طيلة فترة حكم الكيزان كان الاعلام من جانب واحد ... وهو اعلام الكيزان الذي يوصل لمحمد احمد التعبان ... الذي لا يملك انترنت ولا هاتف زكي ... ومعارضتنا البائسة لم تسطع توفير قناة فضائية تكلفتها فقط مائة الف دولار ... يعني مائة شخص بتكلفة الف دولار ممكن يعملوا قناة فضائية ... ليسمع من خلالها محمد احمد البسيط ما يتم حذفه يوميا من الصحف ... كل القنوات الموجودة في الساحة السودانية هي قنوات تخدم النظام ان لم تكن اغلبها يمتلكها اعوان النظام ...
الي متى يموت الشرفاء في الشوارع وفي دارفور وجبال النوبة والنيل الازرق ونظل نحن كما نحن ندين ونشجب ...؟؟؟؟؟
من دون قناه فضائية لن نستطع تحريك الشارع واحداث انتفاضة ....
Post: #2 Title: Re: معارضة لم تستطع توفير قناة فضائية غير جدي� Author: adil amin Date: 06-08-2016, 09:06 AM Parent: #1
يا اسامة اولا حقو نشخص المعارضة نفسها شنو في السودان اذا كانت المؤتمر الشعبي وحزب الامة نسخة الصادق المهدي ديييييل عندهم فضائية الجزيرة بجلالة قدرها ودونك برنامج احمد منصور البائر شاهد على العصر ودجل الترابي ونرجسية الامام مش برضه ديل معارضة المعارضة الديموقراطية الحقيقية التي تعبر عن السودان ما عايزة فضائية عايزة راديو عشان كمان ناس المعسكرات يسمعوها وزمان الحركة الشعبية الاصل كانت بتث راديو بس من 1983 وكنا بنسمعها حتى في كريمة ولمن جاء جون قرنق السودان قامت قيامة الساحة الخضراء واصاب اهل المركز وثمود بكل انواعهم الزائفة والمنتهية الصلاحية الرعب لان السلطة خلاص حتتسرب من ايديهم ورمو غواصاتهم في الحركة الشعبية وبعد داك اتوفى جون قرنق وجات الانتخابات وسجل 18 مليون سوداني للانتخابات ..وهرول الشيوعي المتسكع ياسر عرمان مع النخبة السودانية وادمان الفشل وافشل اكبر واهم استحقاق في اتفاقية نيفاشا وانفصل الجنوب لاحقا...وهسة نحن منتظرين التتار ...لانه المعارضة الحالية دي كمونية ساكت ووجه اخر لنظام وعشرة انفار تاني ما بمرقو ليها في الخرطوم والتتار مسلسل مكسيكي مدبلج يبدا بي ادخال السودان الفصل السابع حظر الطيران في دارفور والمنطقتين مطاردة البشير شخصيا وهو اصلا غير شرعي وانتهت ولايته بالمادة 57 من دستور السودان 2005 في يناير 2015 قصف مواقع ملشيات الجنجويد وملشيات الاخوان المسلمين تحت مكافحة الارهاب ومن هسة لحدي ولاية الجمهوريين الامريكيين القادمة والمجنون دونالد ترامب...للنظام والمعارضة طريق واحد يبدا بي تفعيل اتفاقية نيفاشا ودستور 2005 فقط كل الخزعبلات بتاعة بدرية سلميان دستور بدرية وترهات المعارضة والعابها الهوائية لن تفيد هناك من يريد فتح البلد على الفوضى الخلاقة والفرار الى تركيا وجلهم من منبتين المركز..وفي ناس حيعلقو مع البشير في السودان ويجو التتار يلقوهم الحاجة الوحيدة البتوقف هذا المشروع برنامج واحد ينزل للشعب عبر الراديو من الخارج 1- ساتعادة الاقاليم والغاء ولايات 2- وضع تسعة قضاة محترمين في المحكمة الدستورية العليا 3- اجراء احصاء سكاني جديد قائم على القبائل وقانون الجنسية بتاع 1957 4- تنفيذ كافة الاتفاقيات الموقعة بين النظام والحركات المسلحة في المنطقتين ودارفور ودولة جنوب السودان 5- قومية المفوضية العليا للانتخابات 6- انتخابات اقليمية حاكم اقليم +نائب اقليم ثم انتخابات مركزية ثم انتخابات راسية هذه مهمة الفترة الانتقالية...اما استمرار الامور في هذا الاتجاه المشوه والمشوش...نتيجتو معروفة في الدول الحولنا والعرب الجاري وراهم البشير ديل مابفزعو زول ابدا وبذات مصر المخذولة... عشان كده قبل ما نفكر في فضائية معارضة وفي اذاعة معارضة نفكر في نحن عايزين ينقول شنو للشعب الفضل والقصة بقت اما الديموقراطية الفارقناها زماان من 1956 او التتار....والتيفرج ما يشتريش
Post: #3 Title: Re: معارضة لم تستطع توفير قناة فضائية غير جدي� Author: اسماعيل عبد الله محمد Date: 06-08-2016, 09:36 AM Parent: #2
Quote: الي متى يموت الشرفاء في الشوارع وفي دارفور وجبال النوبة والنيل الازرق ونظل نحن كما نحن ندين ونشجب ...؟؟؟؟؟
Post: #4 Title: Re: معارضة لم تستطع توفير قناة فضائية غير جدي� Author: مني عمسيب Date: 06-08-2016, 09:55 AM Parent: #3
سلام يا شباب وتصوموا وتفطروا علي خير .. ويا ود بابكر وين اراضيك ؟
عمومآ يا اسامة عادل امين حسم ليك الموضوع بالراديو .
Quote: المعارضة الديموقراطية الحقيقية التي تعبر عن السودان ما عايزة فضائية عايزة راديو عشان كمان ناس المعسكرات يسمعوها
ونطمنك راديو دبنقا يبث من هولندا من اوضح الراديوهات الي تصل الي جميع اهل السودان وفي جميع المناطق والجهات بكل وضوح حتي سبب ارق لحكومة السودان وبسببه استدعت السفير الهولندي لاغلاقها ولكن رفض الطلب مع اعتذاره الواضح بأن هولندا بلد ديمقراطية ..
ومن هنا احيي الاستاذ ابراهيم حمودة احد مؤسسي واعلامي الراديو .
Post: #5 Title: Re: معارضة لم تستطع توفير قناة فضائية غير جدي� Author: ناصر حسين محمد Date: 06-08-2016, 10:20 AM Parent: #4
قبيل شن قلنا يا اسامة القناة الفضائية اهم من الراديو لان ناس المعسكرات والهامش خابرين سفالة النظام ويجب توعية الناس المخمومة بالعاطفة الدينية وعكس تضحيات شبابن . اذا قدر لبسالة سبتمبر التغطية التلفزيونية ونقل سلمية المظاهرات مع ابراز وحشية النظام لكان للشعب قول اخر ...
يا اسامة ابرزت جانب سلبي يجعلنا لا نثق في المعارضة والامر ليس العجز المادي بل هو ثراء الاختلاف وعدم الاتفاق معارضة عاجزة. عن الاتفاق على حد ادنى وهو اسقاط النظام من الطبيعي ان تعجز عن نقل رؤيتها لانها لاتملكها
Post: #6 Title: Re: معارضة لم تستطع توفير قناة فضائية غير جدي� Author: usama Babiker Date: 06-08-2016, 07:11 PM Parent: #5
فوق الي حين عودة ...
