Post: #2 Title: Re: يا حمامة مع السلامة... Author: Frankly Date: 05-18-2016, 10:14 PM Parent: #1
بالجد قريتها " يا جماعة مع السلامة"
الله يخليك وتبقى معانا ويرجع تمبس يلقانا وأساسي يغشانا والخواض يطرانا وبقية المخضرمين في مهاجرنا وسودانا
Post: #3 Title: Re: يا حمامة مع السلامة... Author: عبدالعزيز الفاضلابى Date: 05-18-2016, 10:16 PM Parent: #1
الله يفك حبسك يابوحسين
Post: #4 Title: Re: يا حمامة مع السلامة... Author: محمد على طه الملك Date: 05-18-2016, 10:20 PM Parent: #3
والله سبقني فرانكلي .. ياخي ذاتو بقينا ما بنقرا بعيونا .
Post: #5 Title: Re: يا حمامة مع السلامة... Author: محمد البشرى الخضر Date: 05-18-2016, 10:26 PM Parent: #4
ازيكم يا شباب الليلة الحفلة دي احتفاء بالطيران وكدا
Post: #6 Title: Re: يا حمامة مع السلامة... Author: محمد البشرى الخضر Date: 05-18-2016, 10:28 PM Parent: #5
Post: #7 Title: Re: يا حمامة مع السلامة... Author: محمد البشرى الخضر Date: 05-18-2016, 10:31 PM Parent: #6
Post: #8 Title: Re: يا حمامة مع السلامة... Author: محمد البشرى الخضر Date: 05-18-2016, 10:33 PM Parent: #7
Post: #9 Title: Re: يا حمامة مع السلامة... Author: محمد البشرى الخضر Date: 05-18-2016, 10:39 PM Parent: #8
Post: #10 Title: Re: يا حمامة مع السلامة... Author: abas Date: 05-18-2016, 10:44 PM Parent: #9
هههههههههههههههههههههههههههههههههههههه
شمتان انت
Post: #11 Title: Re: يا حمامة مع السلامة... Author: مني عمسيب Date: 05-18-2016, 10:47 PM Parent: #9
ود البشري سلام ..
اها لقيتني كيف ؟؟؟ ههههههههههههههه
Post: #12 Title: Re: يا حمامة مع السلامة... Author: عباس محمود Date: 05-18-2016, 10:53 PM Parent: #11
ود البشري هات من الآخر .. نزل فيديو البلنتيين وقرط علي كده كله محصل بعضه
Post: #13 Title: Re: يا حمامة مع السلامة... Author: عباس محمود Date: 05-18-2016, 10:58 PM Parent: #12
بعدين لو داير أغنية تناسب شماتك وعنوان البوست كان اخير تجيب حمام الوادي يا راحل حقت حمد الريح
Post: #14 Title: Re: يا حمامة مع السلامة... Author: محمد البشرى الخضر Date: 05-18-2016, 11:35 PM Parent: #13
لقيتك كدا يا منى :)
عبس و عبس كيفكم اها هاك
Post: #15 Title: Re: يا حمامة مع السلامة... Author: محمد البشرى الخضر Date: 05-18-2016, 11:38 PM Parent: #14
يا كافي البلا لا كورة لا أخلاق
Post: #16 Title: Re: يا حمامة مع السلامة... Author: محمد البشرى الخضر Date: 05-19-2016, 06:01 AM Parent: #15
صباح الخير صيفابنا الأعزاء فشّلتونا و الله غلب و سلوك غير رياضي
Quote: أعمال شغب واعتداء على الحكام و الصحافيين بمراكش في مباراة المريخ
لم يكتب لمباراة الكوكب المراكشي والمريخ السوداني أن تعرف نهايتها الطبيعية، بعد فقد ان لاعبو الفريق الضيف الأعصاب ومهاجمتهم للاعبي الفريق المراكشي، وكذا مجموعة من الصحافيين المغاربة، بالاضفافة إلى حكم المبارة الذي تلقى لكمة قوية من أحد ميسري فريق المريخ السوداني. وعاث لاعبو ومدرب الفريق السوداني فسادا في الملعب نتيجة عدم تقبل الخسارة بهدفين دون مقابل والاقصاء من مسابقة كأس الاتحاد الافريقي، إذ تم الاعتداء على بعض اللاعبين باللكم، كما لم يسلم مجموعة من المصورين الصحافيين للضرب وتكسير آلات التصوير، في ردة فعل شارك فيها مدرب الفريق. وكرس الاعتداء على لاعبي الكوكب المراكشي وبعض المصورين استمرار ظاهرة العنف والشغب بالملاعب الكروية، والتي لا تقتصر على الجماهير. (اليوم24)
Post: #17 Title: Re: يا حمامة مع السلامة... Author: abas Date: 05-19-2016, 06:05 AM Parent: #15
والي الدين الله يرحمه زي حاتم ده تجيب ليه زاهر مركز
عشان تاني ما يتكلم يسكه المباراه كلها ويطلع بي كرت احمر
المهم غير كسر والي الدنيا ما عنده سيرة يزكروه بيها
تيم البلنجات
وضربتين جزاء صحيحات المشاكل في شنو
Post: #18 Title: Re: يا حمامة مع السلامة... Author: Kabar Date: 05-19-2016, 07:17 AM Parent: #17
ليه كده يا عمك..؟ شنية منك ياااااااااااااخ.. ما قروكم: ارحموا عزيز قوم ذل..؟!! كامل التضامن مع ول ابا اللمين البشاري..!! ونهديهو..نجمة..نجمة.. غايتو يا ود البشرى ..لو انصاف فتحي كان غنت الكوبليه بتاع (فارقنا الحنين ما كلمنا مالو)..كان الواحد ارتد ليكم قدام الملأ وكفر ليكم بالله واحد وبقي من ناس نجمة..نجمة..!
