الطلائع المهاجرة تبدع فى جامعة فرجينيا .. جمال ورشاقة وأبداع ثقافي (صور)!‏

02:10 AM May, 19 2016 سودانيز اون لاين
بريمة محمد-الولايات المتحدة، ولاية فرجينيا
مكتبتى
رابط مختصر

Quote: في جامعة فرجينيا العريقة المشهود لها بالتميز،وفي يوم رائع جميل رقص طلابنا، الأمريكان من أصول سودانية في يوم إفريقيا علي أنغام الموسيقى السودانية، من بين عدد من دول شمال ووسط وشرق وغرب وجنوب إإفريقيا، فقد مثل أبناءنا الطلاب الثقافة السودانية خير تمثيل من حيث الرقص علي أنغام الموسيقى الهدندوية بكل حرفية وخفة وإبداع فني نال استحسان واعجاب الحضور المميز. وفي لقاء مع بعض الطلاب أكدوا انهم شاركوا في هذا العمل لتعريف المجتمع الجامعي والأمريكي بالثقافة السودانية وربط أنفسهم بالتواصل بالوطن اضف الي ذلك اقيمت ليلة ابدع الطلاب من كل النواحي الثقافية ، فقد ألقت الطالبة اية الطاهر قصيدة رائعة نالت الاستحسان.فالتهاني لأبنائنا وبناتنا في جامعة فرجينيا علي هده اللفته البارعة ووفقهم الله وسسدد خطاهم في حياتهم العملية والعملية والي الامام.

بريمة

ما شاء الله .. عقول نيرة .. جمال .. ورشاقة .. وعلم


جاييكم ..

بريمة

لحظة أبداع .. رقص من شرق السودان .. علي أنغام موسيقي هدندوية ..

بريمة

مناظر من محيط جامعة فرجينيا ..

تأسست الجامعة فى 4 مارس عام 1825م .. عمرها 161 عام ..



تزدان الجامعة بمناظر طبيعية خلابة ..







University of Virginia - Claude Moore Medical Education Building


إحد قاعات الجامعة .. كلية الآداب ..









بريمة

وضع فكرة الجامعة الرئيس توماس جيفرسون ..
النصب التذكاري للرئيس توماس جيفرسون .. وخلفه الساعة تعمل حرف V .. إشارة إلي أسم جامعة فرجينيا ..


ويتم إلباس النصب التذكاري ملابس التخرج ..


جامعة شامخة بكل المقاييس .. فقد أثبت عمرها المديد 161 عاماً .. صمود رسالتها فى التعليم والحياة ..


وهنيئاً لأبناءنا بنيل هذا الأنجاز ..

بريمة

وهنا الأبداع ..



ما شاء الله ..

بريمة

ول ابا بريمة..حبابك يا صديقي
كتر خيرك على اشراكنا في هذه اللوحة الجميلة..وهكذا يكون حب السودان..
التحية ليهم (بنات واولاد) وهم يظهرون جمال السودان ..!
كبر

حبيبنا بريمة .. مع التحية ..
شغل رائع ..
مثل هذه اللوحات الابداعية ممكن أن تغير الصورة النمطية للسودان في أمريكا
ما تفعلونه أعمق ومجدي أكثر من مليون لوبي ومكاتب العلاقات العامة ..
ليت كل الولايات تحذو حذوكم ..
التحية لبناتنا وأبنائنا ..

مودتي .. يا الحبيب ..

العبار بريمة بلل

شيء جميل أن يبرز هؤلاء الأمريكان من الأصول السودانية، ثقافة أباءهم وأجدادهم الأفريقية للمجتمع الطلابي الأمريكي، وفعلا جامعة فرجينيا تعتبر من أعرق الجامعات الأمريكية وهي جامعة ممتازة أكاديميا. تحية الى هؤلاء الطلاب والى أباءهم الذين غرزوا فيهم حب ثقافة أجدادهم.

بعدين كويس يا عبار أنت بقيت تعترف شوية شوية بأفريقيتك وبقيت تحتفي بها، ده تقدم كبير.
يعني مجهودنا فيك يا عبار ما راح ساكت.

بالمناسبة

الفنانة والممثلة المبدعة تماضر شيخ الدين كان لها فرقة فنون شعبية سودانية في أمريكا، قبل عدة سنين، ولكن للأسف أن الأخت تماضر شيخ الدين تعرضت الى نقد شديد من بعض المتشددين والمتزمتين. تحية الى الفنانة تماضر شيخ الدين الفايتة الناس وفايتة العقلية المتخلفة المتحجرة بمئات السنين.

Quote: بعدين كويس يا عبار أنت بقيت تعترف شوية شوية بأفريقيتك وبقيت تحتفي بها، ده تقدم كبير. يعني مجهودنا فيك يا عبار ما راح ساكت.

