Post: #1
Title: بدرية تدي برلماني كف ! صورة بدرية منفعلة !
Author: مني عمسيب
Date: 06-22-2016, 12:02 PM
Parent: #0
11:02 AM June, 22 2016 سودانيز اون لاين
مني عمسيب- هولندا
مكتبتى
رابط مختصر
عليكم الله دا كلام دا يا اخوانا ؟
منقول :
Quote: البرلمان : سارة تاج السر
لوحت نائب رئيس البرلمان بدرية سليمان، بتوقيع جزاءات على النواب
الذين يغادرون أثناء الجلسة بدون الرجوع مرة أخرى وقالت: «أي نائب
يستأذن ويخرج انا بسجلو عندي ولما بجي راجع بعدين بتحاسب» ،واعتبرت
أن الخروج بدون استئذان عدم احترام للبرلمان.
ودرج النواب منذ الاسبوع الماضي، على عدم اكمال الجلسات بسبب ارتفاع
درجة الحرارة في القاعة الرئيسية بسبب تعطل وحدات التكييف المركزي،
ونبهت بدرية أمس النواب أكثر من مرة بعدم الخروج من الجلسة ، وطالبتهم
بضرورة الالتزام بالرجوع لاكمال الجلسة التي تقتضي أخذ الرأي في قانونيين،
وأثار النائب علي عبد الرحمن نقطة نظام منبهاً بدرية لعدم اكتمال النصاب، فردت
بأن العدد ۱۷۲ نائباً وهو كافي لمناقشة قوانين سوق الأوراق المالية وفي مرحلة أخذ
الرأي سيتم النظر في العدد الموجود.
|
|
Post: #2
Title: Re: بدرية تدي برلماني كف ! صورة بدرية منفعلة !
Author: مني عمسيب
Date: 06-22-2016, 12:03 PM
Parent: #1
برلمان بقي زي بيت الزار يطلعوا وما يجوا علي كيفهم !!
يا خواني نحن عاملين كدا ليه ؟
حال اليابا فضيل حالنا .
|
Post: #3
Title: Re: بدرية تدي برلماني كف ! صورة بدرية منفعلة !
Author: مني عمسيب
Date: 06-22-2016, 12:04 PM
Parent: #2
قاعة برلمان مافيها تهوية ! سمعتوا بالكلام دا غير في السودان ؟
|
Post: #4
Title: Re: بدرية تدي برلماني كف ! صورة بدرية منفعلة !
Author: مني عمسيب
Date: 06-22-2016, 12:07 PM
Parent: #3
بدرية انتي غلاطانة , البرلمانيين ديل جوا يتموا نومهم من غير مكيفات ينوموا ليك كيف ؟
!!!!!!!!!!!
|
Post: #5
Title: Re: بدرية تدي برلماني كف ! صورة بدرية منفعلة !
Author: AL-Qassim
Date: 06-22-2016, 12:15 PM
Parent: #4
بدرية ذااااتا دايرالا قرصة بي كماشة .... 
اللهم اني صائم ...
غايتو لو صيامي باظ واللا اتجرح
فعلى مسئوليتك الشخصية يا منى عمسيب
|
Post: #6
Title: Re: بدرية تدي برلماني كف ! صورة بدرية منفعلة !
Author: MOHAMMED ELSHEIKH
Date: 06-22-2016, 01:30 PM
Parent: #5
Quote: بدرية ذااااتا دايرالا قرصة بي كماشة ....
اللهم اني صائم ...
غايتو لو صيامي باظ واللا اتجرح
فعلى مسئوليتك الشخصية يا منى عمسيب |
ما ممكن تكون "جضيم"؟
ولا برضو فيها جريح صيام؟
|
Post: #7
Title: Re: بدرية تدي برلماني كف ! صورة بدرية منفعلة !
Author: مني عمسيب
Date: 06-24-2016, 08:37 AM
Parent: #6
قسوم .. وود الشيخ ..
لكم التحية والشكر علي المرور ..
