اهل الانقاذ ....... لله دركم

10:50 AM May, 09 2016

سودانيز اون لاين
عمر عثمان عبد الوهاب-
مكتبتى
رابط مختصر

فالعمل في صمت دون الالتفات الي الوراء
وتخطي الصعاب مهما عظمت

هو من شيم الرجال الاصلاد

يتلقون الضربات و من كل الاتجاهات

وفي كل مرة يحولونها ويترجمونها انجازا وفخارا
يبهرون به كل من حولنا والعالم باسره

وتمضي المسيرة

ويوجهو الضربات للشعب الفضل ... ومن جميع الاتجاهات .

دي الرجالة ولا بلاش

محن

Quote: ويوجهو الضربات للشعب الفضل ... ومن جميع الاتجاهات

للاسف اخ منتصر

دي بقت اسطوانه مشروخه كما غيرها يرددوها
ناس المعارضه والكلوسه بت عمسيب

فالمعارضه فقدت تعاطف الشارع بل فقدت احترامه
واصبح عرابوها يتخبطون ذات اليمين وذات الشمال وتشرزمت
وتفتت جبهاتهم امام مصداقية الحكومه بموافقها الثابته
وادارتها لازمات البلاد ولكل شارده ووارده وبكل مصداقيه
وشفافيه

فهم يعون ويعلمون بان فاتهم القطار ولكن ...................

Quote: لله دركم

ود عثمان يا اخوي كيف حالك..وإن شاء الله طيب

ات يا اخوي جادي ولا بتهظر
رغم اني مكجن السياسة زي العمي
وما بخود فيها ضمة
بس كلمتك دي طلعتني من مداري..فلك العذر حتي ترضي

در شنو يا اخوي كمان..الانت جاي تقول عليه
علي اليمين الحكومة دي
اشطر حلاب ما يطلع منها ربع رطل لبن...ولا جردقة كمان
زي البوو.. بتعرف البووو...وعلي احسن الاحوال كالبقرة بسن اليأس
جف ضرعها ونحل جسدها وفت عضدها وهلكت مروتها
فلا ثمر يجني منها ولا امل يرتجي....جلدا دا كان امر الله نفد..الشمس ما تاكلو

بس اقول شنو
غير مقولة الشافعي رحمه الله

عينُ الرِّضا عن كلَّ عيبٍ كليلة ٌ وَ عَينَ السُّخْطِ تُبْدي المَسَاوِيَا

Quote: ات يا اخوي جادي ولا بتهظر

والله السودانيين بقو بحيرو الما بتحير ..طمنا يا ود الامام يا خوي على صاحبك ود عثمان كان بتعرفو ..
والله ثقل عليّ أتهام من لا أعرف حقيقتهم بمرض الكذب والنفاق على خلق الله..
يعني عادي لو قريت الكلام دا من أخونا ود الباوقة أو هاني أو قريبنا وائل بمسحو بابتسامة .
:
تصحيح حرف.

عيييك يا ود الأمام، و الحالة دي بتكره السياسة؟
على اليمين إنت سياسي موهوب عديل.. كثر خير عبد الوهاب الطلع البرنامج الإنتخابي دا..

Quote:  يا ود الامام يا خوي طمنا على صاحبك ود عثمان كان بتعرفو ..

يا مولانا الملك التحايا والاحترام

للأسف ما بعرف اخونا ود عثمان خلاف خوتنا المنبرية دي

بس زي ما قالت واحدة قريبتنا...شاهدت ما هالها في احد المواقف
فوصفت حالها بانها كانت متعجبتا

وانا مثلها اصابني العجب وادار راسي

فحال الناس بالداخل يغني عن السؤال ووصفهم يصعب علي العدو الما صليح
اب عين قوية فيهم..اصبح يسأل الناس الحافا..ولا يجيبوه..لانهم فايتينوا بالسترة
واصبح ردهم الراتب...الله يدينا ويديك يا ود اعمي...نحن والله زيك واحد..بس فايتنك بالصبر
ومن يتعفف منهم يلتحف اليقين والتقوي..ولسانه ان يا رب فرجك

