المعذرة ان كان الموضوع (او الطلب) ليس في الوقت المناسب
ولكنني رأيت تسجيل الاذاعة (و استمعت له مرة) لهذه الاغنية كاملة منذ اول مقدمة موسيقية هنا في هذا المنبر ولكني فشلت في العثور عليها ثانية ارجو ممّن يملك تسجيل الاذاعة لهذه الاغنية ان يبرّني به
Post: #2 Title: Re: اغنية عثمان مصطفى (طال علينا فراقكم....او ..� Author: Munir Date: 05-15-2016, 08:28 PM Parent: #1
سلامات زكريا .. ياخى الروائع دى كنت بمشى أفتشها فى مكتبة الإذاعة السودانية .. لكين هسه تفتش موقع الإذاعة ده فى الإنترنت كلها ما تلقاهو .. ماعارف الحاصل شنو .. العجيب إنك تلقى مليون موقع fake بإسم الإذاعة يخلوك عايش فى متاهة ومرارتك مفقوعة من الغيظ .. أغنيتك دى بالذات فى مليون نسخة بالعود فى اليوتيوب لكين تسجيل الإذاعة القديم نَهِى .. أعتقد أن الإذاعة مقصِّرة فى حق الشعب السودانى لأنو مفروض الجمهور ليهو حق فى زمن الإنترنت ده يكون عنده access لهذه الثروة الفنية الإذاعية ..
Post: #3 Title: Re: اغنية عثمان مصطفى (طال علينا فراقكم....او ..� Author: Zakaria Fadel Date: 05-16-2016, 07:24 AM Parent: #2
سلام منير موقع الاذاعة زمان كان هو ملجأنا في الغربة.. حتى الاذاعة عندما انشأت قسما تجاريا....كنت احد زبائنه الدائمين ابان وجودي بالسودان... مع التنقل المستمر ..كل ما اقتنيته (اختفى في ظروف غامضة).... الاذاعة يا صديقي ليست مقصّرة فقط في حفظ الروائع وجعلها في متناول يد الجميع...بل اظنها تقوم بمسح بعض الاعمال دون مراعاة لاهمية التوثيق
لكن الاغنية المذكورة ....تم نشرها هنا في بوست ..للاسف نسيت من نشرها ..كما نسيت ايضا كاتب البوست كل ما اذكره ..هو انه عاد بعد غياب...ويبدو انه كان مشهورا بتسليط الضوء على روائع الغناء
Post: #4 Title: Re: اغنية عثمان مصطفى (طال علينا فراقكم....او ..� Author: عبد الباقي الجيلي Date: 05-16-2016, 07:44 AM Parent: #3
العملاقان وردي واسماعيل حسن .....
وقام وردي بإهداءها فيما بعد لعثمان مصطفى ....
ياخي اغنية مليانة شجن بشكل ما اعتيادي ....
الخدود الشاربة من لون الشفق عند المغارب ....
Post: #5 Title: Re: اغنية عثمان مصطفى (طال علينا فراقكم....او ..� Author: عبدالعظيم عثمان Date: 05-16-2016, 11:12 AM Parent: #4
زكريا وضيوفك سلامات
لغاية ما تلقي طلبك إتصبر بي دي (إن شاء الله تنفع)
Post: #6 Title: Re: اغنية عثمان مصطفى (طال علينا فراقكم....او ..� Author: عباس محمود Date: 05-16-2016, 12:05 PM Parent: #5
سلامات يا فضول
في تسجيل من برنامج مطرب وجماهير أقرب لي تسجيل الأذاعة
شوف الزملاء ناصر الليندي ويحيي قباني
Post: #7 Title: Re: اغنية عثمان مصطفى (طال علينا فراقكم....او ..� Author: Moawia Mohammed Date: 05-16-2016, 12:38 PM Parent: #6
عندي يا زكريا دقائق بس أنجضها و أجيبها ليك
Post: #8 Title: Re: اغنية عثمان مصطفى (طال علينا فراقكم....او ..� Author: Moawia Mohammed Date: 05-16-2016, 01:20 PM Parent: #7
Post: #9 Title: Re: اغنية عثمان مصطفى (طال علينا فراقكم....او ..� Author: Munir Date: 05-16-2016, 03:59 PM Parent: #8
شكراً Moawia Mohammed .. الأغنية شدة ما إنها وردية دائماً تجد نفَس وردى فيها لغاية ما تقول المغنى هو وردى ..
