Post: #1
Title: الكسكسة والكشكشة والعنعنة والطمطمة والتلتلة والشنشنة والوهم باللغة العربية
Author: حمد عبد الغفار عمر
Date: 05-31-2016, 07:19 AM
Parent: #0
07:19 AM May, 31 2016 سودانيز اون لاين
حمد عبد الغفار عمر-
مكتبتى
رابط مختصر منقول
من أجل إدخال الطرافة.. وبنفس الوقت التعريف ببعض لهجات اللغة العربية؟!
الفوارق اللغوية التي نجدها بين لهجات ( العرب) في الجزيرة العربية في الماضي والحاضر .
لهجات القبائل في جزيرة العرب وحولها :
يذكر الأستاذ احمد تيمور باشا في كتابه لهجات العرب عشرون لهجة شرح منها ثماني عشرة لهجة هي الاتية ( بايجاز):
1 - القطعة - أي قطع الكلام , وهومشهور في بلاد اليمن كان يقال ( يا ابا الحكا ) ويراد بها ( الحكم ). اويقال ( مكا) ويراد بها ( مكان).
2 - العجعجة - وهي إبدال الجيم مكان الياء مثل ( راعج ) بدلا من ( راعي ).
3 - العنعنة - أي إبدال العين بهمزة - عن ستصيرها ( ان ستصيرها).
4 - الكشكشة - إبدال الكاف شينا - فعيناش عيناها وجيدش ( جيدها ).
5 - الكسكسة - وهي إبدال الكاف سينا اواضافة سين في اخر الكلام - سالت عنكس ( اي عنك ). مررت بكس ( بك)
(مررت بتس).
6 - التلتلة - وهي كسر أول حرف المضارع - تفعلون (بكسر التاء).
7 - الطمطمة - وهي إبدال اللام ميما ( ليس من ام بر ) يراد ( ليس من البر).
8 - الوكم - كسر الكاف المسبوقة بياء - مثل ( السلام عليكِم - بكسر الكاف).
9- الوهم - كسر الهاء في الكلمة - منهِم عنهِم - كما يقول أهل جنوب الشام .
10 - الاستنطاء - وهي جعل العين الساكنة نونا - مثل انطي بدلا من ( اعطي).
11 - الوتم - قلب السين تاء - ( النات ) بدلا من ( الناس ).
12- الشنشنة - وهي جعل الكاف شينا مطلقة - ( لبيش ) يراد بها ( لبيك).
13 - اللخلخانية - العجمة واللكنة في المنطق- اي العجز عن ارداف الكلام بعضه ببعض كما يقال : ( مشا الله ) ويقصد بها ( ما شاء الله كان ).
14- العجرفية - وهي التقعر والجفاء في الكلام.
15- التضجع - وهوامالة الحرف الى الكسر.
16- الفشفشة - وقال انها لغة تغلب.
17- الغمغمة - أي لا يفهم تقطيع حروفها.
18- الفراتية - وهي لغة أهل نهر بالكوفة.
19 - الفحفحة - وهي جعل العين حاء.
20 - لغة طيء - وهي قلب الألف ياء ( مثل توراة - تقال – تورية ).
كل هذه اللهجات التي اوردناها تعتبر من لهجات العرب
|
Post: #2
Title: Re: الكسكسة والكشكشة والعنعنة والطمطمة والتل
Author: حمد عبد الغفار عمر
Date: 05-31-2016, 07:28 AM
Parent: #1
يعني راندوك من العصر الجاهلي
|
Post: #3
Title: Re: الكسكسة والكشكشة والعنعنة والطمطمة والتل
Author: معاوية المدير
Date: 05-31-2016, 07:47 AM
Parent: #2
لذلك يا حمد توجد اكثر من اربعين
قرأة للقرآن الكريم ...
|
Post: #4
Title: Re: الكسكسة والكشكشة والعنعنة والطمطمة والتل
Author: almulaomar
Date: 05-31-2016, 08:42 AM
Parent: #2
الأخ/ حمد عبد الغفار عمر
أولاً أضحك الله سنك
تالياً برضو بتشتري الفول من وين
وأخيراً غايتو قرررربت تبالغ زي ما قالت حاجه عيشه مع إنك أصلاً بالغت وفوق هذا وذاك جايب ليك كلمات أقرب ما تكون للغلوتية ، يا أخي لمن وصلت الكلمة التالته في العنوان بس نفسي قام مع إنها كانت قراءة صامته.