Quote: عيييك يا ود الأمام، و الحالة دي بتكره السياسة؟

ههههههههه

عمر العمر يا عزيزي. .علك عوافي
كتر خيرك علي حسن الظن

كتر الحزن يا اخي يعلم البكاء

عارف عندي قناعة تامة انو التعاطي في السياسة
في عالمنا التالت دا ..ولا العاشر ما بعرفو

زي الشافع الشليق اللابس جبة أخو الكبير
اي هي حا تستر عورتو واي حاجة
بس قطع شك حا تحمي المشي..وتعتر لي
ترمي علي قدومو..تلحق سنيناتو البتقوت بيهم امات طه

ثم ثانيا مالك علي يأخ
السياسة دي رقيصا ..ماعندي ليهو لا رقبة لاشعر ولا....

وبعد دا كلووووو ليتني أنجو

Quote: ود عثمان يا اخوي كيف حالك..وإن شاء الله طيب ات يا اخوي جادي ولا بتهظر رغم اني مكجن السياسة زي العمي وما بخود فيها ضمة بس كلمتك دي طلعتني من مداري..فلك العذر حتي ترضي در شنو يا اخوي كمان..الانت جاي تقول عليه علي اليمين الحكومة دي اشطر حلاب ما يطلع منها ربع رطل لبن...ولا جردقة كمان زي البوو.. بتعرف البووو...وعلي احسن الاحوال كالبقرة بسن اليأس جف ضرعها ونحل جسدها وفت عضدها وهلكت مروتها فلا ثمر يجني منها ولا امل يرتجي....جلدا دا كان امر الله نفد..الشمس ما تاكلو ˆ

كلنا مابندور النضمي في السياسه اخ اسامه
بس مره مره الواحد بلقي نفسو مجبور يتداخل
غصبا عنه خاصة علي اولئك الذين يسمون انفسهم معارضة ومتخصصون في
تشويه صورة الحكومات والانظمة ومحاولة دفع الناس للخروج ضدها

فما عاد المواطن ولا الطالب السوداني ذاك الساذج الذي
تحركة بعض اكاذيب وجمل مجتراه ليخرج متظاهرا وعن قناعة

لسوء حظ المعارضه ولحسن حظ هذه الحكومه ان كل من هب ودب
يحمل في جيبة محطة اقمار صناعية متنقلة
ايام نميري كان طلبة جامعة الخرطوم يدخلو ا لثانويات بي عجلات
يفكو ليهم كضبة كضبتين وكم اشاعه شويه وتلقي المظاهرات ملات الشوارع

وفي الفتره الاخيره كثر كضب المعارضه واشباه الاحزاب وكثرت اشاعاتهم
وجمل ومفردات اصبحت مقروءه سلفا في الشارع

بينما الحكومه تعمل في صمت حتي دون عناء الرد

والبتقولو عليهم كيزان وحراميه كافوري وووووو ديل ياهوم الجابو لينا
اللبن والتمر والناس اكلت وشبعت بعدما كانو بموتو جوع ومرض

يلا تعال واضحك وقول الزول ده يااهبل ياغبي يالاتنين معا

Quote: مصداقية الحكومه بموافقها الثابته وادارتها لازمات البلاد ولكل شارده ووارده وبكل مصداقيه وشفافيه

عندي احساس إنه صاحب البوست في النهاية حيقول لينا كانت معاكم الكاميرا الخفية

لطفا بالعباد وباهل السودان الاتقياء قد امد الله في عمر هذه الحكومه
ونسال الله ان يمد في عمرها وفي عمر قائد مسيرتها

وان يخزي المخزلون والمتربصون

Quote: عندي احساس إنه صاحب البوست في النهاية حيقول لينا كانت معاكم الكاميرا الخفية

فعلا قبل الانقاذ حياتنا كلها كانت عبارة عن كاميرا خفيه

ماكانت تعرضه القنوات العربية والدولية عن السودان انذاك الناس كان بتضحك علينا
وكنا مسخره وملطشة بين الامم الي ان جاءت الانقاذ

ودي النقطه الانتو عاوزين ترجعونا ليها تاني

لكن بي وين

Quote: والبتقولو عليهم كيزان وحراميه كافوري وووووو ديل ياهوم الجابو لينا اللبن والتمر والناس اكلت وشبعت بعدما كانو بموتو جوع ومرض