Post: #10 Title: Re: اغنية عثمان مصطفى (طال علينا فراقكم....او ..� Author: احمد حمودى Date: 05-16-2016, 04:16 PM Parent: #9
بالله يا معاوية عنده واحدة بالصومالى تجيبا لينا
Post: #11 Title: Re: اغنية عثمان مصطفى (طال علينا فراقكم....او ..� Author: Moawia Mohammed Date: 05-17-2016, 00:09 AM Parent: #10
حاضر يا أحمد حمودي
أعتقد إنو الأغنية الصومالية كانت جزء من شريط تسجيل لجلسة بالعود في جامعة الخرطوم
Post: #12 Title: Re: اغنية عثمان مصطفى (طال علينا فراقكم....او ..� Author: Moawia Mohammed Date: 05-17-2016, 00:15 AM Parent: #11
شيوخي السميعة الذواقة طراوة أحمد الأمين خليل دحين الجلسة دي ما مرت عليكم
Post: #13 Title: Re: اغنية عثمان مصطفى (طال علينا فراقكم....او ..� Author: Zakaria Fadel Date: 05-17-2016, 09:09 AM Parent: #12
شكرا للاعزاء عبد الباقي...عبد العظيم...عباس
نعم الاغنية قام بتلحينها وردي....ووهبت للفنان عثمان مصطفى في مسيرة حياته الفنية
Post: #14 Title: Re: اغنية عثمان مصطفى (طال علينا فراقكم....او ..� Author: Zakaria Fadel Date: 05-17-2016, 09:12 AM Parent: #13
يا سلام عليك يا معاوية... اسعدك الله دنيا و اخرة.... انا كنت حريصا على تسجيل الاذاعة الكامل منذ البداية...لاني اريد الاحتفاظ (او محاولة الاحتفاظ) بكل المقدمات الموسيقية التي قام بتأليفها وردي
اكرر شكري و تقديري اخي معاوية
Post: #15 Title: Re: اغنية عثمان مصطفى (طال علينا فراقكم....او ..� Author: Moawia Mohammed Date: 05-17-2016, 11:41 PM Parent: #14
كبرياء ( ما بتنشتل الزهرة في الأرض اليباب ) المطرب : عثمان مصطفي كلمات : أبو أمنة حامد الحان : بشير عباس
Post: #16 Title: Re: اغنية عثمان مصطفى (طال علينا فراقكم....او ..� Author: Moawia Mohammed Date: 05-18-2016, 07:20 AM Parent: #15
أخونا زكريا لك التحايا و الشكر بوستك عن مشتاقين أدانا فرقة نوثق للفنان القامة عثمان مصطفي خصوصا التسجيلات الإذاعية التي رسخت في أذهان المستمعين
وهذه ماضي الذكريات كلمات : الجيلي محمد صالح الحان : موسي محمد إبراهيم
Post: #17 Title: Re: اغنية عثمان مصطفى (طال علينا فراقكم....او ..� Author: Zakaria Fadel Date: 05-18-2016, 08:55 AM Parent: #16
يا سلام يا معاوية.... والله الاذاعة تملك كنوزا رائعة
Post: #18 Title: Re: اغنية عثمان مصطفى (طال علينا فراقكم....او ..� Author: ياسر السر Date: 05-18-2016, 09:02 AM Parent: #17
شكرا لكل الرائعين الذين عطرو هذا البوست بمرورهم ومبشاركتهم التي جعلتني لا ابرح هذا البوست الجميل .. شكرا الاستاذ زكريا والاستاذ معاوية فقد اهجتو فينا ماضي الذكريات .... متابعين للنهاية ....
