Post: #1
Title: مبارك الفاضل قروش هبرة الاصلاح كملن؟
Author: abubakr salih
Date: 05-10-2016, 11:00 AM
Parent: #0
11:00 AM May, 10 2016 سودانيز اون لاين
abubakr salih-
مكتبتى
رابط مختصر فى بدايات الالفية الجديدة عاد مبارك الفاضل من العمل المعارض و قام بتديشن انشقاق كبير فى وسط حزب الامه و اسس بموجبه مع يعرف بالاصلاح و التجديد. كل الانشقاق و لوزامه و تمويله تمت برعاية الكيزان. و عادت عليه الحكاية بمناصب كبيرة و اموال طائلة من مال البترول المنهوب. أتعشى زييييين بعد ما قضوا منه وطر طردوه من القصر. عاد مبارك مرة اخرى لمواقع المعارضة و حاول التمسح بحزب الامة و الحركة الشعبية. قريشات عملية الاصلاح ساعدته على الاشتغال بالتجارة و تاسيس اعمال تجارية فى الجنوب ايام اتفاقية السلام. و دارت دورة الايام و انهارت الاعمال التجارية فى الجنوب جراء الانهيار الاقتصادي الشامل الذى صاحب الحرب الاخيرة بين مشار و سلفاكير. و عادت حليمة لعادتها القديمة. عاد مبارك مرة أخرى للخرطوم يبحث عن هبرة من خلال بيع المواقف المعتاد.
|
Post: #2
Title: Re: مبارك الفاضل قروش هبرة الاصلاح كملن؟
Author: أبوبكر عباس
Date: 05-10-2016, 02:43 PM
Parent: #1
طبعا يا بكور، تحليل زي بتاع مبارك الفاضل دا ما بتقدروا عليهو!!
لا يوجد الآن كيزان يحكمون، توصيفو بتاع حزب الجيش دا وصف دقيق ورائع ويدلل على انو الفاضل حريف سياسة.
زي ما قال صديق لي: الآن يوجد تحالف جيش، شرطة، أمن، قوات تدخل سريع مع رجال أعمال
|
Post: #3
Title: Re: مبارك الفاضل قروش هبرة الاصلاح كملن؟
Author: علي عبدالوهاب عثمان
Date: 05-10-2016, 03:31 PM
Parent: #2
أبوبكر حبيبنا ..
صدقني نحن زهجنا من الغربة والكفيل والجري وجامعات الأولاد ..
والعمر خلاص ودع ..
الحل بالنسبة للسودان :
رئيس يقدر يزور أمريكا واروبا ما عارف البنوك والصناديق ومجلس الامن وإسرائيل
ما مهم .. علماني ، متدين ، مسلم ، غير مسلم .. المهم راحة الغلابا ..
بس رئيس يقدر يزور أسياد الاقتصاد والنقد والقروش والاستثمارات ..
معليش أبوبكر .. الله يهون الواحد ضغطه بقى مليون ..
مودتي أبوبكر
|
Post: #4
Title: Re: مبارك الفاضل قروش هبرة الاصلاح كملن؟
Author: abubakr salih
Date: 05-11-2016, 08:33 AM
Parent: #3
Quote: طبعا يا بكور، تحليل زي بتاع مبارك الفاضل دا ما بتقدروا عليهو!!
لا يوجد الآن كيزان يحكمون، توصيفو بتاع حزب الجيش دا وصف دقيق ورائع ويدلل على انو الفاضل حريف سياسة.
زي ما قال صديق لي: الآن يوجد تحالف جيش، شرطة، أمن، قوات تدخل سريع مع رجال أعمال |
يا بكور فعليا مافي جيش فى السودان. الجيش موضوعه انتهي من زمان. في الفترة الاولي استبدلوه بالدفاع الشعبي و الان استبدلوه بملشيات الدعم السريع. فى كيزان متحكمين و مستفيدين من الاوضاع فى كل مرة بلقوا ليهم ملشيات تحرس سلطتهم. الحل فى فكل الارتباط بين الكيزان و الملشيات التى تحرسهم. لو عرفنا طريقة فكينا بيها الارتباط بين الكيزان المستفيدين من السلطة فى الخرطوم و بين الجماعة المساكين الجاريين فى الحراية -يا قول حميدتي- ممكن يحصل تغيير سياسي بكلفة أقل بكثير.
أما مبارك فى العادة لا يحركه تحليل سياسي او غيره. يحركه جيبه. زماااان كان أكتر المتطرفين ضد الحكومة ايام التجمع الوطني الديمقراطي لدرجة انه هو الوحيد من قيادات المعارضة الذى تجراء و خرج فى الاعلام يدعم الضربة الامريكية علي السودان. أها اول ما شاف قريشات البترول الكتيرة باع جمل المعارضة بما حمل و هرول اول زول لعمل صفقة ثنائية مع الكيزان. هسة بيكون عشمان في بيعه جديدة. مبارك دا ما بلعب فى موضوع القروش. الزول دا قبل كده ودي اخواته المحكمة فى قضية ورثة. الكلام دا قاله الصادق المهدي فى لقاء تلفزيون ايام الحرب الكلامية بينهم علي اثر الانقسام بتاع الاصلاح و التجديد.
|
Post: #5
Title: Re: مبارك الفاضل قروش هبرة الاصلاح كملن؟
Author: abubakr salih
Date: 05-11-2016, 08:48 AM
Parent: #4
Quote: أبوبكر حبيبنا ..
صدقني نحن زهجنا من الغربة والكفيل والجري وجامعات الأولاد ..
والعمر خلاص ودع ..
الحل بالنسبة للسودان :
رئيس يقدر يزور أمريكا واروبا ما عارف البنوك والصناديق ومجلس الامن وإسرائيل
ما مهم .. علماني ، متدين ، مسلم ، غير مسلم .. المهم راحة الغلابا ..
بس رئيس يقدر يزور أسياد الاقتصاد والنقد والقروش والاستثمارات ..
معليش أبوبكر .. الله يهون الواحد ضغطه بقى مليون ..
مودتي أبوبكر
|
اهلا بيك حبيبنا على عبد الوهاب
أيوة بالحيل كلامك صحيح. محتاجين رئيس يقدر يسافر و يتفاعل مع بلاد العالم. بشة اصبح كالكلب الاجرب لا يقربه أحد. بعدين بلدنا دي مليانة خيرات الحمد لله، لكن الناس ديل ناس فسلين ساكت. ناهبين كل الخيرات لوحدهم. و بعد ما ينهبوا قروش البترول الهبرات الكبيرة تاني يطاردوا الفقراء فى قليلتهم. غايتو آفة و مصيبة كبيرة وقعت فى راس الناس. لكن التغيير بجي و دوام الحال من المحال.
|
|