12:07 PM June, 24 2016 سودانيز اون لاين sadig mirghani-joker مكتبتى رابط مختصرالمعتمد اليسع صديق التاج قال انا سترتو بي يديني وكان مبتسم😂😁 الشهيد شهاب برج مسك ماسورة من امهايا اما النساء فزوجت واما القصور فسكنت هذا خبر ماعندنا فما خبر ماعندك اخوانا شهاب طلع ماشهيد شهاب كان اسير وتم اطلاق سراحه من قبل الحركة الشعبية يوم 23-6-2016خبر الموسم وكل المواسم
قال ليك المتعافي بعد وقعت بيه الطيارة طلع منها وقام جاري والجماعة بي وراه اقيف يا شيخنا انت ما عندك عوجة يا شيخنا قال ليهم شيخنا شنو انا ماشي أحصل المرة ناسنا ديل بعقدوا قبل الدفن
Post: #8 Title: Re: الشهيد البيروني😁 ركبوا الماسورة Author: محمد عبدالله مختار Date: 06-24-2016, 06:12 PM Parent: #7
أنا ما محيرني إلا النجر الأخدر بتاع الزول الإسمو مصعب ميرغني ده .. نسأل الله السلامة :
Quote: "حول استشهاد البيروني ضربت ليهو تلفون يوم ضربة ام روابة قلت ليهو ورح للجهاد قال لي امي محلفاني سنة ما امش العمليات قلت ليهو صوم 3 ايام قال لي ما عندي قروش قلت ليهو انا عندي قال لي ما عندي شنطة قلت ليهو شنطتي شنطتك قال لي خلاص بكرة الساعة 10 في المنسقية نتقابل وزهبنا سوية في عربة واحدة وفي المعركة اثناء الكمين عندما نفدت الزخيرة دخلت عربة الكاتوشا الي الصندوق وارادت ان تضرب قواتنا المنسحبة رأها سائق عربة الدوشكا الفارغة من الزخيرة فتوجة اليها وصدمها وقلبها في عمل بطولي وكان البيروني ممسكا سلاح الدوشكا الفارغ ومع الاصطدام اصابت سيبيا الدوشكا البيروني في صدرة فاستشهد ومعة شيخ انور في الحال وقام الحكمدار محمد ومعة اسماعيل بقتل بقية الطاقم ولم نستطع اخلاءهما ودفنهما كان عدد شهداء المعركة من القوات الخاصة البيروني وشيخ انور واحد المجاهدين عنما جئت الي الطبية اثاء المعركة وجدتة ينزف من يدة وقيل لي انة استشهد في الرهد ودفن هناك ولم احضرة لاني كنت تائة في الغابة الشهيد البيروني زميلي في جامعة جوبا وكنا معا في سالي ثم السقوط هجليج حيث رجعنا مصابين ثم كانت معركة كالق حيث استشهادة واصابتي وحكي لي عن رؤيا راهاهي امتداد لرؤيا الشهيد محمد عمر حيث ايقظ الشهيد محمد عمر ايقظ البيروني 3 صباحا وحكي لة عن رؤيا راها رأي فيها الشهيد الملا ولم يكن راة في الحقيقة واعطي اوصافة للبيروني وقال انة اتاهم في جلسة لختم القرأن وجات عربة تحمل شوالات بلح وسقط واحد منها وانفتح فقال لة الملا وزع هزا البلح ووزعة الشهيد علي الحضور فمنهم من اخز واكل ومنهم من وضعة في جيبة ومنهم من لم ياخز ومن اكل قد اسشهد وهم الملا ومحمد محمود وتية وقمر والشازلي وغزالي ومحمد عمر والزين وضعوا في جيوبهم اصيبوا وقد راي البيروني هزة الرؤيا زاتها الا انة اعطاني بلحة وقال لي انك اكلت نصفها ثم انك مسحتها في صدرك ثم ادخلتها في جيبك ثم اكلتها بعد ذلك والها اني اصيب اصيب وارجع الي الخرطوم ثم استشهد بعد ذلك وقد كان ان رجعت الي الخرطوم مصابا اما هو موزع البلح فمضى اما شيخ انور فيعلم اللة اني لم اجد من هو اصدق منة رافقني الي الفاشر قبل سنة وكان بجانبي فاحببتة والله حبا جما وكان نعم الاخ في الله يتصل بي بعد رجوعنا ويسأل عن احوالي اللهم اني قد فقدتهما في سبيلك وفي سبيل مرضاتك اللهم اغفر لهما واجمع بشيخ فيصل المفقود وقد كان معنا ايضا في عربتنا وفقد بعد المعركة اللهم امين"
كتلوهو وصنعوا منه شهيداً في 2013 وها هو في 2016 يعود حياً ، فيا لهم من أفاكين .. لكن هذا ليس بمستغرب عليهم ، فكبيرهم الذي علمهم الإستهبال والوهمات كانت هذه سيرته منذ أن ولغ في وحل السياسة وحتى فارق الدنيا ..