وفعلاً هي لهجة رندوك كما أشرت ، يا أخي قل لي بربك العرب ديل في داعي للولوة بتاعتهم دي ما كان معاهم عنترة وجرير وإمرؤ القيس ولبيد وجميعهم قالو أشعار قبل ألف وخمسمائة سنة ومازالت أشعارهم معروفة ومفهومة.
المهم قالو كمان في قلب اللام ميم في التعريف يعني بدل ال تبقي أم وفي الحتة دي لو عاوز أكتب الأم مدرسة أقول شنو يا أخي الناس ديل كان مقبول لو حشرونا في ذلك الخرم في حلمة أذن الصرصار أو دخلوا البعير في قد الإبرة لكين يقعدو يتلولو لينا كده بطيرو الشوتين العندنا دي.
شئ تاني يعني هسي أمدرمان دي كانت في المملكة الحميرية الدرمان ولا أم روابة كانت الروابة ولا أم مغد كانت المغد وأم كدادة كانت الكدادة يا أخي دا كلام بخليني محتاج لفصول محو أمية مع دروس خصوصية كمان.
شكراً على هذه السياحة الجميلة ، وعرفت برضو إنو كمان ما في حاجه إسمها لهجة سودانية أو مصرية أو خليجية أو يمنية بل يجب أن تنسب للمنطقة كأن نقول لهجة عدنية من عدن أو كردفانية من كردفان وهلم.
|
Post: #5
Title: Re: الكسكسة والكشكشة والعنعنة والطمطمة والتل
Author: محمد البشرى الخضر
Date: 05-31-2016, 10:08 AM
Parent: #4
| Quote: - العجرفية - وهي التقعر والجفاء في الكلام. |
دي رااااقدة عندنا ومرتبطة بكيف تبدو مثقفا :)
سلامات يا حمدنا
|
Post: #6
Title: Re: الكسكسة والكشكشة والعنعنة والطمطمة والتل
Author: معاوية المدير
Date: 05-31-2016, 10:20 AM
Parent: #5
Quote: شئ تاني يعني هسي أمدرمان دي كانت في المملكة الحميرية
الدرمان ولا أم روابة كانت الروابة ولا أم مغد كانت المغد وأم كدادة كانت الكدادة |
ما ألقى لي عندكم صِرفة لأُم كلتوم ؟...
|
Post: #7
Title: Re: الكسكسة والكشكشة والعنعنة والطمطمة والتل
Author: almulaomar
Date: 05-31-2016, 11:58 AM
Parent: #6
يا ود المدير عقدتها يا أخي
حمد عبد الغفار عمر جاتك تاره
|
Post: #8
Title: Re: الكسكسة والكشكشة والعنعنة والطمطمة والتل
Author: حمد عبد الغفار عمر
Date: 05-31-2016, 12:10 PM
Parent: #7
Quote: لذلك يا حمد توجد اكثر من اربعين
قرأة للقرآن الكريم .. |
كيفك يا معاوية
القراءات تعتمد على طريقة الترتيل ول على الكتابة
لو بالكتابة حتكون مشكلة مع ناس أبو يمن البقولولا للمكان (المكا)
كدا ربع القرآن دا حنلقاه مافي
|
Post: #9
Title: Re: الكسكسة والكشكشة والعنعنة والطمطمة والتل
Author: حمد عبد الغفار عمر
Date: 05-31-2016, 06:04 PM
Parent: #8
امملا عمر 
مرحبا
Quote: لمهم قالو كمان في قلب اللام ميم في التعريف يعني بدل ال تبقي أم وفي الحتة دي لو عاوز أكتب الأم مدرسة أقول شنو يا أخي الناس ديل كان مقبول لو حشرونا في ذلك الخرم في حلمة أذن الصرصار أو دخلوا البعير في قد الإبرة لكين يقعدو يتلولو لينا كده بطيرو الشوتين العندنا دي.