Post: #7 Title: Re: معارضة لم تستطع توفير قناة فضائية غير جدي� Author: معاوية الزبير Date: 06-08-2016, 07:45 PM Parent: #6
تعرف يا أسامة المشكلة العبثية وين؟ كل واحد فينا بيظن إنو هناك كيان اسمو المعارضة وإنهم بجتمعوا ويخططوا وكدا .. أفراد هذا الكيان المتوهَم أو المظنون من كل واحد فينا،، هو أيضا يظن نفس الظن يظن أن هناك كياناً إسمو المعارضة وشغال اجتماعات وتخطيط وهلمجرا بينما في الواقع لا يوجد شئ من هذا سمعتها من الراحل نقد شخصيا، قال شابكننا الحزب ليه ما عمل وليه ما يعمل ثم أردف: إنتو قايلين الحزب دا منو؟ ما إنتو زاتكم هو الحزب
هسع انتو يا أسامة وعادل وإسماعيل ومنى وناصر أنتم المعارضة .. أوعوا تكونوا ما عارفين ومفتكرننا نحن الآخرين ديل هم المعارضة؟!
Post: #8 Title: Re: معارضة لم تستطع توفير قناة فضائية غير جدي� Author: usama Babiker Date: 06-08-2016, 08:45 PM Parent: #7
اولا التحية لكل المتداخلين ... adil amin ... اسماعيل عبد الله محمد..... مني عمسيب ... ناصر حسين محمد ... معاوية الزبير....
واعلم تماما انكم جميعا تبحثون عن وطن معافى خير ديمقراطي يسوده القانون والعدالة الاجتماعية .... نعلم جميعا ان هناك كيان عريض اسمه المعارضة المناهضة للنظام وسياساته ... فهل هذا الكيان العريض الذي لم يستطع تكوين جسم عريض يتحدث باسمه قادر على التغيير والحكم كبديل لنظام عمره 27 عاما ؟؟؟؟ طالبنا حتى بح صوتنا جميع المناهضين لهذا النظام ان يتحدوا تحت اسم واحد لاسقاط هذا النظام فلم نجد نصيرا ... طالبنا بقناة فضائية توضح الحقائق وتوجه الثوار كما فعلت القنوات الفضائية المصرية في اسقاط مرسي بالمناداة بالتجمع وكيفية التحرك وساعة الصفر وما الا ذلك ... ولكن ايضا باءت جميع محاولاتنا بالفشل الذريع .... فكيف تريدون اسقاط النظام ... ؟؟؟؟
Post: #9 Title: Re: معارضة لم تستطع توفير قناة فضائية غير جدي� Author: طه جعفر Date: 06-08-2016, 10:22 PM Parent: #7
Quote: تعرف يا أسامة المشكلة العبثية وين؟ كل واحد فينا بيظن إنو هناك كيان اسمو المعارضة وإنهم بجتمعوا ويخططوا وكدا .. أفراد هذا الكيان المتوهَم أو المظنون من كل واحد فينا،، هو أيضا يظن نفس الظن يظن أن هناك كياناً إسمو المعارضة وشغال اجتماعات وتخطيط وهلمجرا بينما في الواقع لا يوجد شئ من هذا سمعتها من الراحل نقد شخصيا، قال شابكننا الحزب ليه ما عمل وليه ما يعمل ثم أردف: إنتو قايلين الحزب دا منو؟ ما إنتو زاتكم هو الحزب
هسع انتو يا أسامة وعادل وإسماعيل ومنى وناصر أنتم المعارضة .. أوعوا تكونوا ما عارفين ومفتكرننا نحن الآخرين ديل هم المعارضة؟!
شكراً معاوية الزبير و شكرا يا مني عمسيب و الله الما عاوز يفهم يفهم لكن و حتي و إلخ
شكراً لكما لقد أغلقتما البوست بالضبّة و الطبلة والمفتاح في الشارع و عند الجماهير.
طه جعفر
Post: #10 Title: Re: معارضة لم تستطع توفير قناة فضائية غير جدي� Author: mohamed karib Date: 06-09-2016, 01:12 AM Parent: #9
انا جاهز ب ال 1000 دولار الاولي هاتوا 999 اسما هنا ...بمجرد اكتمال قائمة الالف اسم نفتح off shore account,,,,,و بي كدة نتخطي اول واصعب العقبات
Post: #11 Title: Re: معارضة لم تستطع توفير قناة فضائية غير جدي� Author: usama Babiker Date: 06-09-2016, 01:26 AM Parent: #10
وانا رقم اتنين جاهز كدة 2000 دولار ...
Post: #12 Title: Re: معارضة لم تستطع توفير قناة فضائية غير جدي� Author: Muhamed Hassan Abdalla Date: 06-09-2016, 04:44 AM Parent: #1
سلام اسامة
قول تلاتة
وبالتوفيق
Post: #13 Title: Re: معارضة لم تستطع توفير قناة فضائية غير جدي� Author: جلالدونا Date: 06-09-2016, 05:05 AM Parent: #12
معاكم بقن اربع تالاف
Post: #14 Title: Re: معارضة لم تستطع توفير قناة فضائية غير جدي� Author: usama Babiker Date: 06-09-2016, 12:06 PM Parent: #13
up
كدي عليك الله ياطه جعفر تعال ورينا خطتك لتتغير شنو ... ؟؟؟؟ الشباب والحرائر في المعتقلات ليهم مايقارب الشهرين وكلنا نتفرج .... وتقول لي كمان في معارضه ... ؟؟؟؟
Post: #15 Title: Re: معارضة لم تستطع توفير قناة فضائية غير جدي� Author: adil amin Date: 06-09-2016, 02:36 PM Parent: #14
نحن قلنا من 2005 وما زلنا نكرر الثورة الحقيقة القرن21 ثورة واعية يعني تحدث في الوعي تحرر من شنو وليس من منو والكلام ده قالو محمود محمد طه وجون قرنق... المعارضة في القرن 21 برنامج وليس اشخاص ابدا
هسة كتبت ليكم كلام مرقم فوق زول قراه مافي ودي ازمة جديدة كمان ..لازم يصل للشعب في كل السودان....ولازم نواجه الحقيقية قبل ما يجو التتار ...المركز ده ما بمثل السودان وما بشبه السودان اصلا ؟؟؟ والاخت منى عمسيب قالت راديو دبنقا موجود...خلاص من هسة ولحدي ما يجو الجمهوريين في الحكم في امريكا..عندكم ستة شهور بس فترة انتقالية وترجع الديموقراطية في السودان قبل تفعيل الفصل السابع ويجو التتار المعارضة الغوغائية والما عارفة ما يدور في العالم حتى هذه اللحظة تجاوزها الشعب نفسه مرجعية واحدة بس تفكك النظام وترجع الدولة السودانية فيما قبل 30 يونيو 1989... لينتهى برنامج الاخوان المسلمين في السودان وهو برنامج ذى فيروس ابيولا يفتت الدولة الى لا دولة وياتي بالحثالة والمنبتين والفاسدين الى سدة الحكم وجلهم من المركز ويتفكك السودان تدريجيا شوفو اول حاجة الصراع الدستوري مع النظام عبر وسائل الاعلام يرتقي بالوعي الدستوري للشعب ويعرف العالم بقضية السودان ويعري شرعية البشير المزيفة والنظام المنتهي الصلاحية لذلك اذاعة تخاطب وعي السودانيين مش اذاعة تهيج المشاعر والنزعات العنصرية والجهوية الغبية.. 1- النظام ما عايز يفعل الاتفاقيات الموقعة والدستور بتاع 2005 عشان ما يرجع الجيش السوداني الاصل والخدمة المدنية الاصل ويرجع السودان الاصل ومن بجاحة قضاة المحكمة الدستورية العليا ما عايزين يسجلو الحزب الجمهوري كمان 2- النظام يهين الشعب بي دستور بدرية المضروب ويغير الانتخابات الى تعيين ودي قمة الانحطاط السياسي للنظام لان الديموقراطية حتمية تاريخية الان والسيادة للشعب... عشان كده لمن نقول استعادة الاقاليم واجراء انتخابات حرة فيها سيحكمها ابناءها والقبائل السيادية فيها عبر منصب حاكم االاقليم ونائب الاقليم وعبر الاحزاب السودانية الوطنية- انصار ختمية جمهوريين حركة شعبية او أي حزب سوداني جديد ومسجل ما تفرق كل زول حسب جهده...