Post: #1
Title: دخلوها وصقيرها حام!
Author: أبوبكر عباس
Date: 05-13-2016, 05:44 AM
05:44 AM May, 13 2016 سودانيز اون لاين
أبوبكر عباس-الإمارات
مكتبتى
رابط مختصر دخلوها وصقيرها حام!
ومشغلين الأغنية بالساوند ويعرضوا ويرقصوا وفرحانين!!
خلاص شجعان كتلتوا الناس كلها
طيب علي الأقل أدفنوا الجثث بدل تخلوها للصقار تحوم فيها!!
ويقول بعد داك:
أنا ليهم بقول كلام
كلام شنو يا أخوي؟!
قول ليهم أدفنوا الجثث دي
لو ما عشان الانسانية،
عشان صحة البئية
|
Post: #2
Title: Re: دخلوها وصقيرها حام!
Author: عمر دهب
Date: 05-13-2016, 06:19 AM
Parent: #1
سلام ابوبكر
نريد تنوير عن هذه المعركة وابطالها واين كانت
لعلنا نستفيد من اطروحاتها وخططها فى استراد حلايب
بعدين نجى لى ستر الميت
|
Post: #3
Title: Re: دخلوها وصقيرها حام!
Author: أبوبكر عباس
Date: 05-13-2016, 06:25 AM
Parent: #1
وواحد من شدّة ما انتشى؛ شتت لندى القلعة الدولارات في راسها
وهي تمد في الأغنية من الساكس ب
صقيرها حام، صقيرها حام، صقيرها حام، ...
وتعاين لواحد من البعام بتاعنها عشان يلم القروش وما يدكن جزء في جيبو.
الحمو الاظلط حنتك يا بعيدة
|
Post: #4
Title: Re: دخلوها وصقيرها حام!
Author: عبدالحفيظ ابوسن
Date: 05-13-2016, 06:37 AM
Parent: #3
ازيك بكري يا قريبي
ولي في قرية ابوقناية والعريباب اجداد و جدات
دحين ماك شايف المحاكمة دي متزمتة ونصوصية ..
مع التذكير الاغنية دي استولت عليها الانقاذ بمساعدة عاطلي الحس من المطربين كما استولت مايو علي بعض اغاني التراث
ذهبت وبقي التراث لتستولي عليه الانقاذ ولكن هيهات كهيهات محمود محمد طه
|
Post: #5
Title: Re: دخلوها وصقيرها حام!
Author: أبوبكر عباس
Date: 05-13-2016, 06:49 AM
Parent: #4
شوفوا يا عمر وابسن قريبي
شاعرنا المستنير حالتو قال شنو:
يُفَدّي أَتَمُّ الطَيرِ عُمراً سِلاحُهُ نُسورُ المَلا أَحداثُها وَالقَشاعِم
وَما ضَرَّها خَلقٌ بِغَيرِ مَخالِبٍ وَقَد خُلِقَت أَسيافُهُ وَالقَوائِمُ
|
Post: #6
Title: Re: دخلوها وصقيرها حام!
Author: أبوبكر عباس
Date: 05-13-2016, 06:59 AM
Parent: #5
طبعا يا أخوانا، أنا زول مرهف جدا
بيوت المتنبي دي لمان كنت اسمعها وأنا بالثانوي، جسمي كان يشقعرو (ايوة بالواو على رواية حفص).
وبعدين يقول الطيور الماعندها مخالب تجي عادي، الأجساد تم تقطيعها وتجهيزها لها
|
Post: #7
Title: Re: دخلوها وصقيرها حام!
Author: أبوبكر عباس
Date: 05-13-2016, 07:02 AM
Parent: #6
وسيف الدولة يكون مبسوط ويضحك ويوزع في النبيذ ويقول:
إعطه يا فتى مائة ألف درهم
|
Post: #8
Title: Re: دخلوها وصقيرها حام!
Author: علي دفع الله
Date: 05-13-2016, 07:17 AM
Parent: #7
عمت صباحا يا رسول الاستنارة ..
|
Post: #9
Title: Re: دخلوها وصقيرها حام!
Author: عبدالحفيظ ابوسن
Date: 05-13-2016, 07:25 AM
Parent: #8
ياها الحرب يا بكري .. مافي زول بريدها لكن لامن تقوم بركز ليها .. بعدينك هو يدفن موتاهو ويجهز نفسو . ولا يقضي يومو كلو في الدفن
للحرب اخلاق و ضوابط .. كما للشعر خصوصيته ومبالغته
|
Post: #11
Title: Re: دخلوها وصقيرها حام!
Author: عمر دهب
Date: 05-13-2016, 07:35 AM
Parent: #9
يامستنير
انا بالجد داير اعرف
تراثنا دا كان حاصل
ولا وهم
اقصد شعر ساكت
او شعر بويتات وعوائل
ومدى مساهمه مثل هذا الشعر
فى الاستناره او الروح
|
Post: #10
Title: Re: دخلوها وصقيرها حام!
Author: أبوبكر عباس
Date: 05-13-2016, 07:29 AM
Parent: #8
الحمد لله يا علي أخوي، حضرنا زمن فيهو تأمل!
تتأمل وتنقد المتنبي!
تتأمل وتنقد الرسل!
تتأمل وقد تنقد الله (ديل طبعا ناس هشام آدم براهم)!
بغض النظر عن السياق، فقط تبقى الكمال
والشكر من قبل ومن بعد لبكري وبيل قيتس
وبعد دا كلو في ناس تلقاهم يتنفروا وزهجانين!
يا أخي، قبل أيام فرانكلي وشخصي قفلنا لسيد الحوش شخصيا بوست مرفوع في حوشو!
فتأملوا!
يا عملات حسين
|
Post: #12
Title: Re: دخلوها وصقيرها حام!
Author: أبوبكر عباس
Date: 05-13-2016, 07:52 AM
Parent: #10
المشكلة يا ابسن، لو ربيت ولدك على الفخر بهذه الثقافة، بطلع ليك زي محمد هارون:
"أمسح، كش، ما تجيبو حي"
ونتورط مع الجنائية وعمر يحلف ما يتنازل
|
Post: #13
Title: Re: دخلوها وصقيرها حام!
Author: حيدر حسن ميرغني
Date: 05-13-2016, 08:18 AM
Parent: #12
| Quote: وسيف الدولة يكون مبسوط ويضحك ويوزع في النبيذ : |
ياخي ده ابو الإستنارة ذاتها 
-
بكور .. يسعد صباحك ياخ
|
|