الي مودعاتي المنبر (( يجده غادر ))

07:50 AM May, 07 2016 سودانيز اون لاين
فرح الطاهر ابو روضة-...................
مكتبتى
رابط مختصرلو مشيت المرة دي وكنت صادق وما يبقى كلام ليل ساي وانت طالع بي الرجل البتختارة تاكد قاعد ولا ماشي انا ما عندي خلاف معاك ولا اتفاق ولا خاتيك في راسي وبتقول في شنو على اليمين ما عارف المرة الفاتت لما قطعنا ليك مداخلة لانك دخلت في الما بشيلك مليت المنبر بكاء وما خليت بوست ما قلت فيه ابو روضة قطع مداخلتي مع انك عارف انا قطعت مداخلتك ليه ووضحت ليك السبب تنازل منى ساكت الان وانت ماشي طبعاانا اصلا ما جاني خاطر يوم اني اشارك في بوست من بوستاتك مع اني عارف انك مستنير واحبابك بدلعوك بي بكور وغيروو ممكن ياخ العيب فيني انا ما قادر استوعب انك تهبب في شنو او الزقاقات البتدخل وتمرق بيها ما بتستهويني يبقى ياخ فكنا منك ومن انك تجيب سيرتنا يا زول اقسم ليك بجلال الله لو ما في صديق امس قال لي الزول ده كتب في بوست وداعه ما كتب تكون مشيت ولا قعدت او قلت ابو روضة او ابو نيلة وانا ما عندي علم والمفروض طبعا الكلام ده ينزل كمداخلة ليك في البوست لو كان البوست كاتبه زول غيرك وانا والله ما عندي اي رغبة اتواجد في اي بوست من بوستاتك ولا ارغب في مشاركتك راي اطلاقا فلما يتصلوا عليك كم تلفون والجودية تحصل كما تقول كل مرة رجاء ابدا المرحلة القادمة وانت شايل من حساباتك زول اسمه ابو روضة ويا ريت ياخ تخلي عندك خفة دم زي ما بقولو انك زول دمك خفيف وكده

دا رش تقيل والله لامن حنيت على صاحبي المستنير :)
لكن يا ابوروضة ياخي لا يستقيم انّك تقول ما شغّال بالزول و في نفس الوقت تفتح ليه بوست راسه عديل
ما شغّال بي زول او متجاهله معناها تتجاهله تماما كأنه غير موجود أساسا

أها يا ود البشرى بطلاق على ما شغال به عشان تصدق
وهسي لا زعلان منه لا رضيان على
ولا مختلف معاهو ولا متفق
وانا فقط قصدت انو أوضح ليه عشان لما يجي يبدأ المرحلة الجديدة
استعداعا لبوست مغادرة آخر
يبدأ معانا من البوست ده لأ أكثر
وهسي لو جاء داخل هنا بقطع مشاركته لانو ده بوست توضيح لا عتاب ولا أخذ ورد
شفت كيف

تنبيه
هذا البوست للتوضيح ليس للرأي والرأي الآخر سبتم حذف أي مداخلة من العضو المذكور دون الاطلاع عليها
تم تعديل عنوان البوست للاختصار والتجويد