تحياتي : ياسرالعيلفون .......
Post: #20 Title: Re: اغنية عثمان مصطفى (طال علينا فراقكم....او ..� Author: أيمن الطيب Date: 05-18-2016, 09:14 AM Parent: #18
استاذنا ذكريا وضيفه سلامات,,,
قمة الطرب والإمتاع,,,
لدي تسجيل نضيف للأغنية MP3بصوت الراحل وردى ل أمل سماعها,,
تحياتى..
Post: #19 Title: Re: اغنية عثمان مصطفى (طال علينا فراقكم....او ..� Author: معاوية المدير Date: 05-18-2016, 09:11 AM Parent: #17
الأخ زكريا وضيوفه الكرآم، لكم ألف سلآم .
والله مشتاقين اغنية مُترعة بالحنين، وأبدع المرحوم سماعين ود حد الزين في نظم كلماتها كما أبدع العملآق وردي في اللحن، وأبدع صاحب الحنجرة القوية عثمان مصطفى في الأداء، لكن فيها دقسة في البيت البيقول، الطيور الرآحلة في ضُل المساء . كان يكون أجمل لو كانت، الطيور الرآحلة في جوف المساء تسأل عليك، ولكم مودتي ...
Post: #21 Title: Re: اغنية عثمان مصطفى (طال علينا فراقكم....او ..� Author: Moawia Mohammed Date: 05-18-2016, 09:57 AM Parent: #19
راح الميعاد كلمات : إسحق الحلنقي الحان : عبد اللطيف خضر ( ود الحاوي )
Post: #22 Title: Re: اغنية عثمان مصطفى (طال علينا فراقكم....او ..� Author: Ahmed Yassin Date: 05-19-2016, 05:11 PM Parent: #21
زكريا وشركاه العام 1965م وكان وقتها الشاب الغر الصوت (الباص ) الاصيل عثمان مصطفى بافاروتي السودان حاليا في ريعان صباه يتلمس طريقه ذهب الى الاذاعة لاجازة صوته .. سمعه عبدالله عربي وعرف ان الزول دا موهبة ربانية .. اخو على جنب وقال ليهو ارح معاي السجانة لى عمك اسماعين حسن ... ومشوا لقو وردي قاعد مع اسماعين حسن ود حدالزين وطلب عربي منو ان يساعد هذا الشاب .. مباشرة التفت اسماعين لوردي وقال ليهو انت يا محمد اغنية (والله مشتاقين) لحنتها ولا لسع .. وردي (حك ) اضانو اليمين كالعادة وقال ايوة انتهيت منها .. اسماعين قال ليهو طيب ما تديها للولد الضيف دا وردي بدون تردد قال ليهو (انا ماعندي مانع) بس نسمعها ليهو في الاول .. اخذ وردي العود وسمعها لاسماعين وعربي وعثمان الذي استمتع جدا ودهش باللحن العجيب .. اخدوا قعدتهم في بيت اسماعين واستاذنوا .. وعمك اسماعين طلع معاهم لغاية الباب (تقديمة) الضيوف يعني .. واول ما وصلوا باب الشارع عمك اسماعين مسك عثمان من يدو وقال ليهو سمعت الاغنية ؟ وحفظت اللحن؟ اجاب عثمان بالايجاب .. قال ليهو طوالي امشي سريع للاذاعة وسجلها قوام قوام .. قبل (الحلفاوي دا يقوم يغير رايو) وفعلا بعد ايام قلائل وبعد كم بروفة في الاذاعة بدأ عثمان بتسجيلها .. ومافي دقيقتين قبل التسجيل جاء وردي طاير ومنفعل شديد وقال لى عثمان (انت ماصدقت) طوالي جاي تسجل !!؟ آآآآ؟ دا شنو ودا ؟؟ عربي قام بتهدئة وردي .. دقائق معدودة وردي ادى تعليماته للجميع اوركسترا وفنان وتسجيل .. وادخل في اللحن الاساسي تعديلات من صميم اللحن و..جوهرية وحفظها لى عثمان ... وقال ليهو (يالله سجل)
Post: #23 Title: Re: اغنية عثمان مصطفى (طال علينا فراقكم....او ..� Author: Moawia Mohammed Date: 05-21-2016, 08:58 AM Parent: #22
.
