إضافة جديدة لسلسلة مبيعات حكومة كيزان السودان. السلسلة ممتدة من اسامة بن لادن الي كارلوس الي رفقائهم ممن أتوا بهم الي السودان ثم باعوا ملفاتهم الي السي اي ايه الي مريم التي قبضوا عليها بتهمة التنصّر والرِّدة. الإضافة الجديدة بيع مواطن ارتيري باسم ميرد مدني باعتباره احد ركائز تهريب البشر من السودان الي اروبا عبر ليبيا. كلنا ندري ان اجهزة الدولتين غارقة الي اخمصها في هذه التجارة منذ سنوات ولكن الحركة الاستعراضية التي نجم عنها ترحيل الموطن الارتيري ميرد مدني جواًمن الخرطوم الي روما الغرض منها واحد ومعروف وبين وهو ضمان الفلوس التي لوح بها الاتحاد الاروبي لدعم الدولتين مقابل وقف التهريب وربما قطع الطريق امام الاعتراضات المتزايدة لهذه الصفقة البائسة
Post: #2 Title: Re: الكيزان مسّكوا اروبا ضنب الككو Author: GAAFER ALI Date: 06-09-2016, 05:58 AM Parent: #1
التقارير الإخبارية هذا الصباح تشير الي ان الشخص الذي تم القبض عليه وترحيله جواً بطائرة خاصة من الخرطوم الي روما ليس هو الشخص المعني. الارتيريون ضحايا عملية التهريب شاهدوا صورة الشخص الذي احضر بالطائرة الخاصة الي روما وأقروا جميعا بانه ليس الشخص المعني. وصرحت صحفية ذات أصول إريترية للبي بي سي صباح اليوم ان هذا الشخص الذي ظهر سلم الطائرة بروما لا علاقة له بالمهرب الملقب بالجنرال الذي اجرت معه مقابلة صحفية في السابق.
Post: #3 Title: Re: الكيزان مسّكوا اروبا ضنب الككو Author: GAAFER ALI Date: 06-09-2016, 06:03 AM Parent: #2
Post: #5 Title: Re: الكيزان مسّكوا اروبا ضنب الككو Author: GAAFER ALI Date: 06-09-2016, 06:17 AM Parent: #4
شهود عيان اكدوا ان هذا الرجل الذي سلمه السودان الي إيطاليا مجرد لاجئ لا حول له ولا قوة الغارديان : السودان اعتقل الرجل الخطأ والسلطات البريطانية والايطالية تفتح تحقيقا عن القضية
Post: #6 Title: Re: الكيزان مسّكوا اروبا ضنب الككو Author: GAAFER ALI Date: 06-09-2016, 06:24 AM Parent: #5
حقيقة الامر التي لا تخفى علي شخص ان الفاعل الحقيقي اذا وجد فعلاً ليس وحده بل له شركاء فاعلين في النظام الحاكم سهلو للضحايا القدوم و العبور عبر الحدود الشرقية و التي هي أشبه بمنطقة عمليات عسكرية يحكم قبضتها جهاز الأمن الذي يسمح للضحايا بالإقامة في مدن السودان المختلفة تحت غطاء العمل و من ثم تهريبهم عبر الحدود إلي ليبيا , هولاء هم الفاعلين الحقيقين للجريمة ممن يجب الكشف عنهم و إلقاء القبض وليس هذا الرجل الضحية.
Post: #7 Title: Re: الكيزان مسّكوا اروبا ضنب الككو Author: GAAFER ALI Date: 06-09-2016, 06:41 AM Parent: #6
حكومة الكيزان في لهفتها لتأكيد خدمتها لأوربا في محاولاتها لوقف الهجرة المتزايدة من السودان واريتريا بعد ان لوحت اروبا بأنها ستخصص مبالغ مالية لعدة دول من بينها السودان للعمل سويا في وقف الهجرة عبر السودان الي ليبيا ثم اروبا والتي بلغت اثر من ١٥٠ الف شخص في العام ٢٠١٥. حكومة كيزان السودان في لهفتها وشفقتها لتأكيد جدواها في خدمة اروبا سارعت بتقديم هذا العربون والذي بدأ يتضح انه ضنب ككو ليس الا.