ولو ما أعترفنا بمكوننا الافريقي
يا أخونا دينق كيف نتعايش
في أمسودانا ده

لا بد من الاعتراف بكل
مكونات السودان
والاعتراف بثقافاتها

شكرا الاخ بريمه وانت تمتعنا
بمشاهدة اولادنا وبناتنا في
امريكا وهم قطع شك أحسن منا
باحتكاكهم بالمجتمع الامريكي المتعدد
والمختلف عرقيا وثقافيا

اللذيذ في الأمر دا كلو ..

انو بريمة ما طالب بأنو البنات ديل ( مفروض يكونن محجبات )
و لا كان ضد ( الرقص المختلط )
أو أن تكون الأغنية ( بالرطانة )

3 أشياء جميلة ..

فعلا ..
تقدم واضح يا بريمة ..

عاش سودانيزاونلاين ..

تحية للأخوان كبر، علي عبد الوهاب والأخ عمر

العبار دينق، أختشي ..

Quote: الفنانة والممثلة المبدعة تماضر شيخ الدين كان لها فرقة فنون شعبية سودانية في أمريكا، قبل عدة سنين، ولكن للأسف أن الأخت تماضر شيخ الدين تعرضت الى نقد شديد من بعض المتشددين والمتزمتين. تحية الى الفنانة تماضر شيخ الدين الفايتة الناس وفايتة العقلية المتخلفة المتحجرة بمئات السنين.

الأستاذة تماضر شيخ الدين .. فى فرقة عرائس النيل .. حاولت تعمل score سياسي ..
كشفت أجساد الشابات بصورة ملفته .. وكلنا رفضنا أن تستغل بناتنا كدمي سياسية .. لاحظ هنا الشباب بزوقهم السليم توصلوا إلي زي غاية فى الجمال
والسترة .. لاحظ الأبداع الثقافي مقدم علي مسألة الجسد .. و البنات والأولاد الشايفهم ديل كانوا قريب دا صغار .. وحلاتهم ..
ديل يا دينق أبواتهم (أبهاتهم بلغة البقارة) وأمهاتهم (أماتم بلغة البقارة) هم أخوانا وأخواتنا .. وهم أجتهدوا معهم .. وهاهم الصغار يبدعون ..


بريمة

عبد اللطيف،

Quote: اللذيذ في الأمر دا كلو .. انو بريمة ما طالب بأنو البنات ديل ( مفروض يكونن محجبات ) و لا كان ضد ( الرقص المختلط ) أو أن تكون الأغنية ( بالرطانة ) 3 أشياء جميلة .. فعلا .. تقدم واضح يا بريمة .. عاش سودانيزاونلاين ..

يا زول أنا لما دخلت الجامعة مثل هؤلاء الشباب .. كان عدة الرقص بتاعتى (الكشكوش والفلل .. والتلاليل والتمايم .. بتاعت الرقص البقاري)
أحتفظ بها أصحابي مدة سنتين .. كنت برقص النقارة والمردوم والدرملي .. وكنت مصارع .. وكنت أعرف أضرب النقارة وأعزف علي آلة الربابة وأم كيكي ..

وكنت بعرف أجردق فى البنات والحريفات البقاريات .. وكنت بتاع دواس و(كماكمي .. دي باليونانية) .. الدين ليس رهبنة .. وهؤلاء الشباب أولاد وبنات أسر محافظة.

نحن فى مجتمع جارف .. والشباب لو ما أحسسناهم بالتميز وقيمهم الثقافية .. ح يروحوا لينا فى شربة موية ..

ثم، ثانياً أنا ليس زينوفوبك مثلك .. أنت وأنا وكل البشر لو أمنا أو كفرنا لن ينقص فى ملك الله شيئ .. ولأنك لديك هاجس دينى .. فى أي شيئ الدين لا يعجبك تريد أن تزج
بمغلاطاتك الدينية فى أي مكان ..


اللهم لا تجعلنا ممن قال فيهم المولي تعالى ولا تطع من أغفلنا قلبه عن ذكرنا واتبع هواه وكان أمره فرطا ..

بريمة

الأخ عمر،
ما تسمع للعبار دينق ..

Quote: ولو ما أعترفنا بمكوننا الافريقي يا أخونا دينق كيف نتعايش في أمسودانا ده

أكثر إنسان يرفض الأخر هو دينق .. لا يتعامل مع زول إلا وتجده فيه خصلة ما كويسه .. زول بتاع عبابير، أو زول Pimp .. أو زول بركب الفيل ..
دينق حكايته حكاية .. والناس ما جايبين ليهو خبر .. أنا مطالب أنه يطرد من المنبر حتى يكون المنبر سودانى خالص .. وأنتم مستمسكين به أنه سودانى
جلابي .. من العمارات .. ويمشي مطعم الآوزون وعوضية سمك .. كل المحلات دي دينق بيمشي ليها لغرض ..




الحاجة الوحيدة التى تميز دينق .. مهما يغالي فى مشاكله مع أي إنسان لا يحقد .. وهذه الخصلة وحدها ممكن يكون دينق يوماً ما شيخ دينق .. ذي ما حصل للشيخ أبراهيم نقد.

