الساكت عن الحق شيطان اخرس حليب الاطفال لم يسلم من جشعهم(بحري)

12:44 PM May, 10 2016 سودانيز اون لاين
Adam Youssif-Jeddah, Saudi Arabia
مكتبتى
رابط مختصرالناس بقت ما تخاف الله حتى الاطفال الرضع ما سلموا من جشع وطمع التجار الكلام أدناه حصل مع أم محمد من بحري وحبيت اشارك به حتى لا يقع الناس في أيدي مثل هؤلاء وعدم التستر والتساهل معهم

Quote: السلام عليكم اللبن الفي الصوره ده بتاع أطفال رضع، بنشتريهو من صيدلية ببحري بالقرب من مستشفي احمد قاسم، قبل يومين، مشيت هناك ولقيت شخص تاني ما نفس الزول البشتري منو كل مره، طلبت منو علبه واديتو مبلغ ٨٥ الف، قال لي ١٢٠ الف قلت ليهو زاد ولا شنو؟ شلت العلبه ورجعت البيت، وقبل ما أفكر افتح العلبه واحضر الرضعه لطفلي، جاتني فكره انو اتاكد من تاريخ الانتهاء، واكتشفت انو صلاحيه العلبه منتهيه من شهر ٣ الفات، وطابعين تاريخ انتهاء تاني بختم مزور لقتره أطول! حسبنا الله ونعم الوكيل، رجعت في اليوم التاني للصيدلية ولقيت الشخص البشتري منو كل مره، ووريتو الحاصل، نطط عيونو وقال لي لا لا ما اشتريتو مننا، ما عندنا حاجه مدته منتهيه هنا، أكدت ليهو انو اشتريتو منهم، ووصفت ليهو الشخص الباعو لي امس بمبلغ ١٢٠ الف، اخونا أتراجع شويه وقال لي خلينا نشوف الزول الباعو ليك، قلت ليه تمام، قال لي ما بيجي هسع، قلت ليهو بتتظرو لمن يجي، وما مضي زمن طويل وجاء الزول الباعو لي، اول ما شافني خاف خوف شديد، أنا من الغضب كنت عاوز اضربو والله، قلت ليهو ياخي لو عاوز قروش بديك ليها ساي لله ، بس ما تسمم اولاد الناس ياخي بترضي الشيء ده لنفسك او لأولادك ؟، وكمان تزور في التاريخ؟ أنا هسع ممكن أشتكيكم،.... حاول ينكر ويراوغ وتدخل الرجل التاني وشكلو هو صاحب الصيدليه، حقك علينا وقعد يعتذر ورجع لي ال ١٢٠ الف، وقال لي أنا طلبت منو ينزل اللبن المنتهي ده وما يبيعو نهائي والسعر زاد ل ٩٠ الف ما ١٢٠ الف.طلعت وقلت ليهم مستحيل اشتري منكم شيء تاني.المهم أنا ما ذكرت اسم الصيدليه هنا عشان ما اقطع عيشهم، وعاوز انبه المواطنين انو ياخدو حزرهم عند شراء ادويه او معلبات في مجتمع أصبحت فيهو روح الانسان لا تسوي شيءوحسبنا الله ونعم الوكيلام محمد

العزيز .. آدم لك التحية ويسلم الوطن واطفاله من كل شر ..

Quote: الساكت عن الحق شيطان اخرس

هذا ما جنته الانقاذ علينا وما جنيناهو علي احد !!!
شكيناهم بحق هولاء الاطفال للعزيز المقتدر .




************
الثورة مستمرة
الثورة خيار الشعب .

العزيزة منى عمسيب
تحياتي

Quote: شكيناهم بحق هولاء الاطفال للعزيز المقتدر .

للأسف نحن السودانين ما بنعرف حقوقنا أبداً ، ودايماً شغالين بسياسة عفا الله عما سلف ....!!!
يعني شوف أم محمد دي رغم إنو تأكدت تماماً إنو بتاع الصيدلية نصب عليها وكان ممكن إودي
مولودها في ستين ألف داهية ، إضافة إلى أنها دفعت قروش إضافية على السعر الأساسي ، لكن
بالرغم من ده كلو ما مشت اشتكت الصيدلية بل قالت ما عايزة تذكر إسم الصيدلية عشان ما تقطع
رزقهم ؟؟.....!!!!
أي رزق هذا يا أم محمد الذي يكون على حساب صحة أطفالنا ومواليدنا ؟؟؟؟؟؟؟؟؟؟؟؟؟؟؟؟؟؟؟
إلى متى يعرف الإنسان السوداني حقوقه ؟؟؟؟؟؟؟؟
إلى متى نصبح مثل باقي الأمم والشعوب الذين لا يتنازلون عن حقوقهم مهما كانت صغيرة ؟؟؟؟؟

Quote: للأسف نحن السودانين ما بنعرف حقوقنا أبداً ، ودايماً شغالين بسياسة عفا الله عما سلف ....!!! يعني شوف أم محمد دي رغم إنو تأكدت تماماً إنو بتاع الصيدلية نصب عليها وكان ممكن إودي مولودها في ستين ألف داهية ، إضافة إلى أنها دفعت قروش إضافية على السعر الأساسي ، لكن بالرغم من ده كلو ما مشت اشتكت الصيدلية بل قالت ما عايزة تذكر إسم الصيدلية عشان ما تقطع رزقهم ؟؟.....!!!! أي رزق هذا يا أم محمد الذي يكون على حساب صحة أطفالنا ومواليدنا ؟؟؟؟؟؟؟؟؟؟؟؟؟؟؟؟؟؟؟ إلى متى يعرف الإنسان السوداني حقوقه ؟؟؟؟؟؟؟؟ إلى متى نصبح مثل باقي الأمم والشعوب الذين لا يتنازلون عن حقوقهم مهما كانت صغيرة ؟؟؟؟؟

حبيبنا Othman Al-Hasan Babikir
تحياتي

Quote: للأسف نحن السودانين ما بنعرف حقوقنا أبداً ، ودايماً شغالين بسياسة عفا الله عما سلف

بالظبط كدة
صدقا لكلامك دة عندي نسيبي طبيب العيون اداهو روشتة لصرفه في الصيدلية
وبدا يستعمل الدواء لحدي ما أصبح أعمى كليا
رجع للدكتور الدكتور قال ليهو دة منو الاداك الدواء دة
قال له الصيدلي
الدكتور قال له امشي افتح فيه بلاغ طوالي من دربك دة لأنو اداك دواء بالغلط
ونسيبي مشى للصيدلي وبعدما اصبح الصيدلي يبرر ويتكلم كتير
قال له دة قدر وانا مسامح
وهو لحدي هسع فاقد للبصر تماما وتدمرت حياته ويعول اسرة اتحيل