بات لزاماً على قناة الجزيرة استضافة علي عثمان

09:33 AM June, 23 2016 سودانيز اون لاين
الشامي الحبر عبدالوهاب-
مكتبتى
رابط مختصر
وليكن تحت المسمى نفسه "شاهد على العصر" رغم أن هذه التسمية لا تعكس الحقيقة
إذ أن الحوار مركز في شريحة معينة لا تعترف بغيرها مما يغيب الأمانة في الحكم على العصر أو سرد الحقائق من غير تلوين
وإستضافة علي عثمان ينبغي أن تتم لأنه كان الأكثر عرضة لسهام الترابي نقداً وتقليلا رغم أهميته المعروفة ومحوريته في الأحداث منذ زمن بعيد في تاريخ
تنظيم الأخوان.
علي عثمان هو العقل المدبر للإنقاذ وهو العقل المدبر لابعاد الترابي ولكن رغم ذلك أزيح عن المشهد بكل هدوء حيث فشل تحالفه مع قوش في الاطاحة بنافع
وحاول مرة أخرى وإن نجح في إبطال اتفاق نافع عقار الا أنه أخفق في القضاء على نافع وكانت النهاية أن يؤثر الترجل من غير ضوضاء
مع انتقادات خجولة للوطني بين فينة وأخرى.
علي عثمان رغم أنه من التيار الذي لم يسارع بكشف الأسرار الا أن شهادة الترابي جعلت الصمت "علامة رضاء " على ما قيل ...
وهو رضاء بأن يظل الوجه ملطخا بهذا الحجم من التآمر الذي أشار اليه الترابي.
فهل تكمل الجزيرة جميلها باسنضافة هذه الشخصية

الأخ الشامي السلام عليكم
الناس دي العاطفة ياها المودراها لمن فتحي الضو كتب الناس هاجت وكضبتو
مع انو الناس الكتب عنهم كتب بالاسم ومحل الشغل وناس بالحلة
يعني ما الغاز لكن الناس ما عجبا
لمن الترابي قالو جايبنو في الجزيرة
الناس كلها الليلةعوووك عيييك
والراجل خمسة حلقات طلع هو العمل أكتوبروعمل ابريل وقعد مع الهنود الحمر
ما ياهو القشاري ده الجاب النظام ده وهم باعوهو قبل مايفطممم
ما الفيديو النزلوعمر دفع الله الكلام القالو فيهو بتاع قطر
كلام دبايب بس
ما ياهو القشاري البعد ما مات وبي حلقات مسجلة ليها عشرة سنين
ما زال يمارس نفس النهج
حالتو الحلقات دي كانت وصية ما تذاع الابعد موته (اعتقد)
والغريبة لسة في ناس مأملا في بقية الحلقات.
وانت يا اخوي كمان دايرهم يجيبو علي عثمان؟
علشان ينفي اتهامات الترابي؟
في انو ما معاهم كان من الاول؟
طيب ياخي كانو مع بعض اتفكفكو جا عمر البشير ناطي
قال فيها ولا نفسيها
ده وينو من حق الناس
التعليم
الامن
الصحة
بس خلينا في الأساسيات دي
ويطيروا هم كلهم الاحياء منهم والاموات
ولك خالص التقدير

وعليكم السلام أخ اشرف طه
وشكرا للمرور الكريم

Quote: الناس كلها الليلةعوووك عيييك والراجل خمسة حلقات طلع هو العمل أكتوبروعمل ابريل وقعد مع الهنود الحمر ما ياهو القشاري ده الجاب النظام ده وهم باعوهو قبل مايفطممم ما الفيديو النزلوعمر دفع الله الكلام القالو فيهو بتاع قطر كلام دبايب بس ما ياهو القشاري البعد ما مات وبي حلقات مسجلة ليها عشرة سنين ما زال يمارس نفس النهج حالتو الحلقات دي كانت وصية ما تذاع الابعد موته (اعتقد) والغريبة لسة في ناس مأملا في بقية الحلقات.