يقول الله تعالى [ وَلاَ تَرْكَنُواْ إِلَى الَّذِينَ ظَلَمُواْ فَتَمَسَّكُمُ النَّارُ وَمَا لَكُم مِّن دُونِ اللّهِ مِنْ أَوْلِيَاء ثُمَّ لاَ تُنصَرُونَ ]

يُروى عن الامام الإمام أحمد بن حنبل، حينما كان مسجوناً في محنة "خلق القرآن" سأله السجان عن الأحاديث التي وردت في أعوان الظلمة، فقال له: الأحاديث صحيحة، فقال له: هل أنا من أعوان الظلمة؟ فقال له: لا، لست من أعوان الظلمة، إنما أعوان الظلمة من يخيطوا لك ثوبك، من يطهو لك طعامك، من يساعدك في كذا، أما أنت فمن الظلمة أنفسهم!

وروي أيضا انه جاء خياطٌ إلى سفيان الثوري فقال: إني رجل أخيط ثياب السلطان (وكان السلطان ظالما)، هل أنا من أعوان الظلمة ؟ فقال سفيان: بل أنت من الظلمة أنفسهم، ولكن أعوان الظلمة من يبيع منك الإبرة والخيوط ..!!

ويقول شيخ الإسلام ابن تيمية { وقد قال غير واحد من السلف، أعوان الظلمة من أعانهم ولو أنهم لاق لهم دواة أو برى لهم قلما ومنهم من كان يقول بل من يغسل ثيابهم من أعوانهم وأعوانهم هم من أزواجهم المذكورين فى الآية فان المعين على البر والتقوى من أهل ذلك والمعين على الاثم والعدوان من أهل ذلك قال تعالى "من يشفع شفاعة حسنة يكن له نصيب منها ومن يشفع شفاعة سيئة يكن له كفل منها" والشافع الذى يعين غيره فيصير معه شفعا بعد ان كان وترا ولهذا فسرت "الشفاعة الحسنة" باعانة المؤمنين على الجهاد و "الشفاعة السيئة" باعانة الكفار على قتال المؤمنين كما ذكر ذلك ابن جرير وابو سليمان }
تخيلوا حتى لوكنت تقدم القلم للظالم ليكتب به، فأنت من أعوان الظلمة!
الحديث هنا ليس عن الظَلَمَة، بل عن أعوان الظلمة، و الذين لا يقل اثمهم أو عذابهم عن الظلمة، لأنهم لولاهم لما تمكن الظلمة عبر التاريخ من فعل الفظائع. نحن نتذكر دائما الظلمة ، ولكننا ننسى أعوانهم، الجنود المجهولون لحروب الشر ضد الخير، فالأنسان مسؤل أمام الله عن كل ما يفعل، عن كل صغيرة وكبيرة، ولا يقال أن الظالم أمرني بفعل كذا ففعلته، كأن يقول أن الظالم أمرني بقتل فلان أو اغتصاب أمواله ففعلته عبدا مأمورا، لا يقال ذلك. لأن نفسك ومالك ليست أهم من نفس ومال المظلوم. فأن هددك الظالم، فقل له افعل ما شئت فوالله لا أخطئ في حق انسان لأجلك ابدا. وهذه كلها حالات واضحة، ولكن هنالك حالات قد نبرر فيها نحن البسطاء اعانة الظالم بحجة ان تلك الاعانة ما كانت لتُقدم أو تُؤخر. تأمل معي في حديث الربا حيث يقول النبي صلى الله عليه وسلم " لعن الله آكل الربا ومؤكله وشاهديه وكاتبه ". (رواه أحمد، وأبو داود، والترمذي وصححه، والنسائي، وابن ماجة). إذا فكل من يساهم في الربا من قريب أو بعيد ملعون، فما بالك بمن يساهم في الظلم، والظلم أشد وأدهى وأمر.
لذلك فإن ابسط الأمور التي نفعلها للظالم ستكون في ميزان سيئاتنا، حتى ابتسامتنا في وجهه والسكوت على ظلمه. فلا تَخَفْ مِن قول الحق أبدا، فهما علا الظالم وتجبر فالله أعظم منه. منقول و تحياتي اخي عمر عثمان و أسأل الله الهداية لي و لك و لكل المسلمين

