Post: #1
Title: استديو الحجاي قصص مصورة تاريخية عشان مستقبل اولادنا
Author: Mohamed Yahia Mahjoub
Date: 05-18-2016, 07:23 AM
07:23 AM May, 18 2016 سودانيز اون لاين
Mohamed Yahia Mahjoub-الخرطوم
مكتبتى
رابط مختصر مشروع الحجاي هو مشروع كنت مخلص ليه في الحداشر سنة الفاتت , و هو عبارة عن استجلاب قصص من تاريخ السودان و تراثه , و تقديمها للشباب و الاطفال السودانيين في قوالب محببة بالنسبة ليهم, و كانت قدرتي المادية الضعيفة في الفترة الفاتت دي خلتني اقدم بس الحجى الشفاهي و و برضو كانت حاجة ناجحة
و شاركت حتى في مسابقة مشروعي بالفكرة , و فزت بالمركز الخامس
حاليا حننتقل للمرحلةا لتانية من المشروع , و هي انشاء الاستديو الحننفذ عن طريقه قصص مصورة فانتازيا تاريخية, تحفز الشباب و الاطفال يعرفوا تاريخهم, و يعرفوا يعني شنو سودان , و يعني شنو انسانية
المشروع حيكون في الشهور الاولى بالعربي , بس بعد سنة او اقل حيكون باربعة لغات عربي انجليزي فرنسي اسباني , و كمان القصص حتنتشر ملفات صوتية باللغات السودانية
ما حاكتر عليكم
دي تفاصيل المشروع و طرق الدعم حتلقوها تحت
لأي استفسار ممكن تتصلوا علي ارقام تحويل الرصيد
او الايميل [email protected]
و حتلقونا في خدمتكم..
تذكروا دائما
رقم الحساب 1270145 توفير, بنك الخرطوم فرع الرياض المشتل
ارقام تحويل الرصيد :
سوداني : 0129043333
أم تي ان : 0920416032
زين : 0969710438
و موقع الحملة للداعمين من برة السودان
http://www.zoomaal.com/projects/alhaggayhttp://www.zoomaal.com/projects/alhaggay
#الحجاي
#تاريخ_السودان
#استديو_قصص_مصورة
#انسانية
|
Post: #2
Title: Re: استديو الحجاي قصص مصورة تاريخية عشان مستق
Author: Mohamed Yahia Mahjoub
Date: 05-18-2016, 07:28 AM
Parent: #1
دي مجموعة اسئلة في ناس طرحتها و ممكن تطرحها
بنجاوب عليها هنا
هل المشروع ربحي ؟
نعم المشروع ربحي لسبب مهم جدا ,في حالة اعتمادنا على الرعاة , و الداعمين في تسيير المشروع , حنكون في خطر انه الراعي ممكن يسحب اعلاناته و دعمه اذارؤيتنا ما وافقت سياسات التوزيع و المبيعات عنده,تقريبا الجرائد نموذج واضح للحكاية دي (طبعا الجرائد عندها المعامل الامني كمان)
كلمة ربحي مع انها مزعجة شوية , لكن احنا بنتكلم عن انه المنتج شهريا بتدفع في النسخة الالكترونية بتاعته اقل من حق تنشيط النت بتاعك لشهر او حتى اسبوع
نقطة صغيرة بخصوص الارباح احب اضيفها ,40% من صافي الارباح ماشي لمؤسسات مجتمع مدني بتدعم اصحاب التحديات, و ماشي للمناطق الجبنا منها القصص (مثال , قصة عن الشرق, حنساعد في مدارس و مستوصفات في الشرق من ارباح القصة دي)
ليه تمويل جماعي و تبرعات ,مدام هو ربحي ؟
الصيغة الطرحنا بيها دعم المشروع , هي صيغة التمويل الجماعي, و هي صيغة مشهورة في العالم كله , و حتى استخدمت في السودان في مشروعين فنيين, هي غرضها دعم الفنانين بتمويل بعيد من مخالب الشركات و ضغوط و قيود البيروقراطية , البتقتل الابداع اكتر مما بتنعشه
