عماد عبدالله, وسيم الكتابة الغميسُ المغموس بالدهشة !!!

06:28 AM June, 04 2016 سودانيز اون لاين
محمد حيدر المشرف-دولة قطر
مكتبتى
رابط مختصر



قيل من أكتب اهل الإسفير ؟!..
قال عماد عبدالله إذا ما قام للكتابة القاطعه من راسو المدوقس داك, وكررها ثلاث.

"صحيح ومعافى " ..

لا شيء كما الدهشة ليستفز فينا ذائقة القراءة ويدفعنا دفعا لحوحاً لمعانقة الصفحة التالية وحتي آخر قطرة من عصير الكتابة الطازج, يقدم باردأ او حارقاً او كيفما تريد من طقوس الإستقراء..

كيف يكتب هذا الزول المدهش؟! ..
من أين لك هذا المعين المترع بالمدهشات الكثيرة التي لا تفتأ تفاجئك عند كل ناصية سطر او زقاق تشكيلي أو حروفي وسيم.. ؟! الديم ولا الشارع ولا البيت ولا الجامعة... إمكن الاسفير !! .. لا حولااااا, استغفرتك يا مالك الروح والقلم وما يسطرون ..؟!

هو السودان دونما شكٍ او شق أو طق .. الحقبنجية ناس ابوصلاح, والكورنجية ناس جكسا, والمغنواتية من لدن عثمان حسين لييي محمود عبدالعزيز ... صعاليك الكلام, أنبياء الكلمة, وارباب الفكر, اهل الذوق والعرفان, الدروايش, المُداح, الكماسرة اللديحين, الاخ المواطن محمد احمد, ديامي حرييييف, سواق تكسي بالليل, زول نكته ومزاج وبتاع محن وتايب سابق كمن لا ذنب له إثر حجه لم يمهلها طويلا. سبحان ذلك الوطن الذي انزل عليهم اجمعين...

حكاياتٌ أشبه بزقاقٍ امدرماني حميم , يكاد يئن من العشق والفقر والتفاصيل الجميلة .. باطنه فيه الرحمة وظاهره من قبله المسغبة, شظف العيش,حوائط الطين والحنين , شباك الحبيبة اللبني وخشم بابهم الأخدر.. يااااا الله يا ابوالزوز ياخ .. وبييييتكم بي وين يا عينيا .. انعل ابو ما كده ظاتوووو !!

من اجمل من تابعت كتابتهم هنا
بعدين شنو رده جاهز في طرف خشمو
معك نسأل يا مشرف
اين هذا القلم الرشيق
الممتلئ بالطرفه وسرعة البديهة
ناس الديم كلهم حلوين
ديوم شرقية وديوم غربية

https://www.0zz0.com
ود المشرف شفتك شرفت الحفل وكادت الكاميرا ان تتشرف
بتصويرك بس للاسف ما لحقتك
تحياتي

Quote: حكاياتٌ أشبه بزقاقٍ امدرماني حميم , يكاد يئن من العشق والفقر والتفاصيل الجميلة .. باطنه فيه الرحمة وظاهره من قبله المسغبة, شظف العيش,حوائط الطين والحنين , شباك الحبيبة اللبني وخشم بابهم الأخدر.. يااااا الله يا ابوالزوز ياخ .. وبييييتكم بي وين يا عينيا .. انعل ابو ما كده ظاتوووو !!

ياسلام عليك يامشرف احب امدرمان يااخ وازقتهااااااااا
عماد دة نوع اخر من البشر له نظرة ساحرة للامور الحياتية
ولغته عالية وجد ا رفيعة

مكرر

باسط يا باسط ..
كيفك وكيف كيفك يا صديقي ..

Quote: عماد دة نوع اخر من البشر له نظرة ساحرة للامور الحياتية ولغته عالية وجد ا رفيعة

سآتيك مما كتبته ميسون النجومي بخبر ..