اجانب مافي...ولا منبتين من المركز ايضا القبائل السودانية معروفة ومعرفة منذ الاستقلال وفي المركز يوجد جاليات اجنبية وعربية وافريقية محترمة على العين والراس وتمثيل نسبي للقبائل السودانية ايضا ولكن من يهمين على السلطة والثروة الان ليس هم هؤلاء القبائل السودانية تحديدا في المركز... 2- الملشيات بتاعة الاخوان المسلمين ليس جيش وطني وجلهم وافد من خارج الحدود وقامت بعمليات ابادة لشعوب السودان من 1989.وحتى الان.....لذلك بناء الجيش الوطني يبدا بي االفرقة التاسعة والعاشرة وحركات دارفور المسلحة وما تبقى من الجيش السوداني من جنود وضباط...وطنيين...في الجيش السوداني الفضل لذلك الاحصاء بتاع الحركة الشعبية القائم على ذكر القبيلة والدين مهم جدا جدا... وقانون الجنسية في السودان من1957 حدد منو السوداني بي الميلاد ومنو السوداني بالتجنس هسة احسن نتواضع ونرجع نقرا المداخلة الفوق دي كويس الاخوان المسلمين فكو الهوية والجنسية في السودان وعايزين يرجعونا بقعة جغرافية ساكت تحت كرعين المصريين..عشان كده غير السيسي ونبيل العربي مافي زول جاء بارك لخادم المصحف الشريف ولايته الثالثة المضروبة والقبيحة...والحال في حاله المادة 57 هي التي نهت ولاية البشير من 2015 والمعارضة قاعدة تلف وتدور ما عايزة تعترف بي بانجاز جون قرنق اتفاقية نيفاشا ودستور 2005...وهي ما عندها حاجة لحدي هسة اطلعو من انماط التفكير المركزي العقيم وابتكرو اساليب جديدة...ضعو برنامج محدد وبسيط ومن خمسة او ستة نقاط يغير السودان 1- استعادة الاقاليم والغاء الولايات ومجلس الولايات ايضا 2- رفع قضاة المحكمة الدستورية العليا الي 11 قاضي مؤتمن اثنين من كل اقليم واحد بس من الخرطوم 3- تفعيل وتنفيذ اتفاقية نافع \عقار في المنطقتين (يجب انازالها في الاعلام عبر الراديو الموجه يقيمها الشعب ) وايضا سلام الدوحة وجبهة الشرق نصا وروحا في اطار الحكم الاقليمي الجديد 4- تفعيل الحريات الاربعة مع دولة جنوب السودان 5- قومية المفوضية العليا للانتخابات 6- انتخابات اقاليمية ثم مركزية ثم راسية قبل نهاية هذه السنة ولي المرة الالف بعد المليون ...المعارضة برنامج وليس اصنام او فلان وعلان والحاجة المتاكد منها انه التتار جايين السودان..والخيار وضاح اما الديموقراطية او اليتفرج ما يشتريش والزمن بينا
Post: #16 Title: Re: معارضة لم تستطع توفير قناة فضائية غير جدي� Author: أيمن نواى على Date: 06-09-2016, 03:08 PM Parent: #15
بقن خمسة الف
Post: #17 Title: Re: معارضة لم تستطع توفير قناة فضائية غير جدي� Author: Abdullah Idrees Date: 06-09-2016, 04:06 PM Parent: #15
Quote: أسامة المشكلة العبثية وين؟كل واحد فينا بيظن إنو هناك كيان اسمو المعارضة وإنهم بجتمعوا ويخططوا وكدا ..أفراد هذا الكيان المتوهَم أو المظنون من كل واحد فينا،، هو أيضا يظن نفس الظنيظن أن هناك كياناً إسمو المعارضة وشغال اجتماعات وتخطيط وهلمجرا بينما في الواقع لا يوجد شئ من هذاسمعتها من الراحل نقد شخصيا، قال شابكننا الحزب ليه ما عمل وليه ما يعملثم أردف: إنتو قايلين الحزب دا منو؟ ما إنتو زاتكم هو الحزبهسع انتو يا أسامة وعادل وإسماعيل ومنى وناصر أنتم المعارضة ..أوعوا تكونوا ما عارفين ومفتكرننا نحن الآخرين ديل هم المعارضة؟!
غريب انو نقد يطلع بتبرير واهي زي ده ! طيب شنو لزوم امانة عامة وسكرتاريا ولجنة مركزية ، او الهياكل القيادية للاحزاب بشكل عام لزوما شنو طيب ؟ ده كلام فيهو عدم مسئولية فظيع .. هياكل الحزب تخطط و تدبر وتقود الجماهير من ناحية ، ومن ناحية اخرى تنسق مع الاحزاب الاخرى لخلق كيان عريض ومع منظمات المجتمع المدني وتتفاوض مع الحكومة ، تعكس الانتهاكات والفظائع التي ترتكب داخل البلد للجهات العالمية المهتمة والمختصة وكل هذا للضغط على الحكومة لكي تغل يدها وتحافظ على اكبر قدرمن مكتسبات الشعب المادية او المعنوية ، كل هذه الاشياء لا افعلها انا او اسامة او معاوية الزبير ، يعني انا وانت ديل بالكتير "حطب النار" زي ما بقولو ..ولذا فمقولة الحزب هو انا وانت ، المعارضة هي انا وانت ، عندما تصدر من قيادي بحجم نقد فهي تنصل من المسئولية لا تشوبه شائبة . نحن جبلنا على الاختلاف في كل شيء .. كل احزابنا انشطرت وانقسمت واتكسرت حديدة حديدة بما فيها الحزب الحاكم نفسه الذي انقسم الى اربعة او خمسة احزاب ، ثم وصل لمرحلة سيولة غير مفهومة جعلته ككيان سياسي له مؤسسات غير موجود بالمرة ، شلة بتاعة اربعة خمسة نافذين + جهاز الامن ، لكن حزب سياسي بالمعني المعروف ، لا يوجد .. وربما ينطبق هذا على كل الاحزاب ، باستثناء الليبرالي و مؤتمر المستقلين وهي احزاب ناشئة وتأثيرها مجدود ، ولذا ليس سهلا ان تجتمع الاحزاب المعارضة تحت سقف واحد ولهدف واحد لان فاقد الشيء لا يعطيه ، من لم يحافظ على حزبه ليس بإمكانه بناء تحالفات .رمضان كريم
Post: #18 Title: Re: معارضة لم تستطع توفير قناة فضائية غير جدي� Author: معاوية الزبير Date: 06-09-2016, 06:43 PM Parent: #17
لا لا يا عبد الله انت مشيت بعيد خالص وصبغت الرجل بصفات ليست فيه هو كان ينتقد الاتكالية وانتظار الآخرين ليقوموا بالعمل، لهذا جئت بكلامه في هذا السياق بينما الواجب أن يتقدم العضو بمقترحه وآلية تنفيذه و دوره في تحقيق المقترح تماما كما بادر الاخوة هنا بفتح باب المساهمات وإن شاء الله نحن في دربهم سائرون مني 500 دولار يا أسامة
بالمناسبة هناك بوست أو اثنان عن إنشاء القناة الفضائية أرجو أن نبث فيهما الحياة من جديد لتوحيد الجهود
ولكم كل التقدير
Post: #19 Title: Re: معارضة لم تستطع توفير قناة فضائية غير جدي� Author: usama Babiker Date: 06-09-2016, 07:40 PM Parent: #18
1/ mohamed karib تبرع 1000 دولار
2/ usama babiker تبرع 1000 دولار
3/ Muhamed Hassan Abdalla تبرع 1000 دولار
4/ جلالدونا تبرع 1000 دولار
5/ ايمن نواي تبرع 1000 دولار
6/ معاوية الزبير تبرع 500 دولار
بلا ياشباب فيكم الخير ....