بريمة

وّل أّبا بريمة...

كلام حلو بالحيل..
لكن لو كانوا قدموا رقصة مردوم وواحدة كرنق وواحدة فّتشى ابرة..
كان يكونوا قدموا السودان بشكل صحيح..
لكين بالطريقة دى...
يعنى حتى بناتنا وابنائنا احنا بنقدم ليهم السودان ناقص زى وزارات الثقافة السودانية..

سلام بريمة البخلي حقكم رِجِل وحق تماضر كُراع شنو؟

كتب العبار بريمة بلل:

Quote: الأستاذة تماضر شيخ الدين .. فى فرقة عرائس النيل .. حاولت تعمل score سياسي .. كشفت أجساد الشابات بصورة ملفته .. وكلنا رفضنا أن تستغل بناتنا كدمي سياسية .. لاحظ هنا الشباب بزوقهم السليم توصلوا إلي زي غاية فى الجمال والسترة .. لاحظ الأبداع الثقافي مقدم علي مسألة الجسد .. و البنات والأولاد الشايفهم ديل كانوا قريب دا صغار .. وحلاتهم .. ديل يا دينق أبواتهم (أبهاتهم بلغة البقارة) وأمهاتهم (أماتم بلغة البقارة) هم أخوانا وأخواتنا .. وهم أجتهدوا معهم .. وهاهم الصغار يبدعون ..

عن أي كسب سياسي تتحدث يا عبار؟ فرقة عرائس النيل لم تكن سوى فرقة فنون شعبية تبرز جزء عزيز ومهم من الثقافة السودانية، والفنانة تماضر شيخ الدين أنشئت هذه الفرقة بمجهود وتمويل ذاتي. كشف أجساد البنات ده لم يكن إلا في عقليتك المريضة أنت وبقية المتشددين والمتطرفين الحاقدين على الفن ويحملون أفكار طالبانية متخلفة. لم يكن هنالك أي كشف للأجسام كما تدعي. أنت رجل عايش في أمريكا لك أكثر من عشرين عاما ومازلت تتحدث عن أجساد النساء؟ البشتغلوا معاك في المكتب ديل كانوا محجبات يا بريمة ولا البتشوف فيهم في الأسواق والأماكن العامة كانوا منقبات؟ يا بريمة أنت رجل منافق كبير، قبل كده مش أنت كتبت بأنك كنت بتحضن (حك)البنات الأمريكيات وهن بضحكن. بريمة بطل نفاق يا عبار. البنات الذين كانوا في فرقة تماضر شيخ الدين ماشالله عليهن، الأن صاروا بنات كبار وأتخرجوا من أرقى الجامعات الأمريكية وصار لهن شأن عظيم في المجتمع، ومنهم من تزوجوا ولديهم أطفال الأن. أما أنت يا عبار فموت بغيظك يا حاقد يا متطرف.

توضيح:

حك دي بريمة كان قاصد بها هج Hug

بريمه .. ياهندسة ... سلام وتحية ..

فعلا شغل جميل ورائع ومقدر من اولادنا في الغربه
ويعكس مدى انتمائهم للوطن الام ..

يديك الف عافية ..

عالم جميل ...

كتب العبار بريمة بلل ومن غير أي خجلة:

Quote: أكثر إنسان يرفض الأخر هو دينق .. لا يتعامل مع زول إلا وتجده فيه خصلة ما كويسه .. زول بتاع عبابير، أو زول Pimp .. أو زول بركب الفيل .. دينق حكايته حكاية .. والناس ما جايبين ليهو خبر .. أنا مطالب أنه يطرد من المنبر حتى يكون المنبر سودانى خالص .. وأنتم مستمسكين به أنه سودانى جلابي .. من العمارات .. ويمشي مطعم الآوزون وعوضية سمك .. كل المحلات دي دينق بيمشي ليها لغرض ..

الفرق بيني وبين العبار بريمة هو فرق السماء من الأرض رغم أننا نعيش في نفس الولاية بأمريكا وهي ولاية فرجينيا.

هذا العبار أنا التقيت به حوالي 5 لقائات عابرة طيلة فترة وجودي لأمريكا وهي أكثر من 27 عاما.
ونفس هذا الكلام سوف ينطبق على أغلبية السودانيين الذين يسكنون معنا في نفس المنطقة.
طيب هنا يبقى السؤال يا عبار منو هو الذي" يرفض الأخر هو .. لا يتعامل مع زول " ؟؟