Post: #9 Title: Re: الكيزان مسّكوا اروبا ضنب الككو Author: GAAFER ALI Date: 06-09-2016, 06:50 AM Parent: #7
الشخص المقبوض عليه قد يتضح آخر الامر ان الحظ قد بسم له ووصل الي مقصده بأوربا علي متن طائرة خاصة وتحت ضيافة الحكومة الإيطالية التي لن يكون لها خيار غير تقديم البيتزا والمكرونة واللزانية لهذا الشخص ومنحه اللجوء السياسي عزيزاً مكرماً ليكون رقما اضافيا لإعداد اللاجئين الي اروبا. هكذا يتصرف الكيزان حين تلوح لهم بالمال هكذا يجني كل من حاول ان يأمن الكيزان
سلام جعفر شفت النكتة بتاعت صدام قالوا عايز مدرس رياضيات لب بنته واداهم اسم استاذ شاطر بعد اسبوع سألهم منه وين قالوا ليه سيدي حققنا معاه واعترف وأعدمناه قالوا للكيزان دايرين ارتري اسمه دارا مندرا مسكو اي واحد اسمه مطابق وكفتك كفتك شحنوه أسد بي فيزة قرد غايتو انا في محلوا أندرع في الإيطاليين الفاتيكان ما يفكني بس هسى ده تدوني لجوء لا مراكب لا بيت السودان لا وزير الداخلية المصري
Post: #10 Title: Re: الكيزان مسّكوا اروبا ضنب الككو Author: GAAFER ALI Date: 06-09-2016, 07:00 AM Parent: #8
الاخ منتصر
Quote: سلام جعفر شفت النكتة بتاعت صدام قالوا عايز مدرس رياضيات لب بنته واداهم اسم استاذ شاطر بعد اسبوع سألهم منه وين قالوا ليه سيدي حققنا معاه واعترف وأعدمناه قالوا للكيزان دايرين ارتري اسمه دارا مندرا مسكو اي واحد اسمه مطابق وكفتك كفتك شحنوه أسد بي فيزة قرد غايتو انا في محلوا أندرع في الإيطاليين الفاتيكان ما يفكني بس هسى ده تدوني لجوء لا مراكب لا بيت السودان لا وزير الداخلية المصري
طبعاً جماعتك ديل شافوا اليرو وشعروا بانه الاعتراضات علي الصفقة الأوربية اصبحت متزايدةوآخرها اللقاءات التي تمت في البرلمان البريطاني ودخول فاعلين في الخط قالوا أحسن نقطع الطريق ونثبت فلاحتنا في خدمة الاروبي يعني علي الطريقة الصدامية نعدم طوالي
Post: #11 Title: Re: الكيزان مسّكوا اروبا ضنب الككو Author: GAAFER ALI Date: 06-09-2016, 07:43 AM Parent: #10
الحقائق المعلنة حول المهرب ميرد مداني او ميريد ميضانى - اريتري يبلغ من العمر ٣٩ عام يُلقب بالجنرال على شاكلة الجنرال قذافى ، يتنقّل بالمدرعات ويُعتقد انه المسؤول مع شريك اخر إثيوبي جارى البحث عنه عن تهريب ما بين ٧ الف-٨ الف من الافارقة عن طريق ليبيا عبر البحر المتوسط الى شواطىء بلدان جنوب أوروبا. عاش ميرد فترة من عمره فى إيطاليا وربما كانت له علاقات مع مجموعات المافيا فى جزيرة صقلية الإيطالية ، ثم انتقل الى ليبيا ومنها الى السودان لممارسة تجارة تهريب المهاجرين من البلدان الافريقية الى سواحل أوروبا. تقيم زوجته وبقية أفراد أسرته بالسويد. كان يتقاضى ٣٩٠٠ جنيه إسترليني عن كل مهاجر وتقول وسائل الاعلام انه بنى ثروة ضخمة تقدر ببلايين الدولارات من هذا النشاط الاجرامى. تم القبض عليه بسهولة فى مكان ما بالخرطوم وبمساعدة الأجهزة الأمنية هناك وتم ترحيله الى إيطاليا حيث يواجه تهما تتعلق بغرق وموت عدد من المهاجرين على متن قوارب التهريب فى عرض البحر المتوسط. ثم اشارت التقارير الإخبارية وإفادات من الارتيريين المتواجدين في اروبا ممن استفادوا من خدماته او كانوا ضحيتها ان الشخص الذي احضر الي روما ليس هو الشخص المعني.