Post: #20 Title: Re: معارضة لم تستطع توفير قناة فضائية غير جدي� Author: Abdullah Idrees Date: 06-09-2016, 07:52 PM Parent: #19
Quote: لا لا يا عبد الله انت مشيت بعيد خالص وصبغت الرجل بصفات ليست فيه هو كان ينتقد الاتكالية وانتظار الآخرين ليقوموا بالعمل، لهذا جئت بكلامه في هذا السياق بينما الواجب أن يتقدم العضو بمقترحه وآلية تنفيذه و دوره في تحقيق المقترح
لا والله ، هي دي المشكلة الحقيقية .. العضو من ؟ المبادرات الفاعلة تأتي من القادة الحقيقيين ، انت تعلم ان الانتماءات السياسية "ذاتا" اصبحت قاصرة على نسبة بسيطة جدا من المهتمين بالسياسة او النشطين سياسيا ، يعني حاليا في السودان نادر تلقا زول منخرط في حزب سياسي ، ودي واحدة من مشاكل الاحزاب برضو الجانب التنظيمي والحركي فيها شبه معطل. حتى العضو نفسه علاقته بقياداته محكومة في الغالب بإطار بيروقراطي محكم وليس من السهولة ان تصل مقترحاته لقيادة الحزب حتى يتم تقييمها او تبنيها . فالموضوع مش اتكالية ولا حاجة وانما احزاب غير فاعلة وعاجزة عن تقديم ابسط مبادرة للتعبير عن نفسها وده موضوع البوست ذاتو .. احترم نقد "يرحمه الله" ، ولم اصفه بشيء شخصي لكني فقط اوضحت وجهة نظري في جانب محدد يختص بأدائه السياسي.
Post: #21 Title: Re: معارضة لم تستطع توفير قناة فضائية غير جدي� Author: mohamed karib Date: 06-09-2016, 11:54 PM Parent: #20
رائع تكوين لستة المتبرعين او المساهمين ....هذا هو الزيت كما يقولون ...فاليدعو كل واحد من يثق فيه من اصدقائه .... رجاء وضع عشرة خطوط تحت كلمة من يثق فيه ....اتصور ان بمقدورنا الوصول ل 1000 مساهم في ظرف اسابيع .... بعدها و فقط بعدها سيكون لدينا كلام تاني
Post: #22 Title: Re: معارضة لم تستطع توفير قناة فضائية غير جدي� Author: محمد البشرى الخضر Date: 06-10-2016, 08:12 AM Parent: #21
سلام اسامة و الشباب و رمضان كريم عليكم جميعا سجلني بمساهمة 500 دولار
Post: #23 Title: Re: معارضة لم تستطع توفير قناة فضائية غير جدي� Author: adil amin Date: 06-10-2016, 12:23 PM Parent: #22
انتو عايزين تعملو فضائية.....لكن ما عايزين تورنا حتقولو فيها شنو وما هو البرنامج الواضح المقدم للناس ودي اخر مداخلة لي هنا وبعد ستة شهور نتلاقي كان طال العمر ونشوف القصة فضائية ولى برنامج واحسن الراديو ولى القناة الفضائية بس حاحتفل بي رحيل جون قرنق هنا في 1اغسطس و لدعوة مفتوحة للناس الاتحررو من شنو
اعلى برنامج السودانية سياسية منذ الاستقلال وثيقة الاستقلال حزب الامة 1952 اسس دستور السودان 1955 الحزب الجمهوري اتفاقية اديس ابابا ودستور 1973 اتفاقية نيفاشا ودستور 2005 وتفوقت اتفاقية نيفاشا بدخول المحكمة الدستورية العليا...لكن الحركة الشعبية وقعت احسن اتفاقية مع اسوا ناس في العالم مش في السودان ....
تاني مافي اييي حاجة. عندها علاقة بالسودان والسودانيين حصلت غير الانقلابات الخبيثة 1969 و1989...الكيزان والشيوعيين والقوميين العرب هم ضيع السودان وختاه تحت كرعين المصريين وجامعة الدول العربية فضائياات تخاطب الوعي انتو لحدي هسة ما مؤهلين ليها حتى على مستوى هذا البورد مغالطات وشللية ودي كمان حتى في راديو دبنقا ذى ما قلت ليكم التتار بجو في يناير 2017 من هسة تحصلو الديموقراطية والديموقراطية تجاوزت الشيوعيين والاخوان المسلمين تماما.-قوى الاجماع-..وهم عايزين يلغو الاحزاب الوطنية في مخيلتهم المعطوبة اتخييل تنظيمات منبتة عايزة تلغي احزاب السودان الوطنية...الخلل ده عالجو قبل الفضائية
Post: #24 Title: Re: معارضة لم تستطع توفير قناة فضائية غير جدي� Author: محمد أبوالعزائم أبوالريش Date: 06-10-2016, 01:47 PM Parent: #23
Post: #25 Title: Re: معارضة لم تستطع توفير قناة فضائية غير جدي� Author: معاوية الزبير Date: 06-10-2016, 02:59 PM Parent: #24
Quote: انتو عايزين تعملو فضائية.....لكن ما عايزين تورنا حتقولو فيها شنو وما هو البرنامج الواضح المقدم للناس
يا عادل أمين القناة المقترحة دي كان ما نفعت المعارضة، إن شاء الله نقدم فيها "أغاني وأغاني" انت قايل حا نخسر حاجة
Post: #26 Title: Re: معارضة لم تستطع توفير قناة فضائية غير جدي� Author: ست البنات Date: 06-10-2016, 08:10 PM Parent: #25
مشكور اخي اسامة , الموضوع مهم جدا !
وجاياكم بالمهلة .
ست البنات.
Post: #27 Title: Re: معارضة لم تستطع توفير قناة فضائية غير جدي� Author: ست البنات Date: 06-10-2016, 09:04 PM Parent: #26
احترامي للجميع ,ما تبثه المعارضه موجه لقاطني جميع مدن ونجوع السودان .ولكن هنالك شق اخر معني بهذا البث !وهي المنظمات الحقوقية والجهات الدبلوماسية للدول التي تهمها حقوق الانسان.وهذه كلها لا يمكن ان تصلها الرسالة مكتمله بالراديو فقط !لذلك فان وجود فضائية تنشر ما يجري في السودان بالصورة الموثقة مهم جدا.كما انه لابد للمعارضة التي بدات حملتها منذ 26 عام من جهاز اعلام قوي .ولازال هنالك الكثير من دول العالم والنشطاء يجهلون قضية شعب السودان !فكيف نستقطبهم للمساندة والوقوف معنا ونحن عاجزون عن التواصل معهم ؟المعارضة تحتاج الى برنامج اعلامي متكامل تشارك فيه عصبة من :المحررين الصحفيين في الصحف والقنواة التليفزيونية والاذاعة ,الفنانيين والمصممين و الكتاب السودانيين , والمصححين والمترجمين للغات العالمية الاساسية .وبذلك تكتمل رسالتنا للشعب وللعالم .فلم تكتسب المعارضتان السورية والفلسطينية الدعم الدولي والتعريف بهما الآ من خلال اعلامهم الجاد !ولي عودة ...ست البنات.