شايف اخونا في هذا الاحتفاء الغميس "بالحكايات الغميسة والمدعو بودالبشرى لعب معانا ضاغط في مسالة أمدرمان دي

الشبلي يا فنان ..
التحيات السوامق ..
رضينا من الاياب بالغنيمة يا عزيزي .. وأعني الكتاب (الحكايات الغميسه) في عضمو الجميل ..

فاجأني الهاتف بضرورة العودة للمنزل ولم أكمل بعد مقدمة محمد الربيع السمينة تلك ..

كويس انو الزول شافك ياخ .. وياريت نتلاقى في رمضان ..

جمال ود القوز ..

ويا سلاااام ياخي من كتاب عماد عبدالله الحكايات الغميسه ..
ياخي ده زول فنان فن اصلو ما معقول !!


أسمعني وبالجنبة كده يا صاحبي ..
في بوست آدم صيام .. منو الاثقل علينا القول ؟!!
الشمار كاتل ليهو زول بي هنا

يااااا دي امدرمان الطلّعتوا بيها عينا دي ياخ
وعايزين كسر رقبة تجيّروا التاريخ لصالحها و تحتكروا بيها اي حاجة أصلية
الديم .. إنّه الديم يا قريبك. نقطة

ثم ... راقية حركة اختيار لون عماد المفضّل

أمبارح طاف طائف فكرة ما كويسة بخاطري
قالت أنه يا شاب (مشيها عليك الله) لا حل مع عماد عبد الله إلا بالضبح على الطريقة الداعشية
ذلك أنه ممن أسهم إسهاماً عجيباً في أرواحنا بأشياء لا قبل للأعداد بأن تشكمها ولا للمزاج بأن يحصرها
ولا للأيادي أن تقلها قلا من أرضها بين بساتين القلب

ودي طبعاً بتكون من جنس جزاء سنمار موش


عماد الخليط العجيب من الجن والإنس، أنه رجل روح في كل شيء، وحراق روح برضك بالمناسبة ههههههههه، يناولك أبعد ما يمكن بأسهل ما يكون
وينصرف إلى شئونه الكثيرة دون التفات إلى ما فعله من فعلة جمالية باذخة بنفسك


.........................
............................................
......................................................................................
................
عماد يا اخ

Quote: (مشيها عليك الله)

لا لا ما بنمشيها يا بله ..
نمشيها كيفن عاد ؟!!
انت عاوزين تاكلو كم خريف يعني ؟!!
قال شاب قال !!

هههههه ..

ياخي عماد ده زول مستبهل كيف ؟!
وفيهو شيء يحير, يغير اتجاه الزول والمزاج !!

معليش انت الكبير يا بله ..
ما تضبحو لاكن .. فهمو غلطو بس :)

وأمدرمان التي عشقي بيدها يا ودالبشرى يا صديقي ..
ليس هناك أدنى شبهة تجيير لعماد عبدالله والحكايات الغميسة لمصلحة أمدرمان ..

أنا أقرأ هذه الحكايات هكذا ..
وقد يتشبث صاحبي عبدالله الضو -على سبيل المثال- بكردفانيته العريقة في قراءة حكايات عماد عبدالله ويحيلها لحي القبه تحديدا .. هذا الم يحيلها لصالح حبيبة بعينها .. المافي شنو ؟!!


ليس هناك اي تجيير لصالح أمدرمان عدا حيثياتي الشخصية جدا في القراءة يا عزيزي ..

عندما يكتب ود المشرف تفرح الكلمات
برغم حضورى
فقد استمتعت بهذا البوح

Quote: أنا أقرأ هذه الحكايات هكذا .. وقد يتشبث صاحبي عبدالله الضو -على سبيل المثال- بكردفانيته العريقة في قراءة حكايات عماد عبدالله ويحيلها لحي القبه تحديدا .. هذا الم يحيلها لصالح حبيبة بعينها .. المافي شنو ؟!! ليس هناك اي تجيير لصالح أمدرمان عدا حيثياتي الشخصية جدا في القراءة يا عزيزي ..