يعني الموضوع الاساسي خليتو .. ودايرين
تجضموا وشنو ما بعرفو ..يعني دا كل الهدف
غايتو مافي شئ مخلي البرمانيين ديل يشبعوا
نوم وما اشتغلوا بيكم في جلساتهم غير كلامكم
المتهاون دا ههههههههههههه .
ولكم وافر التقدير ..
|
Post: #8
Title: Re: بدرية تدي برلماني كف ! صورة بدرية منفعلة !
Author: مني عمسيب
Date: 06-24-2016, 09:39 AM
Parent: #7
عندما يشهد شاهد من اهلها !!!
دا ملخص لقبة برلمانك القائلين تحتها فكي !!!!
Quote: وجه البرلماني المستقل محمد طاهر عسيل انتقادات حادة لرؤساء اللجان
بالبرلمان ووصفهم بـ«الكمبارس»، وقطع في الأثناء بأن البرلمان لن يستطيع تغيير
الأوضاع المزرية التي يعيشها المواطن، معتبراً إياه تسلية من غير ميدان. وقال للصحافيين
(أنا شخصياً بتسلى هنا وبتفرج).واتهم عسيل رؤساء اللجان ونوابهم بتنفيذ تعليمات الجهاز
التنفيذي، وأبدى عسيل أسفه من موقفهم تجاه قضايا المواطن، وقال (ما حصل قالوا لا عشان
نقول عليهم كويسين)، مشيراً الى أن البرلمان يمثل مشكلة البلاد الحقيقية، وأضاف
(المسألة كلها تحت القبة ولو ما قادرة تمشي غير مأسوف عليها)، وأعلن عسيل عن اتجاهه
لتقديم استقالته حال عجز البرلمان عن معالجة الأزمة المعيشية، وتابع الوضع مزعج. ولفت
عسيل الى أن حديث وزير المالية عن تحسن الأوضاع وخفض الأسعار، غير صحيح مؤكداً
أن سعر كارو المياه وصل «60» جنيهاً ببعض المناطق بالعاصمة، وقال إن ارتفاع الأسعار
غير مبرر، مبيناً أن عدم توفر المياه أصبح سبباً للوفاة.
الانتباهة |
|
Post: #9
Title: Re: بدرية تدي برلماني كف ! صورة بدرية منفعلة !
Author: سيف اليزل سعد عمر
Date: 06-24-2016, 11:08 AM
Parent: #8
ما إسمها برلمانك!!!
إسمها برطمانك.....
بت عمسيب سلام كثير واشواق وتحايا...
|
Post: #10
Title: Re: بدرية تدي برلماني كف ! صورة بدرية منفعلة !
Author: مني عمسيب
Date: 06-24-2016, 01:43 PM
Parent: #9
| Quote: إسمها برطمانك..... |
بلاهي دي فاتت علي كيف ؟ ههههههه
والله ياها البرطمان !
كيفك يا سيف يا حبيب والاسرة العزيزة تحياتي للجميع .
|
Post: #11
Title: Re: بدرية تدي برلماني كف ! صورة بدرية منفعلة !
Author: مني عمسيب
Date: 06-26-2016, 08:33 AM
Parent: #10
ليعرف الجميع .. قبتنا التي تخلو من الفكي !!
الاستهتار بنا وصل هذا الحد من هولاء الاوباش
الذين لاتهمهم غير مصالحهم الشخصية والدليل
غرقهم في النوم اثناء الجلسات !
اسه دا نوم زول شايلو هم لي شعب ؟
|
Post: #12
Title: Re: بدرية تدي برلماني كف ! صورة بدرية منفعلة !
Author: Osman Musa
Date: 06-28-2016, 06:48 AM
Parent: #11
سلام أخت مني عا يني جاي . ده كلو تمثيل في تمثيل زي مصارعة ناس جون سيناء . يكون يا مني عمك البر لما ني قال ليها في الدقيقة 16 من عمر الفيلم اديني كف . وأنا ح اعمل فيها ميت . ههههها. الزو لة معاهم عسل . والانفعال ده هو طلب المخرج في الدقيقة 17 .
|
Post: #13
Title: Re: بدرية تدي برلماني كف ! صورة بدرية منفعلة !