لم تقل الا الحق اخي عمر

لله درهم هؤلاء الابطال الذين لم تلن عزيمتهم ولم تضعف شكيمتهم


رغم الحصار الجائر من عشرات السنين تسير الدولة من نجاح الى اخر

متوكلين على الله في كل خطوة قائمين الليل تلاوة وتجويدا لكتاب الله

يعمرون مساجد الله بالصلوات المفروضة والنوافل

الا انهم اولياء الله الذين ذكرهم في محكم تنزيله

( أَلا إِنَّ أَوْلِيَاءَ اللَّهِ لا خَوْفٌ عَلَيْهِمْ وَلا هُمْ يَحْزَنُونَ*الَّذِينَ آمَنُوا وَكَانُوا يَتَّقُونَ ( صدق الله العظيم )

ههههههههههه

قلت لي زمان كانت الدول بضحكو علينا .. قرقرقرقرقر يا عملات بشاشا

كنا مالنا قالوا

يا ترى كانو بضحكو على رئيسنا الملاحق دولياً وقصص هروبو من بعض الدول

تتناولها نشرات الاخبار وللا بحكو عن جنيهنا الأنهار وبقى ما عندو تمن

وللا على سد مروي الماسورة والجابو ليهو القروض الربوية وعملوهو وقالو الكهربا تاني

بعد نكتفي منها نصدرها لدول الجوار .. ههههههههههه

والعجب كمان حال الطلاب طلاب العلم وامل المستقبل

يقرو من حر مال فقرهم ولو احتجو على النقائص الكثيرة حولهم

يجابهون بالرصاص وبالقتل .. يا للانجاز في زمنكم يا عمر زمن الإنقاذ

بالله رايك شنو في انجاز الطيار القصف هيبان وقتل خمسة أطفال بينهم ثلاث اخوة

اكيد حا تطالبو الحكومة بمنحه نجمة الإنجاز أصلا القتل عندكم نوع من الإنجاز

ورائحة الدماء البريئة هي أروع العطور التي تحبونها

سبحان الله فله في خلقه شؤون غريبة

نعم المصداقية يا جنابو عمر نعم المصداقية

اصلو الحكاية بقت زي ما قال جداً لينا

الصح راح والحديث بقى مقولب

Quote: والله ثقل عليّ أتهام من لا أعرف حقيقتهم بمرض الكذب والنفاق على خلق الله

اخونا الحكيم محمد الملك

لا اثقل الله عليك في قولة حق ان كنت صادقا

ان كنت تريد اتهام عامة الشعب السوداني وترمه بالكذب والنفاق
فهذا والله عين الظلم والاثقال

ده راي كل الشعب في هذه الحكومه
وماتفتكر الكم واحد البكتبو في الاسافير ديل ياهم كلهم الشعب السوداني

لو حتلمو ليكم كم مراهق وتحكو ليهو كلامكم في معارضة هذه الحكومه
الماجايب همو ده يمكن يصدق

لكن اسال اولئك الذين اكتوو بنيران الحكومات التي مرت علي السودان ومنذ
استقلاله حتي اليوم والحمدلله في ناس عايشه منذ ان رفع علم الاستقلال للبلاد
وحتي اليوم امد الله في عمرهم
امشي اسال ليك واحد فيهم
الناس مايهمها يحكمها كوز يحكمها انصاري ولاشيوعي ولا جن ازرق
طالما هنالك رجالا مخلصين يعملون لمصلحة البلد ورفعته ومصلحة المواطن
ورفاهيته فعلينا ان نشد علي ايديهم غير عابئين ومحاسبينهم بالانهات التي تحدث
هنا وهناك لنمضي بهم ومعهم قدما

ولو جلسنا ارضا لنحاسب حكومة ثورة الانقاذ منذ انطلاقتها وحتي اليوم
فمن الاجحاف ان نردد ولو بعضا مما ترمونها به

