Post: #1
Title: استشهاد جندي بعد إصابته بملتوف في مظاهرات الخميس
Author: محمد المسلمي
Date: 05-05-2016, 02:44 PM
02:44 PM May, 05 2016 سودانيز اون لاين
محمد المسلمي-
مكتبتى
رابط مختصر استشهد جندي امس بعد إصابته يوم الخميس في مظاهرات جامعة الخرطوم
وهو يتبع لقوات الشرطة نسال الله له الرحمة والمغفرة وان يصبر اهله وذويه
المصدر صحف اليوم
|
Post: #2
Title: Re: استشهاد جندي بعد إصابته بملتوف في مظاهرات
Author: AL-Qassim
Date: 05-05-2016, 02:47 PM
Parent: #1
ربنا يرحمه و يغفر ليهو
لكين كلمهم خليهم يطلعوا مظاهرات يحتجوا على القتل
|
Post: #3
Title: Re: استشهاد جندي بعد إصابته بملتوف في مظاهرات
Author: sadig mirghani
Date: 05-05-2016, 03:21 PM
Parent: #1
ربنا يرحمه ويغفر اليه
مسكين هو كان مالو ومال المظاهرات
|
Post: #4
Title: Re: استشهاد جندي بعد إصابته بملتوف في مظاهرات
Author: محمد المسلمي
Date: 05-05-2016, 03:51 PM
Parent: #3
الاستاذ sadig mirghani سلام كان يودي عمله
ونسال الله له الرحمة المغفرة
|
Post: #5
Title: Re: استشهاد جندي بعد إصابته بملتوف في مظاهرات
Author: علي عبدالوهاب عثمان
Date: 05-05-2016, 04:16 PM
Parent: #4
اللهم أغفر له وارحمه .. والصبر لأهله وذويه ..
|
Post: #6
Title: Re: استشهاد جندي بعد إصابته بملتوف في مظاهرات
Author: صديق مهدى على
Date: 05-05-2016, 04:22 PM
Parent: #5
اكيد نيران صديقة هههههها
|
Post: #7
Title: Re: استشهاد جندي بعد إصابته بملتوف في مظاهرات
Author: sadig mirghani
Date: 05-05-2016, 05:14 PM
Parent: #1
استاذ المسلمي
معقول الجندي شهيد ومحمد الصادق شهيد
طيب كيف دي
المشي للتاني منو
الشايل سلاح منو
الماشي يطبق شرع الله منو
الشغال بمرتب منو
والمرق من ضميروا منو
سيد الوجعه منو
والمدفوع الاجر منو
انا بتمني من الله انوا يتقبلوا وماعندي معاهو ادني ضغينة
انا كلامي في البحرشو والمدسي وراهو
صدقني الشغلة نجضت
باقي ايام
تذكر الثورة الفرنسية
تم ذبح اكثر من ٥٠٠٠ من النبلاء في محاكم الثورة
انتوا استنوا ثروة الجياع
دي مابترحم
اذا كان القافلة زمن عمر بن الخطاب في عام الرمادة
جات محملة بالدقيق والسمن والعسل وعندما وردت المدينة
وجائوا بها لعمر قال والله لا آكل حتى يشبع المسلمون
والليلة الكهربة بتقطع عنالبشير ولا الوزراء اللي ربنا استأمنهم
علي ٣٠ مليون مواطن، لو عثرت بغلة في العراق
اولاد في عمر الزهور طلعوا يقولوا لا لي بيع الجامعه ضربتوهم بمبان
اكتر من ١٥٠ بوكس ودفار تأمين عشان شنو.صرف القروش في شنو
خايفين من منو.
وين الايادي المتوضئة
ماتفتكر نفسك احسن منهم
لو عندك نخوة لو كان محمد الصادق ولدك اكان غيرت رايك
وفي ناس كتار كانوا مع الانقاذ ومع اول ملف اختلفوا معاهم
في ثوابت مابتتغير في السودان،وين المروة كتلتوها في الرجال
عشان تحكموا وبي شرع منو دا ماشرع الله،دا شرع ابليس
الليلة الكهربا بتقطع ١٢ ساعة في اليوم ١٩٨٩ ماكان كدا انتوا جيتوا
وخربتوا البلد وشردتوا ناسها وكتلتوهم ودخلتوا الناس الجامع وخشيتوا السوق
وبي قدرة قادر بقي علي كرتي اكبر مورد سيخ واسمنت في السوق!!!
بعد ماكان دباب ماعندو حق السفة بقي راسمالي وكمان ليهو تاربخ
والمتعافي بقي من علية القوم.
وعبدالله البشير بقي بلعب بي اقدار الناس وكلاموا ماشي في الكبير والصغير
ونافع القذر بقي بتكلم في السياسة.
وعبدالرحيم بقي وزير دفاع وتجي تقول لي حكم ياخ انتوا عملتونا مسخرة
ووطيتوا راسنا وكمان باسم الدين.
لكن ليكم يوم يوم لاينفع مال ولا بنون الا من اتي الله بقلب سليم
هناك امشوا كضبوا ، انتوا فاكرين صلاتكم وحجكم دا بنفعكم يوم الدين
حق الناس وين تروحوا منو.
الساكت عن الحق شيطان اخرس
|
|