Post: #2
Title: Re: شكرا ولاية الخرطوم
Author: عمر عثمان عبد الوهاب
Date: 05-23-2016, 08:10 AM
Parent: #1
ولتعمم في كافة مدن السودان الكبري
|
Post: #3
Title: Re: شكرا ولاية الخرطوم
Author: عمر عثمان عبد الوهاب
Date: 05-23-2016, 08:24 AM
Parent: #2
كانت من ضمن خطط يوسف عبدالفتاح عند توليه لهذا المنصب
والذي بدا ثورة التجميل بالعاصمه المثلثه
جاء ليكملها عبدالرحيم حسين
سبحان الله
كل عمل جميل وانجاز يصب في مصلحة الوطن والمواطن
وراءه عسكر
ارجو ان يتم نقل بعض مناهج الكليه الحربيه الي
مدارسنا وجامعاتنا خاصة فيما يتعلق بعلوم القياده والانضباط
والترتيب
|
Post: #4
Title: Re: شكرا ولاية الخرطوم
Author: عمر عثمان عبد الوهاب
Date: 05-23-2016, 08:31 AM
Parent: #3
تاني لا لف يمين لاشمال لا اسال بتاع الدكان ده
ورقة صغيره مكتوب فيها رقم الشارع والبيت
تسلمه لسواق التاكسي ينزلك خشم الباب
|
Post: #5
Title: Re: شكرا ولاية الخرطوم
Author: sadig mirghani
Date: 05-23-2016, 09:31 AM
Parent: #1
ماعارف الخطوة دي حترفع المعاناة كيف لكن خطوة للامام
|
Post: #6
Title: Re: شكرا ولاية الخرطوم
Author: عمر عثمان عبد الوهاب
Date: 05-23-2016, 09:41 AM
Parent: #5
Quote:
ماعارف الخطوة دي حترفع المعاناة كيف لكن خطوة للامام
|
مرحبا اخونا الصادق
حترفع كتير معاناة عن الناس
وفيه توفير للزمن والطاقه والمال
في ناس تلقاها مؤجرة تاكسي عشان يصلو شخص معين ولافين لامن يعطشو
يقيفو يسالو الناس مويه شراب ويواصلو رحلة البحث
ده غير البريد ومسالة التعداد والاحوال المدنية
والاسعافات في حالات الطواريء والمطاعم في توصيل
الطلبات
ناس المطافيء تلقاهم عشان يصلو لمكان الحريق
بيستكشفو اثار الدخان في السما وتلقاهم يتوقفو بيسالو الناس
في الشارع
|
Post: #7
Title: Re: شكرا ولاية الخرطوم
Author: sadig mirghani
Date: 05-23-2016, 09:46 AM
Parent: #1
حقيقة كلامك عين الصواب نتمني اكتمال
الترقيم حتي يفيد في عمل المسوحات والاحصائيات
الديموغرافية
تشكرات كميات
|
Post: #8
Title: Re: شكرا ولاية الخرطوم
Author: السمانى عمارة
Date: 05-23-2016, 11:21 AM
Parent: #7
نعم اخى شكرا لوالى الخرطوم
وحقيقة الرجل هميم ويحتاج لهمة ومساعدة لتنفيذ مشروعه الكبير
الكهرباء والمياة والصحة والنظافة
ونعلم انه قادر على ذلك بقوة الله سبحانه وتعالى
وتشهد وزارتى الدفاع والداخلية على ذلكم الانجاز الكبير
فواثقين من ذلك واكثر كمان
ونقدر ونثمن ذلكم الجهد المبذول
وبالله التوفيق
|
Post: #9
Title: Re: شكرا ولاية الخرطوم
Author: ياسر منصور عثمان
Date: 05-23-2016, 12:16 PM
Parent: #1
ولاية الخرطوم
مسكت الطريق الصحيح لرفع المعاناة عن كاهل الجماهير
وهو ترقيم الشوارع
حتى تستطيع الجماهير المهدودة ان تصل لمنازلها بسهولة
لأنها لما ترجع بتكون دايخة
يا ناس ده كلام؟؟
ترقيم شنو وبطيخ شنو...؟؟؟
الله يهون بس
مع ودي
|
Post: #10
Title: Re: شكرا ولاية الخرطوم
Author: عمر عثمان عبد الوهاب