قد ولي زمان الادلجة ياصاحبي

الاخ الوليد السلام عليكم

شايف كلامك كلو عن ظلم الحاكم لرعيته ولمن يعينه علي هذا الظلم

لكن ابشرك ياللخو بانو الشعب السوداني ياما انظلم كتير

انظلم لمن كان الناس تنوم في الشوارع حارسة كم رغيفه
والانصار يمشو بيت الصادق البقي زي المطعم الكبير وبكاسي الرغيف
تشيل وتفرغ

انظلم لمن الناس بتكوس لي كيلو عدس وناس الاحزاب يشيلو ويضبحو
في الخرفان في الصيوانات النصبوها لمريديهم

انظلم لما الناس تسمع باخرة بترول في طريقها الي ميناء بورتسودان
تنوم في صفوف الطرمبات بالتلاته والاربعه يوم

انظلم لما كان الكارو هو وسيلة المواصلات الوحيده انذاك ان كان لي
مستشفي ولا مدرسة ولا مطار

انظلم لما المستشفيات مليئه بالمرضي والزول يموت قدام عيون الدكاتره
وهم ماقادرين يلحقوهو بي حقنة بنسلين

انظلم لما سكان العاصمة كانو بيمشو يملو جرادلوم من النيل عشان يشربو
موية الله دي والكهربا بالاسبوع والاسبوعين

ده غير اولادنا الكانو بيموتو في جبهات القتال نتيجة اهمال
المسئولين في القصر وانشغالهم بسفاسف الامور

الناس كان بترفع ايديها تشكي وتحتسب لي الله وتسكت

لو قعدته احكي ليك عن الظلم الذي لحق بالشعب السوداني
حافضل اكتب لي بكره

جايي اليوم تحدثني عن ظلم الحاكم؟؟؟

فنحن بخير اخي الكريم وفي نعمة يحسدنا عليها الكثيرون

اقلاها في دولة وفي ناس بتسمع ليك ولي مشاكلك وتسعي لحلحتها

فمن لايعلم ليكن معلوم لديه

ان ثورة الانقاذ وقائد الامه ا دامه الله قد اصبحا من الخطوط الحمر
التي سيدافع عنها الشعب بكلما هو غالي ونفيس

لن نفرط في رجل يخاف الله في شعبه ويسهر علي
عزته ونصرته وكرامته

وشغل المشاطات الفطير بتاع الشيوعيين ده الناس فترت منو
وبقو يتونسو بيهو قدام الدكاكين وفي الحارات تحت الشدر

طيب زي شغلك دا يسمو شنو

قال مشاطات قال

على الاقل المشاطات شريفات عكسكم انتو

Quote: اللون السياسى: لايوجد وان كان لابد فانقاذي

الزول ده ما مؤاخذ وقوله لا يعتبر جريمة طالما انه بيعتقد ان الانقاذ لون سياسي ..

لن نفرط في رجل يخاف الله في شعبه ويسهر علي
عزته ونصرته وكرامته
...

أنفلونزا الآنقاذ...

Quote: شايف كلامك كلو عن ظلم الحاكم لرعيته ولمن يعينه علي هذا الظلم لكن ابشرك ياللخو بانو الشعب السوداني ياما انظلم كتير

لا اعتقد ان ظلم الحكام السابقين - كما تقول - هو مبرر لك لتكون من الظلمة او أعوانهم أو أشياعهم و كما تعلم فإن الحساب في الآخرة فردي و كما يقول أهلنا كلو شاةً معلقة من عصبتا.
ما نقلته عن الظلم ليس كلامي و انما كلام علماء الأمة الذين ثبتوا في وجه الظلم و أتبعوا أقوالهم بأفعالهم و لك أن تأخذ بأقوالهم أو لا تأخذ بها.
ختاماً و كما تعلم يحشر المرء مع من أحب فأرجو ألا يكون حبك للقتلة و دفاعك عنهم مدعاة لحشرك معهم و مساءلتك عن كل هذه الدماء التي أريقت.
و لك كل الاحترام و أسأل الله الهداية لي و لك و لكل المسلمين.

