شركات الاتصالات وقصص مؤلمة

01:40 PM June, 11 2016

سودانيز اون لاين
عبدالحفيظ ابوسن-كوستي / الحلة الجديدة
مكتبتى
رابط مختصر

نحكي القصص ونشوف وين بتقع مسؤولية شركات الاتصال
ووين بتقع مسؤولية الدولة اللي بتشتغل شركات الاتصالات
ولفقا لقوانينها وتوجيهاتها

واحد ضرب لي اب
نحن ناس مكافحة المخدرات . وفي واخج
غش ولدك ومسكو بنقو . ونحن شايفين
الولد صغير وما وش بهدلة ونحن مقتنعين
بي براءتو . لكن تدفع لينا تلاتة مليون ونص
عشان ننهي الموضوع دة
الابو جقلب وهو رجل عامل بسيط
وحصلت المفاوضات وهم ساكينو بالتلفونات
حول ليهم مليون و نص
قال ليهو نرجعو ليك ونمشي المكتب
جاي من جاي حول المبلغ
ويكتشف لاحقا انو ابنو موجود في البيت وهو صبي
قصة حقيقية رغم الثغرات
ليه ما ضرب لي بيتو يتاكد من الاول
ليه ما ليه
تاكدت من القصة تماما
ضرب الرقم مقفول
رغم تسجيل البيانات ؟!!
ليه
لانو تسجيل البيانات امر شكلي اجرائي
ممكن تسجل بياناتك وانت قاعد في بيتك
ترسل انك فلان
بطاقتك رقمها كدة
بعض الشركات تفعل ذلك
طالبوهم بتسجيل البيانات وسجلوها
ضاع مال الرجل
ولسة

واحدة قريبتنا
جاها اتصال ربحتي كم مليون كدة
وعايزينك عشان نحول ليك المبلغ
تحولي رسوم وبدوا معاها بي خمسمية الف
حصلت خمسة مليون
والرقم ما معروف سيدو منو ومقفول

وقصص تحويل الرصيد
وتلفونات تجيك بي اسم مش رقم . دي بالذات داير اعرفها . كيف اخلي
اسم يظهر هل للشركات دور في ذلك
والاعلانات
شي زيادة رزق
وشي نصايح
وشي وشي
ولو الله غضبان عليك تقوم تشترك شوف البحلك تاني . الا تغير شريحتك
هل من حق شركات الاتصال ان تبيع خدمة من خلال تلفوني
الاداها الحق منو