Date: 05-23-2016, 01:03 PM
Parent: #9
Quote:
ولاية الخرطوم
مسكت الطريق الصحيح لرفع المعاناة عن كاهل الجماهير
وهو ترقيم الشوارع
حتى تستطيع الجماهير المهدودة ان تصل لمنازلها بسهولة
لأنها لما ترجع بتكون دايخة
يا ناس ده كلام؟؟
ترقيم شنو وبطيخ شنو...؟؟؟
|
اخونا ياسر منصور سلام
الجماهير بترجع مهدودة ودايخه ليه؟؟
واحد بيطلع من بيتهم لي شغله ثم لبيته
ولا انت كنت عاوز الولايه تقول للجماهير امشو
ارقدو نومو وتعالو اخر الشهر اصرفو مرتباتكم
العالم ده كلو دارش وشغال لمن عينو طالعه لمصلحة بلادها
وماشفنا ولاسمعنا بي امه نايمه مرتاحة اتقدمت شبر
علينا ان نتعود ان نقول شكرا لمن ينجز عملا جادا
ونشد علي اياديه لمزيد من احتياجات المواطن
ترقيم الشوارع والبيوت عمل جميل ومقدر ويصب في مصلحة و
راحة المواطن كما كل الخدمات التي يجب ان تقدمها الحكومه لمواطنيها
ولو انها جاءت متاخره
|
Post: #11
Title: Re: شكرا ولاية الخرطوم
Author: Osama Siddig
Date: 05-23-2016, 01:04 PM
Parent: #9
سبحان الله ، الترقيم حايرفع المعاناة عن كاهل الناس؟
إذن فابشــر بطول سلامة يا مربع.....
|
Post: #12
Title: Re: شكرا ولاية الخرطوم
Author: عمر عثمان عبد الوهاب
Date: 05-23-2016, 01:28 PM
Parent: #11
Quote:
سبحان الله ، الترقيم حايرفع المعاناة عن كاهل الناس؟
|
قلنا جزء من المعاناه ياشيخ اسامه
وغدا تشاهدون عاصمة جافه ونظيفة من مياه الامطار الراكده
في فصل الخريف وهو عمل تقوم الولايه بوضع اللمسات الاخيره
لانهائه في الايام القادمه
ولا دي برضو ماجزء من المعاناه
|
Post: #13
Title: Re: شكرا ولاية الخرطوم
Author: أيمن محمود
Date: 05-23-2016, 01:31 PM
Parent: #12
والله بيتنا مرقم من 30 سنة اظن وأكتر - وما حصل مرة واحدة عملنا ساندويتش من الرقم بتاعو!
|
Post: #14
Title: Re: شكرا ولاية الخرطوم
Author: اسامة الامام
Date: 05-23-2016, 01:56 PM
Parent: #9
أخي العزيز عمر كيف حالك
علك طيب
ما عارف مدي جدية ما طرحته من عدمه
لو فات علي شئ ماني فاهمو
فاستميحك حبا ...اعتبر مداخلتي هذه كانها لم تكن
باستثناء السلام بالطبع
ياخي الله يكرمك
منو القال ليك الناس دائخة من اللف بتفتش لعنوان ولا سجم رماد
علي اليمين....الناس راسه لافي من اللف ورا لقمة العيش الكريمة
غض النظر عن طراوتها وحلاوتها و مذاقها حتي لو كان مر كالحنظل
اي حاجة يسد بيها نفسو والسلام
الناس دايشة ياخي ورا هدمة تسترا من العين اللامة وتقيها من لفحة الشمس والسموم البتدخل جوووووووه في العضم تفتو فت وتهدو هد
تدفيها من برد الخريف والشتاء...غض النظر صدقني عن ملمسها او جودتها
ناهيك بالطبع عن لونها او منشأها...حتي لو من ورق العشر..ما حتفرق كتير معاهم...احسن علي كل حال من الفار دقس
الناس يا حبيب همها الشاغل وصداعها المزمن ..لو مرض ليهم حبيب او عدو خاصة في جوف الليل
همهم يلقوا حبة دواء يسكتوا بيهو النتاحة ومعها الأنين حتي ولو لحين ....او رقعة شاش مهتري تغطي الجرح المنوسر من الذباب وغيره....