هيييييييع
منطقتني لا من أنا اتكيّفت زاتو
لكن برضو اولاد قلبها فاكّنها في روحكم زيادة حبة كدا :)

المشرف وصحبه سلام .. ورمضان مبارك عليكم

عماد لايكتب بقلمه .. إنما يكتب باحساسه .. ويصب في المفردة دمه وعرقه
مستصحباً في ذلك النظرة الثاقبة للحياة .. التجربة العميقة في فن التعامل مع (الحاجات)
والالتقاط الذكي للفكرة .. اللون والرائحة
وكمثال : هذا ردّه لمحمد المرتضى حامد في (ليه يا Emad Abdullah) في وقت ما

Quote: أمانةً في زمتك دي , إنت ما فترت من العاك عييك و الثقافة و الحصافة و السخافة و القيافة و الرهافة و الهيافة و الهتافة و كترة القُفافة التي يعتلها العالمين في هذا البلد حاصل فاضي ؟؟ بقيت كاين كييف - ما كييف المدينة - .. بتكيف قدام التلفزيون في النشرة الجوية بتاعت العربية .. بيجيبوا ليك عدد من مدن العالم و live عينك عينك .. و لثواني بس . أي و الله , تشوف في التو و اللحظة : زيورخ / دسلدورف / بوسطن / مراكش / بومباي / بروكسل / آسبن .. و و و و .. سبحانك يا رب .. ياخي اتاريها الدنيا بره ماشة كويس شديد مدن في الليل و مدن في النهار و ناس و انوار و غيوم و مطر و سحاب و خضره و جبال و مباني و شوارع و مصايف و مهرجانات و رسم و مزيكة و و و . ياااااااااا جماعة .. !! نحنا بس من دون خلايق الله في هذا الكون الحدادي ده الـ ( خِـريـنا ) في الجامع .. وللا كيف ؟!! طيب و بعدين ؟ .. اي شي ضد الناس السودانيين ؟؟ .. ليه ياخ ؟؟ بداية من الطقس و الجو .. و الحكومة و المعارضة و الليل و النهار .. كلو علينا واحد ؟؟ نحنا أمنياتنا صعبة قدر ده لامن الدنيا و التصاريف و غيرهم يلاوونا فيها كده ؟؟ ..

كن بخير

تحياتي محمد حيدر

والتحية للأخ النحرير عماد عبدالله

***

كيف يكتب هذا الزول المدهش؟! ..
أين مثل المعين المترع بالمدهشات الكثيرة التي لا تفتأ تفاجئك عند كل ناصية سطر او زقاق تشكيلي أو حروفي وسيم.. ؟!

***

في شوق لقراءة الكتاب

دمتم

البحر يا زول يا جميل ..

سعدت بلقاءك يا عزيزي .. والوعد نلتقي ... ساهاتف ودالزبير الليلة .. كن قريب ..

أبا جهينة ..
تحية طيبة يا عزيزي ..
سعدت بمرورك الجميل .. والكتاب يستحق الاقتناء والقراءة مثنى وثلاث ورباع ..

Quote: لكن برضو اولاد قلبها فاكّنها في روحكم زيادة حبة كدا :)

حراق روح ليس الا يا باشمهندس ..
هو امدرمان ذاتها فضل فوقها شنو ؟!
ياهو االهلال والمريخ والاذاعة والتلفزيون وقبة الامام وبيت الخليفة والاحفاد والبلك بالمسا والاهلية وشارع المدارس امدرمان والريفيرا و .. عيييييييييك يا عملات بشاشا ..

الحمدلله على نعمة الاسلام آ زول !!

ابوعاقلة يا صاحب ..
كيفك وكيف كيفك آ زول ؟

هو كما وصفته تماما ..
وجتما مررت على هذا البوست .. كلا انها لتذكرة .. تذكرة سينما عديل كده .. خش بي يدك اليمين

أنثى بتوب .. انه الصيف .. آمنت بالله

وانهالت علي التلفونات من اصقاع الدنيا طلبا للكتاب .. حتى انو الواحد فكر يسمسر في الموضوع ..

