Post: #2 Title: Re: قسم بى محيك البدرى........ Author: ياسر السر Date: 05-22-2016, 08:09 AM Parent: #1
الاخت الاستاذه زينب محمد عبد الله ، كأنك بالعلي تدري .. يا سلااام ابداع في الكلمات و في اللحن وفي الاداء .. وفي الاختيار ,, شاكر ومقدر لك اختي زينب ..
تحياتي : ياسر العيلفون ......
Post: #3 Title: Re: قسم بى محيك البدرى........ Author: Abu Baker Ahmed Abdel Rahman Date: 05-22-2016, 08:15 AM Parent: #2
تحياتى اعتقد دى اغنية الحقيبة الوحيدة الغناها وردي
٠مودتى
Post: #4 Title: Re: قسم بى محيك البدرى........ Author: sadig mirghani Date: 05-22-2016, 08:48 AM Parent: #1
ﻗﺒﺎﻟﻚ ﻭﻳﻦ ﺃﺟﻴﻞ ﻓﻜﺮﻱ؟ ﻣﺼﺎﻓﺤﺔ ﺍﻟﻴﻤﻴﻦ ﺳُﻜﺮﻱ الله ، الله ، الله الكلام لي ناس الولدان المخلدون
Post: #5 Title: Re: قسم بى محيك البدرى........ Author: زينب محمد عبدالله Date: 05-23-2016, 11:52 PM Parent: #4
الاعزاء ياسر السرابوبكر احمد عبد الرحمن صادق ميرغنى شكرا كتير على المرور الضافى و سعيده بى احتفالكم بى القامه السودانيه العريقه محمد عثمان وردى استمعت لى كل مغنى سودانى ولكن ليس هنالك من يفوق وردى فى الامتاع كلمات لحن واداء تعتبر اغنيه ..مرحبا ياشوق.. بالنسبه لى اسطوره الغناء السودانى بلا منازع اهداء ...اليكم اصحاب الذوق الرفيع حبا ياشوق كلمات: الجيلي عبد المنعم غناء : محمد وردي
لم يكن إلا لقاء وافترقنا كالفراشات على نار الهوى جئنا إليها واحترقنا كان طيفا وخيالا ورؤى ثم ودعنا الأماني وأفقنا ********** بالذي اودع في عينيك إالهاما وسحرا والذي انزل فيك الحسنى اشراقا وطهرا لا تدعني للأسى يدفعنى مدا وجزرا أثقلت كفي الضراعات وما تقبل عذرا ********** يا حبيبا بت أشكو حرقة الوجد اليه وتوسلت .. نذرت العمر قربانا لديه ماله لو عاد فالقلب رهين بيديه وعيوني ظامئات للهوى من مقلتيه ********** يالقلبي .. عاد من بعد النوى يطوي شراعا آه بالهوى يبعث في الروح حنينا واندفاعا مرحبا يا شوق اغمرني شجونا والتياعا فوداعا للذي شيدته بين ضلوعي فتداعى
Post: #6 Title: Re: قسم بى محيك البدرى........ Author: almulaomar Date: 05-25-2016, 07:08 AM Parent: #5
