بياخة رمضان

07:44 AM June, 07 2016

سودانيز اون لاين
عباس الدسيس-Saudia
مكتبتى
رابط مختصر

كل زول عندو عادة في رمضان لو فتش روحو بلقي مع زرة رمضان ملازماهو.
عادتي الملازماني بتكلم كثير وبحوم من زمن كداري لي زمن العربات حسي.
كان في واحد صاحبنا في حي مايو عازمني فطور بعد طلعت من الشغل وجيت البيت غيرت الملابس وقلتا امشي ليهو بتحت مع البحر لما اعطش اخش جوه المويه اعوم فترة وهكذا الي ان تقرب ساعات الفطور .
طلعت من البيت وماشي بتلبت بالضلله واتصلق في الحيط زي الغنماية الجربانه وكل ما اشوف لي مزيرة اترشرش منها وفجأة لما ليك فيني زول عبيط لايوق ويكه عندو عربيه هكره حلف يمين لازم اوصلني
ورمضان السودان زي ما معروف لو انت في الشارع الشمس تخلي الناس كلها وتكون عامودية في راسك انت طول اليوم ،
وعشان اوضح ليهو هدفي من مشي كداري ما اداني طريقه وما فيني حيل للكلام ركبت معاهو.
نزلني قدام البيت بتاع العيزومة دقيت الباب جاء الزول العازمني خاتي بشكير في راسو مبلول مويه اندهش لما شافني وقال ليك ...... يا عباس احنا عازمنك فطور رمضان ما غذاء وقفل الباب خلاني في الشارع.
الهندي بتاع البقالة الجمبنا بهاظر معاهو كثير كما معروف مشتقات اللبن والبياكلوها الاطفال مثل الدانيت والداناوي بتتعمل بي طريقه تشبه الكستر فترة صلاحيتها بسيطه غالبا ما تلقها في البقالة واحيانا تلقاها
أها وقت اجي اشتري لي حاجة من البقالة من ضمنها مشتقات الحليب وتكون موجوده بشيلها وبمشي مرة بكون ما محتاجها بسألو.
يا صديق في دانيت ؟؟؟
يرد... ايوا في انت روح حصل هناك في تلاجة جوة.
أها بمشي التلاجة بعد القاهو برفعو ليهو ياهو دا يا صديق ؟؟؟؟
يرد.... ايوا انت مافي شوف
اقول ليهو .... خلاس اكل انت يا صديق.
الحركة بتاعت اكلو انت بتزعلو الظاهر يوم لما ليهو في زول فهمو حكاية ملاح ((الشرمــــوط)) مفتكرها نبذه منتظرني بالجلالة يوم اقول ليهو الحاجة دي في اقول ايوا ...اقول ليهو أكولا .... اقول لي انت روح اكل شرموط.
جيت عايز لي معجون وصابون شلت المعجون فتشت في الرف صابون لوكس ما لقيت سألتو .
يا صديق في صابون حمام لوكس ؟؟؟
قال لي ايوا .....
قلت ليهو استحمي بيهو ...
قال لي روح انت استحمي مع شرموط.
اها امس جيتو قريب مواعيد الفطور اشتري منو قلت اتبايخ عليهو.
صديق سلام عليكم رمضان كريم انت في صوم سنة هذا ؟؟
الراجل عطشان ودمو فاير قلت دي صيده سمحه حسي بطلع لي بي كلمة اكعب من بتاعت الشرموط إموتني من الضحك.
رد لي .... انت مخ مافي شوف أنا الحين أكل كبسه انت يبقي جنجال ((شكل)) سوا انا انا ما يبقي قرقر ((كلام)) كثير.
قلتا اهدن شويه الزول كثافتو ارتفعت نية البياخه عندي لسع.
ايوا يا صديق أنا شوف انت تعبان ياخ انت فعلا صايم انت نفر كويس بس يا صديق...... انت ممكن صوم رمضان كلو و ل خلي شويه تحت تحت أكل.
الراجل وقف قربة وهو عطشان فكر لو اتمادي معاي ممكن الموضوع ياخذ منحني تاني عايز اتفكي من بياختي .
رد لي ثلاثة كلمات بس وتاني رفض اخش معاي في جدال.
ليش انت فكر أنا حرمه......
مشيت منو اجرر كرعي من الخزل والخيبه ما قدرت اطلع منو بي حاجة بقت لي حكاية أنا حرمه مع عطش رمضان فهمتها زي زول اشاكلك لما الشكله تسخن تقول ليهو انت قايلني مرأة ((حرمه)).
باللليل لما رجعت ليهو وبهظر معاهو فهمت قاصد أنا حرمه حكاية الدوره الشهرية وعدم الصيام في ايامها وكان عندو استعداد اتمادي معاي بس فهمي قصر غايتو يا رمضان

ود السديس .. كل رمضان وانت بالف خير والاسرة الكريمة ..