اها الدبارة كيف ؟!

عموما ساحاول الاتصال بي عماد .. وماااا بنختلف !!

نرفع البوست بغرض كتابة لاحت لي وانا أقرأ في احدى "قسس" عماد عبدالله الغميسة ..
ساكتبها رغما عن انف تلك الريشة التي وضعها مصطفى مدثر فوق رأسي والتي اتحسسها كلما هممت بالكتابة الماعندنا ليها رقبة ثقافية من اي نوع ..

نعم اتهمني مصطفى مدثر بما اسماه الاعجابية الفائقة او شيء من هذا القبيل .. ويعني, كا اعتقد, تضخم إحساسي "من الاحساس والاحاسيس يعني" .. عافانا الله واياكم.

نعم سأكتب ما لاح لي كتابته من اعجابية فائقة وتداعيات متضخمة اثر قصة وسيمة من قسس عماد عبدالله !! وما شق الله حنكا ضيعو .. اليس كذلك؟!!

وبعدين ومهما كتبت من (اعجابية فائقة) يعني حافوت منو ؟!
ماهندا صاحبي الناظر هشام هباني اطلق على صلاح جادات لقب كاسح الكيزان .. اها الحصل ليهو شنو يعني !!

تتناضح في مواعين الحكايات الغميسه شخصيات "الديامه" المدهشة .. "اذهلني" عماد عبدالله بدقة تصويره لهذه الشخصيات", وكأنها تكاد تخرج من بين دفتي الكتاب لتجالسك هونا ما او صخبا ما, تضاحكك وتؤانسك بمتعة نادرة .. ثم وأنها شخصيات قريبة الشبه والملامح لشخصيات عددا في البال القديم عدا خصيصتان, الديم وريشة عماد..

فها هي حبوبة الزلال تباغتك بذكريات غامضة حول حبوبتك عشه بت بخيته, وها هو مامون التبيعه يحيلك لصالح تبيعه أخرى في حواري طفولتك البعيدة, يقفز لبالك المهل سيد اللبن وعبدو العجلاتي وعثمان الضب ونينه ومِطِي وهلم القاب لا اول لها ولا آخر كانت قد تسربت من غربال الذاكرة ال مُبوش .. اييييه زمن !!

حبوبه الزلال وحكاياتها ..

لم اقرأ من قبل وعلى الاطلاق هذا الاحساس العميق بالانتماء والفرادة المزاجية والانسانية كما أحسستها وأنا أقرأ حبوبه الزلال وحكاياتها .. عشرات المقالات حول الهوية وعدد من الكتب والنظريات الاجتماعية ولا شيء منها يعدل تلك الحكايات التي ترويها تلك السيدة بتلقائية وحميمة فائقة لحفيدها ذاك الغميس وهي تغطغط ليهو كريعاتو من شتاء صارم ذات ديم .. وتفاجئه بالسؤال المباغت بين الفينه والأخرى: عماد نُمت ؟!!

يا الله يا الله !!

أهم شيء يا مشرف، في الدنيا دي، إنك تقدر تمتع نفسك بالدهشة
يا أخوي، البتسوي فوقو دا دليل حياة
ما تعاين للناس الماشا في الشوارع دي، قليل منهم الحي!

وهذا ما عنيته بالالتقاط الذكي للفكرة .. اللون .. الرائحة

Quote: لم يكن " كعبا " قاتلني الله .. أشهد انه كان " سمحاً " حين تمشي .. سمحاُ حين تخلف رجلها .. سمحاً حين تجدعه تحت الطاولة بإهمال .. كل أمره سمِح .. و نضيفاً و مُتمراً و لونه كلسان الأطفال ..

