يا تلفزيون النكد ـ عشان ما تفضحونا اكثر ـ أنا ممكن أشتري ليكم تربيزة للأستديو ( توجد صور بائسة )

Quote: الأخ محمد علي البصير ياخ التربيزات السمحات بتكون في مكاتب المدير ورؤساء الأقسام! ههههههههههههههههه فعلا منظر قبيح ولا يوجد أدنى سبب لذلك. أي مسئول شايف المنظر ده عادي لازم يمشوهو بيتهم فورا. ديل مش كان أحسن لهم السمؤال القريش؟

Quote: تحياتي يا حبيب طيب تشتري الاثاث أين تجد الطاقم العامل في كل القطاعات ؟ بالمناسبة شركة الصمغ والمواني اختفاء لغير رجعة يا جامع يا رقيب لحقوها مشروع الجزيرة وسودانير والأقطان والبواخر والأوقاف والسكة حديد وووو القائمة التي لا تخفاكم الشفيع

Quote: يا ود البصير. بعدين قصة أنك تشتري لهم تربيزة ده ما بنفع. لأنو ح تبقى قصتك مثل قصة الطبيب السوداني الأمريكي، الذي تعب وجمع أجهزة طبية من المستشفى الذ ي يعمل فيه بأمريكا، وشحن تلك الأجهزة على حسابه الخاص للسودان، وبعد أن سلم المستشفى الحكومي تلك الأجهزة الطبية، تم تركيبها في المستشفى. غادر صاحبنا الطبيب ورجع أمريكا، وعندما عاد للسودان بعد عام وجد أن هناك أتنين من الأجهزة تم أخذهم من المستشفى الحكومي بواسطة أطباء كيزان وتم تركيب الأجهزة الطبية في عياداتهم الخاصة. صاحبنا الطبيب زعلان لي يوم الليلة.

Quote: حال الطربيزة من حال الكرة السودانية كورتنا عواليق داير طربيزتنا تكون كيف بعني واحد قاعد يشكر ويشيد بي ظفر وتكل ومرق عاوزو يكون قاعد في شنو شبهينا وإتلاقينا والله كتيرة عليهم ،،،،، ديل ناس كورة واتا­

Quote: ههههههههههههه ،، يا أخوي قدر الخمج البلوكو فيه ،، التربيزه هي ذاتها شي شققا بلا الت و العجن اللفي الفاضي الماسكنو دا ،، عالم رياضة و 1000 جريده رياضيه و اها المحصله شنو . هو تعال النسعلك ،، انت مالك يا اخوي نصييح كدي و متابع قناة السجم دي ولا الريموت باظ

Quote: أخ محمد علي تحياتي نحن شعب معروف ما بنهتم بالتفاصيل الدقيقة واللمسات الأخيرة ، عشان كده لو ركزت على المسائل دي بجيك ضغط ولا قرعة . لاحظ لكل الديكور في القنوات السودانية ، عبارة عن فرشة على الأرض وموزعين عليها شوية مساند هنا وهناك ، أو قماش كتيييييييييييييييييييير كده بصورة عشوائية . المشكلة مش عيب كونك تكون ما بتعرف أو ما عندك خبرة ، لأن المسألة أصبحت أسهل من ساهلة فهناك بيوت خبرة متخصصة في الديكور وتجهيز الأستوديهات لأنه على ما يبدو نحن في السودان لا نملك أي خبرة في هذا المجال فمن الأفضل ندي الخبز لخبازو

Quote: حبيبنا البصير .. إسم على مسمى .. التلفزيون بعرض أشياء في غابة القبح .. الكمنجات الوسخانة وكراسي العازفين ( في التلفزيونات الاخرى تكون الفرقة بيعدة عن الفنان ) تقريب صورة اصابع اليد للعازفين .. مع أن الاصابع هي أقبح أعضاء الجسم لذلك تجد المرأة تضع الحناء في رؤوس الاصابع .. حتى ملكة جمال العالم إذا الواحد شاف أطراف اصابعا تجد فيها قبح .. مع هذا المصور يأتي بصور أصابع العازفين وبصورة مكبرة ومعها كمان يظهر صدأ الكمنجات .. الاحذية وكراسي البلاستيك .. طريقة الجلوس وعدم توعية الضيف بطريقة الجلوس والحركة الجسدية .. تكبير صورة فم الفنان أثناء الغناء .. عدم تقديم النصائح للضيوف بالزي المناسب للظهور .. ( خاصة نتاغم ألوان الكرفتات والبدلة ) لماذا يعتبرون البدل والقمصان والكرفتات اللامعة هي الأفضل .. ( تقول مهرجين سيرك ) تصبب العرق في بعض التسجيلات الخارجية والذباب والرجاء عدم إلتقاط صور للذين يأكلون ( تمر وعنب ) أثناء الاجتماعات أو اللقاءات هل هذه الصحون للاكل أثناء التصوير أم ديكور .. مودتي البصير .. السؤال .. ما هو الحل .. تحياتي البصير .. مودتي ..

Quote: Mohammed Taher · مستشار قانوني في شركة الخريف التجارية - Alkhorayef Commercial Company انت الوداك تشوف برنامج الرياض التافه دا شنو ؟ وكمان تلفزيون السودان زاتو بتشوفوا ليه ؟ انت في كامل وعيك ! ارحم نفسك واشتري دماغك وراحة بالك وامسح القناة دي من رسيفرك طوالي ومعاها الشروق كمان هوادة .