Post: #28 Title: Re: معارضة لم تستطع توفير قناة فضائية غير جدي� Author: Muhamed Hassan Abdalla Date: 06-10-2016, 10:48 PM Parent: #1
الحبيب اسامة
معاك تاني الف
من
مودة محمد حسن معزة محمد حسن ملاز محمد حسن
يلا ايد علي ايد
تجدع بعيد
Post: #29 Title: Re: معارضة لم تستطع توفير قناة فضائية غير جدي� Author: معاوية الزبير Date: 06-11-2016, 08:14 AM Parent: #28
1/ mohamed karib تبرع 1000 دولار 2/ usama babiker تبرع 1000 دولار
3/ Muhamed Hassan Abdalla تبرع 1000 دولار
4/ جلالدونا تبرع 1000 دولار
5/ ايمن نواي تبرع 1000 دولار
6/ معاوية الزبير تبرع 500 دولار
7/ محمد البشرى الخضر 500 دولار
8/ مودة ومعزة وملاذ، نجلات الأخ محمد حسن 1000 دولار
Post: #30 Title: Re: معارضة لم تستطع توفير قناة فضائية غير جدي� Author: Muhamed Hassan Abdalla Date: 06-11-2016, 01:28 PM Parent: #1
يلا بقن سبعتلاف
وزي ما قال اخونا الجميل معاوية الزبير
ما ح نخسر
Post: #31 Title: Re: معارضة لم تستطع توفير قناة فضائية غير جدي� Author: mohamed karib Date: 06-11-2016, 02:11 PM Parent: #30
البرنامج موجود ....انتظروني
Post: #32 Title: Re: معارضة لم تستطع توفير قناة فضائية غير جدي� Author: usama Babiker Date: 06-11-2016, 07:10 PM Parent: #31
مشكورين ياشباب على المشايلة والتشجيع ومشروعنا ذاهب ان شاء الله الى الامام .... واتصل بي شخص امس شككت في امره وعرف نفسه بانه مناهض للنظام ومتبرع بمبلغ 10000 دولار وهو مقيم بمصر ... مع انه الهاتف الذي استخدمه ليس من مصر وعليه ... انا لا استلم اي قروش من اي شخص والمتبرع يعلن تبرعه من خلال البوست وبعد ان نصل الي المبلغ المحدد نحدد وسيلة التحويل ... والذين يتابعون من الخارج الرجاء كتبة تبرعهم من خلال الفيس .... ولا رايكم شنو ياشباب ....
Post: #33 Title: Re: معارضة لم تستطع توفير قناة فضائية غير جدي� Author: معاوية الزبير Date: 06-11-2016, 08:33 PM Parent: #32
تحياتي يا أسامة ما شايف سبب للتشكيك في صاحب المكالمة وعموما (الألف) تكضب الغطاس
إلى الأمام
Post: #34 Title: Re: معارضة لم تستطع توفير قناة فضائية غير جدي� Author: Muhamed Hassan Abdalla Date: 06-12-2016, 04:43 AM Parent: #1
سلام اسامة
ما معانا اقصاء ولا تشكيك
كمان اهم شئ تفادي الاسباب الخلت المشروع
الاول يتنسي انا فاكر حتي كنتو عاملين رقم حساب
ومسجلين جمعية في مدينتكم عشان القناة
وجاهزين الليلة قبل باكر
Post: #35 Title: Re: معارضة لم تستطع توفير قناة فضائية غير جدي� Author: جلالدونا Date: 06-12-2016, 07:06 AM Parent: #34
سلام يا شباب و سدد الله رميتكم اخوانا اهل الاعلام و ذوى الاختصاص لو امكن عمل ميزانية تقديرية لانشاء القناة زى رسوم الترخيص حجوزات الاقمار الصناعية ايجار او شراء استوديو للبث معدات البث مصروفات التشغيل و اخرى عشان نعرف المطلوب شنو و نحنا وين اخونا معاوية الزبير ممكن يساعد كتير فى الحتة دى بى حكم المهنة
Post: #36 Title: Re: معارضة لم تستطع توفير قناة فضائية غير جدي� Author: adil amin Date: 06-12-2016, 12:22 PM Parent: #35
[QUOTEmisbah Ali · كورونا (كاليفورنيا) ياريت كان بقت على القناة أو حتى إذاعة صغيرة ! المشكلة هى الذين بلغوا أرذل العمر ولسة مكنكشين فيها. المشكلة في المتقلبين في الآراء والمواقف.ديل يصلحوا يكون زعماء وقادة ؟ المشكلة في نضال الدروشة، شغل عشوائي غير منظم وغير مدروس، المشكلة في مدمني الأسفار والمؤتمرات وجولات المفاوضات ، المشكلة في عدم التوحد مدني وعسكري نحو هدف واحد وجوهري وهو إسقاط النظام وفك أسر الوطن ومواطنيه. المعارضة عندها ار
هذا راي في الفيس بوك عشان يكون في اكثر من راي يا معاوية الزبير وما تتمسخر وتقول لي اغاني واغاني الناس المرقت بالملايين لي جون قرنق برنامج الحركة الشعبية وسجلت 18 مليون في انتخابات 2010 بقى عندها راي تاني غير حقكم ده كلهم كانو سودان جديد وخذلهم المتسكع عقاب الشيوعيين ياسر عرمان وهسة لحدي ما تلم القروش وتتشاكلو بعدين ذى حركات دارفور في الهامش وقوى الاجماع في المركزيكون التتار جو السودان عبر الفصل السابع لتدمير السودان بحجة القبض على المجرم الدولي عمر البشير بعد فرار كيزان السجم والرماد الى تركيا مساكين والله تذكروني دائما اللوري بتاع عمنا عثمان في جامعة الخرطوم كاتب فيه واقفين تحننو راكبين تجننو وتصدق يا معاوية اللواري ده بلقط الاشجار التي تموت واقعة وما ركب فيه زول غيري وغير صاحبي عباس حسين اليماني قال اغاني واغاني...اخير منك مع حسين خوجلي انتو بمناسبة حسين خوجلي دي ما يسلفكم فضائية امدرمان دي ستة شهور بس تاني لمن تتمسخر..كون قدر كلامك فاضل ليكم كم عشان تعرشو المحطة دي
Post: #37 Title: Re: معارضة لم تستطع توفير قناة فضائية غير جدي� Author: عبدالله محمد أحمد Date: 06-12-2016, 01:36 PM Parent: #1
العزيز اسامة تحياتي
ما زالت للدول الغربية و على راسها الولايات المتحدة مصلحة حيوية في بقاء نظام الانقاذ، و هذا هو السبب الاول الذي يقف في طريق انشاء القناة.
Post: #38 Title: Re: معارضة لم تستطع توفير قناة فضائية غير جدي� Author: معاوية الزبير Date: 06-12-2016, 01:46 PM Parent: #37
Quote: عشان يكون في اكثر من راي يا معاوية الزبير وما تتمسخر وتقول لي اغاني واغاني
أنا لا أتمسخر يا عادل لكني أمزح هو حرموه؟ ولّ لازم في الشغل السياسي الواحد يكون صاري وشو زي الدجالين بتاعين وفد المعارضة السوري
Post: #39 Title: Re: معارضة لم تستطع توفير قناة فضائية غير جدي� Author: Elbagir Osman Date: 06-13-2016, 02:19 AM Parent: #38
نعم
نحن المعارضة
كل مواطن سوداني مهتم بما يجري
ويرغب في تغييره
ومستعد لبذل جهد لإحداث ذلك التغيير .. هو معارض
من حقنا أن ننتقد أداء المعارضة
لكن قبل ذلك من واجبنا أن نقدم إسهاماتنا
تحديدا إذا لم يعجبنا أداء المعارضة الحالي..