Post: #24 Title: Re: اغنية عثمان مصطفى (طال علينا فراقكم....او ..� Author: Zakaria Fadel Date: 05-22-2016, 11:08 AM Parent: #23
تحياتي للجميع.... هل هذه الاغنية..هي اول اغنية سجلها عثمان مصطفى للاذاعة يا معاوية؟
Post: #25 Title: Re: اغنية عثمان مصطفى (طال علينا فراقكم....او ..� Author: Moawia Mohammed Date: 05-22-2016, 11:53 AM Parent: #24
لا أعتقد أنها أول أغنية لعثمان مصطفي في الإذاعة وإحتمال كبير أن تكون ماضي الذكريات هي أول تسجيل له لأن شاعرها الجيلي محمد صالح كان مترددا في منحها لعثمان باعتباره وجه جديد علي الساحة الفنية و لكن الأغنية نجحت و لاقت رواجا و إستحسان من مستمعي الإذاعة. و الله أعلم
Post: #26 Title: Re: اغنية عثمان مصطفى (طال علينا فراقكم....او ..� Author: Ahmed Yassin Date: 05-22-2016, 03:59 PM Parent: #25
الاستاذ معاوية .. ياخ لك الشكر والتقدير على كل الاسناد المعتبر والجميل .. القاعد تتحفنا بيهو من سنوات يديك العافية ........... ماضي الذكريات تم تسجيلها سنة 1967
Quote: ا أعتقد أنها أول أغنية لعثمان مصطفي في الإذاعة وإحتمال كبير أن تكون ماضي الذكريات هي أول تسجيل له
Post: #27 Title: Re: اغنية عثمان مصطفى (طال علينا فراقكم....او ..� Author: Moawia Mohammed Date: 05-23-2016, 02:37 AM Parent: #26
الأخ أحمد يس بعد التحية و الإحترام قلت أن ماضي الذكريات تم تسجيلها في 1967م وهذا كاف لإثبات أنها لم تكن الأغنية الأولي له لأن مشتاقين تم تسجيلها عام 1965م وكان هذا علي لسان عثمان مصطفي نفسه عندما ذكر أن الموسيقار عربي إصطحبه مباشرة من الإذاعة لمنزل إسماعيل حسن في السجانة وهناك التقي بمحمد وردي و تحصل علي الأغنية. فإن كان قد أجيز صوته ذلك اليوم بالتغني بأعمال معروفة لغيره من المطربين تثبت فرضية أن مشتاقين أول تسجيل و المعروف أن الاذاعة كانت تجيز الأصوات عن طريق أغاني معينة مسموعة أشهرها أغنية أذكريني يا حمامة للراحل عبد الحميد يوسف ولا أدري إلي أي وقت إستمر هذا التقليد
عليه إن صح ما أوردناه من تاريخين لتسجيل كلا الأغنيتين تصبح و الله مشتاقين هي الأقرب للفوز بالجولة و الله أعلم
Post: #28 Title: Re: اغنية عثمان مصطفى (طال علينا فراقكم....او ..� Author: Zakaria Fadel Date: 05-23-2016, 09:12 AM Parent: #27
تحياتي الاخوة الكرام ... والله يا احمد ....إذا كانت مشتاقين اول عمل مسجّل للفنان عثمان مصطفى...يكون هذا العملاق قد ولد باسنانه عندما تتمعّن في كيفية اداءه للاغنية...من حيث الصوت : صعودا..وهبوطا...واهتزازا....تتأكد من انه متمكن جدا من حيث الاداء.....
