ذكريات كوبي بام در سنة سبعين

03:11 PM May, 30 2016

سودانيز اون لاين
أبوبكر عباس-الإمارات
مكتبتى
رابط مختصر

كتاب من 23 صفحة:
في الصفحة طلتاشر بحكي عن حوار بينو وبين أم درماني عشريني من أولاد أبروف (خالد).
خالد بحكي للكوبي عن العادات والتقاليد الامدرمانية قال للكوبي:
بنات فريقنا ديل زي اخواتنا، ما بنلمسن وما بنخلي زول من فريق تاني يجي يضهب هنا
الكوبي: ليش ما تلمسوهن؟ بسوّن شنو؟ وإتوا بتسوّا شنو؟
خالد: نحن بنمشي الشهدا، لكن هن بنحافظ عليهن سليمات لحدي ما يتزوجن
الكوبي: نحن غايتو لو أداءك كان ضعيف مع فريقكم او الفريق الجنبكم، خبرك بنتشر، وصعب تجي ماري جنب عمدان النور أو جنب اللساتك؛
بتجمجرن عليك!!
لكن قول لي يا خالد، إتوا دايرين تحافظوا عليهن سليمات في شان شنو؟
خالد: إتّا كوبي خول؟؟


قد أعود لصفحة طسعتاشر

ههههههههههه
كوبي دا من وين؟

فكّر مرّتين قبل الإجابة, وإلاّ عكاكيز التنميط و العنصرية ما ح تديك الدرب :)

يعني سنة سبعين وكوبي يا ود البشرى، ح يكون من وين؟
زملاء جوا من كوبا لموازرة الزملا

احسن حاجه في بوستات ابوبكر عباس ده انو الواحد يتداخل معاهو من دغشا بدري وما يخلي الواطه تسخن .. لاكين نعمل شنو مع ناس وداللشرى ديل ..

خالد ده انا مشبهو والله ..
كان عشريني سنة كم ؟!!

يا مشرف، بوستاتي دي ما بكون عارف ليها خطة وبقعد أتخيل المسارات والإحتمالات.

زمان عندي شقيقي كان بلعب في اهلي مدني وأنا حياتي أهلي مدني
يوم المباراة -الزمن داك ما في معسكرات- أفكر في انو أتدخل في مسار يومو بشكل مقصود، وأفكر أقول لو كوركت ليهو يجيني برة البيت ويرجع، ممكن تأثر في مسار الكورة بالليل لصالح فوز الأهلي.

الفكرة القالها الكوبي في صفحة سطاشر:
الغريبة أنا وخالد الإتنين مفتكرين وعن قناعة انو نحن بنعمل في حاجة ممتازة تجاه بنات فريقنا
في نهاية الصفحة مرسوم زول بنقد في الحصا بعصاتو!!

صدّق ما وقريتها كوبي كجنسية افتكرتوا لقب واحد من ابطال قصصك وكدا
جات سليمة, كوبا ما عندها وجيع يليّس ليك

Quote: زمان عندي شقيقي كان بلعب في اهلي مدني

حيا الله عبشين والنملة وحريقة كمان
عبشين كان عنده ايمان بعبقريتى فى الكورة اكتشف انى ما زى الناس الكانوا بشلتو ساى فى الدافورى

عليك الله، يا أحمد التيجاني، موش وثقت ليكم الماضي؟
إتّا وحمد حماد، وبيت الجرارة، ولعبكم للسيجة إتّا وحمد في ضل النيمة بتاعت الجرارة، وبيت الضناقلة، هنّة ونقزو

زمان الجكس كان في القلعة
والمسالمة
والشهداء
لكن اوعى من بت الحلة 😁
كلوا ولا بت الحلة
غايتو كوبي دا باقي لي من بيت المال
وغادي

صدقت يا صادق،
مرّة يا صادق، بتونس مع واحدة قالت لي: حبوبتي بدور القلعة
قلت ليها: كدي نزلي الطرحة
قالت لي: ليش؟
قلت ليها: نشوف صحي الشعر بلقط القلوب؟

