الخدير الشال وبدع لو في قسمة ده كان خديري اصلي مما قمت بزرع ما حضن سيدابي خيري ياما كم بيراً حفرتو ما حصل قت يوم ده بيري زيى زي غيم بي مطرتو ما فرز ضل من هجيري طين جروفي المني روّح شالو هدام الدميري ما بكاهو قليبي نوّح ماهو يوم بطلع جزيري كل زول من حقو يحلم حلمي يا راحة ضميري تبقى هذي الدنيا ارحم وخيره زي الغيمة ميري ريده لله ريده اكمل من جبيري وحُق ضريري القمر في سماهو اجمل ام هلالاً بين حريري.؟ ياكي دنياي وانتي ليّا مهما يبقى الليك لغيري ما يهم تعطف علي ولا ما تاخد خبيري افضل اهواك يا بنيه مهما يبقى الليك لغيري افضل اهواك يا بنيه كيف حأهرب من مصيري؟ طالما إنو الحب قضية هى هى محل تصيري اولى بيك لو بالمحبة وانتي ماكي علي كتيري بس عويدك مما شبْا والقلب مزروب لغيري لو ظروف سابتني اقنع وانسى حرثي الساقو غيري ياتو حاحايا بيمنع من يغرد فوقو طيري
Post: #2 Title: Re: ( الخدير الشال و بدّع ) محمد الحسن سالم حمي� Author: عمر عثمان Date: 05-26-2016, 10:30 AM Parent: #1
Quote: ياما كم بيراً حفرتو ما حصل قت يوم ده بيري زيى زي غيم بي مطرتو ما فرز ضل من هجيري طين جروفي المني روّح شالو هدام الدميري ما بكاهو قليبي نوّح ماهو يوم بطلع جزيري
رحم الله الزاهد العابد محمد الحسن سالم حميد
Post: #3 Title: Re: ( الخدير الشال و بدّع ) محمد الحسن سالم حمي� Author: Haytham Ghaly Date: 05-26-2016, 10:42 AM Parent: #2
قمة الابداع
والابداع مرافق دائم للراحل الخالد فينا حميد
تحياتي يا دكتور ونشاركك بالفيديو دا
Post: #4 Title: Re: ( الخدير الشال و بدّع ) محمد الحسن سالم حمي� Author: د.محمد بابكر Date: 07-26-2016, 04:37 PM Parent: #3
Quote: قمة الابداع
والابداع مرافق دائم للراحل الخالد فينا حميد
تحياتي يا دكتور ونشاركك بالفيديو دا
شكراً يا هيثم على المشاركه وليرحم الله حميد ويمد فى أيام المبدع محمد النصرى وعبدالعظيم منصور وكل القامات السامقة فى بلادنا....