قالوا واحد اخوهو مات .. ورسل لناس الحلة جوهو للدفن اها ود المرحوم نادي عمو يا عمي والله ابوي دة حي . شفتو بتحرك عمو قال ليهو طلق لو قام يلعب الصقرية ندفنو . هسة الناس القاعدين برة وراجين الدافنة نقول ليهم المرحوم ويقولو علينا ما بنعرف الموت ف شنو انتو عارفين
يا حفيظ قال واحد من الجماعة دوروة من متحرك لي متحرك ومن انتنوف لي انتنوف لما خلاص نجضوهوا قال ليهم إسمعوا خلاص فترت مش المرة دي بطلقها ليكم عشان كده الكيزان ديل ما عندهم خوة تعرس ليك مرة سمحة تلحقك مالك بن نويرة
يامنتصر يا اخوي قالو البحلك من التوم قل اكلو تراهو قصة مالك بن نويرة فيها الشك والظن .. لكن دة شوف عين عديل حاجة عجيبة لكن الكعب تطلع بي كشك بس
Post: #14 Title: Re: الشهيد البيروني😁 ركبوا الماسورة Author: عمر دهب Date: 06-24-2016, 10:57 PM Parent: #11
كيف تسنى لهكذا اخلاق ان تكون بيننا ونحن لاندرى... كثيرة هذا المرارات التى تجرعنها هم ينقولنا من فظاعة الى اخرى دون ان يهتز لهم جفن اى ثمن دفعه هذا الزوج حتى يتبين ضلالاتهم
Post: #15 Title: Re: الشهيد البيروني😁 ركبوا الماسورة Author: عمر دهب Date: 06-24-2016, 11:12 PM Parent: #13
الشهيد البيرونى رجع من اسر الحركه الشعبيه لقى صاحبو فى الجهاد الاعلن نبأ استشهادو متظوج من مرتو وجاب ولد وعرفانا للشهيد سماهو بيرونى الكلام الفوق دا جانى فى الواتس صحيح حصل جاب ولد كمان والله عوجه ذى دى ما حصلت
Post: #27 Title: Re: الشهيد البيروني😁 ركبوا الماسورة Author: م. سيد احمد قدورة Date: 06-26-2016, 11:07 AM Parent: #15
اهل البيرونى نفو هذا الخبر وقالوا انه اساسا ما متزوج
Post: #16 Title: Re: الشهيد البيروني😁 ركبوا الماسورة Author: sadig mirghani Date: 06-25-2016, 11:00 AM Parent: #1
حصل يامولانا حصل تصدق
Post: #17 Title: Re: الشهيد البيروني😁 ركبوا الماسورة Author: عبدالحفيظ ابوسن Date: 06-25-2016, 11:58 AM Parent: #16
خايف الخبر دة يقبضنا ضنب الككو يكون جزئيا صحيح . زي قصة هو زاتو ما مهندس !!! يعني يطلع الشهيد ما متزوج
قصص الموتي العائدين كتيرة وبالذات زمن الحروب كم ميت عاد بعد اعوام من الاسر الما عادي انو زول يكذب ويقول دفنتو بي يدي .. لاي سبب كان خطا فقد قطع العشم في البحث عنه ويترتب علي موته امور كثير شائكة شرعية وقانونية . من ميراث او زوجة اومال فهل قال اليسع ما قاله ولو قال يبقا دة سلوك يمس كامل التنظيم وبرضو كشف عن فوضي .. وعدم تثبت
Post: #23 Title: Re: الشهيد البيروني😁 ركبوا الماسورة Author: محمد البشرى الخضر Date: 06-25-2016, 02:50 PM Parent: #22
غض النظر عن مسألة الزواج و صحتها من عدمها, الموضوع يوري لأي مدى تهمل القوات السودانية سواء المسلحة او الدفاع الشعبي الاهتمام باالاسرى معقول مأسور لمدة ثلاثة سنوات ولا تعلمون عنه شيئا أم تعلمون و لا تهتمون؟
خبر الزواج يمكن يكون ماصاح لكن خبر الاستشهاد ودا لب الموضوع صحيح بالنسبة( للشهيدين) شهاب والبيروني الحركة الاسلامة ومنظمة الشهيد والجابو خبر الاستشهاد بالتفاصيل المملة حيودوا وشهم وين؟؟؟
Post: #25 Title: Re: الشهيد البيروني😁 ركبوا الماسورة Author: هاشم عبدالله بشير Date: 06-26-2016, 05:42 AM Parent: #24
Quote: خبر الزواج يمكن يكون ماصاح
لا ما امكن
هو فعلا ما صاح
Post: #26 Title: Re: الشهيد البيروني😁 ركبوا الماسورة Author: Abdo Mustafa Date: 06-26-2016, 07:19 AM Parent: #25
اخ سيف ديل مساكين تعبانين وبعانوا وزي ماقال الولد وهم قاعدين في بيوتهم ونايمين لا وكمان عملوهم شهداء وبرفضوا استقبالهم من الحركة الشعبية لانها حتبقي خجلة ووصمة عار في جبينهم