قلت لي :

Quote: نزلني قدام البيت بتاع العيزومة دقيت الباب جاء الزول العازمني خاتي بشكير في راسو مبلول مويه اندهش لما شافني وقال ليك ...... يا عباس احنا عازمنك فطور رمضان ما غذاء وقفل الباب خلاني في الشارع.

تستاهل عشان تاني ما تبقي زي ناس ( كشا مشا ) العزموهو فطور جاء عشاء ههههه.


وكل عام وانت بالف خير ..

Quote: تستاهل عشان تاني ما تبقي زي ناس ( كشا مشا ) العزموهو فطور جاء عشاء ههههه. وكل عام وانت بالف خير ..

بت عمسيب اخبارك
رمضان كريم
مشتاقين
الله اديك الصحة والعافية طوالي عاملاني امام الحرم

يا عبس
رمضانك بنكهة الظرافة

زولك أظن مشيت ليهو خاوي (الكراعين) لو كنت شايل بطيخة في يدك كان قال ليك ياخي مرحبا تفضل !!!

يا دسيس
رمضان كريم ياخي

Quote: يا عبس رمضانك بنكهة الظرافة زولك أظن مشيت ليهو خاوي (الكراعين) لو كنت شايل بطيخة في يدك كان قال ليك ياخي مرحبا تفضل !!!

ولياب اخبارك يا حبيبنا
رمضان كريم
مشيت ليهو اباطي والنجم بعدين هم عندهم مكيف مويه في الصالون لو جيت بدري ممكن ترطب كنت قافل عليهو

Quote: يا دسيس رمضان كريم ياخي

ابو الشوش يا حبيبنا
الله اكرم اخبارك

حبيبنا عباس الدسيس رمضان مبارك عليك وعلى الاسرة الكريمه وتصوم وتفطر على خير ان شاء الله .....
شايفك حايم بي عندنا يا خوي رمضان ده عايز تفتش ليك رخصة تفطر بيها ولا شنو هههههههههههههه .... غايتو في دكتور صاحبي عند الطلب بشوفو ليك ..
خلينا نشوفك في افطار البورداب يا حبيب وجيب لي امن ده الكوارع معاك عشان ما يشيل حالنا ههههههههه .

تحياتي ليك وللراجل الكلس الحبيب ايمن دياب


ياسر العيلفون .......

Quote: حبيبنا عباس الدسيس رمضان مبارك عليك وعلى الاسرة الكريمه وتصوم وتفطر على خير ان شاء الله ..... شايفك حايم بي عندنا يا خوي رمضان ده عايز تفتش ليك رخصة تفطر بيها ولا شنو هههههههههههههه .... غايتو في دكتور صاحبي عند الطلب بشوفو ليك .. خلينا نشوفك في افطار البورداب يا حبيب وجيب لي امن ده الكوارع معاك عشان ما يشيل حالنا ههههههههه . تحياتي ليك وللراجل الكلس الحبيب ايمن دياب ياسر العيلفون .......

الوجيه ياسر اخبارك
يا حبيبنا رخص البلد هنا فيها امتحانات اقولو ليك جرب كان تعبك تعال لينا راجع واحجز موعد لما تلقي رمضان انتهي وراء المساسكه
ود دياب عايز ليهو ام فتفت و ل كبدة حاشي بعد رمضان بتريحو
انشاءالله النيه في للحضور مالم اكابسوك ناس من بدري حتي الساعة خمسة بقدر اهرب
تحياتا ليك ولحبيبنا ايمن دياب

غايتو أنا اكعب من صاحبك الهندي ده
أي تدويرة ممكن تخليني افطر عدييييل

سلام عباس
كل عام وأنتم بألف خير

زولك ال جاك بالشكير المبلول فوق راسو ، جادّي ؟
وأهم شيء ، إنت لغاية وقت الفطور مشيت وين ؟

