مرت عينا أعوام كثيرة و نحن نفطر في رمضان بعد ان يقوم الشيخ صديق احمد حمدون برفع اذان المغرب ...
و ما زال صوته الجميل مسموعاً في آذاننا ...
كم منا يفتقد ذلك الصوت و صوت الشيخ عوض عمر و غيرهم في ذلك الزمن ...
Post: #2 Title: Re: الشيخ صديق احمد حمدون - صوت من الزمن الجمي� Author: muntasir Date: 06-13-2016, 07:38 AM Parent: #1
سلام يا قباني رحم الله الشيخ صديق أحمد حمدون كان جارنا في الحلة لا زلت اذكره وهو يمشي من البيت لشارع النص وهو يتمتم بالقرآن وهو يمشي وهو واقف للمواصلات جعل الله له القرآن نوراً وأنيساً له في قبره
Post: #3 Title: Re: الشيخ صديق احمد حمدون - صوت من الزمن الجمي� Author: يحي قباني Date: 06-13-2016, 09:17 AM Parent: #2
نعم الجار و نعم الجيرة يا منتصر ...
كان اذا أنهى القراءة لا يقول صدق الله العظيم
بل كان يقول
آمنت بالله صدق الله العظيم
ما زال صوته مسموعا في أذني
Post: #4 Title: Re: الشيخ صديق احمد حمدون - صوت من الزمن الجمي� Author: يحي قباني Date: 06-13-2016, 09:32 AM Parent: #3
لا ادري ان اختلط علي الامر ام لا بعد كتابة الرد السابق
فهل كانت تلك خاتمة قراءة الشيخ صديق ام الشيخ عوض عمر ؟
طال الزمن و ازدحمت الذاكرة
Post: #5 Title: Re: الشيخ صديق احمد حمدون - صوت من الزمن الجمي� Author: يوسف الطيب احمد إدريس Date: 06-13-2016, 09:50 AM Parent: #4
سلام للجميع رجعتنا لزمن جميل زي ما قلت وذكرتني بالوالد الله يرحمه كان مدمن لبرنامج تفسير القرآن الكريم للبروفيسور عبد الله الطيب ولسان العرب لفراج الطيب وإذاعة الحركة الشعبية اتذكر كان بتجي واضحة بعد العصر ونشرات الأخبار وبالذات نشرة 3 و8 لأنها فيها الوفيات .. الرادي حقو ناشيونال ملبس ببيت جلد بنى وكان حريص كل الحرص انو يختو في مكان محدد .. كنا بنسرقه نسمع بيه المسلسلات في غيابه وبنرجعه في مكان ولو واحد غلط وما ختاهو في مكانو الوالد الله يرحمه كان دقيق الملاحظة بعرف انو الرادي اتحرك من مكانو في الغالب تكون دقة من نصيب الشالو لو ما تدخلت الوالدة الله يديها الصحة والعافية وعملت واسطات وخارجت المتهم ... الحياة كبانت بسيطة حلوة .. اليوم احدث التقنيات وانت في سريرك تسوي اي والحياة لا طعم ولا نكهة لها ..
سؤال : عبد الكريم قباني ببقى ليك شنو ؟
ورمضان كريم
Post: #6 Title: Re: الشيخ صديق احمد حمدون - صوت من الزمن الجمي� Author: ايمن الصادق Date: 06-13-2016, 02:27 PM Parent: #5
Quote: آمنت بالله صدق الله العظيم
يا إلهي ... والله تلاوته جميله ، وكأني أسمعه الآن يتلو للعلامه الراحل عبدالله الطيب ( في درسات للقرءان الكريم ) . رحمة الله عليهم .. والي وقت قريب كنت أدخل موقع الإذاعة السودانية وأحمل القرءان الكريم بصوته .