Post: #1
Title: سعودي يطلق النار على طبيب أردني لأنه قام بتوليد زوجته
Author: محمد الامين محمد
Date: 05-26-2016, 12:58 PM
12:58 PM May, 26 2016 سودانيز اون لاين
محمد الامين محمد-sudan
مكتبتى
رابط مختصر
ذكرت صحيفة "قبس" المحلية أن الجاني استدرج الطبيب خارج العيادة، وقام بإطلاق النار عليه، بعد أن "قدم إليه داخل عيادته واستدعاه، وقال له: أريد أن أقدم لك الشكر والعرفان على ما قمت به تجاه زوجتي التي قمت بتوليدها".
وبمجرد خروج الطبيب إلى حديقة المشفى المليئة بالأطفال، قام الجاني بإطلاق الرصاص عليه، ولاذ بالفرار، فيما تم نقل الطبيب للعناية المركزة، حيث استقرت الرصاصة في كتفه.
وأكدت الصحيفة أن قوات الأمن ألقت القبض على الجاني.
|
Post: #2
Title: Re: سعودي يطلق النار على طبيب أردني لأنه قام ب
Author: Adam Youssif
Date: 05-26-2016, 01:17 PM
Parent: #1
| Quote: أريد أن أقدم لك الشكر والعرفان على ما قمت به تجاه زوجتي التي قمت بتوليدها". |
والله دة شكر دة
الناس ديل صعبين خالص الحذر منهم ثم الحذر
|
Post: #3
Title: Re: سعودي يطلق النار على طبيب أردني لأنه قام ب
Author: نزار عبد الوهاب
Date: 05-26-2016, 01:26 PM
Parent: #1
ينطبق عليه المثل الشهير ...
ماذا يفيد الشاة سلخها بعد ذبحها
ما لجرح بميت ايلام ...
|
Post: #4
Title: Re: سعودي يطلق النار على طبيب أردني لأنه قام ب
Author: علاء سيداحمد
Date: 05-26-2016, 02:06 PM
Parent: #3
تقول لى شنو وتقول لى منو ؟ داعش صناعة اميريكية ..
|
Post: #5
Title: Re: سعودي يطلق النار على طبيب أردني لأنه قام ب
Author: Osman Dongos
Date: 05-26-2016, 07:06 PM
Parent: #4
الأخوة الأفاضل/ محمد الامين محمد و ضيوفه،
السلام عليكم،
| Quote: سعودي يطلق النار على طبيب أردني لأنه قام بتوليد زوجته |
ليست المرة الأولى و لن تكون الأخيرة. قبل سنوات قام أحدهم و هو ينتمي للسلك العسكري بإطلاق الرصاص على طبيب في مستشفى عسكري بالرياض و أرداه قتيلا فقط لأنه قام بالكشف على زوجته و منعه من حضور عملية الكشف خلف الستارة، خليك من ولادة. قد تم إعدام الجاني حسب ما سمعت من الراوي.
لكم الود،
عثمان دُنقس
|
Post: #6
Title: Re: سعودي يطلق النار على طبيب أردني لأنه قام ب
Author: حمد إبراهيم محمد
Date: 05-26-2016, 08:48 PM
Parent: #5
عزيزي ود الامين - سلام ... موصول للمشاركين ...
في زمن مضى يحكى ان الرجل اليمني إذا مرضت زوجته لا ياخذها للمستشفى
بل يمشي هو ويطلب من الطبيب الكشف عليه بدلا عن زوجته ....؟!
- والحكمة يمنية -
|
Post: #7
Title: Re: سعودي يطلق النار على طبيب أردني لأنه قام ب
Author: معتصم سليمان
Date: 05-26-2016, 09:16 PM
Parent: #1
تحية طيبة للجميع
طالما الناس ياجماعة ضربت الأمثال هنا وهناك
وإستشهدت بمواقف حدثت في دول وأماكن عدة
نحن كمان ذااااااااتنا ديل في السودان لليلة دي
عندنا ناس بنفس الفهم ده ...
عنداللفة بس :
-----------
كان إتلفتنا يمين وشمال بنلقاهم
|
Post: #8
Title: Re: سعودي يطلق النار على طبيب أردني لأنه قام ب
Author: اسامة الامام
Date: 05-26-2016, 11:52 PM
Parent: #7
Quote: طالما الناس ياجماعة ضربت الأمثال هنا وهناك
وإستشهدت بمواقف حدثت في دول وأماكن عدة
نحن كمان ذااااااااتنا ديل في السودان لليلة دي
عندنا ناس بنفس الفهم ده ... |
ههههههههه
والله صحي...يا معتصم يا أخوي
في بداية الالفينات
شغالين في مستشفى متيرنتي في امدرمان
عادة النبطشية زييييييي الفل
من 8 ص لحد تاني يوم 8 ص..وتواصل عااااااادي
لحد ترتب امورك وتخت كلو في محلو
يعني لو بقيت حريف بتطلع تاني يوم 12 ظ من المستشفي..تمشي تدخل في غيبوبة
لليوم التاني
ناهيك عن نبطشية النساء وما ادراك ما حوادث النساء والتوليد
عادي ممكن اول لقمة تدخل جوفك واحدة صباحا ومرات اؤخر
المهم والحال زي الحال دا..وانيل
الساعة قريب منتصف الليل
في العادة
في حالات الولادة الطبيعية البدون مشاكل
عادة بتتولاها القابلة...وبتقوم بمهمتا بكل اتقان ومهارة
ما عدا المؤشرات الحيوية..والاستقبال البنقوم بيها نحنا
ولو دا تم بدون مشاكل بنخت في بطنا بطيخة صيفي..وننسحب بكل هدوء لغيرا
وما بنتدخل الا اذا......