Author: مني عمسيب
Date: 07-08-2016, 10:08 PM
Parent: #12
يا عسمين .. كل عام وانت بالف خير ..
| Quote: الزو لة معاهم عسل . والانفعال ده هو طلب المخرج في الدقيقة 17 . |
والله برضو تحليل يجب عدم تخطيهو ههههههه.
مع الانقاذ اي شئ عادي !
ولك الود .
|
Post: #14
Title: Re: بدرية تدي برلماني كف ! صورة بدرية منفعلة !
Author: مني عمسيب
Date: 07-28-2016, 08:17 AM
Parent: #13
اها كيفوا ليكم القاعة بتطلعوا ولا بتنوموا ؟
Quote:
فرغت الامانة العامة بالمجلس الوطني، من اعمال الصيانة الجزئية لوحدات التكييف المركزي بعد تعطل اجهزته
منذ منتصف يونيو الماضي نتيجة اعطاب فنية في الماكينات الثلاث، بتكلفة بلغت 300 مليون جنيه (بالقديم).
وقال مسئول الادارة الهندسية بالبرلمان عبد القادر ابوبكر في تصريحات محدودة امس، ان التكييف عاود العمل
بشكل جزئي، واشار الى أن الفنيين تمكنوا من اصلاح ماكينتين برمجياً دون الحاجة الى التدخل مكيانيكا، وبدأ العمل
منذ بداية الاسبوع الجاري، فيما تمت صيانة الماكينة الثالثة بشراء (اسبيرات) بمبلغ300 ألف جنيه.
وتعطلت وحدات التكييف المركزي بالمجلس بالكامل قبيل رمضان مما خلق حالة شلل تام، وارجأ رئيس البرلمان
ابراهيم احمد عمر، اجازة عدة قوانين لعدم اكتمال النصاب وهروب النواب بسبب ارتفاع الحرارة بالقاعة، مما دفع الأمانة
العامة لتوزيع 16مروحة عمودية بين مدرجات القاعة الرئيسية، قبل أن تستأجر فيما بعد (4) مكيفات متحركة لمدة 5 ايام بواقع 2 ألف جنيه يومياً.
|
|
Post: #15
Title: Re: بدرية تدي برلماني كف ! صورة بدرية منفعلة !
Author: nour tawir
Date: 07-28-2016, 02:52 PM
Parent: #14
سلام منى...
قسما بالله دخلت افتح بوست أقول وين مشت ؟
البورد بقى هسسسسسسسسسسسسسسس..
لقيتك..
المهم...
حمد الله على السلامة..
|
Post: #16
Title: Re: بدرية تدي برلماني كف ! صورة بدرية منفعلة !
Author: مني عمسيب
Date: 07-29-2016, 06:02 PM
Parent: #15
حبابك يا نوارة .. تسلمي يا حبيبة .
والسماح لو صدرت كلمة عكرت صفو الخوة .
وتسأل عنك العافية والخير .
مختفية يا نوارة ما مدسة منك يا حبيبة عملت لي
دريبات في حي الراكوبة بمشي اقعد معاهم في ..
عنقريبهم وبنسوني هموم الحوش من عنصرية ..
ومشاكل وملاحقات لا داعي ليها ! غايتو يا حبيبة
الله يهدي الجميع لكن حالة استعصت وفلتت وبقت
لاتطاق !
اكرر شكري يا حبيبة .
Quote:
سلام منى...
قسما بالله دخلت افتح بوست أقول وين مشت ؟
البورد بقى هسسسسسسسسسسسسسسس..
لقيتك..
المهم...
حمد الله على السلامة.. |
|
Post: #17
Title: Re: بدرية تدي برلماني كف ! صورة بدرية منفعلة !