اما عن وردي ....فماذا اقول .... سوى ان ما يفعله باشعار اسماعيل حسن من حيث المقدمات الموسيقية .... والالحان...شيئ يفوق الخيال عود...وكمنجات...والة نفخ....وموهبة لحنية تتفجر ابداعا...انتجت لنا روائع لا زالت قلوبنا تخفق عندما نسمعها
Post: #29 Title: Re: اغنية عثمان مصطفى (طال علينا فراقكم....او ..� Author: محمد عثمان Date: 05-23-2016, 09:56 AM Parent: #28
تحاايا اخ زكريا و لضيوفك الكراام
و تحيه خاصه للاخ معاويه
ما بطال الخير الخيرين :
Post: #30 Title: Re: اغنية عثمان مصطفى (طال علينا فراقكم....او ..� Author: Moawia Mohammed Date: 05-23-2016, 10:16 AM Parent: #29
أخونا الجميل محمد عثمان البركة الشفناك طيب و الجابك يجيب عقابك
Post: #31 Title: Re: اغنية عثمان مصطفى (طال علينا فراقكم....او ..� Author: Munir Date: 05-23-2016, 10:29 AM Parent: #30
سلامات للجميع .. وأهو محمدعثمان ظهر .. كنت يازكريا عايز أقول ليك منذ بداية البوست إنو الزول البجيب الروائع هو الأخ محمدعثمان .. وكتبت المداخلة لكين يبدو أنى نسيت أنزلها .. أسوى شنو أنا؟ الواحد بقى نسّاى زى السحلية .. قالوا تجى جارية عشان تعضيك، ولمن تصلك تنسى هى زاتها جات لشنو؟؟ :) وطبعاً الأخ معاوية مشكور أنقذ الموقف ..
Post: #32 Title: Re: اغنية عثمان مصطفى (طال علينا فراقكم....او ..� Author: Moawia Mohammed Date: 05-23-2016, 12:52 PM Parent: #31
يا منير النسيان دا حق العجائز و إنت لسه شباب ( بدري من عمرك ) زي ما قال الحلنقي
مش ياكا منير بتاع باتش فور تكنو و الله أنا غلطان غايتو نحن بتاعين باتش تن
Post: #33 Title: Re: اغنية عثمان مصطفى (طال علينا فراقكم....او ..� Author: Munir Date: 05-23-2016, 03:07 PM Parent: #32
الله أكبر .. الظاهر علىّ مشهور وأنا ماعارف ;).. تشرفنا يا معاوية .. يعجبنى فى الدفعات من التامنة وإنت نازل أنهم كانوا متحمسين شديد وقلبهم حار على الجامعة ..
Post: #34 Title: Re: اغنية عثمان مصطفى (طال علينا فراقكم....او ..� Author: Moawia Mohammed Date: 05-23-2016, 06:07 PM Parent: #33
الحقيقة كلمني واحد معانا هنا في سودانيزاونلاين لكن من ناحية مشهور دي ارقد قفا نحن قابلنا ناس الخامسة سمسترين لكن سمعنا بي منير كتير
Post: #35 Title: Re: اغنية عثمان مصطفى (طال علينا فراقكم....او ..� Author: Zakaria Fadel Date: 05-24-2016, 02:28 PM Parent: #34
خالص التحايا لك اخ محمد عثمان
نعم الاغنية كانت موجودة في بوست من طرفك، وشاهدت لك درة اخرى في بوست آخر (انا ماتغيرت ..وما اتنكرت ليك)
ياخي ما تبخل علينا بكنوز التسجيل الاذاعي هذي
Post: #36 Title: Re: اغنية عثمان مصطفى (طال علينا فراقكم....او ..� Author: khaleel Date: 05-24-2016, 02:47 PM Parent: #35
هلا اصدقاء الطرب
دي الاغنية عند دكتور عثمان مصطفي عايزة اعادة اكتشاف
اسمعو وادونا رايكم اذا بتريدو او كما قال جورج قرداحي
Post: #37 Title: Re: اغنية عثمان مصطفى (طال علينا فراقكم....او ..� Author: Elmosley Date: 05-24-2016, 03:08 PM Parent: #1
متعه وقمة الطرب هذه الأغنيه التي جمعت ثلاثه عمالقه
إسماعيل حسن محمد وردي عثمان مصطفي
ولا أروع
طلب من الأخ معاويه بالجنبه كده
رائعة التيجاني يوسف بشير التي غناها العملاق عثمان حسين
في محراب النيل بس يا ريت تكون كامله
ودي وتقديري الكبيرين . . . . . .