سبحانك الله الوليه المنكوشه دي
اصلن ما تقول خير

Quote: انظلم لما الناس تسمع باخرة بترول في طريقها الي ميناء بورتسودان تنوم في صفوف الطرمبات بالتلاته والاربعه يوم انظلم لما كان الكارو هو وسيلة المواصلات الوحيده انذاك ان كان لي مستشفي ولا مدرسة ولا مطار انظلم لما المستشفيات مليئه بالمرضي والزول يموت قدام عيون الدكاتره وهم ماقادرين يلحقوهو بي حقنة بنسلين انظلم لما سكان العاصمة كانو بيمشو يملو جرادلوم من النيل عشان يشربو موية الله دي والكهربا بالاسبوع والاسبوعين ده غير اولادنا الكانو بيموتو في جبهات القتال نتيجة اهمال المسئولين في القصر وانشغالهم بسفاسف الامور الناس كان بترفع ايديها تشكي وتحتسب لي الله وتسكت لو قعدته احكي ليك عن الظلم الذي لحق بالشعب السوداني حافضل اكتب لي بكره جايي اليوم تحدثني عن ظلم الحاكم؟؟؟

الكلام دا قبل الاتقاذ ولا في زمن الانقاذ .....

إنّ المنافقين فى الدرك الأسفل من النار

وَإِذَا قِيلَ لَهُمْ لاَ تُفْسِدُواْ فِي الأَرْضِ قَالُواْ إِنَّمَا نَحْنُ مُصْلِحُونَ (11) أَلا إِنَّهُمْ هُمُ الْمُفْسِدُونَ وَلَـكِن لاَّ يَشْعُرُونَ (12) وَإِذَا قِيلَ لَهُمْ آمِنُواْ كَمَا آمَنَ النَّاسُ قَالُواْ أَنُؤْمِنُ كَمَا آمَنَ السُّفَهَاء أَلا إِنَّهُمْ هُمُ السُّفَهَاء وَلَـكِن لاَّ يَعْلَمُونَ (13)

ده كلام

بالله شايف الناس بتشرد من البلد
والدولار والريال كلو يوم في زيادة
اختشي يا عبد الوهاب ياخي

Quote: سبحانك الله الوليه المنكوشه دي اصلن ما تقول خير

اخونا عمر بتبالغ يا اخ

دي تسريحة اسمها ( تحرمني منك )

مع الود

فعلا كاميرا خفية
يفرحون لمجرد سفر رئيسهم وعودته سالما
يطاردون ويتعقلون ويبطشون ويسحلون الطلاب صغار السن فقط لأنهم بدون تعليم وصحة ولا أمن وخوف وجوع
ماذا تبقى لكم حتى تتباهون ؟
ياللبؤس
الشفيع

Quote: لله درهم هؤلاء الابطال الذين لم تلن عزيمتهم ولم تضعف شكيمتهم رغم الحصار الجائر من عشرات السنين تسير الدولة من نجاح الى اخر

تشكر اخي ودالباوقه

هنالك من يريدون لهذا الحصار ان يستمر ويستمر
لكنهم كلما حفرو حفره نلاقي الحكومه اعزها الله
قد اقامت صرحا اغاظتهم به وشرفت به كل اهل السودان

Quote: لله درهم هؤلاء الابطال الذين لم تلن عزيمتهم ولم تضعف شكيمتهم رغم الحصار الجائر من عشرات السنين تسير الدولة من نجاح الى اخر

تشكر اخي ودالباوقه

هنالك من يريدون لهذا الحصار ان يستمر ويستمر
لكنهم كلما حفرو حفره نلاقي الحكومه اعزها الله
قد اقامت صرحا اغاظتهم به وشرفت به كل اهل السودان

Quote: فنحن بخير اخي الكريم وفي نعمة يحسدنا عليها الكثيرون

اللخو عمر .. انت مقيم في السعودية .. اموقعك يدل على كدة

Quote: اموقعك يدل على كدة

نعم مقيم في السعوديه

بس الجمله دي مافهمتها

والصابرين في البأساء والضراء وحين البأس

اكثر من ربع قرن مضت وقد تحمل ماتحمل الشعب السوداني الابي
سنينا عجاف وطويله حتي وصل الي ماوصل اليه اليوم

سائرين علي درب النضال والتحدي والنماء جنبا الي جنب مع ثورته المباركه
وقائدها الهمام ود البلد الكلس والذي ومن حينها قد قبل التحدي وشمر عن سواعده
مؤديا القسم امام ا لله وامام شعبه بالتفاني والاخلاص لرفعه هذا الوطن وانقاذه مما
هو فيه وقد كان