كثير من الناس وأنا منهم كانت ترى في هذه الحلقات إعادة لما سبق وقاله الترابي في حق تلاميذه الذين انقلبوا عليه
لكن الترابي ذهب ابعد أو أكثر من اللازم في كشف اسرار قطعاً ستكون مفيدة لأي باحث في تاريخ الإخوان فليس أصدق
من شهادتهم في انفسهم.
حتى الذين كانو مقاطعين للحلقات أصبحوا متابعين لها لانهم فوجئوا بالسيل المتدفق من معلومات ليس من سبيل للحصول عليها غير هذه الحلقات

Quote: وانت يا اخوي كمان دايرهم يجيبو علي عثمان؟ علشان ينفي اتهامات الترابي؟ في انو ما معاهم كان من الاول؟

ليس للنفي ولكن لاكمال الصورة فالحديث الآن عن تاريخ لجهة سعت للحكم كانهم ملائكة أطهار
فلم يكشفهم غير الحكم الذي سعوا اليه وهاهم ينقضون غزلهم يانفسهم
تحياني

تحياتى الاخ / الشامى

على عثمان طه رجل كذوب وحتما وبلا ادنى شك اذا استضافوه سيقوم بطمس الحقائق وانكارها والظهور بمظهر الضحية .
الماسك القلم مابيكتب نفسه شقى ولن يحمّل نفسه فقط انما الاخرين ايضا . هذا الرجل لايؤتمن جانبه .
(وجميعهم لايؤتمنون )

عاطر التحيات أخي علاء

Quote: على عثمان طه رجل كذوب وحتما وبلا ادنى شك اذا استضافوه سيقوم بطمس الحقائق وانكارها والظهور بمظهر الضحية .

هناك حقائق أصبح من العسير الالتفاف عليها أولها الانقلاب نفسه وكل ما ذكر لا يبررإنقلاباً
ثانيا مشاركة مدنيين في عملية الاستيلاء على السلطة أمر غريب ومستهجن
واشياء أخرى كثيرة أنت أعلم بها

Quote: لاكن صدّقنى.....برضو...حتتفاجئو....بتلميع نفسه ..والتركيز على سرد سيرته الشخصية..وقدراته ومهاراته الفردية....هذا وبالله التوفيق والحكاية كلها جايطة...ومافى تمليك حقيقة محضة.........

هذا أخي المؤيد يتوقف بدرجة كبيرة على مهنية احمد منصور
خاصة وإنني أرى من خلال مداخلاته رغم مرور سنين عليها
أن قطر قد تقلب ظهر المجن للسودان ... هذا سيكون عاملاً مساعدا في استجلاء الكثير من الحقائق

الاخ الشامي
حتى لو تمت إستضافته فلن يبوح بأي سر طالما الرجل قيادي في الحزب الحاكم ولا تزال مصلحته مع النظام قائمة

الأخ الشامي
أول أمس -ما طالبني حليفة -وأنا أرد على إحدى المداخلات خطرت لي هذه الفكرة
وفي تقديري أحمد منصور سيفعلها -أتوقع ذلك -
ولكنني أتفق مع الأخ أحمد الصادق أن علي عثمان محمد طه المشهور
بالخبث لا أظنه سيفيد البرنامج بشيء لأنه غير مؤتمن إطلاقاً
رجل خطط ودبر لاغتيال رئيس دولة وهو في أعلي المراتب في
دولة أخري -لا يرجى منه بصيص أمل في أي تجرد
أتوقع أن يذكر الترابي صراحة اسمه عندما يصل لمحاولة اغتيال مبارك
قالها الترابي من قبل بطريقة
اضبحو للعيد واقول باع وأتمني لو تتم استضافته حتي لو لم يقل شيء
على الأقل يعطي الناس فرصة أكبر لإدانة التنظيم وربما حرمانه من أي
حقوق ديمقراطية في السودان مستقبلاً
مشكور على إفراد الخيط للموضوع المهم
___
الحليلة