غايتو رمضان مرات بتحصل فيهو اشياء ما عندها تفسير
امس اليوم اجازة صحيت من النوم الساعة 5 مساءا المراة قامت قالت لي ما دام نايم خلي الولد معاك عشان اعمل الفطور من مناتلة الولد حسي كتفي مواجعاني ما عارفه اقدر اعملو ولا اعمل شنو!!!!
بدون ما اشعر والكلام جاني من وين ما عارف قلت ليها انا ما عايز كلام كثير ولا عايز فطورك فطري اولادك خليت الجوال في البيت عشان ما اتصلو علي ولبست الجلابية وطلعت من البيت ركبت العربية ما عارف امشي وين
المهم مشيت لي جماعة بتاعين بطيخ وقعدته اعزل في البتيخ لقيت لي هندي صاحبي قعدته اتونس معاهو بعد شويه عايز اهبش ليك المحفظه عشان ادفع قروش البتيخه راسي ضرب نسيت المحفظه في البيت الهندي دفع لي قوش البتيخه.
شلته البتيخه وباقي للفطور حوالي خمسة دقائق رجعت البيت لقيت الصفره جاهزة بالفطور عملت بقطع في البتيخه سمعت البت ولاء يتكلم في امها قالت ليها انا ما قلته ليك بابا دا بتاع حركات بجي راجع.
سمعت الكلام دخل الوسواس قلبي قلت البت بتقصد انا كذاب وجاملتني بي كلمة بابا بتاع حركات لو ما الاذان اذن كان عملت لي حركه تانية.
كسرة
زمان كان زميلنا بالبنك من اولاد جبال النوبة لما إجي رمضان بروح ليهو الكلام لو بتونس معاك اقعد اقول (( إسو شنو إسو شنو إسو شنو إسو شنو )) بقصد إسمو شنو وقعد ادور فيها ما تفهم منو أي حاجة أها اتفارقنا خليتو هناك واحنا جينا الغربة
بعد كم سنة سألأت منو قالو قلب مسيحي والله العظيم

Quote: غايتو أنا اكعب من صاحبك الهندي ده أي تدويرة ممكن تخليني افطر عدييييل

حيدر سلام يا حبيبنا
انت قاعد علي الهبشة
اعتقد الزيك شمومه بقوم
لو علي الفطور هينة المصيبه ما تجر ليها حاجات تانية

Quote: سلام عباس كل عام وأنتم بألف خير زولك ال جاك بالشكير المبلول فوق راسو ، جادّي ؟ وأهم شيء ، إنت لغاية وقت الفطور مشيت وين ؟

سلام يا ريس اخبارك ورمضان كريم
انت عايز باقي القصة
اتعابط فيهو وقفت في الباب ادق لما سوقتو معاي البحر
قاعدين لي قريب المغرب
بس وصل لي بنتيجه قال لي خلي خوتنا تكون بعيده عن فطور رمضان عوازيم بيناتنا تاني مافي

ثالث يوم في رمضان وانا طالع الاسانسير جاري يمني بحب الهظار قلته الراجل ندورو ونتبايخ عليهو نشوف ردو شنو
طبعا اليمني شغال في سوق الله اكبر سمسمرة عربات ومما جميعو بعد دا عندو لموزين وسخانة السعودية في رمضان معروفة.
قلت ليهو يا حليو رمضان مضت ثلاثة ايام حسي بكره نلقاهو فات.
الراجل كان عطشان اخد ليهو فترة ما فتح خشمو بعد شويه قال لي بالله جاء واحنا ما عارفينو !!!!!!
قلته نزيد الجرعه...
قلته ليهو ياخ رمضان زي حلاوة قطن تختها في خشمك تلقاها مافي !!!
قال لي انت زي حلاوة علكه ((لبانه)) قرب اقول لي انت علق