العمل الإعلامي ليس بالتلفزيون وحده، على أهميته
لأنه في هذا العصر أصبحت في يد كل منا أدوات أعلام
فوسائل الإتصال الأليكتروني أتاحت لك أن يقرأك الملايين
بدون المرور على ناشر أو رقيب حكومي أو تجاري
وفي هذا المجال أداء المعارضة الإعلامي لا بأس به
بل وتتفوق في أحيان كثيرة على إعلام الحكومة وتجارها
(لأن دورنا هو إظهار الحقائق ودورهم التضليل وإخفاء الحقائق)
التفوق يظهر في المقالات والصحافة الأليكترونية ومواقع التواصل والكاريكاتير والإنتاج الفني والأدبي من شعر وقصة وموسيقي ومسرح وسينما
يعنى قبل أن نطلب تلفزيون علينا استنفاذ طاقات ماهو متاح بين أيدينا
أبسط الإسهامات الكتابة ومشاركة ما تراه هاما ومفيدا في الفيسبوك والواتساب واليوتيوب وما إليها
ولكن ذلك لا يقعدنا عن طلب المزيد
ولا يقلل من أهمية القناة التلفزيونية
سودانيزأونلاين منبر مؤثر
أقترح أن نوقد شمعة هنا ..
بأن نطلق حملة تأسيس القناة التلفزيونية من هنا
من سودانيزأونلاين
وتحديدا من هذه المجموعة التي افترعت هذا الخيط
وأرى مسبقا أن البعض تبرعوا بعدة آلاف من الدولارات
وأعلم أن الكثيرين سوف يتبرعون
بالمال
والجهد
والخبرة
والمواهب
لذا أدعو مجموعة المساهمين، والمهتمين من كتاب وقراء سودانيزأونلاين، لتبني مشروع القناة التلفزيونية
التي يمكن أن ندخل في تفاصيلها لاحقا .. إذا وافقتم على المبدأ
الباقر موسى
يم
Post: #40 Title: Re: معارضة لم تستطع توفير قناة فضائية غير جدي� Author: Muhamed Hassan Abdalla Date: 06-14-2016, 02:39 PM Parent: #1
فوق
Post: #41 Title: Re: معارضة لم تستطع توفير قناة فضائية غير جدي� Author: usama Babiker Date: 06-15-2016, 01:34 AM Parent: #40
up
Post: #42 Title: Re: معارضة لم تستطع توفير قناة فضائية غير جدي� Author: Elbagir Osman Date: 06-15-2016, 11:16 PM Parent: #41
أسامة والمتداخلون
إذا وافقتم على مقترح حملة سودانيزأونلاين من أجل قناة تلفزيونية للشعب السوداني
هل ترون أن نواصل الحملة هنا، بهذا العنوان السلبي
أم في بوست جديد مخصص للحملة بعنوان إيجابي
مع تقديري
الباقر موسى
Post: #43 Title: Re: معارضة لم تستطع توفير قناة فضائية غير جدي� Author: Muhamed Hassan Abdalla Date: 06-16-2016, 00:52 AM Parent: #1
الاخ الباقر لك التحية عندي اقتراح برضو لعل وعسي الناس تتشجع اطرحو الفكرة كمشروع استثماري اعلامي متكامل وسجلو اسم واطرحو اسهم منها نقدم الشئ العايزنو وكمان نربح والبداية ممكن تكون من غرفة تحرير واستديو مع الطاقم
تعديل حرف
Post: #44 Title: Re: معارضة لم تستطع توفير قناة فضائية غير جدي� Author: جلالدونا Date: 06-16-2016, 05:16 AM Parent: #43
up وين ناس الاختصاص يا اخوانا بس ميزانية تقديرية عشان نعرف نحنا وين الاستاذ الباقر شاكر همتك و حماسك و يا ريت نختار عنوان جاذب مع حفظ الحق للاخ اسامة
Post: #45 Title: Re: معارضة لم تستطع توفير قناة فضائية غير جدي� Author: Elbagir Osman Date: 06-16-2016, 09:06 AM Parent: #44
المشروع يحتاج متظوعين في أربعة جوانب:
هندسية: لتحديد البث (أقمار إلخ)
مالية: تنظيم حملة لجمع المبالغ المطلوبة تبرعات و Fundraising
قانونية: لدراسة خيارات التسجيل
برامجية: معدو برامج مخرجون محررون فنيو فيديو صوت موتاج ديكور إلخ
Post: #46 Title: Re: معارضة لم تستطع توفير قناة فضائية غير جدي� Author: Muhamed Hassan Abdalla Date: 06-16-2016, 04:38 PM Parent: #1
مع احترامي الاخ الباقر
كلنا ملاحظين بوستات القناة رغم
كترتا وما شوفنا اي نتيجة
رغم اهمية الموضوع
ومافي قناة بتقوم بتبرعات
وبالعكس التبرعات ممكن تكون
مشروطة وكلنا عارفين شكل التبرعات
والتمويل للحاجات دي ممكن الناس تلت
وتعجن فيها
فيها شنو لو قلنا استثمار عديل والبيدفع حاجة
بترجع ليهو
ولو كلامي ما ياهو وروني عشان ما اكون مشاتر
وشكرن
Post: #47 Title: Re: معارضة لم تستطع توفير قناة فضائية غير جدي� Author: Muhamed Hassan Abdalla Date: 06-17-2016, 12:03 PM Parent: #46
فوق
Post: #48 Title: Re: معارضة لم تستطع توفير قناة فضائية غير جدي� Author: Elbagir Osman Date: 06-17-2016, 05:22 PM Parent: #47
محمد حسن عبد الله
قلت ------------------ التبرعات ممكن تكون
مشروطة وكلنا عارفين شكل التبرعات
والتمويل للحاجات دي ممكن الناس تلت
وتعجن فيها
فيها شنو لو قلنا استثمار عديل والبيدفع حاجة
بترجع ليهو
------------------
نعم لا نريدها مشروطة
ويمكن أن يكون هناك عائد للمساهمين
لكن كل ذلك يدرسه ويقدم خياراته المجموعة القانونية
حول شلك وكيفية التسجيل :
هل تكون شركة
أم شركة غير ربحية
أم منظمة خيرية
أم تعاونية
الخ
ومحاسن ومساوئ كل خيار
وبعد ذلك يقوم جملة المشاركين في الحملة باختيار الخيار الأفضل
الباقر موسى
Post: #49 Title: Re: معارضة لم تستطع توفير قناة فضائية غير جدي� Author: Muhamed Hassan Abdalla Date: 06-17-2016, 06:07 PM Parent: #48
االاخ الباقر
لك الشكر علي التعقيب
وشوفو ناس القانون والاعلام
واي اتفاق انا وبنياتي معاكم
المهم القناة ثم القناة
Post: #50 Title: Re: معارضة لم تستطع توفير قناة فضائية غير جدي� Author: عبدالعظيم عثمان Date: 06-17-2016, 09:12 PM Parent: #49
سلامات أسامة وضيوفك
معضلة المعارضه أكبر من فشلها في تأسيس محطة إعلامية , المشكلة في الرؤية والمشروع والإيمان بهذا المشروع ..