لوووول العبار دينق .. أنت زعلت ولا شنو؟

Quote: عن أي كسب سياسي تتحدث يا عبار؟ فرقة عرائس النيل لم تكن سوى فرقة فنون شعبية تبرز جزء عزيز ومهم من الثقافة السودانية، والفنانة تماضر شيخ الدين أنشئت هذه الفرقة بمجهود وتمويل ذاتي. كشف أجساد البنات ده لم يكن إلا في عقليتك المريضة أنت وبقية المتشددين والمتطرفين الحاقدين على الفن ويحملون أفكار طالبانية متخلفة. لم يكن هنالك أي كشف للأجسام كما تدعي. أنت رجل عايش في أمريكا لك أكثر من عشرين عاما ومازلت تتحدث عن أجساد النساء؟ البشتغلوا معاك في المكتب ديل كانوا محجبات يا بريمة ولا البتشوف فيهم في الأسواق والأماكن العامة كانوا منقبات؟ يا بريمة أنت رجل منافق كبير، قبل كده مش أنت كتبت بأنك كنت بتحضن (حك)البنات الأمريكيات وهن بضحكن. بريمة بطل نفاق يا عبار. البنات الذين كانوا في فرقة تماضر شيخ الدين ماشالله عليهن، الأن صاروا بنات كبار وأتخرجوا من أرقى الجامعات الأمريكية وصار لهن شأن عظيم في المجتمع، ومنهم من تزوجوا ولديهم أطفال الأن. أما أنت يا عبار فموت بغيظك يا حاقد يا متطرف. توضيح: حك دي بريمة كان قاصد بها هج Hug

بالجد يا أخوانا .. ألذ حاجة يزعل منك العبار دينق ..
ما قلتوا نوبة يا العبار؟
نعم يا العبار الأستاذ تماضر شيخ محسوبة علي اليسار .. وعرض الفتيات بأزياء قصيرة ومثيرة .. هو بمثابة أنتصار لذاتها السودانية فى الرغبة
فى الأنفكاك من الدين الذي يتمثل لها فى صورة الكيزان .. وبالتالي أي خروج عن نمط الحشمة فى نظرها يغيز أعداءها الكيزان .. والعكس تماماً نحن نري التدين
الفطري هو تدين الشعب السودانى .. وبالتالي من خلف ظهر الكيزان خبطتنا نحن الشعب السودانى عكاكيز ألهبت بها ظهرنا حتى تململنا رغم حبنا لها ولدورها الثقافي.

دا الحصل .. واليوم تماضر لو قدمت الفيتات بنفس طريقة بناتنا هنا .. سوف تنال أعجابنا.

وبعدين يا العبار أختشي .. نحن بقينا ناس كبار في السن ..!

بريمة

يا ناس هوووي ..
أسمعوا منى أنا .. العبار دينق زميل مصلحة قديم بالنسبة لي .. وأنا وهو وكرنا واحد .. هو خايف أنا أفت الموضوع ..

Quote: هذا العبار أنا التقيت به حوالي 5 لقائات عابرة طيلة فترة وجودي لأمريكا وهي أكثر من 27 عاما. ونفس هذا الكلام سوف ينطبق على أغلبية السودانيين الذين يسكنون معنا في نفس المنطقة. طيب هنا يبقى السؤال يا عبار منو هو الذي" يرفض الأخر هو .. لا يتعامل مع زول " ؟؟

العبار دينق .. الصقر كن وقع كتر البتابت عيب .. أثبت؟ .. بعد كل هذه المعرفة والعبابير .. وحاجات أخري .. تجي تنكري الشم ضحي!

أنا بعد إلا أصورك لما نكون مع بعض ..

بريمة

بت أبا نور
مرحب بمرورك الكريم ..

Quote: وّل أّبا بريمة... كلام حلو بالحيل.. لكن لو كانوا قدموا رقصة مردوم وواحدة كرنق وواحدة فّتشى ابرة.. كان يكونوا قدموا السودان بشكل صحيح.. لكين بالطريقة دى... يعنى حتى بناتنا وابنائنا احنا بنقدم ليهم السودان ناقص زى وزارات الثقافة السودانية..

بت أبا نور، هؤلاء الشباب .. كلهم مولودين هنا والله صغار شديد .. قريب دا كان بجروا فى الشارع بلعبوا بعد المدارس .. كتير عليهم يتدربوا علي أكثر من نوع من الأيقاع .. وإن لم تخنى الذاكرة ليس فيهم أحد زار الأقاليم فى السودان ..
القدروا عليه دا أعجب الحضور .. ولو تلاحظوا من خلال الصورتين الأوائل والفيديو أنهم قدموا عروضهم فى أكثر من مسرح .. يعنى حاولوا تعريف كل الجامعة بالغناء والرقص السودانى ..

بريمة

منتصر،
سلام ..

Quote: سلام بريمة البخلي حقكم رِجِل وحق تماضر كُراع شنو؟

أنا ليس وراء هذا العمل .. أنا فقط نقلت ليكم الحدث .. وحقيقة أعجبنى أداءهم .. وفوق ذلك أنا إنسان فرحان بمستقبلهم المبشر بالخير
وأنا أعرف أغلب أسرهم .. وأعرف الجهد الذي بذل معهم من أجل أن يصلوا هذه المرحلة ..

تماضر يجب أن تتصالح مع موروثنا الثقافي والقيمى والأخلاقي .. نحن شعب حساس وذو مشاعر معطونة فى طينة بلدنا .. أي محاولة للخروج عن المألوف نرفع قرنى الأستشعار.