😁😁😁
قول ليها تقولي لي زول ماعندو حديدة



عبدالماجد مردس أحمد

كلمات الشاعر صالح عبدالسيد.. حدثني من أثق بروايته ، وهو من أم دمان القديمة عن المناسبة التى كتب فيها شاعرنا الكبير صالح عبدالسيد (أبو صلاح) .. هذه القصيدة التى تعتبر من معلقات الحقيبة التى أسست لفن الغناء السوداني المعاصر بل أخرجته من التقليد للحداثة ..خاصة بعد أن أدخل عليها زرياب الأغنية السودانية .. العملاق المسيقار محمد الأمين الآلات الموسيقية الحديثة. فكانت شامة وغرة فيما تغني به من أغانيات جميلة كماترى
فتلك الحسناء التى ألهمت شاعرنا هي من مدينة العلم والجمال (الدويم) .. كانت تحضر زواج أحدى قريباتها بحي القعلة العريق .. لمحها في هذه السهرة ذواق الجمال (أبو صلاح) ... طلب من الذي كان ينظم الحفل أن يرقص تلك الحسناء .. وبالفعل طلب منها ذلك وأسر لها بأن الشاعر أبوصلاح بين الحضور ويطلب ذلك .. وقالت له أين هو أبوصلاح ..عاوزه أشوفو وكان يصفه لها من بين ذلك الحضور الفخيم .. ولمارأته قالت له هو (ابوعيون دقاق دا) فحكي لأبوصلاح هذا التعليق فكتب تلك الكلمات الرائعة ولحنت وتغني بها في نفس الحفل ...رحمة الله على شعارنا صالح عبدالسيد ... وطول عمر فنان الأجيال .. البروف.. الدكتور.. الأستاذ .. الباشكاتب.. المرهف ودالأمين
السيوف ألحاظك تشهرا
للفؤاد المن بدرى انهرا
اخفى ريدتك مرة و اجهرا
نار غرامك ربك يقهرا
****
يا بدور القلعة و جوهرا
****
صيدة غيرك مين الجسرا
تستلم افكارنا و تأثرا
حال محاسنك مين الفسرا
يالثريا الفوق اهل الثرى
****
يا بدور القلعة و جوهرا
*****
الصدير اعطافك فترا
النهيد باع فينا و اشترى
الشعر اقدامك سترا
رقيصيبو قلوبنا البعترا
****
يا بدور القلعة و جوهرا
*****
عالى صدرك لى خصرك برى
فيه جوز رمان جلى البرا
الخطيبة و ردفك منبرا
*****
يا بدور القلعة و جوهرا
*****
جلسة يا ابو الحاج اتذكرا
و رنة الصفارة اتفكرا
وهبة بى مزيقتو اتحكرا
كم طرب افكارنا و اسكرا
*****
يا بدور القلعة و جوهرا
*****
العيون النوركن بجهرا
غير جمالكن مين السهرا
****
يا بدور القلعة و جوهرا

Quote: رقيصيبو قلوبنا البعترا

بالله، هي رقصيبو؟!
أنا كنت قايلها لقطيبو قلوبنا البعترا

بالمناسبة:
قبل يومين حضرت تسجيلات محمد الأمين بدبي لقناة الشروق برمضان
حضرت تسجيل عيال أبجويلي وودمدني
ود الامين دقيق دقة، ويعيد الكوبلي الواحد عشرة مرات،كل العازفين بسبوا ليهو بالدس

برضو بالمقلوب صاح
بت الحلة مهما تكون شفتة ما بتديك فرصة ولو جازفت بتفرج فيك خلق الله
يا بكري
نحن شعب يمارس العهر بي ادب

في صفحة طسعتاشر قال الكوبي:
يوم خالد عزمني الشهدا، جنب بيت أزهري سألتو: معاك كوندومس؟
كوندومس دي بقت لخالد أبعد من كلمة مدفع المكسيم الأوتوماتيكي لود تورشين!!
حاول يتذاكى علي عشان يفهمها، في الآخر إستسلم وسألني: كوندومس دي شنو؟
قلت ليهو: كيس بلاستيك بشبه حلمة البزة بمططا وببقى زي كيس الداندرما الطويل داك.
قال لي: داير بيهو شنو؟
قلت ليهو: بلبسوهو عشان يمنع الحمل
قال لي: وداير تمنع الحمل ليش؟
الكوبي: عشان بعدين ما بقدر أصرف على البيبي
خالد ختا السبابة في صدغو وقال: إتّا كوبي خول؟!

يا ود اب سن 🙈🙈🙈
دا حب افلاطوني نقي
ما زي الرديف😂😁

ابوبكر عباس
اي ياخ ود اللمين دا زعاط لل....
باخ دا عندو شريط لاقاني الوش الاول كلوا مزيكة
معقول بس

افلاطون زاتو لو حاول يجكس بت جيراننهم بتدي شاكوش
داير يكلم اختو
اختو تكلم البت
البت تكلم امها
امها تتكلم مع امو
حتي بعد داك ممكن يحبو بعض
السيستم كدة

Quote: نحن شعب يمارس العهر بي ادب

والجنس يا أبسن عندنا ليهو اسامي صعبة خلاص!
عهر وشرمطة ورذيلة ...
وبالدس وخوف وراكوبة وخرابة، وشقة صاحبي وخيران....
وفي الأخير ناس أم در كلهم عندهم حالة نفسية

أودعكم
بجيكم بعد رمضان
نظام ربيط وكدا

ما قدر اللغة العارية دي كم كمان يا بكري
نحن ناس التورية والاشارة والتلميح
يقول ليك
ماشي الحلة
عندنا قعدة
وشوف ذات البيوت شوارعها مظلمة
والناس لا تذهب نحوها الا حين الظلام ومكمكمة بي عمة
ولا اديك مثال اخر
لا يمارس الزوجان حياتهما الطبيعية الا بالليل شديد . ولو لم يكن لهم اطفال
ولا تجلس الزوجة بشكل حميم قرب زوجها في حضور احد ولو كانوا اطفالهم
ف شنو
نحن شعب مؤدب رغم انف المشروع الحضاري
وكنا اكثر ادبا زمن البارات وبيوت الاحرار !