وهي دعم ما تبرعات, انت بتدعم بنسبة معينة, عندك مقابلها هدية رمزية كشكرمن فريق العمل
ليه ما يتم تحويل الفكرة لشركة مساهمة عامة , او حتى جمعية ثقافية؟
الحاجة الناس كتار ما عارفينها انه فكرة شركة المساهمة العامة , الجمعية الثقافية و غيرها كمان, كلها افكار تم طرحها و تمت مناقشتها طول فترة عملي في المشروع, يعني طول مدة الحداشر سنة الفاتت,للاسف بتفشل بسبب تعصب ناس لافكارهم و تصوراتهم (لمحة صغيرة على اي قروب من قروبات التاريخ والهوية السودانية ممكن توصل ليكم الفكرة)
هل انت الامر الناهي, لانك صاحب الفكرة ؟
دي ما بتعتبر ديكتاتورية منك ؟
بالنسبة للديكتاتورية حاليا انا صاحب الفكرة لانه مافي استديو قائم , و البنعمله حاليا الاحاجي الشفاهية و دي بقوم بيها بنفسي
بس لحظة قيام الاستديو في فريق عمل متكامل من الاداريين و مختصي التسويق و الباحثين حيكونوا مسئولين من الشغل, و انا حيتم التعامل معاي ككاتب خارجي , و مستشار تطوير اعمال.
لأي استفسار ممكن تتصلوا علي ارقام تحويل الرصيد
او الايميل [email protected]
و حتلقونا في خدمتكم..
تذكروا دائما
رقم الحساب 1270145 توفير, بنك الخرطوم فرع الرياض المشتل
ارقام تحويل الرصيد :
سوداني : 0129043333
أم تي ان : 0920416032
زين : 0969710438
و موقع الحملة للداعمين من برة السودان
http://www.zoomaal.com/projects/alhaggayموقع الحملة على ذومال
#الحجاي
#تاريخ_السودان
#استديو_قصص_مصورة
#انسانية
|
Post: #3
Title: Re: استديو الحجاي قصص مصورة تاريخية عشان مستق
Author: Mohamed Yahia Mahjoub
Date: 05-18-2016, 07:38 AM
Parent: #1
لسنين كنت بشوف الناس و هي بتقول انه في حاجات بتتزرع في نص السودانيين و بتبعدهم من بعض , بذور للفتنة ممكن نقول
و كان الناس بتشتكي من انه تاريخنا و هيوتنا و ثقافتنا مغيبة, في البقول الحكومة و البقول انه الناس ما حابة تعرف و البقول و البقول ....
الحاجة الحقيقية هي انه وعي الاطفال و الشباب بتشكل بالحاجة البتشكل طفولتهم, و بتبقى جزء من هويتهم , بشكل كبير لدرجة انه حاليا كورسات تعليم اللغة اليابانية في السودان هي ممكن تكون الكورسات الوحيدة العندها لائحة انتظار, عشان "اولادنا" الحابين يتعلموا الغة دي , حابين يتعلموها عشان يتعرفوا على الثقافة الكاملة , القدمت ليهم افلام الكرتون جزء منها
ليه طيب الاطفال و الشباب السودانيين ما يتعلموا اللغات السودانية المحلية , عشان يعرفوا اكتر عن تراث بلدهم و تاريخه و عن الشعب المتنوع ده
الحاجة دي اوضح طريق ليها القصص المصورة و رسوم متحركة , يعني الاستديو ده
يا نقيف كلنا فيه سوا , يا نقعد نتحسر و نتكلم عن ليه اولادنا بفقدوا هويتهم , ليه البلد بتضيع , و ليه و ليه و ليه......
|
|