بريمة

الحبيب مجديو
سلامات ..

Quote: بريمه .. ياهندسة ... سلام وتحية .. فعلا شغل جميل ورائع ومقدر من اولادنا في الغربه ويعكس مدى انتمائهم للوطن الام .. يديك الف عافية .. عالم جميل ...

والله سودانا جميل لو أحسنا إدارة التنوع فيه .. هؤلاء الشباب لا يعرفون غير السودان .. مولودين علي الفطرة السليمة .. وهذه الفطرة معهم حتى هذه اللحظة ..

بريمة

أخوي بريمة الإعرابى
سلام..
بقيت ترجع لجذورك الإفريقية غصبا عنك أيها الإعرابى الأسود.. دة تقدم ملحوظ... الطيور المهاجرة نفعت فى إيقاظ العقول النائمة... الفن براهو بجيب خبر التخلف...

Quote: بالجد يا أخوانا .. ألذ حاجة يزعل منك العبار دينق .. ما قلتوا نوبة يا العبار؟ نعم يا العبار الأستاذ تماضر شيخ محسوبة علي اليسار .. وعرض الفتيات بأزياء قصيرة ومثيرة .. هو بمثابة أنتصار لذاتها السودانية فى الرغبة فى الأنفكاك من الدين الذي يتمثل لها فى صورة الكيزان .. وبالتالي أي خروج عن نمط الحشمة فى نظرها يغيز أعداءها الكيزان .. والعكس تماماً نحن نري التدين الفطري هو تدين الشعب السودانى .. وبالتالي من خلف ظهر الكيزان خبطتنا نحن الشعب السودانى عكاكيز ألهبت بها ظهرنا حتى تململنا رغم حبنا لها ولدورها الثقافي. دا الحصل .. واليوم تماضر لو قدمت الفيتات بنفس طريقة بناتنا هنا .. سوف تنال أعجابنا. وبعدين يا العبار أختشي .. نحن بقينا ناس كبار في السن ..! بريمة

العبار بريمة بلل.


نعم الفنانة القديرة تماضر شيخ الدين يسارية التوجه، وكما تعرف أنت أن أهل اليسار في السودان هم أصحاب أبداع وثقافة غنية وفي جميع المجالات الفنية والثقافية. بما أنك رجل كوز صاحب عقلية متخلفة فأنت لم ترى في تلك الفرقة إلا سيقان البنات الصغار وبعضهن كانوا أطفالا في تلك الفترة،
فأنت مثلا لم ترى الأبداع ولم ترى التراث في تلك العروض التي أعجبت جميع من حضرها أو شاهدها، وده يعكس لنا حجم الأزمة التي أدخلها الكيزان في الثقافة السودانية. يا عبار أنت لم تسمع بفرقة الفنون الشعبية السودانية؟ وهل أنت تتذكر ماذا كانوا يرتدون قبل حكومة الاخوان الطالبانية؟
ولا أنا نسيت، أنت قروي ساذج ولمن جيت الخرطوم أول حاجات خلعت هن بنات الخرطوم وخلاطة الليمون في السوق العربي!
وبعدين كمان شايفك بقيت محلل نفسي! يا عبار أنت زول عايش في أمريكا فكيف يعقل أن تكون لسه بتحمل تلك العقلية المتخلفة المتحجرة وأنت هنا فعلا تحتاج الى محلل نفسي جيد.

Quote: يا ناس هوووي ..أسمعوا منى أنا .. العبار دينق زميل مصلحة قديم بالنسبة لي .. وأنا وهو وكرنا واحد .. هو خايف أنا أفت الموضوع .. Quote: هذا العبار أنا التقيت به حوالي 5 لقائات عابرة طيلة فترة وجودي لأمريكا وهي أكثر من 27 عاما. ونفس هذا الكلام سوف ينطبق على أغلبية السودانيين الذين يسكنون معنا في نفس المنطقة. طيب هنا يبقى السؤال يا عبار منو هو الذي" يرفض الأخر هو .. لا يتعامل مع زول " ؟؟العبار دينق .. الصقر كن وقع كتر البتابت عيب .. أثبت؟ .. بعد كل هذه المعرفة والعبابير .. وحاجات أخري .. تجي تنكري الشم ضحي!أنا بعد إلا أصورك لما نكون مع بعض ..بريمة

العبار بريمة بلل

بطل أطلاق الشائعات وأعلان بطولات زائفة.أنت لا تستطيع أن تكون صديقي، لأنك ما بتقدر على الناس البعرفهم أنا، لأنوا لو لموا فيك ح يسلخوا جلدك ده سياسيا وأجتماعيا، أنت بي أفكارك المهببة دي مافي زول بصادقك أصلا. أنا قابلتك حوالي 5 مرات خلال فترة وجودي في أمريكا، ونحن ساكنين في نفس الولاية.أنا أتحدى أي زول من أعضاء المنبر بتاعين واشنطن، يجي يقول قابلك أكتر من 10 مرات خلال فترت وجودك في أمريكا، بأستثناء جارك العزيز طبعا.