في فمي ماء أخشي أن يفهم خطأ
موضوع المعارضه لا يمكن أن تحله الهاشمية وشغل الأصحاب والشلليات قبل القناة الفضائية مفروض التوافق علي مشروع سياسي وجبهة معارضه محددة الأهداف ومن ثم تأتي القناة الفضائية ...
بعدين جوقة أحزاب المعارضة والناشطين ومنظمات المجتمع المدني المختلفه ديل كلهم معارضة بس مشكلتهم قلوبهم شتي وأهدافهم مختلفه ونفسهم قصير..
عشان كدا قبل القناة الفضائية للمعارضه لابد من إعادة بناء المعارضه في عضمها علي أسس جديده الشغل الصفوي والنخبوي دا ما بجيب مريسة تامزيـن ..
Post: #51 Title: Re: معارضة لم تستطع توفير قناة فضائية غير جدي� Author: Elbagir Osman Date: 06-17-2016, 10:33 PM Parent: #50
عبد العظيم
نحن في هذا البوست والحملة المقترحة لا ندعي معالجة كل مشاكل المعارضة
ولا ننكرها
لكننا نحاول التصدي لمهمة محددة .. وهي توفير قناة تلفزيونية
وهنالك عدة عوامل تجعلنا نأمل في النجاح
أولا.. أعداد السودانيين بالخارج بالملايين، وعدد كبير منهم معارض للحكومة ومستعد لبذل جهد أو مال لإزالتها
ثانيا.. التقدير الأولي الذي ذكر هنا 100000 وإذا أقنعت هذه الحملة عشرة ألف شخص بالتبرع بعشرة جنيهات فقط لتوفر ذلك المبلغ
رابعا.. خلال هذا البوست .. وفي المحاولات السابقة .. أبدى عدد من السودانيين رغبتهم في التبرع
بالمال
والجهد
والموهبة
أرجو أن لا يصبح نقد عيوب المعارضة حائظ مبكى يمنعنا من بذل أي جهد لإنجاز أي من معام التغيير
خصوصا مهمة واضحة الضرورة مثل القناة التلفزيونية
الباقر
Post: #52 Title: Re: معارضة لم تستطع توفير قناة فضائية غير جدي� Author: معاوية الزبير Date: 06-18-2016, 09:28 AM Parent: #51
Quote: قبل القناة الفضائية للمعارضه لابد من إعادة بناء المعارضه في عضمها علي أسس جديده الشغل الصفوي والنخبوي دا ما بجيب مريسة تامزيـن ..
تحياتي عبد العظيم عثمان ورمضان كريم ما تكسر أجنحتنا ياخ، هسي نحن نلقى المعارضة وين عشان نعيد بنائها؟ ما يحصل في هذا البوست هو إسهام من مجموعة في منبر سودانيز في المشروع المعارض الكبير لتغيير النظام لا ندعي أن قيام قناة تلفزيونية سيسقط النظام، لكن نؤمن بأنها (القناة) ستغطي نقصاً كبيرا وخللا ظاهرا يعاني منهما العمل المعارض
فـ.. أولا دعونا نحدد أهدافنا من إنشاء قناة تلفزيونية وكيفية تنفيذ هذه الأهداف سأطرح رأيي في المداخلة التالية ومن ثم أضمه إلى آراء الآخرين:
Post: #53 Title: Re: معارضة لم تستطع توفير قناة فضائية غير جدي� Author: عبدالعظيم عثمان Date: 06-18-2016, 09:43 AM Parent: #52
Quote: تحياتي عبد العظيم عثمان ورمضان كريم ما تكسر أجنحتنا ياخ، هسي نحن نلقى المعارضة وين عشان نعيد بنائها؟ ما يحصل في هذا البوست هو إسهام من مجموعة في منبر سودانيز في المشروع المعارض الكبير لتغيير النظام لا ندعي أن قيام قناة تلفزيونية سيسقط النظام، لكن نؤمن بأنها (القناة) ستغطي نقصاً كبيرا وخللا ظاهرا يعاني منهما العمل المعارض
سلامات معاوية الزبير
رمضانك كريم تصوم وتفطر علي خير
مداخلتي بنيتها علي عنوان البوست .. الذي يقول بأن معارضة لم تستطيع توفيـر قناة فضائية غير جديرة ليس القصد تكسير الأجمحه يا زميل .. ولكن هذا الجهد لكي يكتمل لابد من مشروع .. عشان تأسس منصة إعلامية معارضه تحتاج الي مشروع معارضه واضح الملامح , بالجد لابد من إيجاد المشروع لانه في ظل الإحباط الكبير لإنحسار الدور الفاعل لتشكيلات المعارضة المختلفه من الصعب أن يستمر مثل هذا المشروع الضخم الذي يحتاج الي تجمع وطني ديمقراطي جديد , أو أي اجهة أخري ... ما أقصده لابد من تجهيز الحصان في عضمة قبل صناعة العربه
ما الذي يمنع أن يؤسس منبر سياسي يسبق القناة الفاضائية أو يعمل جنب الي جنب تأسيس المنصة الإعلامية , من وجهة نظري هذا سيقود الي توضيح ملامح مشروع القناة الفضائية أكثر من حملة جمع التبرعات لقناة فضائية .. دا مشروع كبير يحتاج الي جهد فكري أكبر هذا ما قصدته إن شاء فكرتي وضحت يا ود الزبير يعني ما تكسير أجنحه
Post: #54 Title: Re: معارضة لم تستطع توفير قناة فضائية غير جدي� Author: معاوية الزبير Date: 06-18-2016, 09:53 AM Parent: #52
نقلت إلى الأسفل
Post: #55 Title: Re: معارضة لم تستطع توفير قناة فضائية غير جدي� Author: معاوية الزبير Date: 06-18-2016, 09:58 AM Parent: #54
تم الحذف بسبب نقل مداخلاتي للأسفل
Post: #56 Title: Re: معارضة لم تستطع توفير قناة فضائية غير جدي� Author: عبدالعظيم عثمان Date: 06-18-2016, 10:03 AM Parent: #55
Quote: عبد العظيم
نحن في هذا البوست والحملة المقترحة لا ندعي معالجة كل مشاكل المعارضة
ولا ننكرها
لكننا نحاول التصدي لمهمة محددة .. وهي توفير قناة تلفزيونية
سلامات الباقر رمضانك كريم
قبل البدء في تأسيس قناة فضائية لابد من الإجابة علي سؤال : القناة دي دي حتعمل شنو وهدفها شنو ومشروعها شنو ؟ عشان تجاوب علي الأسئلة دي محتاج الي منفستو واضح ... الإستعجال وكلفتة الموضوع قد يقود الي قتله في مهده
دا سؤالي يا الباقر
Post: #57 Title: Re: معارضة لم تستطع توفير قناة فضائية غير جدي� Author: معاوية الزبير Date: 06-18-2016, 10:16 AM Parent: #55
كما قلت في البداية ليس الغرض من إنشاء قناة تلفزيونية معارِضة هو إسقاط التنظيم مباشرة وبصورة منفردة إنما استخدامها كسلاح مضاد لسلاح التنظيم الذي استطاع عبره تغبيش وعي الشعب وتزييف الحقائق وإلهائه باللهاث وراء كسب العيش.. الغرض كسر احتكار الحكومة لأجهزة الإعلام المرئية التي تقوم على فلسفة غسل أدمغة المشاهدين (وإعادة صياغة الإنسان السوداني) وترويج الأكاذيب على طريقة غوبلز: اكذب اكذب ثم اكذب حتى يصدقك الناس
Post: #58 Title: Re: معارضة لم تستطع توفير قناة فضائية غير جدي� Author: معاوية الزبير Date: 06-18-2016, 10:19 AM
نقلت إلى الأسفل
Post: #59 Title: Re: معارضة لم تستطع توفير قناة فضائية غير جدي� Author: معاوية الزبير Date: 06-18-2016, 11:08 AM Parent: #52
أولا لا بد من الإقرار بأن تنظيم الإنقاذ (وليس نظام الإنقاذ) قد نجح نجاحا عظيما في هدفه الأساسي المعلن من أجل حكم أبدي وهو إعادة صياغة الإنسان السوداني ومن ثم المجتمع ككل، وهذا النجاح العظيم لا يحتاج إلى أدلة ووثائق للبرهنة عليه ربما كان يصعب في البداية على الذين يعيشون في الداخل ويخضعون يوميا لعملية إعادة الصياغة أن يلحظوا سير العملية مثل أجزاء النبات التي تنمو وتكبر يوميا دون أن تلحظ ذلك
لكنهم (ناس الداخل) في النهاية أدركوا التغير الكبير الذي (لا أقول طرأ فالكلمة تعبر عن شئ طارئ وليس مخططا ومقصودا بل أقول) عمّ وساد المجتمع ، بينما كان الأمر سهلا لكل من غادر السودان في بدايات الإنقاذ وعاد بعد عدد من السنين ليقف مشدوها مما جرى ويجري، وأول ما يلاحظ ذلك في بيت أسرته وجيرانه وأصدقائه قبل أن يلحظه في الشارع والسوق
كيف تم ذلك؟ ما هي الوسائل التي استخدمها التنظيم ليحقق هدفه الأوّلي؟ إنها وسائل الإعلام بدءاً من الإذاعة والتلفزيون والصحف مرورا بالمساجد وليس انتهاءً بالمخاطبات الجماهيرية إذ بين كل ذلك كانت تقبع الوسائل القذرة من شراء ورشوة وابتزاز وتهديد في الأرزاق وغيرها من وسائل الترغيب والإكراه والترهيب ..