الأخت زينب تحياتي هناك موضوع مماثل للأخت مني عمسيب بعنوان (((((((((اغنية اليوم))))))))) وكمان قبل العنوان في ورده حمرا ، أها البوست دا تحديداً فيهو كمية من الدرر النفيسة والكلام الطاعم والنغم الشجي ، وربما ما تكوني شفتيهو لأنه أنزوي ونزل إلى غياهب المنبر شأن الكثير من الموضوعات الجميلة التي لا تستمر كثير في صفحات المنتدى الأولى. رابط البوست إذا لم تخذلني التقنية وعادة ما تفعل هو: http://sudaneseonline.com/board/490/msg/%28%28%28%28%28%28%28%28%28-%d8%a7%d8%ba%d9%86%d9%8a%d8%a9-%d8%a7%d9%84%d9%8a%d9%88%d9%85-%29%29%29%...9%29-1456044868.html طبعاً قصة طويلة جدا لكين الرابط شغال أها مني عمسيب إفتتحت البوست بالجندول رائعة الكابلي أين عشاقك سمار الليالي وآخر المداخلات كانت من الرائع ملهم كردفان أغنية من أعماله الخاصة بعنوان كنت بخاف. وقد قمت بعمل إضافة لرفع البوست حتى يسهل الرجوع إليه لكين ما حا يصمد لو لم تكن هناك مداخلات خلال ستة ساعات من الآن في المنتدى مودتي
Post: #7 Title: Re: قسم بى محيك البدرى........ Author: bakri abdalla Date: 05-27-2016, 07:26 AM Parent: #6
إختيار موفق ذوق رفيع شكراً
Post: #8 Title: Re: قسم بى محيك البدرى........ Author: Hamid Elsawi Date: 05-27-2016, 07:57 AM Parent: #7
باين عجبتك الاغنية بالحيل و ما اخدت بالك على اي حال شكرا على اتيانك بهذا الجمال
Post: #10 Title: Re: قسم بى محيك البدرى........ Author: زينب محمد عبدالله Date: 05-28-2016, 04:40 AM Parent: #9
الاعزاء جدا الملا عمر بكرى عبدالله حامد الصاوى امجد الجميعابى مرحب بيكم فى حضره الفن والذوق والجمال وجودكم الضافى عطر المكان
الاخ الكريم الملا عمر اشكرك على رابط بوست الحبيبه منى عمسيب لانى اول مره اطلع عليه لكن باذن الله اكيد اشارك فى هذا المهرجان الفنى والذوق الرفيع عزيزى امجد الجميعابى شكرا على الملاحظه والتصحيح وسعيده بى حضورك الباهى
Post: #11 Title: Re: قسم بى محيك البدرى........ Author: Kabar Date: 05-28-2016, 10:23 AM Parent: #10
كااااااااااااااااااااااك..ثم كاااااااااااااااااااك.. والأحفاد عيبهم شنو يا شوقي بدري؟!!! ده حفيد شاعرها يازينب..محمد بدوي صالح عبد السيد في ذات نفسو..!!
اما نحن..نحن ولاد اللذينا..كنا دايرين نشوفها بصوت الهادي الجبل ، عادل مسلم او محمود عبد العزيز..لكن نظل امينين للوجدان حتى لو جانا من غادي يااااااااااااااااخ.. الصومالي احمد ربشة...!!
وياريتك يا زينب ، زينا ، بتسمعي عظماء امسودان: الهادي حامد (الجبل) ، عادل مسلم ، محمود عبد العزيز ، حيدر بورتسودان..!!
تاني اشوفك راكبة الفيل مع القطيع..!!
نحن ناس سمحين يا زينب ولا يغرنك هجايص الحوار ياااااااااااااااخ..