Author: عبدالحفيظ ابوسن
Date: 07-29-2016, 06:37 PM
Parent: #16
طيب هم نضمي بدون مكيفات غالبهم فكيف يقيفو مع مواطن شغال تحت اشعة الشمس المباشرة ومطالب انو يدفع ليهم رواتبهم
|
Post: #18
Title: Re: بدرية تدي برلماني كف ! صورة بدرية منفعلة !
Author: nour tawir
Date: 07-30-2016, 01:29 AM
Parent: #17
لكن حالة استعصت وفلتت وبقت
لاتطاق !
...
بالظبط دا الكلام..
و الواحد بقى ما مستحمل النسمة..
..
ناس الراكوبة حلوين..
وبفشوا الغبينة..
وعندهم خطوط حمراء..
ما زينا هنا..
الله يكرم السامعين..
..
مافى حاجة اتعكرت..
ياهى السياسة السودانية الله يلعنها..
متل ابليس..
وين ما تدخل..
تدخل بالخراب..
بس أنا بفرز بينها..
وبين الناس النضيفين الما بتفاتوا..
وبرضو بعتذر عن أى مخاشنة سياسية..
والله يفكنا من دى مصيبة..
الكيزان ماشين على ال30 سنة.. و ما زال الليل طفلا يحبو..
|
Post: #19
Title: Re: بدرية تدي برلماني كف ! صورة بدرية منفعلة !
Author: مني عمسيب
Date: 07-30-2016, 08:30 AM
Parent: #18
الخلوق الكلس .. ود ابو سن ..
صباحك زين ..
Quote:
طيب هم نضمي بدون مكيفات غالبهم فكيف يقيفو مع مواطن شغال تحت اشعة الشمس المباشرة ومطالب انو يدفع ليهم رواتبهم |
والقال ليك منو هم يا الحبيب بتكلموا في قضايا المواطنين ؟!
المواطنيين ديل بالنسبة ليهم حاجة انصرافية . ومشغولين بالاهم
منو من نوم عميق ومشاكل في البدلات ولما ينتهوا من دا كلو !!
بنشغلوا بالتكنلوجية من وتسبة وفسبكة وبختموها بالسلفي !
وبدرية مسكينة منفعلة !
وسلمت يا صديق ..
|
Post: #20
Title: Re: بدرية تدي برلماني كف ! صورة بدرية منفعلة !
Author: مني عمسيب
Date: 07-30-2016, 08:45 AM
Parent: #19
يانوارة .. لكي عاطر التحايا ..
| Quote: ناس الراكوبة حلوين..وبفشوا الغبينة..وعندهم خطوط حمراء..ما زينا هنا..الله يكرم السامعين.. |
ودي من الاسباب الخلتني اعمل معاهم الدريبات
بذات في وقت الذروة النفسية هههههههههههه .
تسلمي يا حبيبة ومشكورة علي المرور البردالروح وبشفي الجروح ..
مع وافر حبي .
|
Post: #21
Title: Re: بدرية تدي برلماني كف ! صورة بدرية منفعلة !
Author: مني عمسيب
Date: 10-13-2016, 09:54 AM
Parent: #20
تصدقوا ديل رجال الحوار المنتظرنهم ؟
ناس نوم العافية ديل !
|
Post: #22
Title: Re: بدرية تدي برلماني كف ! صورة بدرية منفعلة !
Author: محمد أحمد الريح
Date: 10-13-2016, 02:10 PM
QUOTE
بدرية انتي غلاطانة , البرلمانيين ديل جوا يتموا نومهم من غير مكيفات ينوموا ليك كيف ؟.QUOTE
الناس ديل بنوموا بالنهار لأنهم الليل كلو مساهرين فى قيام الليل والمساككة بين النسوان!
أي واحد فيهم عندو ثلاثه أو أربعة نسوان.... اعذروهم ياجماعة.......
التحيّة لصاحبة البوست وزوارها.....
|
|