ما عارف ليه؟
كل ما يتغلب فريق سوداني في مباراة دولية ، بدون ما اشعر بمشي اتفرج في اقوان كرنقو..!!
عليكي الرسول يا انصاف فتحي..غنيها كاملة..واوعد ما ح ارتد وابقى مريخابي..!!
كبر
Post: #19 Title: Re: يا حمامة مع السلامة... Author: ياسر منصور عثمان Date: 05-19-2016, 07:18 AM Parent: #1
واااااااااااا فضيحتاه
ضربتي جزاء اوضح من الشمس في رابعة النهار
كسفتونا وشرطوا عينا
Post: #20 Title: Re: يا حمامة مع السلامة... Author: محمد البشرى الخضر Date: 05-19-2016, 07:34 AM Parent: #19
هلا بالشباب عباس, كبر و ياسر منصور ياخي الشماتة ما ظريفة لكن نسوي شنو؟ الناس ديل أكان صعدوا المجموعات كان فطّرونا في رمضان عديل كدا الله كريم لكن
مزيد من الجرسة وشيل الحال (منقول من منتديات المغاربة)
Post: #21 Title: Re: يا حمامة مع السلامة... Author: وضاح عبدالرحمن جابر Date: 05-19-2016, 08:12 AM Parent: #20
ههههههههههههه صور عجيبه ما فضل زول في الاستاد ما سكوه ولا شنو ؟
طيب ما كان احسن يشتركوا في الاولمبياد جري بدل كورة القدم دى ..
Post: #22 Title: Re: يا حمامة مع السلامة... Author: حيدر بشير Date: 05-19-2016, 08:37 AM Parent: #21
اخونا الجميل ود البشرى و ضيوفك الكرام
لكم التحايا الخالصة
الجماعة شابكننا صفوة صفوة هو بالله الصفوة ياهى كدة ما شاء الله كل حاجة اتغيرت و اتبدلت مالو ما يبدلوا الصفوة برضو
الهزيمة دى اصلا كانت مضمونة لكن ما اتوقعنا السقوط الاخلاقى
بالله حتى الشرطى ما سلم منهم غايتو ناس علاء شلاليت وظف كل خبراته فى الشلاليت و استخدمها ضد اى واحد حايم فى الميدان ما فرز ابدا لاعب جمهور اداريين شرطة من طرف
و بعد دا يفتشوا لى فى الاعذار و منتظرين الكورة تتقدم
Post: #23 Title: Re: يا حمامة مع السلامة... Author: عمر أبوعاقلة Date: 05-19-2016, 08:59 AM Parent: #1
يا كافي البلاء .. سيد الخيط والمتداخلين مافيهم واحد بهدي التاني
شماتة عدييييييييل يا ود البشرى
الله هونيني
Post: #24 Title: Re: يا حمامة مع السلامة... Author: ياسر منصور عثمان Date: 05-19-2016, 09:14 AM Parent: #1
المصور مسكين ودوا المستشفى
ههههههههههههه
Post: #25 Title: Re: يا حمامة مع السلامة... Author: Haytham Ghaly Date: 05-19-2016, 09:43 AM Parent: #24
ههههههههههههههههه
والله انا لا زول كورة ولا حضرت مباراة الامس دي
لكن من الانفعال الشافتو عيني في الصور والفيديوهات دا يا ود البشرى
معناها الضربتين ديل ما صحيحات والناس ديل مظلومين
اما اذا كانو الضربتين صحيحات والانفعال دا كلو جرسة من الغلب
احسن نادي المريخ يتباع يا عملات منو هو الفاتح بوست بهذا الخصوص
غايتو لقيتكم بتحبو الشماتة
Post: #26 Title: Re: يا حمامة مع السلامة... Author: اميرة السيد Date: 05-19-2016, 09:58 AM Parent: #25
بت عمسيب ..لكن ما بالغتي في الصورة اللقطة دي.. اجمل .صورة.. بس مستغربة كيفن رفعوا الطيارة دي فوق اللوري..!! برضي يا ود البشرى قريتها يا جماعة مع السلامة... والله يديكم الصحة والعافية...
