يا بت فنجرية

02:02 AM May, 28 2016

سودانيز اون لاين
حسين أحمد حسين-UK
مكتبتى
رابط مختصر

يا بت فنجرية
-------

إديْك يا بنية،
اِدينِك فى اديَّة .. واسندِكْ عليَّ،
ونقوم التلاتة،
خطِوْتِك عديلة ... و معيتك بَخاتة،
بسيمتك جزيلة.. وعيونك حلاتة.
. . . . .
يا بِتْ فنجرية .. فى قلبى انتِ حيّة،
هديّة و عصيّة .. جسارة مهيرة وهوى العامرية،
وسُمرة جبينك .. بطاقة وهُوية،
. . . . .
واشيلك هُوية واسوح فى المداين،
وِجيهَة الصبوح لما أسرح وأعاين،
يَطِلْ من مسام المسافة،
أسمر قيافة .. ومدلِّى الشرافة،
. . . . .
وجيهك فنار .. فنار يا رحيل،
محل ما أقبِّل وِجيهَة الجميل،
دليلى وسبيلى وعزاى النبيل.
.....
سماحك ضراى فى موانى الهروبْ،
ولمّان يسامر عيونك عشمنا بنقاوِمْ قساوة الدروبْ،
نشد المآزِرْ .. نغنيك يا باكِرْ .. وما مِنْ لُغوبْ،
وباكر بِتحلم تعود النَّوارسْ لِشطِّ الجنوبْ،
و ما ضرَّ فارِسْ .. مُظفَّرْ يؤوبْ،
يعود يا حبيبة وفى حُضنِكْ يدوبْ.
------------

الصديق العزيز .. ابو الحسن والابداع والجمال ..

طبعآ يا استاذي زي ما عارف متابعة روايعك الوطنية
متمثل في لوحة هذه القصيدة الوطنية .. وكمان بعد
ما استحوذنا علي التوقيع ملكك حا نساذنك عليهو ..
مع وافر الشكر ..

ونستاذن مرة آخري .. لاهداء هذه القصيدة البتشبه كنداكات الداخل
المعتقلات والخارج المعتقل .. مع وافر الاحترام لهن ولمواقفهن المشرفة ..


يا بت فنجرية -------

إديْك يا بنية، اِدينِك فى اديَّة ..
واسندِكْ عليَّ، ونقوم التلاتة،
خطِوْتِك عديلة ... و معيتك بَخاتة،
بسيمتك جزيلة.. وعيونك حلاتة. . . . . .
يا بِتْ فنجرية ..
فى قلبى انتِ حيّة، هديّة و عصيّة ..
جسارة مهيرة وهوى العامرية،
وسُمرة جبينك .. بطاقة وهُوية، . . .
واشيلك هُوية واسوح فى المداين،
وِجيهَة الصبوح لما أسرح وأعاين،
يَطِلْ من مسام المسافة، أسمر قيافة ..
ومدلِّى الشرافة، . . . . . وجيهك فنار ..
فنار يا رحيل، محل ما أقبِّل وِجيهَة الجميل،
دليلى وسبيلى وعزاى النبيل. .....
سماحك ضراى فى موانى الهروبْ،
ولمّان يسامر عيونك عشمنا بنقاوِمْ
قساوة الدروبْ، نشد المآزِرْ .. نغنيك
يا باكِرْ .. وما مِنْ لُغوبْ، وباكر بِتحلم
تعود النَّوارسْ لِشطِّ الجنوبْ،
و ما ضرَّ فارِسْ .. مُظفَّرْ يؤوبْ، يعود
يا حبيبة وفى حُضنِكْ يدوبْ. ------------


**************
صهيل خيلِك وَرَا الضَهَرَاتْ،
وفارْسِكْ حَىْ، قَدِحْة الضَّىْ،
مَجَرْتَقْ بالنِّضَالْ مُـــــــــو نَىْ،
ولا فَتَــــــــرْ إِتْفَـــــــزَرْ لا مَــاتْ .

طبعآ ما زالت هذه القصيدة ليها صداها
في جواي يا استاذ ونزلتها الحبيبة عفاف
بت ابو حريرة في النفاج .