Post: #12 Title: Re: الكيزان مسّكوا اروبا ضنب الككو Author: GAAFER ALI Date: 06-09-2016, 07:48 AM Parent: #11
رأي السوداني البسيط السودان وارتيريا ديل دول ما في شغل بيتم ساكت الا بموافقة الأجهزة الأمنية يعني مافي ارتيري يشحن ليهو ناس في عربات ويقعدهم في المدن السودانية ويحركم من الشرق عبر السودان كلوا الي ليبيا. الشغل دا شغل ناس الأمن ذاتهم وحتي النقاط الفيها الشرطة والجيش عارفين النظام ... والعربات الشاحنة الناس ديل حتي في نقاط التفتيش عندهم حتات معينة بيقيفو فيها ... وبعدين عندهم بيوت معروفة من كسلا الي الجريف والكلام من أقصي الشرق الي النقاط الحدودية في دارفور ... كل زول عندو نظامو وقبضتو ودي حاجة معروفة .... يعني بالواضح دا شغل الأجهزة وكلها قابضة وعندهم مصلحة في استمرارها وما فارقة معاهم اذا ارتيري مرق من بلدو وفات اروبا ... .. يعني ما في حاجة اسمها مهرب ولا دي شغلة بيقدر عليها ارتيري شايل ليهو موبايل وحايم في الخرطوم.
Post: #13 Title: Re: الكيزان مسّكوا اروبا ضنب الككو Author: GAAFER ALI Date: 06-09-2016, 11:25 AM Parent: #12
يعني بلدنا بقت قاعدة علي حل شعرها اي زول داير يجي يمارس نشاطو الاجرامي البلد مفتوحة ليهو ؟ وبعدين كلام انو الزول القبضو عليهو ماهو مليون في المئة صاح لانو الزول الحقيقي لو قيضوهو اكيد بكون عندو ادلة بتورط رئيسنا السفاح واخوانه في هولاء الضحايا المهاجرين !
********* صهيل خيلِك وَرَا الضَهَرَاتْ، وفارْسِكْ حَىْ، قَدِحْة الضَّىْ، مَجَرْتَقْ بالنِّضَالْ مُـــــــــو نَىْ، ولا فَتَــــــــرْ إِتْفَـــــــزَرْ لا مَــاتْ .
Quote: وبعدين كلام انو الزول القبضو عليهو ماهو مليون في المئة صاح لانو الزول الحقيقي لو قيضوهو اكيد بكون عندو ادلة بتورط رئيسنا السفاح واخوانه في هولاء الضحايا المهاجرين !
الشامخة مني الجماعة ديل شن قدرهم ... الجنرال الحقيقي في يده اوراق اللعبة العربات ونقاط التفتيش والبيوت في الجريف وشرق النيل واسماء وتلفونات الفاعلين والاجهزة التابعين ليها ... بس الكعب يكونوا اتخلصوا من الجنرال الحقيقي بعد انكشافو ومسكوا الطليان ضنب الككو هسي الجنرال ضنب الككو الجابوا دا يكون قاعد يضرب في البيتزا الاصلية والمكرونة وبعد شوية يسلموا اوراق اللجوء وينطلق كغيره .... الجنرال الحقيقي يكون هسي في خبر كانا.
Post: #18 Title: Re: الكيزان مسّكوا اروبا ضنب الككو Author: GAAFER ALI Date: 06-11-2016, 00:01 AM Parent: #17
Quote: الكيزان حتى اللحظة ولا بغم اللهم شماااااااااااتة
الاخ معاوية عملية ضنب الككو فضيحة رمضانية بجلاجل يقدروا بعدها يقولوا شنو يظهر هم بدورهم مسكو ضنب الككو لهذا المدعو فرانكلي دا الظاهر عليهو بقي هو زاتو ككو
Post: #19 Title: Re: الكيزان مسّكوا اروبا ضنب الككو Author: Ahmed Himoudi Date: 06-11-2016, 01:10 AM Parent: #18
حكومتنا أدمنت الظلم والإشتباه .. عادي تمسك زول وتطلع زيته بلا سبب
Post: #20 Title: Re: الكيزان مسّكوا اروبا ضنب الككو Author: محمد البحر Date: 06-11-2016, 10:49 AM Parent: #19