اريد لهذا الوطن ان يجوع اهله وان تدمر موارده وان يحاصر وان تستلب ارادته وهويته
مستخدمين كل وسائل الترهيب والتركيع والزله

فتكسرت كل محاولاتهم البائسه واليائسه امام رجال اقوياء وحكماء

اوا بعد كل هذه الانجازات التي نشاهدها اليوم مراي العين تريدون لهذا الشعب
ان يتخلي عن ثورته وعن قائدها؟؟
اوا بعد كل هذه الثورات التي اطلقتها الانقاذ وفي كل المجالات ان كانت
تعليميه وخدميه وصحيه واتصالات وطرق وسدود وكنوز ارضيه فجرتها
تريدون لهذا الشعب ان يتخلي او حتي يخرج لاسقاطها؟؟؟

اسع انت طيب المقعدك شنو في السعودية ربما تحت سيطرة كفيل اصغر من اولادك ما دام دولة المن و العسل قائمة في ارض السودان
امرك غريب

اوا تريدون ان يقوم البشير وبعد هذه المسيرة القاصده و المباركه بالتنازل وتسليم البلاد
لمن لايصونون وعودهم والمحافظة علي ماتم انجازه واعادة البلاد لمربعها الاول والي ماكانت عليه؟؟

Quote: اسع انت طيب المقعدك شنو في السعودية ربما تحت سيطرة كفيل اصغر من اولادك ما دام دولة المن و العسل قائمة في ارض السودان امرك غريب

اسطوانة المقعدك بره البلد مادام هي عاجباك دي بقت ماجايبه همها

فرق بين اكون مغترب واهلي هنالك يقتلون ويشردون ويجوعون
وبين انهم يكون امنين مطمئنين وامنين مطمئنين دي خت تحتها
مليون سطر

مصيبتكم بتنسو او بتحاولو تتناسو وتعزفون علي اوتار اقل مايقال
انها مسيسه و خبيثه
لكن ذاكرة الشعب قوية ومابتنسي ياللخو

مابتنسي براميل البلاستك الزرقاء الطائره التي كنا نحملها لهم
في حياء بابسط متطلبات الاعاشه اليوميه(عدس وماجي)؟؟

والباقي خليه علي الله عشان مافي داعي للفضائح ووجع المصارين

هسع البلد وين؟؟؟

نحنه بحمد الله عدينا خلاص ياللخو ومرقنا بي غادي وماشين في امان الله

Quote: فرق بين اكون مغترب واهلي هنالك يقتلون ويشردون ويجوعون وبين انهم يكون امنين مطمئنين وامنين مطمئنين دي خت تحتها مليون سطر

طيب الاهلو واسرتو غير امنين وفي المناطق البترجمو فيها بالطيران

ديل رايك شنو فيهم؟؟ وللا ديل ما محسوبين سودانيين وللا ما محسوبين من الناس زاتو

Quote: مصيبتكم بتنسو او بتحاولو تتناسو وتعزفون علي اوتار اقل مايقال انها مسيسه و خبيثه لكن ذاكرة الشعب قوية ومابتنسي ياللخو

سامحنا يا سيدي نسينا العهود الفاتت زمااان ديك قبل 26 سنة

لكن ما ملاحظ انو انت نسيت جبال النوبة ودارفور وجنوب النيل الأزرق

واشرت للامان البتوفرو ليك الحكومة كأنو أهالي المناطق دي خارج نطاق السودان

مصيبتكم يا الانقاذيين بتعاينو تحت رجليكم بس وافقكم اضيق من قد الابرة

Quote: مابتنسي براميل البلاستك الزرقاء الطائره التي كنا نحملها لهم في حياء بابسط متطلبات الاعاشه اليوميه(عدس وماجي)؟؟

ونحنا ما حننسيى البراميل المتفجرة التي تلقى على القرى والفرقان وتخلف عشرات الضحايا