المطلوب حضورهم وشهادتهم هم

:1- كوستاوي
2- عبد الله عبد الله
3- بكري أبوبكر (سابقا)
4- نور الدين منان

السلام عليكم
الأخ بريمة محمد .. لا شك أن ما قدمته مجموعة الشباب في جامعة فرجينيا عمل رائع وجميل ومقدر وفخر لكل سوداني .
ولكن ! حبيت أوضح أنو إستخدام إسم (الطيور المهاجرة) لمجموعة الشباب الرائع سيؤدي إلى لبث كبير حيث أن (الطيور المهاجرة) أسم (مسجل حسب القوانين الأمريكية المخصصة لذلك) .
ونحن في (الطيور المهاجرة) لم نشارك في هذا العمل الجميل .
لذلك وحتى لا تختلط الأمور والحقائق أرجو تصحيح أسم الشباب بأي أسم أخر يناسب عظمة ما قدموه
كما أرجو من إدراة موقعنا المتميز (سودانيز أون لاين) مراعاة ذلك .
ولك الشكر والتقدير على إشراكنا في معرفة إبداعات الشباب في المهجر
التحية والإحترام ،،،

يا دينق...
زي ما أنت عارف العبار بريمة ما ساكن معانا هنا في امريكا، لا بحضر مناسبات السودانيين ولا حتى الندوات الثقافية و السياسية.
هسة شوفو لاقط الخبر دا كيف!
يا عبابيرو الفرقة دي ما الطيور المهاجرة!
و الطيور المهاجرة ما فرقة رقص!
الطيور المهاجرة فرقة غناء.

و حا أجيب ليك الفيديو بتاع الفرقة.
يا عبابيرو ما تقعد في الواطة دي!

شايف الفرق في الاعمار

وهنا شيالين مع الموصلي

فرقة تماضر اسمها عروس النيل (The Bride of the Nile)طبعا دي فرقة رقص محترفة في الأداءو قدمت عدة حفلات رقص في مسارح كبيرة منها مسرح مركز كندي بواشنطون

عبابيرو
طبعا الفيديوهات دي كلها مصورها انا
يعني شاهد عيان...Lol
يلا أدفع..Lol
بالمناسبة الفنان أدروب (محمد الطاهر) الفي فرقة تماضر عقدو بكرة في جامع الهجرة بعد صلاة العصر وأنت معزوم.
بس ما تجيب عبابيرك معاك..Lol

هلا هلا .. بالخردة، الزعيم رقم صفر ..

هل لاحظتم كيف أستخدمت تماضر أجساد البنات .. دا كان سبب النقد ..


عقد الحبوب أدروب ومي .. إن شاء الله بيت مال وعيال .. العقد الساعة كم؟

بريمة

Quote: السلام عليكم الأخ بريمة محمد .. لا شك أن ما قدمته مجموعة الشباب في جامعة فرجينيا عمل رائع وجميل ومقدر وفخر لكل سوداني . ولكن ! حبيت أوضح أنو إستخدام إسم (الطيور المهاجرة) لمجموعة الشباب الرائع سيؤدي إلى لبث كبير حيث أن (الطيور المهاجرة) أسم (مسجل حسب القوانين الأمريكية المخصصة لذلك) . ونحن في (الطيور المهاجرة) لم نشارك في هذا العمل الجميل . لذلك وحتى لا تختلط الأمور والحقائق أرجو تصحيح أسم الشباب بأي أسم أخر يناسب عظمة ما قدموه كما أرجو من إدراة موقعنا المتميز (سودانيز أون لاين) مراعاة ذلك . ولك الشكر والتقدير على إشراكنا في معرفة إبداعات الشباب في المهجر التحية والإحترام ،،،

شكراً فرقة الطيور المهاجرة .. كنت لا أعرف أن الأسم مسجل إلا هذه اللحظة .. وسوف أقوم بتغير العنوان ..

بريمة

عبابيرو الخردة....
ليه فطيت حكاية كذبتك أو بالأحرى جهلك عن أحوال السودانيين في منطقة واشنطون....لمن تكتب في البورد، ناس البورد بفتكروا انو إنتا عمدة منطقة واشنطون.
ليه ما أعتذرت لفرقة الطيور المهاجرة...
و بدوري أهني الفرقة التي قدمت الشغل العظيم دا في جامعة فرجينيا ..هم بناتنا و أولأدنا...لحمنا ودمنا.
دينق و الأرو نورالدين منان و مولانا عبدالله عبدالله يعرفهم %90 من سكان منطقة واشنطون...أما أنت أشك إنو %1 يعرف بريمة العبار....مش كتر خير دينق شافك ٥ مرات....أنا إحتمال 6 مرات و أشك إنو الأرو نورالدين يكون شافك في حياتو، وهو أحد زعماء السودانيين وله ما يقارب ال ٣٠ حول في المنطقة.