Post: #27 Title: Re: يا حمامة مع السلامة... Author: عبدالكريم أحمد الامين Date: 05-19-2016, 10:29 AM Parent: #26
** ود البُشرى.. ** سلام.. ## ياحليل زمن الإداريين .. الذين يخاف اللاعب أن يتصرف أمامهم إى تصرف خاطئ.. ## حال إى نشاط إى كان يرتبط بحال البلد فى هذا الزمن الغيهب .. ** غايتو المغاربه لو تركوا مُثيرى الشغب من اللاعبين والإداريين يغادروا بدون إتخاذ إجراءات قانونيه ضدهم فلهم الشُكر الجزيل ويكونوا خجلونا من التصرفات المُشينه التى شاهدناها... (ودام الود والإحترام بين الجميع)
Post: #28 Title: Re: يا حمامة مع السلامة... Author: محمد البشرى الخضر Date: 05-19-2016, 11:00 AM Parent: #27
هلا بالشباب هلا والله... وضّاح, حيدر, أبو عاقلة, غالي, بت السيد و مولانا عبد الكريم
فيديو يوري مهارات الوصيفاب في التقاط ورد القوارير هههههههه
Post: #29 Title: Re: يا حمامة مع السلامة... Author: علي عبدالوهاب عثمان Date: 05-19-2016, 12:12 PM Parent: #28
حبيبنا ودالبشرى .. الليله طوالي على قهاوي الهنداوية في جدة .. هلالنا فوق والعشاء كمان مع الشباب هناك ( فول مصلح من مجدي الحلفاوي )
حمامة المريخ مع السلامة ..
فقدناك يا أبوحسين .. صدقني يا أبوحسين بدونك المنبر بايخ .. عائد عائد يا ابوحسين ..
Post: #30 Title: Re: يا حمامة مع السلامة... Author: محمد البشرى الخضر Date: 05-19-2016, 07:39 PM Parent: #29
علي يا عمّك, ان شا الله انبسطت الليلة في القهوة بعدين ابوحسين شنو في الحر دا ياخ
المغاربة عاملين كيتة و الفضيحة بجلاجل
Post: #31 Title: Re: يا حمامة مع السلامة... Author: محمد البشرى الخضر Date: 05-19-2016, 07:47 PM Parent: #30
عرف اللقاء الّي جمع بين الكوكب المراكشي و المريخ السوداني حركات لا اخلاقية من جانب الفريق السوداني....
سمح الغنا في خشم ستو السمحة دي هههههههه
Post: #32 Title: Re: يا حمامة مع السلامة... Author: حمد عبد الغفار عمر Date: 05-19-2016, 08:21 PM Parent: #31
والله حنيت عليهم
السُترة فارقوها
الملاكم حاتم تايسون
Post: #33 Title: Re: يا حمامة مع السلامة... Author: محمد البشرى الخضر Date: 05-20-2016, 08:03 PM Parent: #32
هلا حمدنا ... الفيديو دا فيه لقطة مطاردة علاء الدين للمصوّر والشلوت و القفز عليه
Post: #34 Title: Re: يا حمامة مع السلامة... Author: عاطف عمر Date: 05-20-2016, 08:44 PM Parent: #1
ورغم كووووووووول ذلك يا هندسة سوف تقرأ في صحف الخرطوم من ( يشيد ) بما فعله حاتم وعلاء وربما أضاف ذلك بالإشادة بـ ( غيرتهم الشديدة ) على شعار المريخ
في ما أرى أن القرار ( الرياضي ) الأصوب لمثل هذ المساخر هو شطب اللعب علاء شطباً نهائياً من كشوف الإتحاد العام السوداني وحرمان حاتم محمد أحمد من أي عمل إداري بأندية الإتحاد العام السوداني
يا عمك إنت قايل نحن فارقنا كرة القدم السودانية من شوية ؟؟
Post: #35 Title: Re: يا حمامة مع السلامة... Author: محمد البشرى الخضر Date: 05-23-2016, 08:29 PM Parent: #34
هلا عاطف يا عمّك فعلا تاني يوم الصحف الوصيفابية تعزف على نغمة الاستفزاز و العنصرية وقبل شوية حاتم محمد احمد صاحب اليسارية الأضرب و اهرب في لقاء معاه في قناة امدرمان رماها في الحكم قال اخرج اللاعبين من طورهم وهو دخل عشان يمنعهم من التهور هههههه شوف ليك عذر اخير منه الذنب
Post: #36 Title: Re: يا حمامة مع السلامة... Author: عباس محمود Date: 05-23-2016, 09:08 PM Parent: #35
سلام ود البشري يا حبيب في التعليق الفات قلت ليك :- كله محصل بعضه متزكر الصور والفيديو الخاص بلاعبي الهلال مع حكم مباراتهمم مع فيتا كلوب .
Post: #37 Title: Re: يا حمامة مع السلامة... Author: محمد البشرى الخضر Date: 05-23-2016, 09:23 PM Parent: #36
وعليكم السلام يا عبس متذكّرها بالحيل و أجمل ما فيها كونكم يا وصيفاب تأكّدوا مقولة الصحفي اليوغندي عن كونكم عايشين تحت ضل الهلال لدرجة عاملننا مثلكم الأعلى حتى في سوء السلوك :) في البطولة الافريقية طايرين ورانا هههههه صفوة ياااااا
يا منى :) 