Post: #39 Title: Re: اغنية عثمان مصطفى (طال علينا فراقكم....او ..� Author: Moawia Mohammed Date: 05-24-2016, 08:40 PM Parent: #38
Post: #40 Title: Re: اغنية عثمان مصطفى (طال علينا فراقكم....او ..� Author: Moawia Mohammed Date: 05-24-2016, 09:12 PM Parent: #39
و هاك يا بشير المتني دي فوق البيعةو من كلمات إسماعيل حسن صاحب الأغنية صاحبة البوست ما رعت حبي اليها ما وفت يوم قالوا ليها لا تعاديها أوصليها مهجتي الساكنة فيهاأ رحميني و أرحميها ووووينك يا خلي الجفا دا شنو
Post: #41 Title: Re: اغنية عثمان مصطفى (طال علينا فراقكم....او ..� Author: Moawia Mohammed Date: 05-24-2016, 10:27 PM Parent: #40
يا خلي دا التسجيل القديم بتاع أغنيتك عدّ فات و فعلاً دايره إعادة إكتشاف زي ما قلت لأنو بعد تسمعها مرتين تلاتة بتلقاها مظلومة
Post: #42 Title: Re: اغنية عثمان مصطفى (طال علينا فراقكم....او ..� Author: Moawia Mohammed Date: 05-25-2016, 06:38 PM Parent: #41
.
Post: #43 Title: Re: اغنية عثمان مصطفى (طال علينا فراقكم....او ..� Author: Ahmed Yassin Date: 05-25-2016, 09:29 PM Parent: #42
ماضي الذكريات عثمان مصطفى و موسى محمد ابراهيم لم يكن لقاءا عابرا ولا وهما .. كان عبقريا زي لقاء .وردي واندريا رايدر ومحمد الامين و الموصلي دا هو التوزيع الموسيقى
Post: #44 Title: Re: اغنية عثمان مصطفى (طال علينا فراقكم....او ..� Author: بشير حسـن بشـير Date: 05-26-2016, 06:03 AM
. . . تسلم يا أخ معاويه يا راقي . . . . . . . . .
Post: #45 Title: Re: اغنية عثمان مصطفى (طال علينا فراقكم....او ..� Author: Moawia Mohammed Date: 05-27-2016, 05:17 PM Parent: #44
.
Post: #46 Title: Re: اغنية عثمان مصطفى (طال علينا فراقكم....او ..مشتاقين) تسجيل اذاعة Author: لؤى Date: 05-29-2016, 11:17 AM Parent: #1
Quote: التّفاصيل التـي تستـحق الذّكر أنّ وردي هو الذي كان يعزف علـى آلة العود فـي هذا التّسجيـل
ومن الأشياء الجميله يا لؤي. إنه بوست أخونا زكريا جابك لينا سلام وتحيه ليك ولكل زوار هذا البوست . . . . . .
Post: #48 Title: Re: اغنية عثمان مصطفى (طال علينا فراقكم....او ..� Author: Zakaria Fadel Date: 05-30-2016, 10:23 AM Parent: #47
تحياتي للجميع ...وكلي اسف لعدم تمكني من الرد على المداخلات....