اهداء لكنداكات بلادي ..

وهج ضيك ..

وَهَج ضيِّك
شروق الروحْ.
وقيدومة فرح لى يوم،
مِتِلْ فجَّة صِباك، يطلعْ
جميل وصبوحْ. لابْنَتْعبْ
ولا بِنْفُوت، نَدودْرِك ريدة،
زى ريحة البشارة تَفُوحْ.
ولا بْضارينا مِنَّك ليل،
وضَيِّك حَىْ لديح ولحُوحْ.
ونرجاك مارقة من جوف
الأرض جمَّام، نَطبْطِبو
بالعشم والبوحْ. نَحِسِّك
فينا قاب قوسين، قاب
قوس الفرح والزين،
ولو إحْساسنا بيكْ مجروحْ.
نَشِمْ رِيحتِكْ تَجى وْبِتْرُوحْ.
وزِيفة برقك العبَّادى
مالية السوحْ.
كأنُّو الدنيا فى لحظة وَجَعْ
ميلاد بشايرو تَلُوحْ.
وين ما تكونى راجِنِّك،
يَنِزْ يملا البلدْ حنِّك، يلين
غُصن المحنَّة يَدُوحْ.
ويا قَرْيافة تِمِّى الكيف،
وصحِّى النيل يكيل القيف،
ويهدر سيلك المكبوحْ.
وصوت الحق حَبِلْ صوتك،
يبين أبلج، بعد ما كان قبيل مبحوحْ.



**************
صهيل خيلِك وَرَا الضَهَرَاتْ،
وفارْسِكْ حَىْ، قَدِحْة الضَّىْ،
مَجَرْتَقْ بالنِّضَالْ مُـــــــــو نَىْ،
ولا فَتَــــــــرْ إِتْفَـــــــزَرْ لا مَــاتْ .

Quote: الصديق العزيز .. ابو الحسن والابداع والجمال .. طبعآ يا استاذي زي ما عارف متابعة روايعك الوطنية متمثل في لوحة هذه القصيدة الوطنية .. وكمان بعد ما استحوذنا علي التوقيع ملكك حا نساذنك عليهو .. مع وافر الشكر .. ونستاذن مرة آخري .. لاهداء هذه القصيدة البتشبه كنداكات الداخل المعتقلات والخارج المعتقل .. مع وافر الاحترام لهن ولمواقفهن المشرفة ..

أهلاً بالكنداكة منى عمسيب ولك منا آلاف التحايا،

فى البدء الحرية لكل المعتقلات والمعتقلين، ونسأل الله أن يفك أسر الجميع.
وثانياً شكراً كثيراً على القراءة والتشجيع المتصل، وأرجو أن أكون بما يوازى
هذا الجميل يا صديقة.
ثالثاً، إذنك معاك العزيزة منى عمسيب، ولا تثريب البتَّة.

ممنون لك.

صديقي .. ود الحسين ..

صباح الخير يا وش الخير ..

ولك وافر التشكرات علي كرم العطاء .
وبالمناسبة بستاذنك وفي امسيتنا الوطنية
بالقاء هذه القصائد وباسمك وقلمك حا يتم
ذلك .


ولك وافر الشكر يا صديق ..



***************
صهيل خيلِك وَرَا الضَهَرَاتْ،
وفارْسِكْ حَىْ، قَدِحْة الضَّىْ،
مَجَرْتَقْ بالنِّضَالْ مُـــــــــو نَىْ،
ولا فَتَــــــــرْ إِتْفَـــــــزَرْ لا مَــاتْ ...

Quote: صديقي .. ود الحسين .. صباح الخير يا وش الخير .. ولك وافر التشكرات علي كرم العطاء . وبالمناسبة بستاذنك وفي امسيتنا الوطنية بالقاء هذه القصائد وباسمك وقلمك حا يتم ذلك . ولك وافر الشكر يا صديق ..

الأستاذة منى عمسيب تحياتى،

ما بيناتنا يا صديقة، هذا القصيد وقف للتغيير، لك مطلق الحرية.
فالإذن مفتوح يا كنداكة.

المعزَّة التى تعلمين.