النقطة التانية.... وريني الفرق بين فن الجسد بين طيورك الماهجرة و فرقة تماضر......انتا عندك مشكلة بتاعة أجساد يا عبابيرو Lol
و عندك مشكلة مزمنة مع بنات الخرطوم الما عبروك في الجامعة.

ومشاكلك كتيرة يا عبابيرو.....
لكن برضو أخوي و في وقت الحارة (طلق أقيف معاك) في الغربة دي.

Note:
العبار كوز :80%
العبار عنصرية قبلية: : %90
العبار اجتماعيا في الوسط الذي يعيش فيه الآن: 1%

* المصدر: سودانيزاون لاين %90
*مصادر أخرى: %10
___
غايتو أنا و دينق جاينك نعبر معاك أبرى في رمضان
حضر المصلايات
الفكي دينق حا يكون الإمام...lol

تصوموا و تفطروا على خير.

كوستا

Quote: النقطة التانية.... وريني الفرق بين فن الجسد بين طيورك الماهجرة و فرقة تماضر......انتا عندك مشكلة بتاعة أجساد يا عبابيرLol

والله ذكرتنى زمان .. عندنا واحد فى البادية من أولاد الشنابلة .. يسمى "أم شخ شلي" .. والأسم لقب من إبداع شقيقي الكبير .. أم شخ شلي شبه مصاب
بحالة أشبه بالجنون أو الذهان .. زول مهود ساكت .. لكن أم شخ شلي يمتلك حس وزوق سليم ..
ذات مرة أم شخ شلي يرعي الأبل مع أبن عمه يسمى الجيلي .. والجيلي رجل شاب صغير فى السن لكن أنسان فارس ويمتلك قوة رهيبة .. تشاكل الجيلي
مع أهل الجبال حول مشرع مياه .. ولموا فيه قرية بحالها .. دقوا الجيلي دق العيش حتى ألتصق جسمة بالتراب من كثرة الدماء التى سالت وجفت قبل ما يأتى
أهله .. كان أم شخ شلي حاضر الدوسة بتاعت الجيلي ..

في ذات يوم ونحن فى مورد المياه شمال شرق كادقلي مع شقيقي، جاء أم شخ شلي وسأله شقيقي عن سبب الدوسة وكيف ضرب أهل القرية الجيلي حتى
قارب الموت .. فكان أم شخ شلي يتحدث حديث العارف بالحدث .. فى تلك اللحظة حضرن بنات الشنابلة وهن جميلات جمال القمراء .. أول ما جاءن سلمن علينا
أنا وشقيقي ولم يسلمن علي أم شخ شلي .. وبدأن المغامزة والضحك .. سألهن شقيقي الحاصل شنو .. النظرات الغريبة دي؟ .. أنا طبعاً فاهم الحاصل لأنى
مثل أم العروس فى تلك اللحظة .. مليت لهن القرب جت .. فهن كلمنى قالن لي عيد وهو أسم أم شخ شلي .. فزي أي جري من الدواس لمن الجيلي لككوه ..

وكلمة لككوه .. يستعملها الحمر والشنابلة للدواس ..

عيد رمى أضانه وسمع الكلام .. وقام نبذ البنات .. بالصعلوقات .. ويهزن صلوبهن أمام الرجال .. فقامت إحداهن وقالت بصوت عالي نحن ما صعاليك ..
ثم سألته .. لمن الجيلي لككوه مينو الفزي؟ .. ثار عيد هائجاً .. وجبد سوط عنج يتدلي من المخلوفة حتى الوطاة .. ووقع ليك رقع فى البنات .. والكايك رقد رج ..
أنا أجري أمسك أم شخ شلي من بنت يجري للأخري .. يدرشها لما ملابسها الداخلية تبين .. ويقع فيها رقع .. نجري نقول نفكه منها يندرع فى أخري ..
وشقيقي الكبير رجل مكفوف .. ظللت فى هذه الحالة حتى جاء عمنا كبير فى السن يسمى عبد الفضيل .. أطلع العقال من جمل أم شخ شلي وضرب الجمل سوط سوطين ..
جري الجمل .. وجري خلفه أم شخ شلي .. أحضر أم شخ شلي الجمل ثم جاء ليكمل الدواس .. لبست سكين وشلت فرار .. وقلت لأم شخ شلي الدواس القالن البنات
أنت فزيت منه اليوم تفز تانى لو حاولت تلمس البنات ..

هناك وقف أم شخ شلي وأشهدنا بالله ورسوله وقال عديلة عليكم .. البنت التى تهز مؤخرتها أمام الرجال صعلوقة أم ما صعلوقة ..؟ .. العم عبد الفضيل أجابه بنعم
صعلوقة .. تركنا عيد وركب جمله وخب خبيب تجاه غابة مجاوره .. والغابة فى شكل دائري حتى تصل الدرب الذي سوف يعودن به البنات إلي الفريق ..