تعرف يا معاوية المدير....هذه الاغنية من القلائل اللائي يجذبن الانتباه ...نسبة (للحنية) الزائدة في اللحن و الذي جاء مواكبا للكلمات.... يكفي ان تسمع فقط طال علينا غيابكم...وكلمة مشتاقين ليتدفق نهر الحنان و الشوق بداخلك.... اما عن كلمة (ضل المساء) ..والتي ترى انها من الاجدى ان تكون (جوف المساء)...فدعني اختلف معك قليلا اخي الكريم.... كلمة (جوف) تعطي - في إعتقادي - معنى ايحائيا بعمق المساء ..اي عندما (يتمكن) المساء... اما كلمة ظل المساء ...فتعطى انطباعا ..ببداية المساء...وهو الوقت الذي فعلا فيه يبدأ رحيل الطيور عائدة لاوكارها..... اما موسيقيا ...فكلمة جوف لها (جرس)....لا يتناسب ..وحنية الاغنية ....- كما ارى- ..واهل الموسيقى ادرى بذلك هذه الكلمة (جوف) ...لم تعجبني موسيقيا إلا في اغنية اللحو (النار في الجسم...والطعنة جوة الجوف )..... جبار الكسور
Post: #49 Title: Re: اغنية عثمان مصطفى (طال علينا فراقكم....او ..� Author: Zakaria Fadel Date: 05-30-2016, 10:39 AM Parent: #48
تحياتي اخونا الاصغر لؤي....وليك وحشة يا راجل
والف شكر لهذه المعلومة الهامة في نظري..... مقدمات وردي الموسيقية دائما تعطيك فكرة كبيرة عمّا يجب ان تتوقعه من الاغنية.... في الحبيب العائد.....بدأ بمقدمة صغيرة (دائما ..ما اقول...وكأنه بهذه المقدمة الصغيرة يدعو السميعة ان هلموا لتسمعوا هذه الحكاية)... ليقول بصوت هادئ يرتفع رويدا رويدا (عاد الحبيب.....عاد الحبيب...عاد الحبيب)...لينطلق بعدها شلالا لحنيا هادرا يحكى قصة الغياب من الالف للياء ليأت بعد ذلك المغني...ليصف حال المحبوب منذ العودة (عادت روحه...شرب دموعه اثناء الغياب...عادت إليه احلى اليالي.....الخ)
في الطير المهاجر ادرك وردي ان الاغنية كتبت بلسانين (لسان راوي ..لحال المغترب.....ثم لسان المغترب نفسه) ولذا وضع وردي مقدمة موسيقية قبل رواية الراوي.....ثم فاصلة موسيقية طويلة (يمكن اعتبارها مقدمة لرواية المغترب )...قبل ان يبدأ بالله يا الطير المهاجر...للوطن.....الخ
استمع ايضا لخاف من الله.....تجد شفقة المحبوب على قلبه من غرام حبيبه...يتجلى تماما في المقدمة ...(خاصة في نهاية المقدمة والجزء الصغير قبل النهاية)......
وردي بعزفه للعود في مقدمة (مشتاقين) ....وضع اكثر من خط تحت شعور (الحنية) الذي صاحب لحن الاغنية وجعلها صامدة لاكثر من 40 سنة
Post: #50 Title: Re: اغنية عثمان مصطفى (طال علينا فراقكم....او ..� Author: عبداللطيف حسن علي Date: 05-30-2016, 11:19 AM Parent: #49
استمع واشاهد يوميا الاغنية مع شاي الصباح ، فيديو ، خصوصا التسجيل اللي اشار
اليه معاوية محمد
ــــــــــــــــــــــ
الرمال تشتاق لمشيهو !
Post: #51 Title: Re: اغنية عثمان مصطفى (طال علينا فراقكم....او ..� Author: لؤى Date: 05-30-2016, 12:13 PM Parent: #47
Quote:
ومن الأشياء الجميله يا لؤي. إنه بوست أخونا زكريا جابك لينا سلام وتحيه ليك ولكل زوار هذا البوست . . . . . .