وكالعادة..ولكسر الرتابة..ولابد من كسر الرتابة
جات حالة ....حالتا صعبة..وحكمة الله الحالة الزي دي من باب المستشفي بتعرفه
ومن وش سواق الركشة ودكلابتو..تعرف انو في مصيبة جايا ليك
في حالتنا دي
وكان لابد من تدخل النائب السينير..وكان احتمال نتصل بالاختصاصي نكرهو اليوم البقي فيهو أخصائي نساء
لو دعي الامر..بالطبع ..واتقفلت في وشنا كل السبل والمسالك
والحال كدا....وكل واحد فينا جاري علي اتجاه..وعددنا قليل اياميها
الجاري علي بنك الدم والساحب عينة و علي المعمل فللي
والعلي العمليات عدل...للتبليغ...والجاهزية..في حال الحوجة
اذ فجأة ينبري لنا ابزرد..اخو البنات مقنع الكاشفات
الما كنا شايفنوا ولا بهمنا في شئ لا من قريب ولا بعيد
فقد ادي مهمته قبل تسع شهور بكل نجاح..يحسد عليه...لما كرهنا الاعياد وراس السنة
فإذ به يصرخ بملء فيه
الجماعة ديل ماشين وين....
لينا نحن طبعا....ههههههههه...هههههههههههههه
اقسم بالله اشوف واحد فيهم دخل الحتة دي ولا هوب نواحيها ساكت
الا كان يكون ايامو كملن....وسكيني دي الا كان تاباهو
يا زول في طولك في عرضك...ابدا....وطبعا لا
مرتي ما تدخل عليها غير دكتورة .بس وما تنكشف الا علي حرمة...دكتورة بس..ما غيرا
الدكتورة الوحيدة حاولت تقنع اخونا انها امتياز ولابد من تدخل النائب وكل التيم
لانو حالة المدام صعبة...وصعب الصعبة
علي اليمين ..عشرة من الأمن يشيلوا اخونا وعشرة يختوا
بلا فائدة
اطرف حاجة..محل مرتو دا في قريب طاشر واحدة محتاجة المساعدة..هههههههههه
واخونا ابزرد..موقف المستشفي الف احمر
....
تحياتي اخي محمد الأمين وضيوفك الأكارم
|
Post: #9
Title: Re: سعودي يطلق النار على طبيب أردني لأنه قام ب
Author: Gaafar Ismail
Date: 05-27-2016, 01:15 AM
Parent: #8
قبل عدة سنوات وجد طبيب سوداني مشهور اخصائي التوليد مقتولا في
شقته في الرياض ، ولم تصدر أي تفاصيل عن الحادثة ولا حول ولا قوة إلا بالله
|
Post: #10
Title: Re: سعودي يطلق النار على طبيب أردني لأنه قام ب
Author: Ahmed Yassin
Date: 05-27-2016, 12:24 PM
Parent: #9
في ممطقة (دوران آنس) محافظة (ذمار) اليمن
الثانية بعد منتصف الليل .. والطبيب المناوب شاب سوداني خلوق
وصلت امرأو يمنية بصحبة زوجها وهو يحمل سلاحه اللالي على كتفه ...كانت الزوجة تعاني من مغص (كلوي) حاد
ويعلم انه لاتوجد طبيبة في هذه الساعة المتاخرة .. قال للطبيب السوداني (اعطيها ابرة بدون ما تكشف عليها)
اجاب الطبيب .. نعم!!؟ كرر الزوج كلامه
لم ينصاع الطبيب وحاول بكل لباقة وادب ان يقنع الرجل ان تحيدي العلاج ياتي بعد الكشف
لم تجدي كل المحاولات والمراة تصرخ من الالم .. وهي نائمة على الارض
قال الطبيب .. كيف اعطيها ابرة من فوق الملابس؟ (علما بانها ترتدي فستان وتحت الفستان سروال طويل) والعباية السوداء فوق الجميع
رفض الطبيب .. فكيف يعطيها ابرة فوق كومة الملابس هذه .. وفيها خطورة شديدة
انزل الرجل سلاحه من على كتفه وهدد الطبيب .... وان هي الا ثواني حتى انطلقت رصاصات على راس وصدر الطبيب
نسال الله له الرحمة والمغفرة
|
Post: #11
Title: Re: سعودي يطلق النار على طبيب أردني لأنه قام ب
Author: بريمة محمد
Date: 05-28-2016, 12:42 PM
Parent: #10
أحمد،
سلام
| Quote: وان هي الا ثواني حتى انطلقت رصاصات على راس وصدر الطبيب |
قالوا الشافع قاعد جوار والده يستمع لوالده يتونس مع أصحابه .. واحد قال فى زول شايل ليهو رغيفتين جاء قاطع الشارع ضربته عربية.
الشافع أنتظر يعرف مصير العيشتين لكن زول جاب خبرهم مافي .. فى النهاية غلبه السكات "أها يا أبوي الرغيفتين شالهم مينو؟".
الدحين يا أحمدـ، المرأة حصل لها شنو بعد داك .. ماتت ولا حيت؟
بريمة
|
|