أنا قلت لشقيقي وعم عبد الفضيل .. أم شخ شلي ماشي يربط للبنات فى الغابة .. جاء إبن عمي يسمى البخيت وقال لي أراكا مع البنات ..

والله لما دخلنا الغابة .. لقينا أم شخ شلي مرابط مثل الأسد .. الزول عينه ما بترمش .. ومن شافنا .. عنانا عديل .. كب مسكت الرسن وبركت الجمل ..
وحاولت أشتبك مع أم شخ شلي ..إلا أنه تراجع .. يا بريمة ني ما بكاتلك ني ما بكاتلك .. حمدت الله.

--------
القصة دي كلها أوردتها ليك .. عشان أقول ليك فى أخلاقنا وأسلامنا وزوقنا السليم .. أن جسد المرأة عورة .. وأن تبرج المرأة وإظهارها لمفاتنها أمام الرجال
فى الأسلام حرام .. وكذا في فطرتنا السودانية السوية التى تتمثل فى زوق عيد أم شخ شلي ..

بريمة

المحيط الرياضي .. للجامعة ..

Student dining places

المسرح ..

ومن كل ما تقدم، يتبين لكم الدور الكبير الذي لعبه طلائعنا المهاجرة ..




ولله درك يا سودانى .. أينما ذهب أبناءك وهلوا يبدعون ..

بريمة

Quote: القصة دي كلها أوردتها ليك .. عشان أقول ليك فى أخلاقنا وأسلامنا وزوقنا السليم .. أن جسد المرأة عورة .. وأن تبرج المرأة وإظهارها لمفاتنها أمام الرجال فى الأسلام حرام .. وكذا في فطرتنا السودانية السوية التى تتمثل فى زوق عيد أم شخ شلي .. بريمة

العبار بريمة بلل

cut the crab و Stop the BS

لو أنت فعلا مؤمن بالكلام الفوق ده شنو البخليك تهاجر من دولة الإسلام في السودان وتجي تعيش في دولة علمانية وأنت تعرف جيدا أن النساء فيها لا يتحجبون وكاشفات سيقانهن؟

بعدين أنت يا عبار مش الكتبت قبل كده أنت كنت واقع حضن في البنات الامريكيات ولا أنت عبار تاني؟

يا عبار بطل نفاق

يا كوستاوي

ياخ أنت جيت أمريكا دي من قبلي، بالله أنت لاقيت العبار بريمة ده كم مرة في حياتك؟
أنا قابلت العبار ده حوالي 6 مرات فقط وكلها لقائات عابرة ساكت.

تعالوا شوفوا يا أخوانا وأخواتنا .. العبار قاعد يكذب حتى فى هذا البوست ..

Quote: هذا العبار أنا التقيت به حوالي 5 لقائات عابرة طيلة فترة وجودي لأمريكا وهي أكثر من 27 عاما.

Quote: أنا قابلت العبار ده حوالي 6 مرات فقط وكلها لقائات عابرة ساكت.

أحسن تقول أنا ما قابلتك ذاتو عشان تنكر الكلام الأنا عايز أقوله ..

بريمة

هنا تجدون قصة: أنا بقاري كاوبوي ..

أقرأوا عن قصتى: أنا كاوبوى .. والكاوبويات أعترفوا بى



أنا كاوبوى بقارى .. الجزء الأول (1)
أنا كاوبوى بقارى .. الجزء الثانى (2)

والكلام البقول فيه دينق ح تلقوه هنا ..

وهنا بريمة الحازمي العربي الجهينى


أها يا العبار الكلام كمل ولا لسع ..!

بريمة

كوستاوي ودينق ثقيلين؟!
مسّخوا عليك بهجتك بالشباب الحلوين ديل.
لا تلتفت للمرجفين وزدنا من إحساسك الحلو بالأشياء يا وريف الحواف يا أنيق يا شفيف

Quote: كوستاوي ودينق ثقيلين؟!

دمهم دم قراد .. !


بريمة

أحبابى بورداب واشنطن ,, لكم تحياتى وودى ... وبحق إنتو ناس ظريفين .

Quote: أحبابى بورداب واشنطن ,, لكم تحياتى وودى ... وبحق إنتو ناس ظريفين .

الحبيب عبد الله عبد الله .. مشرف الديار ..

بريمة

الأعزاء

نور الدين منان
عبد الله مولانا
كوستاوي

هذا البوست أنتصار كبير لنا، لقد أعترف العبار بريمة بلل أخيرا بأنه رجل أفريقي كامل ويعتز بموروثه الثقافي الأفريقي.

تعبنا فيهو ما راح ساكت.

Quote: هذا البوست أنتصار كبير لنا، لقد أعترف العبار بريمة بلل أخيرا بأنه رجل أفريقي كامل ويعتز بموروثه الثقافي الأفريقي. تعبنا فيهو ما راح ساكت.

بريمة

يا عبابيرو كنا منتظرنك يوم السبت تحضر المحاضرة دي...شوف صاحبك صلاح شعيب قال شنو..Lol