Post: #12 Title: Re: قسم بى محيك البدرى........ Author: زينب محمد عبدالله Date: 05-28-2016, 11:07 PM Parent: #11
الله الله الله يا كبر مداخلاتك دائما نوعيه وحيويه وتفتح الف باب وباب تعرف يا كبر انا دائما احب استمع للاغنيه من صاحبها الاصلى ولا احب المقلديين لكن حفيد عبد السيد الولد الصغيرونى دا اقنعنى جدا وابدع حقيقه فى اداء الاغنيه دى وعندو صوت قوى وجميل اذا واصل حيكون ليه دور كبير وبمناسبه الاحفاد دليل تعال يا كبر اسمع حفيد صلاح ابن الباديه دا ولد متفرد جدا وعندو استايل لى وحدواشفتوا ابدع فى الدرامز كيف بى مناسبه الصومال دى يا كبر دا فنان صومالى بيغنى اغنيه ( صدفه غريبه) ربنا يحرر الصومال من الهوس الدينى المتشدد قادر يا كريم
Post: #13 Title: Re: قسم بى محيك البدرى........ Author: زينب محمد عبدالله Date: 06-12-2016, 02:09 AM Parent: #12
أروع ما قيل في الشعر السوداني
بناديها كلمات: عمر الطيب الدوش غناء: محمد وردي بناديها وبعْزِم كُلّ زول يرتاح على ضحكَة عيون فيهَا وأحْلم اني في أكوان بتْرحَل من مراسيها عصافير نبّتَت جِنْحات وطارت للغيوم بيهَا مسافرِ من فرح لس شوق ونازِل في حنان ليهاَ أغنّي مع مراكب جات وراها بلاد حتمْشيهَا واحزَن لي سُفُن جايات وما بْتلقَى البِلاقيه بنادِيــــــهَا ولمّا تغيب عن الميعاد بفتِّش ليهَا في التاريخ واسأل عنَّها الاجداد واسأل عنّها المستقبل اللسّع سنينو بُعاد بفتِّش ليها في اللوحات مَحَل الخاطر الما عاد في شهقَة لون وتكيَة خط وفي أحزان عيون الناس وفي الضُّل الوقَف ما زاد بناديــــــهَـا والاقيـــــهَــا واحِس بالُلقيا زي أحلام حتصْدِق يوم والاقيــــــهَــا واحْلًم في ليالي الصيف بَسَاهر الليل واحجِّيـــهَــا ادوبي ليهَا ماضيهَا واطنْبِر ليها جاييــهَا وارسِّل ليها غنوَة شوق واقيف مرات واْلُوليهَا بنادِيـــــــــهَــا وبناديــــــــهــا وبناديـــــهــا
Post: #14 Title: Re: قسم بى محيك البدرى........ Author: dardiri satti Date: 06-12-2016, 07:12 AM Parent: #13
Quote: اعتقد دى اغنية الحقيبة الوحيدة الغناها وردي
تعرف..... عندما بدأت الفرقة الموسيقية بعزف مقدمة هذه الأغنية هرولت أطلب عبده ، ابن عمي عليه السلام كان مرجعاً في فن الحقيبة ، لكنه كان لايطيق تتغني المحدثين بأغنياتها !!! وبعد إلحاح مني ، حضر , واخذ يستمع... انتهت الأغنية ولم يتحرك... بعد برهة سألته : ما رأيك:؟؟ صمت برهة ، ثم قال:.... البربري ابن الكلب دا غناي خلاص!!!
وردي ، عليه السلام ، لقد فرش أرواحنا بالروح والريحان.. عليه السلام... في الخالدين عليه السلام.. أستاذة زينب.. ، للجميع ، ولك أنت شخصياً ...
تحياتي
Post: #15 Title: Re: قسم بى محيك البدرى........ Author: محمد عبد الله الحسين Date: 06-12-2016, 07:35 AM Parent: #14
الأخت زينب تحياتي قسم بي محيك البدري من الأغنيات المكملة كلمات و تلحين و أداء لما تسمعها تكاد تحس بالهيام الذي يملك الحواس و هو يفيض بوحا و إعترافا. حقيقة معظم قصائد شعراء الحقيبة تتميز بقوة الكلمات و جلال المعنى و الوصف الدقيق. الأيام الفاتت جاني شغف مفاجيء لأسمع أغاني ارتسمت في الوجدان و الذاكرة القديمة فرجعت أبحث عن أغنيات كانت تأسرني معانيها و اداءها مثل أغنية فريع البانة المن نسمة يتمايل حاكها من ميرغني المأمون و أغنية (خمرة هواك يامي صافية و جلية). معليش إن شاء الله ما أكون طلعت أوف بوينت و لكن الجمال يدر الجمال و الذكرى تقود الذكريات فعفوا لو خرجنا برة الموضوع. و شكرا على ذوقك