انا غايتو في رمضان بقطع كهربة وموية . من تصبح لامن افطر
ما بقول كلمتين .. سلام ما دايرو . ام العيال عارفة كدة . وموصيه
الاولاد زول ينضم معاي مافي اي كلام
اها مرة قاعد في الدكان نصة نهار والسوق صاني .. وعندي كرسي وهيط .. دومست وغمضت
يصحيني ليك زول
هوي ما تنوم وتنوم السوق معاك
استعديتو من قولت تيت
نعم بي زهج
داير شنو
مد لي خمسة جنية
دايرا فكة
دون اشعر
افك د....
حولاااا
الزول قال لي منخلع
يا زول اتا ما صايم
قلت ليهو
د.... ك و د... رمضان زاتو
بقا عاقل
دق الخلف واتخارج
اها في رمضان لا بدور كلام ولا ونسة ولا سلام زاتو مع زول

الشريف ود الدسيس
رمضان كريم
الله اديك العافيه

Quote: قال لي انت زي حلاوة علكه ((لبانه)) قرب اقول لي انت علق

Quote: انا غايتو في رمضان بقطع كهربة وموية . من تصبح لامن افطر ما بقول كلمتين .. سلام ما دايرو . ام العيال عارفة كدة . وموصيه الاولاد زول ينضم معاي مافي اي كلام اها مرة قاعد في الدكان نصة نهار والسوق صاني .. وعندي كرسي وهيط .. دومست وغمضت يصحيني ليك زول هوي ما تنوم وتنوم السوق معاك استعديتو من قولت تيت نعم بي زهج داير شنو مد لي خمسة جنية دايرا فكة دون اشعر افك د.... حولاااا الزول قال لي منخلع يا زول اتا ما صايم قلت ليهو د.... ك و د... رمضان زاتو بقا عاقل دق الخلف واتخارج اها في رمضان لا بدور كلام ولا ونسة ولا سلام زاتو مع زول

ود ابوسن سلام وتحية رمضان كريم
ذكرتني زمان عندنا صاحب دكان في رمضان بنوم في البرنده بتاعتو والارض ملانه رمله وفاكي فيها الخرطوش
لو جيت تشتري حاجة بسألك بكم لو المبلغ كبير بقوم بديك لو المبلغ صغير بقول ليك اقعد هناك في العتبه بعد اجي رفيقا ليك ونبايعكم سوا

Quote: الشريف ود الدسيس رمضان كريم الله اديك العافيه

أووووووووووو الزعيم الرجل الكلس الزبير الختمي
مشتاقين والله
ورمضان كريم
مع خالص تقديري

Quote: لو جيت تشتري حاجة بسألك بكم لو المبلغ كبير بقوم بديك لو المبلغ صغير بقول ليك اقعد هناك في العتبه بعد اجي رفيقا ليك ونبايعكم سوا

دي اوسكار عديييييييييييييييييييييييييييييل

حليل زمن المهلة

بس انا عندي واحدة اقوى من دي
كنا ضغار وكان في مجنون في الحلة
يوم لقيتو في دكان بعيد وسيد الدكان من ناس الجزيرة
وشايل تعريفة
قال عايز حلاوة اشراقة
سيد الدكان ما فهمو
المهم دخلت وسيط وترجمت لبتاع الدكان
شال التعريفة واده الحلاوة
انا هنا اتورطت ورطة كبيرة جدا
لانو المجنون قال لي عايز الباقي

Quote: نادر النور آدم

سلام يا حبيبنا
رمضان كريم
سعيدين بطلتك وابتسامتك الرمضانية
بس انشاءالله تكون شغال بيها لي مواعيد الفطور
مع تحياتي وتقديري

Quote: انا هنا اتورطت ورطة كبيرة جدا لانو المجنون قال لي عايز الباقي

دكتور محمد الحسن سلام يا حبيبنا
رمضان كريم
مبااااااااااااالغه حلوة وملعوبه واحلي من الاولي ههههههههههههه
تحياتي وتقدير

Ali Aburas
يا ريكس،
شوف يا زول أنحنا رحلنا جمب نادي الجزيرة. عازمنك فطور رمضان
أكرر فطور رمضان. فبالله ما عايزين إحراج أوعك تفاجئنا وتجينا بدري بحرش ليك كلب الجيران.
شوف ليك ضل شجرة زونية يقيك شر السخانة أو أقع البحر لحدي ما تجي مواعيد الإفطار وبعد داك تعال. بس ما تجينا أغبش.




Nizar Mubarak Ahmed ·
Translator في MOI UAE
عباس الدسيس والله ونستك طاعمة وجميلة وتخليك كأنك عايش في المشهد نفسو.....رمضان كريم عليك

شكرا يا شباب كل عام وانتم بخير