معتصم السجنك في قصيدة لبنت أخته المناضلة مي عادل كرار

11:30 AM May, 16 2016 سودانيز اون لاين
فرح الطاهر ابو روضة-...................
مكتبتى
رابط مختصرقلبي معكيا زوله ابنوسه وسمار ..محتار علي مد البصر مين علمك كل هذا الابتسام كل الملامح والشبه نخله وقواممين دسه فيك الروح وشال من هيبتك شكل الفراش وطبع الحمام ..وخته فيك اسدا همام يا زوله من طيبه وذكاء ..جراءه ودهاء مني ليك تعظيم سلاميا خي دي من حرفين وبس لكن تغوص في بحرها تغرق تمام تتوسد الحرف الرصين ما بت عزازوناسا حنان بالجد كرام ما بتعرف الفر والهوان تعرف تقيف وسط البلد ضد الظلم والانهزامزوله مجروره وتجر جيش الكجر بالاعتصام يا سمراء حد الارتواء والنيل يشابي عليك نشف ريق الغلابه بيوت بتحلم بالضفافوانحنا في سفينه نوح علي صخر البلد واقفين اتمحن النيل علي دجل الضباع لمتين نفيق علي خدر المطر ونسجد علي طين الجرفونزأر علي حرفا وقف...ونهتف للبنيه الفي الدربزوله ابنوسه وسمار بت البلد وعشم الولد مين علمك كل هذا الانتصارالمعتصم بالله..

تحياتي أخي فرح
والله النص سمعتو من صديق في السودان ومن شوية وصلني
رائع جدا فك الله أسرهم جمعيا
ولك ولكل الثوار الاجلال والمناصرة

لك التحية زهير
والكنداكة مي
ولكل رفاقها
داخل سجون سلطة المؤتمر الوطني
وللأخ الجميل السنجك كل الود
والتقدير والاحترام
والنصر لشعبنا الصابر صامد

مي عادل ..
وقضيتك عادله
وكل الناس تتكلم عنك
صبر .. كفاح واستبسال
صغيره في عمرك .. كبيره في عقلك
خاف الجيش الظالم منك
فصلك .. سجنك
من اهلك حرمك
اﻻ قضيتك ساهره وطاهره
وما بتنوم الفكره الحره
وما بترضي الضيم ( الظلم ) البت الحره
وقضيتك عادله
في بلدا مظلوم .. وحاكم غاشم
في حق الناس (الشعب ) آثم آثم

الرشيد حمد

التحية لك ابوروضة وللاخ معتصم السنجك

قصيدة رائعة ومعبرة حقا فالبنية الجسورة

تستاهل اكثر من كدة بلا شك انها رفعت

راس كل السودانيات