اقوال ماثورة فى اعتقال الماسورة (نبض الجماهير الاسفيرية)

11:21 AM June, 09 2016

سودانيز اون لاين
معاوية عبيد الصائم-
مكتبتى
رابط مختصر

من 1 الى 30 ..اقوال ماسورة

Quote: هوي يا إيطاليين وبريطانيين نحن رسلنا ليكم زولكم الدايرنو زاتو. مافي داعي للف والدوران. يعني عملنا منو نسخة ورسلنا ليكم صورة مقلدة ولا شنو النظام؟؟ والله يا خواجات تعملو حركاتكم دي تاني نقطعو معاكم ناشف وتاني مافي تعاون أرهاب ولا أجرام ولا تهريب بشر ولا تسفاي ولا مدهني يهديقو ولا كارلوس الثعلب ولا جن احمر. خواجات اصلو ما بيقولو شكرا وعاملين ذي القطط يأكلو وينكرو. قال السودان أرسل الرجل الخطأ قال. عيب كده. أمن السودان ده لو قلتو ليهو دايرين فلان الفلاني حيفتشو ليكم في صحراء أفريقيا وغابات الامازون وبجيبو ليكم مكتف حتي لو كان مدسي جوة جحر ضب. ايوة نحن عفاريت وجحور الضببة كلها عارفينها. قبل كده عرفنا ليكم جحر بن لادن وجحر كارلوس وجحر زعيم بوكوحرام وجحر زعيم التمرد النيجيري وجحر مهرب البشر بقوارب الموت. لو دايرين جحر الجن الاحمر زاتو بنفتشو ونجيبو حي. لكن لو قمتو علي اللعب ده الله قال بقولكم. محمد عطا وأولاد صلاح قوش حيوروكم العين الحمراء ويرسلو ليكم نص الافارقة ديل لاجئين في أوروبا عشان ما تقدروا تنومو تاني. الغتاتة دي. مش أنتو بتقولو علينا ارهابين؟ خلاص حنوريكم الإرهاب الما خمج.

نتابع

2

Quote: عملوا مسابقة لكل مخابرات العالم فكوا قرد في غابة وعاوزين يعرفوا مين البمسكوا أسرع ,,,, السي أي أيه دقيقتين ،، الكي جي بي خمسة دقايق ،، المصرية نص ساعة ،، البريطانية ربع ساعة حتى اكتمل عقد الدول ، بعد يومين اكتشوا السودانيين ما رجعو !! سريعا اطلقوا كل المخبابرات للبحث عنهم ... اخيرا لقوهم رابطين ليهم ثعلب في شجرة وبعذبوا فيهو قول أنا قرد ,,, قول أنا قرد ... قول أنا قرد

3

Quote: يا ترى كم عدد الذي اعتقلوا بالخطأ ..وربما تم تعذيبهم والتنكيل بهم دون جريرة ارتكبوها .....اللهم عليك بالظالمين

Quote: بختك يا مدهنى كيدين فرصة لم تكن تحلم بها ( رب ضارة نافعة ) ستجد محاميين أيطاليين أشداء يقفون معك حتى النهاية و ستجد تعويضا ضخما يعوضك سنوات التيه فى شوارع الخرطوم و إعتذار بجانب الشهرة التى جاءتك و ربما تجد منتجا و مخرجا سينمائيين ينتجون فيلما عن قصتك تكسب الذهب من ورائة .

5

Quote: كثير من الناس يتمنون لو كانوا مكانك بدل ما كنت تغرق فى البحر الأبيض و تستقر فى بطن قرش سفروك بطائرة من مطار الخرطوم حتى روما ( يا بختك ) .

6

Quote: لو كنت فى مكانك لطالبت بتعويض 100 مليون دولار خليها فى النهاية تنزل لعشرة مليون أقول لهم بسبب التشهير والضرر النفسى الذى لحق بى مع إنها هى شهرة و متعة سفر .

نتاااابع ..

نسال الله السلامة

7

Quote: لن يتم تسليم المشتبة نهائي لا أيادي الأمن والشرطة متورطة معاه السودان اصلا أصبح فوضي والحكومة باعت اللاجئين مقابل سرقة أموال الأمم المتحدة والسماح لهم بالعمل والإقامة في السودان

8

Quote: اها وسفيرة السودان في ايطاليا قرناص مرت كرتي لفخت توبها وجري علي مطار روما

9

Quote: اوع كارلوس زاتو يكون ما ياهو ؟؟؟

10

Quote: الجماعه قبضوا الشاب من الشارع ساى بدون مايعرفوا هو منو غايتوا من حظه بقى مشهور فى كل العالم المهم اتخارج من المحن وده طبعا الخواجات ما برجعوا تانى رزقا تكوسو ورزقا يكوسك الدنيا حظوظ يا تسفاى زول كرت طاحونه ما عندها بقى نفسه ايطاليا لانو الرهو العندنا ما عارفين طز من كوز الدره

11

Quote: هذا فشل جدبد يضاف الى النظام . ما خلاص تعودنا كل يوم نصبح على فضيحة أو فساد أو أزمة الخ ...... وحتى جهاز الأمن المفروض فيه الذكاء يفشل ايضا فى القبض على المجرم الحقيقى ويقبض بدلا عنه شاب برئ . ويفضح نفسه امام دول العالم التى فرحت واستبشرت بالقبض على زعيم تجار البشر . الناس تتمنى يوما ولو بالغلط يصدر من هذا النظام شئ مفرح ومفيد . حسبنا الله ونعم الوكيل . يا رب ببركة هذا الشهر المعظم ان ترينا قدرتك فى هذا النظام الذى فسد فى البلأد ودمرها فى اقتصادها واخلأقها وبنيتها التحتية . اللهم عليك بهم وانقذ عبادك المظلومين المتهضدين . وصلى اللهم على محمد وسلم تسليما كثيرا .

نتابع

سلام يا معاوية .. ورمضان كريم

Quote: رزقا تكوسو ورزقا يكوسك الدنيا حظوظ يا تسفاى

حضرنا للمنبر ولم نجدكم ياخ .. حمدلاك بالشوفة الاسفيرية

مودتي

إبداااااع لكن...
ههههه ههههههه