شئ تاني يعني هسي أمدرمان دي كانت في المملكة الحميرية الدرمان ولا أم روابة كانت الروابة ولا أم مغد كانت المغد وأم كدادة كانت الكدادة يا أخي دا كلام بخليني محتاج لفصول محو أمية مع دروس خصوصية كمان. |
هي عشان كدا وصلتنا واقعة وفترانة ونحن ما قصرنا لخيناها ليك لخة الجن
شوف جنس تاكي الباب وأرحكاكا وعندي جضمارة
وبعد داك قمنا عملنا ليهم راندوكنا زي عملات ، سدني مرمر والسهود نوار وبندي شرشور
شغل معلمين كبار
|
Post: #10
Title: Re: الكسكسة والكشكشة والعنعنة والطمطمة والتل
Author: حمد عبد الغفار عمر
Date: 05-31-2016, 08:42 PM
Parent: #9
أبو حتوت كيفك
| Quote: دي رااااقدة عندنا ومرتبطة بكيف تبدو مثقفا |
دائما بتكوس السمينة
كيف تبدو مثقفا دي قاعدة تتعب ناس تعب شديد والمصيبة الواحد عايز يكون مثقف ويكون جاهل تماما بمستحقات أن يكون مثقفا
المهم لقب والسلام ويغرق في شبر غلاط
|
Post: #11
Title: Re: الكسكسة والكشكشة والعنعنة والطمطمة والتل
Author: حمد عبد الغفار عمر
Date: 05-31-2016, 08:47 PM
المدير
| Quote: ما ألقى لي عندكم صِرفة لأُم كلتوم ؟... |
أم كلتوم غيرناها لست اللبن قصرنا معاك
تعرف هنا بدلعو النسوان بحرف السين بدل الكاف
مثلا يقول ليها الله يسلمس أو يسلمج بدل يسلمك ومعاها حنية صوت
|
Post: #12
Title: Re: الكسكسة والكشكشة والعنعنة والطمطمة والتل
Author: الأمين عبد الرحمن عيسى
Date: 06-01-2016, 09:40 PM
Parent: #11
الأخ حمد عبدالغفار ، لك التحايا.. الموضوع شيق جدا و معاني جديدة عرفناها اليوم فلك الشكر..
غير أن تركيبة الكلمات المكونة من حرفين مكررين قادني إلى كثير من المعاني السودانية المحلية والعربية فتذكرت كل من
المعمعة، السكسكة، البطبطة ، الكبكبة، اللكلكة ، الورورة،
النحنحة، الطبطبة ، المطمطة و اللخلخة، واللحلحة برضو..
ثم الطشطشة ، والبلبلة، و الفلفلة، والململة ، والنقنقة ، و النسنسة
وأظن في أخريات كثر...
تحياتي
|
Post: #13
Title: Re: الكسكسة والكشكشة والعنعنة والطمطمة والتل
Author: حمد عبد الغفار عمر
Date: 06-02-2016, 04:33 AM
Parent: #12
مرحب الأمين عبد الرحمن
Quote: المعمعة، السكسكة، البطبطة ، الكبكبة، اللكلكة ، الورورة،
النحنحة، الطبطبة ، المطمطة و اللخلخة، واللحلحة برضو..
ثم الطشطشة ، والبلبلة، و الفلفلة، والململة ، والنقنقة ، و النسنسة |
كتيرة والسودانيين مبدعين
والسنسنة برضو
مرة يمني قال لي اللغة العربية طلعت سليمة من جزيرة العرب في الشام اتحرفت وفي مصر اتبهدلت وفي السودان إندمرت
ونحن هنا اشتقيناها لوصف الحالة
|
|