لن ننسى منظر أطفال هيبان واشلائهم البريئة مشتتة في كل مكان

لن ننسيى شهداء كجبار وبورتسودان وسبتمبر كل شهداء الحركة الطلابية

لن ننسى شهداء رمضان ولن ننسى الذل والهوان الذي نعيشه الان

وسيحاسب عليه رئيسك الراقص هذا اشد الحساب ولا تظن ان هذا اليوم بعيد

شكراً دكتور اسامة الامام على الوصف البليغ دا

Quote: علي اليمين الحكومة دي اشطر حلاب ما يطلع منها ربع رطل لبن...ولا جردقة كمان زي البوو.. بتعرف البووو...وعلي احسن الاحوال كالبقرة بسن اليأس جف ضرعها ونحل جسدها وفت عضدها وهلكت مروتها فلا ثمر يجني منها ولا امل يرتجي....جلدا دا كان امر الله نفد..الشمس ما تاكلو

فعلاً دا حال الجيفة الحاكمة البلد الهاملة دي
و شوف نوعية الطبالين و احكم

غايتو يا عمر عبوب البسمع كلامك دا يقول هسي قاعد في كافوري قدام عمك البشكير
لو عاجبك الحال جاي السعودية دي كفيل ما تمشي تقعد مع الفطيسة دا كلو يوم قلبو مقطوع
هارب من بلد.
واضح انو البوست دا تمنو شوال رز و كم فرخة وصفيحة زيت
غايتو يوم الكبسة دي بتفقعك .. ثم اذيك يا همبول :)

Quote: سامحنا يا سيدي نسينا العهود الفاتت زمااان ديك قبل 26 سنة لكن ما ملاحظ انو انت نسيت جبال النوبة ودارفور وجنوب النيل الأزرق واشرت للامان البتوفرو ليك الحكومة كأنو أهالي المناطق دي خارج نطاق السودان مصيبتكم يا الانقاذيين بتعاينو تحت رجليكم بس وافقكم اضيق من قد الابرة

مرحبا اخ هيثم

جبال النوبه ودارفور اصبح القاصي والداني يعلم تفاصيلها وتفاصيل
قادة مليشياتها واجندتهم ودي مامشكله الليله ولا امبارح

واكيد مشكله دارفور تهم كل مواطن سوداني من اقصاه الي اقصاه
ويؤلمنا مايحدث هناك رغم تهويل الصوره ومحاولة البعض استغلال
حالة اللا استقرار المفتعله وبرغم محاولات الحكومه المكثفه في
احتواء الموقف بضخ الاموال واعادة تشييد البني التحتيه واعادة المهجرين
ومحاولة ارضاء العصابات المسلحة والذين يقومون بترويع اهاليهم وتهديدهم
ومنعهم من العودة الي قراهم وابقائهم في المعسكرات لتأليب المجتمع الدولي
ضد الدوله

Quote: غايتو يا عمر عبوب البسمع كلامك دا يقول هسي قاعد في كافوري قدام عمك البشكير ‡

مرحبا اخونا خ ط

خط كافوري ده هرد مصارينكم ولحقكم اومات طه

البلد كلها بقت كافوري ياللخو
وعاصمه بقت نشوف فيها ملامح عاصمه بعدما كانت
خرابه
والناس خلت رقاد الحيشان وسكنت الشقق الفاخره
وكل بيت فيهو المكيفات الاسبلت لامن كملو الكهربا
وقبلو علي الحكومه

وبقو ينومو داخل الغرف المكندشه حيرو البعوض والنجمتي وقطعو عيش الحراميه
بقو يتلبو يلقطو السفنجات ولعب الاطفال المجدعه في الحيشان

وانتو لسع ماسكين لي في كافوري

بالامس احد الكاريكارست بسودانيز اسمو باقر علي مايبدو
جير شخابيتو بان البشير قد قام بتصدير مبلغ تسعه مليار
جنيه استرليني في حساباته الخارجيه

تسعه مليار جنيه استرليني ما خمسه ولا عشره مليون دولار

عليكم الله هسع ان تلب حرامي في السودان ده ماشي يلقالو
مبلغ شبيه لي ده بالجنيه؟؟؟

مجمل المبالغ التي ادعت المعارضه بان الرئيس ورجالاته
قد قامو بادخالها في حساباتهم الخارجيه لو جمعنا نصفها لكان السودان
من اغني ا لدول في المنطقه بل اغني من امريكا نفسها