وحاتك ات...ما بهمهم حتي لو اديتهم
..بلاسيبو. Placebo....او ما يعرف بالعلاج بالوهم...المهم..اي حاجة...
الكحة ولا صمة الخشم
الناس يا سيدي مشغولة بالولاد.....حلمهم البسيط.....يفكوا الخط....وعلي احسن تفدير الرجاء منهم وفيهم
كالمرتجي من ذوي الاحتياجات الخاصة.....المعني الواحد يقدر بعتمد علي نفسو ..وهي غاية المبتغي وكل الامل...لو تعلم
والامن.......إنشاء الله داخل زريبة محوشة بعروق شوك ناشف...تكفيهم من شر الدواب العامة والهوام اللامة. ...وما شاكل
وما دون ذلك يهون .....لا يشغل غمار الناس وعامتهم
اخيرا
ات لو عندك دلال علي الحيكومة دي يا ود الشيخ....دحين اتوسط لينا عندها...عسي ولعل
توفر للناس كفاف الكفاف....اما الحارات ...والشوارع. وترقيمها...وعورتنا في السهلة
..عودنا فيها عود مرا
ان فعلت...!!!!!!!!!!
حينها....حينها فقط....لو شكرتها ولا دلكتها.....ولا رقصتها......
ليك علينا لو قلنا ليك تلت التلاتة كم
ودم بالف خير
|
Post: #15
Title: Re: شكرا ولاية الخرطوم
Author: نزار عبد الوهاب
Date: 05-23-2016, 02:03 PM
Parent: #1
الموضوع سليم بس المشكلة التنفيذ ...
حيكون كيف؟؟؟؟؟؟
والميزانية كيف؟؟؟؟؟
والشركة الـ ح تنفذ مين؟؟؟؟؟؟
ووووووووووووووو الخ
غايتو لو تسمعوا كلامي كان فيها تكلفة وقروش ...
أحسن يتم عليها ويظبطوا موضع الكهرباء ...
لو الكهرباء في مافي زول بتوه ولا بضيع ...
|
Post: #16
Title: Re: شكرا ولاية الخرطوم
Author: محمد النيل
Date: 05-23-2016, 03:23 PM
Parent: #15
| Quote: والله بيتنا مرقم من 30 سنة اظن وأكتر - وما حصل مرة واحدة عملنا ساندويتش من الرقم بتاعو! |
هههههههههههههه
يا عمر والله دا اجمل تعليق
انا بضحك لحدى هسة
المشارك أيمن
..........
ياخى نحن عايزين نعرف رقم بيت وشارع الرئيس القادم عشان نمشى نقول ليه استعجل قوام بالله خلينا نتخارج من الجماعة ديل
إن شاء الله قبل رمضان
أنا جيت من السودان قبل اسبوعين
صدقنى الشغلانية بايظة
رمضان كريم مقدما يا حبوب
|
Post: #17
Title: Re: شكرا ولاية الخرطوم
Author: عمر أبوعاقلة
Date: 05-23-2016, 04:53 PM
Parent: #1
27 سنة الناس منتظرة تشاهدون دي
هسه الواحد يقول شنو .. غايتو للضمان كدا ألف مبروك والله
سلام سيد الخيط والمتداخلين
|
Post: #18
Title: Re: شكرا ولاية الخرطوم
Author: عمر عثمان عبد الوهاب
Date: 05-25-2016, 11:46 AM
Parent: #17
Quote:
والله بيتنا مرقم من 30 سنة اظن وأكتر - وما حصل مرة واحدة عملنا ساندويتش من الرقم بتاعو |
ياشيخ ايمن كل البيوت مرقمه حسب المجلس و خطتها الاسكانيه
وللجماعة بتيعين العتب والقاصدو انت بيكون ص ب غرب 100
وده ماترقيم حديث لشوارع المدن ومافي زول بيعرف ليك
الترقيم ده
هسع بعد الترقيم الجديد ده ان شاءالله تعمل منه مندي ومظبي
|
|