كما قلت في البداية ليس الغرض من إنشاء قناة تلفزيونية معارِضة هو إسقاط التنظيم مباشرة وبصورة منفردة إنما استخدامها كسلاح مضاد لسلاح التنظيم الذي استطاع عبره تغبيش وعي الشعب وتزييف الحقائق وإلهائه باللهاث وراء كسب العيش.. الغرض كسر احتكار الحكومة لأجهزة الإعلام المرئية التي تقوم على فلسفة غسل أدمغة المشاهدين (وإعادة صياغة الإنسان السوداني) وترويج الأكاذيب على طريقة غوبلز: اكذب اكذب ثم اكذب حتى يصدقك الناس
Post: #60 Title: Re: معارضة لم تستطع توفير قناة فضائية غير جدي� Author: معاوية الزبير Date: 06-18-2016, 11:11 AM Parent: #59
القناة المنشودة تهدف إلى - كشف أكاذيب النظام بتقديم الحقائق المدعومة بالإثباتات والأدلة القاطعة - إيصال وجهة نظر المعارضة حول القضايا المتفق عليها (بين المعارضين أعني) - توفير منبر إعلامي للذين يضحون بدمائهم وأولادهم وأسرهم وأرزاقهم (مثال اعتصام أُسر الطلاب المعتقلين، أمام مبنى جهاز الأمن) - العمل على المدى البعيد لاستعادة وعي الشعب الذي استلبه إعلام التنظيم الموجه - مخاطبة الرأي العام العالمي وإيصال هذه الرسائل إليه كونه أصبح عنصرا رئيسيا في مواجهة الأنظمة الديكتاتورية والفاسدة - الكف على الاعتماد على قنوات خارجية عربية أو ناطقة بالعربية ظنا بأنها ستقف ضد التنظيم الإسلاموي في السودان بينما هي في حقيقتها تقف معه لأسباب مختلفة، منها رفعه لشعار الإسلام أو خنوعه للدول الممولة لهذه القنوات
أكتفي بهذا القدر الآن في انتظار مساهمات الآخرين
Post: #61 Title: Re: معارضة لم تستطع توفير قناة فضائية غير جدي� Author: Elbagir Osman Date: 06-18-2016, 07:26 PM Parent: #60
Quote: القناة المنشودة تهدف إلى - كشف أكاذيب النظام بتقديم الحقائق المدعومة بالإثباتات والأدلة القاطعة - إيصال وجهة نظر المعارضة حول القضايا المتفق عليها (بين المعارضين أعني) - توفير منبر إعلامي للذين يضحون بدمائهم وأولادهم وأسرهم وأرزاقهم (مثال اعتصام أُسر الطلاب المعتقلين، أمام مبنى جهاز الأمن) - العمل على المدى البعيد لاستعادة وعي الشعب الذي استلبه إعلام التنظيم الموجه - مخاطبة الرأي العام العالمي وإيصال هذه الرسائل إليه كونه أصبح عنصرا رئيسيا في مواجهة الأنظمة الديكتاتورية والفاسدة - الكف على الاعتماد على قنوات خارجية عربية أو ناطقة بالعربية ظنا بأنها ستقف ضد التنظيم الإسلاموي في السودان بينما هي في حقيقتها تقف معه لأسباب مختلفة، منها رفعه لشعار الإسلام أو خنوعه للدول الممولة لهذه القنوات
أوافق تماما
الباقر
Post: #62 Title: Re: معارضة لم تستطع توفير قناة فضائية غير جدي� Author: Muhamed Hassan Abdalla Date: 06-19-2016, 05:00 PM Parent: #61
فوق
Post: #63 Title: Re: معارضة لم تستطع توفير قناة فضائية غير جدي� Author: mohmmed said ahmed Date: 06-19-2016, 07:37 PM Parent: #62
فى تجارب ومحاولات كتيرة لم تنجز قناة
ولكن يمكن ان الاستفادة من التجارب السابقة لمعرفة المعوقات
اتمنى البحث عن تجربة د الرازى ابو قناية فى لندن ومحاولات د محمد الكارب
Post: #64 Title: Re: معارضة لم تستطع توفير قناة فضائية غير جدي� Author: معاوية الزبير Date: 06-21-2016, 11:56 AM Parent: #63
سنفعل يا أبو السيد إيدك معانا
Post: #65 Title: Re: معارضة لم تستطع توفير قناة فضائية غير جدي� Author: Muhamed Hassan Abdalla Date: 06-24-2016, 03:12 PM Parent: #1
فوق
Post: #66 Title: Re: معارضة لم تستطع توفير قناة فضائية غير جدي� Author: معاوية الزبير Date: 06-30-2016, 06:44 AM Parent: #65
سنواصل في الحملة
Post: #67 Title: Re: معارضة لم تستطع توفير قناة فضائية غير جدي� Author: أحمد محمد عمر Date: 06-30-2016, 07:58 AM Parent: #66
السلام عليكم ومشكورين على المجهود لاحظت في البوست تركيز على إنشاء القناة وعلى أهدافها .. لكن مافي تركيز على برامجها ليه ما تكون البرامج هي هدفنا الأول قبل إنشاء القناة ؟ البرامج ما محتاجة أي حاجة غير كاميرا موبايل متوفرة عند الجميع واتصال انترنت ترفع من خلاله على يوتيوب اقتراحي إنه البث التجريبي للقناة يبدأ على يوتيوب .. فيديوهات مسجلة وبث مباشر للقناة نجاحها على يوتيوب حيوفر الداعمين بشكل أكبر بعد يشوفوها شوف العين