم صورة وصوت، أنا جبت حاجة من عندي؟

Quote: لكن كمان حاتم فعلا قرآ آنني قلت بان التحول المقامي بمفهومه المرسوم المخطط هارمونيا قد حدث في الكلام القالو عنك واخواتها سفر العيون والمشاعل ولكن الكاشف آحدث له عازف القانون مصطفى كامل تحول متبادل ما بين الكبير وصغيره المباشر في "فتنت بيه" وكان يمكن ايضا ان يحدثه بين الكبير وصغيره المناسب ؟يعني موضوع داير شرح" في حقبة الفن حصت في قائد الاسطول لا ادري سرها وحدثت في بعض تسجيلات البازار القديمة غالبا عند ايقاف التسجيل ومواصلته فان المغنيين لا يستطيعون الاحتفاظ بالمقام الاساسي لعدم وجود الة ثابتة واخيرا كل من محمد الامين علة خفيف في كل من شهر عشره وقصة ثورة وسوف ياتي والجابري في "هات يازمن" في الحتة بتاعة الليل الليل الليل اما التحول المقامي بصورته العلمية المدروسة فهو في الاغنيات التي ذكرتها فقط ان لم تخني الذاكره كل الود

يعني إلا يكون مرسوم ومخطط؟

شوف يا يوسف دائماً الفنون مسألة إبداعية في الأساس، يعني ببساطة مافي كلية أو مدرسة بتاعة نوتة موسيقة ممكن تجعل الدارس "مبدع". بنفس الكيفية، مافي مؤسسة بتنتج مخترعين، دي علوم إبداعية زيها وزي الفنون، خليني أعمل مثالين عشان التبسيط بعدين نجي لتلميحك بتاع إنك (الأول). الراجل الاكتشف أشعة إكس أو الأشعة الطبية بتاعة الكسور عرفها بالصدفة في موضوع مختلف تماماً، ولما سجلها الناس حفظت ليهو حقو "كمخترع" وما جا واحد دكتور متعجرف وقال: لا رونتجن دا ما قرا عن الإشعاع وما عندو شهادة من كيمرج، وهو ذاتو اكتشف الموضوع صدفة. البلاستيك، بتاع المشمعات، برضو عرفوهوا صدفة، انكشح سائل كيميائي في التربيزة واتفاعل تاني يوم لقوا مادة مرنة زي المشمع، مشوا سجلوها ودلوقتي عندنا آلاف المركبات العضوية اللدائنية ومنها الكيبورد الانت بتكتب منو (أنا أول زول) بالإنجليزي. يلا الشاهد في إنو الأعمال الفنية لا يتم (رسمها) أو (هرمنتها) على الورق قبل أن تكون فكرة في رأس المبدع، وأحياناً لا يتم حتى تناولها بطريقة منظمة إلا بعد فترة طويلة من أداؤها واشتهارها، زي غنا الحقيبة حقنا دا، مافي فنان حقيقي بيقرر ويقول (أنا الليلة عايز أطبق المقام الفلاني وانتقل منو للمقام التاني عشان يتوائم مع نظرية الموسيقى، أو يقول أنا عايز أضيف خطين كاونتربوينت عشان العمل يطلع حلو) دا يبقى فهم مغلوط ومجرد استذكار لطالب في أولى مراحل تعلمه، تمرين ساكت. خلافي معاك في إنو الفرصة الأتيحت ليك للدراسة (والتنور) في أمور غاية في التواضع من حيث قيمتها الإبداعية (نوتة، تاريخ، نظرية) فهي مجرد (discipline) لتمكين الدارس من التطرق بموضوعية إما للتحليل أو لإعادة تأليف الموسيقى بنهجها الكلاسيكي، دا في حالتك تحديداً مجرد تأهيل أساسي، وأنا حاسترسل في النقطة دي في بوست (حسم حاتم). القضية الأهم عندي إنو إذا الكاشف أو أي واحد من فناني الحقيبة أجاد في عمل غنائي (ولو بكشكشة الرق) وصادف إنو استخدم تقنية أصطلح عليها في الوقت المعاصر باسم رنان أو بحسابات منطقية دا لا يعني يجي واحد سمع بالمصطلحات في صف الدراسة (على كبر) دي وينسف مجهوده لمجرد دواعي إنو (ما عملها برسم وهارموني حسب نظرية الموسيقى الغربية). أنا عندي نفس المبدع بالفطرة دا إذا أتيحت ليهو الفرصة فهو بالتأكيد أفضل عشرات المرات من فنان يصنع الأعمال صناعة مثل الخبز. كلامي الفوق دا مش ناحية عاطفية، لا، حتى أكاديمياً المبدعين الزي ديل بتحفظ حقوقهم ويكونوا (case study) ضمن المنهج، زي ما درست انت عن مؤلفين في عصر الباروك وآخرين معاصرين بالكاد يقروا النوتة ومع ذلك وضعوا لينا الإرث الموسيقي الحالي بدون من أو تنطع.

النديك مثال تالت

الفنانين الشعبيين السودانيين، قول النعام آدم الله يرحمه. هل كان لما يجي يعمل بروفة أغنية بقول لبتاع الطبلة (الليلة عايزين نشتغل إيقاع 7/8 مع سنكبة في نص الأغنية) يا يوسف؟ مع ذلك هو بطريقة فطرية أدى الأغنية بنفس الإيقاع بتاع أغنية ياني (within attraction) بدون ما يعقد الموضوع. فدلوقتي لو انت رجعت تغني شعبي بالرق وأديت أعمال فيها إيقاع دليب، هل نتوقع تجي تكتب وتقول (أنا أول واحد يؤدي بالإيقاع "الشاذ" 7/8 حسب ميزان الضرب الغربي) يا يوسف؟ أنا كتبت "شاذ" لأنكم يا الفنانين بتسموهوا كدة بسبب الاسم (odd)، لكن الترجمة الصحيحة "فردي"، فالرقم 7 فردي، ههههه والله لكن. النعام آدم هو السابق بكل تأكيد، كل الفرق بينك وبينو هو إنك كتبت الصوت على الورق بس عشان تقدر تتعاطى معاهو في مناقشة وفي التلقين والإعادة ودي عادة الغربيين، بيدونوا وبينظموا حاجتهم وبيدوها اسم مناسب، عشان كدة سموا النشاط (transcription) يا يوسف، والمصطلح ما بيخص الموسيقى بس، بل أي نشاط صوتي بما في ذلك كلام البشر وأصوات الحيوانات. _____ مشكلتك ما قادر تميز بين النظرية والتطبيق، ودا بيحصل إذا التعليم تم في سن كبيرة نسبياً

Quote: حديثا يمكن التحول من آي مقام للاخر وهذا يتوقف على رغبة المؤلف مثلا لو عايز تنزل لل #F من ال G تمشي لل Double Dominant اللي هو ال Third بتاع ال #F ثم تنتقل لل Dominant بتاعها لتصل بسلام وسلاسة لل #F لعلك فهمت الكلام ده

في دي انت غلطان

تقوم بسرعة تصلحها، عشان ما نتهمك بالخم والتلفيق المرة دي على واسع. _____ هو شنو هو، بس من جبلي وصحراوي وهلم خما