ثم

Quote: صباح الخير .. - قالت - سكتنا , طلعت من توبها و هي بتعبرنا حاجة كده عدمتنا النفس .. ما تعرفا عطر , همسة , سكين , لبعة .. كاس طويل .. الله أعلم .

يا ودالمشرف تزدهي أيامك ياخ .. بركة رمضان الشريف
أمّا صديقك المغموس دا يوم بكتل ليه رهيف

مودتي

انعل ابو الحكمة ظاتووو ياخ ..

Quote: ما تعاين للناس الماشا في الشوارع دي، قليل منهم الحي!

يا سلااام يا مستنير .. النورو علمن والله .. حكمه والله وحكايه تذهل اذهان العباد

يا صديقي كلنا حياة ..
وما زلنا نندهش بالمدهشات الصغيرة هنا وهناك .. ما زلنا قيد الاندهاش !!

مودتي

Quote: يا ودالمشرف تزدهي أيامك ياخ .. بركة رمضان الشريف

يا سلاااام على الدعوات السمحات سماحة التي بني عينيها يمر خط الاستواء .. مع احتمال تساقط الامطار

ابوعاقله ياخ هذا العماد زول حكااااء جنس حكايات !!

تحياتي دكتور المشرف.
اسعف اشواق القراءة لدينا بالقليل من النماذج لتوسع عيوننا الدهشات طربًا بما جاء في غميس الحكايا المنسابة من قلم الاستاذ عماد عبد الله .
بانتظار نماذج ريّا بحروف الاستاذ عماد لأقرأ فيها بعض ملامح الوطن الجريح ، اعرف أنّك تراعي للطباعة و النشر حقوقها و لكن انموذجًا واحدًا سوف لن ينتقص من تلك الحقوق ، هذا إن لم يكن دعاية مجّانية لها قد تدفع الكثيرين للشراء انفعالًا او تأثّرًا بما كتبت .

لك التحايا يا صديقي و دون تردد أجدني مثل الفراشات علي بوستاتك يجذبها الرحيق .

الزول الفاهم والكتًاااب وليد و المعروف نواحي المنبر بوليد زمبركس ..
كيفنك آ زول واريتك طيب ..

اكثر من قصة من قسس ومحن عماد عبدالله تجدها منثورة في هذا الفضاء ...
خذ يا صديقي هذا الرابط بقوة ..

مكتبة عماد عبدالله

زمان قلت ليكم اقروا عماد بيكتب عنكم


ثم ازيكم ياخ

والله يا طارق جبريل انت ذاااتك ما هين ..
ولو شوية شويتين كده اتلحلحت لاتحفت جمهورك العريض بقصص ومحن لا اول لها ولا آخر .. وتحت شعار وهذا لسان شايقي حنين

سلام د. مشرف
زو لك تشتهي الكتابة عندو . زول يسوق
مره بي الد قد آق و مرات بي الدرب التحت . يرسم زي ما داير
الف شكر

Quote: أسمعني وبالجنبة كده يا صاحبي .. في بوست آدم صيام .. منو الاثقل علينا القول ؟!! الشمار كاتل ليهو زول بي هنات

حبيبنا يا مشرف رمضانكم مبارك
اعذرني اتاخرت في الرد عليك
بالنسبة للشمار
نحن ردينا حينها والامر كان ملاحظة
او تعقيب بسيط خشينا ان يفهم بغير المامول
فتم مسحه هذا كل مافي الامر
ربما خانني التعبير وقلت تم اثقال القول
بعدين نحن قاعدين
ولن نفوت احقاق حق او ازهاق ياطل
فما تشيل في خاطرك او تكدر نفسك
وخت في بطنك بطيخه صيفي

ههههههه ..
بس عرفت ليهو يا عثمان ..
ياهو ذاتو والله ..

Quote: زو لك تشتهي الكتابة عندو . زول يسوق مره بي الد قد آق و مرات بي الدرب التحت . يرسم زي ما داير

مودتي ياخي